אידישע וועלט פארומס

איר קענט זיין די אייז-קרים לעקער.

אה, א גוטע עצה, איז שוין דא איינער וואס מאכט די אייסקריעם?

ווער עס האט די זכיה צו רעדן צו זיי נעקסט, זאל איבערגעבן בשמי, אז א באנאנע גייט א מענטש אפשר איינצאלן פארן וויסן וואו עס איז, נישט קיין דירה!

derech eretz האט געשריבן:ווער עס האט די זכיה צו רעדן צו זיי נעקסט, זאל איבערגעבן בשמי, אז א באנאנע גייט א מענטש אפשר איינצאלן פארן וויסן וואו עס איז, נישט קיין דירה!

זיי זאגן דאך אז זיי נעמען נישט קיין געלט פאר מען גייט זיך טרעפן אלע אפליקאנטן טרעפן זיך מיט די עסקנים, און כ׳גלייב אז ביי דעמאלטס וועט מען שוין מעגן וויסן וואו עס איז.

שוין צייט צי מאכן אן עקסטערע אפטיילונג פאר שטעטל חלומות...

נאר פ-ע-ר-צ-י-ג טויזענט דאלער א דירה...?? און 500 - צוויי טויזענט סקווער פיס - דירות שטייען ליידיג און ווארטען אויף א קונה..?

איך האב די ברוקלין ברידש צו פארקויפן... ווער וויל עס קויפן..?

איך מאך פארקערט. געמיר די פערציג אלפים איך געב דיר "ערגעץ" א דירה, ס'א סוד ווי. אבער נאר אין די נעקסטע צען מינוט.

אפשר רעדט מען פון די ווירזשיניע פלאן, איינער געדענקט נאך יענע אשכול?
איז עס זייער שריפט און סטיל?

מחותן האט געשריבן:נאר פ-ע-ר-צ-י-ג טויזענט דאלער א דירה...?? און 500 - צוויי טויזענט סקווער פיס - דירות שטייען ליידיג און ווארטען אויף א קונה..?

איך האב די ברוקלין ברידש צו פארקויפן... ווער וויל עס קויפן..?

איר מוזט נישט גלייבן אבער סאיז א מציאות אז עס איז דא געגענטער ווי די ריעל עסטעט איז אזוי געפאלן אז עס איז נישט ווערט די פאפיר אויף וואס דער דיד איז געשריבן, געגענטער ווי פאקלויזשערס זענען סקיי ראקעטינג איז צומאל נישטא ווער זאל איבערנעמען א הויז אפילו אומזינסט, נישט לאנג צוריק בין איך געוועהן ביי איינעם אויף שבת אין דעטרויט, האטער מיר געגעבן א עקסטרע פריוואטע הויז איינצושטיין זאגענדיג, דאס איז מיין געסט הויז, (איך רעד נישט פון א דירה, איך רעד פון א גאנצער פריוואטער הייזקע, וואס באשטייט פון 5 שלאף צימערן, קאך, דיינינג רום, ליווינג רום, 3 ביה"כ, פארטשעס וויפיל די ווילסט, גאראדש, אין וואס נישט) ווען ער האט געזעהן מיין ווינדער האט ער מיר מסביר געוועהן אזוי בפשטות: כהאב געברויכט איבערבויען מיין הויז האב איך אפגעקויפט די הויז צו וואוינען דערווייל, אזוי גייט עס דא זאגט ער מיר, עס קאסט אזוי ביליג אז רענטלס איז נאר דא לוסעריעזע אין עס קאסט טייערע ווי אפקויפן א פריוואטע הויז.

חדשים לאנג האב איך געטראכט, א רחמנות אויף אונז, איין יארע רענט פאר א לעכעלע אין ברוקלין = א אייגענע הייזל אין דעטרויט, עס איז מיינד באגלינג

אולי קען זיין מען רעדט פון הייזער וואס זענען געבויעט געווארן מיט איבער הונדערט יאר צוריק

ס'איז א שטיקל חוצפה אז זיי פארגלייכן אין זייער בראשור א $750,000 הויז פון וויליאמסבורג צו א $400,000 אין קרית יואל. די עוורידזש הויז אין וויליאמסבורג פאר דעם פרייז איז א זעקס רומיגע דירה פון ארום 1,750 סקווער פיס. פאר $400,000 באקומט מען אין קרית יואל אן אכט רומיגע דירה פון 2,200 סקווער פיס, פלאס א בוידעם.

