אויסגערעכנט האט געשריבן:אומאפיציעל האט געשריבן:אנטשולדיגט פארן זיך אריינמישן, אבער דאסמאל בין איך אויף בוידעם'ס זייט. עס איז אנדערש ווען איינער זאגט אז דער פרעזידענט איז מער געפאר ווי א טעראריסט, וואס יעדער קען פארשטיין וואס דאס מיינט, אזוי ווי איך האב געהאלטן אז אבאמא איז מער געפאר פאר אמעריקא ווי די טעראריסטן. ער האלט אז טראמפ גייט חרוב לייגן אמעריקא, און אויף זיינע הענט גייען מיליאנען אימיגראנטן ליידן דאס גיהנם (נעבעך), דער פרעזידענט קען פאקטיש שאדן מאכן פאר אמעריקא און ספעציעל פאר פרעמדע אין אמעריקע מער ווי סיי וועלכער טעראריסט.
א באשולדיגונג אויף א פרעזידענט אז ער האט געגרינדעט די גרעסטע טעראר ארגאניזאציע אין די וועלט איז פיל מער א צודרייטע זאך, און פאדערט אן ערקלערונג אדער אנטשולדיגונג (קען זיין די ערקלערונג איז טאקע געקומען, איך ווייס נישט)
חוץ לזה, יא בוידעם! עס איז זייער א אויפריכטיגער ענטפער געווען פון דעם רעפארטער איר מער צו דערשרעקן (פארגעס נישט זי איז נישט געשטאנען בשעת מעשה, די וואס גיבן איבער די ענטפער קענען עס אביסל לייכטער מאכן), ווייל פאקטיש האלט דער קאנגרעסמאן אז וויפיל זי זאל נאר זיין דערשראקן ווייסט זי נישט וויפיל זי האט זיך נאך באמת צו שרעקן, און ער וויל טאקע אויפרודערן אזעלכע מיידלעך מיט עלטערן פון אזעלכע מיידלעך, אז די לאנד זאל זיך רודערן איבער די "שוידערליכע" מעשים פון דעם פרעזידענט.
ניין!! אבאמא איז נישט ערגער ווי א טעראריסט, אין קעיס דו ווייסט נישט, טעראריסטן הארגענען מענטשן, און אבאמא מאכט נאר אומבאקוועם פאר די מענטשהייט.
די זעלבע זאל גייט אן מיט טראמפ, ער מאכט באקוועם די וואס האבן פארלעצט די געזען פונעם לאנד, פאר אינפארסן די געזעץ (וואס קיינער פרעגט נישט אפ) ווערט מען נאך נישט קיין טעראריסט, און זיכער נישט ערגער ווי א טעראריסט, עס איז חוצפה צו אזוי זאגן, איך האלט אזוי אפילו ווען מען זאגט עס אויף אבאמא.
צו עס פארגלייכן מיט טראמפס סטעיטמענט איז גאר נעריש, און זיכער ווען ער האט זיך נאכדעם מסביר.
איך האב געמיינט אז איך שרייב גענוג קלאר
לאמיך טרייען נאך "איין" מאל
א פרעזידענט שטעלט אוועק פאליסיס, וואס די פאליסיס קענען צומאל ברענגען דאס טויט אויף הונדערטער אדער טויזנטער און אפילו מיליאנען מענטשן אין לאנד און אין אויסלאנד (א שטייגער ווי אבאמא'ס מחזק זיין די בלעק לייוו'ס מעטטער באוועגונג, וואס האט געפירט צו פילע שאדנ'ס און אויך לעבנ'ס פון פאליציאנטן. אדער לויט די דעמאקראטן, וועט א שטרענגע אימיגראציע אינפארסירונג פירן צו די טויט פון פילע אויסלענדישע נישט האבנדיג אינדערהיים קיין לעבנס מיטל וכדו', אדער רעפיודזשיס פון סיריע וואס מען וויל נישט אריינלאזן, וכדומה וכיוצ"ב. אדער א פאליסי פון לאזן האבן געווער אומבאגרעניצט, עי' ערך צווייטע אמענדמענט. א פאליסי צו פארקוקן כעמישע און נוקלעארע אויפבוי פון שעדליכע וועלט לענדער). די שאדנ'ס פון אזעלכע פאליסיס קען טיילמאל זיין גרעסער ווי די שאדנ'ס פון דעם גרעסטן טעראריסט. דאס מיינט אבער נישט אז דער פרעזידענט זעלבסט איז א טעראריסטן שטיצער, נאר אז דער מענטש אלץ פרעזידענט איז מער א געפאר פאר אמעריקא ווי א טעראריסט. ופשוט הוא.
פון דא ביז צו באשולדיגן א פרעזידענט, אז ער האט זעלבסט געגרינדעט א טעראר ארגאניזאציע איז פאלג מיר א גאנג. חוץ אויב דאס איז אויך נאר געווען טעארעטיש געזאגט, דהיינו אז "דורך זיינע דורכגעפאלענע פאליסיס האט זיך פון זיך אליינס געגרינדעט די טעראר ארגאניזאציע".