שפיל 'מיסטעריע' - חוה״מ סוכות תשע״ז

[Intern Tish]

ביים אויסארבעטן די דיטעילס אין די זאל

מערקט מענדי לענעראוויטש (מסתם גייט ער כאפן די ווידאו)

[eller]

וועלוועל שמעלצער איז א פארט פון די פלעי ? למשל ער גייט רעדן צווישען די סצענעס ?? לויט די האט ליין זעהט עס אזוי אויס ..

[ריטער טויערדאנק]

ביים אויסארבעטן די דיטעילס אין די זאל

מערקט מענדי לענעראוויטש (מסתם גייט ער כאפן די ווידאו)

פרובירט אויך אנצומערקן ווי קליין די טיפקייט איז.

נאך א ריזיגע חסרון פאר די עקטערס מערקטס די זייטן מ'קען זיך קוים רירן, און די opening אריינצוטראגן די פראפס איז הארט אינעם סטעידזש אריין, איך שאץ אז לויט די ספעציפישע סייז (די קלענסטע אין היסטערי פון פראפעשינעל פלעיס) קען מען זיך רישן אויף אפאר פראנט סינס

[ריטער טויערדאנק]

וועלוועל שמעלצער איז א פארט פון די פלעי ? למשל ער גייט רעדן צווישען די סצענעס ?? לויט די האט ליין זעהט עס אזוי אויס ..

וואס עפעס? וועלוול איז א קארעספעדאנט, אן אינטערוויער,

מ'האט אים געדינגען צו טוהן זיין פאך און שוין

[רעכטע האנט]

וועלוועל שמעלצער איז א פארט פון די פלעי ? למשל ער גייט רעדן צווישען די סצענעס ?? לויט די האט ליין זעהט עס אזוי אויס ..

וואס עפעס? וועלוול איז א קארעספעדאנט, אן אינטערוויער,

מ'האט אים געדינגען צו טוהן זיין פאך און שוין

שמעתי פון איינעם אז ער איז אין די פראדאקשן

[מילין_יקירין]

אסאך זאכן זענען דא ניי
די גרעסטע זאל אינעם אידישן היסטאריע פין פלעיס.
קליינע בעק סטעידש
פארגעשריטענע לייטינג
און ס׳איז נאך דא היפש טיקעטס נישט פארקויפט

[חושב מחשבות...]

Going over some serious comedy for the upcoming Yiddish Play #Mysteria @epicshpiel book your tics today if you haven't yet.

[ריטער טויערדאנק]

וועלוועל שמעלצער איז א פארט פון די פלעי ? למשל ער גייט רעדן צווישען די סצענעס ?? לויט די האט ליין זעהט עס אזוי אויס ..

וואס עפעס? וועלוול איז א קארעספעדאנט, אן אינטערוויער,

מ'האט אים געדינגען צו טוהן זיין פאך און שוין

שמעתי פון איינעם אז ער איז אין די פראדאקשן

קען זיין איך ווייס נישט אויב יא גייט ער זיין ביהיינד די סינס; אויסרופן, קאנטראלירן די משגיחים, אד"ג.
ער גייט נישט עקטן זייטס נישט באזארגט

[ריטער טויערדאנק]

אסאך זאכן זענען דא ניי
די גרעסטע זאל אינעם אידישן היסטאריע פין פלעיס.
קליינע בעק סטעידש
פארגעשריטענע לייטינג
און ס׳איז נאך דא היפש טיקעטס נישט פארקויפט

די ווייסט וואס די רעדסט?
די שרייבסט סארקאסטיש?
סתם אריינגעווארפן פאר די נישטיגקייט?
די גלייבסט גוגל?

כ'בין צומישט. ס'איז מוצאי מיין מוח געבט מיר לעיט סיגנלס, איך בין עכט מיד און.. פארקילט ברוך השם

[רעכטע האנט]

ריטער די ביסט אווי אסאך חסידישע יונגעלייט.
פארקילט מיעד אא"וו
די זייטס נישט באזארגט קימט נישט אריין. ווייל וועלוול האט קיינמאל נישט ג'עקט ער איז זייער גיט און העלפן ביהיינד מיט די פראדאקשן זייער א טאלאנטפולע יונגערמאן קענעהארע

[אורייתא]

אסאך זאכן זענען דא ניי
די גרעסטע זאל אינעם אידישן היסטאריע פין פלעיס.
קליינע בעק סטעידש
פארגעשריטענע לייטינג
און ס׳איז נאך דא היפש טיקעטס נישט פארקויפט

די ווייסט וואס די רעדסט?
די שרייבסט סארקאסטיש?
סתם אריינגעווארפן פאר די נישטיגקייט?
די גלייבסט גוגל?