א חבר מיינער האט נארוואס געקויפט א פינעף רומיגע דירה פון 1,600 סקווער פיס אין קרית יואל (מיט א פלעי-רום, וואס וואלט אין וויליאמסבורג געהייסן א זעקס רומיגע דירה) פאר $210,000 (עפארדעבל).

פאטאקי08 האט געשריבן:אולי קען זיין מען רעדט פון הייזער וואס זענען געבויעט געווארן מיט איבער הונדערט יאר צוריק

לאו דוקא.

תרגום יונתן האט געשריבן: א חבר מיינער האט נארוואס געקויפט א פינעף רומיגע דירה פון 1,600 סקווער פיס אין קרית יואל (מיט א פלעי-רום, וואס וואלט אין וויליאמסבורג געהייסן א זעקס רומיגע דירה) פאר $210,000 (עפארדעבל).

נארוואס? אדער 10 - 15 יאר צוריק, ברענג מיר אזא דיל איך קויף שוין 25 שטיק, טאמער איז איז טאקע געוועהן נארוואס, איז עס זייער א זעלטענע זאך, קרית יואל איז טאקע אסאך אסאך ביליגער פון וויליאמסבורג, אבער נאכאלץ געפערליך טייער פאר א רעגולער פארדינער.

איך בין טאקע שטארק מסופק צו עס גייט ווערן, אבער אין מציאות איז עס שייך, און שוין איין מאל. ווי איינער האט שוין דא דערמאנט, עס זענען דא אין אמעריקא אסאך געגענטער ווי עס שטייען טויזענטער הייזער ליידיג, און מען קען זיי האבן פאר א שיבוש.

ווי ער האט דערמאנט דעטרויט, אין די סיטי אוו דיטרויט קענסטו היינט האבן הייזער פאר אונטער צען אלפים, כמעט רעדי אריינצומופן. אבער פאר דעם דארפסטו גרייט זיין צו וואוינען אין אפריקע, ווייל דאס איז בערך וואס דעטרויט איז היינט, א הפקר'דיגע דריטע וועלט לאנד. אבער אפילו אין די געגענטער ארום דיטרויט, ווי עס וואוינען פרומע אידן, קאסט א שיינעם נארמאלע 1 פאמיליע הויז צווישן הונדערט און הונדערט פופציג אלפים. אין די אידישע געגענט אין קליוולאנד איז עס נאך ביליגער.

אבער אויב גייסטו ווי עס איז נאך נישט דא א אידישע געגענט קענסטו טרעפן גאר אסאך. אמת, פאר פערציג פופציג אלפים וועסטו טרעפן א הויז פון ארום טויזענט סקווער פוס, און אויב ווילסטו צוויי ביז צוויי אהאלב טויזענט רעדט מען שוין מער פון בערך הונדערט אלפים אדער אפילו ביז הונדערט פופציג. אבער כ'מיין, ווי טרעפסטו אזאנס. נישט א דירה, א הויז, מיט א פראנט און בעק יארד.

די וועלט זאגט אז ווען א ווארעם עסט זיך אריין אין דעם כריין, מיינט ער אז עס איז נישט דא זיסערס פון דעם. אזוי קוקן מיר ליידער אויס, מיר האבן זיך אזוי אריינגעגעסן אין דעם ניו יארקער כריין, אז מיר מיינען אז עס איז נישט דא זיסערס פון דעם. אידעלעך, עס איז דא זיסערס, און אויב איר ווילט קענט איר עס האבן, עס איז דערגרייכבאר, איר דארפט נאר גרייט זיין זיך אביסעלע אומבאקוועם צו מאכן.

נו, לאמיר זעהן ווער עס גייט.

טהור-עיניים האט געשריבן:אבער פאר דעם דארפסטו גרייט זיין צו וואוינען אין אפריקע, ווייל דאס איז בערך וואס דעטרויט איז היינט, א הפקר'דיגע דריטע וועלט לאנד

טהור זייער גוט געזאגט בעצם, אבער בנוגע די סטעיטמענט, דערמאנן זיך וויאזוי ניו יארק האט אויסגעקוקט עטליכע יאר צוריק.

