מיין חלום. א גריס פון וויליאמסגראוו - אינדיאנא.

געשמאקע ארטיקלן און בילדער וכדו'

די אחראים: אחראי, געלעגער

ר' יום טוב
שר האלף
תגובות: 1444
זיך איינגעשריבען אום: זונטאג סעפטעמבער 20, 2015 12:58 pm

מיין חלום. א גריס פון וויליאמסגראוו - אינדיאנא.

תגובהדורך ר' יום טוב » זונטאג ינואר 15, 2017 6:45 pm

וויליאמסגראוו - גרינוואד אינדיאנא. - גענוי ביי איין מייל פון עקזיט צו פארן אויפן שטראז, וועט איר זיך טרעפן אנקומען אינעם פריש אויסגעפלאסטערט'ן ברייטן אריינפאר וועג. אין די שאטן פון הויכע צעדער-בוימער און קאלירפולע שטעגן פון פלאנצונגען טוט ארויסשטארן א מילד-באלויכטענער מארמויער-אויסגעשניצטן שילד, וועלכע טוט אומצוויידייטיג איינמעלדן פאר אלע באזוכער אז זיי זענען אקוראשט אנגעקומען אינעם באשיידענעם אבער הערליכן געגנט "וויליאמסגראוו".

וויליאמס-גראוו איז א גלייכע דעוועלאפמענט פון שיינע צוויי-פאמיליע הייזער אין וועלכן עס זענען איינקאוואטירט בערך 500 היימישע חסידישע משפחות יראים ושלימים, וועלכע פירן זיך דאס לעבן על מי מנוחות ווייט אוועק פונעם רוישיגן ניו יארקער ספעקטרום הו-הא. עס געפונט זיך אין גרין-וואד, א פארשטאט פון אינדענאפאליס, אינדיאנא. דאס איז איינע פון די מידוועסט שטאטן וועלכע איז באוויסט פאר איר נאטורליכע רואיגקייט, דופטיג-קלארע ליפט, און גלייכע גרינע ערד.

די ארטיגע קהילה מיטגלידער באשטייען מער ווייניגער פונעם זעלבן סארט און קרייז מיטעלע פארדינער און זענען געקומען אהין מיטן איינעם ציל: צו אנטלויפן פונעם טייערן און יאגעדיגן נוי יארקער לעבנס-שטייגער, צו אן ארט ווי מען קען זיך ערלויבן אן אייגענעם רחבות'דיגן דאך איבערן קאפ, ועל כולנה אויפציען די קינדער מיט אן ערליכן חינוך אין א אטמאספערע פון פשטות און באשיידנקייט ריין פון לוקסוס און סטאנדארטן און מיט אמת'ע ריכטיגע הרחבת הדעת ברוחניות ובגשמיות.

לאמיר יעצט אראפגעבן א גריס פון אונזערע ברודער און זייערע לעבנס-שטייגער אין אלע אספעקטן:

האוזינג.

די הייזער דאהי זענען 2 פאמיליע וועלכע באשטייען פון לערך 2,000 סקווער פוס איטליכער, און זענען אויסגעבויעט געווארן אויף א קלאסישן אייניגן אופן און שטארק-דויערהאפטיגן - אבער עפארדעבל פארנעם. צו קענען האלטן די קאסטן די נידריגסטע שייך, האט מען נישט געקענט פארלאנגען קיין שום טוישונגען פון די ארגיאנעלע דיזיין-פלענער בשעתן בויען, און מען האט אויך געמוזט אונטערשרייבן אויף תקנות אז מען וועט נישט איינשטעלן קאסטבארע טוישונגען נאכן קלאוזן.

די פרייז פון א דירה איז געשטעלט געווארן ביי $229,000 דאללאר, עטוואס טייערער ווי די $200K דורכשניט פון די אומגעגנט. דאס איז וויבאלד א אידישע שטוב קומט מיט עטוואס טייערערע איינריכטונגען. אין צוגאב האט מען געמוזט באזונדער גיבן $45,000 דאללאר פאר די בניני המוסדות און קהיליש'ע אינסטיטוציעס. מען האט נישט געקענט קויפן פאר אינוועסטמענט, נאר ווער עס האלט באמת ביים אהערמופן.

ליידיגע פראפערטי דאהי קאסט כמעט גארנישט. די עיקר קאסט איז דאס בויען, וועלכע איז ביי לערך $175,000 פער דירה ביים בויען אויפן אויבערדערמאנטן קאנסטרוקציע פארנעם.