כ'בין צומישט. ס'איז מוצאי מיין מוח געבט מיר לעיט סיגנלס, איך בין עכט מיד און.. פארקילט ברוך השם

האסט געדאווענט פארן עמוד?

[משה מאשקאוויטש]

און ס׳איז נאך דא היפש טיקעטס נישט פארקויפט

גראדע ווייס איך פון די נאענט אז רוב טיקעטס זענען שוין געגאנגען, און דערפאר האבן זיי שוין צוגעלייגט א לייוו-הוק-אפ אין מאנסי און אין מאנטריעיאל

[חברותה]

און ס׳איז נאך דא היפש טיקעטס נישט פארקויפט

גראדע ווייס איך פון די נאענט אז רוב טיקעטס זענען שוין געגאנגען, און דערפאר האבן זיי שוין צוגעלייגט א לייוו-הוק-אפ אין מאנסי און אין מאנטריעיאל

דיטעילס פאר די לייוו הוקאפ?

[רעכטע האנט]

איך הער פון איינער וואס דרייט זיך מיט די חברה פון די פלעי.
ער זאגט אז די ניגונים דארט גייט זיין עפעס אויסערגעווענליך.
אזוי האב איך דערשמעקט

[סעמס]

און ס׳איז נאך דא היפש טיקעטס נישט פארקויפט

גראדע ווייס איך פון די נאענט אז רוב טיקעטס זענען שוין געגאנגען, און דערפאר האבן זיי שוין צוגעלייגט א לייוו-הוק-אפ אין מאנסי און אין מאנטריעיאל

גראדע פעלט נישט אויס צו קענען קיינעם פון די נאנט, כאפט א בליק אויף עפיק שפיל דאט קאם, נאך אוועיליבל מאסן טיקעטס

[ס'אמת]

איך האב 4 טיקעט צו פארקויפן די צווייטע נאכט,
געווענליך $76 יעצט נאר פאר $70 .

קאנטעקט און אישי

[ריטער טויערדאנק]

איך האב 4 טיקעט צו פארקויפן די צווייטע נאכט,
געווענליך $76 יעצט נאר פאר $70 .

קאנטעקט און אישי

שוין ס'הייבט זיך אן

[ריטער טויערדאנק]

ריטער די ביסט אווי אסאך חסידישע יונגעלייט.
פארקילט מיעד אא"וו
די זייטס נישט באזארגט קימט נישט אריין. ווייל וועלוול האט קיינמאל נישט ג'עקט ער איז זייער גיט און העלפן ביהיינד מיט די פראדאקשן זייער א טאלאנטפולע יונגערמאן קענעהארע

פונקטליך וואס איך האב געזאגט. ווען די טראכסט ווען פארן שרייבן וואלסטו דיר געשפארט א תגובה

יעדער צווייטער מענטש איז פארקילט יעצט. ס'איז די נייע סיזן ס'איז נישט קיין אידישע סטיגמע

[חרש וחושב]

איך הער פון איינער וואס דרייט זיך מיט די חברה פון די פלעי.
ער זאגט אז די ניגונים דארט גייט זיין עפעס אויסערגעווענליך.
אזוי האב איך דערשמעקט

ריכטיג 3 ניגונים

אויסטערליש הארציג דורך שימי וועבערמאן

אויך א שיינס דורך א גויאישע קערעקטער

[מילין_יקירין]

ניגונים געשריבן/צוגעפיצט דורך אונזער באליבטן יקיר ברוין
די זאל איז דע גרעסטע וואס איז נאר געווען ביז היינט. דשאסט גיי אנליין און צייל אפ די זיצן פון ברוקלין קאלידש, טילעס, ענדשעיפעק. קיינע האט נישט 3 טויזנט זיצן.
די בעק סטעידש טירן\עפענונגען איז קליין רעלאטיוו צו די אנדערע פלעצער- אויף אריינצוברענגען גרויסע פראפס, דאס גייט זיין א טשאלאנדש. פון ווי איך ווייס? פרעזענליך אינוואלווד.
חיים וויל נישט עקטן, ענדערש וויל ער טאן זיין דשאב ביהיינד דעם סטעידש. מ'קען נישט געהעריג טאן ביידע.
ארי' אבראמאוויטש איז ניינע פייעס, און דער אינגל איז אין די מוד צו מאכן א לעבן אויפן סטעידש, אריינלייגן דאס גאנצע חיות דערין. נישט נאר ער, נאר אלע עקטערס. עס הערשט א אחדות ב"ה. ירמי טעסלער איז אין די גלייזן, דער אלטער עקטער וואס מ'האט ארויפגעברענגט פון סטארעדש... נו, וויזוי הייסט ער שוין?! יא, ברוין, ער איז דא פנה הודה... יואלי לעבאווויטש האט צוגעזאגט אז ער גייט קיינעם נישט מאכן לאכן אויפן סטעידש....

