אייוועלט ניק אינטערוויא #1 - מיללער

געשמאקע ארטיקלן און בילדער וכדו'

די אחראים: אחראי, געלעגער

אוועטאר
פלטיאל
שר האלפיים
תגובות: 2181
זיך איינגעשריבען אום: מאנטאג אפריל 13, 2015 10:19 pm
לאקאציע: בערך פופצן מינוט אוועק...

אייוועלט ניק אינטערוויא #1 - מיללער

תגובהדורך פלטיאל » מאנטאג נובעמבער 30, 2015 1:08 pm

ווי שוין געשריבן אין א אנדערע אשכול האבן מיר אפגעהאלטן א עקסקלוסיוו אינטערוויא מיט איינע פון די לייבן, ממש פון די סאמע שטערקסטע ניקס דא אויפן וועלטל, ה"ה ידידנו כש"ת 'מיללער' זז"ג, דער אינטערוויא איז איינגעטיילט אין צוויי חלקים, צום ערשט פראגעס איבער די פערזעהנליכקייט פון זיין ניק, און די צווייטע חלק וואס וועט אי"ה ווערן ארויפגעשטעלט מארגן ווי עס וועט ווערן אויסגעשמועסט די היסטאריע און פעולות פון די שוין היינט באוואוסטע מכון 'מורשת חכמי אמעריקא' וואס זענען עוסק במלאכת הקודש נאכצופארשן און נאכזוכן די היסטאריע פון מאורי הדורות, צדיקים וחסידים וואס האבן זיך געפונען על אדמת אמעריקא בימים הקודמים.

צוליב דעם חיבת הענין און פילע הפצרות דורך אונזערע חברים דא אויפן וועלטל האבן מיר פארלענגערט דעם דאטום צו פרעגן פראגעס וואס איז נוגע איבער 'מורשת חכמי אמעריקא' אויף ביז היינט נאכט בשעה 9:30, אויב האט איר סיי וואס פאר א פראגע קענט איר עס פרעגן דא אדער באישי.

א דאנק
מיין מיינונג קען זיך אפשר טוישן אבער נישט דער פאקט אז איך בין גערעכט!

אוועטאר
פלטיאל
שר האלפיים
תגובות: 2181
זיך איינגעשריבען אום: מאנטאג אפריל 13, 2015 10:19 pm
לאקאציע: בערך פופצן מינוט אוועק...

מיללער -חלק א'

תגובהדורך פלטיאל » מאנטאג נובעמבער 30, 2015 1:11 pm

צום ערשט וויל איך באדאנקען דעם חשוב'ען ניק "פלטיאל" פארן אראנזשירן דעם שמועס, אויב קען אפילו איינער הנאה האבן דערפון איז עס מיר א פארגעניגן צו טאן, ובפרט אלס הכרת הטוב צו דעם פלאץ פון וועלכע מיר האבן שוין בעזהשי"ת אזויפיל קונה געווען דורכאויס די אלע יארן כולם שוין לטובה.
איידער איך גיי ענטפערן די שאלות, סיי די וואס זענען געשטעלט געווארן דורכן בעל האינטערוויו זעלבסט, ווי אויך די אנדערע שאלות וואס מ'האט געפרעגט באישית ובציבור, וויל איך דערמאנען פאר דעם עולם וואס געדענקט, און מיטיילען פארן נייערן ציבור וואס ווייסט אפשר נישט דערוועגן אז דער געדאנק דא אויף אייוועלט אדער "אין קרעטשמע" ווי מיר האבן עס גערופען די ערשטערע יארן, איז בכלל נישט קיין נייער.
צום יאר נאכדעם וואס מיר זענען אהערגעקומען דא אל המנוחה ואל הנחלה, אוועק פון "אלט-שטאט" אלס איינע פון די צענדליגע פארומס אויף "בחדרי חרדים", האט דער חשוב'ער לעגענדארער און אומפארגעסליכער מייסד, ידידי היקר והחביב מו"ה קרעמער הי"ו פראקלאמירט א נייעם פראגראם מיטן נאמען "פעיס די קרעטשמע" וואס איר ציל איז געווען אפצוהאלטן אינטערוויוס מיט פארשידענע אינטערעסאנטע ניקס, בעיקר אזעלכע וואס האבן מיטגעהאלטן מיטן "קרעטשמע" זינט איר גרינדונג, און טייל האבן שוין יענע צייטן בשנת תשס"ז געהאט פארלאזט דעם פלאץ, אבער האבן באוויליגט צו קומען און ענטפערן שאלות וואס קרעמער און אנדערע מיטגלידער האבן געשטעלט.
אויב האט איר נאכנישט געליינט יענע אינטערוויוס, טוה איך רעקאמענדירן דאס צו ליינען, עס וועט אייך שענקען א בליק אויף צוריק איבער דעם הלוך ילך פונעם קרעטשמע בימים ההם, וואס איז שפעטער פארוואנדלט געווארן אלס דער "אייוועלט" רבתי באי"י הידיעה, פון וועלכע הונדערטער און זאגאר טויזנטער מענטשן זענען נהנה טעגליך, און פילפצאליגע חסד פראגראמען און אנדערע חסדים טובים גייען פון דא ארויס אויף א רעגלמעסיגער פארנעם, והמפורסמות אין צריכין ראיה.
דאס ברענגט מיך טאקע מקדים צו זיין און פותח צו זיין בכבוד האכסניא, און באדאנקען די אלע אידן וואס האבן א חלק אין אויפבויען און אנהאלטן דעם ניווא פון דעם פלאץ, בעבר, בהווה ובעתיד בס"ד, אויף וויפיל איך האלט מיט רעדט מען פון א מאסיווער אונטערנעמונג און די מנהלים, אחראים ועסקנים ארבייטן בלי ליאות ממש ארום די זייגער, צו פארזיכערן די צופרידנהייט פון אלע מיטגלידער און עומד צו זיין על המשמר אז זאכן זאלן נישט גיין אין א ריכטונג וואס איז היפך פונעם ציל פון דאס פלאץ און אוודאי עס זאל נישט ארויסקומען קיין חילול שם שמים אדער סיי וועלכע זאך וואס איז נגד התורה.
תחזקנה ידיכם ויהי חלקינו עמכם.

