נייע ישובים איז עס גיט פאר יעדן? - מיין עקספיריענס

אלעס איבער נייע היימישע געגנטער

די אחראים: אחראי, געלעגער

כפרה
אנשי שלומינו
תגובות: 1
זיך איינגעשריבען אום: פרייטאג מארטש 08, 2019 10:50 am

נייע ישובים איז עס גיט פאר יעדן? - מיין עקספיריענס

תגובהדורך כפרה » זונטאג מארטש 10, 2019 10:23 am

איך האב מיך איבערגעקלערט עטליכע מאל, צו זאל איך שרייבן דערוועגן אדער נישט, למעשה האלט איך יעצט אז איך דארף עס יא שרייבן, אז אנדערע אין מיין מצב זאלן קענען מאכן קליגערע באשלוסן ווי דאס וואס איך האב געמאכט.

אנגעהויבן האט זיך עס ביי מיר ווי מיט פיל אינגעלייט אין וויליאמסבורג, ב"ה איך האב א פיינע פרנסה ביי א אידישע פירמע, און אלע יארן אליינס זיך אויסגעהאלטן, נהנה געווען מיגיע כפי, געצאלט ערליך די רענט יעדן ערשטן, נישט גענומען פון בשר ודם, און אויך נישט פון פעטער-שמואל, די עלטערן זיינען ארענטליכע בעלי פרנסה, נישט קיין גבירים וואס קויפן דירות פאר קינדער.

ויגדלו הנערים, און מער האט מען נישט געקענט וואינען אין די קליינע דירה'לע, און האמיר זיך געלאזט זיכן א גרעסערס, זיך געוואנדען צו בראקערס, ערליך דורכגעקוקט א יעדע דבר יום ביומו מיטן גיט-מארגן, זעהנדיג ווי שווער עס איז צו טרעפן האב מיר זיך געוואנדען צו גיטע פריינט, אפשר ווייסט איינער א גוטע דירה.

ויאמרו לו חכמיו, משוגע זוכסט אין וויליאמסבורג, נישטא קיין דירות, אלעס איז פיצעלע דירות, פאר די געלט קענסטו קויפן ערגעץ אנדערש א ריזיגע הויז, איך וואלט שוין לאנג געמופט נאר מיין ווייב, איך זאג דיר שפרינג אריין מען וועט דיך העלפן זארג נישט, וכו' וכו' קויף א הויז און פארדינג די בעיסמענט וועסט נאך ארויס מיט ריווח, מוזט עס טוהן פאר די קינדער, אזוי איין 'גיטע פריינט' נאכן צווייטן, און איך האב נישט געהאט די שכל צו טשעלענדזשן אט די גיטע פריינט פארוואס זיי שפרינגען נישט אריין.

טו מעיק א שארט סטארי לאנג, בין איך געגאנגען צו זעהן די נייע יישובים, און איך האב געסעטלט אויף איינס פון זיי וואס איז מיר געווען די מערסטע צום הארצן, איי איך האב דאך נישט קיין 20 פראצענט אראפצולייגן, אויף דעם האבן מיר גיטע פריינד ערקלערט אז מען מוז נישט אראפ-לייגען קיין 20 פראצענט, אלץ פורסט-טיים האום בייער קען איך אפקומען מיט א קלענערע דאונ-פעימענט, און מען וועט שוין העלפן מיט די איבריגע, נאר נישט זארגן, און שפרינג אריין.

האב מיר געסיינט א קאנטראקט בשעה טובה ומוצלחת, אלע גיטע פריינט גיבן מיר מזל טוב, און ווידערהוילן מיין קליגע שריט, אבער דערנאך ווערט יעדער ווי קאטשענא, צולאזט און פארשווינדן, שטעלט זיך מיר ארויס אז איך קען נישט גיין פאר א קלענערע דאונ-פעימענט ווייל דעמאלטס ווערט די מארגעדש (אינאיינעם מיט די טעקס און די אינשורענס אויף די מארגעדש) צו הויעך פאר מיין אינקאם, זאגט מיר די מארגעדש בראקער איך זאל שאפן א קא-סיינער אזוי ארום קענען קוואליפיצירן, אבער דא פליצלינג ווער איך געוואויר אז קיינער פון מיינע גיטע פריינט קענען (ווילן...) נישט זיין קיין קא-סיינער, און מיין משפחה איז נישט קיין גרויסע פארדינערס וואס זאלן מיך קענען העלפן, בהכרח מוז איך גיין פאר די פולע 20 פראצענט וואס איך האב אויך נישט.

איך האב פראבירט צו מען קען רעכענען די בעיסמענט דירה וואס איך האף צו פארדינגען אלץ אן אינקאם קעגן די מארגעדש, למעשה קען עס נישט ווערן גערעכנט.

