לכתחלה, איך האב דורכגעליינט דיינע אלע תגובות, אבער סאם האו פארשטיי איך נישט אויף וואס דו שטעלסט זיך דא, מן הסתם איז דא עפעס א חלק וואס איך פארזעה, אדער וואס דו פארזעהסט. איך וועל פראבירן דיך אראפצולייגן וואס איך ווייס:
די פשוט'ע סטאנדארטן היינט אויפן אינטערנעט זענען, אז ווען איינער וויל מאכן געלט פון זיינע בילדער לייגט ער עס ארויף אויף אזאלכע וועבסייטס ווי Getty - Shutterstock און נאך, דארט קומט עס מיט א "וואטערמארק" וואס אויב דו צאלסט געלט באקומסטו עס אן דעם. יעדע צייטונג האט אקאונטס ביי אזאלכע וועבסייטס.
בילדער וואס זענען פאבליק פאר יעדעם, סיי וואס איינער לייגט ארויס אויפן אינטערנעט, און סיי וואס איינער כאפט (אפילו פון דיר אויפן גאס!) קען יעדער נוצן פאר "עדיטאריעל באנוץ" (ס'הייסט פאר אן ארטיקל וכדו'), אפגעזעהן צו דער שרייבער אדער די צייטונג זענען דא לשם מצוה אדער צו מאכן געלט. ווילאנג זיי פארשעמען נישט קיינעם, אדער מען נוצט עס נישט פאר אדווערטייזמענט.
וועגן דעם קענסטו טרעפן
דא למשל בילדער פון פריוואטע אידן וואס שטייט צום פארקויפן! דער פאטאגרעפער מאכט געלט פון יענעמ'ס צורה! אבער עס שטייט קלאר ארויס Editorial Use Only, דער אינגערמאן קען גארנישט טון, סיידן מען פארשעמט אים, אדער מען נוצט אים צו אינדארסירן א פראדוקט! און עס טוט זיך א מאסן ביזנעס אויף זיין צורה, שאטערסטאק מאכט געלט, דער פאטאגרעפער מאכט געלט, און ווער ווייסט ווער נאך?...
א שרייבער וואס וויל מאכן געלט פון זיינע בילדער, האט עס נישט וואס צו פאבליצירן פראנק און פריי אויפן אינטערנעט! זאל ער ארויפלייגן א וואטערמארק מיט אן אדרעסע וואו מען קען זיך מעלדן אויב מען וויל עס קויפן! און אויב אייוועלט איז דא צו פארדינען געלט פון די בילדער קענען 'זיי' דאס טון. אוודאי קען מען זיין אין קאנטראל פון די בילדער, אבער אז 'דו' לייגסט נישט קיין קאנטראל, קענסטו בלייבן זיצן אויפן סאפע ווארטן פאר דיין געלט...
לייגן קרעדיט פאר'ן פאטאגרעפער, דאס יא. אבער ער זאל מוזן צאלן? עס עקזיסטירט פשוט נישט אזא זאך! ווילסט מאכן נייע סטאנדארטן באזירט אויף דיינע געפילן?