געדענקסט נאך האט געשריבן:א גוטן ערב פורים
ב"ה איך האב די זכי' צו יוצא זיין דעם חייב איניש שוין א שיינע פאר יאר מיט אלע מפרשים, דער אויבערשטער זאל העלפן ווייטער, אבער איך האב איין גרויסע פראבלעם דהיינו איך האב זייער זייער נישט ליב וויין ! מילד גערעדט, ממש איך עקל מיך פון וויין אין יעדע כוס איז מסירת נפש ממש אין פארשטייט זיך אז היות איך טרינק קיינמאל נישט קיין וויין חוץ פורים אין פסח די ד' כוסות מאכט עס שנעל די דזשאב אין נאך 5 6 כוסות איז פריילעך אין אלע עולומות, איז מיר בייגעפאלן אפשר קען איך מקיים זיין דעם עד דלא ידע מיט בראנפן, דאס קען איך יא פארנעמען ב"ה, איז דאס א פראבלעם להלכה אינעם חייב איניש, איז וויין מער הידור ? אין מאכט עס דעם זעלבן זשאב, מ'ווערט די זעלבע בגילופין און פריילעך ?
כבוד הרב!
אזוי ווי איך זעה זענט איר א מדקדק במצות, טא פארוואס זאלט איר נישט מדקדק זיין צו מאכען קידוש אויף וויין? ווען איר זאלט ווען זיך אביסעל צוגעוואוינט צו וויין וואלט איר דאך מקיים געווען מצות קידוש בהידור און די מצוה פון חייב איניש וואלט אייך אנגעקומען סאך גרינגער פורים. מיר זעהן דאך אז חז"ל זאגען אז פורים זאל מען טרינקען "יותר מהרגילו" אויב איז מען נישט רגיל ביין אגאנץ יאר ווי אזוי קען מען מקיים זיין יותר מהרגילו?
ווען מען טראכט אריין זעהט מען אז וויין איז די חשובסטע משקה, עס איז א זאך וואס איז נשתנה לעליוה און מען מאכט דערויף א צפעציעלע ברכה. וויין האט דאך און זיך אזויפיל מעלות די קאליר, די גרוך, די טעם, די געשמאקע נאכטעם און עס דערהייבט דעם מענטש צו העכערע ספערן. וויין גייט זייער גוט מיט א גוטע געשמאקע סעודה ווען מען עסט אביסעלע שווערע גרייכערטע פליישן און מען פארברענגט מיט די מסובין מיט שמחה און תורה, מען קען טרינקען און טרינקען און אפילו נישט שפירען אז מען טרינט וויין.
בראנפען איז בכלל נישט קיין געטראנק, עס ווערט באניצט צו נאס מאכען דען גארגעל נאך א געשמאקע דאווענען אדער נאכן עסען פיש אדער ווען מען וויל ווערן שיכור. טאמער איינער וויל ווערן שיכור איז אוודאי גרינגער דורך אריינרוקען אפאר גלעזלעך אלקעהאל אונעם גארגעל, ווייל וואס איז דען בראנפען? אסאך אלקעהאל מיט א צוגלייגטען טעם פון עפעס א פרוכט. רוב מענטשען וועלען נישט זאגען אז בראנפען האט א גוטען טעם בשעתן טרינקען זיי האבען נאר ליעב די אפעקט וואס דער בראנפען לאזט איבער. עס איז אבער נישט קיין מצוה צו ווערן שיכור און פורים, עס איז א מצוה צו זיין בשמחה פורים דורך טרינקען מער ווי אגאנץ יאר, און וויין איז די פאסיגסטע זאך דאס צו ערפילען.
עס איז באמת מעגליך זיך אויסצולערנען צו הנאה צו האבען פון וויין מען דארף נאר נעמען קליינע טריט אויפאמאל. מען הייבט אן מיט א גרינגע לייכט גצוקערטע וויין און צוביסלעך ארויף צו א שערקערען און מער טריקענעם וכו. עס איז אויך לייכטער אנצוהייבען און מיטען א סעודה צוזאמען מיט עסען, און צוטרינקען בלויז קליינע זופן אויפאמאל ביז מען הייבט אן צופילען די געשמאק פון וויין אזש מען קען גאר מאכען קידוש אויף א פיינם געשמאקען טריקענעם 15% וויין לכבוד שבת קודש.