*
יעצט וועל איך פרובירן אביסל צו ענטפערן אויף די פראגעס וואס זענען געפרעגט געווארן, עד כמה שידי מגעת, פארשטייט זיך מיט איינגעהאלטנקייט ווען עס קומט צו פערזענליכע אינפארמאציע, וואס טראץ דעם וואס איך פרוביר אלעמאל אבאכט צו געבן אז איך זאל זיך נישט דארפן שעמען בגלוי כבסתר, פארט איז דא אן ענין פון דברים שהצניעות יפה להן, און נישט אלעס איז כדאי צו גיין אויפן רשות הרבים במקום שהנזק מצוי בו.
איך וועל אינעם ערשטן חלק ענטפערן קודם די שאלות וואס זענען נוגע צו אייוועלט און צו מיר פערזענליך, און אינעם צווייטן חלק וועל איך זיך באציען צום "מורשת חכמי אמעריקא" איבער וועלכע טייל שאלות זענען געוואנדן.

האט דער ניק נאמען 'מיללער' א באדייט?

"מיללער" איז א משפחה נאמען, צו עס האט א באדייט אויך? מ'האמיר אמאל געהאט א שמועס אינעם שפראך פארום דערוועגן, דאכציך, צו עס שטאמט פון "מילנער" ד.ה. איינער וואס האט א "מיל" פאר פרנסה אדער עפעס אנדערש. אבער אז איר פרעגט די פראגע, מן הסתם באציעט איר זיך אויפן באדייט פארוואס איך האב אויסגעוועלט "מיללער" אלס מיין ניק.
באמת, מיין ניק היינט צוטאגס איז "יעקב דוב מיללער אב"ד קהע"י סקרענטאן", מיין שייכות דערצו איז אביסל טשיקאווע, דורכאויס מיינע בחור'ישע יארן און אין א געוויסע זין עד היום, האב איך אנטוויקלט א שטארקע געפיל צום משמח אלקים ואנשים דער יארמע רב הרב ר' יאנקל מיללער הי"ו, אין "אלט-שטאט" בין איך שוין אויך געווען אן אקטיווער מיטגליד אבער דארט האב איך גענוצט אן אנדערן ניק, וואס איך האב בוחר געווען אין די איילעניש און שפעטער איז עס מיר נישט געפאלן, ווען מען איז אריבערגעקומען דא האב איך זיך מיישב געווען צו נעמען א נייעם ניק, איך האב געוואלט אז עס זאל זיין א "נאמען" און נישט קיין שם דבר אדער אנדערע זאכן, אזוי אז ווען מ'אדרעסירט מיך זאל זיך עס שפירן פערזענליך, דאן איז דער נאמען "מיללער" ארויפגעקומען אלס מיין מושכל ראשון, וואס איז פארבליבן עד היום.

וויאזוי און וואס איז דער קשר צו קהילת 'סקרענטאן'?

דער חלק פונעם סקרענטאנער רבנות איז שוין די צווייטע פאזע פונעם ניק. פאר ווער עס האט מיטגעהאלטן פלעגן מיר אין די ערשטע יארן אפהאלטן א "סקרענטאנער בולעטין" וואס דארט איז פארצייכנט געווארן אלע פאנטאזיעס ארום דאס רבנות אין סקרענטאן.
סקרענטאן איז א שטאט אין פענסילוועניע וואס האט אין די יארן פאר די קריג באזיצן א שיינע פרומע ערליכע אונגארישע קהלה. אלס אונגארישער אפשטאמיגער (נו גילוי) האב איך אין מיינע ערשטע צייטן געטאן אביסל ריסערטש איבער די סקרענטאנער קהלה, צוליב א משפחה שייכות אהין, וואס האט מיך באקענט מיט די אנשי השם און מייסדים פון די קהלה, א גרויסער טייל איז פארצייכנט בין כותלי בית מדרשינו דא אויף אייוועלט.
דאס האט מיך צאמגעברענגט מיט סקרענטאן אויפן עולם הדמיון, וואס ווי באקאנט איז די צייטן פון "קרעטשמע" באשטאנען שטארק אויף דמיון, מ'האט פאנטאזירט און פארברענגט אינאיינעם ווי גוטע פריינט אינעם אלטן אמאל, און אסאך ניקס האבן זיך געדרייט איבער די פאנטאזיעס, כולל אונזער רבנות אין סקרענטאן (היינט איז עס שוין אמת...)

וויאזוי זענט איר געוואר געווארן איבער 'אידישע וועלט'?

ווי געזאגט, בין איך נישט "געוואר געווארן" פון אידישע וועלט, נאר איך האב דאס מיטגעלעבט מיום היווסדה, זייענדיג פון די אקטיווע מיטגלידער אין אלט-שטאט און ערשטע מיטגלידער ווען מען איז אהערגעקומען. און אויב מעג מען מגלה זיין טפח, מיר האבן בס"ד געהאט אן אינטעגראלער טייל אין אויפבויען דאס "אידישע וועלט" אלס איינע פון די מייסדים פון עטליכע אפטיילונגען וואס איז היינט פקיע שמיה איבער די גאנצע וועלט, ווי דער על הצדיקים אפטיילונג אדער דער זכור ימות עולם חלק און נאך.

דאס ברענגט מיך צו די קומענדיגע פראגע וואס א איד האט אנגעפרעגט באישית:

ווי באקאנט זענט איר אמאל געווען א חלק פון די הנהלה, וויל איך אייך פרעגן וויאזוי עס שפירט זיך צו זיין א ציווילער נאכן זיין א טייל פון די באהערדע. איז עס נישט שווער צו זיין א פשוט'ער ניק צוגלייך מיט אלע? שפירט איר נישט אמאל 'הלואי וואלט איך נאך געהאט די מעגליכקייט צו מעקן/פאררעכטן/ארויספירן א.ד.ג.'?

איר הייבט אן "ווי באקאנט", איך בין נישט אזוי זיכער אז עס איז טאקע אזוי באקאנט, אבער א סוד איז עס נישט, און האמת ניתן להיאמר. יא, אין די בראשית יארן האב איך ארויסגעהאלפן די הנהלה אלס אקטיווער "אחראי" אויף עטליכע פארומס, בעיקר בבית מדרשינו. אנגעהויבן האט זיך עס ווען מען האט מייסד געווען דעם "אוצר הספרים" וואס האט יענע תקופה געהאט א שטארקע משמעות ורבים הלכו לאורו, דארט האט זיך אויסגעפעלט אסאך כוחות, און צוליב מיין פערזענליכע ערפארונג אלס געוועזענער איינגעשטעלטער אין א ווירקליכער אוצר הספרים, האב איך זיך אנגעטראגן ארויסצוהעלפן מיט די ארבייט.
איין זאך ברענגט דאס צווייטע און איך בין געווארן אריינגעשלעפט אלס אחראי אין אנדערע אפטיילונגען, פרובירנדיג ארויסצוהעלפן בכל מה דאפשר, צו פארגרינגערן פאר די הנהלה און אראפצונעמען פון זיי דעם עול. דאס האט אנגעהאלטן ביז ווען אין א געוויסער טאג איז בעקיפין מיר ארויסגעקומען דערפון א פערזענליכע ווייטאג, צוליב וועלכע איך האב בע"כ געדארפט דאנקען פון די שטעלע, און איך בין צוריק אריין אלס א פריוואטער מיטגלידער כאחד האדם.
דאס וואס איר פרעגט צו איך שפיר דערינען א באדויער, באמת, היינט נאך אזויפיל יארן איז דאס שוין בכלל נישט אויף מיין געוויסן, פון אנהייב איז עס געווען א שטיקל 'עדזשאסטמענט' ווי מ'זאגט, אבער איך האב ב"ה קיינמאל נישט געהאט די תאוה פון "מעקן", כאטש וואס "פאררעכטן" איז מיר יא געליגן אין די טבע, האב איך זיך צוגעוואונט צום פאקט ב"ה.

