פארוואס האב איך מורא צו מצליח זיין

די אחראים: זייער נייגעריג, אחראי, thefact

אוועטאר
ספיידער
שר חמישים ומאתים
תגובות: 284
זיך איינגעשריבען אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

פארוואס האב איך מורא צו מצליח זיין

תגובהדורך ספיידער » דאנארשטאג יוני 23, 2016 4:35 pm

היינט אינדערפרי האב איך געהאט א פלאפ...
איך האב איבער געלאזט מיין לעקטעריק ציגרעטל אינדערהיים,
נאכן ענדיגן די זכרו שיעור וועלדיג כאפן די טעגליכע קלאץ און בלאזן וואלקענעס פארע אויף ארויף און פארגעסן פאר אפאר מינוט אז עס קומט א טאג און פון אלע סטרעסס וואס די טאג גייט מיטברענגען מיט זיך, און ברייט משפיע זיין פאר יעדן איינעם, ספעציעל פאר די וואס האבן נישט ליב סטרעסס און איך האב עס גראדע נישט אזוי ליב...



איך הייב אן זוכן די ציגארעטל און אלע 12 טאשן. 4 טאשן אין די רעקל, 6 אין די וועסטל, 4 אין די הויזן, איינמאל אין נאכאמאל והילד אינני נישטא איז נישטא



זיצעך אזוי פארטראכט און איך טראכט פון אלעס וואס דארף היינט געטון ווערן אךךךך.. איך האב נישט קיין נערוון...
די פיס איז שוין געווען פלאצירט אויף א אנדערע בענקל אויסגעצויגן, שוין 3 מאל געסטרעטשט, מיין קאפ איז שוין געלעגן אנגעלאנט שיף ווי כאילו עס וואלט געווען א קישן אויפן אקסל, אבער די רואיגקייט וויל נישט אנקומען



מענין לענין שלא באותו ענין האב איך אנגעהויבן טראכטן ווען איך גיי ווערן א מענטש און זיך טוישן און בעיקר ווען וועל איך שוין נישט אפשטיפן זאכן וואס זענען דא צו ווערן ערלעדיגט, איך האב נישט קיין פעני אויף מיר און מיט אפאר פאון קאללס קען איך ווערן מיט אפאר אלפים רייכער סתם די פוילקייט מאכט א חורבן ואין פוצה פה ומפצפץ און איך זיץ מיט פארלייגטע הענט



פלוצלינג איז מיר איינגעפאלן א געוואלטיגע געדאנק... און איך וויל עס מיטטיילן מיט אייך!
די געדאנק איז אזוי:



פארוואס זענען דא אזויפיל מענטשן וואס ווילן זיך טוישן און למעשה נעמט מען נישט די נויטיגע שריט? זאל עס זיין אין דאווענען, זאל עס זיין אין לערנען, זאל עס זיין אין ביזנעס, זאל עס זיין אין שטוב, זאל עס זיין מיט חינוך הבנים, זאל עס זיין סטאפן אן עדיקשן, זאל עס זיין סיי וועלכע קבלה טובה, זאל עס זיין די דיעטע, זאל עס זיין מאכן איבונגען, וואס די מענטש האט שוין לאנג געוואלט מאכן, און ער האלט און איין זאגן פאר זיך אז ער גייט זיך נאך איין טאג טוישן כאטש ער ווייסט אז די איין טאג גייט קיינמאל נישט אנגעקומען דאך איז די מענטש מחליט זיך נישט צו טוישן און איז מסכים צו פארלירן די שמחת החיים, און הנאה, און זעלבסט רעספעקט, די געלט, די רואיגקייט, די געפיהל פון ׳איך לעב׳, די צופרידנקייט, די דערהויבנקייט, וכו׳ וכו׳ וכו׳ וואס ער וואלט נאך היינט געקענט האבן אויב ער וואלט געמאכט די החלטה אז מען גייט יעצט נעמען שריט און טון די זאכן וואס די אליינס האלסט אז די וואלט עס שוין לאנג געדארפט טון און דערווייל לאזט מען זיך פירן אויף אויטאו פיילאט פונעם לעבן אנשטאט זיך צו זעצן אין די דרייווער סיט פון לעבן און מאכן די נויטיגע החלטות און אנהייבן לעבן די לעבן וואס די ווילסט באמת לעבן????



נאר וואס דען? בין איך געקומען צו די החלטה מענטשן האבן מורא צו מצליח זיין, יאפ מ׳האט מורא צו מצליח זיין און צו לעבן די געשמאקע לעבן וואס מ׳וויל לעבן, שא שא שא איך פארשטיי אז עס מאכט נישט קיין סענץ אויב וויל ער אזוי שטארק האבן א זיסע לעבן פון וואס האט ער מורא, ער וויל דאך אזוי שטארק האבן די לעבן און ער ווייסט אז עס וועט זיך אים לוינען די פרייז וואס עס וועט קאסטן ווי למשל די סטרעסס אדער צו האבן ווייניגער ליידיגע צייט אדער די הנאות וואס ער דארף אויפגעבן, אויב אזוי פון וואס האט ער מורא?



עס קען זיין אסאך זאכן וואס א מענטש קען מורא האבן, דא האסטו אפאר דוגמאות וואס עס קען זיין די פחד,



ליין מיט ישוב הדעת, די קענסט דא טרעפן העללאו דיין אינערלעכע חברה מאן וואס פארוואנדלט דיין לעבן אין א מציאות וואס מאכט דיר פילן אז די בוסט אין א דזשעיל מיט געבינדענע הענט אנשטאט צו פילן אז די לעבן איז אזויווי א ים פון השפעות ווי מ׳קען בע״ה ארויסנעמען דערפון וואס עס גליסט זיך נאר



1. א מענטש קען מורא האבן אז ער וועט שוין נישט האבן וואס זיך אפצורעדן און אזויווי ער האט געלעבט א לאנגע צייט מיט זיך אפרעדן קען ער נישט אין איין מינוט זאגן בייביי פאר זיין אלטע לעבן וואס איז געווען זיין אכסניא ע״י הדחק ווייל עפעס א זויערע געשמאק האט עס פארט געהאט...
2. אויב אלעס וועט גיין גוט וועט ער פארלירן די דרייוו צו טון עניטינג אין לעבן ווייל די זאך וואס מאכט א מענטש טון זאכן איז ווען עפעס איז ראנג און אויב איז גארנישט ראנג מער טראכט ער אז ער וועט ווערן אויסגעלאשן
3. די מענטש האט מורא אז ער וועט ווערן צו שטארק פריילעך און ער וועט נישט זיין מחובר מיט די מציאות פון זיין לעבן (ווי כאילו יעצט איז ער יא מחובר...) אויך וויבאלד די מענטש איז נישט געווען אויפגעלייגט פאר א לאנגע צייט זעהט אומעטיגקייט אויס פאר די מענטש מער א אמת׳דיגע געפיהל,
4. די מענטש האט מורא ווען ער וועט מצליח זיין וועט ער ווערן זייער פריילעך און ער וועט ווערן אזוי שטארק צוגעבינדן צו די גוטע געפיהל וואס ער האט אז ער וועט ווערן זייער נערוועז אז אפשר וועט ער האבן א ירידה און מער נישט האבן די גוטע געפיהל, און פון אזא שטארקע סטרעסס האט די מענטש זייער מורא כאטשיק חיי שעה פארשטייט ער איז אויך חשוב אבער די צער פון די נערוועזקייט וואס קען ווערן פארמערט זעהט אויס צו שרעקעדיג
5. די מענטש האט מורא פון גאוה, אדער אז ער וועט זיך האלטן מער ווי ער איז, אדער ער האט מורא אז ער וועט באקומען א געפיהל פון כחי ועוצם ידי און ווי שטארק א מענטש וויל האבן די געפיהל פון זיין אינדעפענדענט וויל ער אסאך שטערקער זיין דיפענדענט, די מענטש האט ליב די געפיהל פון זיין אנגעלאנט אויף א גרעסערע כח פון אים
6. די מענטש האט מורא אז ער וועט נמאס ווערן פון די הצלחה וואס ער איז אנגעקומען און ער וועט פילן ליידיג אין זיין לעבן... אבער ווילאנג ער האט נישט גענומען שריט כאטשיק ער פילט ליידיג דאך רעדט ער זיך איין אז עס איז נאר טעמפארערי ווייל ער גייט זיך נאך איין טאג טוישן...
7. די מענטש האט מורא אז ער וועט איינזעהן דעם אמת אז די אלע מענטשן אדער זאכן וואס ער האלט און איין באשילדיגן זענען נישט אמת ווייל ער וועט זעהן קלאר אז אויב ער וויל קען ער
8. די מענטש האט מורא אז ער וועט איינזעהן זיינע טעותים ער וועט זעהן וויפיל ליגנט ער האלט און איין זאגן פאר זיך אליין
9. די מענטש האט מורא פון א נייע זאך ער האט זיך שוין צוגעוואוינט צו וואוינען אין א בוילער רום מיט דים לייטינג ער פילט שוין דאס בין איך אזוי וואוין איך ער ווייסט נישט וויאזוי עס פילט צו וואוינען אין א פאלאץ ביים ברעג ים, ער קען נישט געהעריג אנטאפן די טויש וואס איז דערווייל נאר א געדאנק אין מוח, בקיצור פחד פון אומבאקאנטקייט און סורפרייזעס
10. עס קען אויך זיין אז די מענטש ווייסט אליינס נישט וואס ער וויל און ער מיינט אז ער ווייסט דעמאלטס איז די פחד פון מצליח זיין א בארעכטיגטע פחד ער האט באמת פון וואס מורא צו האבן ווען ער וועט אנקומען צו זיין חלום און נישט פילן וואס ער האט געמיינט ער גייט פילן און זעהן אז אלעס איז געווען הוילע דמיונות דעמאלטס קען ער פארלירן די גאנצע חשק צו לעבן ל״ע

סאו אין אנדערע ווערטער די מענטש האט א אינערלעכע מלחמה פון 2 געפיהלן 1 געפיהל זאגט גיי פאראויס די אנדערע זאגט סטאפ,



ער ווייסט אליינס נישט וואס די מחשבה וואס זאגט סטאפ איז, און צומאל קען זיין אז צו געוואר ווערן וואס האלט מיך צוריק, דאס אליינס איז זייער שרעקעדיג און אומבאקוועם... אבער ווי קומען די אלע נעגאטיווע געפיהלן צו א הונדערסטל פון די אמת׳דיגע הנאה פון זיין אפן און אמת׳דיג מיט זיך אליינס איי דאס איז דאך ממש גן עדן בעולם הזה



נאכן ליינען ביז אהער קען ארויפקומען א מחשבה און קאפ און עס ווערט מיט יעדע דורכגייענדיגע מינוט שטערקער ביז עס נודזשעט און עס לאזט נישט קיין מנוחה, וואס איז די מלחמה ביי מיר וועלכע געפיהל לאזט מיר נישט גיין פאראויס און לעבן? וויאזוי פיגערט מען דאס אויס?