פראפערטי טעקס דאהי איז זייער ביליג - בערך א דריטל ווי אין ניו יארק. דאס איז הויפטזענטליך צוליב די ביליגע לעבנס-קאסטן און קליינע רעגירונג ווירטשאפט אן ביוקראטיע. איינע פון די פאקטארן לדוגמא; ביי אייך אין די ליבעראלע קארופטירטע נוי יארק, איז אלעס צוטיילט צווישן פילע רעגירונג שטאפלען. יעדער ציפט אראפ א מוצא. די ווילידזש, טאון, קאונטי, סטעיט, די יוניאן, סוער א.א.וו. ביינונז אין וויליאמסגראוו זענען די סקולס און טאונס גענצליך אונטערגעווארפן אינטער די קאונטי, וועלכע איז די איינציגסטע רעגירונגס מאניציפאלע קערפערשאפט מיט מאכטן צו רעגירן און צו זאמלען טעקס. די טאונס און סקול בארדס ווערן בלויז ערוויילט פארן איינעם תפקיד צוצושטעלן די טאג-טעגליכע סערוויסעס, אבער זענען גענצליך אינטערגעווארפן אינטער די סטעיט און קאונטי לגבי פינאנציעלע באשלוסן. (עס איז א לענגערע שמועס פאר זיך, אבער דאס איז אין קורצן.)

די הייזער שטייען פער 2 פאמיליע אויף א האלבן עיקר לאנד, גענוג שטח ארום פאר גראז ביימער, סיידוואלק און פארקינג. פאר די פרייוועסי פון די איינוואוינער איז פאראן א וואלדיגן שטח פון מינומום 300 פוס המכונה "באפפער זאון" אונטער אלע הייזער. די גאנצע געגנט איז א גלייכע, אן בערג, אזוי ווי די גאנצע ראיאן. דעריבער איז גאר גרינג אנצוקומען צופיסנס פון איין עק געגנט צום צווייטן.

אינערהאלב די גאנצע אומגעגנט אינדרויסן ארום, איז פאראן א שפע פון צענדליגער עקזיסטירנדע שיינע 1 פאמיליע הייזער צו פארקויפן פאר גאר ביליג בערך ביי $200,000, און אויך שטייט צו פארדינגען מערערע הייזער פאר בערך 900 א חודש. דאס דינט אלס שטארקע הילף פאר די יעצטיגע און צוקונפטיגע וואוקס פון די געמיינדע. ווי אויך איז פאראן גענוג און נאך פלאץ פון שטחים ווי מ'קען זיך פארברייטערן.

פובליק בנינים.

אינעם צענטער פונעם ישוב - עטוואס אפגעטיילט פון די הייזער - איז פאראן דער צענטראלער ביהמ"ד וועלכע איז געבויט געווארן דורך א חלק פון די אויבן דערמאנטע הקדש געלטער פונעם ציבור, אין צוגאב צו די מערערע זכותים - גרעסערע און קלענערע - וועלכע זענען פארקויפט געווארן. ווי שם הבנין - מקוה - שערים - והיכלים.

די היכל התורה אינערהאלב דעם ביהמ"ד ווערט אויך באנוצט פארן כולל ווי עס הארעווען קרוב צו 50 אינגעלייט על התורה ועל העבודה.
מיטן אנדערן חלק פון די הקדש געלט איז אויפגעבויט געווארן בנינים פאר די ישיבה, תלמוד תורה און בית חינוך, און די איבריגע קהל'ישע בנינים. די מוסדות אנטהאלטן אריבער 1500 קינדערלעך בליעה"ר. אינעם סקול געביידע איז אויך פאראן 3 זאלן, איין גרויסע געאייגנט פאר חתונות, און 2 קליינע (וועלכע קענען אויך געעפנט ווערן פאר איין גרויסע אין פאל נויטיג) וועלכע דינען אויך אלס הכנסה.

ביי אן אפגעזונדערטן ווינקל אין א גאס הארט נאכן אריינגאנג צום דעוועלאפמענט, איז פאראן דער שאפינג צענטער און אפיס געביידע, וועלכע טוט אנטהאלטן אלע געשעפטן און געברויכן צו סערווירן די גאנצע געמיינדע אויפן זעלבן שטייגער ווי אלע אידישע שטעט אין ניו יארק. עס איז געבויט דורך אן אינוועסטאר בשותפות מיט די איבריגע צרכי ציבור געלטער ווי אויבנדערמאנט, אויף א רחבות'דיגן פארנעם פיל מיט פארקינג פלעצער און פאבליק סערוויסעס. עס איז אויך פאראן דארט א קליינע באנק, און מען ארבייט אצינד אהינצוברענגען די פאסט-אפיס. א חלק פון די הכנסה גייט פאר די מוסדות אין שטאט.

עקענאמיע.

פון די 500 איינוואוינער, טוען זיך בערך 250 מפרנס זיין פון די לאקאלע עקאנאמיע אינערהאלב די קאמיוניטי. דהיינו, מלמדים -טיטשערס, געשעפט-אייגנטומער און ארבייטארער, קאר-סערוויס א.א.וו.

ארום 100 זענען זיך מפרנס פון אייגענע ביזנעסער וועלכע זענען נישט אפהענגיק אין די לאקאלע איינווואוינער. א חלק פון זיי פארן אריין טעגליך א 20 מינוט וועג צו די נאנטע אינדענאפאליס, ווי זיי האבן אפיסעס און פירן אויס פארשידענע ביזנעס פאר זייערע פארבינדעטע אין ניו יארק, וועלכע שפארן זיך דערמיט גאר אסאך סיי אין ביזנעס ווירטשאפט קאסטן און אויך אין עמפלוימענט שטייערן.