זענט איר באקאנט מיט נאך חברי הקרעטשמע?

ווער עס ווייסט, אין די ערשטע צייטן דא האט די "קרעטשמע" אריינגענומען גאר ווייניג מיטגלידער, איך קען זאגן אז אקטיווע מיטגלידער איז געווען אפשר 50. דערפון האבן א גרויסע חלק זיך געקענט פערזענליך, טייל פון בעפאר און טייל וואס האבן דא געמאכט דעם קשר באישית, טראץ דעם וואס עס זענען אלעמאל געווען אזאנע וואס האבן באהאלטן זייער אידענטיטעט אלס א מיליטערישער סוד, בין איך נישט געווען פון די, און אסאך חברים דא האבן מיך געקענט/קענען מיך פערזענליך און דאס זעלבע פארקערט.
אין די לעצטע יארן זינט די גרינדונג פון "מורשת חכמי אמעריקא" (איבער וועלכע מיר וועלן שפעטער שמועסן) קען איך מיך פערזענליך מיט אלע חברי המורשת, וואס א גרויס חלק פון זיי זענען אקטיווע מיטגלידער דא אויפן פארום.
אויסער דעם איז מיר אין די לעצטע 4-5 יאר שוין כמעט נישט צוגעקומען צו באקענען נייע מיטגלידער פון דא, אין גרויס טייל האט דאס צו טאן מיט דעם וואס דער גאנצער פלאץ און ענווייראמענט האט זיך געטוישט צו א קעלטערע און דערווייטערטע סביבה, ווייט נישט מיט די ווארעמקייט און היימישקייט וואס האט זיך געשפירט אין די בראשית יארן, און אולי האט דאס אויך צוטאן מיט די יארגאנג וואס רוקט זיך ארויף צו לאנגע געזונטע יארן, און טיילט אפ פון אסאך נייע מיטגלידער.

אין די ערשטע קווארטל פון אייערע תגובות טרעפט מען פיל זאפטיגע תגובות אויפן קרעטשמע סטיל פארמאט, וואס איז פשט אז היינט צוטאגס זעהט מען שוין נישט די סטיל ביי אייך?

מ'ווערט עלטער נישט אזוי?

אבער למען הדיוק, דאס גייט אינאיינעם מיט וואס איך האב פריער דערמאנט, עס איז אנדערש ווען מ'שמועסט מיט א קליינעם ציבור פון גוטע פריינט, מען קען רוב מענטשן, עס איז היימיש און געשמאק, אוודאי איז דער סטייל אנדערש און מער לפי רוח הסביבה. היינט צוטאגס איז דאס שוין א פארגאנגעהייט (וויפיל דא ווייסן אז "קרעטשמע" האט געהאט א "ספארטס אפטיילונג" און דער סקרענטאנער רב האט געהאט נאך א ווערסיע "גערי מיללער" אונטער וועלכע מען האט געשמועסט איבער די בני יעקן והמסתעף? און ווער געדענקט אז די דריטע ווערסיע איז געווען דער גאסט באריכטער פאר ק.נ.א. "זשאן מיללער"? אבער צו דעם דארף מען האבן קרעמער, מ'דארף האבן זארעכפעפפער, מ'דארף דעם רבי'ן בני היכלא, מ'דארף צייטליך, יאנאש, קרעזי, ערנסטער, אלץ-ווייסער... בקיצור נאסטאלאגיע)

ווי איך זעה זענט איר א שטארקע דייקן אין שפראך און גראמאטיק, איז דאס א האבי? טוט איר דאס פאר פרנסה?

איך קען זאגן בשלימות אז גאר אסאך אייגנשאפטן און האביס אויב האבן מיר עס נישט באזיצן ביז דא האבן מיר עס דעוועלאפט טאקע אינעם קרעטשמע, דא האבן מיר געלעבט, דא האבן מיר פארברענגט און דא האבן מיר אינאיינעם מחדש געווען חידושים אין פארשידענע מקצועות ובתוכם איבער שפראך.
אין די ערשטערע יארן איז "שפראך" געווען זייער א שטארקע נושא דא אויפן פארום, מיר האבן געהאט ריזן ממש אין דעם פעלד, ווער עס האט אמאל געליינט וויאזוי "ערנסטער" האט געברענגט זיינע רוסישע קענטעניסן, אינטעליגענט, אידישע, יו"ט ערליך, קרעמער, און נאך אסאך,דאס אלעס האט בייגעשטייערט אז אנדערע זאלן אויך באקומען א געשמאק דערין.
אז איר פרעגט צו איך טוה דאס פאר פרנסה, אנדערע האבן אויך געפרעגט איבער פרנסה, דאס איז באמת זייער א פערזענליכע שאלה. בדרך כלל איז שרייבן נישט מיין פרנסה, כאטש איך האב שוין נהנה געווען דערפון בעקיפין און טיילמאל אפי' אפגעשריבן פארשידענע מאמרים פאר געלט, אין פארשידענע נושאים, באטראכט איך נאך אלס שרייבעריי אלס סאך א גרעסערע "האבי" ווי פרנסה, און רוב דערפון האב איך די "קרעטשמע/אייוועלט" צו פארדאנקען, דא קען מען זיך אסאך לערנען.

קוקט איר אמאל אין 'היימישע פארברענגען'?

איך געדענק נאך ווען מ'האט מייסד געווען "פארברענגען" און אפגעטיילט פון "קרעטשמע", די סיבה פארוואס מען האט עס דעמאלס אפגעטיילט איז די זעלבע סיבה פארוואס איך האב דארט ווייניג באזוכט מיום הווסדה, אבער באמת היינט איז דאס בלויז נאך איין פון פילצאליגע פארומס דא אויפן וועלט וואס איך באזוך גאר זעלטן "איינמאל א יובל".

