פון א חלום ביז א רעאליטעט - מיין מאווינג פראסעס קיין בלומינגבורג ניו יארק

[צדק תרדוף]

הערליך שיין! יישר כח!
פון די באשרייבונג האב איך געכאפט ווער איר זענט (מסתם זענט איר נישט מקפיד אויף גילוי..)
און איך מוז מודה זיין אז איך האב נישט געוויסט וואס א כוכב אין שרייבעריי מיר באקומען דא אין בלומינגבורג.
אשרינו שזכינו.

[גליטשעדיג]

וואס קאסט צו הייצן אזא ריזיגע דירה?

[בלומינגבורגער]

[align=center]חלק ח
א שבת אין בלומינגבורג[/align]

באמת צו באשרייבן א שבת אין בלומינגבורג ברויך מען עס ווען צוטיילן אויף 3 חלקים, היות ס'איז דא 3 באזונדערע בתי מדרשים, און יעדעס ביהמ"ד האט זיך זיין באזונדערע חן און געשמאק, ולא ראי זה כראי זה, אבער אזוי ווי איך בין א טשעסנאט-רידזש איינוואוינער וועל איך עס באשרייבן וויאזוי ס'זעהט אויס אינעם ביהמ"ד אויף מעיפל עוועניו.

אנגעפאנגען פון ארום 15 מינוט נאכן זמן הדלקת הנרות הייבט זיך די ביהמ"ד אן אנצופילן מיט די עשרה ראשונים, און צוביסלעך ווערט פולער און פולער סיי מיט תושבים און סיי מיט אורחים.

בערך א דריי פערטל שעה נאכן זמן הדלה"נ הייבט מען אן הודו, אבער ס'איז נישט סתם מ'הייבט אן הודו... נאר ס'איז עפעס גאר א צווייטע סארט הודו... דא אין דעם ביהמ"ד קען מען נישט סתם אזוי דאווענען און מורמלען ווערטער ווי אשרי יושבי, נאר מ'ווערט אויטאמאטיש מיטגעשלעפט אינעם קאך און ברען פון די בני עליה וואס הארעווען א גאנצע וואך עה"ת ועל העבודה ובראשם דער דומ"ץ הרה"ג ר' יואל מענדלאוויטש שליט"א, און אזוי האלט אן די חסידישע קאך און התלהבות במשך דאס גאנצע דאווענען.

נאכן דאווענען יאגט זיך קיינער נישט אהיים, כאטשיג מ'וואלט זיך געקענט א עצה געבן מיטן 6:00 ביז 7:00 דורך זאגן אב הרחמים וכו', אבער ניין, קיינער זוכט זיך נישט ארויסצודרייען... דער גאנצער עולם בלייבט זיצן צוגעשמידט צו די ערטער, און מ'הערט זיך איין אינעם שיעור בהלכות קידוש דורכ'ן דיין הרה"ג ר' יואל מענדלאוויטש שליט"א (פאריגע וואך איז אנשטאטס די געווענדליכע שיעור, געווען א דרשה דורכ'ן גרויסן גאסט הרה"ג ר' אשר מאנן שליט"א דומ"ץ קיט"ל מוירטל).

נאך די סעודה - בשעה 9:15 - קומען זיך צוזאם א קבוצה אידן און מ'לערנט אור החיים הק', פארגעלערענט דורך הרה"ג ר' יוסף מאיר שטיין שליט"א. נאכדעם קומט פאר א שטיקל באטע מיט פירות און איבערבייס, מ'שמועסט בדברי תורה וחסידות אויף די פרשת השבוע, מ'פארציילט סיפורי צדיקים, און מ'זינגט אינאיינעם שירות ותשבחות לכבוד שבת קודש, וואס ציהט זיך פאר עטליכע שעה.

שבת צופרי איז מערקבאר אז די זעלבע אידן וואס קומען צום שיעור באור החיים הק' פרייטאג צונאכטס, דוקא זיי זענען פון די משכימי קום און גייען שוין אין מקוה ווען ס'איז נאך האלב טונקל אינדרויסן.