איין מינוט ביסטו זיכער אז די ווילסט געוואר ווערן די שרעקעדיגע אמת אוטש ס׳זעהט אויס זייער סקערי און ס׳קען קאסטן היבש ביסל פעין...



אבער לאמיר דיר זאגן מיין טייער פריינד עס איז אסאך מער פעינפול צו אנטלויפן פון פעיסן די שונא ווי אים צו קאנפראנטן און זאגן פאר אינערלעכע שונא העי יעצט האב איך דיך געכאפט דא ביסטו די גנב עצום און נעמען אלע ענערדזשי וואס מ׳קען זיך צאמקלויבן און שרייען מיט אלע כוחות ארויס פון דא די גנב איינער



סאו וואס איז די עצה געוואר צו ווערן וועלכע פחד האלט מיך צוריק? אין אנדערע ווערטער פון וואס האב איך מורא?



א גוטע קשיא,

נו א גוטע קשיא דארף א גוטע תירץ? ניין?



אוקעי!!!



די ערשטע זאך לאמיר קלאר מאכן פינקטלעך און טאקע פינקטלעך אויפן האר, וואס איז די ציהל? ווי ווילסטו אנקומען? וואס דארף זיין די מציאות וואס דעמאלטס וועסטו זאגן אה! דאס האב איך געמיינט?



נאכדעם וואס דאס איז קלאר פרעג זיך אליינס די קשיא פארוואס וויל איך אנקומען אהין? וואס איז אזוי גוט דערמיט אז איך בין גרייט אריינצולייגן כוחות אנצוקומען צו די ציהל, איז עס פשוט ווייל וויאזוי עס יעצט איז נישט גוט טראכט איך אז אפשר דעמאלטס וועט יא זיין גוט....? אדער אז די זאך וואס איך וויל עררייכן איז מיר נאנט צום הארצן און איך פיל אז דאס איז חשוב אדער וויכטיג אדער דאס איז פון מיינע חיובים אדער עס איז מיין תפקיד מיין אויפגאבע דאס איז מיין לעבן.... וכו׳ און וועגן דעם בין איך גרייט צו טון וואס עס פעהלט אויס אנצוקומען צום ציהל אפילו עס וועט מיר קאסטן געדולד, צייט, נערוון, מעגליכע דיסעפוינטמענט, ווייטאג, דאס איז וואס איך וויל עכט עכט טון מיט מיין לעבן, יא! דאס איז עס



יעצט לאמיר אימעדזשענען לאמיר זיך פארשטעלו אז יא! אונז זענען יעצט אנגעקומען צום ציהל... מיט אלע פרטים, אלע קאלירן,
געוואלדיג, לאמיר אנהייבן טאנצן אונז זענען שוין דא ענדליך ענדליך נאך די גאנצע הארעוואניע ברוך השם



איין מינוט ס׳וויל זיך טאנצן? הא? אוקעי דאס איז א גוטע סימן



אויב נישט... העי דאס וואס איך וויל איז געשעהן פארוואס בין איך נישט העפפי? אדער פארוואס בין איך העפפי אבער אויך אביסל עפעס... איך ווייס נישט... וואס איז די מאדנע געפיהל דא? לאמיר אים ארויסווארפן פון דא.... ?!

ניין ניין יעצט זאל ער דא בלייבן לאמיר מאכן א לחיים מיט אים, זיך זעצן ביים פארהאנדלונגס טיש... די געפיהל וויל אוועקלויפן אבער אונז לאזן אים נישט מ׳גייט יעצט צום אויספארשונג, מ׳גייט יעצט אויספארשן די גנב, יעצט הייבצעך עס אן



אוקעי רעדי?



ר׳ גנב וויאזוי הייסטו? וואס ווילסטו פון מיר? בוסט מיין חבר אדער נישט? וואס ווילסטו איך זאל טון? וואס האלסטו איז יא ריכטיג צו טון?



אהא! יעצט זענען מיר קלאר געווארן,



אבער 1 וויכטיגע זאך די גנב רעדט נישט ווען ער פיהלט אז מ׳טראכט אז ער טאר זיך נישט געפונען דא אין דיר, אדער אז ער איז נישט גערעכט מיט זיין פוינט אוו וויו,



לאמיר אים אויסהערן ביזן סוף כאילו ער איז די קלוגסטע מענטש... נאך אלעם איז ער איינס פון דיינע געפיהלן,



נאכן אים אויסהערן ביזן סוף... איך הער וואס די זאגסט, עפעס זאגסטו איך גיי עס איבערטראכטן, אפשר ביסטו גערעכט טייערע געפיהל מיינער, איך טראכט עס יעצט איבער אויב איז ער גערעכט לאמיר זוכן א עצה אויף זיין טענה



אויב איז ער נישט גערעכט מאכט מען א שטארקע דעסישן אז וויפיל די גנב זאל נאר נערווירן און שרייען וועט מען אים אנפייפן מיט א פסח׳דיגע פייפער און טון וואס מ׳האט צו טון אנגעפאנגען פון יעצט



אסאך הצלחה אין די אקציע... איטס עבאוט טיים...
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע

אוועטאר
נשמה
שר חמשת אלפים
תגובות: 5073
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

תגובהדורך נשמה » דאנארשטאג יוני 23, 2016 4:52 pm

אויב איך מעג צולייגען. א מענטש ווייסט אינטערנבאוויסטזיין פונקטליך פארוואס ער וויל נישט מצליח זיין. און ער וויל טאקע נישט. ווייל ער וויל טאקע נישט בשום פנים ואופן. איז א שאלה צו סתם טראכטן מיט חשבון הנפש וועט העלפן. למשל ביי מיך האט געהאלפן נאר אז איך בין געגאנגען צו מתבונן. ווייל אליין מאכט מען נישט די ריכטיגע טיפע חשבון הנפש. איך, און איך גלייב אז ס'דא אנדערע אויך וואס קענען נישט אליין צופיהל אריינקריכן אין זיך און די אינטערנבאוויסטזיין, זיך צו טרעפן מיטן גנב ווי דו רופסט עס. איז אפילו מ'ליינט וואס דו האסט יעצט געשריבן וועט עס העלפן פאר אזאנע מענטשן נאר פאר א שעה צייט. א מענשט וויל נישט מצליח זיין. ער וויל נישט. נישט ער זיין אינטערנבאוויסטזיין וויל נישט מצליח זיין ח"ו. טאקע וועגען די אלע טעמים וואס דו האסט געשריבן און נאך טעמים. עניוועי. פארוואס איז כדאי צו וויסן וואס דו שרייבסט יעצט, ווייל שריי נישט אז דו ווילסט. זאג דעם אמת, אז עפעס אינערליך שטערט דיך. און גיי דיך העלפן גיי צו טערעפי. למשל אזא שיטה ווי מתבונן, איז דאך אזוי אייזן. איך מיין נישט דעם מענטש. איך מיין דער מהלך פון טערעפי, וואס איז אזוי דומה צו דיין ארטיקעל וואס דו האסט געשריבן. און דאס וואס דו שרייסט, שרייט ער אויך, סתם אינטערעסאנט. שתי ניקס מתנבאים בסגנון אחד. אויב איך מעג הערה'נען, איך האב דורכגעטוהן דעם נושא וואס דו שרייבסט דא. ס'איז דאך ממש אזוי אינטערעסאנט וויאזוי א מענטש ווייסט פונקטליך וויאזוי נישט מצליח זיין. ס'איז אזוי אינטערעסאנט וויאזוי א מענטש ווייסט גאר טיף פארוואס ס'לוינט זיך איהם אזוי שטארק נישט מצליח צו זיין. און אפשר טאקע???????? אפשר איז בעסער אזוי????????
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

נא_שכל
שר ארבעת האלפים
תגובות: 4975
זיך איינגעשריבען אום: מאנטאג יולי 14, 2008 10:44 pm
לאקאציע: עולם הדמיון

תגובהדורך נא_שכל » דאנארשטאג יוני 23, 2016 5:56 pm

די אשכול איז א קאזין און אפשר גאר א ביאור אויף די אשכול פון: עצות איבערצוקומען די מניעה פון אנטראגן פאר א צווייטן א ...!