וואס איז אייער בליק אויף די קרעטשמע היינט צוטאגס ווס. אמאל?

מ'קען עס נישט אראפשרייבן, עס איז הימל און ערד, א גרויסער טייל האב איך שוין פריער געשריבן, אבער יותר ממה שקריתי לפניכם כתוב כאן. איך זאג נישט שהימים הראשונים היו טובים מאלה, דער היינטיגער אייוועלט האט גאר אסאך מעלות, אבער בדרך כלל איז עס אסאך מער אויסגעשטעלט אלס א פאבליק פלאץ, און עס טראגט מער נישט דער אמאליגער חן, עכ"פ פאר איינעם וואס איז געווען פון דא באלד פון אנהייב, וואס גייט שוין צוריק באלד צעהן יאר צו גוטן.

וואס איז די שטערקסטע ארטיקל וואס איר געדענקט אויפן מאמענט פון וואס איר האט הנאה געהאט?

געווען דא אמאל א ניק "יענטאאש" שוין געהערט פון אים? פון "זארעכפעפפער" האט איר שוין יא געהערט? ווען די צוויי האבן זיך "צושריבן" איז עס געווען פון מיינע בעסטע טעג אויפן קרעטשמע, איך קען נישט אנצייגן א ספעציפישע ארטיקל, אבער איך געדענק אז זיי זענען געווען מיינע פעיוואריטס.
למען האמת, איך האבן שוין זייער לאנג נישט געליינט קיין "קרעטשמע ארטיקלען" דא, ממילא איז בכלל נישט מוכרח אז די דערמאנטע ניקס האבן בעסער געשריבן ווי די היינטיגע, איך בין פשוט אן אלד-טיימער.
ובדרך אגב, אין מיין מח ליגט מיר נאך שטארק דעם ערשטן ארטיקל וואס אני הקטן האט בייגעשטייערט דא אויפן ניי-שטאטישען לאקאל, ווער קען עס צוטרעפן?

איז פארהאן ניקס וואס איר וואלט געוואלט קענען אין ריעל לייף? אויב יא ווער?

ווי יעדער בשר ודם כאפט מיר אמאל אן א רייץ צו וועלן וויסן אויף א ניק ווער עס באהאלט זיך אונטער איר, ובפרט טאמער נעמט מיך יענער ארויס פון די כלים... אבער, בדרך כלל, די מענטשן וועם איך "פאלאו" פונדערנאנט, קען איך מיך מיט זיי פערזענליך, און איך האב נישט דוקא א ספעציפישער ניק וואס איך זיך געוואור צו ווערן זיין אידענטיטעט היינט צוטאגס.

פארמאגט איר אדער האט איר אמאל פארמאגט נאך א ניק?

אין אלט-שטאט האב איך געשריבן אונטער אן אנדער ניק, דאהי נוץ איך שוין דעם "מיללער" ניק פונעם ערשטן טאג, אפי' איך זאל וועלן קען איך זיך נישט שיידן דערפון, עס איז שוין כמעט אזוי נאנט צו מיר ווי מיין אמת'ער נאמען....
ארום די צייטן ווען איך האב אויפגעגעבן די אחראי'שאפט צוליב די מעשה שהיה, האב איך פאר א צייט קאנסידערט אויפצוהערן בכלל צו שרייבן דא, און שפעטער האב איך געקלערט צו שרייבן אונטער אן אנדערן ניק, וואס איך האב דעמאלס געגרינדעט, אויב איך געדענק גוט האב איך עס גענוצט גאר א קורצע תקופה, און נאכן איינזעהן אז איך וועל מיך סייווי נישט קענען מסתתר זיין ווייל דער סטיל איז קענטליך, האב איך עס אויפגעגעבן און גענומען דעם מיללער פעדער צוריק אין די האנט עד היום, וואס איך פלאן לע"ע נישט צו טוישן בל"נ אויב זאל איך נישט זיין געצווינגען דערצו.

וויאזוי קענט איר לערנען אלע שיעורים יומיים, טעגלאש, הודו טעגלאש, דף היומי, וכו' וכו', און נאך זיין פארנומען מיט'ן מורשת, און נאך אהיים ברענגען עפעס ברויט צום טיש?

