תם ונשלם ספר בתי נפש חלק בית המדרש - מזל טוב

[יידישע קהילות]

ברוב שבח והודיה להקב"ה בין איך מודיע אז מיר האבן איצט זוכה געווען צו פארענדיגן ארויסגעבן דעם גאנצן "בתי נפש - בית המדרש" על התורה!!!
ותהי ראשית העבודה פ' שמיני תשע"ה, לרגל די יאצ"ט פון דעם מחבר הג"ר שלמה הכהן ז"ל מצילץ. און מיט דעם יעצטיגן גליון אויף פ' צו איז פארענדיגקט געווארן אונזער הייליגער ארבעט.
מזל טוב - מזל טוב!
איך פיל אז איך דארף מאכן א סעודה כיום שנכנס לחופה... איך בין באמת מרוגש... איך וויל אפנעמען מזל-טוב'ס פונעם עולם. איצט איז די צייט...
פארשטייט זיך אז אז ברייטפארצווייגטע אונטערנעמונג איז נישט מעגליך אן די הילף פון צענדליגער חברים דא, כל אחד בשמו הטוב יבורך, ותהא משכורתו שלמה מעם ה'. ווי אויך פאר די הנהלה פון אייוועלט.
אבער דא מוז ארויסגעברענגט ווערן א דאנק צו די דריי הויפט משתתפים, וואס אן זיי וואלטן מיר נישט געהאלטן אפילו ביי א האלב פון די ארבעט.
ידידינו החשובים:
נא שכל - מסור בלו"נ פאר הוצאת ספרי מהרש"כ זצ"ל
פורים קטן - דער מגיה ראשי
קנאפער ידען - דער טעכנישער מענעדזשער אז אלעס זאל קלאפן
תורתו יגן לנו, וימליץ טוב בעדינו.

[הבוחר בטוב]

מזל טוב מזל טוב!!!
זכות המחבר יגן עליכם
ושפוותיו הדובבות יליצו רק טוב בעדיכם
ותזכו להשלים גם הבית הבחירה
בעזרת אל נעזר בגבורה

[שמו]

מזל טוב מזל טוב
ס'טוט מיר וויי אז איך קען לעצטנ'ס ליידער נישט זיין א שותף לדבר מצוה (לע"ע), אבער איך האב הנאה צו זעהן אז די שנייד'סט די פירות פון דיין / אייער / אונזער ארבעט.
זאל דער גרויסער באשעפער דיר באצאלן במלוא חפניים, בכפלי כפליים, השפעות טובות מן השמים.
און דער בעל המחבר וואס איז זיכער שולדיג פאר אייך הכרת הטוב, וועט זיכער מעתיר זיין ביים כסא הכבוד פאר דיר, זאלסט געבענטשט ווערן בכל מילי דמיטב

חזק ואמץ!!!

[לכתחילה אריבער]

מזל טוב, באמת א טיפע שמחה!

דו האסט געוואלדיגע כוחות נישט נאר אנצוהייבן, נאר אנצוגיין ביז מען זעהט עפעס פערטיג!! כה לחי!!

[געלעגער]

מזל טוב! דיין עקשנות אנצוגיין ביזן מאכן די סיום איז צום באוואונדערן.

באמת א שמחה

[גאסט]

מזל טוב,

באמת א שמחה פאר אונז אלע און א שטאלץ פאר די מעמבערס דא אין וועלטעל,

ישר כח

[מיסטעריעז]

ברוך השם פאר דעם, הזורעים בדמעה ברנה יקצורו. נאך א יאר אומאויפהערליכע ארבעט איז העכסט צייט צו זעהן די פירות.

זאל דער מחבר מליץ טוב זיין אויף אלע משתתפים אין די ארבעט בכלליות און די עומדים בראש בפרטיות להתברך בכל מילי דמיטיב, און עקסטער פאר די געטרייע הנהלה וואס זענען במישרים צו בעקיפין גורמים צום ערמעגליכונג פונעם פראיעקט.