און גיט א קוק אין די לעצטע תגובה דארט, ער שרייבט כעין דיר
"ואומר לאשר יבוא מכתבי לחזות, אכול את המגילה הזאת. כי מהאוכל יצא מאכל, ושכל יצא משכל ..." (ר' ברכיה בן נטרונאי הנקדן, בהקדמת ספרו 'משלי שועלים').

אוועטאר
fiena nieas
שר האלפיים
תגובות: 2106
זיך איינגעשריבען אום: זונטאג ינואר 23, 2011 8:56 am

תגובהדורך fiena nieas » דאנארשטאג יוני 23, 2016 6:00 pm

מתבונן'ס ארטיקלען גייען אביסל אויף דעם מהלך. שכוח ספיידער.

נ.ב. פונקט ספיידער האסטו געדארפט קלויבן...? מיין סאמע מערסטע באשעפעניש פון וואס איך עקל מיך..

אוועטאר
fiena nieas
שר האלפיים
תגובות: 2106
זיך איינגעשריבען אום: זונטאג ינואר 23, 2011 8:56 am

תגובהדורך fiena nieas » דאנארשטאג יוני 23, 2016 6:06 pm

נשמה איך טראכט א פאני זאך.. אפשר איז די אינטערן'באוויזטזיין די יצר הרע וואס שטיפט די מענטש צו זיין נישט גיט.. ער איז דאך דארט פונעם געבוירן ווערן דהיינו פארשטעקט אינעם סאבקאנטשעס. און לעומת זה איז דא די באוויסטזיין אין דאס איז די יצר טוב וואס שטיפט דעם מענטש צו זיין גיט יא צו מצליח זיין.

נא_שכל
שר ארבעת האלפים
תגובות: 4975
זיך איינגעשריבען אום: מאנטאג יולי 14, 2008 10:44 pm
לאקאציע: עולם הדמיון

תגובהדורך נא_שכל » דאנארשטאג יוני 23, 2016 6:12 pm

מר. ספיידער, די עצה דיינער העלפט אביסל אויפצושאקלען די סוג מענטשען, אדער לכל היותר העלפט עס למעשה צייטווייליג, אבער נאך א שטיק צייט איז מפטירין כדאתמול....

פון איינעם האב איך אמאל געהערט אז ס'איז א כראנישע עצלות. און וואס איז די רפואה דערפאר?! קודם ווייס די קרענק: "פוילקייט", דערנאך?
"ואומר לאשר יבוא מכתבי לחזות, אכול את המגילה הזאת. כי מהאוכל יצא מאכל, ושכל יצא משכל ..." (ר' ברכיה בן נטרונאי הנקדן, בהקדמת ספרו 'משלי שועלים').

אוועטאר
נשמה
שר חמשת אלפים
תגובות: 5073
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

תגובהדורך נשמה » דאנארשטאג יוני 23, 2016 6:39 pm

fiena nieas האט געשריבן:נשמה איך טראכט א פאני זאך.. אפשר איז די אינטערן'באוויזטזיין די יצר הרע וואס שטיפט די מענטש צו זיין נישט גיט.. ער איז דאך דארט פונעם געבוירן ווערן דהיינו פארשטעקט אינעם סאבקאנטשעס. און לעומת זה איז דא די באוויסטזיין אין דאס איז די יצר טוב וואס שטיפט דעם מענטש צו זיין גיט יא צו מצליח זיין.

יצר הרע מיינט די באשאף וואס מאכט שלעכט.

לאמיר נעמען די דריטע פארגעשלאגענע זאך פון ספיידער פארוואס א מענשטנ'ס אינטערבאוויסטזיין וויל נישט מצליח זיין
. די מענטש האט מורא אז ער וועט ווערן צו שטארק פריילעך און ער וועט נישט זיין מחובר מיט די מציאות פון זיין לעבן (ווי כאילו יעצט איז ער יא מחובר...) אויך וויבאלד די מענטש איז נישט געווען אויפגעלייגט פאר א לאנגע צייט זעהט אומעטיגקייט אויס פאר די מענטש מער א אמת׳דיגע געפיהל,
יעצט, מיט וואס איז דאס א יצר הרע צו וועלן זיין סעיף? א מענטש וויל זיין סעיף, און פיהלן מחובר מיט די מציאות. ביי איהם איז אי הצלחה מער מציאות'דיג.

אגב, די רגע א מענטש פיהלט און ווערט באקאנט אז דאס טאקע איז די אמת, און טאקע דאס, נישט טעארעטיש אז ווייל ער האט געליינט אין אייוועלט פון א ניק ספיידער אז ס'קען זיין אז דאס האלט איהם צוריק, במילא איז ער מסכים זיך צו טוישן, דאס וועט איהם נאך גארנישט העלפן, נאר ער מוז פיהלן און באקאנט ווערן אז טאקע דאס, איז די סיבה פארוואס ער וויל נישט מצליח זיין. און דעמאלסט וועט ער זיך טוישן.

מיט אביסל אריינטראכטן "העי, איין מינוט, וואס איז די מציאות אין לעבן, זיין אוממעטיג פון אי הצלחה? יא? דאס איז די מציאות? ממש אזוי?" בקיצור אין איין רגע טוישט ער זיך, ווען ער כאפט אין וואספארא טעות ער לעבט און ער טוישט זיך. דער מענטש מוז אבער פיהלן אז דאס איז וואס האלט איהם צוריק. דאס הייסט ער מוז ווערן באוויסטזיניג אז דאס איז וואס ס'האלט איהם צוריק. פונקט אזוי ווי לאמיר זאגען אז ראובן האט פארשעמט שמעון, וועט ראובן נישט קענען טראכטן צו זיך, "שמעון זיי מיך מוחל, ביסט מיך מוחל? איך וויל דיך איבערבעטן, ביסט מיך מוחל?" מיט דעם וועט שמעון נישט ווערן איבערגעבעטן. און נאר ווען ער וועט עקטשעלי גיין צו שמעון און איהם איבערבעטן וועט שמעון ווערן איבערגעבעטן. די זעלבע זאך דא, די אינטערנבאוויסטזיין מוז ווערן געטוישט! סאו, ס'מוז ווערן באוויסטזיניג, און נאכדעם איז דא א געלעגנהייט עס צו טוישן.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

אוועטאר
ספיידער
שר חמישים ומאתים
תגובות: 284
זיך איינגעשריבען אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

תגובהדורך ספיידער » דאנארשטאג יוני 23, 2016 6:41 pm

נשמה האט געשריבן:אויב איך מעג צולייגען. א מענטש ווייסט אינטערנבאוויסטזיין פונקטליך פארוואס ער וויל נישט מצליח זיין. און ער וויל טאקע נישט. ווייל ער וויל טאקע נישט בשום פנים ואופן. איז א שאלה צו סתם טראכטן מיט חשבון הנפש וועט העלפן. למשל ביי מיך האט געהאלפן נאר אז איך בין געגאנגען צו מתבונן. ווייל אליין מאכט מען נישט די ריכטיגע טיפע חשבון הנפש. איך, און איך גלייב אז ס'דא אנדערע אויך וואס קענען נישט אליין צופיהל אריינקריכן אין זיך און די אינטערנבאוויסטזיין, זיך צו טרעפן מיטן גנב ווי דו רופסט עס. איז אפילו מ'ליינט וואס דו האסט יעצט געשריבן וועט עס העלפן פאר אזאנע מענטשן נאר פאר א שעה צייט. א מענשט וויל נישט מצליח זיין. ער וויל נישט. נישט ער זיין אינטערנבאוויסטזיין וויל נישט מצליח זיין ח"ו. טאקע וועגען די אלע טעמים וואס דו האסט געשריבן און נאך טעמים. עניוועי. פארוואס איז כדאי צו וויסן וואס דו שרייבסט יעצט, ווייל שריי נישט אז דו ווילסט. זאג דעם אמת, אז עפעס אינערליך שטערט דיך. און גיי דיך העלפן גיי צו טערעפי. למשל אזא שיטה ווי מתבונן, איז דאך אזוי אייזן. איך מיין נישט דעם מענטש. איך מיין דער מהלך פון טערעפי, וואס איז אזוי דומה צו דיין ארטיקעל וואס דו האסט געשריבן. און דאס וואס דו שרייסט, שרייט ער אויך, סתם אינטערעסאנט. שתי ניקס מתנבאים בסגנון אחד. אויב איך מעג הערה'נען, איך האב דורכגעטוהן דעם נושא וואס דו שרייבסט דא. ס'איז דאך ממש אזוי אינטערעסאנט וויאזוי א מענטש ווייסט פונקטליך וויאזוי נישט מצליח זיין. ס'איז אזוי אינטערעסאנט וויאזוי א מענטש ווייסט גאר טיף פארוואס ס'לוינט זיך איהם אזוי שטארק נישט מצליח צו זיין. און אפשר טאקע???????? אפשר איז בעסער אזוי????????