געקלערט האב איך אויסצולאזן די שאלה, אבער נאכן איבערקלערן, אפשר קען עמיצער ארויסנעמען דערפון חיזוק אויף לימוד התורה ועסק בעבודת השם, וועל איך מיך אנשטרענגען צו ענטפערן, טראץ דעם וואס איך בין נישט אזוי באקוועם דערמיט.
ראשית, נישט וויי-צוטאן דעם חשוב'ען שואל הי"ו, די צו-נעמען "טעגלאש/הודא-טעגלאש" איז מיר בכלל נישט צום הארצן. די צוויי חשוב'ע קהלות פון סאטמאר, זענען יעדע איינע כדאי לעצמה, קהלות נאות וחסידות, מ'דארף זיך נישט שעמען צו רופען די קינדער ביי די נעמען, קהילת סאטמאר בראשות האדמו"ר מהר"א שליט"א וקהילת סאטמאר בראשות האדמו"ר מהרי"י שליט"א
דאס איז מיין צוגאנג צו די צוויי קהלות אין ריעל-לייף און דאס איז מיין מיינונג דא אויפן פארום, און בניגוד צו אסאך מיטגלידער ובתוכם די חשוב'ע הנהלה, האלט איך אז אנשטאט א "זעראו-טעלארענץ" פאליסי, מעג מען אויסשמועסן ווי ערוואקסענע, נושאים וואס בארירן די צוויי חשוב'ע קהלות, אבער מה נעשה שרבו עלי חברי בענין הזה והרבה קולמוסים נשתברו עליה.
צו אייער פראגע איבער טעגליכע שיעורים און פרנסה, עס איז באקאנט אז רביה"ק מ'סאטמאר האט געזאגט אז א בעה"ב דארף לערנען כאטש אכט שעה א טאג (אפשר איז עס א גוזמא, אבער אזוי האב איך אמאל געהערט), און דער אמת איז אז היינט צוטאגס האבן ארבייטער אסאך מער צייט ווי אמאל ובפרט די וואס זענען נישט קיין ארבייטער אין א ווערהאוז וכדו' נאר זענען "סעלף-עמפלאוד" אדער סעילסלייט וכדו', דאס ערמעגליכט אז א מענטש זאל קענען אראפציפן אסאך שעות אינעם טאג, און גאר אסאך שעות אינעם וויקענד פאר לימוד התורה.
אנשטאט פרעגן יענעם "וויאזוי קענט איר לערנען" (וואס די אויבערשטע ליסטע איז אגב, היבש איבערגעטריבן), דארף א מענטש זיך פרעגן "וויאזוי קען איך לערנען מער?", יענע וואך האב איך אנגעטראפן א חשוב'ען אינגערמאן א בעה"ב, עס איז געווען עלף אזייגער אינדערפרי ער האט געקויפט דעמאלס פרישטאג און איז געווען אויפן וועג צו די ארבייט.
"דו לערנסט נאך תורתך שעשועי?" פרעגט ער מיר, איך האב אים געענטפערט אז יא ב"ה, און גלייכצייטיג אים געפרעגט צו ער האט שוין אויפגעגעבן, האט ער מיר געענטפערט אז יא ווייל ער האט אנגעהויבן לעצטענס "זכרו", האב איך אים געזאגט אז איך קען א חברותא וואס לערנט ביידע, און אים געגעבן א נאמען דערביי, זאגנדיג אז די וועג וויאזוי זיי מאכן עס זיי האבן לעצטענס צוגעלייגט א שיעור פון אכט ביז צעהן אינדערפרי, ובו בזמן גיב איך אים א פרעג צו ער גייט יעדן טאג אזא צייט הערשט אריין אין די ארבייט.
איבריג צו זאגן, קנאת סופרים תרבה חכמה, ער כאפט זיך ביים בארד און ווערט פארטראכט, ער זאגט מיר "דו האסט מיך יעצט אויפגעשאקלט" איך פארברענג אפאר שעה יעדן אינדערפרי איידער איך גיי צו די ארבייט, און דאס איז אויסער מיין שיעור קבוע יעדן פארטאגס, איך קען דאך טאן די זעלבע ווי יענע חברותא, וכך הוה.
דער פונקט איז, א מענטש קען און דארף אלעמאל זיין "קריעטיוו" צו "טרעפן" נייע שעות, ביי איינעם איז עס אויפן באס, ביי איינעם איז עס נאך די ארבייט פון 5 ביז זעקס, און ביי איינעם איז עס ליל ששי אויפצושטיין מיט דריי שעה פריערט.
איך בין ב"ה כמעט נישט "פארנומען" מיט מורשת (ווי איך וועל שפעטער שרייבן בעזהשי"ת), מ'טוט פאר פרנסה און מ'בעט דעם זן ומפרנס לכל מקרני ראמים עד ביצי כנים שיזמין לנו פרנסתינו בריווח ולא בצמצום, בהיתר ולא באיסור, עס זאל אנקומען גרינגערהייט און מיט וואס ווייניגער ארבייט...... מ'זאל קענען נוצן די איבריגע צייט ללמוד וללמד לשמור ולעשות ולקיים,.

האט איר עפעס א מעסעדזש איבערצוגעבן פאר די חברים דא?

איך בין נישט קיין מוכיח בשער און איך גיב ב"ה מיינע מעסעדזשעס אויף די שפאלטענעס פון די פארום ווען איך האב עפעס צו זאגן, זאל יעדער איינער זעהן ברכה בעמלו ובכל אשר תפנו תצליחו
לעצט פאראכטן דורך פלטיאל אום דינסטאג דעצמבער 01, 2015 4:38 pm, מאל פאראכטן געווארן 1 סך הכל.
מיין מיינונג קען זיך אפשר טוישן אבער נישט דער פאקט אז איך בין גערעכט!

בויבעריקער
שר חמישים ומאתים
תגובות: 420
זיך איינגעשריבען אום: פרייטאג יולי 31, 2015 1:03 am

תגובהדורך בויבעריקער » מאנטאג נובעמבער 30, 2015 1:50 pm

וואו זייער אינטערסאנט יישר כח!

תרנגול
שר שלשת אלפים
תגובות: 3187
זיך איינגעשריבען אום: מיטוואך נובעמבער 04, 2009 11:33 am

תגובהדורך תרנגול » מאנטאג נובעמבער 30, 2015 1:52 pm

סופער גוט

נו וועלכע איז טאקע מיללער'ס ערשטע מאמר דא אויפן וועלטל? אפשר די פלאכע רעדל און חברים?
הנותן לשכוי בינה...

אוועטאר
לכאורה
שר עשרת אלפים
תגובות: 10908
זיך איינגעשריבען אום: דינסטאג אוקטובער 20, 2009 2:43 pm

תגובהדורך לכאורה » מאנטאג נובעמבער 30, 2015 2:01 pm

פשיהא! איבער אלע ערווארטונגען!

איך האב נישט גע'חלומ'ט אז ידידנו הרב מיללער וועט זיך אזוי שיין צולאזן אויף די לענג און די ברייט און ארומרעדן אלעס וואס אנבאלאנגט זיין ניק בפרט און די אלטע צייטן פון קרעטשמע בכלל. א גאר געשמאקע ליינען געווען ב"ה!

מיר דאכט זיך אז זיין ערשטע באמבע ארטיקל איז געווען די "פלאכע רעדל".

יישר כח פלטיאל פארן געדאנק און די מיה, און יישר כח מיללער פארן צושטימען דערצו.
איך בין צוריקגעבליבן מיט טויזנטער אשכולות, אבער איך געב נישט אויף... שטייטליך און צוביסלעך וועט מען אי"ה "ווייס מאכן די קרעטשמע"

אוועטאר
פריילאך
שר האלפיים
תגובות: 2536
זיך איינגעשריבען אום: דאנארשטאג דעצמבער 10, 2009 8:45 am

תגובהדורך פריילאך » מאנטאג נובעמבער 30, 2015 2:05 pm

זייער שיין!!

מיללער און פלטי.. די סמעטענע פון אייוועלט!

יישר כח פלטי פארן צוזאמענשטעלן.

באמת בין איך אייביג געווען א גרויסער מעריץ פון מיללער זז"ג, און די אינטערוויא גיבט נאר צו דערצו.

פלטיאל האט געשריבן:האט איר עפעס א מעסעדזש איבערצוגעבן פאר די חברים דא? איך בין נישט קיין מוכיח בשער און איך גיב ב"ה מיינע מעסעדזשעס אויף די שפאלטענעס פון די פארום ווען איך האב עפעס צו זאגן, זאל יעדער איינער זעהן ברכה בעמלו ובכל אשר תפנו תצליחו




ביסט נישט קיין מוכיח? אוי האסטו מיר אריינגעפליקט בסעיף הקודם.

צלח ורכב!
מען זאגט לחיים און מ'איז פריילאך, און מען גייט א קאראהוט

אוועטאר
גערעכטער
שר ארבעת האלפים
תגובות: 4265
זיך איינגעשריבען אום: מאנטאג סעפטעמבער 29, 2014 6:14 pm
לאקאציע: דא!