כאטשיג דערווייל איז נאכנישטא קיין אפיציעלע שיעור שבת צופרי פארן דאווענען, גייט אבער קיינער נישט ליידיג, יעדער נוצט אויס די טייערע צייט לעבודת הבורא. איינער איז מעביר סדרה, א צווייטער זאגט תהלים, א דריטער לערנט גפ"ת, א פערטער שו"ע, א פינפטער לערנט א חסידישע ספר, הצד השוה שבהן אז יעדער איז פארנומען מיט רוחניות.

בערך 8:00 צייט הייבן זיך די תשב"ר אן צוזאמצוקומען צו חברת תהלים, 8:15 הייבט מען אן ברכת התורה, און דערנאך זאגט מען קאפיטלעך תהלים במתינות ווי ס'ווערט אויך דערביי פארטיילט מתנות און גורלות אונטער די געניטע אנפירערשאפט פון הר"ר אברהם שמעון פילאפף נ"י, דערנאך טיילט מען אויס פאר זיי לייכטע איבערבייס און טרינקען.

ארום 9:30 הייבט מען אן דאווענען שחרית, וכמעשהו בראשונה כך מעשהו בשניה, ס'ווערט אראפגעלייגט א דאווענען מיט א חסידישן קאך און ברען, ווי ס'פאסט פאר חסידישע אידן.

ביים ליינען פארטיילט מען די עליות פאר די חשוב'ע אורחים, נייע תושבים, אדער פאר בעלי שמחה וכדו'. נאכן דאווענען גייט מען אהיים פראווענען די סעודתא דעתיקא קדישא.

שבת נאכמיטאג בערך 4:00 צייט קומט פאר א גרינגע שיעור אין ספר החינוך פאר די תשב"ר, פארגעלערענט דורך הר"ר יעקב יצחק קעסטענבוים שליט"א, און כאטשיג ס'איז אומאפיציעל, ס'ווערט נישט פארטיילט קיין מתנות און מ'מאכט נישט קיין גורלות, דאך קומען זיך צוזאם א שיינע מספר תשב"ר פרייוויליג מיטצוהאלטן די שיעור.

אביסל שפעטער - בערך ביים זמן הדלקת הנרות - קומט פאר א שיעור אין הלכות עירובין דורכ'ן דיין הרה"ג ר' יואל מענדלאוויטש שליט"א, ווי א שיינער ציבור באטייליגט זיך, כאטשיג ס'איז א קורצע ווינטערדיגע שבת נאכמיטאג.

ביי של"ס זינגט דער גאנצער עולם צוזאמען מיט א ערענסטקייט, דער דיין הרה"ג ר' יואל מענדלאוויטש שליט"א לערנט פאר א שטיקל דברי יואל און איז מוסיף מדיליה דברי מוסר והתחזקות.

נאך אזא אנגעפילטע רייכע שבת וואלט מען געקענט מיינען אז מ'האט שוין יוצא געווען, אבער ניין... גלייך נאך מעריב זעצט מען זיך ווייטער אוועק און מ'לערנט מיט די קינדער "אבות ובנים". הר"ר אברהם שמעון פילפאף נ"י טיילט אויס טיקעטס פאר די קינדער, און דערנאך ווערט אויסגעראפעלט 3 גורלות.

נאך "אבות ובנים" בלייבט איבער קוים איין קארגע שעה צו מאכן הבדלה, צוזאמלייגן די טלית, און העלפן אוועקרוימען אין שטוב, און מ'גייט צוריק אין שוהל אריין...

לא יאומן כי יסופר, ס'איז א מחזה הוד אריינצוקומען אין ביהמ"ד מוצאי שבת צווישן 8:15 און 9:45 און טרעפן א אנגעפילטע ביהמ"ד מיט בעלי בתים, אברכים, און בחורי חמד וואס זיצן און לערנען בהתמדה רבה.