ס'איז גרינגער נישט צו מצליח זיין אבער נישט בעסער, יעדע מענטש מאכט די בחירה אויב ער זאל זיך לאזן פון זיינע שוועריקייטן אדער ער זאל אנהייבן פירן זיין לעבן

אויב א מענטש לאזט זיין לעבן גלייכגילטיגערהייט פארן פון זיך אליינס אן האבן א השגה וואס איז וויכטיג פאר מיר און אין וועלכע זאך וויל איך אוועק געבן צייט און כוחות וועט ער אנקומען זייער נישט גוט, די מענטש פארלירט זיין געפיהל פון חשובות אויף זיין גאנצע לעבן ועוד עס וועט אים באדערן יעדע קליינע אומבאקוועמליכקייט, און ער וועט כסדר זוכן תענוגים אנצופילן די ליידיגע געפיהל

בקיצור פרעג דיר אליינס די ברענענדיגע שאלה: מיין לעבן איז עפעס ווערד???
אויב יא, פארוואס?
און אויב יא וואס קען איך טון מיין לעבן אז איך זאל עס נישט לאזן דורכגיין אן ארויסנעמען די מאקסימום? א טייערע זאך לוינט זיך נישט צו לאזן פארפאלן גיין מיט שטותים
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע

אוועטאר
נשמה
שר חמשת אלפים
תגובות: 5073
זיך איינגעשריבען אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

תגובהדורך נשמה » דאנארשטאג יוני 23, 2016 6:44 pm

ספיידער האט געשריבן:
נשמה האט געשריבן:אויב איך מעג צולייגען. א מענטש ווייסט אינטערנבאוויסטזיין פונקטליך פארוואס ער וויל נישט מצליח זיין. און ער וויל טאקע נישט. ווייל ער וויל טאקע נישט בשום פנים ואופן. איז א שאלה צו סתם טראכטן מיט חשבון הנפש וועט העלפן. למשל ביי מיך האט געהאלפן נאר אז איך בין געגאנגען צו מתבונן. ווייל אליין מאכט מען נישט די ריכטיגע טיפע חשבון הנפש. איך, און איך גלייב אז ס'דא אנדערע אויך וואס קענען נישט אליין צופיהל אריינקריכן אין זיך און די אינטערנבאוויסטזיין, זיך צו טרעפן מיטן גנב ווי דו רופסט עס. איז אפילו מ'ליינט וואס דו האסט יעצט געשריבן וועט עס העלפן פאר אזאנע מענטשן נאר פאר א שעה צייט. א מענשט וויל נישט מצליח זיין. ער וויל נישט. נישט ער זיין אינטערנבאוויסטזיין וויל נישט מצליח זיין ח"ו. טאקע וועגען די אלע טעמים וואס דו האסט געשריבן און נאך טעמים. עניוועי. פארוואס איז כדאי צו וויסן וואס דו שרייבסט יעצט, ווייל שריי נישט אז דו ווילסט. זאג דעם אמת, אז עפעס אינערליך שטערט דיך. און גיי דיך העלפן גיי צו טערעפי. למשל אזא שיטה ווי מתבונן, איז דאך אזוי אייזן. איך מיין נישט דעם מענטש. איך מיין דער מהלך פון טערעפי, וואס איז אזוי דומה צו דיין ארטיקעל וואס דו האסט געשריבן. און דאס וואס דו שרייסט, שרייט ער אויך, סתם אינטערעסאנט. שתי ניקס מתנבאים בסגנון אחד. אויב איך מעג הערה'נען, איך האב דורכגעטוהן דעם נושא וואס דו שרייבסט דא. ס'איז דאך ממש אזוי אינטערעסאנט וויאזוי א מענטש ווייסט פונקטליך וויאזוי נישט מצליח זיין. ס'איז אזוי אינטערעסאנט וויאזוי א מענטש ווייסט גאר טיף פארוואס ס'לוינט זיך איהם אזוי שטארק נישט מצליח צו זיין. און אפשר טאקע???????? אפשר איז בעסער אזוי????????


ס'איז גרינגער נישט צו מצליח זיין אבער נישט בעסער, יעדע מענטש מאכט די בחירה אויב ער זאל זיך לאזן פון זיינע שוועריקייטן אדער ער זאל אנהייבן פירן זיין לעבן

אויב א מענטש לאזט זיין לעבן גלייכגילטיגערהייט פארן פון זיך אליינס אן האבן א השגה וואס איז וויכטיג פאר מיר און אין וועלכע זאך וויל איך אוועק געבן צייט און כוחות וועט ער אנקומען זייער נישט גוט, די מענטש פארלירט זיין געפיהל פון חשובות אויף זיין גאנצע לעבן ועוד עס וועט אים באדערן יעדע קליינע אומבאקוועמליכקייט, און ער וועט כסדר זוכן תענוגים אנצופילן די ליידיגע געפיהל

בקיצור פרעג דיר אליינס די ברענענדיגע שאלה: מיין לעבן איז עפעס ווערד???
אויב יא, פארוואס?
און אויב יא וואס קען איך טון מיין לעבן אז איך זאל עס נישט לאזן דורכגיין אן ארויסנעמען די מאקסימום? א טייערע זאך לוינט זיך נישט צו לאזן פארפאלן גיין מיט שטותים

אויב איך וועל ליינען וואס דו האסט יעצט געשריבן און עס גוט אריינטראכטן מאכט מיך עס פיהלן אזוי ווי איך וואלט געגעסן קאשע. עסן אן א טעם. פאר יענעם איז גרינג צו זאגען, עס אן א טעם, אבער זיך פארשטייט מען זייער גוט. אפילו עירקאנדישאן מאכט מען זיכער צו האבן. איך האלט אז נאר טערעפי, און דייקא אזא טערעפי ווי מתבונן קען מיך העלפן פארטיג! אריינטראכטן לאז איך פאר א צווייטן. די סי בי טי טערעפיסטן צווינגען איינעם אריין מיט געדאנקען אן זיך רעכענען מיט ווייטאגליכע געפיהלן. גארנישט. זיי זאגען אן עצה, מיט א שמייצע און דו מוזט סטראגלען פאר די נעקסטע זיבעציג יאר. און נישט נאר דאס, נאר זיי אליין פארשטייען זיך זייער גוט. נאר יענעם געבן זיי עצות אן אפילו אויסהערן. וויאזוי קענסטו זאגען
ס'איז גרינגער נישט צו מצליח זיין אבער נישט בעסער, יעדע מענטש מאכט די בחירה אויב ער זאל זיך לאזן פון זיינע שוועריקייטן אדער ער זאל אנהייבן פירן זיין לעבן

אויב א מענטש לאזט זיין לעבן גלייכגילטיגערהייט פארן פון זיך אליינס אן האבן א השגה וואס איז וויכטיג פאר מיר און אין וועלכע זאך וויל איך אוועק געבן צייט און כוחות וועט ער אנקומען זייער נישט גוט, די מענטש פארלירט זיין געפיהל פון חשובות אויף זיין גאנצע לעבן ועוד עס וועט אים באדערן יעדע קליינע אומבאקוועמליכקייט, און ער וועט כסדר זוכן תענוגים אנצופילן די ליידיגע געפיהל

בקיצור פרעג דיר אליינס די ברענענדיגע שאלה: מיין לעבן איז עפעס ווערד???
אויב יא, פארוואס?
ווייל אויב ווייסטו אז א מענטש וויל נישט מצליח זיין, פארוואס ביסטו נישט גרייט אויסצוהערן דעם אינטערנבאוויסטזיין פארוואס ער וויל נישט מצליח זיין? איך וויל אויך פיהלן א טעם אין לעבן! דע זעלבע טעם ווי א מוצלח פיהלט! די זעלבע טעם וואס דו פיהלסט!!! נו, דעמאלסט פארוואס צווינגסטו מיך צו לעבן שווערער??? דו זאגסט דאך אליין אז ס'איז גרינגער נישט צו מצליח זיין. אבער אפשר קענסטו טרעפן א וועג וויאזוי צו מאכן אז איך זאל פיהלן די זעלבע זאך ווי דער וואס איז מצליח??? ס'זאל זיך מיך מיר פונקט אזוי וועלן, ס'זאל מיר זיין די זעלבע גרינג. מתבוננ'ס מהלך בעזרהשי"ת האט א גוטע וועג וואס קען העלפן פאר דעם אויך. נישט סתם 'זאגען עצות און מאכן יענעם זיך פלאגען און אריינטראכטן מיין לעבן איז עפעס ווערד??? אויב יא פארוואס?? דו מוזט פארשטיין אז מ'וויל דאס נישט עכט טראכטן, עפעס דרוקט.

איך רעד נישט עכט וועגען מיר. איך רעד וועגען דעם צוגאנג פון סי בי טי ודעימיה.

אזוי ווי איינער האט זיך נישט געקענט ארויסברענגען אז זיין בענקעל אויף וואס ער זיצט שטעכט, און דער סי בי טי אדער וואטעווער געט איהם עצות אז מ'דארף אריינטראכטן "מיין לעבן איז עפעס ווערד???? אויב יא פארוואס?" און דער האט זיך טאקע אנגעשטערענגט און ווייטער געזיצן אויף דעם זעלבן בענקעל. ווייל אזוי האט מען איהם געזאגט, אז מ'דארף בעיקר פירן די לעבן. משא"כ דער מהלך פון מתבונן דערגייט וואס ס'גייט פאר. ממש אזוי ווי דיין מהלך, אבער טיפער. אויב אזוי טויש בענקעל והכל על מקומו יבא בשלום. פארשטייסט? איך זאג דיך, אז ס'איז זייער וויכטיג אויסצוהערן א מענטש, פאר מ'הייסט יענעם מאכן א חשבון הנפש. הער אויס יענעם און הייס נישט טוהן יענעם זאכן, יענער וועט עס אליין טוהן. דו ווייסט זייער גוט ספיידער, חזק ואמץ, נאר איך וויל דיך מחזק זיין צו הערן א צווייטן מיט א גוטע אויער. אמפאטיע. חזק
לעצט פאראכטן דורך נשמה אום דאנארשטאג יוני 23, 2016 7:57 pm, פאראכטן געווארן 6 מאל סך הכל.
אין אני מסכים בשום פנים ואופן לשום דבר, ולשום דברי ציונות, וואס ווערט דא געזאגט דורך סיי וועמען אדער דורך מיר אליין, פארקערט ווי ס'שטייט אין דעם סאטמאר רבינ'ס ספרים.

