קלארשטעלונג פון די הנהלה בנוגע וואס איז ערלויבט צו שטעלן אין דעם אשכול און וואס נישט:
◄ ווייז ספוילער
ליידער מאכט זיך כסדר אז געוויסע אויסגאבעס פרובירן צו שיקן א מעסעדזש צו א צד שכנגד מיט אראפרייסערישע קעפלעך, און וויבאלד מיר פארמאגן דא אן אשכול וואס ערלויבט ארויפצושטעלן דעקלעך, קומט אויס אז טעמעס וועלכע זענען בעצם פארבאטן ביי אונז, ווערן אריינגעשטופט פון אן הינטער טירל.
מיר האבן שוין פרובירט צו מעקן, שוין פרובירט צו לאזן - אונטער'ן לעגיטימען אויסרייד פון "מיר נעמען נישט קיין אחריות אויפ'ן תוכן ה'דעקל", אבער מיר שפירן אז מען מוז מאכן א שטיקל קלארע פאליסי דערוועגן.
אשר על כן, מהיום והלאה וועט גילטן דער פאלגנדער כלל:
1. א דעקל וואס פראפאגאנדירט אייגענע לייסטונגען און שטעלונגען (אפילו מיט זעלבסט פאבריצירטע פאקטן), אן אראפרייסן א צווייטן, וועט טאלערירט ווערן
2. א דעקל וואס רייסט אראפ א צווייטן, וועט אראפגענומען ווערן (בעסער געזאגט: זאל מען בכלל נישט ארויפשטעלן - סיידן מען פארמעקט די פראוואצירנדע ווערטער)
3. וויבאלד הא גופא קען זיין מוטל בספק, רעזערווירט די הנהלה די רעכט אליינס צו באשליסן וועלכע דעקל פאלט אין וועלכע קאטעגאריע
והעושה שלום במרומיו הוא יעשה שלום עלינו ועל כל ישראל ואמרו אמן
אזעלעכע געבאקענע זאכענעס צו שרייבן. איך ווייס קלאר אז קיינער באצאלט נישט קיינמאל, רוב רבנים זענען בכלל נישט ציפרידן אז מ'פיקטשערט פון זיי ביי אלע זייערע פאזישענס, שטעל זיך פאר ווי מע לויפט דיך נאך מיט א קעמערע און מע כאפט פון דיר פיקטשערס פון אלעס זאכענעס וואס די טיסט...
אפשר זענען דא בעיביס וואס צאלען צי לייגן זייערע רבי אויף די קאווער, אבער זיי פארלירן עניוועיס זייער געלטער ווייל די אלע פיקטשער אויסגאבעלעך לייגן סייוויי די זעלבע זאכענעס אויפן דעקל אפילו אויב מע צאלט גארנישט...
אויסטערליש האט געשריבן:אזעלעכע געבאקענע זאכענעס צו שרייבן. איך ווייס קלאר אז קיינער באצאלט נישט קיינמאל, רוב רבנים זענען בכלל נישט ציפרידן אז מ'פיקטשערט פון זיי ביי אלע זייערע פאזישענס, שטעל זיך פאר ווי מע לויפט דיך נאך מיט א קעמערע און מע כאפט פון דיר פיקטשערס פון אלעס זאכענעס וואס די טיסט...
אפשר זענען דא בעיביס וואס צאלען צי לייגן זייערע רבי אויף די קאווער, אבער זיי פארלירן עניוועיס זייער געלטער ווייל די אלע פיקטשער אויסגאבעלעך לייגן סייוויי די זעלבע זאכענעס אויפן דעקל אפילו אויב מע צאלט גארנישט...
קיינער האט נישט געזאגט דא אז די רבנים זעלבסט באצאלן, מען האט נאר ערקלערט די "פלא" פארוואס אויף די דעקלעך פון ביידע אויסגאבעס פיגורירן די זעלבע רבנים, אז דאס איז צוליב וואס די זעלבע חסידים צאלן פאר ביידע אויסגאבעס. פארשטענדליך?
אני הקטן האב אמאל אריינגעשיקט א בילד צו א פאפולערע אויסגאבע פון א רבי׳לע, איז צירוק געקומען א אנטווארט ׳ווער צאלט׳ ווען כהאב געפרעגט מאי שנה זה מזה הרעבעלע השני, האט מען מיך געענטפערט ׳דארט צאלט מען׳ והמבין יבין.
סיי ווי אזוי גייט קיינעם נישט אן, חוץ די דאזיגע וואס ברוגז׳ן ווייל צד שני צאלט בעסער און איך ווער צוקוועטשט!!
איך פלעג ארבעטן אמאל פאר איינע פון די פיקטשער אויסגאבעס, ממילא וועל איך דא אביסל אויסשמועסן ווי אזוי עס גייט די סיסטעם (איך וויל קלאר שטעלן אז איך שרייב נאר בכלליות אין נישט ממש יעדע חסידות באזונדער, און אזוי אויך קען זיין אז געציילטע זאכן האבן זיך שוין געטוישט)
די זאך איז איינגעטיילט אין 2 גרויסע חסידות'ער מיט קליינע
לאמיר קודם רעדן פון קליינע, דארט גייט עס אז ווען ס'איז דא א שמחה ביי די חצר, שיקט די אויסגאבע אראפ א פאטאגראפער צו כאפן בילדער, דערנאך שיקט די אויסגאבע אן אויסשטעל פון לאמיר זאגן 2 בלעטער פאר איינע פון די חסידות וואס דיעלט מיט זיי איבער בילדער אז קוק וואס איך קען דיך דעקן אבער מיר דארפן כך וכך, אויב נישט לייגן מיר 2-3 בילדער וזהו. אויב וויל ער אויך אויפן דעקל דאן קאסט דאס עקסטער. אויב האבן זיי נישט קיין קאנטאקט פערזאן אין די חצר לייגן זיי נאך אלץ אפאר בילדער פשוט צו האבן געקאווערט אלע נייעס בחצרות הקודש,
גרויסע חסידות'ער האט "יעדע" חסידות אן אקאונט און מען צאלט פאר יעדע דעקונג (חוץ אמאל אמאל ביי פאליטישע חשבונות) פשוט ווייל מען דעקט אייביג די חסידות מער ווי קליינע, אבער מען בעהט נישט עקסטער פאר די דעקל, אויב וויל ער די גרעסטע פיקטשער אויפן דעקל דארף ער אבער יא באצאלן דערפאר און מען קען זיך טיילמאל שלאגן דערפאר ווער עס צאלט מער.
אינטערעסאנט! מענטשען האבען ערענסטע דאגות (די איינציגע מאל וואס איך קען א ביסעלע פארשטיין איז ווען א גרויסע חסידות וואס האט קאמפיטישען און די בילדער זענען פון א מעמד וואס פארטרעט די חסידות למשל א יום הצלה פון די פריערדיגע רבי אדער א יארצייט)
איין זאך וואס איך פארשטיי נישט א גרויסע חסידות וואס האט נישט קיין קאמפיטישען איז ווער אינטערעסירט צו צאלען און אויך די קאלערינג בוק קאמפעני האט אין אזא חסידות א סאך מער ביזנעס אינטערעס צו לייגען בחנם ווי איינער האט א אינטערעס צו צאלען