ארום 50 זענען כולל אינגעלייט, און די איבריגע קרוב צו 100 ציען חיונה בדרך כבוד פון 2 גרעסערע היימישע ביזנעסער וועלכע האבן באשלאסן אהינצוציען א חלק פון זייערע אפעראציעס, נאכן הערן אז ס'בויט זיך דארט א שטעטל. למעשה זוכן יעצט די ביזנעסער נאך ארבייטארער, צו וועלכע זיי האבן געמוזט צוקומען צו די אלגעמיינע גאס, נאכן נישט טרעפן גענוג היימישע ארבייטער.

געשעפטן און סערוויסעס.

חוץ די היימישע געשעפטן און סערוויסעס אינערהאלב וויליאמסגראוו, איז אויך פאראן מערערע גיגאנטישע שאפינג מאולס ממש בשכינות אין די ארומיגע געגנטער. ווי אויך איז פאראן גרעסערע שפיטעלער און מעדיקאלע צענטערן נישט ווייט.

עס איז פאראן אין די געגנט א שפע פון קארפענטערס, עלעקטארישאנס, פלאמבער, פעינטערס, און אמעריקאנער היים געהילפן פאר גאר ביליג. די גאנצע סערוויס סעקטאר איז ביי בערך א דריטל די פרייז ווי אין ניו יארק.

עס איז אויך פאראן מערערע פארקס אין די אומגעגנט, אין צוגאב צו די 2 הערליכע פארקס מיט וואסערפאלן אין די דעוועלאפמענט גופא.

לאקאלע רעגירונג.

איינע פון די מעלות פונעם ישוב איז, אז די לאקאלע רעגירונגס אויטאריטעטן און די איינוואוינער צוגלייך, קוקן גאר שטארק פאזיטיוו אויף די היזיגע אנטוויקלונג, און זיי גלייכן זייער די שטארקע הויב אין די עקאנאמישע אקטיוויטעטן און טעקס אייננאמעס וואס דאס האט גורם געווען.

דאס איז דערפאר, ווייל אנדערש ווי די היימישע געגנטער פון ניו יארק ווי עס וואוינען פילע אסימיליזירטע אידן פאר וועלכע די ערליכע אידן שטייען ווי א דארן אין אויג, און מיט זייער הילף איז שוין איינגעפעדעמט יארן לאנג אן ארגאנעזירטע הסתה קעגן היימישן ציבור, וואוינען ביי אונז כמעט נישט קיין פרייע אידן, און די ארטיגע גוים זענען אויך פון אן אנדער סארט, רעליגיעז און ארנטליך, און זענען בכלל נישט באהאוונט מיט די ניו יארקער אנטי-חרדישע סענטימעטן.

נאך א סיבה דערצו איז, וויבאלד מיר זענען א מתי מספר פון בלויז 500 משפחות וועלכע טוען כמעט נישט ארויסשטארן אין אזא גרויסע מעטראפאליטען געגנט פון איבער 2 מיליאן, דעריבער שפירן זיי זיך בכלל נישט באדראעט פון אונזער אנוועזנהייט. פארקערט, מיר ווערן גאר רעספעקטירט דורך די אלגעמיינע באאמטע און לאקאלע מידיא צוגלייך.

עס האבן זיך שוין גראדע יא געמאכט געוויסע קליינע אינצידענטן וואס קען אייביג פאסירן אין אזא גרויסע געזעלשאפט, אבער עס איז גאר שנעל אויסגעגליכן געווארן בעמק שוה, אזוי אז בדרך כלל הערשט דאהי א פרידליכע אטמאספערע און צוזאמענארבייט.

די פאליציי האלט אן א כסדר'דיגע פאטראל אויף די געגנט, אבער עס איז נאך קיינמאל נישט געווען קיין אינצידענטן פון פארברעכן. עס איז א רואיגע שטילע געגנט ארום, מיט פאמיליע אריענטירטע איינוואוינער.

תקנות בני העיר.

דאהי לעבט מען ווי אין א קאנטרי. עס איז במילא נישט פאראן קיינע גרויסע אויסוואלן, און דעריבער איז נישט פאראן קיין תאווה פאר גרויסע השגות. און באמת פארלאנגט זיך בכלל נישט אויס קיין תקנות. נאך אלעם איז דאך יעדער אהערגעקומען מיטן ציל אוועקצושטיין פון די אלגעמיינע היימישע געמויזעכטס און די אומבאצאלבארע סטאנדארטן פון די איינגעוואוינטע געלט-גייציגן וואס דאס ברענגט מיט זיך.

