קלארשטעלונג פון די הנהלה בנוגע וואס איז ערלויבט צו שטעלן אין דעם אשכול און וואס נישט:
◄ ווייז ספוילער
ליידער מאכט זיך כסדר אז געוויסע אויסגאבעס פרובירן צו שיקן א מעסעדזש צו א צד שכנגד מיט אראפרייסערישע קעפלעך, און וויבאלד מיר פארמאגן דא אן אשכול וואס ערלויבט ארויפצושטעלן דעקלעך, קומט אויס אז טעמעס וועלכע זענען בעצם פארבאטן ביי אונז, ווערן אריינגעשטופט פון אן הינטער טירל.
מיר האבן שוין פרובירט צו מעקן, שוין פרובירט צו לאזן - אונטער'ן לעגיטימען אויסרייד פון "מיר נעמען נישט קיין אחריות אויפ'ן תוכן ה'דעקל", אבער מיר שפירן אז מען מוז מאכן א שטיקל קלארע פאליסי דערוועגן.
אשר על כן, מהיום והלאה וועט גילטן דער פאלגנדער כלל:
1. א דעקל וואס פראפאגאנדירט אייגענע לייסטונגען און שטעלונגען (אפילו מיט זעלבסט פאבריצירטע פאקטן), אן אראפרייסן א צווייטן, וועט טאלערירט ווערן
2. א דעקל וואס רייסט אראפ א צווייטן, וועט אראפגענומען ווערן (בעסער געזאגט: זאל מען בכלל נישט ארויפשטעלן - סיידן מען פארמעקט די פראוואצירנדע ווערטער)
3. וויבאלד הא גופא קען זיין מוטל בספק, רעזערווירט די הנהלה די רעכט אליינס צו באשליסן וועלכע דעקל פאלט אין וועלכע קאטעגאריע
והעושה שלום במרומיו הוא יעשה שלום עלינו ועל כל ישראל ואמרו אמן
יוני אויפ׳ן פאדיום! ממחרת ה'דעבאטע און ערב די היציגסטע סיטי-קאונסיל וואלן וואס געדענקט זיך אין בארא פּארק זיצט ׳מאמענט׳ מיט׳ן קאנדידאט יוני הייקינד.
"דו וועסט שטארבן קינדערלאז!" -- די פינסטערע בשורה האט ער געהערט מיט 18 יאר צוריק פון גרעסטן פּראפעסאר אין אמעריקע, אבער היינט איז הרב חיים מאיר הירש א טאטע פון 4 קינדער און אויך א געטרייער טאטע פאר הונדערטער עקרות
קינדער פארברענגען! וויאזוי דער טאלאנטפולער מחנך הרב יצחק ליש רעוואלוציאנירט די וועלט פון קינדער טעיפּס
״איך דאנק דעם באשעפער אז איך בין ארויס לעבעדיג פון די מעשה...״ -- שטורמישע שילדערונג פון 71 יעריגן הרה״ח ר׳ שמואל זינגער וועמען פּאליציאנטן אין בארא פּארק האבן ברוטאל געקייטלט און געווארפן צו דער ערד
וועטער חשבונות: אנאליז פון אברהם פערלמאן איבער דעם לעצטיגן ״סוכות וועטער״ אפּהאנדלונג
א מאמע בלייבט א מאמע -- דער ערשטער טאג אין חדר -- די אוצרות ביים שוסטער -- אמעריקע'ס מאכטפולע מיליטער -- און נאך!
ר׳ יום-טוב אין שטעטל: פון א פראפעסיאנאלער כוואליע-סוירפער און גיטאריסט ביז צו אן אלוועלטליכער משפיע און מאטיוויר-רעדנער, באקענט זיך מיט הרב גלאזער׳ס דראמאטישע לעבנס געשיכטע. איבער זיין יוגנט אלס אפגעפרעמדטער יוגנטליכער אין לאס אנדזשעלעס, זיין דורשט פאר א באדייט אין לעבן און וויאזוי א שמחת בית השואבה אין פינסק קארלין האט געטוישט זיין לעבן פאר אייביג.
מיסיאנערן עליך וויליאמסבורג! אומגלויבליכע און שאקירנדע געשיכטע ווי אזוי די מתפללים אין ביהמ"ד ראזלע אין וויליאמסבורג האבן פארלאפענעם שבת אראפגעשלייערט די מאסקע פון א היימיש-אויסזעענדן אבער שעדליכער מיסיאנער וועלכער האט זיך לעצטענס אויסגעמישט מיט'ן וויליאמסבורגער ציבור. ר' דוד מעכילס אדער דעיוויד דזשעימס קאסטעלא?
מיסטעריעזער מאנוסקריפּט: א מיסטעריעזער כתב יד געשריבן אין א מיסטעריעזער שפראך — קיינער ווייסט נישט וואס דארט שטייט ביז'ן היינטיגן טאג — האט מען באוויזן צו לייזן די מיסטעריע?
מוזיק ליבהאבער זאגן שלום עליכם צו סטרונעס #3! מאמענט׳ס רייכע ״סטרונעס״ אפטיילונג איז צוריק מיט א ווייטערדיגן פארזעצונג אינעם הערליכן ״מוזיק שפראך״ טערמינאלאגיע ווינקל; די ׳פיאנא׳ אינעם קלעזמער ווינקל; ׳מוזיק פיגורן׳ באשרייבט דאסמאל הר״ר משה גאלדמאן ז״ל וועמענ׳ס השפעה און זיינע פינגער-אפדרוקן זעען זיך אן אין יעדן ווינקל פון דער היימישער מוזיק וועלט, וזכרו לא ימוש מזרעו; און דער מוזיק-מבין ענטפערט איבער וואס זענען די פאקטארן וואס מאכט א ניגון פאר א ״היט״.
אפענער שמועס מיט ר' זושא שניצלער, וועלכער איז געשטאנען מימינו פון פעטער ר' מיכאל אלס פראדוצירער פון נייעם אלבום + א מוזיקאלישער איבערבליק פון חנוך גרינבערגער אויף מיכאל׳ס נייעסטע פראדוקציע -- דער וואלן-שטורעם איז פאראיבער -- דער מלמד הרב שבתי פריעד פארקירעוועט זיינע מחשבות איבער תקנות מיט געשמאק -- מאנומענטאלע מאמענטן קאלום באשרייבט דעם ׳סאלדאט מיט׳ן פּיאנא׳ -- בן מנחם אין אן אפהאנדלונג: טראמפּ אין רעטראספעקט -- און נאך!
אטעטשמענטס
מאמענט, פראנט פעידזש, פר׳ חיי שרה תשע״ח
Moment Magazine Chaya Sura 5778.jpeg (546.42 KiB) געזען 3934 מאל