תגובהדורך גערעכטער » מאנטאג נובעמבער 30, 2015 2:06 pm

געוואלדיג!
א דאנק אייך 'מיללער'.
און א דאנק פלטי פארן אהערשטעלן.
הק' איש ימיני

אוועטאר
מיללער
שר עשרים אלפים
תגובות: 25524
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מאנטאג נובעמבער 30, 2015 2:06 pm

לכאורה האט געשריבן:פשיהא! איבער אלע ערווארטונגען!

איך האב נישט גע'חלומ'ט אז ידידנו הרב מיללער וועט זיך אזוי שיין צולאזן אויף די לענג און די ברייט און ארומרעדן אלעס וואס אנבאלאנגט זיין ניק בפרט און די אלטע צייטן פון קרעטשמע בכלל. א גאר געשמאקע ליינען געווען ב"ה!

מיר דאכט זיך אז זיין ערשטע באמבע ארטיקל איז געווען די "פלאכע רעדל".

יישר כח פלטיאל פארן געדאנק און די מיה, און יישר כח מיללער פארן צושטימען דערצו.

איר זענט גערעכט!

אוועטאר
לכתחילה אריבער
שר עשרת אלפים
תגובות: 19987
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » מאנטאג נובעמבער 30, 2015 2:17 pm

שיין שיין, ישר כח פארן פרעגער און ענטפערער.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

אוועטאר
מיסטעריעז
שר שבעת אלפים
תגובות: 7338
זיך איינגעשריבען אום: פרייטאג אוגוסט 13, 2010 2:54 pm

תגובהדורך מיסטעריעז » מאנטאג נובעמבער 30, 2015 2:20 pm

א שטיק מיללער!

יישר כח פלטי און מיילער

אוועטאר
מאנ-יימער
שר עשרת אלפים
תגובות: 10552
זיך איינגעשריבען אום: מיטוואך דעצמבער 14, 2011 10:36 am
לאקאציע: אויפן וועג ארויף

תגובהדורך מאנ-יימער » מאנטאג נובעמבער 30, 2015 2:24 pm

יישר כח פלטיאל פארן ברענגן און יישר כח מיללער פארן זיך צוברייטערן, שיין געווען צו לעזן.
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?

אוועטאר
צווייפעל
שר שלשת אלפים
תגובות: 3397
זיך איינגעשריבען אום: דינסטאג אוקטובער 16, 2012 12:15 pm

תגובהדורך צווייפעל » מאנטאג נובעמבער 30, 2015 2:26 pm

זייער א תוכן'דיגע אינטערוויא, און גיט באמת א שטופ פאר קנאת סופרים, א גרויסן יישר כח.

איך שעץ זייער הרב מיללער פונעם טאג וואס איך בין דא.

(אין געציילטע נושאים בין איך שטארק אומאיינשטימיג)

איך האב געוואלט פרעגן הרב מיללער, אלץ א ידען און א ת"ח, צו איינער וואס האט נישט קיין אינטערעסע אין היסטאריע, צו דאס איז א פראבלעם, איך בין אמאל שטארק געליגן אין היסטאריע פון צדיקים, איך האב אפי' א זאמלונג, כהיום בין איך טרוד על המחיה (און צו שרייבן אויף איי וועלט...) און איך האב פארלוירן מיין אינטערעסע, אזש איך פארשטיי עס נישט, עס איז עפעס ראנג?

איז עס עפעס א פלאס אז מהאט א געפיל פאר היסטאריע? אדער דאס איז גענוי ווי מוזיק, איינעם אינטערסירט עס, און איינעם נישט.

וימאןX3
שר מאה
תגובות: 158
זיך איינגעשריבען אום: דינסטאג סעפטעמבער 30, 2014 5:04 pm

תגובהדורך וימאןX3 » מאנטאג נובעמבער 30, 2015 2:36 pm

גערעכטער האט געשריבן:געוואלדיג!
א דאנק אייך 'מיללער'.
און א דאנק פלטי פארן אהערשטעלן.

אוועטאר
בן בוזי
שר ארבעת האלפים
תגובות: 4639
זיך איינגעשריבען אום: דינסטאג אוגוסט 19, 2008 12:03 pm

תגובהדורך בן בוזי » מאנטאג נובעמבער 30, 2015 3:20 pm

מן הנימוס וויל איך אין פאבליקום גראטולירן אהוב וידיד נפשי הרה"ג צנמ"ס שליט"א -וואס הגם מיר זענען אויסערליך, קאלעגען. קום איך נישט צו לקרסולי רגליו אין קיין שום הינזיכט- פארן ענטפערן אזוי מייסטערהאפטיג פול מיט חכמה און געלאסענקייט אויף די פראגן פון די חשובע חברי האייוועלט. יה"ר אז אלה וכאלה זאל איהם דער אויבישטער שענקען געזונט, פרנסה, נחת וכל הטוב סלה מיט פיל הרחבת הדעת, און קענען מקדש זיין שם שמים ברבים כדרכו, פירן זיין קהילה על מי מנוחות, לאורך ימים ושנים טובות.

כעתירת מוקירו ריעו ואהובו
אהרן ב"ב הירשקוביטץ
מס"ק כד"ם ויש"ר בפק"ק ס"ק יצ"ו
רעוו. אהרן הירשקאוויטץ, מסדר קידושין דעיר סיראקיוז והגלילית: benbeezee@gmail.com

אוועטאר
farshlufen
שר עשרים אלפים
תגובות: 20550
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » מאנטאג נובעמבער 30, 2015 3:30 pm

מיללער, אויסגעצייכענט! איר קריגט א +100
סימן דלא ידע כלום, שבוחי.

אוועטאר
נא_שכל
שר ארבעת האלפים
תגובות: 4727
זיך איינגעשריבען אום: מאנטאג יולי 14, 2008 10:44 pm
לאקאציע: עולם הדמיון

תגובהדורך נא_שכל » מאנטאג נובעמבער 30, 2015 4:00 pm

געוואלדיגע אויפריכטיגע ענטפער'ס, א שטיק מיללער!
במקום גדולתו שם אתה מוצא ענוותנתו! דער שעמט זיך נישט מיט'ן אמת, און דעקט אויף פאר די היינטיגע ליינער'ס שרייבער'ס אן אנדערע זייט פון "מיללער"...
ס'געווען א גרויס פארגעניגען צו ליינען דעם אינטערוויאו.
פלטיאל האט געשריבן:וויאזוי קענט איר לערנען אלע שיעורים יומיים, טעגלאש, הודו טעגלאש, דף היומי, וכו' וכו', און נאך זיין פארנומען מיט'ן מורשת, און נאך אהיים ברענגען עפעס ברויט צום טיש?