נאך אנדערהאלבן שעה לערנען בהתמדה, גרייט מען טיש, און ס'ווערט געפראוועט א מלוה מלכה בהרחבה ברוב עם (עטליכע מנינים אידן).

פאריגע וואך ביי מלוה מלכה איז געווען צוגאסט הר"ר אברהם וואלף שווארץ שליט"א פון קרית יואל וואס איז אויפגעוואקסן געווארן אין אנטווערפן ביי די פשעווארסקע רביים, און האט פארציילט הערליכע סיפורים וואס ער האט צוגעזעהן ביי צדיקי בית פשעווארסק, פון וואס דער גאנצער עולם האט זייער הנאה געהאט.

נאך אזא געהויבענע רייכע אנגעפולטע שבת מלא רוחניות, איז פארשטענדליך פון זיך אליינס אז די גאנצע וואך זעהט גאר אנדערש אויס, ואשרינו מה טוב חלקינו אז מיר האבן די זכיה צו זיין א טייל פון דעם הערליכן חסידישן ישוב בעיר בלומינגבורג ניו יארק.

[align=center]תם "ולא" נשלם[/align]

[מה פתאום???]

איך האב געמיינט אז דו האסט שוין אויפגעהערט מיט חלק ח׳...

יהי״ר אז די נייע וואוינונג זאל זיין מיט הרחבת הדעת. יישר כח פארן שרייבן.

[ראספשע]

תחילה בין איך טאקע געווארן זייער אנגעדרייט פון דיין באשרייבונג, ס'ארא גדולה ס'האט דיך באטראפן
אבער ליינענדיג דעם ארטיקל איבער דעם שבת, האבעך היבש פארלוירן דעם אפעטיט
ס'זעהט מיר אויס ווי א ריכטיגע 'טשאלנט' שטעטל, וואו יעדעמס טעפל קאכט זיך אויף בשותפותדיגע פלאמען.....

למשל אויב מוצ"ש וויל איך גיין הכנות ערגעץ צווישן 8 און צען אזייגער, דארף די גאנצע שטעטל מיטהאלטן....

[El Rushbo]

א דאנק בלומינגערגער.

זייער זייער שיין געשריבן.

איך בין בעיקר נתפעל, ווייל שוין יארן וואס מ'זעהט נישט, ווי א אינגערמאן, פון די פשוטע פארדינער בינינו, זאל באווייזן צו קויפן א אייגענע דירה, עפעס וואס איז היינט רעזערווירט פאר בני גבירים אדער פאר העכערע פארדינער.

איך האף צו זעהן בקרוב וויאזוי עעורידזש פארדינער זאלן זיך אליינס קענען חתונה מאכן די קינדער אן קיין הלוואות אדער דרויסענדיגע הילף, עפעס וואס איז 25-30 יאר צוריק געווען די נארמע.

ס'איז מעגליך ווישפול טינקינג.

[eller]

בבקשה גדולה אויב מעגליך ביטע
א פידי עף פון דעם ארטיקל
כ'קען עס מהנה זיין פאר עטליכע וואס קענען עס נוצן
שכוח למפרע

הרב וואוילע שעפעלע ביסט מכובד..

[לחי]

תחילה בין איך טאקע געווארן זייער אנגעדרייט פון דיין באשרייבונג, ס'ארא גדולה ס'האט דיך באטראפן
אבער ליינענדיג דעם ארטיקל איבער דעם שבת, האבעך היבש פארלוירן דעם אפעטיט
ס'זעהט מיר אויס ווי א ריכטיגע 'טשאלנט' שטעטל, וואו יעדעמס טעפל קאכט זיך אויף בשותפותדיגע פלאמען.....

למשל אויב מוצ"ש וויל איך גיין הכנות ערגעץ צווישן 8 און צען אזייגער, דארף די גאנצע שטעטל מיטהאלטן....