אזוי לויף איך ארום אן א קאפ זוכן ווער עס קען מיר בארגען, דער א פינעווער, און דער א צענער, צוזאם געקראצט א דאלער אויף א דאלער, אבער רוב פון די גיטע פריינט וואס האבן מיך טאקע גע'עצה'ט אריינצושפרינגען, האבן מיך אויך געלאזט דערטראנקען ווערן.

דא איז צוגעקומען נאך 16 אלפים קלאזינג קאסט, נאך א 60 טויזנט אין ממש ממש הכרחיות'דיגע געלט וואס מען האט געמוזט האבן צו ענדיגן וכו', און נאך א 30 אלפים אויפצופיקסן און פארטיגען די בעיסמענט וואס וועט העלפן קאווערען די מארגעדש, די צוזאמקראצן די געלט איז מיר אנגעקומען מיט די גרינע גאל, איך האב כמה פעמים געשפירט אז איך טראג עס נישט איבער, איך האב אלע מיינע יארן נישט געבארגט קיין געלט, אלעמאל זיך באוויזן צו לעבן מיינע יארן אן צוקימען צו מענטשנס טובות, און דא בין איך כ'שולי קדירה' איבערן קאפ מיט געבארגטע געלט.

האלט מיר שוין ביים קלאוזען בשעה טובה ומצלחת, אביסל האבן בעלי מלאכות פארשלעפט די צייט, אבער ב"ה מען ציהט זיך ארויס צו נייעם יישוב, באקומען שיינע מאווינג פרעזענטס, און גיטע פריינט זענען געקומען באזוכן, יעדער האט עצות וואס איך קען טוהן צו פארבעסערן די הויז, און וואס איך 'וואלט' ווען געדארפט טוהן א.א.וו.

למעשה האב איך פאררעכנט אז פון יעצט מוז איך טרעוולן יעדען טאג צו די ארבעט, און טרעוול צווישן טאל מיט געז קאסט מיך איבעריגע 750 דאלער א חודש, און קאר סערוויס פאר די שטוב צו ערלעדיגן עני קלייניגקייט איז נאך בערך 350 דאלער א חודש, שכר לימוד איז מיר העכער געווארן מיט 700 דאלער א חודש, און יעדן שני וחמישי מוז מען אריינפארן אין שטאט פאר שמחות וכו' זאמלט אויך א שיינע פאר טאלער.

עס האט גענימען א צוויי חדשים ביז איך האב פארדינגען די בעיסמענט, און דאס האט שטארק געהאלפן קאווערען א חלק מארגעדש, אבער נאך 5 חדשים האט דער טענענט זיך ארויסגעצויגן, און די מארגעדש מיט די טעקס מוז מען באצאלן חודש'ליך, און איך ברעך אינטער, מאין יבא עזרי, איך האב שוין אפגעצאלט א שפאר ביסל פון די געבארגטע געלט, אבער איך שעם זיך צו ווייזן די פנים פאר די אידען וואס איך האב נאכנישט קיין געלט זיי אפצוצאלען, און מיינע גיטע פריינט זענען נישט צו האבן, ווערן אן אפיציעלע רחמנות קעיס וועל איך קיין פאל נישט, יהיה מה שיהיה.

איך האב געקלערט פון טרעפן ארבעט דא לאקאל, און שפארן די הוצאות פון טרעוול, אבער שטעלט זיך ארויס אז לאקאל צאלט מען פיל ווייניגער פאר אן ארבעטער ווי אין די שטאט, סוף חודש וועל איך ווייטער זיין דערשטיקט.

און אזוי שטיי איך דא אין א מצב ווי עס איז נישטא קיין וועג צוריק, איך בין סטאק דא מיט דעם הויז, מיט די מארגעדש, און מיט אלע עקספענסעס, און איך קלער צו מיר, צו וואס האט מיר דאס אויסגעפעלט, וואלט איך געדינגען א דירה פאר 4 טויזנט דאלער אין וויליאמסבורג וואלט איך געשטאנען בעסער, מה לי לצרה הזאת, צו וואס האב איך מיך געברענגט די קאפוויי מיט די אייגענע הענט.

זכרי בהיותי יושבת בשלווה, אמת איך האב א צוויי שיינע צימערן דא מער ווי איך וואלט געהאט אין וויליאמסבורג, אבער פארדעם איז יעדע זאך אן אפקימעניש, איך האב אפילו נישט געוויסט וויפיל "טענק-יו-האשעם" איך האב געברויכט זאגן אויף די פשוטע באקוועמליכקייטן ווי מנינים מקוה גראסערי בוטשער חדר דאקטאר א.א.וו. ווי אלעס איז אזוי באקוועם און ביי די האנט אלע צייטן אין טאג.

