מיללער האט געשריבן:מ'האט נעכטן אנגעהויבן די משנה בדף טו. תקרה שאין עליה מעזיבה, די גמרא זאגט אז דארט איז דא א פסול אדער וועגן תעשה ולא מן העשוי אדער גזירת תקרה.
רש"י זאגט בדף יד. (וכן כתבו התוס' בדף ב.) אז עס איז דא א פסול סוכה אמר רחמנא ולא ביתו של כל ימות השנה, ערשטנס, איז דא אין די גמרא א מקור אויף אזא לימוד/פסול? צווייטנס פארוואס זאגט דא די גמרא דער פסול פון תעשה ולא מן העשוי און נישט דער פסול פון "ביתו של כל ימות השנה"?
כ'האב נעכטן איבערגעקוקט דעם ענין. און אפאר זאכן זענען מיר קלארער געווארן.
1. אויב די גמרא זאגט ביי תקרה שאין עלי' מעזיבה שפסולה משום תעשה ולא מן העשוי, אז עכ"ח שוב אין כאן פסול של "ביתו של כל השנה". שברגע שיש פסול אחר, אין כאן
עשוי כלל. שהרי עדיין לא עשוי בכשרות.
2. זה ברור שיש כאן פסול נפרד [גם בלי התעשה ולא מן העשוי] של סוכה ולא ביתו. כמו שכתב רש"י בדף י"ד. [ולא כמו השטויות שכתבתי אתמול]
3. דער פסול פון ביתו של כל השנה, קען טעכניש נישט חל זיין, אן תעשה ולא מן העשוי.
כלומר, דער גאנצער פראבלעם איז דאך נאר, אז ס'איז בית דירתו, אבער ברגע וואס ער נוצט עס פאר א סוכה, איז עס טעכניש א סוכה, און נישט ביתו. און דאס אז ס'איז געבויעט ווי א דירה, שטערט מיך בכלל נישט. ווייל כ'מעג עס מאכן קבע. ווען איך וויל בויען א סוכה, מעג איך עס בויען פונקט ווי מיין בית של כל השנה.
פונקט ווי מיר זאגן ביי
חבילי עצים תעשה ולא מן העשוי. לכאורה קענסטו פרעגן דארט: פארוואס זאגסטו נאר תעשה ולא מן העשוי, זאג פשוט, ס'איז נישטא קיין סכך נאר חבילי עצים. אלא מאי, ברגע וואס עס איז מסכך איז עס טעכניש סכך. נאר ס'פעלט אין דער עשי'. דאס זעלבע ביי בית דירתו. אויב נוצט ער עס פאר מצות סוכה, איז עס טעכנישט מסכך פונקט ווי סכך, דער פיזישע צורה פונעם דאך איז פונקט גוט. אלא מאי ס'פעלט אינעם עשי' פונעם אריבערגאנג פון "ביתו" צו "סוכתו".
דערפאר וועסטו קיינמאל נישט טרעפן אין די גמרא דער פסול פון "ביתו", ווייל ס'ווערט גלייך געטרענספערט צום "תעשה ולא מן העשוי".
[אגב, מרש"י נשמע לי שהמקור לפסול זה הוא מדיוק הפסוק "בסוכות תשבו" ואם איתא שיכול לדור בבית של כל ימות השנה, לא חידש התורה במצוה זו כלום, שלא ניכר כאן שום שינוי. כל מה שתצריך לעשות הוא רק שתישאר בבית כל השבעה ימים [רק שהגג יהי' מפסולת גורן וכו' אבל עצם המצוה לא חידש כלום] ע"כ עכ"ח בא הכתוב לחדש, צא מדירה של כל ימות השנה, לסוכה שמסכך לצל, ולא לדירה. ומהאי טעמא בורגנין וכדומה כשרות, שנבנה רק לצל ולא לדירה].