אנשים אחים אנחנו, און ס'וועט קיינעם פון אונז אפילו נישט בייפאלן צום ביישפיל צו אינוועסטירן אין ריעל עסטעיט און דערנאך ארויפשרויפן די פרייזן. אזא איינער וואלט זיך גלייך געטראפן אפגעזונדערט און אפגעפרעגט ביי די אנשי הקהילה. דאס אחדות איז גאר שטארק, און יעדער פראבירט צו העלפן איינעם דעם צווייטן אין ליידן און פריידן. עס עקזיסטירט נישט קיין תאווה ארויפצושרויפן פרייזן, אדער אויסנער'ן א צווייטן אויף גארנישט.

איר וועט נישט טרעפן ביי אונז קיין טייערע ברענד-נעים קליידונג און באגעבו קערידזשעס, נישט ווייל עס איז פאראן תקנות דערויף, נאר פשוט, ווייל מיר פארשטייען פשוט נישט דעם צוועק פארוואס ס'פעלט אויס. מיר זענען דאך נישט קיין נגידים, און מיר האבן נישט איבריג אידיש-געלט צו לייגן אין מיסט.

דאך איז איז פאראן מערערע תקנות צו איינצוימען אומנויטיגע הוצאות, ווי חתונה תקנות וואס ווער עס וויל חתונה מאכן ביי אונז אין זאל מוז זיך דאס אינטערנעמען 100%. עס איז שוין געווארן איינגעפעדעמט א הערליכע סיסטעם א שטיק צייט צוריק, ווי איין צד הוצאות החתונה קומט אויס $12,000 הכל בכל. און בר מצוה איז אויך פאראן תקנות.

המשך יבוא בעז"ה.
לעצט פאראכטן דורך ר' יום טוב אום זונטאג ינואר 15, 2017 6:51 pm, מאל פאראכטן געווארן 1 סך הכל.
מיטל-קלאס רעפרעזענטעטיוו.

זשערסיסיטי עסקן
שר מאה
תגובות: 158
זיך איינגעשריבען אום: מיטוואך מאי 27, 2015 11:06 pm

תגובהדורך זשערסיסיטי עסקן » זונטאג ינואר 15, 2017 6:50 pm

אויסער די חלק התקנות איז עס מער נישט קיין חלום. נאר א פאקט בקרוב ממש אין גרינוויל זשערזי סיטי... :|
די איינציגסטע חילוק... עס איז אביסעלע נענטער צו ניו יארק.

ר' יום טוב
שר האלף
תגובות: 1444
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » זונטאג ינואר 15, 2017 6:53 pm

זשערסיסיטי עסקן האט געשריבן:אויסער די חלק התקנות איז עס מער נישט קיין חלום. נאר א פאקט בקרוב ממש אין גרינוויל זשערזי סיטי... :|
די איינציגסטע חילוק... עס איז אביסעלע נענטער צו ניו יארק.

ניין. דער חלום איז בדווקא געווען דארטן..., נו ווי הייסט ער?.. אי-נ-די-יא-נא.
מיטל-קלאס רעפרעזענטעטיוו.

אוועטאר
מונאוויטש
שר האלפיים
תגובות: 2021
זיך איינגעשריבען אום: זונטאג נובעמבער 22, 2015 6:08 pm
פארבינד זיך:

תגובהדורך מונאוויטש » זונטאג ינואר 15, 2017 6:55 pm

עסקנים ארבעטן איצט אויס די פלענער פאר טעגליכע באס טראנספארטאציע צווישן וואדרידזש, נ"י און וויליאמסגראוו, אינדיאנא.
"ווען דו דאווענסט ברויכסטו קודם וויסן צו וועמען דו רעדסט. פירוש המילות איז שוין לומדות." — הגה"צ רבי מרדכי דוד קאהן זצ"ל

מפתח

אוועטאר
מה פתאום???
שר ארבעת האלפים
תגובות: 4403
זיך איינגעשריבען אום: דאנארשטאג יולי 09, 2015 5:16 pm
לאקאציע: עיה״ק צפת

תגובהדורך מה פתאום??? » זונטאג ינואר 15, 2017 6:56 pm

א שיינע חלום האב איך געזען,
הלואי ווען עס קען געשען,
עס וועט דאך רעדוצירן פעין,
אויפהייבן די געמיטער מיט א קרעין.

שיין געשריבן,
דו ביסט געריבן,
אונז אלע געטריבן,
צו דיין שטעטעלע דעם ליבן.