אוועטאר
מה פתאום???
שר ארבעת האלפים
תגובות: 4403
זיך איינגעשריבען אום: דאנארשטאג יולי 09, 2015 5:16 pm
לאקאציע: עיה״ק צפת

תגובהדורך מה פתאום??? » דאנארשטאג יוני 23, 2016 6:49 pm

נאכן איבערליינען די לעכטיגע ספיידער דיבורים קום איך צו די החלטה אז ער האט געמיינט טיפער פון וואס עס שטייט דא און די חלק איז נישט אזוי גוט ארויסגעקומען.

די ערשטע יסוד איז: "א מענטש וואס איז נישט מצליח וויל נישט מצליח זיין". און מ'האט געברענגט די פארשידענע סיבות פארוואס עס איז אזוי.

יעצט, פרעגט דאך יעדער איינער, וויאזוי קען מען למעשה יא "ווילן" מצליח זיין? און דורך די אמת'ע רצון וועט מען צוקומען צו למעשה.

די ענטפער אויף דעם איז נישט אזוי קלאר ארויסגעקומען אבער ווי איך פארשטיי דארף מען כאפן זיך מתבונן זיין וואס וועט זיין ווען איך וועל יא צוקומען צו וואס איך חלום, וועל איך שוין שפירן גוט? טראכט אריין פאר דו ליינסט ווייטער...




אויב די ענטפער איז ניין דאן גיי צום נעקסטן פאראגראף, אויב די ענטפער איז יא דאן טראכט פון די בעסטע הרגשה וואס דו האסט אמאל געהאט אין לעבן און טראכט דערנאך אויב נאכן צוקומען צום ציל וועסטו האבן די זעלבע הרגשה. אויב נישט דאן שטיימיר אייניג.

יעצט טראכט, פארוואס נאכן "אקאמפלישן" שפיר איך נאך אלץ נישט די געשמאקע גוטע געפיל פון מיין בעסטע הרגשה אין לעבן? קען מען טאקע נישט האבן אט דעם גוטן געפיל אייביג צו יעדע צייט?

די ענטפער אויף דעם איז א הילכיגע יא! מ'קען יא שפירן גאר גוט מיט זיך אייביג!

וויאזוי?

העמיר ווארטן ספיידער זאל צוריקקומען און ממשיך זיין.

אוועטאר
ספיידער
שר חמישים ומאתים
תגובות: 284
זיך איינגעשריבען אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

תגובהדורך ספיידער » דאנארשטאג יוני 23, 2016 7:10 pm

מה פתאום??? האט געשריבן:נאכן איבערליינען די לעכטיגע ספיידער דיבורים קום איך צו די החלטה אז ער האט געמיינט טיפער פון וואס עס שטייט דא און די חלק איז נישט אזוי גוט ארויסגעקומען.

די ערשטע יסוד איז: "א מענטש וואס איז נישט מצליח וויל נישט מצליח זיין". און מ'האט געברענגט די פארשידענע סיבות פארוואס עס איז אזוי.

יעצט, פרעגט דאך יעדער איינער, וויאזוי קען מען למעשה יא "ווילן" מצליח זיין? און דורך די אמת'ע רצון וועט מען צוקומען צו למעשה.

די ענטפער אויף דעם איז נישט אזוי קלאר ארויסגעקומען אבער ווי איך פארשטיי דארף מען כאפן זיך מתבונן זיין וואס וועט זיין ווען איך וועל יא צוקומען צו וואס איך חלום, וועל איך שוין שפירן גוט? טראכט אריין פאר דו ליינסט ווייטער...




אויב די ענטפער איז ניין דאן גיי צום נעקסטן פאראגראף, אויב די ענטפער איז יא דאן טראכט פון די בעסטע הרגשה וואס דו האסט אמאל געהאט אין לעבן און טראכט דערנאך אויב נאכן צוקומען צום ציל וועסטו האבן די זעלבע הרגשה. אויב נישט דאן שטיימיר אייניג.

יעצט טראכט, פארוואס נאכן "אקאמפלישן" שפיר איך נאך אלץ נישט די געשמאקע גוטע געפיל פון מיין בעסטע הרגשה אין לעבן? קען מען טאקע נישט האבן אט דעם גוטן געפיל אייביג צו יעדע צייט?

די ענטפער אויף דעם איז א הילכיגע יא! מ'קען יא שפירן גאר גוט מיט זיך אייביג!

וויאזוי?

העמיר ווארטן ספיידער זאל צוריקקומען און ממשיך זיין.


ייש"כ פארן מסביר זיין מיינע ווערטער

יעדע מענטש האט לעני"ד עפעס וואס ער וויל און וואס ער איז מחשיב אז ער זאל פילן אז דאס וועט אים געבן חשק אין לעבן, די פראבלעם איז אז די מענטש ווערט פארשלעפט פון אנדערע זאכן אדער האט ער נאך קיינמאל נישט געטראכט וואס ער וויל, און אז מ'טראכט נישט ווייסט מען נישט

דאס וואס די זאגסט וועגן די בעסטע געפיהל פארשטיי איך נישט וואס די מיינסט ארויסצוברענגען
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע

אוועטאר
מה פתאום???
שר ארבעת האלפים
תגובות: 4403
זיך איינגעשריבען אום: דאנארשטאג יולי 09, 2015 5:16 pm
לאקאציע: עיה״ק צפת

תגובהדורך מה פתאום??? » דאנארשטאג יוני 23, 2016 7:19 pm

די חלק פון בעסטע געפיל איז אז יעדע מענטש האט אמאל גאר א גוטע געפיל צו וואס ער בענקט זיך, זאל עס זיין א קאמפלימענט פון איינעם וכדו', וואס ער ווייסט נישט איז אז ס'דא א מהלך וויאזוי דער געפיל זאל זיין אייביג.

אוועטאר
ספיידער
שר חמישים ומאתים
תגובות: 284
זיך איינגעשריבען אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

תגובהדורך ספיידער » דאנארשטאג יוני 23, 2016 8:03 pm

fiena nieas האט געשריבן:נ.ב. פונקט ספיידער האסטו געדארפט קלויבן...? מיין סאמע מערסטע באשעפעניש פון וואס איך עקל מיך..


דוד המלך האט געפרעגט פארוואס די אייבעשטער באשאפן ספיידערס און צום סוף האט ער אליינס געדארפט צוקומען דערצו

די וועלט זאגט אז עס איז נישט אזוי געפערלעך ווען מ'זעהט א ספיידער די פראבלעם ווערט ווען מ'זעהט אים מער נישט... ווייל אפשר ווארט ער אויף דיר אין דיין בעט...
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע

היימישער אינגערמאן
שר חמשת אלפים
תגובות: 5389
זיך איינגעשריבען אום: מאנטאג יולי 06, 2015 6:18 pm

תגובהדורך היימישער אינגערמאן » דאנארשטאג יוני 23, 2016 8:59 pm

בקיצור נמרץ.
--
לאמיר קוקן קודם פשוט אן די "באהאלטענע סיבות".

טוישן א געוואוינהייט איז שווער.
אנהייבן לעבן אנדערש איז "זייער שווער". פינטעל.
אנהייבן לעבן אנדערש ווען מען איז שוין א אינגערמאן איז "נאך שווערער" און פארלאנגט אסך ארבעט.
פוילקייט שפילט א גרויסע ראלע, און ווען מען טועט א זאך וואס מען איז נישט געוואוינט פילט מען מער אפגעמוטשעט און מען פילט עפעס "נישט זיך" געהעריג.

דערנאך קומט נאך צו דער פאקט אז מען האט שוין אסך מאל געטרייט און מען איז צוריקגעפאלען און דאס נעמט אוועק די מאטיוואציע צו אנהייבען נאכאמאל.

----
אבער מיט דעם אלעם אויב וואלט דער מענטש נישט געזען "קיין שום" אמתע בענעפיט פון בלייבן די וועג ווי ער איז וואלט ער פילייכט יא מער שטערקער געטרייט און געהאט מער סוקסעס.
--
סא טרעפן די זייטיגע בענעפיטס וואס דער מענטש חלומט אז ער באקומט פון בלייבן אזוי העלפט/קען העלפען "אפטיילען" די שוועריגקייטן פון די ארבעט/עצלות, פון די א.ג. בענעפיטס סא עס ווערט מער קלארער.

נאך א נקודה, ווען א מענטש קען זיך ווען אויסלערנען קוקן נאר "אויפן היינטיגען טאג", נישט נעכטען נישט מארגן (עיין בלשונו הזהב בתחלת יסוד התשובה לר"י יעשה עצמו כאלו היום נולד ואין בידו לא זכות ולא חובה, וזה היום תחלת מעשיו, היום יפלס,ארחותיו שלא יטו מעגלותיו מדרך הטוב. ומורגל בספרי רבי נחמן) וואלט ער אסך וויטער געקענט אנקומען מיט אסך ווייניגער חשבונות.

אז מען קוקט, מאויבי תחכמני. דער יצה"ר האט קיינמאל נישט קיין דאגות וואס מען גייט טוען "מארגן" ער איז פולי פאקעסד אויף היינט.

אוועטאר
fiena nieas
שר האלפיים
תגובות: 2106
זיך איינגעשריבען אום: זונטאג ינואר 23, 2011 8:56 am

תגובהדורך fiena nieas » דאנארשטאג יוני 23, 2016 10:35 pm

היימישער wow איז דאס א שטארק ווארט דיין לעצטע שורה

אוועטאר
מה פתאום???
שר ארבעת האלפים
תגובות: 4403
זיך איינגעשריבען אום: דאנארשטאג יולי 09, 2015 5:16 pm
לאקאציע: עיה״ק צפת

תגובהדורך מה פתאום??? » דאנארשטאג יוני 23, 2016 11:04 pm

היימישער, זייער קלאר ארויסגעברענגט.