ב"ה אז מיט מוסדות בין איך מסודר, נישט געהאט קיין עקסטערע שוועריקייטן, און אלע קינדער זענען צופרידן, הגם אנדערע מיטשענען זיך יא מיט דעם, ספעציעל איינער וואס האט א שווער קינד און ברויך טיפול מיוחד האט זיך מיך אפגערעדט ווי שווער דאס איז, סיי די פראגראמען זענען נישט קיין פארגלייך, און סיי די ארגאניזאציעס וואס געבן זיך אפ דערמיט איז נישטא.

פארוואס האב איך מיך גענומען די מיה אפצושרייבן דאס אלעס, איך ווייס אז ס'איז פאפולער צו שטיצן די נייע יישובים, און מען ברומט אינטער די גזירת-גירוש נאנסענס, עס איז אזוי אומפאפולער צו שרייבן מיין זייט, אזש איך שפיר זיך ווי איך אליינס בין אויך נישט מיך, אבער ווען איך זעה אן אשכול אז מען אפערט 500 דאלער פאר ווער עס געווינט די קאנטעסט צו קאנווינסן אנדערע צו מופן צו נייע שטעטליך, און איך שטוין, וועם ווילסטו דא איינ'נארן, האו עבאוט דער אינגערמאן וואס מופט נישט איז קליגער און האט א קאלקולעיטאר צו דער האנט, און אנשטאט געוואר ווערן מיט בליט וואס איך בין געוואר געווארן, ווייסט ער מיט אפאר דריקעס אויפן קאלקולעיטאר, וואונדערליך אז אלע אזוי גערופענע 'עשקנים' פון די נייע שטעט וואינען אין וויליאמסבורג, ער שיקט די קעלבער צו די שחיטה און ער פאפט באקוועם אין זיין וויליאמסבורגער הויז.

נישט אז איך בין קעגן די נייע יישובים, אדרבה א גרויסער עולם לעבט דא גליקלעך און צופרידן, אבער דאס איז נישט קיין כלל, און עס איז אן אחריות אריינצושטופן יענעם אין דעם אן ארויסהאבן די גאנצע בילד, טראכט וויאזוי וועסטו קלאפן ביי יעצנו-רע דעם קומענדיגן יום הקדוש, ווען די האסט געגעבן די בעסטע מארקעטינג עצה, יא די האסט איינגעזאלצן די מערסטע מענטשן, האסט געשריבן אז ער\זי ליידט אויף מאמע פארטוך סינדראם, און ס'איז דיר געלונגען.

ובזה יצאתי, ידי חובתי, היום יצאתי והיום באתי, זייטס מיר געזונט און שטארק, אויף צום ווידערזעהן אויף שמחות, אי"ה בקרוב ווען די וועסט מאכען א שמחה וועל איך מיך אריינשלעפן אין שטאט זיך צו פרייען מיט דיין שמחה, און ווען איך וועל מאכען א שמחה וועסטו קרעכצן ווי שווער עס איז דיר צו פארן אזוי ווייט, דשאסט פאר די רעקארד, די לעצטע מאל איך האב געטשעקט איז די וועג ביידע דיירעקשאנס די זעלבע לאנג.

און צום שליסן, מארגן ווען די הערסט דיין חבר זיכט א דירה, העלף אים זיכן א דירה, לייג דיך אריין אין זיין מצב, שטופ אים נישט סתם אוועק צו מופן, ניין עס איז נישט קיין גזירת גירוש, עס איז בגזירת עקבתא דמשיחא וואס היוקר יאמיר, איבעראל איז דאס לעבן טייער, סיי אין וויליאמסבורג, סיי אין יעדע אידישע שטאט, זיי נישט מציע אן עצה שאינה הוגנת, מה דעלך סני לחברך לא תעביד.

אוועטאר
כאפצעם
שר עשרת אלפים
תגובות: 10736
זיך איינגעשריבען אום: דאנארשטאג יולי 10, 2014 9:28 am
לאקאציע: לויפט

תגובהדורך כאפצעם » זונטאג מארטש 10, 2019 10:42 am

פאר איינעם וואס איז אזוי צוגעבינדן צו זיין זשאב (און קרובים) אין שטאט איז מסתמה כדאי צו ענדערש קאנסידערן סטעטן איילענד, לינדען, זשערזי סיטי.
"וואס איר זעהט און ליינט איז נישט וואס פאסירט" (טראמפ - יולי 2018)

אוועטאר
וואס עפעס?
שר האלף
תגובות: 1001
זיך איינגעשריבען אום: דאנארשטאג יוני 05, 2014 11:31 pm

