אנטלאפן פון תפיסה! נעבעך!

געשמאקע ארטיקלן און בילדער וכדו'

די אחראים: אחראי, געלעגער

אוועטאר
הלשון
שר שלשת אלפים
תגובות: 3121
זיך איינגעשריבען אום: מיטוואך יולי 27, 2011 5:48 pm

אנטלאפן פון תפיסה! נעבעך!

תגובהדורך הלשון » דינסטאג יוני 30, 2015 2:27 am

ברעכענדע נייעס: צוויי מערדער זענען אנטלאפן פון מאקסימום–סעקיוריטי טורמע אין קלינטאן ניו יארק.

פאר דריי וואכן נאכאנאנד האט די היסטארישע אקט פארנומען די הויפט נייעס אויף אלע מידיע נעצן. זוך אקציעס, שפעקולאציעס, און רומארס זענען אנגעגאנגן אויף א העפטיגע פארנעם.

פארוואס זיי האבן זיך געטרויעט, צו טוהן דעם זעלטן-געוואגטן שריט, איז נישט מער ווי פארשטענדליך. גיי לעב אויס דיינע יארן אין תפיסה...

ג-ט האט באשאפן דעם מענטש בעולם הזה, ער זאל לעבן אויף דער פריי. נוצן זיין שכל צו קענען מאכן באשלוסן. ארבעטן, עסן, שלאפן, לויט ווי דער מענטש שפירט פאר ריכטיג.

אין חד גדיא (טורמע) איז דאס נישט פארהאן!

ווען מען הייסט דיר גיין שלאפן, מוזטו זיין אין בעט. אזויפיל אזייגער מוזטו בל כרחך זיין ערוועקט, אז נישט ווערסטו גע'קנס'ט. רעדן אויפ'ן טעלעפאן, ליינען צייטונגען, גיין ארבייטן, אלעס אלעס איז גענוי אנגעצייגט, ווען און וויפיל, אין די פארשריפטן פונעם פארשאלטענע תפיסה. דער מענטש ווערט פארוואנדלט אין א מעטאלענע ראבאט.

אויב איז די גזר דין בלויז צייטווייליג (עטליכע חדשים/יארן רח"ל), איז גענוג און נאך ביטער. ווי קען מען דאס אויסהאלטן אפילו בלויז איין טאג. אבער סוף כל סוף, קוקט מען ארויס אויף די ליכטיגקייט ביים עק פון טונעל.

"לעבנסלענגליכע טורמע"! דאס איז שוין א זאך וואס לאו כל מוחא סביל דא. א מענטשליכע מוח קען דאס בשום אופן דערהייבן. לעבן אויף אייביג אונטער אומגעהויערע פרעשור. זיך לאזן פירן ביים נאז, דורך קורצקעפיגע נארישע צוויי-פיסיגע בהמות.

"ערגער קען שוין נישט זיין", "הענגן אויף א תלי' אינמיטן שטאט לוינט זיך שוין ענדערש – כאטש וועל איך קענען זעהן די זון און אטעמען פרישע לופט" – אזעלכע און ענליכע מחשבות הייבן אן צו פייניגן דאס געוויסן.

"מ'גייט אנטלויפן"! דאס איז געווען די החלטה פון די צוויי קאלט-בלוטיגע רוצחים, וואס האבן געדינט א לעבנסלענגליכע טורמע טערמין, אינעם שטרענג-באוואכטן תפיסה.

איי, אנטלויפן פון א תפיסה איז גארנישט אזוי פשוט. "וואס האט מען צו פארלירן"? איז דער תירוץ. דא איז דאך זיכער נישט קיין תכלית, לאמיר טוהן וואס קען מען, זיך ארויסצוזעהן פון דעם פינסטערן גלות.

שטעלט זיך דאך די פראגע: סוף כל סוף האט מען דאך אין תפיסה א שטיקעלע לעבן. מען באקומט פרישע עסן יעדן טאג. מען האט א בעט מיט א ביה"כ אנע צאלן רענט...

נישט געזארגט. זיי האבן אויסגערעכענט דעם אנטלויף אקציע מיט גרויס עקספערטיז. חדשים לאנג האט מען פלאנירט יעדע דעטאל. מען האט אנגעקניפט פארבינדונגען מיט חברה פון די אנדערע זייט. מענטשן וואס לעבן אינדרויסן אויף די פרייע וועלט, האבן צוגעשטעלט נויטיגע געצייג זיך צו קענען ארויסדערווישן פון דעם פארפאנצערטן און פארמויערטן תפיסה צעל.