היימישער אינגערמאן
שר חמשת אלפים
תגובות: 5389
זיך איינגעשריבען אום: מאנטאג יולי 06, 2015 6:18 pm

תגובהדורך היימישער אינגערמאן » דאנארשטאג יוני 23, 2016 11:54 pm

fiena nieas האט געשריבן:היימישער wow איז דאס א שטארק ווארט דיין לעצטע שורה

אגרי עס איז זייער א וויטיגער יסוד.

איך וואלט געזאגט אז עס איז איינע פון די "הויפט מיסקאלקולעישאנס" וואס מענטשען מאכן ווען מען וויל זיך טוישן איז מאכן כל מיני חשבונות פון מארגן און נעכטען, פונעם עבר און עתיד און מיט דעם לעבט מען אפ רוב לעבן.

דער פראבלעם איז אז מען לעבט נישט מארגן און אויך נישט נעכטען, עס איז דא אינגאנצען איין צייט ווען מען לעבט... היינט. דער גאנצער לעבן באשטייט פון איינמאל היינט און נאכאמאל היינט. און ווי געזאגט דאס איז דער מהלך היצר, יעצט בטל די צייט, מארגן אז ווילסט קענסטו לערנען אפילו 18 שעה רצוף אז דו וועסט וועלן שטארק. אבער היינט, זע צו בטלן ווי מער, (חוץ מזה איז דאך שוין היינט מילא פארפאלען).

עס איז מערקווערדיג אז רבינו יונה שטעלט עס אלס די סאמע ערשטע הקדמה אינעם ספר יסוד התשובה דעם "זה היום תחלת מעשיו" און דערנאך לייגט ער צו, ואל יבהלוהו רעיוניו וכו' כי המסית יושב כזבוב יושב במפתחי הלב וכו. משיא לבו לעיצה הרעה הזאת.

(באמת כמעט דומה לזה מצינו בגמרא קידושין מימרא ראב"ש לעולם יראה אדם כאילו חציו חייב חציו זכאי ואכמ"ל)

לינק צום רבינו יונה
https://www.google.com/url?sa=t&source= ... kBSBbOzNDg

טשאקלעט
שר חמש מאות
תגובות: 509
זיך איינגעשריבען אום: פרייטאג נובעמבער 14, 2014 10:18 am

תגובהדורך טשאקלעט » פרייטאג יוני 24, 2016 12:34 am

שכוח ספיידער, הערליך שיין אויסגעוועבט די גאנצע נושא,
שורה נומבער 7 אין 8 איז דאך אזוי אמת...

נא_שכל
שר ארבעת האלפים
תגובות: 4975
זיך איינגעשריבען אום: מאנטאג יולי 14, 2008 10:44 pm
לאקאציע: עולם הדמיון

תגובהדורך נא_שכל » פרייטאג יוני 24, 2016 4:46 am

בענין וואס היימישער שרייבט אז מ'דארף קוקן אויף היינט. דאס איז איינע פון די באקאנטע יסודות פון רבי נחמן, אזוי שרייבט ער אין תורה ע"ב:
הַיּוֹם אִם בְּקוֹלוֹ תִשְׁמָעוּ זֶה כְּלָל גָּדוֹל בַּעֲבוֹדַת הַשֵּׁם שֶׁלּא יָשִׂים לְנֶגֶד עֵינָיו כִּי אִם אוֹתוֹ הַיּוֹם הֵן בְּעֵסֶק פַּרְנָסָה וְהִצְטָרְכוּתוֹ צָרִיך שֶׁלּא יַחֲשׁב מִיּוֹם לַחֲבֵרוֹ כַּמּוּבָא בַּסְּפָרִים
וְכֵן בַּעֲבוֹדָתוֹ יִתְבָּרַך לא יָשִׂים לְנֶגֶד עֵינָיו כִּי אִם אוֹתוֹ הַיּוֹם וְאוֹתוֹ הַשָּׁעָה כִּי כְּשֶׁרוֹצִין לִכָּנֵס בַּעֲבוֹדַת ה' נִדְמֶה לְהָאָדָם כְּאִלּוּ הוּא מַשָּׂא כָּבֵד וְאִי אֶפְשָׁר לוֹ לִשָּׂא מַשָּׂא כָּבֵד כָּזוֹ אֲבָל כְּשֶׁיַּחֲשׂב שֶׁאֵין לוֹ רַק אוֹתוֹ הַיּוֹם, לא יִהְיֶה לוֹ מַשָּׂא כְּלָל
וְגַם שֶׁלּא יִדְחֶה אֶת עַצְמוֹ מִיּוֹם לְיוֹם לֵאמר מָחָר אַתְחִיל
, מָחָר אֶתְפַּלֵּל בְּכַוָּנָה וּבְכחַ כָּרָאוּי וְכַיּוֹצֵא בָּזֶה בִּשְׁאָר הָעֲבוֹדוֹת כִּי אֵין לְאָדָם בְּעוֹלָמוֹ כִּי אִם אוֹתוֹ הַיּוֹם וְאוֹתוֹ הַשָּׁעָה שֶׁעוֹמֵד בּוֹ כִּי יוֹם הַמָּחֳרָת הוּא עוֹלָם אַחֵר לְגַמְרֵי הַיּוֹם אִם בְּקוֹלוֹ תִשְׁמָעוּ, 'הַיּוֹם' דַּיְקָא, וְהָבֵן.


אבער לגופו של ענין בין איך מסופק וויפל ס'העלפט לאורך הדרך פאר די סוג מענטש וואס ספיידער האט אראפגעלייגט.
"ואומר לאשר יבוא מכתבי לחזות, אכול את המגילה הזאת. כי מהאוכל יצא מאכל, ושכל יצא משכל ..." (ר' ברכיה בן נטרונאי הנקדן, בהקדמת ספרו 'משלי שועלים').

אוועטאר
ספיידער
שר חמישים ומאתים
תגובות: 284
זיך איינגעשריבען אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

תגובהדורך ספיידער » פרייטאג יוני 24, 2016 9:56 am

אפאר יודן האבן דא מעורר געווען אז די סיבה פארוואס א מענטש איז נישט מצליח זיך צו טוישן קומט נישט פון א אינערלעכע מלחמה נאר פון פוילקייט אדער יצר הרע וכו׳ און זיי זענען גערעכט אבער זיי רעדן פון א אנדערע זאך,



עס זענען דא זאכן וואס א מענטש וויל טוישן און די סיבה איז נאר די אינערלעכע מלחמה וואס עקזיסטירט אין די מענטש און לאמיר זיך קלאר מאכן דערין



לאמיר צוטיילן די זאכן וואס מענטשן ווילן זיך טוישן אין 3 קאטעגאריעס



1. זאכן וואס די מענטש וויל טוישן ער וויל עס אבער נישט גענוג שטארק, ער איז נישט באמת גרייט צו געבן די צייט און הארעוואניע וואס עס פעלט אויס זיך צו טוישן, ווען אונז וועלן זיך פרעגן די קשיא פארוואס טויש איך מיך נישט אין די זאך? וועט די תירץ זיין ס׳מיר גוט אזוי ווי ס׳איז, אדער איך האב יעצט אנדערע זאכן וואס איך ארבייט אויף מיר (אינטערסאנט אז עס מאכט אסאך מאל שלום בית פראבלעמען ווען די ווייב וועט פארהאלטן די מאן דוקא אויף די זאכן, און מ׳קען ענטפערן פאר די ווייב אז איך ארבייט אויף מיר מיט אנדערע זאכן און בע״ה וועל איך אנקומען צו דעם)

2. זאכן וואס די מענטש וויל זיך טוישן און ער וויל עס טאקע באמת און די יצר הרע און פוילקייט וכו׳ שטערן און אויב די מענטש וועט אפמאכן מיט א שטארקייט אז ער וויל זיך טוישן וועט ער בע״ה מצליח און ער וועט האבן א לעכטיגע לעבן

3. זאכן וואס די מענטש וויל זייער זייער שטארק טוישן יעצט אבער שוין, ער פילט ווי זיין גאנצע הנאה פון לעבן ליגט אין די 1 זאך, ער פרובירט און ער איז נישט מצליח, ער גליסט מיט די גאנצע נשמה צו אנהייבן א נייע לעבן, און וכאשר יענו אותו כן ירבה וכן יפרץ... ווי מער ער וויל זיך טוישן אלס מער פילט ער אז ער קען די זאך נישט איבער קומען,
אויב אזוי פרעגט זיך א הארבע שאלה פארוואס? אויב וויל מען אזוי שטארק טוישן פארוואס בין איך נישט מצליח?