אוועטאר
לכאורה
שר עשרת אלפים
תגובות: 11289
זיך איינגעשריבען אום: דינסטאג אוקטובער 20, 2009 2:43 pm

תגובהדורך לכאורה » זונטאג ינואר 15, 2017 7:21 pm

דערמאנסט מיך פון די פיקציאנאלע שטעטל "לעיק וואבעגאן", וואו אלעס איז אייביג גוט און פיין און רוהיג און גוטמוטיג, קיינע פראבלעמען, לא קנאה ולא שנאה ולא תחרות, בקיצור, עפעס וואס איז מעגליך בלויז אין פיקציע.
איך בין צוריקגעבליבן מיט טויזנטער אשכולות, אבער איך געב נישט אויף... שטייטליך און צוביסלעך וועט מען אי"ה "ווייס מאכן די קרעטשמע"

אוועטאר
פאקטען
שר האלף
תגובות: 1115
זיך איינגעשריבען אום: דינסטאג פאברואר 03, 2015 9:34 am

תגובהדורך פאקטען » זונטאג ינואר 15, 2017 7:52 pm

ר' יום טוב זאג מיר נישט איר מאכט דאס גענאר פונעם עולם דא, ווען שטעלסטע אראפ א באס העכערן הייווע... איך וויל גיין אהין א באזוך טאן
במקום שאין איש... איז צוויבל אויך הערינג...
מעמבער קח"א #384

אוועטאר
עין טובה
שר שלשת אלפים
תגובות: 3817
זיך איינגעשריבען אום: דאנארשטאג נובעמבער 27, 2014 9:46 pm
לאקאציע: 127.0.0.1
פארבינד זיך:

תגובהדורך עין טובה » זונטאג ינואר 15, 2017 8:25 pm

הלוואי...
...

אוודאי
שר חמישים ומאתים
תגובות: 329
זיך איינגעשריבען אום: זונטאג אוקטובער 13, 2013 11:04 am

תגובהדורך אוודאי » זונטאג ינואר 15, 2017 8:36 pm

שוין אפגערעדט פון דיינע חלומות... א שריפט פארמאגסטו א געוואלדיגע...

און צום עצם ארטיקל איז ווי יעדער שרייבט שוין, הלואי...

ר' יום טוב
שר האלף
תגובות: 1444
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » מאנטאג ינואר 16, 2017 9:40 am

לכאורה האט געשריבן:דערמאנסט מיך פון די פיקציאנאלע שטעטל "לעיק וואבעגאן", וואו אלעס איז אייביג גוט און פיין און רוהיג און גוטמוטיג, קיינע פראבלעמען, לא קנאה ולא שנאה ולא תחרות, בקיצור, עפעס וואס איז מעגליך בלויז אין פיקציע.

האמת יאמר אז יעדעס פלאץ האט זיך זיינע מעלות און חסרונות. כ'האב פשוט נישט געשפירט פאר וויכטיג אראפצוגעבן די גרויע חלק, ווען מיין עיקר ציל איז געווידמעט צו שטעלן אין פרעספעקטיוו אז צענדליגער מיליאנען איינוואוינער האבן שוין לאנג פארלאזט די אלט-געזעסענע ניו יארקער שמעלץ-טאפ, און אויפגעשטעלט א רואיג לעבן אין פרישע שפרודלענדע קאמיוניטי'ס אויף די לענג און ברייט פון די פאראייניגטע שטאטן. אבער מיר אידעלעך זענען עפעס סטאק געבליבן דא.

און יא, חלק פון די חסרונות אין וויליאמסגראוו; בענקעדיגע קינדערלעך זענען זייער ווייט פון נוי יארק באבי-זיידי, נישטא אזא קאלירפולן אויסוואל אין די גראסערי געשעפט פון מערערע פראדוקטן, ס'נישטא קיין קאמפיטישאן, די באהערדע מאכט דערווייל פראבלעמען איינצושטעלן א פול-אויסגעשטאטן חברה הצלה, און וויבאלד די 'קאסט אוו ליווינג' איז פיל נידריגער ווי אין נ.י., איז עטוואס שווערער פאר נויטבאדערפיגע צו געניסן פון שטאטישע פראגראמען. אבער דערווייל אזוי, גיט מען זיך אנייצע.
מיטל-קלאס רעפרעזענטעטיוו.

Good
שר חמישים ומאתים
תגובות: 257
זיך איינגעשריבען אום: דינסטאג מארטש 18, 2008 4:29 pm

תגובהדורך Good » מאנטאג ינואר 16, 2017 10:32 am

ר' יום טוב האט געשריבן:אבער מיר אידעלעך זענען עפעס סטאק געבליבן דא

מיינסט צו זאגן מיר חסיד'ישע אידן
נא גוט...

אוועטאר
וואוילע שעפעלע
שר ששת אלפים
תגובות: 6200
זיך איינגעשריבען אום: דאנארשטאג דעצמבער 24, 2015 2:17 pm
לאקאציע: אין שטאל

תגובהדורך וואוילע שעפעלע » מאנטאג ינואר 16, 2017 10:28 pm

געוואלדאוונע...