ק.נ.א. וועטער האט געשריבן:איך וואלט נישט געגאנגען קיין מאנטריאל בעיקר צוליב די שטארקע אנטיסעמיטיזם וואס הערשט דארט.

הערשט ווי דארט? אויך קולמבשר מיינסטו..

פריילאך האט געשריבן:

ק.נ.א. וועטער האט געשריבן:איך וואלט נישט געגאנגען קיין מאנטריאל בעיקר צוליב די שטארקע אנטיסעמיטיזם וואס הערשט דארט.

הערשט ווי דארט? אויף קול מבשר מיינסטו..

"מיר וועלן נישט איבערלאזן די שטאט אנחנו וזרענו וצאצאינו וכו' וגו', ס'איז ווערט אלע געלטער, ס'האט אלע טעמים".
אקעי, שרייטס "ס'קען נישט זיין" וועסטו בלייבלן מיט א גוטע תירוץ, און באצאל טאקע דערפאר, און מיירע איין דיינע קינדער און איידעמער.
וואס ווילסטו יעצט?
(איינער האט פארשטאנען?)

פלוני האט געשריבן:"מיר וועלן נישט איבערלאזן די שטאט אנחנו וזרענו וצאצאינו וכו' וגו', ס'איז ווערט אלע געלטער, ס'האט אלע טעמים".
אקעי, שרייטס "ס'קען נישט זיין" וועסטו בלייבלן מיט א גוטע תירוץ, און באצאל טאקע דערפאר, און מיירע איין דיינע קינדער און איידעמער.
וואס ווילסטו יעצט?
(איינער האט פארשטאנען?)

Nop's נישט איך REPEAT IT PLEASE

טהור-עיניים האט געשריבן:

ווי ער האט דערמאנט דעטרויט, אין די סיטי אוו דיטרויט קענסטו היינט האבן הייזער פאר אונטער צען אלפים, כמעט רעדי אריינצומופן. אבער פאר דעם דארפסטו גרייט זיין צו וואוינען אין אפריקע, ווייל דאס איז בערך וואס דעטרויט איז היינט, א הפקר'דיגע דריטע וועלט לאנד. אבער אפילו אין די געגענטער ארום דיטרויט, ווי עס וואוינען פרומע אידן, קאסט א שיינעם נארמאלע 1 פאמיליע הויז צווישן הונדערט און הונדערט פופציג אלפים. אין די אידישע געגענט אין קליוולאנד איז עס נאך ביליגער.

נעוואדע, דארט קידנעפט מען דאך קינדער אויף צעהן יאר....., א וואונדער ס'יז ביליג דירות

יהיה כן האט געשריבן:נעוואדע, דארט קידנעפט מען דאך קינדער אויף צעהן יאר....., א וואונדער ס'יז ביליג דירות

סוי פארוואס איז אזוי טייער אין בארא פארק?

איך פארשטיי נישט, איז וואוין דא אין לאק שעלריק, שוין א גוטע יאר מיר פיר חדשים, איך בין מיך מחי'. רבותי סאיז נאך דא הייזער אוועיליבל פאר פרי, יא איר הערט גוט, איר קענט דא האבן א שיינע גרויסע זעקס רומיגע דירה פאר פרי, קיינער קאלעקט נישט דא קיין רענט. זילטש.

מיר דא האבן געאפערט פאר אסך אידן א דירה, פאר גענצליך אומזיסט, און דא רעדט מער א פלאץ ווי עס וואוינען שוין עטליכע אין צוואנציג משפחות מיט א חדר, מיט א סקול, מיט א ביהמ"ד מיט א מקוה, מיט גראסעריס אראונד, דעליוועריס פון גראסעריס פון קרית יואל, אלעס וואס עס פעלט אויס צו האבן אין א אידישע פלאץ, און קיינער, קיינער, איז נישט געקומען, זאל מיר איינער איינרעדן אז מגייט דא מצליח זיין ארויס צו שלעפן די אייננגעגעסענע פארביסענע שטאטישע פון זייערע צוויי רומיגע וואלק אין קלאזעטס.


sweet dreams

פון אפערן דירות פאר "געציילטע מענטשן" ווערט נאכנישט קיין שטעטל, ווייל די געציילטע ווילן אויך נישט גיין אליינס.