דאס אידאך אבער נאר אין טשעסנאט רידזש

[בלעטל]

תחילה בין איך טאקע געווארן זייער אנגעדרייט פון דיין באשרייבונג, ס'ארא גדולה ס'האט דיך באטראפן
אבער ליינענדיג דעם ארטיקל איבער דעם שבת, האבעך היבש פארלוירן דעם אפעטיט
ס'זעהט מיר אויס ווי א ריכטיגע 'טשאלנט' שטעטל, וואו יעדעמס טעפל קאכט זיך אויף בשותפותדיגע פלאמען.....

למשל אויב מוצ"ש וויל איך גיין הכנות ערגעץ צווישן 8 און צען אזייגער, דארף די גאנצע שטעטל מיטהאלטן....

האסט עכט געמיינט אז בלומינגבורג איז א מדבר וואו עס וואוינען איין מאן אויף א שטח פון דריי אקער לאנד?

[בלומינגבורגער]

PDF

[eller]

WOW שוין ארויסגעפרינט אין געגעבן פאר אפאר מענטשען...

[בלעטל]

א גרויסן שכוח בלומבינגבורגער, דיין באשרייבונג איז אויסערגעווענליך. זעלטן צו ליינען איבער די שפאלטענעס פון אייוועלט אזא דעטאלירטע אריגינאלע איבערלעבעניש, מיט אזויפיל וויכטיגע פרטים.
ביטע זוכט נאך א נושא ווי איר גענט שרייבן

[ראספשע]

תחילה בין איך טאקע געווארן זייער אנגעדרייט פון דיין באשרייבונג, ס'ארא גדולה ס'האט דיך באטראפן
אבער ליינענדיג דעם ארטיקל איבער דעם שבת, האבעך היבש פארלוירן דעם אפעטיט
ס'זעהט מיר אויס ווי א ריכטיגע 'טשאלנט' שטעטל, וואו יעדעמס טעפל קאכט זיך אויף בשותפותדיגע פלאמען.....

למשל אויב מוצ"ש וויל איך גיין הכנות ערגעץ צווישן 8 און צען אזייגער, דארף די גאנצע שטעטל מיטהאלטן....

האסט עכט געמיינט אז בלומינגבורג איז א מדבר וואו עס וואוינען איין מאן אויף א שטח פון דריי אקער לאנד?

לאו דוקא
אבער כל זמן אלעס דאוונט אין איין דעם זעלבן ביהמ"ד, און 'יעדער' באטייליגט זיך ביים זעלבן דיין'ס שיעור, און 'יעדער' איז זיך משתתף ביי די זעלבע אבות ובנים, איז דאך שוין די שטאט [וואו מען וואוינט הונדערטער טויזנטער אויף איין אקער לאנד] ווייניגער 'טשאלנט' ווי אזוי א שטעטל.....
ס'קעניך טוהן, כ'האב נישט ליב אזא סטייל, כ'מיין כ'בין בארעכטיגט...

עניוועי, א גרויסן שכוח פאר דעם נייעם תושב בלומינגבורג, [יאך לעצמי האלט איך אז דער אשכול איז א שמילאוויטש-לאם אדווערטייזמענט [כ'האב כמה הוכחות לכך, פון די אזוי סך 'פערצופאל'ס אין די סטארי...], באט האו קעירס....]
זאלן אלע אידן זוכה זיין צו דירות רווחות, און ברייטע טאשן, אמן

[בלומינגבורגער]

[יאך לעצמי האלט איך אז דער אשכול איז א שמילאוויטש-לאם אדווערטייזמענט [כ'האב כמה הוכחות לכך, פון די אזוי סך 'פערצופאל'ס אין די סטארי...], באט האו קעירס....]

די אשכול האט מיט שמילאוויטש-לאם אדווערטייזמענט זילטש איינגעלייגט, פינטל.
באט הו קעירס, מעגסט האבן אפילו מיליאן הוכחות אויך.

[ראספשע]

[יאך לעצמי האלט איך אז דער אשכול איז א שמילאוויטש-לאם אדווערטייזמענט [כ'האב כמה הוכחות לכך, פון די אזוי סך 'פערצופאל'ס אין די סטארי...], באט האו קעירס....]