אבער פארוואס 200.000? אז מען גייט שוין יא ביז אינדיאנא, איז דא אויפן וועג פילע געגנטער ווי מ'קען קויפן שיינע הייזקעלעך פאר אונטער א הונדערטער
"וואס איר זעהט און הערט אויף טעלעוויזיע איז נישט אלעמאל וואס האט עכט פאסירט" (טראמפ - יולי 2018)

אוועטאר
משה כספי
שר האלפיים
תגובות: 2042
זיך איינגעשריבען אום: מאנטאג סעפטעמבער 19, 2016 12:44 pm
לאקאציע: אינעם יודישען וועלטעל
פארבינד זיך:

תגובהדורך משה כספי » דינסטאג ינואר 17, 2017 1:24 am

לייג ביטע אן אדרעס צום געגנט אז מען זאל זיך קענען אומקוקן אויף גוגל מעפס די געגנט
יישר כח
כדי א נושא זאל בלייבן אינטערעסאנט איז די שליסל א פוינט פאר א פוינט - עגרימענט אדער דיסעגריעמענט, פארשידענע מיינונגען געבן צו לעבן צו א נושא און ברענגט די שרייבער און ליינער הנאה צו האבן. און דאס פארקערטע איז מיט רעטאריק

אוועטאר
ליידיג גייער
שר חמישים ומאתים
תגובות: 342
זיך איינגעשריבען אום: דאנארשטאג מאי 09, 2013 4:31 pm

תגובהדורך ליידיג גייער » דינסטאג ינואר 17, 2017 6:29 am

ווי איך פארשטיי איז עס בערך אין די געגענט
Williams Ct

https://goo.gl/maps/Yo8XjFq7JQU2

א קורצע וועג פון עלעף שעה און מ'איז דארט
שאטלס וועט נישט זיין און פאר א מימימאלע פרייז וועט מען קענען קויפן געקאכטע פיש אנשטאט די שוויגערס

אוועטאר
פרוביר אויך
שר חמש מאות
תגובות: 931
זיך איינגעשריבען אום: דינסטאג יולי 09, 2013 11:02 pm

תגובהדורך פרוביר אויך » דינסטאג ינואר 17, 2017 3:44 pm

אוודאי האט געשריבן:שוין אפגערעדט פון דיינע חלומות... א שריפט פארמאגסטו א געוואלדיגע...

און צום עצם ארטיקל איז ווי יעדער שרייבט שוין, הלואי...
אז יענער קען קענסטו אויך

ר' יום טוב
שר האלף
תגובות: 1444
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » דינסטאג ינואר 17, 2017 5:53 pm

המשך, א גריס פון וויליאמסגראוו.

טרעוול-טראנספארטאציע.

טרעוול איז זייער א שטארקע אישו אין וויליאמסגראוו. ווארום די איינוואוינער פארן כסדר צו-און-פון ניו יארק, ווי זייערע פריינד און באקאנטע וואוינען. רוב עולם ניצט אוויאציע מיטלען, וועלכע איז געווענליך נישט צו טייער. אבער א שיינע פראצענט נעמען אונטער די 11 שעה לאנגע רייזע מיט א קאר, געווענליך איינגעטיילט צווישן 2 דרייווער, מיט א לענגערע אפשטעל ביי א ספעציעל-דעזיגנירטע אכסניא-הויז אינדערמיט. ווי אויך איז דא א באס/ווען שאטל יעדע וויק-ענד אהין און צוריק.

פאר די קינדער איז א טריפ קיין ניו יארק א ספעציעלע גייסט-רייך-ארימע איבערלעבעניש. גאר-ספעציעל פאר זיי איז אראפ-צושפאצירן די ניו יארקער עוועניוס, ווי זיי באטראכטן מעשה טוריסט מיט א רחמנות'דיגע סענזאציע די ילדים במצוקה באקליידעט מיט די ברענד-נעים מעטשינג קליידעלעך וועלכע שטעקן ארויס זייערע פיסעלעך פון די ווינדא-געיטס פון זייער תפיסה ווארטנדיג בכליון עינים מען זאל זיי ווידעראמאל אויסלייזן פון זייערע לעכלעך מיטן ציל צו קענען אויסמעסטן יעדע סארט פון די פרישע מאדעל ווינטערדיגע - זומער'דיגע - שבת'דיגע - וואכנדיגע - יו"ט'דיגע - חתונה'דיגע - וכו'.

אזוי אויך איז פאר זיי זייער אינטרעסאנט דער מנהג פון צאלן געלט פאר פארטיגע מאכלים. דער עצם קאנצעפט פון א "אידישע רעסטאראנט" וועלכע ברענגט אויף די קאשמארן פון דענטיסט - פארטא-ריקא מיט אפגעקילטע אייער-שפיי קאמבינירט, איז עפעס נישט צום משיג זיין. פאר זיי איז גאר מאדנע צו זען ווי שווערע טויזענטער פארשמאכטעט אייגן פארדינט געלט ווערט דעזיגנירט אן קיין פיפס פאר 'לעבנס-וויכטיגע' געברויכן, זיי זענען אפן צום ערשיינונג אז ביינאכט איז טאג, דאס געלויף ענדיגט זיך קיינמאל, און פון די רעזיגנירטע פנימ'ער אויפן טראטואר איז קענטליך אז שאנס פאר הנאה אויף דער וועלט איז ווארשיינליך פארביי.