איינמאל מ'וועט שוין זיין אויף די אנדערע זייט, וועט ווי אפגעשמועסט, זיי אפווארטן א דרויסענדיגער וואס וועט זיי פירן צום ריכטיגן פרייהייט.

אין די זעלבע צייט, וואס ביים תפיסה וועט מען זיי זוכן מיט לעכט, און האפן יעדע ליאדע מינוט אויף זייער צוריקקער, וועלן זיי זיך געפינען ווייט ווייט פונעם טונקעלן צעל און פשוט און גראד האקן א לעבן. לעבן א פרייע לעבן מיט אלע תענוגי עולם הזה, וואס זענען צוריקגעהאלטן געווארן פון זיי זיצענדיג אונטער די גראטעס.

* * *

די פלאן האט אויסגעזעהן גאר גונסטיג און געשמאק. א סארקאסטישע שמייכל, ווערט אנגעהאנגן אלס לעצטע וואונטש, און זיסע נקמה אין די רשעות'דיגע סיסטעם וואס האט אונז געפייניגט יומם ולילה.

אבער די רעאליטעט, איז געווען גאר גאר אנדערש ווי געראכטן. איי איז דאס געווען א ביטערע פיל אראפצושלינגן, ווען מ'האט זיך געטראפן אויף די אנדערע זייט, און ערשט דאן געוואיר געווארן, אז לא אוהבים ולא קאר, אבל יש דובים ויש יער.

אין איין אויגנבליק זענען אלע פלענער צונישט געווארן. פון די געטרייע מיטארבייטערס, וועלכע גייען שטיין צו הילף, איז נישט געווען קיין זכר. עס וויל זיך צוריקגיין, אבער ווי זאגט די וועלט: צוריק גייט א קאזע. בלייבן ווי אן אפגעשמיסענער אינמיטן גאס איז דאך זיכער נישט קיין עסק. בלית ברירה נוצט מען אויס די שוץ פונעם נאכט-פינסטערניש און מען לויפט אריין אין די נאסע זומפיגע קאלטע וואלד, מורא האבנדיג פון די אייגענע שאטן.

* * *

ויהי ערב ויהי בוקר

די וועלט האט זיך דערוועקט צום היסטארישן נייעס. אלע אינסטאנצן זענען געשטעלט געווארן אויף הויך-אלערט.

נאך א טאג-צוויי ווען מען האט נישט געפינען קיין שום שפורן פון זיי, האט די המון עם אליינס געוועבט די מעשה: די תפיסה סיסטעם איז אדורך און אדורך פארפוילט. די צוויי חברה זענען שוין זיכער אין מעקסיקא אדער קאנאדע, ווי זיי לאכן הויך אויפ'ן קול, צוקוקענדיג אויפ'ן טעלעוויזיע ווי די מאסיווע "מענהאנט" נאך זיי, גייט אן מיט'ן פולסטן פארע...

אבער אין די זעלבע צייט זענען די צוויי אנטלאפענע שוין גארנישט געווען צו מקנא זיין. אנשטאט אין תפיסה זענען זיי געווען טאג און נאכט אינעם געדיכטן וואלד, און געוואנדערט צופיס לאנגע שטרעקעס פון מיילן ווייט, אן איינער זאל זיי פארזארגן מיט געהעריגע עסן, טרינקן, קליידונג, בעטן אא"וו.

די קאשמארישע טעג און נעכט וואס איז אויף זיי אריבער, בפרט אין די לעצטע טעג ווען זיי האבן זיך אפגעטיילט און געוואנדערט אפגעמוטשעט עלנד אליין, איז אוממעגליך צו שילדערן.

די טראגישע און ביטערע ענדע איז נאך ערגער פון אלעם. איינער איז געפאלן א פגר צום שאס פון די גרעניץ מארשאלס, זייענדיג קראנק און שיכור. דער צווייטער איז ערנסט פארוואונדעט געווארן, און וועט עווענטועל צוריקגעפירט ווערן אין טורמע, אונטער פיל שווערערע אומשטענדן.

אוי ווי גוט וואלט געווען צו בלייבן אינעם "האנאר בלאק" פון די קלינטאן טורמע, ווי זיי האבן גענאסן פון מערערע פריווילעגיעס.