תגובהדורך וואס עפעס? » זונטאג מארטש 10, 2019 11:00 am

אזוי וואו א יעדער זאך אין לעבל איז נישטא קיין איין זאך וואס איז א נחלת הכלל פאר יעדן יחיד און סאיז קלאר אז א יעדער דארף זיצן מיט אן אמת׳ע פריינט דורכצוטוהן די סוגיא אן קיין פארפירישע אינטערעסן

    עס איז קלאר א רוב מענטשן מיזן מופן אויב ווילן זיי האבן אן אייגענע הויז
      רוב מענטשן דארפן בארגען געלט ווען מען קויפט א הויז און עס איז נישט מוכרח אז סאיז א פראבלעם ווען מ׳בארגט מיט א געהעריגע חשבון
        מענטשן וואס האבן שטאטישע הילף דארפן גוט דורכטוהן מו עס לוינט זיי צו מופן און דערלייגן vouchers פאר א קינדער געבענטשע פאמיליע
          קיין שום פאקט איז נישט קיין פאקט ביי 100% מענטשן און ווען מען הערט פאקטן איבער זיי וועלכע געגענט, דארף מען מאכן די חשבון צו די פאקט שטומט מיט דיין פערזענליכע לעבנס שטייגער, צבש - זייער אסאך מענטשן האבן נישט קיין קאר אין די סיטי און זיי פארגעסן אז מדארף צו רעכענען א קאר ווען מען מופט אוועק און אזוי ווייטער
            ליידער ליידער איז נישטא קיין סך באגלייבטע רילטערס וואס מיינען באמת דיין טובה- יעדער וועט פארקויפן וואס ער האט , און דאס מיז נישט אייביג זיין די זעלבע וואס די דארפסט

            לדוגמה - דאס וואס מענשטן מיינען אז ווען מקויפט א הויז אין לעיקוואד געבט מען א פארדינג די בעיסמענטש פאר א אלף׳ל- גיי רעד מיט מענשטן וואס האבן שוין געקויפט שטעלט זיך ארויס אז ס׳נעמט צייט צו טרעפן א טענעט און עפ״ר איז עס פאר קורצע טערמינען און ועל כולם גייט אראפ א חודש רענט פאר די בראקער...

            בקיצור אז מען וויל וויסן די אמת׳ע פאקטן. ברויך מען רעדן מיט איינער וואס האט עקספיריענס
            [Life is hard stupid people make it even harder
            Credit: Donald Trump Jr

            דעפרעסט
            שר חמש מאות
            תגובות: 880
            זיך איינגעשריבען אום: זונטאג מארטש 27, 2011 2:51 pm

            תגובהדורך דעפרעסט » זונטאג מארטש 10, 2019 11:21 am

            הייליגע ווערטער הרב כפרה, סאיז וויכטיג צו הערן אזעלכע גריסן און פארשטיין אז די נארישע "מאמעס פארטוך" סטוגמע האט אויך א צווייטע זייט צו די מטבע.

            די בעיסמענטס אין לעקוואוד איז טאקע א געוואלדיגע ערמה.

            לעיקוואד
            שר חמישים ומאתים
            תגובות: 466
            זיך איינגעשריבען אום: דאנארשטאג מאי 30, 2013 1:41 pm

            תגובהדורך לעיקוואד » זונטאג מארטש 10, 2019 11:40 am

            הרב כפרה,
            איך האב גרויס מיטלייד מיט דיר און איך ווייס אז די ביסט נישט דער איינציגסטער אין דעם מצב, אבער לויט ווי די לייגסט עס אראפ קוקסטו אויס ווי א אינגערמאן וואס קען זיך אן עצה געבן מיט מצבים און איינער וואס האט געקויפט אין לעיקוואד.
            דיין גרעסטע מיסטעיק - און אויבן אויף דיין איינציגסטע אין די ענין - איז געווען אז די ביסט געקומען קויפן און די האסט נישט גערענט קודם.
            איך פארשטיי אז פאר דיר איז עס שוין צי שפעט צי מתקן זיין אבער היות די קומסט דא אין פאבליק, איז דאך זיכער אז אנדערע וואס קוקן וואס צי טוען וועלן דא ליינען איז וויכטיג אז זיי זאלן זען שלא תמות כדרך פלוני.
            די מציאות איז אז טוישן אויף איינמאל סביבה, חדרים, דזשאב פלאס אלע אנדערע שווערעקייטן און צאלן א גרויסע מארדגעדזש איז זייער שווער דורכצוטראגן.
            איך רעד פון אייגענע עקספיריענס, איך האב ב"ה לכתחילה קיינעם נישט געראטן צי קויפן גראד, נאר מופן פאר רענט, און זען ווי אזוי עס ארבעט זיך אויס און נאכדעם שפרינגען און קויפן אויב מען קען. קיינער האט נישט חרטה געהאט, אפילו מען צאלט פאר די הויז 50 טויזענט דאלער טייערער נאכדעם, ביז דערווייל איז גראדע די מציאות אנדערש און די פרייזן גייען נישט צי סאך ארויף דערווייל, אויב עפעס נאר אראפ.
            דיסקלעימער: איך בין נישט קיין ריעלטאר און איך האב נישט קיין שום פיינענשאל אינטערעסע אז די זאלסט קומען וואוינען קיין לעיקוואד אפילו פאר רענט.