די גרעסערע קינדער פון אונז ווייסן שוין, אז זיי מוזן זיין גאר פארזיכטיג ביים אריבערגיין די גאס אין ניו יארק. די גלאנציגע אויטא'ס יאגן זיך אין האסטיגן געלאפ, און גיט צו צום הימלישן הארמאניע פון די פארפלאגטע ווייבלעך וועלכע טוען קונצליך מאנעוורירן די באגעבו-בי וועגעלעך צווישן די גרידלאק-טרעפיק צום בעיביסיטער, עיר ואם בתוקפה. דער געמיש פון מאדנע אינצידענטן, קולות וברקים, לויפער און קויפער, ותמרות עשן, לאזט געווענליך איבער א מילדן עמאציאלן אפעקט אויף די וויליאמסגראוו קינדער מיט וועלכע מיר ווייסן זיך שוין צו ספראווען.

ווי אויך ווערט צועפנט די קלאציגע אייגעלעך פון די נעבאכדיגע דארפישע קינדער ביים באטראכטן די פארגראטעטע שוי-ווינדא פון די טייערע געשעפטן וואס פאסט אריין אין אזא טייערע שטאט. (זיי ווייסן נאכנישט דעם סוד פון א שוי-ווינדא אן א געשעפט...) ווען די קאזינעס גרויסן זיך "ווען איך גיי זיין א טאטע, גיי איך זיין א שומרים", שעמט מען זיך צו איבערצופרעגן ביי זיי דעם באדייט פון די פאזיציע וואס קוקט דאך אויס אזוי פשוט.

עס איז פאר זיי טראגי-קאמיש דער פאקט אז באזוכנדיג ביי ביידע מומעס אינדערהיים האט מען אנגעטראפן א נעבעלייזער אין באנוץ פאר איינע פון די קינדער אויף די העכערע שטאק פונעם באנק-בעט. אין וויליאמס-גראוו איז ליידער נישט בנימצא דער לעבנס-וויכטיגער מאשין. (דער קלימאט אין וויליאמסגראוו איז א הערליכער, און איר קאמבינאציע מיט איר טרוקענע קלארע לופט איז אומבאשרייבליך. אין ניו יארק לעבט מען אין א באקס. מען מיינט אז כמעט איבעראל איז די זעלבע ווי דער סטענדארד צו וואס מען איז געוואוינט. דער מציאות איז, אז לופט פון 90 פראצענט פון די פאראייניגטע שטאטן איז פיל בעסערע קאוואליטעט ווי די נ.י.'ער לופט.)
לעצט פאראכטן דורך ר' יום טוב אום דינסטאג ינואר 17, 2017 6:46 pm, מאל פאראכטן געווארן 1 סך הכל.
מיטל-קלאס רעפרעזענטעטיוו.

אוועטאר
קאטשקע
שר חמישים ומאתים
תגובות: 480
זיך איינגעשריבען אום: זונטאג יולי 05, 2015 1:40 pm

תגובהדורך קאטשקע » דינסטאג ינואר 17, 2017 6:02 pm

האסט א רייכע פאנטאזיע און א נאך מער רייכע שריפט
אמן והלוואי

אברך
שר חמש מאות
תגובות: 688
זיך איינגעשריבען אום: זונטאג פאברואר 22, 2015 1:15 pm
לאקאציע: אויפן וועג ארויף

תגובהדורך אברך » דינסטאג ינואר 17, 2017 6:22 pm

זייער זייער שיין, ס'נאר א שאד אז איר שרייבט פיקציע...
ווילט איר טרעידן אפשענס? עפנט אן אקקאונט ביי טעיסטי ווארקס.

https://start.tastyworks.com/#/login?re ... G9RC3ZRG4M

קומט אין אישי צו דורכשמועסן די פראס און קאנס פון פארשידענע בראקערעדש פירמעס.

אוועטאר
משה כספי
שר האלפיים
תגובות: 2042
זיך איינגעשריבען אום: מאנטאג סעפטעמבער 19, 2016 12:44 pm
לאקאציע: אינעם יודישען וועלטעל
פארבינד זיך:

תגובהדורך משה כספי » דינסטאג ינואר 17, 2017 6:27 pm

פארוואס עפעס ביסטו אזוי פאר אינדיאנא וואס איז מיט די אנדערע 49 שטאטן?
כדי א נושא זאל בלייבן אינטערעסאנט איז די שליסל א פוינט פאר א פוינט - עגרימענט אדער דיסעגריעמענט, פארשידענע מיינונגען געבן צו לעבן צו א נושא און ברענגט די שרייבער און ליינער הנאה צו האבן. און דאס פארקערטע איז מיט רעטאריק

ר' יום טוב
שר האלף
תגובות: 1444
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » דינסטאג ינואר 17, 2017 6:32 pm

משה כספי האט געשריבן:פארוואס עפעס ביסטו אזוי פאר אינדיאנא וואס איז מיט די אנדערע 49 שטאטן?

ווי געזאגט, דער חלום רעדט פון אינדיאנא. (ווייזט אויס אז יש דברים בגו).
מען קען עס אבער מעגליך קאנווערטירן צו איינע פון די אנדערע שטאטן לויטן געברויך.
מיטל-קלאס רעפרעזענטעטיוו.