* * *

הרבה עשו כריטשארד ודעוויד ולא עלתה בידם

ליידער ליידער, בעוה"ר, מאכט זיך צווישן אידישע קינדער אזעלכע, וואס מחמת כובד הגלות, קומען זיי צום החלטה, אז אנטלויפן פונעם "האנאר בלאק" (ערליכע פרומע לעבנסשטייגער) איז די עווענטועלע גאולה צו זייערע שווערע נסיונות און דריקענישן.

"ווי לאנג קען מען לעבן אין א באקס"?! "די פרומע לעבן איז דאך א תפיסה"!!! טריט און שריט טיילט מען מיר איין וואס איך מעג יא און וואס איך מעג נישט. מען לאזט מיר נישט נוצן מיין אייגענע שכל.

לעומת זה קוקט אויס ווי אויף די אנדערע זייט איז אזוי זיס און געשמאק. ספעציעלע ארגאניזאציעס שטייען צום הילף פון די אנטלאפענע, זיך צו אריענטירן אינעם נייעם לעבנס שטייגער אויף די פרייע וועלט.

מזמן לזמן דערוועקט מען זיך צו אזא הימל-שפאלטענדע געשעעניש. אידישע הערצער ווערן צוריסן. גוטע אידן ווערן געשטעלט אויף הויך-אלערט, און דאגה'נען וואס מען קען טאן דאס צו מונע זיין אין די צוקונפט. אנדערע האבן גאר מעשיות צו דערציילן, אז די איינציגע לעזונג איז, צו פיקסן די סיסטעם וועלכע טויג נישט.

אבער אין די זעלבע צייט, דרייען זיך נעבעך ארום די פארוואגלטע נשמות, און זוכן די ענדלאזע מזל און גליק, וואס האט זיי לויט'ן פלאן געזאלט אפווארטן תיכף ביים טויער פון תפיסה.

צוריק צו לויפן איז נישט אזוי פשוט, מען האט שוין אויסגעטאן די תפיסה קליידער און זיי פארביטן מיט נארמאלע אנשטענדיגע מלבושים. זיך ארויסשטעלן ווי אן אפגעפאטשע לוזער איז דאך נישט קיין עסק. אנטלויפט מען אנשטאט עלנד אליין, אין זומפיגע וועגן וועלכע זענען אנגעשטעקט מיט נחשים ועקרבים.

אין די זעלבע צייט וואס עס גייען ארום רומערס צווישן די אלץ-ווייסערס, אז יענער האט זיך פיין געסעטלט, ער האט שוין געקויפט א הייזקע במקום פלוני על שפת הים, און געניסט מכל טוב וטב, טוט זיך אפ אין די הארץ פון די לויפענדע א שווערע שטורעם. מען בענקט זיך צו ווארעמקייט, משפחה ליבליכקייט, און עפעס תכלית וואס טוט באפרידיגן דעם נפש האדם. מען איז אנידערגעשלאגן און דעפרעסט, און עפ"י רוב נאך ערגער, ה"י.

גארנישט דא וואס צו מקנא זיין. אן אמת'ע רחמנות במלוא מובן המילה.

אנשטאט זיך שושקען איבער נישט געשטויגענע אורזאכן און פאקטן, לאמיר מתפלל זיין אז די אלע אנטלאפענע זאלן ווי אמשנעלסטן אומגעקערט ווערן צום האנאר בלאק, נאך איידער זיי ווערן חלילה צושאסן און פארוואונדעט. עס זאל זיי ליכטיג ווערן ברוחניות ובגשמיות, וילמדו תועים בינה און טרעפן בסייעתא דשמיא די ריכטיגע וועג.

יה"ר שנזכה כולנו לגדל דורות ישרים ונאמנים לד' ולתורתו. בנים ובני בנים עוסקים בתורה ובמצוות, און אלע צובראכענע הערצער זאלן אויפגעראכטן ווערן מתוך שמחה ונחת, ויתגדל ויתקדש שמי' רבא בעגלא ובזמן קריב ואמרו אמן.
הלשון הוא קולמוס הלב, והניגון הוא קולמוס הנפש (בעל התניא מליאדי)

אוועטאר
Iphone
שר חמש מאות
תגובות: 818
זיך איינגעשריבען אום: זונטאג פאברואר 10, 2013 8:57 pm