די אשכול האט מיט שמילאוויטש-לאם אדווערטייזמענט זילטש איינגעלייגט, פינטל.
באט הו קעירס, מעגסט האבן אפילו מיליאן הוכחות אויך.

כ'האלט זאלסט עס זיי ווייזן, סוכ"ס האסטע געמאכט פאר זיי א סופער סופער מארקעטינג דזשאב!!, זיי וועלן דיר זיכער באצאלן פאר דעם!!

[גר תושב]

תחילה בין איך טאקע געווארן זייער אנגעדרייט פון דיין באשרייבונג, ס'ארא גדולה ס'האט דיך באטראפן
אבער ליינענדיג דעם ארטיקל איבער דעם שבת, האבעך היבש פארלוירן דעם אפעטיט
ס'זעהט מיר אויס ווי א ריכטיגע 'טשאלנט' שטעטל, וואו יעדעמס טעפל קאכט זיך אויף בשותפותדיגע פלאמען.....

למשל אויב מוצ"ש וויל איך גיין הכנות ערגעץ צווישן 8 און צען אזייגער, דארף די גאנצע שטעטל מיטהאלטן....

איך האלט אויך פון די הנחה אז לויט די שרייבער פון די שורות באקומט מען א בילד אז די גאנצע בלומינגבורג שטעטל איז נישט מער ווי א חסידישע ישיבה מיט א דארמעטארי במילא איז עס פערפעקט פאר אזא איינעם וואס גלייכט די סארט "טשולענט טאפ" ווי דו רופסט עס. (און מעגליך וויבאלד די שרייבער האט ליעב די סארט, במילא איז עס ביי אים גאר א מעלה.)

אבער האמת ניתן להאמר איך בין געווען נישט איינמאל אויף א שבת אין בלומינגבורג. און איך קען זאגן בפה מלא, אז עס איז געאייגענט פאר זיי וועלכער טיפ מענטש.

בלומינגבורג איז געבענטשט מיט 3 קביעותדיגע שוהלען וואס יעדע איינע איז מיוחד מיט באזונדערע מעלות לא ראי זה כראי זה.
בו בזמן וואס איינער גלייכט מער די מער ערנסטע שוהל און איז זיך קובע אין די מעיפעל שוהל גייט א צווייטער דאווענען אין די שטאטישע שוהל (אויב מ'קען עס אזוי רופן..) אין היקארי ווי דארט איז אלעס מער ליבעראל.

ווייטער איינער וואס האט ליעב א חסידישע שטופעריי סארט,כאפט זיך אריבער קיין נאדבורנא צו רבי זיידל ראזענבוים. טאקע א מהלך, אבער וואס טוט מען נישט צו קענען דאווענען לויט די פריוואטען געשמאק?!
בקיצור, אי משום הא הרב ראספשע מאכט אייך נישט נאריש. בלומינגבורג איז א פיינעם פלאץ. בליעוו מי.

[ראספשע]

כ'הער וואס דו זאגסט
און א שכוח פארן 'דערהערן' מיינע קאמענטס [אנדערע וואלטן אויפגעשפרינגען אויף מיר....]

[ר' יום טוב]

רוב מענטשן וועלן גלייכן אזא מיטלוועג ווי בלומינגבורג. נישט אזא טשולענט ווי וומ"ס אדער געוויסע גאסן אין קר"י, אבער בדווקא נישט קיין ארט פאר פיין שמעקער, וועלכע ברויזן אויב א קינד פארשפיעלט זיך אויף זייער פריוואטע גראז.

א היימישע ברידערליכע אטמאספערע, מיט א גענונדיגע מאס פריוואטקייט.