            דריידל
            שר שלשת אלפים
            תגובות: 3324
            זיך איינגעשריבען אום: דינסטאג יולי 07, 2015 2:13 pm

            תגובהדורך דריידל » זונטאג מארטש 10, 2019 11:47 am

            צום פותח האשכול

            די שרייבסט אז מיט 4,000 רענט א חודש אין וומ"ס ואלסטי בעסער געשטאנען. ווילסטי מיר זאגן אז אין דיין נייע ישוב קאסט די מארגיזש/טעקס מער ווי דעם? מאכט נישט קיין סענטס. און דאס וואס די רעדסטיך אפ אז די ביסט אריינגעפאלן איז עפעס וואס די קענסט צו שרייבן צו דיין שלימזלונס אז די ביסט נישט איבערגעגאנגן דיינע נאמבערס מיט איינער וואס האט עקספיריענס, דאס מיינט אבער נישט אז מ'דארף נישט אינקארעזשן אנדערע פון מופן און זיך יא איבערשמיעסן מיט איינער וואס קען זיך אויס אין די סוגיא.

            נאך א זאך וואס די דארפסט נעמען אין חשבון איז אז אנדערש ווי אין וומ"ס וואס די צאלסט אוועק דיין גאנצע פארדינסט פארן לענדלארד, וועסטי איצט צאלן דיין מארגעזש און אויפבויען דיין עקוויטי אין דיין הויז וואס וועט דיר גיבן די מעגליכקייטן צו בארגן ווען די מאכסט חתונה די קינדער אדער פאר אנדערע אינוועסטמענטס.

            אוועטאר
            כאפצעם
            שר עשרת אלפים
            תגובות: 10736
            זיך איינגעשריבען אום: דאנארשטאג יולי 10, 2014 9:28 am
            לאקאציע: לויפט

            תגובהדורך כאפצעם » זונטאג מארטש 10, 2019 11:51 am

            דריידל האט געשריבן:צום פותח האשכול

            די שרייבסט אז מיט 4,000 רענט א חודש אין וומ"ס ואלסטי בעסער געשטאנען. ווילסטי מיר זאגן אז אין דיין נייע ישוב קאסט די מארגיזש/טעקס מער ווי דעם?

            ער שרייבטעך אז ער האט צובאקומען אן $2000 עקספענס פון טרעוול + שכ"ל. סאו אפילו אויב זיין מארטגעדזש מיטן טעקס מיטן אינשורענס איז בלויז $2,500 צאלט ער שוין מער.
            "וואס איר זעהט און ליינט איז נישט וואס פאסירט" (טראמפ - יולי 2018)

            ר' יום טוב
            שר האלף
            תגובות: 1272
            זיך איינגעשריבען אום: זונטאג סעפטעמבער 20, 2015 12:58 pm

            תגובהדורך ר' יום טוב » זונטאג מארטש 10, 2019 11:57 am

            לכבוד מיסטער כפרה הי"ו.

            עפעס זאגסטו. אלעס וואס דו ברענגסט ארויס איז, אז די סעלושען'ס זענען נישט די בעסטע.

            אבער א פראבלעם א גרויסע איז דא. איז וואר?
            הק' יום טוב חדב"ן הרה"ג קלונימוס אבימלך הלוי טייטלבוים שליט"א דומ"ץ דק"ק שעלפענעפיץ והגלילות ומלפנים אב"ד קראמפלארנא יצ"ו.

            אוועטאר
            פאקטען
            שר האלף
            תגובות: 1062
            זיך איינגעשריבען אום: דינסטאג פאברואר 03, 2015 9:34 am

            תגובהדורך פאקטען » זונטאג מארטש 10, 2019 12:03 pm

            דא אויפן וועלטל איז אנגענומען אז איינער וואס קען גוט שרייבן איז אטומאטיש א קלוגע מענטש ששש... איך רעד פון ווייטאג.. די לייגסט אראפ א מעשה נורא, מאכט אבער נישט קיין סענס לויט וויפיל זאכן די האסט פארזעהן..