תגובהדורך Iphone » דינסטאג יוני 30, 2015 5:39 am

פיין! שכח

קרייסלער
שר האלף
תגובות: 1015
זיך איינגעשריבען אום: מיטוואך מאי 20, 2015 6:01 am

תגובהדורך קרייסלער » דינסטאג יוני 30, 2015 5:50 am

שפתים ישק! הלבלר ״הלשון״ של הלב

אוועטאר
עירמאנט'ער
שר האלף
תגובות: 1157
זיך איינגעשריבען אום: זונטאג פאברואר 16, 2014 11:51 pm

תגובהדורך עירמאנט'ער » דינסטאג יוני 30, 2015 5:53 am

פיינע פעדער
דבר בעתו מה טוב
זייער זייער שיין
ימים ידברו - די טעג וועלן רעדן
מה נענה אנן אבתרייהו

אוועטאר
צו געזונט
שר שלשת אלפים
תגובות: 3154
זיך איינגעשריבען אום: מוצ"ש נובעמבער 21, 2009 6:24 pm
לאקאציע: חשש גילוי

תגובהדורך צו געזונט » דינסטאג יוני 30, 2015 6:58 am

אויסקומענדיג מיר צו האנדלען מיט עטליכע פון די גליקליכע אנטלאפענע פונעם אידישן לעבנס שטייגער, איז מיר אויסגעקומען זיי זאגען, לויט זייער שפראך און דערהער... אז: לדעתי איז א מענטש בארעכטיגט און ער האט א בחירה, אבער א בחירה מיינט אז דו האסט "אויסגעוועלט" א נייע וועג, נישט אז דו האסט "אוועקגעווארפען" עפעס. סתם לויפן איז קיין דערהער, אויב האסטו א גוט אויסגערעכנטן פלאן וואו אנצעקומען, מה טוב ומה נעים, אבער סתם לויפן און שרייען איך בין אויף דער פריי איז קיין דערהער נישט.

א גליקליכער מאן וועט נישט דרש'נען פון זיין אזוי פערהאסטען פערגאנגענהייט, ער וועט זיך קאנצטעטרירן אויף זיין הוה און עתיד. וואס ביי די חברה זיינען זיי צופיל פערנומען מיט מסביר זיין זייער עבר
בוי זיך זעלבסט

מי יודע
שר ששת אלפים
תגובות: 6343
זיך איינגעשריבען אום: מאנטאג אוגוסט 31, 2009 4:35 pm

תגובהדורך מי יודע » דינסטאג יוני 30, 2015 7:55 am

שפתים ישק!!! געוואלדיגע ווערטער!!!
;l;p- ;l;p- ;l;p-
אידעלע זיי פרייליך, שטארק דיך שטארק דיך אצינד, ווייל דו ביסט דאך א בן מלך, דעם באשעפער'ס קינד.

אוועטאר
לכאורה
שר עשרת אלפים
תגובות: 11289
זיך איינגעשריבען אום: דינסטאג אוקטובער 20, 2009 2:43 pm

תגובהדורך לכאורה » דינסטאג יוני 30, 2015 8:04 am

WOW
כ'האב נישט געדענקט אז מיר פארמאגן דא אזא "לשון" לימודים
איך בין צוריקגעבליבן מיט טויזנטער אשכולות, אבער איך געב נישט אויף... שטייטליך און צוביסלעך וועט מען אי"ה "ווייס מאכן די קרעטשמע"

אוועטאר
farshlufen
שר עשרים אלפים
תגובות: 21829
זיך איינגעשריבען אום: פרייטאג נובעמבער 16, 2007 8:26 am
לאקאציע: אויף די פאליצעס אין ספרים שאנק

תגובהדורך farshlufen » דינסטאג יוני 30, 2015 9:01 am

שיין, שארף.
סימן דלא ידע כלום, שבוחי.

אוועטאר
לאמפ
שר האלף
תגובות: 1159
זיך איינגעשריבען אום: פרייטאג יוני 06, 2014 8:16 am

תגובהדורך לאמפ » דינסטאג יוני 30, 2015 9:03 am

גאר גוטע צושטעל! פליסיג געשריבן. ;l;p- ;l;p-

שאהן הענניטי
שר האלפיים
תגובות: 2604
זיך איינגעשריבען אום: פרייטאג יוני 15, 2012 12:07 pm

תגובהדורך שאהן הענניטי » דינסטאג יוני 30, 2015 9:06 am

שטארק הנאה געהאט פונעם צושטעל

אוועטאר
צווייפעל
שר שלשת אלפים
תגובות: 3487
זיך איינגעשריבען אום: דינסטאג אוקטובער 16, 2012 12:15 pm

תגובהדורך צווייפעל » דינסטאג יוני 30, 2015 9:42 am

זייער גוט, מקען צולייגן אז די פרוי איז ווי די ייצר הרע, זי שמייכל א גאנצע צייט, און ווען סקומט למעשה איז זי נישטא צו באקומען, גיי אין דער אדמה...