די תירץ איז נישט אז די זאך איז ספעציעל א שווערע זאך צו טוישן,

ווייל די מענטש קען טרעפן ביי זיך אסאך שווערערע זאכן וואס ער איז איבערגעקומען ב״ה סוקסעספולי און עס איז שוין לאנג א פארגאנגענהייט,



צומאל זענען די זאכן ניטאמאל אזעלכע שווערע זאכן צו טון, ווי לדוגמא ווי שווער איז שוין צו מאכן א באדזשעט און און האלטן חשבון אויף די ביללס, און ביי מענטשן וואס דארט זענען זיי סטאק וועלן קענען באמערקן אז זיי ווילן אבער ווילן נישט זיין אין קאנטראל דערויף כאטשיק ער פארלירט שווערע געלטער יעדע חודש,



און פון די דריטע קאטעגאריע האבן מיר גערעדט אז עס איז דא א אינערלעכע קריגעריי וואס גייט פאר אין די מענטש,

לאמיר אויסשמועסן א מהלך וועס מענטשן נעמען צו איבערקומען זאכן פון די דריטע קאטעגאריע וואס איז לענ"ד א טעות'דיגע מהלך

די טעות׳דיגע מהלך פון טעיק איט איזי



צומאל פילט די מענטש אז ווי מער סטרעס ער לייגט אויף א זאך אלס מער איז ער נישט מצליח, אדער ער גייט צו א טעראפיסט וואס פארשטייט נישט און מ׳נעמט א מהלך אז מאכט ער אפ ביי זיך אז ער זאל נאכלאזן זיין שטארקע רצון צו טוישן די חלק פון זיין לעבן און עס נעמען איזי אן קיין פרעשור מיט די האפענונג אז אזוי וועט ער עס גרינגערהייט איבערקומען, א טעראפיסט וועט צומאל זאגן פארן קליענט עס איז נישט אזוי טעריבל, וואס די טעראפיסט זאגט אין אנדערע ווערטער עס איז נישט געפערלעך אז דיין לעבן האט נישט קיין טעם... לעב גלייכגיטיג אדער בעסער געזאגט לעב נישט און זיי גלייכגילטיג... די טעראפיסט האט נישט געלערנט אין קאלעדזש אז א מענטש האט אין זיך א אינערלעכע ברען און רצון צום לעבן וואס מ'קען אפשר צייטווייליג דערשטיקן אבער נישט אויסלעשן

די מהלך איז א טעות
די מהלך איז א טעות ווייל מ׳קען זיך נישט אליינס אויספאפן... און ער וועט ערגער מאכן זיין לעבן ווייל ער וועט ח"ו פארלירן זיין ברען וואס ער דארף האבן איבערצוקומען זאכן וואס גייען אריין אין קאטעגאריע 2 כנ״ל און די זאכן פון קאטעגאריע 3 וועלן נישט גערירט ווערן פון פלאץ

די פאטאלע קאנסקעווענצן פון די מהלך
די מהלך קען צוגרינד לייגן די לעבן ל״ע, מיט די צייט וועט ער פארגעסן אז די גלייכגילטיגקייט איז א סטראטעגיע איבערצוקומען די שוועריגקייט און ער וועט זיך נאכמער רעגן אויף זיך אליינס פארוואס באדערט עס מיר נישט גענוג שטארק, און ער וועט פארלירן די רצון, שטארקייט, און גרייטקייט, וואס פארלאנגט זיך ער זאל נעמען די נויטיגע שריט.

ער וועט פרובירן צו מסיח דעת זיין דערפון: ער וועט זיך אויסלעשן זיינע רצונות און מסיח דעת זיין דערפון, און יעדע זאך וואס מ׳טראכט אז אפשר וועט עס אויפוועקן די אלטע געפיהלן וועט ער דערווייטערן די מערסטע וואס ער קען

ער וועט אנהייבן פיינט האבן מענטשן אומזיסט: ער וועט באקומען א שנאה צו מענטשן וואס זענען אים מעורר אויף די זאך, ווייל ער האט געטרעינט זיין מיינד אז טראכטן פון די זאך איז שרעקליכע יסורים

די אמת איז אז ער האט זיך אליינס גורם געווען ער זאל מורא האבן צו טראכטן דערפון, דורכדעם וואס ער האט אוועק געשטיפט די מחשבות האט ער אריין געלייגט אין זיך א געוואוינהייט צו זעהן די מחשבות פון זיך וועלן טוישן פאר זיין שונא און ווי מער ער שטיפט אוועק צו טראכטן דערפון אלס שטערקער ווערט די פחד צו טראכטן דערפון, ווען אין אמת׳ן אריין איז דאס זיין אמת׳דיגע טיפע רצונות פון די טיפעניש פון זיין נפש און ער דארף זיך נאר קלאר מאכן וואס וויל איך, און זיך קוקן אליינס אין פנים

אויב איר ווילט זיך דינגען אדער איר ווילט זאגן אז איר פארשטייט נישט וואס איך רעד טראכט פאר איין מינוט וועלכע זאך אין מיין לעבן האב איך נישט ליב צו טראכטן דערפון

אוקעי געטראפן? גוט. יעצט ליין איבער וואס איך האב געשריבן, און וויל איך הערן וואס די האסט צו זאגן
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע

אוועטאר
ספיידער
שר חמישים ומאתים
תגובות: 284
זיך איינגעשריבען אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

תגובהדורך ספיידער » פרייטאג יוני 24, 2016 11:00 am

היימישער אינגערמאן האט געשריבן:
אז מען קוקט, מאויבי תחכמני. דער יצה"ר האט קיינמאל נישט קיין דאגות וואס מען גייט טוען "מארגן" ער איז פולי פאקעסד אויף היינט.


געוואלדיגע נקודה, די אמת איז אז נישט נאר אז די יצר הרע האט נישט קיין דאגות מיט מארגן, ער זאגט כסדר פאר די מענטש אז מארגן וועסטו זיך שוין אויפפירן ווי עס דארף צו זיין אבער היינט זאלסטו מיר פאלגן אזוי ווי עס שטייט אין ספה"ק אז די יצה"ר ווערט אנגערופן מחר (עמלק מחר)

אונז ענטפערן אים אז די תורה זאגט אנכי מצוך היום מיין אויפגאבע איז היינט און וועגן פאלגן די יצר הרע וועט מען טראכטן מארגן און בעיקר היינט נישט

היינט מיינט די מצוות פון היינט אדער זאכן וואס איך בין ביכולת צו טון היינט וואס וועט ארויסהעלפן די עבודת השם פון מארגן אבער אויף וויפיל איך קען נישט קאנטראלירן די מארגן איז עס נישט מיין דאגה היינט.
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע

אוועטאר
ספיידער
שר חמישים ומאתים
תגובות: 284
זיך איינגעשריבען אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

תגובהדורך ספיידער » פרייטאג יוני 24, 2016 1:01 pm

נשמה האט געשריבן:
ספיידער האט געשריבן:
נשמה האט געשריבן:
איך רעד נישט עכט וועגען מיר. איך רעד וועגען דעם צוגאנג פון סי בי טי ודעימיה.



העי נשמה איך האב נישט באמערקט דעי תגובה איך האב עס פלעין פארזעהן אוי ווי בינעך אויף די וועלט

איך גיי שוין ארויס פון אפיס איך וועל מער מאריך זיין בל"נ נאך שבת אבער און קורצן:

אויף וויפיל איך האב געליינט מתבונן'ס זאכן האב איך געזען זייער גוטע געדאנקען

איין זאך וואס איך דינג זיך מיט אים מיט אלע כוחות (גוזמא קתני) איז אויף זיין התנגדות צו סי. בי. טי.

איין זאך וואס איך טראכט איז אז אפשר ווייסט ער נישט גענוי וויאזוי צו פראקטיצירן סי. בי. טי. ...

בכלל ווי קען מען אויפגעבן אויף די געשמאק פון CBT פון זעך פיין אנשטויסן און אנפייפן, און נאכדעם זיך אליינס גוט גוט אויסלאכן

זאג מיר נשמה! האסטו נישט ליב אביסל פאן?????? האסט עס יא ליב, סאו גאו פאר איט
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע

היימישער אינגערמאן
שר חמשת אלפים
תגובות: 5389
זיך איינגעשריבען אום: מאנטאג יולי 06, 2015 6:18 pm

תגובהדורך היימישער אינגערמאן » פרייטאג יוני 24, 2016 4:32 pm

נא_שכל האט געשריבן:בענין וואס היימישער שרייבט אז מ'דארף קוקן אויף היינט. דאס איז איינע פון די באקאנטע יסודות פון רבי נחמן, אזוי שרייבט ער אין תורה ע"ב:
הַיּוֹם אִם בְּקוֹלוֹ תִשְׁמָעוּ זֶה כְּלָל גָּדוֹל בַּעֲבוֹדַת הַשֵּׁם שֶׁלּא יָשִׂים לְנֶגֶד עֵינָיו כִּי אִם אוֹתוֹ הַיּוֹם הֵן בְּעֵסֶק פַּרְנָסָה וְהִצְטָרְכוּתוֹ צָרִיך שֶׁלּא יַחֲשׁב מִיּוֹם לַחֲבֵרוֹ כַּמּוּבָא בַּסְּפָרִים
וְכֵן בַּעֲבוֹדָתוֹ יִתְבָּרַך לא יָשִׂים לְנֶגֶד עֵינָיו כִּי אִם אוֹתוֹ הַיּוֹם וְאוֹתוֹ הַשָּׁעָה כִּי כְּשֶׁרוֹצִין לִכָּנֵס בַּעֲבוֹדַת ה' נִדְמֶה לְהָאָדָם כְּאִלּוּ הוּא מַשָּׂא כָּבֵד וְאִי אֶפְשָׁר לוֹ לִשָּׂא מַשָּׂא כָּבֵד כָּזוֹ אֲבָל כְּשֶׁיַּחֲשׂב שֶׁאֵין לוֹ רַק אוֹתוֹ הַיּוֹם, לא יִהְיֶה לוֹ מַשָּׂא כְּלָל
וְגַם שֶׁלּא יִדְחֶה אֶת עַצְמוֹ מִיּוֹם לְיוֹם לֵאמר מָחָר אַתְחִיל
, מָחָר אֶתְפַּלֵּל בְּכַוָּנָה וּבְכחַ כָּרָאוּי וְכַיּוֹצֵא בָּזֶה בִּשְׁאָר הָעֲבוֹדוֹת כִּי אֵין לְאָדָם בְּעוֹלָמוֹ כִּי אִם אוֹתוֹ הַיּוֹם וְאוֹתוֹ הַשָּׁעָה שֶׁעוֹמֵד בּוֹ כִּי יוֹם הַמָּחֳרָת הוּא עוֹלָם אַחֵר לְגַמְרֵי הַיּוֹם אִם בְּקוֹלוֹ תִשְׁמָעוּ, 'הַיּוֹם' דַּיְקָא, וְהָבֵן.


