מיללער האט געשריבן:געקומען האט געשריבן:אטעם פארכאפענדע מעשה פון א שלאנג ביס, באגלייט מיט וויכטיגע אנווייזונגען איבער שלענג אין סאליוואן קאונטי, ועוד, ארויף נעכטן שפעט נאכמיטאג אויף קול מבשר.
די וואך איז א ''5 סטאר וואך'' שיעור.
נאכגעפאלגט מיט 'ניסים גלוים' וויאזוי אוטיסטיק קינדער זענען 'צוריקגעקומען' און געווארן ת''ח מופלגים.
לוינט זיך אויסצוהערן!
די חן פון ר' שאול'ס שמועסן ליגט שטארק אינעם 'דרך אגב', אסאך מאל באמערקט מען ניטאמאל וויאזוי ער רוקט אריין ידיעות און זייטיגע ענינים, מיט א זעלטענע געשמאק, לדוגמא ווי ער פירט אריין דעם שלאנג-ביס מיטן פסיק רישא ולא ימות, אדער דער אין אדם נתפס על צערו ווען ער ברענגט די גענויע מראה מקום צו פארענטפערן פסוקים אין איוב, די היסטאריע פון דעם דאקטאר וואס האט שטודירט אוטיזם געשטאמט פון דייטשע אידן וואס זיינע עלטערן האבן געוואלט משכח זיין די אידישע נאמען, זיינע אנעקדאטן אין זיין חוש טאג-בוך וואס ער האט געשריבן אויף רעגירונגס פאפיר.
יא יא.. סאיז צוקער זיס יעדעס ווארט, יעדע קנייטש, יעדע דריי!
ער פארציילט דאך פון וואו דאס קומט..
דהיינו, פאר 45 יאר צוריק, יואלי, האט ער געארבעט אין די יונייטעד סטעיטס גאווערמענט, און איין וואך איז געווען א טרענירונג אויף וויאזוי צו 'רעדן'. באלד ביים אנהויב טרענירונג, האבן זיי געברענגט דארט א שטענדער, און זיי האבן אים מכבד געווען אויפן פלאץ, אן איינמעלדן פון פראנויס, אז ער זאל זיך אוועקשטעלן דארט רעדן. ער האט פראטעסטירט אז ער האט זיך נישט אנגעגרייט, אומפארגעברייט וכו', האבן זיי געענטפערט: "דאס איז דיין פראבלעם''...
ער האט זיך אוועקגעשטעלט דארט, און אנגעהויבן צו ארויסשטאמלען וויפיל ער האט געקענט פארנט פונעם גאנצן זאל וואס זענען געקומען ווערן עקזעקיוטיוון אין די פארשידענע אפטיילונגען אין די גאווערמענט.
בימים ההם איז ווידיאו, נאכנישט געווען אזוי פארגעשריטן, איז אפצוכאפן די גאנצע זאך לעבעדיג, איז אראפגעקומען א גאנצע 'טיעם' פון א געוויסע סטעיט, און זיי האבן דאס אפגעכאפט. און ווען ער איז פערטיג געווארן, האבן זיי דאס תיכף אויפגעשפילט... וויאזוי ער קראצט זיך דארט... און פרובירט צו מורמלען עפעס...
און זיי האבן אים אנגעהויבן צימבלען: "דו ווילסט ווערן אן עקזעקיטיוו"?! "אזוי רעדט מען"?!
און אט אזוי, מיט א מיליטערישע-סטייל טרענירונג פון דערנידערן און דערנאך צוריק אויפבויען, האבן זיי דערנאך א גאנצע וואך אויסגעלערנט דעם עולם וויאזוי צו רעדן, מיט כללים וכדומה.
ר' שאול ערניערט זיך אז ''מען האט באקומען דערנאך א טשעק סוף וואך''...