די זעלבע זאך דער ייצר הרע, זאגט צו אלעס גוטס.. סוכ"ס הוא היימר הרע הוא המלאך המות.

אוועטאר
ווישוואש
שר ארבעת האלפים
תגובות: 4930
זיך איינגעשריבען אום: דאנארשטאג סעפטעמבער 04, 2014 12:14 pm

תגובהדורך ווישוואש » דינסטאג יוני 30, 2015 9:53 am

לאמפ האט געשריבן:גאר גוטע צושטעל! פליסיג געשריבן. ;l;p- ;l;p-

קרייסלער האט געשריבן:שפתים ישק!
Make it idiot proof and someone will make a better idiot.

פארבינדן
שר האלפיים
תגובות: 2424
זיך איינגעשריבען אום: מאנטאג מאי 18, 2015 6:44 pm

תגובהדורך פארבינדן » דינסטאג יוני 30, 2015 10:12 am

שיין געזאגט. ריכטיג ארויסגעברענגט.
פאר קריטיק דריקט דא

אוועטאר
סמארט גאי
שר האלפיים
תגובות: 2641
זיך איינגעשריבען אום: זונטאג נובעמבער 02, 2014 1:24 am

תגובהדורך סמארט גאי » דינסטאג יוני 30, 2015 10:21 am

זייער שיין,
נישט די מציאות קאנטראלירט דיינע געפילן, נאר דיין "פירוש" אויפן מציאות קאנטראלירט דיינע געפילן
ס'איז בידך צו טוישן דיין מהלך המחשבה, און אזוי ארום זיך באשיצן פון ווערן אפעקטירט פון די -טיילמאל- אומאנגעמע געשעענישן וואס דאס לעבן ברענגט מיט זיך

אוועטאר
ענדע צדיק!
שר חמשת אלפים
תגובות: 5607
זיך איינגעשריבען אום: מיטוואך יולי 17, 2013 4:44 pm
פארבינד זיך:

תגובהדורך ענדע צדיק! » דינסטאג יוני 30, 2015 11:03 am

א טיפישער דבר בעתו ארטיקל! הערליך שיין צולייגט, א געשמאק צו ליינען!
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון

אוועטאר
א גראם מיט טעם
שר שלשת אלפים
תגובות: 3763
זיך איינגעשריבען אום: דאנארשטאג מאי 23, 2013 8:40 pm
לאקאציע: אויף א שפאציר, פונעם מח צום פאפיר

תגובהדורך א גראם מיט טעם » דינסטאג יוני 30, 2015 11:16 am

פון פרייהייט אנטלאפען
וועם טוסטו בלאפען
מיינסט ס'דיר בעסער
אויפגעריסען תורה שלעסער
צו א עתיד אן גדרים
מאכען פון אסור מותרים
אבער א שוטה ביסטו
זיך איינשפארען טוסטו
אין תפיסה פארבינדען
חירות פארשווינדען
דער גאס דער פוץ
אנגעפולט מיט שמוץ
פריי איז נאר דער
וואס צום בורא געטריי איז ער

טענקס הלשון, פיינע ווארע, גוט ארויסגעברענגט.
ווילט איהר אויסגראמען אייער טאטע ביי מצוה טאנץ?
זיכט איר א פאסיגע פאום מיט צו שיקען מיט א מתנה?
מיר קענען עס צושטעלען פאר אייך,
ווי אויך שרייבען מיר גראמען פאר דיננערס, זינגערס ועוד,
שיקט אן אישי אדער אימעיל צו gram.mit.tam@gmail.com

יאנקעלע קליגער
שר האלפיים
תגובות: 2823
זיך איינגעשריבען אום: דינסטאג אפריל 30, 2013 5:18 pm

תגובהדורך יאנקעלע קליגער » דינסטאג יוני 30, 2015 11:41 am

געוואלדיג!!!
אזוי שיין און קלאר ארויסגעברענגט!
ייש"כ, הלשון!
העי! דו, זיי נישט אזוי פארזעצט,
עפעס א לחלוחיות גוטסקייט איז אראפגערונען צו דיר אויך, אז דו וועסט עס איינזען וועסטו אנהייבן שפירן אז אך טוב וחסד ירדפוני.