[בלומינגבורגער]

בלומינגבורג איז געבענטשט מיט 3 קביעותדיגע שוהלען וואס יעדע איינע איז מיוחד מיט באזונדערע מעלות לא ראי זה כראי זה.
בו בזמן וואס איינער גלייכט מער די מער ערנסטע שוהל און איז זיך קובע אין די מעיפעל שוהל גייט א צווייטער דאווענען אין די שטאטישע שוהל (אויב מ'קען עס אזוי רופן..) אין היקארי ווי דארט איז אלעס מער ליבעראל.

ווייטער איינער וואס האט ליעב א חסידישע שטופעריי סארט,כאפט זיך אריבער קיין נאדבורנא צו רבי זיידל ראזענבוים. טאקע א מהלך, אבער וואס טוט מען נישט צו קענען דאווענען לויט די פריוואטען געשמאק?

איך האב קלאר געשריבן אנפאנג אז ס'איז דא 3 שולן ולא ראי זה כראי זה, אבער איך גיי באשרייבן די שול אין טשעסנאט רידזש.

[יאנקעלע קליגער]

ייש"כ בלומינגבורגער פאר דיין מופן דייערי,

זייער זייער אינטערעסאנט, הלואי אויף מיר.

[הערליך]

יאך לעצמי האלט איך אז דער אשכול איז א שמילאוויטש-לאם אדווערטייזמענט [כ'האב כמה הוכחות לכך, פון די אזוי סך 'פערצופאל'ס אין די סטארי...]

איך קען פרזענליך דעם שרייבער פון דעם אשכול, איך האב מיטגעהאלטן די גאנצע מעשה (כמעט) לייוו בשעת עס האט פאסירט, מיר האבן גערעדט פרזענליך און אפן טעלעפון אומצאליגע מאל בשעת מעשה, אין פאקט האב איך שטארק צוגעשטיפט דעם שרייבער צו נעמען דעם פעדער אין די האנט און אפשרייבן די מעשה דברים כהוויתן לטובת הציבור, און איך בין עדות אז יעדעס ווארט איז וואס ער האט געשריבן איז אמת

דיסקלעימער אויב עס פעלט נאך אויס צו זאגן, איך ארבייט נישט פאר שמילאוויטש אדער לאם, אין פאקט האב איך געקויפט אין לעקוואד און איך פלאן צו מופן אויף פסח

[eller]

יאך לעצמי האלט איך אז דער אשכול איז א שמילאוויטש-לאם אדווערטייזמענט [כ'האב כמה הוכחות לכך, פון די אזוי סך 'פערצופאל'ס אין די סטארי...]

איך קען פרזענליך דעם שרייבער פון דעם אשכול, איך האב מיטגעהאלטן די גאנצע מעשה (כמעט) לייוו בשעת עס האט פאסירט, מיר האבן גערעדט פרזענליך און אפן טעלעפון אומצאליגע מאל בשעת מעשה, אין פאקט האב איך שטארק צוגעשטיפט דעם שרייבער צו נעמען דעם פעדער אין די האנט און אפשרייבן די מעשה דברים כהוויתן לטובת הציבור, און איך בין עדות אז יעדעס ווארט איז וואס ער האט געשריבן איז אמת

דיסקלעימער אויב עס פעלט נאך אויס צו זאגן, איך ארבייט נישט פאר שמילאוויטש אדער לאם, אין פאקט האב איך געקויפט אין לעקוואד און איך פלאן צו מופן אויף פסח

און מיר קוקן טאקע שוין ארויס אויף דיינע הערליכע באשרייבונג !
דיר ווייסט מען שוין אז דו קענסט !

[ישתבח שמו לעד]

שכוח פאר די באשרייבונג איטס סאמטינג מעידזער. וואלט געווען א געוואלדיגע זאך אויב דיין עקרת הבית זאל שרייבן א באריכט אויף ענגליש צו קענען ווייזען פאר ס׳פרוי. שכוח

[עקבי הצאן]

שכוח פאר די באשרייבונג איטס סאמטינג מעידזער.

[moneyMINDED]

א גרויסן ישר כח

די זכות וועט דיר ביישטיין , דאס איז מצוות פון היינטיגן דור