http://www.ladaat.info/showgil.aspx?par ... 9&gil=2361דער וואך איז כ“ק האדמו“ר מזוועהיל – ארה“ב מרן
ר‘ שלמה ב“ר מרדכי זצוק“ל עלה למרום. ער איז געווען
פון די אריות וואס האבן געהאט א שייכות מיט‘ן רב
זצוק“ל און ער האט אפגעראכטען כמה ביקורים ביים
רב אין שטוב. דא ברענגען מיר א חלק פון א שמועס
וואס ער האט געהאט ביי א באזוך אין מאנטריאל
בשנת תשס“ז.
רב זצ“ל - איך בין געווען ביי אייער שווער [דער
קלויזענבערגער רבי - בעל השפע חיים זצוק“ל]
זייער נאנט. עס האט זיך געמאכט אז איך האב איהם
באדינט בשעת איך בין געווען 17-16 יאר אלט. דאס
איז געווען נאך פאר‘ן קריג ווען ער איז געווען אויף א
בורסיף [קור-ארט] אין רומניה ווי איך מאיזה סיבה
בין אויך געווען דארט. ער האט געדארפט טרינקען
ספעציעלע וואסער ווייל ער האט רח“ל געליטען אויפן
גארגעל, אין איך האב זיך דעמאלס אפגעגעבען מיט
איהם פאר כמעט 4 וואכן.
שפעטערדיגע יארן איז מיר אויסגעקומען צו זאגן
פארן רבי‘ן ווער איך בין, און דער רבי האט זיך דערמאנט
אויף מיר. דעמאלס איז דער רבי נאכנישט געווען אזא
מפורסם און עס האט אויסגעמאכט אז איך האב איהם
משמש געווען.
אין יענער צייט איז אויסגעקומען אז דער סאטמאר
רב [כ“ק בעל ה‘דברי יואל‘] זצוק“ל איז געקומען אויף
שבת פר‘ מטות-מסעי צו א דערנעבן‘דיגע שטאט
מיטן נאמען טארגא-מאראש. בין איך געפארן צו
איהם און געהערט זיין גרויסע דרשה וואס ער האט
געזאגט לכבוד די יארצייט פונ‘עם ישמח משה. ווען
איך בין צוריק געקומען האב איך איבערגעזאגט
פאר‘ן קלויזענבערגער רבי די גאנצע דרשה. בשכר זה
האט ער מיר איבערגעזאגט וואס ער האט גערעדט.
דעמאלס איז עס נאך געגאנגען אזוי.