געקלערט האב איך אויסצולאזן די שאלה, אבער נאכן איבערקלערן, אפשר קען עמיצער ארויסנעמען דערפון חיזוק אויף לימוד התורה ועסק בעבודת השם, וועל איך מיך אנשטרענגען צו ענטפערן, טראץ דעם וואס איך בין נישט אזוי באקוועם דערמיט.
ראשית, נישט וויי-צוטאן דעם חשוב'ען שואל הי"ו, די צו-נעמען "טעגלאש/הודא-טעגלאש" איז מיר בכלל נישט צום הארצן. די צוויי חשוב'ע קהלות פון סאטמאר, זענען יעדע איינע כדאי לעצמה, קהלות נאות וחסידות, מ'דארף זיך נישט שעמען צו רופען די קינדער ביי די נעמען, קהילת סאטמאר בראשות האדמו"ר מהר"א שליט"א וקהילת סאטמאר בראשות האדמו"ר מהרי"י שליט"א
דאס איז מיין צוגאנג צו די צוויי קהלות אין ריעל-לייף און דאס איז מיין מיינונג דא אויפן פארום, און בניגוד צו אסאך מיטגלידער ובתוכם די חשוב'ע הנהלה, האלט איך אז אנשטאט א "זעראו-טעלארענץ" פאליסי, מעג מען אויסשמועסן ווי ערוואקסענע, נושאים וואס בארירן די צוויי חשוב'ע קהלות, אבער מה נעשה שרבו עלי חברי בענין הזה והרבה קולמוסים נשתברו עליה.
צו אייער פראגע איבער טעגליכע שיעורים און פרנסה, עס איז באקאנט אז רביה"ק מ'סאטמאר האט געזאגט אז א בעה"ב דארף לערנען כאטש אכט שעה א טאג (אפשר איז עס א גוזמא, אבער אזוי האב איך אמאל געהערט), און דער אמת איז אז היינט צוטאגס האבן ארבייטער אסאך מער צייט ווי אמאל ובפרט די וואס זענען נישט קיין ארבייטער אין א ווערהאוז וכדו' נאר זענען "סעלף-עמפלאוד" אדער סעילסלייט וכדו', דאס ערמעגליכט אז א מענטש זאל קענען אראפציפן אסאך שעות אינעם טאג, און גאר אסאך שעות אינעם וויקענד פאר לימוד התורה.
אנשטאט פרעגן יענעם "וויאזוי קענט איר לערנען" (וואס די אויבערשטע ליסטע איז אגב, היבש איבערגעטריבן), דארף א מענטש זיך פרעגן "וויאזוי קען איך לערנען מער?", יענע וואך האב איך אנגעטראפן א חשוב'ען אינגערמאן א בעה"ב, עס איז געווען עלף אזייגער אינדערפרי ער האט געקויפט דעמאלס פרישטאג און איז געווען אויפן וועג צו די ארבייט.
"דו לערנסט נאך תורתך שעשועי?" פרעגט ער מיר, איך האב אים געענטפערט אז יא ב"ה, און גלייכצייטיג אים געפרעגט צו ער האט שוין אויפגעגעבן, האט ער מיר געענטפערט אז יא ווייל ער האט אנגעהויבן לעצטענס "זכרו", האב איך אים געזאגט אז איך קען א חברותא וואס לערנט ביידע, און אים געגעבן א נאמען דערביי, זאגנדיג אז די וועג וויאזוי זיי מאכן עס זיי האבן לעצטענס צוגעלייגט א שיעור פון אכט ביז צעהן אינדערפרי, ובו בזמן גיב איך אים א פרעג צו ער גייט יעדן טאג אזא צייט הערשט אריין אין די ארבייט.
איבריג צו זאגן, קנאת סופרים תרבה חכמה, ער כאפט זיך ביים בארד און ווערט פארטראכט, ער זאגט מיר "דו האסט מיך יעצט אויפגעשאקלט" איך פארברענג אפאר שעה יעדן אינדערפרי איידער איך גיי צו די ארבייט, און דאס איז אויסער מיין שיעור קבוע יעדן פארטאגס, איך קען דאך טאן די זעלבע ווי יענע חברותא, וכך הוה.
דער פונקט איז, א מענטש קען און דארף אלעמאל זיין "קריעטיוו" צו "טרעפן" נייע שעות, ביי איינעם איז עס אויפן באס, ביי איינעם איז עס נאך די ארבייט פון 5 ביז זעקס, און ביי איינעם איז עס ליל ששי אויפצושטיין מיט דריי שעה פריערט.
איך בין ב"ה כמעט נישט "פארנומען" מיט מורשת (ווי איך וועל שפעטער שרייבן בעזהשי"ת), מ'טוט פאר פרנסה און מ'בעט דעם זן ומפרנס לכל מקרני ראמים עד ביצי כנים שיזמין לנו פרנסתינו בריווח ולא בצמצום, בהיתר ולא באיסור, עס זאל אנקומען גרינגערהייט און מיט וואס ווייניגער ארבייט...... מ'זאל קענען נוצן די איבריגע צייט ללמוד וללמד לשמור ולעשות ולקיים,.

האט איר עפעס א מעסעדזש איבערצוגעבן פאר די חברים דא?

איך בין נישט קיין מוכיח בשער און איך גיב ב"ה מיינע מעסעדזשעס אויף די שפאלטענעס פון די פארום ווען איך האב עפעס צו זאגן, זאל יעדער איינער זעהן ברכה בעמלו ובכל אשר תפנו תצליחו


ראשית כל כ'האלט פונקט ווי דיר לגבי דעם נושא פון קהילות סאטמאר, און כ'האב ח"ו נישט געמיינט צו שרייבן מיט דברי זלזול, נאר אזוי ווי דער מנהג דא אז ווען איינער דערמאנט נאר די נאמען פון די קהלות איז עס נדון למחיקה, כ'האב גענוצט די היתר'דיגע קרעטמע לשונות. און לעצם הענין תנוח דעתך שהנחת את דעתי, כ'מאך זיך א ק"ו מה מילער שהיה מהיימסדים ומההנהלה ומהניקים היותר פעילים כאן ואין שומעין לו בענין זה, כ"ש נא_שכל שאין בו אחד מכל אלו שלא ישמעו לו....

