קלארשטעלונג פון די הנהלה בנוגע וואס איז ערלויבט צו שטעלן אין דעם אשכול און וואס נישט:
◄ ווייז ספוילער
ליידער מאכט זיך כסדר אז געוויסע אויסגאבעס פרובירן צו שיקן א מעסעדזש צו א צד שכנגד מיט אראפרייסערישע קעפלעך, און וויבאלד מיר פארמאגן דא אן אשכול וואס ערלויבט ארויפצושטעלן דעקלעך, קומט אויס אז טעמעס וועלכע זענען בעצם פארבאטן ביי אונז, ווערן אריינגעשטופט פון אן הינטער טירל.
מיר האבן שוין פרובירט צו מעקן, שוין פרובירט צו לאזן - אונטער'ן לעגיטימען אויסרייד פון "מיר נעמען נישט קיין אחריות אויפ'ן תוכן ה'דעקל", אבער מיר שפירן אז מען מוז מאכן א שטיקל קלארע פאליסי דערוועגן.
אשר על כן, מהיום והלאה וועט גילטן דער פאלגנדער כלל:
1. א דעקל וואס פראפאגאנדירט אייגענע לייסטונגען און שטעלונגען (אפילו מיט זעלבסט פאבריצירטע פאקטן), אן אראפרייסן א צווייטן, וועט טאלערירט ווערן
2. א דעקל וואס רייסט אראפ א צווייטן, וועט אראפגענומען ווערן (בעסער געזאגט: זאל מען בכלל נישט ארויפשטעלן - סיידן מען פארמעקט די פראוואצירנדע ווערטער)
3. וויבאלד הא גופא קען זיין מוטל בספק, רעזערווירט די הנהלה די רעכט אליינס צו באשליסן וועלכע דעקל פאלט אין וועלכע קאטעגאריע
והעושה שלום במרומיו הוא יעשה שלום עלינו ועל כל ישראל ואמרו אמן
משה כהן האט געשריבן:געווען עפעס אן עלטערער פרוי, זיי גייט אריין אין גראסערי און פרעגט פון איינס פון די איינגעשטעלע: עס איז שוין דא צו באקומען די "ערשינען"?...
מיט רבי עקיבא אין ״פוילישע שטיבל״: די הונדערט יעריגע געשיכטע פון דעם שטיבל וואס האט געהאט די ערשטע מקוה אין חרדישן וויליאמסבורג, צו דער פטירה פון לאנגיעריגן גבאי הרה״ח רבי עקיבא בערלינער ז״ל.
די אומבאזינגענע העלדין: הרב אליעזר ראזען שילדערט די אינספירירנדע געשיכטע פון "רויזי נעני", אן עלנדע מיידל וועלכע האט געדינט אלס מאמע פאר צעבראכענע יתומות אין "דאמאנקאש" קינדערהיים אין בודאפעסט נאך דער צווייטער וועלט מלחמה און האט שפעטער ערצויגן דריי קיילעכיגע יתומות אויף דער אייגענער האנט.
א חסיד בארבע כנפות הארץ: פאטאגראפירער ר' מאיר אלפסי שילדערט ווייטער זיינע דראמאטישע באזוכן אין אלע וועלט עקן, פון יעקב'ס ברונעם אין חרן, צום טויער פון גיהנם אין טערקיי ביז א שבת אויפ'ן העכסטן בארג אויף דער וועלט
שרייבער׳ס פּערספּעקטיוו: שרייבער און זשורנאליסט ר׳ אהרן יודא ווייזער פון ׳אידישער ווינקל׳ -- הרב שלום יעקב וואזנער: פארלעשט די שנאה פלאמען! -- פאפירענע עדות: ערשטמאליג-אנטדעקטע בילדער פון ״קריסטאלנאכט״ געקומען צום אויבערפלאך -- מנחם גאלד שילדערט אבזערוואציעס פון דער רבישער חתונה ביי דער יונגסטער טאכטער פון סקאליער רבי שליט״א -- א וואלקן איבער וואשינגטאן: מענדל אונגער איבער פרעזידענט טראמפ׳ס פארגאנענע וואך -- אפענער שמועס מיט טאלאנטפולער בעל מנגן הר״ר אליעזר דוד וויינשטאק איבער זיין נארוואס-אפגעהאלטענע שמחת הכנסת ספר תורה -- הרב שבתי פריעד אין מלמד׳ס מחשבות: האט איר שוין געמאכט דעם טעלעפאן רוף? -- מאנומענטאלע מאמענטן: דער געיעג צום שפיץ וועלט -- און נאך אין די קביעות׳דיגע קאלומס!
אטעטשמענטס
פאדערשטע זייט פון מאָמענט #214, פר׳ ויצא תשע״ט
Moment Magazine Vayitzei 5779 Cover.jpeg (499.96 KiB) געזען 2091 מאל
חסד שבחסד: א גראסערי מאן אין וויליאמסבורג, לאנגע פיינפולע יארן פון קינדערלאזיגקייט און חובות, התקשרות מיט צדיקי הדור, צווישן יאוש, קריטיק און חיזוק, הייליגע ראבא-קאלס און א מאסיווע חסד אימפעריע: די אנדערע זייט פון דער אינספירירנדער געשיכטע פון בארימטן איש חסיד ואיש החסד הרה"ח ר' טובי' מאיר ניימאן שליט״א
דער הייליגער מילכיגער: אויסשליסליכער שמועס מיט הגאון הגדול רבי שלמה זלמן גראסמאן שליט״א, הויפט רב אין אלעד, איבער דער געהויבענער פערזענליכקייט פון זיין פאטער, דער צדיק נסתר רבי נתן אליעזר גראסמאן זצוק״ל, וועלכער האט זיך פארשלייערט אלס פשוט'ער "מילכיגער" אין די גאסן פון ירושלים
היסטארישער בילדער פראיעקט: הרב אליעזר ראזען און הרב חיים אבראהאם ברענגען אייך אריבער 50 געקליבענע היסטארישע בילדער פון אור אלטן וויליאמסבורג אנטפלעקט צום ערשטן מאל באגלייט פון דעסקריפציעס צו יעדן בילד.
שיריים פון דער דאנערשטאג שניי שטורעם לעצטע וואך — א 7 שעה רייזע: שילדערונג פון יונגערמאן געשטראנדעט אויפ'ן באס לאנגע זיבן שעה פון וויליאמסבורג קיין מאנסי --- א באס אויפ'ן 17: א באס מיט מיידלעך געשטראנדעט אויפן רט. 17, און א גאנצע שטאט קומט צוהילף; פאראמעדיק ר' חנני' אינדיג שילדערט
א הארץ אטאקע אויפ'ן פליגער: וואונדערליכע השגחה פרטית געשיכטע פון היינטיגער צייט --- די סאטמאר באבוב חתונה בשנת תשנ״ח אין אויגן פון א פרעמדן ״ניו יארק טיימס״ זשורנאליסט --- מחנך הרב שלום יעקב וואזנער: יא, איך האב א שוואך קינד! --- הרב שבתי פריעד: גוטמוטיג, איבערראשנד און לאכעדיג... --- מענדל אונגער איבער מידיע און דעמאקראטיע
אטעטשמענטס
פאדערשטע זייט פון מאָמענט #215, פר׳ וישלח תשע״ט
Moment Magazine Vayishlach 5779 Main Cover.jpeg (459.79 KiB) געזען 1463 מאל