אברך
שר חמש מאות
תגובות: 688
זיך איינגעשריבען אום: זונטאג פאברואר 22, 2015 1:15 pm
לאקאציע: אויפן וועג ארויף

תגובהדורך אברך » דינסטאג ינואר 17, 2017 6:40 pm

ר' יום טוב האט געשריבן:
משה כספי האט געשריבן:פארוואס עפעס ביסטו אזוי פאר אינדיאנא וואס איז מיט די אנדערע 49 שטאטן?

ווי געזאגט, דער חלום רעדט פון אינדיאנא. (ווייזט אויס אז יש דברים בגו).
מען קען עס אבער מעגליך קאנווערטירן צו איינע פון די אנדערע שטאטן לויטן געברויך.


אין חלום בלי דברים בטלים, די שאלה איז נאר וואס די דברים בטלים איז, די שטאט אדער די אידן וואס זענען דארט...
ווילט איר טרעידן אפשענס? עפנט אן אקקאונט ביי טעיסטי ווארקס.

https://start.tastyworks.com/#/login?re ... G9RC3ZRG4M

קומט אין אישי צו דורכשמועסן די פראס און קאנס פון פארשידענע בראקערעדש פירמעס.

ר' יום טוב
שר האלף
תגובות: 1444
זיך איינגעשריבען אום: זונטאג סעפטעמבער 20, 2015 12:58 pm

תגובהדורך ר' יום טוב » דינסטאג ינואר 17, 2017 7:10 pm

ליידיג גייער האט געשריבן:ווי איך פארשטיי איז עס בערך אין די געגענט
Williams Ct

https://goo.gl/maps/Yo8XjFq7JQU2


נישט געוויסט אז ס'דא נאך א וויליאמס ממש אין געגנט. מ'וועמיר מעגליך מוזן טוישן דעם נאמען.
אלנפאלס, פארנדיג אויף די ווירטואלע גאסן שטעלט זיך ארויס אז דער חלום איז באזירט אויף אמת'ע פאקטן.

אין א זייטיגע נאטיץ, די שפאלטן וואס איר זעט אויפן ראוד, איז בדוקא אזוי געמאכט. וויבאלד עס איז געבויט פון דויערהאפטיגע צעמענט-בלאקן ווי איינגעפירט אינעם ראיאן ביי די קליינע געסלעך.
מיטל-קלאס רעפרעזענטעטיוו.

חסד מעמבער
אנשי שלומינו
תגובות: 8
זיך איינגעשריבען אום: דינסטאג סעפטעמבער 09, 2014 12:40 am

תגובהדורך חסד מעמבער » דינסטאג ינואר 17, 2017 7:19 pm

יונט'ל שרייב אז מ'טיילט דארט דעם אכט'ן און די האסט גלייך צוויי מנינים

נודה לך
שר האלפיים
תגובות: 2912
זיך איינגעשריבען אום: דינסטאג יוני 09, 2015 5:47 pm
לאקאציע: אינעם אויבערשטענס הענט

תגובהדורך נודה לך » דינסטאג ינואר 17, 2017 8:30 pm

ליידיג גייער האט געשריבן:ווי איך פארשטיי איז עס בערך אין די געגענט
Williams Ct

https://goo.gl/maps/Yo8XjFq7JQU2



זעה איך א BLOOMINGTON ממש דערנעבן...
איך דאנק און לויב השי"ת אויף די גרויסע חסדים וואס ער טוט מיט מיר יעדע מינוט

אוועטאר
ליידיג גייער
שר חמישים ומאתים
תגובות: 342
זיך איינגעשריבען אום: דאנארשטאג מאי 09, 2013 4:31 pm

תגובהדורך ליידיג גייער » דינסטאג ינואר 17, 2017 10:53 pm

ר' יום טוב האט געשריבן:
ליידיג גייער האט געשריבן:ווי איך פארשטיי איז עס בערך אין די געגענט
Williams Ct

https://goo.gl/maps/Yo8XjFq7JQU2


נישט געוויסט אז ס'דא נאך א וויליאמס ממש אין געגנט. מ'וועמיר מעגליך מוזן טוישן דעם נאמען.
אלנפאלס, פארנדיג אויף די ווירטואלע גאסן שטעלט זיך ארויס אז דער חלום איז באזירט אויף אמת'ע פאקטן.

אין א זייטיגע נאטיץ, די שפאלטן וואס איר זעט אויפן ראוד, איז בדוקא אזוי געמאכט. וויבאלד עס איז געבויט פון דויערהאפטיגע צעמענט-בלאקן ווי איינגעפירט אינעם ראיאן ביי די קליינע געסלעך.


דאס איז א גאס וואס הייסט וויליאמס קאורט נישט א געגענט, און על שם זה... ויקרא שמו בישראל וויליאמסבורג...כ'מיין וויליאמסגראוו


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: דריידל און 21 געסט