בשבילי נברא האט געשריבן:ס'איז מיר סתם אינטערעסאנט אויף די נייעס, פארוואס זאל מען נישט לכתחילה בויען כאטש דאפעלט אזוי גרויס פון וויפיל מ'האט געדארפט דעמאלטס האבן, אזוי וועט מען נישט דארפן האלטן אין איין צובויען שטיקלעך און עקסטענשאנס?
די בנין האט מען נישט יעצט געבויט, עס איז די סאמע ערשטע בנין אינעם גאנצן דיוועלאפמענט. עס האט געזאלט דינען אלץ מאדעל הויז, שפעטער ווען מען געטוישט די פלענער און דאס איז געבליבן שטיין ליידיג (אין די בראשית יארן האט מען עס גענוצט צייטנווייז אלץ א פראוויזארישע שול אומאפיציעל).
ווען מען האט אריינגעגעבן די פלענער עס צו מאכן פאר א צייטווייליגע שול, האט דער אינדזעניר געלאזט הערן אז ער וויל דאס זאל האבן א ספרינקלער סיסטעם, דער דיוועלאפער האט זיך געוואלט ארויסדרייען פון עס מאכן סיי ווייל עס קאסט אוצרות מיט געלט און אויך געדוירט עס אסאך צייט, האט ער געטוישט די פלענער אז די שול זאל נאר זיין אין 2 פון די דריי הייזער, לויט דעם גרויסקייט דארף מען נישט לויט סטעיט קאוד קיין ספרינקלער.
למעשה האט דער אינזעניר געזאגט אז ער וועט נישט מאשר זיין דעם בנין אן קיין ספרינקלער סיסטעם (כאטש וואס לויטן געזעץ מוז מען עס נישט מאכן, האט דער אינדזעניר דאס רעכט צו זאגן אז ער שפירט אז ס'איז נויטיג.)
צוליב דאס געדרענג אין נויט פאר א שול האט דער דיוועלאפער באשלאסן נישט איינצורייסן מיט אים און יא אריינגעלייגט דעם קאסטבארע סיסטעם, אבער היות די פלענער איז שוין געווען אריינגעגעבן האט ער נישט געוואלט טוישן נאכאמאל צו אריינרעכנן דעם דריטן הויז כדי נישט צו פארשלעפן די פערמיטן.
תיכף ווען די בנין איז פערטיג געווארן האט מען אנגעהויבן ארבעטן אויף פערמיטן פאר די דריטע הויז. עס איז אינטערגעקומען פארשידענע עיכובים וואס האבן עס פארשלעפט, עס איז שוין געווען עטליכע מיטונגן דערוועגן, ב"ה דעם פארגאנגענע דאנערשטאג האט דער ווילידש בארד געגעבן זייער רשות צו גיין פאראויס, יעצט דארף נאך זיין איין מיטונג מיטן פלעיניג בארד איבער דעם נושא בעפאר מען קען באקומען די ענדליגטע פערמיט בעז"ה.
בשבילי נברא האט געשריבן:האבן זיי דען נישט געוואוסט אז ס'גייען קומען נאך משפחות וואוינען דארט און דאס ביהמ"ד גייט זיי דארפן אקאמאדירן?
מען ווייסט יעצט אויך אז אפי' מיט די דריטע הויז אריינגענומען וועט עס נישט קענען אקאמענדירן דעם וואוקס בליע"ה, און מען וועט גאנץ אין קורצן ברויכן א פיל גרעסערע פלאץ (אדער נאך א פלאץ אין צוגאב), מען ארבעט שוין טאקע לאנג פיבערהאפטיג אויף ווייטער'דיגע פלענער בעז"ה.