דא איז די קלער אז אויב "יעדער" וועט קענען האבן אזאנע מציאות, וועט מען זיך אפשר ארויפכאפון דערויף.

כשאני לעצמי, האב געהאלטן אז דאס איז א חלום וואס "קען נישט" צושטאנד קומען, למעשה איז אבער די רעאקציע פונעם עולם עפעס ניזט אזוי נעגאטיוו... נו, הלואי.

טאגליכט האט געשריבן:איך פארשטיי נישט, איז וואוין דא אין לאק שעלריק, שוין א גוטע יאר מיר פיר חדשים, איך בין מיך מחי'. רבותי סאיז נאך דא הייזער אוועיליבל פאר פרי, יא איר הערט גוט, איר קענט דא האבן א שיינע גרויסע זעקס רומיגע דירה פאר פרי, קיינער קאלעקט נישט דא קיין רענט. זילטש.

מיר דא האבן געאפערט פאר אסך אידן א דירה, פאר גענצליך אומזיסט, און דא רעדט מער א פלאץ ווי עס וואוינען שוין עטליכע אין צוואנציג משפחות מיט א חדר, מיט א סקול, מיט א ביהמ"ד מיט א מקוה, מיט גראסעריס אראונד, דעליוועריס פון גראסעריס פון קרית יואל, אלעס וואס עס פעלט אויס צו האבן אין א אידישע פלאץ, און קיינער, קיינער, איז נישט געקומען, זאל מיר איינער איינרעדן אז מגייט דא מצליח זיין ארויס צו שלעפן די אייננגעגעסענע פארביסענע שטאטישע פון זייערע צוויי רומיגע וואלק אין קלאזעטס.


sweet dreams

וואס מיינסטי מיטן זאגן אז עס איז נאך אוועלעבעל פאר פרי?

דער תהילים איד האט געשריבן:פון אפערן דירות פאר "געציילטע מענטשן" ווערט נאכנישט קיין שטעטל, ווייל די געציילטע ווילן אויך נישט גיין אליינס.

דא איז די קלער אז אויב "יעדער" וועט קענען האבן אזאנע מציאות, וועט מען זיך אפשר ארויפכאפון דערויף.

כשאני לעצמי, האב געהאלטן אז דאס איז א חלום וואס "קען נישט" צושטאנד קומען, למעשה איז אבער די רעאקציע פונעם עולם עפעס ניזט אזוי נעגאטיוו... נו, הלואי.

מהאט נישט געאפערט פאר געציילטע מענטשען, מהאט עס געאפערט פאר יעדעם איינעם וואס האט געוואלט קומען.

מייקראסאפט האט געשריבן:

טאגליכט האט געשריבן:איך פארשטיי נישט, איז וואוין דא אין לאק שעלריק, שוין א גוטע יאר מיר פיר חדשים, איך בין מיך מחי'. רבותי סאיז נאך דא הייזער אוועיליבל פאר פרי, יא איר הערט גוט, איר קענט דא האבן א שיינע גרויסע זעקס רומיגע דירה פאר פרי, קיינער קאלעקט נישט דא קיין רענט. זילטש.

מיר דא האבן געאפערט פאר אסך אידן א דירה, פאר גענצליך אומזיסט, און דא רעדט מער א פלאץ ווי עס וואוינען שוין עטליכע אין צוואנציג משפחות מיט א חדר, מיט א סקול, מיט א ביהמ"ד מיט א מקוה, מיט גראסעריס אראונד, דעליוועריס פון גראסעריס פון קרית יואל, אלעס וואס עס פעלט אויס צו האבן אין א אידישע פלאץ, און קיינער, קיינער, איז נישט געקומען, זאל מיר איינער איינרעדן אז מגייט דא מצליח זיין ארויס צו שלעפן די אייננגעגעסענע פארביסענע שטאטישע פון זייערע צוויי רומיגע וואלק אין קלאזעטס.


sweet dreams

וואס מיינסטי מיטן זאגן אז עס איז נאך אוועלעבעל פאר פרי?

יא סאיז נאך אוועיליבל, קענסט נאך קומען.

מיינע צוויי סענט, פאר ווער עס איז אינטערעסירט, אויב זענט איר נישט, ביטע נישט ליינען, און נישט שרייען נאכ'ן ליינען.


