ווייזער האט געשריבן:אסדר לסעודתא האט געשריבן:הערשעל פאסטעכער האט געשריבן:https://t.me/kankanpublication/17
איך פלאן אי״ה צו קויפן דעם ערשטן קן, און איך בין וויליג צו שילמ׳ן ח״י רובל פאר גוטע לייען מאטעריאל. אבער פון די סעלעקציע נושאים בין איך אביסל דיסאפוינטעד.
ווער ווייסט נישט אז ראש השנה איז א יומא אריכתא, וממילא איז די שהחיינו דעם צווייטן טאג נישט מכח ספינקא דיומא.
די מעשה מיט׳ן חיד״א אין קעניגליכן טיער-גארטן איז אויך באוואוסט.
סאו וועלכע גרויסע פארש ארבעט גייען דא אנטפלעקט ווערן פאר מיינע אויגן?
וואס גייען מיר דא געוואויר ווערן וואס מיר האבן ביז היינט נישט געוואוסט פון היסטארישן ווערד?
זאגט מיר נישט: פאר א נער ווייזט מען נישט קיין האלבע ארבעט: ווייל א באקאנטע הלכה׳דיגע שערוריה וואס יעדער בר בי רב דחד יומא ווייסט - איז ליצנות געמאכט אפילו אויפצוברענגען.
כבוד הר״ר וויייזער וכל דעימיה.
איידער איך גיי דא אפרעכטן מיין תגובה, וויל איך דא אויפקלערן, אז איך פלאן מיך נישט צו באצוען צו יעדע ליניע פון קריטיק וואס גייט דא געשריבען ווערן. די אורזאך פארוואס כ׳האב באשלאסן דאסמאל יא זיך צו באצוען צו דיינע געשריבענע ליניעס, איז ארויסצוברענגען אביסעלע בעסער דער ציל פונ׳ם קנקן.
קנקן ווערט לע״ע געשריבען כל כולו דורכ׳ן בעל ׳הקנקן׳ זעלבסט. די סיבה דערפאר איז צו דעשרנאַפּען דער קליענטעל דערפון, אָן זיך אריינצולאזן אין שווערע חובות.
דעריבער איז אין קנקן יעצט א גרויסער טייל איבער די טעמע פון יודישע היסטאריע.
יעצט לאמיר זעהן וואס דו האסט געשריבען: ״די מעשה מיט׳ן חיד״א אין קעניגליכן טיער-גארטן איז אויך באוואוסט.״ דו ווייסט וויפיל דער חיד״א האט באצאלט אריינצוגיין? דו ווייסט וואס נאך דער חיד״א האט דארט׳ן געזעהן? זאג, און וואס דער חיד״א שרייבט אז ער האט געזעהן, ווייסטו יא גענוי וואס דאס איז? די ענטפער צו די פראגעס איז ווארשיינליך ניין, אין קנקן וועסטו עס געפונען, אלעס מיט פארלעסליכע מקורות.
יעצט, כ׳מיין אז כ׳האב שוין געצויגן דיין אינטערעסע, יעצט וויפיל בחורים און יונגעלייט ווייסן ״גענוי״ די סיבה פונ׳ם ספק שהחיינו דעם צווייטן נאכט ראש השנה? איבערצייגט אייך אליינס, פרעג דיך נאך - ווייניג? זייער ווייניג!
נאכ׳ן ליינען די אינטערסאנטע ארטיקלען אין קנקן, וועט מען אטאמאטיש אהין בלעטערן, טראטכנדיג ״וואס נאך שרייבט ער דא, אפשר איז עס אינטערעסאנט?״ מען וועט עס ליינען, ווייל עס איז אראפגעלייגט אויף זעהר א געשמאקן און לייכטען פארנעם, און דערמיט בארייכערן די קאפ מיט תורה׳דיגע ידיעות, וואס ווען עס קומט ארויס אן אויסגאבע ״בלויז״ מיט אזעלכע קאלומס, וואלטן זיי עס קיינמאל נישט אנגעקוקט.
קנקן איז דא צו דעקן בחורי חמד, יונגעלייט און בעלי בתים, וואס זוכן צו בארייכערן זייערע קאפ מיט ידיעות פון יודישע היסטאריע און איינוועגס אויך מיט תורה׳דיגע ידיעות, גראדע איז עס אויך דא צו דעקן די ׳ידענים׳ פון כלל ישראל.
אגב, די ציל פון תורה׳דיגע ידיעות, איז בעיקר מיט אינטערסאנטע הלכה׳דיגע טעמעס מיט וואס מיר באקענען זיך במשך די יאר, מען טוט זאכן און מען ווייסט נישט פארוואס. אדער א הלכהדיגע ידיעה וואס האט מיט זיך אן אינטערסאנטע געשיכטע.
גראדע האב איך געמערט, איז בלויז צוויי רובריקן האבן דיר אינטערגעצויגן, זעהט אויס אז די אנדערע האבן יא געצויגן דיין אינטערעסע.
שרייבנדיג די תגובה, וועל איך דא מעורר זיין א נקודה לגבי אט די אשכול.
איינס פון די זאכן וואס קנקן שטעלט פאר, איז אז די ליינער קענען אריינשיקן בקשות פון טעמעס וואס מען וויל מיר זאלן פארשן און באשרייבן, כמבואר בפנים הקנקן. דעריבער בעהט איך דא בכל לשון של בקשה, בכדי אז עס זאל נישט צוקומען צו קיין גילוי עדיות, בקשות פון טעמעס זאלן ביטע געשיקט ווערן פריוואט צו די מערכת, און נישט אויסלופטערן דא, ווייל מיר ווילן שטארק געבן די קרעדיט פאר די מבקש, טעמעס וואס וועלן בלויז דא ארויפגעברענגט ווערן, און מיר געפונען עס פאר אינטערעסעאנט צו באשרייבן, וועלן מיר בע״ה באשרייבן, אבער בעילום שם.
מיר האבן נישט קיין פראבלעם צו דעקן אייוועלט, אבער מיר זוכן עס נישט צו פאמפען בראש כל חוצות, וד״ל וק״ל ודו״ק.