אבער לגופו של ענין בין איך מסופק וויפל ס'העלפט לאורך הדרך פאר די סוג מענטש וואס ספיידער האט אראפגעלייגט.


איך האב דאך געשריבן אין מיין ארגינעלע תגובה אז עס איז מורגל בספרי רבי נחמן.

לאמיך נאר אויסשמועסן אביסל מער. הגם רבי נחמן און רבינו יונה זאגן אלע די זעלבע נקודה אז מען זאל זיך קאנצעטרירען פולי אויף היינט און אויפן הוה, און ווי דערמאנט איז די מימרא פון ראב"ש פון לעולם יראה אדם כאילו חציו חייב וחציו זכאי אויך די זעלבע זאך, איז אבער יעדע איינס קאנצעטרירט זיך מער אויף א ספעציפישע נקודה פון וואס "נישט" צו ווערן דיסטרעקטעד. איך וועל פראבירן מסביר זיין בקיצור.

א. רבינו יונה רעדט פון נישט ווערן דיסטרעקטעד פונעם נעכטען. דער פראבלעם פון זיין ביזי מיטן נעכטען איז אז עס נעמט אים אוועק די חשק און די חשיבות פונעם ארבעטען און טוישן היינט. און בכלל דער מענטש פילט זיך אין "אויטא פיילאט" אז ער פארט אויפן זעלבען מהלך ווי נעכטען, אפשר אביסל אנדערש, אבער דאס בין איך און דאס איז מיין מהלך החיים.

רבינו יונה שטעלט אוועק "כאילו היום נולד ואין בידו לא זכות ולא חובה". טיישט דער וועג ווי אזוי דו גייסט היינט לערנען, רעדן צו דיינע קינדער וכולי וכולי איז א ברענד ניו דיסישען, האט מיט נעכטען נישט קיין שייכות, ווייל דו ביסט היינט געבוירען.

איז כדאי צו רייכערן פאר דיר? וואס זאגסטו? ביסט היינט געבוירען, לוינט זיך צו רייכערן. וועג אפ די צדדים און מאך די ריכטיגע החלטה.

(יש הרבה להאריך, אבער דאס איז אויפן שפיץ גאפל).

ב) רבי נחמן צילט בעיקר א צווייטע דיסטרעקשאן וואס רופט זיך "מארגן" צו וואס אנהייבען היינט אז מען קען אנהייבען מארגן. אז איך וועל מצליח זיין היינט, וועל איך קענען אנהאלטען מארגן? און בכלל עס איז דאך א משא כבד (כלשונו), זאגט רבי נחמן רבי איד עס עקזעסטירט נישט קיין מארגן. "היינט" דארפסטו זיין אן ערליכער איד, הער אויף צו חלומן, טראכטען פון מארגן. מארגן איז אן עולם חדש.

ג) די גמרא אין קידושין ברענגט די מימרא פון רבי אלעזר בר שמעון, דארט רירט מען אן שוין אן אנדערן דיסטרעקשאן. פיין גיי מיר פאקוסען אויף יעצט, אויף היינט. אבער איז עס אזוי וויכטיג? איך מיין, די מצוות און עבירות פון נעכטען און מארגן זענען דא, סא וואס איז אזוי געפערליך אז מען וועט יא פארטאכלעווען דעם היינט, זאגט רבי אלעזר קוק אן ווי היינט איז דער קריטישער טאג, היינט גייסטו אדער מכריע זיין לזכות או לחוב וכולי.

עד כאן אביסל הסבר פון די דריי נקודות.
---
דער פראבלעם הייבט זיך אן אז דער מענטש איז א חכם (כידוע המעשיות של רבי נחמן עם החכם והתם) און ער איז נישט גרייט געהעריג צו עקסעפטען. וואס הייסט איך בין היינט געבוירן? איך בין דאך נישט. וואס הייסט נישטא קיין מארגן? איך בין עפעס חציו חייב חציו זכאי?
סאונד נישט אמתדיג... איז מען ביזי מיט חשבונות מיט פלענער פונעם עבר און עתיד, ווען דאס וועט זיין גוט דעמאלס וועל איך ווערן א מענטש, וכולי ביז ווילאנג מען טרעפט זיך ביי די 120 אויפן טויטען בעט מיט די אלע פלענער צוזאמען.

אבער אויב קוקט מען אביסל טיעפער זעט מען אז יא, אויב א מענטש לעבט יעדן טאג כאילו היום נולד און מאכט פון פריש יעדען טאג,די ריכטיגע החלטות איז טאקע נישטא קיין נעכטען ווייל די עבירות פון נעכטען גייט פארגעסן ווערן כמאמר הכתוב לא תזכרנה עוד.... ווידער דער וואס לעבט יעדן טאג מיט פלענער פון מארגן, זיין מארגן גייט זיין אין קבר עס גייט קיינמאל נישט אנקומען.... און יא איד ווען עס קומט אים אונטער א טאג און נוצט עס אויס ווי עס דארף צו זיין "היינט" און מארגן וועט ער זיך טרעפן מוכרע לכף זכות, אויב וועט ער "היינט" און דערנאך מארגן זיך נישט אויפפירן ווי ער דארף וועט ער זיך טרעפן מוכרע לכף חובה.
---

סא יא דער טייערסטער און קריטישסטער זאך וואס א מענטש פארמאגט איז דער היינטיגער טאג.

אוועטאר
מתבונן
שר חמש מאות
תגובות: 969
זיך איינגעשריבען אום: מאנטאג יולי 04, 2011 12:54 pm
לאקאציע: פארמאכט אליינס אין א צימער און זיך מתבונן.

תגובהדורך מתבונן » דינסטאג יוני 28, 2016 5:39 pm

אפאר אשכולות זענען מיר לעצטענס געווארן בוקמארקד צו לעזן ווען איך האב די צייט. דאס איז די ערשטע אין די רייע.
ספיידער, הערליך שיין אראפגעלייגט. כה לחי.

ספיידער האט געשריבן:די וועלט זאגט אז עס איז נישט אזוי געפערלעך ווען מ'זעהט א ספיידער די פראבלעם ווערט ווען מ'זעהט אים מער נישט... ווייל אפשר ווארט ער אויף דיר אין דיין בעט...


דאס איז אויך איינע פון די סיבות פארוואס א מענטש וויל נישט מצליח זיין, ער האט מורא אז די 'פאטש' און די כשלון גייט קומען אומגעראכטן, און די צער גייט זיין שרעקליך, אבער אויב מ'פאנגט אפילו נישט אן, קען מען נישט האבן א כשלון.
דערפאר וואולסטו אוימיידן דעם פראבלעם, און דו טאנצט ארויס פון דיין אוועטער יעדע רגע, באאאא! אזוי אז מען זאל דאס ערווארטן, און נישט קומען פלוצלינג. :grin:
טראכט אריין מיט שכל און געפיל...
וויאזוי...? קוק דא.

ווי ליגט דער 'שורש'? - שיעורים בהבנת נפש האדם

אוועטאר
ספיידער
שר חמישים ומאתים
תגובות: 284
זיך איינגעשריבען אום: מאנטאג סעפטעמבער 08, 2014 11:52 pm
לאקאציע: אויף דיין הוט, פליק עס אראפ. אט אזוי...שוין מער נישט דארט

תגובהדורך ספיידער » מיטוואך יוני 29, 2016 12:14 pm

מתבונן האט געשריבן:אפאר אשכולות זענען מיר לעצטענס געווארן בוקמארקד צו לעזן ווען איך האב די צייט. דאס איז די ערשטע אין די רייע.
ספיידער, הערליך שיין אראפגעלייגט. כה לחי.

ספיידער האט געשריבן:די וועלט זאגט אז עס איז נישט אזוי געפערלעך ווען מ'זעהט א ספיידער די פראבלעם ווערט ווען מ'זעהט אים מער נישט... ווייל אפשר ווארט ער אויף דיר אין דיין בעט...


דאס איז אויך איינע פון די סיבות פארוואס א מענטש וויל נישט מצליח זיין, ער האט מורא אז די 'פאטש' און די כשלון גייט קומען אומגעראכטן, און די צער גייט זיין שרעקליך, אבער אויב מ'פאנגט אפילו נישט אן, קען מען נישט האבן א כשלון.
דערפאר וואולסטו אוימיידן דעם פראבלעם, און דו טאנצט ארויס פון דיין אוועטער יעדע רגע, באאאא! אזוי אז מען זאל דאס ערווארטן, און נישט קומען פלוצלינג. :grin:


יישר כח מתבונן פאר די חיזוק,
וויאזוי קען מען בעסער פארשטיין א יוד וואס האט ל״ע פאביעס? די מענטש וואס האט נאכנישט טועם געווען טעם פאביע ווייסטעך בכלל נישט וויאזוי ס׳פילט..
די אמת איז עס איז דא איין פאביע וואס יעדער האט און דאס איז ספיידער פאביע


צוריק צו “געזונטהייט”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 2 געסט