די מציאות איז אז אלע חלומות וואס מען האט שוין געמאכט ביז יעצט, איז געבליבן ביים חלומ'ען.

יעצט ווען איינער וויל אויפקומען מיט א פרישע חלום-פלאן, דארף ער זיך לערנען פון די דורכפעלער, פארוואס איז די פאריגע געווארן אויס, און וואס טוט ער אז עס זאל זיך יא אויסארבייטען. (א שטייגער ווי די פארבאט אויף שווארצע בעגס ביי א מאראטאן, און שיך אויפן עראפלאן, ודו"ק)

לדעתי, יעדער קען מחולק זיין, האט זיך נאך גארנישט אויסגעארבייט, ווייל עס איז נאך נישט געווען קיין "עסקנים" וואס האבן זיך ערענסט אריינגעלייגט מיטן ציל צו העלפן דעם עולם.
ווען איינער וויל מאכן א שטעטל, אן זיינע אינטערעסן, לייגט ער זיך אריין וואס וויל דער עולם און וואס האלט אפ דעם עולם פון ארויסמופן, און וויאזוי ער קען עס פארעכטן.,

וואס איז טאקע די סיבה?

אויף דעם קען מען שוין זייער אסאך דן זיין פארוואס דער עולם האט זיך נישט ארויסגעצויגן צו די נייע שטעטלעך, אבער לאמיר טראכטן.

הרב יואל שווארץ זאגט, ווייל דער עולם וויל נאר וכו', אוודאי ליגט עפעס דערין, אבער, ווען נאר דאס וואלט געווען די צוריקהאלט, וואלט די קוועטשענדיגע קעשענע דאך גובר געווען, אויב נישט ביי יעדעם איז עס ביי האלב מענטשן, לכאורה.

*רוב פון די פלענער זענען געווען צו גיין צו די מאונטענס, די מאונטענס איז ווי יעדער ווייסט, א מהלך פון צוויי שעה אינמיטן טאג אן טרעפיק.

דאס מיינט אז פאר א משפחה מיט קינדער, מיינט דאס אז מען איז מקיים דעם לך לך מארצך וממולדתך, און מען וועט קומען צו פארן אויף נ. י. סיטי זען די משפחה צוויי דריי מאל א יאר בלויז (נעמטס אין חשבון אז א משפחה מיט קינדער, ספעציעל קליינע, איז עס א שווערע וועג, דערצו צו פארן און קומען אינעם זעלבען מעת לעת, און קיין באסעס גייט דאך לכאורה אויך נישט זיין.
קאן טאקע זיין אז עס סתם פון ספוילט'קייט אז מען ברויך קומען צו די עלטערן, אבער דאס איז די פאקט, און מען קען נישט טוישן קיין נאטורן.

*פרנסה, איז א נושא וואס מען האט קיינמאל נישט געהעריג אדרעסירט, בלויז זאגן אז עס איז דא יונגעלייט וואס פארקויפן אנליין, איך פארשטיי אז מען קען נישט מאכן א שטעטל בלויז פון יונגעלייט וואס פארקויפן אנליין, און פארן און קומען איעדן טאג איז זייער שווער.

*דאקטוירים און שפיטעלער, נישט דא געהעריג, העריס איז ווערט א רעטעך.

*בכלל איז עס נישט קיין ישוב, באזעצט פון מענטשן, עס איז פיל מיט ליידיגע שטחים, נישט קיין פארגלייך צו מאנרא און מאנסי, אפילו ווען מען האט אנגעהויבן, איז עס נישט געווען מחוץ למחנה ממש.

*גראסעריס, געשעפטן.

יעצט ווען מען קומט מיט א לעזונג פון דריי שעה ארויס פון וויליאמסבורג, איז עס ווייטער א חלום, לויט ווי איך קוק דערויף.

די לעזונג וואלט לכאורה געועון ווען מען טרעפט געגענטער נישט צו ווייט, (איך ווייס פאר א פאקט אז עס איז דא אזעלכע געגענטער, נישט אין ניו יארק) וואס די דירות זענען ביליג, טאקע נישט קיין פערציג, אבער ביליגער ווי מאנרא, און אהין וואלט זיך ווען אפשר געקענט עפעס אויסארבייטען.

שרייטס אלע