אוועטאר
מילכיגער
שר האלפיים
תגובות: 2588
זיך איינגעשריבען אום: מיטוואך יולי 20, 2011 4:41 pm

תגובהדורך מילכיגער » דינסטאג יוני 30, 2015 11:44 am

שפתיים ישק!!!!!
Dear Milkman: From now on please leave two pints every other day and one pint on the days in between, except Wednesdays and Saturdays when I don't want any milk.

תמימות
שר העשר
תגובות: 47
זיך איינגעשריבען אום: מוצ"ש אפריל 25, 2015 7:53 pm

תגובהדורך תמימות » דינסטאג יוני 30, 2015 11:53 am

אזוי?! ענדערש זיין אין ערליכען תפיסה לעבן?
אפשר ענדערש זוכן צו מאכן דעם תפיסה'ן לעבן פאר א גן עדן עלי אדמות?

אוועטאר
הלשון
שר שלשת אלפים
תגובות: 3121
זיך איינגעשריבען אום: מיטוואך יולי 27, 2011 5:48 pm

תגובהדורך הלשון » דינסטאג יוני 30, 2015 12:22 pm

תמימות האט געשריבן:אזוי?! ענדערש זיין אין ערליכען תפיסה לעבן?
אפשר ענדערש זוכן צו מאכן דעם תפיסה'ן לעבן פאר א גן עדן עלי אדמות?

איינער האט געזאגט אנדערש?
הלשון הוא קולמוס הלב, והניגון הוא קולמוס הנפש (בעל התניא מליאדי)

אוועטאר
לכתחילה אריבער
שר עשרת אלפים
תגובות: 19987
זיך איינגעשריבען אום: זונטאג מאי 09, 2010 7:20 pm
לאקאציע: למטה מעשרה

תגובהדורך לכתחילה אריבער » דינסטאג יוני 30, 2015 3:13 pm

אויסנאם פיינער ארטיקל!! שיין געשריבן, געוואלדיגע דערהער, גוטער צושטעל!

ישר כח.
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" קרעדיט אדמו"ר מהר"ש

קאווע באנדל
שר חמש מאות
תגובות: 509
זיך איינגעשריבען אום: מיטוואך אפריל 29, 2015 2:43 pm

תגובהדורך קאווע באנדל » דינסטאג יוני 30, 2015 3:20 pm

ישר כח! געוואלדיג הנאה געהאט צו ליינען.
I'm sorry for writing in English. I don't have a Yiddish keyboard right now

אוועטאר
פארוואס נישט
שר חמש מאות
תגובות: 699
זיך איינגעשריבען אום: דינסטאג אפריל 07, 2015 4:08 am
לאקאציע: רינגס און ארום

תגובהדורך פארוואס נישט » דינסטאג יוני 30, 2015 3:49 pm

הערליך שיין
ש'כח

green sunday
שר חמש מאות
תגובות: 753
זיך איינגעשריבען אום: דינסטאג מארטש 16, 2010 3:34 pm

תגובהדורך green sunday » דינסטאג יוני 30, 2015 4:17 pm

געוואלדיג, שכח
שכח פאר א גראם מיט א טעם פארן פארן ציענדיגען

אוועטאר
וואס א חילוק
שר האלף
תגובות: 1267
זיך איינגעשריבען אום: מאנטאג מארטש 16, 2015 3:39 pm
לאקאציע: ניי קרוינהייטס

תגובהדורך וואס א חילוק » דינסטאג יוני 30, 2015 6:45 pm

איך האלט נישט אז די פרומע לעבן איז א לעבן פון זיין איינגעקוועטשט אוואו א תפיסה!! ולענ"ד איז עס נישט אזא גוטע צוזאמשטעל ווייל אויב עפעס זענען די אנדערע (אוועקגעפאלנע) אין א תפיסה! און נישט די ערליכע וואס קען זיך קאנטראלירן! און מ'קען זעהן אויף די אלע וואס גייען אוועק פון די מכלומירשטע צוקוועטשטע לעבן ווי צוקוועטשט זיי קוקן אויס!!
אסאך מענטשן רעדן פון "אייבירשטן" און מיינען "זיך"..

אסאך מענטשן רעדן פון "זיך" און מיינען דעם "אייבירשטן"..


צוריק צו “היימישע קרעטשמע”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 7 געסט