            און איך אלס א געמופטער קען איך זאגן אז ביי רוב איז די מעשה נישט אזוי..

            בד"וו און לעיקוואוד זענען אלע בעיסמענטס אויפגעפיקסט..
            במקום שאין איש... איז צוויבל אויך הערינג...
            מעמבער קח"א #384

            משהלע
            שר חמש מאות
            תגובות: 805
            זיך איינגעשריבען אום: זונטאג יולי 02, 2017 2:01 pm

            תגובהדורך משהלע » זונטאג מארטש 10, 2019 12:06 pm

            כה לחי פארן דאס שרייבן. דאס איז די וויכטיגע צווייטע זייט פון די מטבע.

            משהלע
            שר חמש מאות
            תגובות: 805
            זיך איינגעשריבען אום: זונטאג יולי 02, 2017 2:01 pm

            תגובהדורך משהלע » זונטאג מארטש 10, 2019 12:10 pm

            Sounds like Monsey צו מיר.

            אוועטאר
            פעטער שמואל
            שר חמישים ומאתים
            תגובות: 398
            זיך איינגעשריבען אום: זונטאג אפריל 29, 2018 1:56 pm

            תגובהדורך פעטער שמואל » זונטאג מארטש 10, 2019 12:16 pm

            משהלע האט געשריבן:Sounds like Monsey צו מיר.

            איך האב אויך אזוי געטראכט.
            אבער מאנסי איז נישט קיין נייע ישוב, און מאנסי איז בכלל נישט אפפארדעבל.
            איך בין דער פילאנטראפ וואס האלט אויס די חרדישע אידנטום אין גרעיטער ניו יארק אומגעגנט

            לעיקוואד
            שר חמישים ומאתים
            תגובות: 466
            זיך איינגעשריבען אום: דאנארשטאג מאי 30, 2013 1:41 pm

            תגובהדורך לעיקוואד » זונטאג מארטש 10, 2019 12:23 pm

            היינט צוטאגס, א אינגערמאן אונטער 30 וואס האט נישט קיין ספעציעלע סיבה צו מופן קיין מאנסי, ווי למשל משפחה אדער דזשאב וכדו' און ער טראכט פון לעיקוואד אדער מאנסי לוינט זיך ענדערש לעיקוואד ווי מאנסי.
            אין נארמאלע מצבים איז די טויש פאר דיין משפחה פונקט אזוי שווער, און די באקומסט סאך ווייניגער פאר דיין געלט אין מאנסי.
            נאך אזאך, די cost of living איז טייערער אין מאנסי.
            די וועטער און די בערג חסרונות איז אויך נישט דא אין לעיקוואד.

            לעיקוואד
            שר חמישים ומאתים
            תגובות: 466
            זיך איינגעשריבען אום: דאנארשטאג מאי 30, 2013 1:41 pm

            תגובהדורך לעיקוואד » זונטאג מארטש 10, 2019 12:27 pm

            פאקטען האט געשריבן:דא אויפן וועלטל איז אנגענומען אז איינער וואס קען גוט שרייבן איז אטומאטיש א קלוגע מענטש ששש... איך רעד פון ווייטאג.. די לייגסט אראפ א מעשה נורא, מאכט אבער נישט קיין סענס לויט וויפיל זאכן די האסט פארזעהן..

            און איך אלס א געמופטער קען איך זאגן אז ביי רוב איז די מעשה נישט אזוי..

            בד"וו און לעיקוואוד זענען אלע בעיסמענטס אויפגעפיקסט..


            אין בעלזא שלב א האט מען נאך געדארפט צי צאלן עקסטער, אבער דענמאלטס קען נישט זיין אז זיין מארדגעדזש מיט טעקס איז פיר טויזענט.
            לויט ווי איך פארשטיין האט ער געוואלט אויפבלאזן די מצב, צוליב וואס ער איז אנגעווייטאגט (מיט רעכט).

            אוועטאר
            nmi
            שר האלף
            תגובות: 1949
            זיך איינגעשריבען אום: דאנארשטאג יוני 02, 2016 4:25 pm

            תגובהדורך nmi » זונטאג מארטש 10, 2019 12:29 pm

            איך קען איינע פון די גרויסע קנאקערס פון א געוויסע געגענט וואס האט זיך נאך אפאר יאר צוריק געמופט צו ווילי. פרעגט אים איינער וואס איז געשען? ענטערט ער אפן אין גראב "איך ווייס דאך יא די אמת.........."