ביידעוועי, ארי' אבבראמאוויטש איז א מעגע שמעגע סקריפט שרייבער, נישט פון היינט. נאך אין צעהלימע קעמפ זעמער געזיצן אין געארבייט אויף די מעידשאר פלעי, דער האט עס ארויס פולי! דער ארי' האט א נאטורליכע "ניטש" -וויאזוי מען זאגט- צו שרייבן סקריפטס. איי איי איי זכרונות.... ווען אויפן סטעידש האט גע'עקט (החזן) יענקי לעמער א מעגע עקטאר, מיט יחיאל ליכטמאן (לאצי) אבער אלס א סיריעס פארט, מיט ארי', ביינעזאם מיט הרב ר' משה מנחם טעסלער, היינט א מומחה בחינוך. יא יא, ירמי'ס ברידער. יצחק ווייס, דער פינעם ווינען גמ"ח ועוד...

ביידעוועי, ווילעך וויסן איין זאך: פארוואס עקט נישט מושי גרינפעלד? יא יא דער וואס מאכט היינט מעיק אפ, רחמנה לשזבין איז ער א מעגע לץ! ער מיט יואלי לעבאוויטש וואלטן געברענגט משיח... און וואס הערט זיך מיט "שווארצי" פון מונקאטש קעמפ, דער איז א מעגע שמעגע עקטאר!

ביידעוועי איך קען און האב שוןי גע'עקט יארן אין קעמפ אויף מעידשאר פלעיס, איך בין אליין פיינע נייעס.. איין זאך פעילט מיר.. די צייט...

שוין כ'האב שוין זייער א באנטש געשריבן. מוז זיין איך בין זייער מיעד...

@ריטער היי יאר האבעך דיר נישט געטראפן אין זום פלום...

[געשמאקער]

איך האב מעגליך א גיטע סענטער טיקעט צו פארקויפן פאר די דאנערשטאג נאכט שפיל $76.

(געקויפט לשם גיין מיט נאכאיינעם, אבער קען זיין אז יענער קען נישט קומען,)

ביטע קאנטעקטן און אישי

[רעכטע האנט]

The Imgloiblich Channel:
מיט פריידיגע ערווארטונג גרייט זיך כלל ישראל צום הערליכן "אומגלויבליכן" מיסטעריע שפיל, וואס וועט אי"ה פארקומען דעם קומענדיגן חול המועד סוכות, אהערגעשטעלט דורך די מייסטער פראדוצירער פונעם "אומגלויבליך" שפיל, וועלכער האט מהנה געווען טויזענטער אידן דעם פארגאנגענעם יאר.

דער שפיל אנטשפרעכט בעז"ה צו זיין א יחיד במינה אין יעדן הינזיכט, און עס ווערט אריינגעלייגט אומגעהויערע כוחות אין יעדן ריר אז ס'זאל זיין צום געשמאק און הנאה פון די טויזענטער צוקוקער.

דער שפיל וועט פארקומען אינעם גיגאנטישן "קינגס אודיטאריום" אין פלעטבוש, בלויז א קורצע שטרעקע פון די היימישע געגנטער אין ברוקלין. "קינגס" איז א מאיעסטעטישע זאל וואס איז ממש אויג-פארכאפנד, די רענאוואציע פונעם זאל איז געענדיגט געווארן דעם פארגאנגענעם יאר פאר די סומע פון קרוב צו 100 מיליאן דאלאר! עס פארמאגט א גאר סאפיסטיקירטע סאונד און לייטינג סיסטעם, און נייע באקוועמע זיצן, וואס יעדע זיץ אינעם זאל קען גוט זעהן דעם סטעיזש, און סיי וועלכע זיץ מען נעמט וועט מען בעז"ה קענען גוט מיטהאלטן דעם שפיל.

די מעשה פונעם שפיל איז א אויסערגעווענליכע זעלטענע דראמאטישע מעשה, פול מיט חידושים, וואס וועט האלטן די צוקוקער צוגענאגלט צום פלאץ, ביז צו די אטעם פארכאפענדע ענדע. עס רעדט זיך פון א תקופה בלויז בערך 30 יאר צוריק, און איז קאמפליצירט, געשמאק, און דראמאטיש, אויף אן אופן וואס וועט לאנג געדענקט ווערן דורך די מיטבאטייליגטע.

