יונה האט געשריבן:ווי אנדערע האבן שוין ערווענט איז שטארק איבערגעטריבן צו זאגן אז דאס איז א נייע שטעטל וואס האט זיך געבויט מיט א געוואלדיגע שנעלקייט. און אז עס האט נישט זיינס גלייכן...
בעדפארד-סטייווענסטן (ניי וויליאמסבורג) האבן פיל מער מענטשן געמופט און א פיל קלענערע צייט-אפשניט, און עס האט זיך פיל שענער אנטוויקלט אויך. מען דארף נישט זיין צו אלט צו געדענקן ווען לי-ראס איז געווען די צענטער פון די היימישע געגענט. היינט איז וואלעבאוט פיל מער צענטעריש ווי לי-ראס! חוץ די פאר אלטע בניני הקהלה והמוסדות איז ממש אלעס דא לאקאל, גראסערי'ס, סופערמארקעטס, פיש, פלייש, שיך, ספרים, געוויסע סערוויסעס איז דא 'מער' און 'בעסער' אין ניי-ווימס ווי אין אלט-שטאט. בלומינגגראוו אויף די אנדערע האנט, האט נאך היינט נישט קיין איין גראסערי אדער סיי וועלכע אנדערע פאסיליטעטן חוץ אפאר שול'ן ס'רוב דערפון פראוועזאריש.
בסך הכל האבן א שיינע מספר משפחות איינגעזען אז ס'איז צייט ארויסצוציען די גרעניצן פון קרית יואל אויף א דערנעבענדיגע געגענט, אפגעקויפט עקזיסטירענדע הייזער און זיך אריינגעצויגן.. עס איז קלאר גאר א פריידיגע און גינסטיגע אנטוויקלונג, שטארק ווערד צו באגריסן, הלוואי ווען עס געשענט פריער מיט אפאר יאר! אבער עס פעלט בכלל נישט אויס איבערצוטרייבן מיט גוזמאות וואס שטימט נישט מיטן מציאות.
גערעכט, און זייער שיין ארויסגעברענגט. אבער דאכט זיך אז ניי וויליאמסבורג איז טאקע אויך געווען א שטארקע חידוש בשעתו, מען האט טאקע גערעדט דערפון מיט התפעלות בשעת׳ן פאסירן מיטן פולסטן פארע.
דאך איז דא עטליכע חילוקים וואס ברענגט אויס א שטארקע חילוק צווישן די צוויי. קודם כל, האט זיך ניי וויליאמסבורג נישט געבויעט אליין דורך מענטשן און מענטשן, דהיינו דורך פריוואטע יחידים וואס האבן אפגעקויפט הייזער פון גויים און זיך אריינגעצויגן דערין. עס איז געוווען בשעת די גרויסע ריזאנינג וואס די סיטי האט דאן אפראווט די גאנצע אינדוסטרילע געגנט פאר רעזידענשאל און דעוועלאפערס האם אנגעהויבן אויפבויען בנינים פאר דירות פארן ציבור. ס׳געדעקנט זיך 80 סקילמאן א גרויסע בנין וואס דער בעה״ב ר׳ א״ע האט פראמינענט צוגעשטעלט אלס רענטאלס און אזוי האט זיך די געגנט ווייטער געבויעט.
עס איז טאקע געווען א שטארקע סטראגל אנפאנג, מ׳האט געדארפט וואקן אפאר בלאק צו א שול, ביז עס האט זיך געעפנט לאקאלע שולן, די זעלבע גראסערי און שאפינג, מ׳האט בסך הכל געדארפט וואקן אפאר בלאק מער, שב״ק האט מען געקענט מיטהאלטן א שמחה אין אלט וויליאמסבורג, ס׳איז בס״ה געווען א ווייטערע שפאציר, און יעדער האט געוואוסט גאנץ אנפאנג פון פילע פראפערטיס וואס מען האט זיך גענומען גלייך בויען פאר נאך און נאך דירות, ביז עס איז ביז אפאר יאר, גראדע גאנץ שנעל, טאקע ארויסגעוואקסן די בליענדע געיגנט וואס מיר קענען עס היינט, אבער מ׳האלט שוין אצינד ביי קרוב צו 18 יאר זינט איר גרונדונג.
משא״כ בלומינג גראוו איז נאך נישט קיין 3 יאר, קיין שום דעוועלאפערס האבן דארט עפעס צוגעשטעלט, (מ׳חלומט שוין יארן און די דעוועלאפערס חלומ׳ן נאך אלץ) אלעס האט פאסירט דורך אינדיווידזועלס, דורך מענטשן און מענטשן, פריוואט געקויפט א הייזקע, איבערגעפיקסט, פארדינגען, אריינגעמופט, צווישן א געדעכטע גויאישע געגנט, מיט די האפענונג אז עס וועט פאסירן וואס עס האט פאסירט, אבער מיט א שאצונג פאר כאטשיג 7-8 יאר נישט פאר 2-3 יאר, און דאס איז באמת א שטארקע חידוש, וואס האט נישט איר׳ס גלייכן.
די סטראגל צו וואוינען אין בלומיגנגראוו איז פיל שטערקער ווי אין די בראשית יארן אין ניי וויליאמסבורג, עס איז א נייע מציאות בכלל און עכ״ז האט עס פאסירט, אזוי נאטורליך.