            אוועטאר
            פאקטען
            שר האלף
            תגובות: 1062
            זיך איינגעשריבען אום: דינסטאג פאברואר 03, 2015 9:34 am

            תגובהדורך פאקטען » זונטאג מארטש 10, 2019 12:30 pm

            שכוח... שלאב א האט געקאסט 270,000 און אין דריי יאר צוריק
            במקום שאין איש... איז צוויבל אויך הערינג...
            מעמבער קח"א #384

            אוועטאר
            קלאָצקאָפּ
            שר האלפיים
            תגובות: 2127
            זיך איינגעשריבען אום: דינסטאג יולי 25, 2017 9:24 pm

            תגובהדורך קלאָצקאָפּ » זונטאג מארטש 10, 2019 12:34 pm

            סך הכל ארויסגעברענגט די שוועריגקייטן פון קויפן א הויז, און דאס איז טאקע נישט געמאכט פאר יעדן.

            דו וואלטסט אנשטאט דעם געקענט ארויסמופן צו א געדונגענע דירה, און צאלן א פערטל רענט ווי דו וואלטסט געצאלט אין שטאט - וואו דו וואלטסט דיך אודאי נישט ערלויבט צו קויפן, און אויב יא וואלט עס געקומען מיט פיל גרעסערע שוועריגקייטן.
            קריך נישט צו הויך, ווייל אויב דו וועסט חלילה פאלן וועט דיין קלאפ זיין פיל שטארקער!


            aklutzkup@gmail.com

            אוועטאר
            פאקטען
            שר האלף
            תגובות: 1062
            זיך איינגעשריבען אום: דינסטאג פאברואר 03, 2015 9:34 am

            תגובהדורך פאקטען » זונטאג מארטש 10, 2019 12:39 pm

            הרב נמי, ביי די גרויסע קנאקערס דארט איז די פראבלעם. מ'קויפט וואס ס'פאסט... פארגעסט נישט מ'קומטעך פון ווילי..
            מ' אפגרעד זאכן וואס מ'קענישט עפארדען, דארט פארפארט די חשבון

            איינער וואס קויפט מיט די מיינדסעט אז, איך קויף נישט ווייל איך בין אן עושר... נאר, ווייל דאס איז מיין איינציגסטער אפשאן דער איז געווענליך נישט אין אזא מצב..

            און יא יעדער מיטשעט זיך, אבער דער וואס טוט זאכן נערמאל דערשטיקט זיך נישט
            במקום שאין איש... איז צוויבל אויך הערינג...
            מעמבער קח"א #384

            אוועטאר
            ישוב הדעת
            שר האלף
            תגובות: 1614
            זיך איינגעשריבען אום: זונטאג מארטש 11, 2018 4:34 pm
            לאקאציע: רעקליינער

            תגובהדורך ישוב הדעת » זונטאג מארטש 10, 2019 12:54 pm

            צום פותח האשכול, איך פארשטיי דיר, און יעדער זאל נעמען א לעסאן, צו גוט דורך אקערן די חשבונות איידער מען נעמט שריט, פאר מיר למשל האב איך געמאכט א חשבון אז די איינציגסטע פלאץ ווי עס גייט מיר זיין ביליגער דאס לעבן אויב איך קויף, איז אין זשערסי סיטי... לעיקוואד איז ביי מיר גוט אויב איך גיי פאר רענט, ותו לא.

            באקומט 80 טויזענט Chase פוינטס דורך עפלייען, קליקט דא

            אוועטאר
            נישט פשוט
            שר האלף
            תגובות: 1546
            זיך איינגעשריבען אום: דאנארשטאג ינואר 04, 2018 1:12 pm

            תגובהדורך נישט פשוט » זונטאג מארטש 10, 2019 1:00 pm

            ער זאגט נישט קיין כלל, צו סאיז יא ווערד צו נישט, ער זאגט אז מדארף מאכן א ברייטע חשבון, א זאך וואס ער האט פארפעלט צו טהון.
            פארן מופן מאך זיכער צו די חשבונט שטימט, חברים איז נישט עפעס אויף וואס צו בויען. די אלע זאכן וואס די האסט געשריבן איז זאכן וואס מקען זעהן פון פאראויס, פאר סאם ריזען האסטו מיסחשבנט. חרטה זאלסטו נאר נישט האבן, ס'איז זיכער געווען אנגעשריבן זאלסט אזוי דארפן דורך גיין.
            און אנדערע זאלן טאקע מאכן א פען און פעיפער חשבון פארן מופן\קויפן.

            אוועטאר
            געריבענער סוחר
            שר חמש מאות
            תגובות: 702
            זיך איינגעשריבען אום: מאנטאג יולי 30, 2018 10:50 am
            לאקאציע: אין קאנפערענס רום

            תגובהדורך געריבענער סוחר » זונטאג מארטש 10, 2019 1:21 pm

            משהלע האט געשריבן:Sounds like Monsey צו מיר.