דער "סקריפט" איז געשריבן געווארן דורכ'ן טאלאנטפול שרייבער און אקטיאר ר' ארי' אבראמאוויטש, וועלכער האט שוין מהנה געווען צענדליגע טויזענטער אידן אין די פארגאנגענע יארן, און האט אויך א פירנדע ראלע אינעם שפיל. יעדעס ווארט אינעם סקריפט איז איבערגעארבעט און דורך געזייעט געווארן מיט קאפ און מח אז יעדע ריר זאל זיין אויסגערעכנט און געשריבן געשמאק, אז יונג און אלט זאלן בעז"ה הנאה האבן.

דער שפיל וועט געשפילט ווערן דורך א קאמבינאציע פון נייע און אלטע עקטארס, וואס יעדע "קערעקטער" איז אויסגעארבעט געווארן צו פאסן און שטימען מיט די מעשה, יעדע דעטאל פונעם קלענסטן ביז'ן גרעסטן איז אויסגעארבעט געווארן מיט גאונ'ישע געדאנקען און רעיונות צום באוואונדערן, ארויסצוברענגען די געפילן פון די קערעקטערס אויף א מייסטערהאפטיגן אופן.

ווי ביים פארגאנגענעם שפיל, וועלן די פראפס ארויף גיין א העכערן שטאפל דאס מאל, מיט אומגלויבליכע חידושים אין יעדן הינזיכט, געבויעט דורך די בארימטע "קארן" ברידער וועלכע האבן שוין אהערגעשטעלט מייסטערהאפטיגע פראפס פאר אידישע שפילן, אבער דאס מאל מיט פיל מער חידושים וואס איז דוכט זיך נאכנישט געווען אויף אידישע שפילן. א ספעציעלע פירמע פון קאנעטיקוט איז אויפגענומען געווארן צו "דיטעילן" און אהערשטעלן די "בנינים" מיט א אויסערגעווענליכע מומחיות, וואס וועט צייגן גאר "עכט" און וועט שאקירן די פארזאמעלטע.

קאמעדיע וועט געשפילט ווערן דורכ'ן וועלט בארימטן בדחן ר' יואל לעבאוויטש מ'פעסט, וועלכער האט שוין משמח געווען מיט יארן צוריק אויף אידישע שפילן און יעצט וועט ער זיין צוריק אויפ'ן סטעיזש צו ברענגען א שמחת יום טוב פאר די טויזענטער אידן וואס וועלן אנטייל נעמען ביים "מיסטעריע" שפיל. די קאמעדיע איז געשריבן און אויסגעארבעט געווארן דורך ר' יואל אינאיינעם מיט די גרעסטע קאמעדיע שרייבערס, און וועט האלטן פרייליך דעם ציבור דורכאויס עטליכע חלקים אינעם שפיל.

ווי די פראדוצירער געבן איבער איז דא צענדליגע "אומגלויבליכע" חידושים וואס מען קען ערווארטן, וואס וועט בעז"ה זיין א שמחת יום טוב פאר אלע מיטבאטייליגטע, און וועט געדענקט ווערן פאר לאנגע יארן אלס א חידוש וואס איז נאכנישט געזעהן געווארן ביי אידישע שפילן.

עס זענען נאך פארבליבן א טייל גוטע טיקעטס פאר די וועלכע ווילן נאך מיטהאלטן דעם שפיל. (טיקעטס וואס ווערן געקויפן ביז יום כיפור ווערט געשיקט אין די פאסט, נאך דעם זמן וועט מען קענען קויפן טיקעטס און אפנעמען ביים שפיל).

טיקעטס קען מען קויפן אויף epicshpiel.com, קויפט ווי פריער זיך צו פארזיכערן א גוטע זיץ.

כלל ישראל וואונטשט הצלחה פאר די פראדוצירער פונעם מייסטער שפיל, און קוקן ארויס צו זיין א טייל פונעם "מיסטעריע", דעם חול המועד סוכות הבעל"ט – קינגס אודיטאריום.

ושמחת בחגיך!

[רעכטע האנט]

וואסיז די אדרעס פינעם פלאץ אין אויב איינער ווייסט צו ס'דא פארקינג דארט אין געגנט זאל זיך אנריפן

[איסר האטלקי]

גייט זיין משגיחים ביי די בייטאג פלעיס כנהוג מקדמת דנא?

[גראמער]

וואסיז די אדרעס פינעם פלאץ אין אויב איינער ווייסט צו ס'דא פארקינג דארט אין געגנט זאל זיך אנריפן

עס איז דא צוויי גרויסע פארקינג לאט'ס הארט נעבו דעם זאל. עס וועט זיין "בחנם."