[שוועמל]

תהלה לקל שמברכים על המוגמר. ואשריך שזכית לכך להגדיל תורה ולהאדירה. על כותבי ומפיצי ספרים אומר הכתוב ואהביו כצאת השמש בגבורתו.

איז דא א פלאן צו גיין צום מכבש הדפוס?
וואס קומט נעקסט?

[יידישע קהילות]

ייש"כ טייערע חברים פאר אייערע ברכות. תתברכו כולכם בכפלי כפליים!
א שאד אז אלס איסור גלוי קען איך נישט מאכן א גרויסן קידוש דעם שבת.

ברוך השם פאר דעם, הזורעים בדמעה ברנה יקצורו. נאך א יאר אומאויפהערליכע ארבעט איז העכסט צייט צו זעהן די פירות.

זאל דער מחבר מליץ טוב זיין אויף אלע משתתפים אין די ארבעט בכלליות און די עומדים בראש בפרטיות להתברך בכל מילי דמיטיב, און עקסטער פאר די געטרייע הנהלה וואס זענען במישרים צו בעקיפין גורמים צום ערמעגליכונג פונעם פראיעקט.

ייש"כ פאר דיר, פאר דיין אנגייענדע ארבעט, הן אין העתקה הן אין הגהה. דיין אומשעפערישקייט און געטריישאפט האט מיר געגעבן חיזוק צו קענען ממשיך זיין. מיט אזוינע מתנדבים ווי דו איז נישט קיין קונץ אויפצוטוהן גרויסע זאכן. זכות המחבר הקדוש יגן עליך, על משפחתך און דו זאלסט זיין געבענטשט מיט בני חיי ומזוני רויחי.

תהלה לקל שמברכים על המוגמר. ואשריך שזכית לכך להגדיל תורה ולהאדירה. על כותבי ומפיצי ספרים אומר הכתוב ואהביו כצאת השמש בגבורתו.

איז דא א פלאן צו גיין צום מכבש הדפוס?
וואס קומט נעקסט?

מ'וועט גיין אי"ה צום מכבש הדפוס. ערשט גייט מען עס ארויסגעבן אין PDF פארמאט.
דערנאך דארפן מיר נאך צוענדיגן די פאר חלקים וואס זענען נאכנישט גענדיגקט, ווי אויף שבת קודש, מידות, בית הכנסת וכו'.
דערנאך איז דא א פלאן עס ארויסצוגעבן לדפוס. נישט אונז אליינס נאר אפשר עפעס א גביר וכדומה וואס וויל עס דריקן, און מיר וועלן אים זיין בייהילפיג.

וואס קומט נעקסט?
איז דאך דא א באזונדערע אשכול פארדעם... דא איז מען אינמיטן א חתונה... אין מערבין שמחה בשמחה...

[יאפין]

ב"ה, שהחיינו וקיימנו והגענו לזמן הזה. דאס איז דאך א מורא'דיגע שמחה, אין אלע 'וועלטען' פרייעט מען זיך מיט די געוואלדיגע דבר מצוה, וואס הרב אידישע קהלות האט אונז דא אריינגעשלעפט.

זכות המחבר יגן עליך ועלינו ועכו"א.

[שמאטע]

מזל טוב א שמחה פאר די גאנצע "אידישע וועלט"!

כה לחי!

[goldman]

כה לחי! שכרך הרבה מאוד!
ווי שוין געמאלדען, עטליכע תלמידי חכמים מופלגים זענען נהנה פון דעם מידי שבת בשבתו.
מיר ווארטן אויפ׳ן PDF.

[מיללער]

מזל טוב!

כשם שזכיתם להתחיל ולסיים ספר זו כן תזכו להתחיל ולסיים ספרים אחרים, זכות הצדיקים המחברים יגם עלךיכם ובעדיכם להתברך בכל טוב, ליהודים היתה אורה ושמחה וששון ויקר, בבחינת הדור קבלוה בכבוד והדר תעטרהו.

[farshlufen]

מזל טוב.

יגדיל תורה ויאדיר.