            פאר מיר אויך, און עס איז בכלל נישט אין די עפארדעבעל קעטעגארי כהיום.
            .When someone tells you: "It can't be done!" Remember: Those are their limits, not yours

            אוועטאר
            nmi
            שר האלף
            תגובות: 1949
            זיך איינגעשריבען אום: דאנארשטאג יוני 02, 2016 4:25 pm

            תגובהדורך nmi » זונטאג מארטש 10, 2019 1:32 pm

            פאקטען האט געשריבן:הרב נמי, ביי די גרויסע קנאקערס דארט איז די פראבלעם. מ'קויפט וואס ס'פאסט... פארגעסט נישט מ'קומטעך פון ווילי..
            מ' אפגרעד זאכן וואס מ'קענישט עפארדען, דארט פארפארט די חשבון

            איינער וואס קויפט מיט די מיינדסעט אז, איך קויף נישט ווייל איך בין אן עושר... נאר, ווייל דאס איז מיין איינציגסטער אפשאן דער איז געווענליך נישט אין אזא מצב..

            און יא יעדער מיטשעט זיך, אבער דער וואס טוט זאכן נערמאל דערשטיקט זיך נישט

            פיין און וואויל. אבער פארוואס פארקויפט ער פארן עולם די מורה'דיגע מעלות דערפון אזש ס'איז ממש גן עדן התחתון בעת איך ווייס אז ער מאכט גאטשעס פונעם עולם?

            פרעג איך איינעם וואס האט זיך ארויסגעמופט זאגט ער מיר די חסרונות.

            איז וועם זאל איך דא טראסטן?

            פארוואס מאפן זיך ארויס על פי רוב נאר יונגעלייט וואס ווייסן נאכנישט וויזוי מ'קוקט אן א טשענדזש אין לעבן און מ'ווייסט נישט וואס א דאלער מיינט?

            פארוואס מאפן זיך נישט ארויס דו אלע ערליכע יודן פונעם דור אויף וועם איך קוק ארויס?

            דממה דקה
            שר האלף
            תגובות: 1554
            זיך איינגעשריבען אום: זונטאג מאי 28, 2017 7:00 pm

            תגובהדורך דממה דקה » זונטאג מארטש 10, 2019 1:34 pm

            קלאָצקאָפּ האט געשריבן:סך הכל ארויסגעברענגט די שוועריגקייטן פון קויפן א הויז, און דאס איז טאקע נישט געמאכט פאר יעדן.

            דו וואלטסט אנשטאט דעם געקענט ארויסמופן צו א געדונגענע דירה, און צאלן א פערטל רענט ווי דו וואלטסט געצאלט אין שטאט - וואו דו וואלטסט דיך אודאי נישט ערלויבט צו קויפן, און אויב יא וואלט עס געקומען מיט פיל גרעסערע שוועריגקייטן.

            ווי איז דא דירות פאר רענט פאר פערטל די פרייז ווי אין וויליאמסבורג?

            איך ווייס נישט ווי דער פוה"א וואינט באט פאר א רחבות'דיגע קאסט לכאורה איבעראל מער ווי 2000, און נאך די צוגעלייגטע עקספענסעס איז עס נישט ביליגער, נאר ער וואלט לכאורה נישט געהאט קיין חובות.

            אוועטאר
            קלאָצקאָפּ
            שר האלפיים
            תגובות: 2127
            זיך איינגעשריבען אום: דינסטאג יולי 25, 2017 9:24 pm

            תגובהדורך קלאָצקאָפּ » זונטאג מארטש 10, 2019 1:46 pm

            קען זיין א פערטל איז איבערגעטריבן, אבער האלב זיכער.

            אלענפאלס, האט נישט קיין זין צו קאמפעירן קויפן אויסער'ן שטאט קעגן רענטן אין שטאט.
            קריך נישט צו הויך, ווייל אויב דו וועסט חלילה פאלן וועט דיין קלאפ זיין פיל שטארקער!


            aklutzkup@gmail.com

            דממה דקה
            שר האלף
            תגובות: 1554
            זיך איינגעשריבען אום: זונטאג מאי 28, 2017 7:00 pm

            תגובהדורך דממה דקה » זונטאג מארטש 10, 2019 1:52 pm

            איך רעד פון קאמפערן רענט צו רענט, לויט די עקספענסעס וואס ער לייגט אראפ.


            צוריק צו “ישוב העולם - דירות און ישובים”

            ווער איז אונליין

            באנוצערס וואס דרייען זיך דא: נישטא קיין איינגעשריבענע באנוצערס און 4 געסט