און דיין לעצעטע ענטעפר איז א סתירה צו די פאריגע ענטפער, נאך ווי די האסט דערלאנגט א מעסדזש! מוכיח בשער איט איז! לאמיר שנעל גיין מאכן נאך א שיעור...
"ואומר לאשר יבוא מכתבי לחזות, אכול את המגילה הזאת. כי מהאוכל יצא מאכל, ושכל יצא משכל ..." (ר' ברכיה בן נטרונאי הנקדן, בהקדמת ספרו 'משלי שועלים').

אוועטאר
א גראם מיט טעם
שר שלשת אלפים
תגובות: 3693
זיך איינגעשריבען אום: דאנארשטאג מאי 23, 2013 8:40 pm
לאקאציע: אויף א שפאציר, פונעם מח צום פאפיר

תגובהדורך א גראם מיט טעם » מאנטאג נובעמבער 30, 2015 4:11 pm

Wow
טענקס פלטי, און א דאנק אייך ראביי מיללער פאר די אינפארמאטיווע אינטערוויא.
#מי מנוחות ארטיקל.
ווילט איהר אויסגראמען אייער טאטע ביי מצוה טאנץ?
זיכט איר א פאסיגע פאום מיט צו שיקען מיט א מתנה?
מיר קענען עס צושטעלען פאר אייך,
ווי אויך שרייבען מיר גראמען פאר דיננערס, זינגערס ועוד,
שיקט אן אישי אדער אימעיל צו gram.mit.tam@gmail.com

יאנקעלע קליגער
שר האלפיים
תגובות: 2823
זיך איינגעשריבען אום: דינסטאג אפריל 30, 2013 5:18 pm

תגובהדורך יאנקעלע קליגער » מאנטאג נובעמבער 30, 2015 4:13 pm

סופער סופער !

א דאנק פארן שואל און פארן משיב !
העי! דו, זיי נישט אזוי פארזעצט,
עפעס א לחלוחיות גוטסקייט איז אראפגערונען צו דיר אויך, אז דו וועסט עס איינזען וועסטו אנהייבן שפירן אז אך טוב וחסד ירדפוני.

SPUSMN
שר עשרת אלפים
תגובות: 12527
זיך איינגעשריבען אום: מאנטאג יוני 06, 2011 11:01 am
לאקאציע: בתוך עמי אנכי ישבת

תגובהדורך SPUSMN » מאנטאג נובעמבער 30, 2015 4:17 pm

נישט געליינט נאר געלערענט יעדעס ווארט.

יעצט פארשטיי איך פארוואס איך גלייך אזוי דאס פלאץ, אז אזא קאליבאר ווי הרב מיללער (א איש חכם ונבון וכו') איז געווען די טאון סעטער (tone setter) דא.
עת לחשות ועת לדבר - קהלת ג ז

אוועטאר
ידיד
שר שלשת אלפים
תגובות: 3814
זיך איינגעשריבען אום: מאנטאג יולי 16, 2012 6:37 pm

תגובהדורך ידיד » מאנטאג נובעמבער 30, 2015 4:19 pm

הערליך שיין, תוכנ'דיג און אינפארמאטיוו!

יישר כח פלטיאל און יישר כח מיללער. שטארק הנאה געהאט.

אוועטאר
מצב כללי
שר שלשת אלפים
תגובות: 3128
זיך איינגעשריבען אום: זונטאג אוגוסט 18, 2013 7:09 pm

תגובהדורך מצב כללי » מאנטאג נובעמבער 30, 2015 4:25 pm

יישר כח פלטיאל און מיללער פאר די אינהאלטסרייכע אינטערוויו.

עס איז זייער א גוטע געדאנק צו אינטערוויוען די עלטערע מיטגלידער.

אוועטאר
למעלה משבעים
שר תשעת אלפים
תגובות: 9291
זיך איינגעשריבען אום: זונטאג מארטש 02, 2008 10:17 pm
לאקאציע: ערגעץ פארבלאנדזשעט אויף די גראדע וואסערן

תגובהדורך למעלה משבעים » מאנטאג נובעמבער 30, 2015 4:43 pm

הערליך שיין! אויסנאם'ס.
א דאנק פלטיאל פארן אויפקומען מיט דעם געדאנק, און יישר כח מיללער פארן ענטפערן.

בשלמא
שר חמישים
תגובות: 86
זיך איינגעשריבען אום: מיטוואך יולי 29, 2015 11:42 am

תגובהדורך בשלמא » מאנטאג נובעמבער 30, 2015 5:16 pm

גם אנו מצטרף, זיייער שיין זיך צו באקענען מיט די פערזענליכקייטן פונעם פריערדיגן אייוועלט דזשענערעישן

אוועטאר
אויסגערעכנט
שר ששת אלפים
תגובות: 6840
זיך איינגעשריבען אום: מאנטאג אוגוסט 10, 2015 9:50 pm

תגובהדורך אויסגערעכנט » מאנטאג נובעמבער 30, 2015 5:23 pm

זייער שיין פלטי געפרעגט און מיללער הערליך גענפערט

הערענדיג ווי אזוי דא האט אויסגעקוקט אמאל האט מיר געכאפט א קיצל אבער שוין...

ווארט מיר אלע אויף נאך
איטס עי ביזנעס דואינג פלעזשור וויט יו...

קרעדיט: כ׳געדענק נישט.

אוועטאר
משה צימערינג
שר חמש מאות
תגובות: 560
זיך איינגעשריבען אום: מיטוואך ינואר 28, 2015 9:48 am
לאקאציע: בבית חיינו זו 770

תגובהדורך משה צימערינג » מאנטאג נובעמבער 30, 2015 5:24 pm

בן בוזי האט געשריבן:מן הנימוס וויל איך אין פאבליקום גראטולירן אהוב וידיד נפשי הרה"ג צנמ"ס שליט"א -וואס הגם מיר זענען אויסערליך, קאלעגען. קום איך נישט צו לקרסולי רגליו אין קיין שום הינזיכט- פארן ענטפערן אזוי מייסטערהאפטיג פול מיט חכמה און געלאסענקייט אויף די פראגן פון די חשובע חברי האייוועלט. יה"ר אז אלה וכאלה זאל איהם דער אויבישטער שענקען געזונט, פרנסה, נחת וכל הטוב סלה מיט פיל הרחבת הדעת, און קענען מקדש זיין שם שמים ברבים כדרכו, פירן זיין קהילה על מי מנוחות, לאורך ימים ושנים טובות.

כעתירת מוקירו ריעו ואהובו
אהרן ב"ב הירשקוביטץ
מס"ק כד"ם ויש"ר בפק"ק ס"ק יצ"ו

איך מיין אז מען זאל מאכען אן אינטערוויא ציווישן מיללער אין בן ביייזי
יחי המלך


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 30 געסט