"פאמיליע" חודש'ליכע אויסגאבע (מלפנים "אוצרות")

[ניק ניק]

זייער נישט א שיינע דעקל!

(געזאגט פאר כ'האב געוויסט וואס ווען ווי)

[חאצקעל]

אז איך רעד שוין וועגן די "אוצרות" וויל איך מיך דא אויסרעדן, אולי וועט עס אנקומען צו די רעדאקציע.

אין חודש סיון איז געווען א געלונגענער ארטיקל איבער די "אונגארישע רעוואלוציע" פונעם פאליטישן שטאנדפונקט, און צום סוף האט דער שרייבער אויסגעפירט אז אין קומענדיגן חודש וועט ער ממשיך זיין מיט היסטאריע דערציילונגען פון היימישע אידן וואס זענען דעמאלט אנטלאפן פון אונגארן קיין אמעריקע. למעשה האט דער ארטיקל נישט ממשיך געווען דעם חודש.

איך האף אז עס וועט משלים ווערן קומענדיגע חודש, און דאס נישט שרייבן דערפון די חודש איז צוליב די איבערפלוס פון חומר וכדומה, נישט אז מען לאזט דאס הענגען.

[געלינקטער]

http://yi.wikipedia.org/wiki/%D7%90%D7% ... 7%95%D7%AA

[באגי מען]

חודש אב איז שוין ארויסגעקומען?

[דוד פיישוט]

אין די פאריגע איז געשטאנען אז ס'דארף היינט ארויסקומען

[אויפריכטיג]

אוצרות חודש אב-אלול שוין צו באקומען אין די געשעפטן.

דאס מאל איז עס אן אויסטערלישער איבערראשונג!

הערליך שיין אויסגעשטעלט און גראפיק דעזיינט מיט א שלל פון אינטערעסאנטע ארטיקלען און א באזונדערע ביילאגע צום יארצייט פון רביה"ק מסאטמאר זי"ע.

[א טענצל!]

נו? איינער קען מאכן א סך הכל פונעם נייעם אוצרות, וואס איז די אינהאלט?

[אבי.גערעדט]

די נייע אויסגאבע איז א זעלטנהייט פון א רייכקייט, אין די ספעציעלער 24 זייטיגע ביילאגע ערשיינט א הערליכע אינטערוויו/פאנעל מיט 8 געוועזענע משבק"ים ביי הרה''ק מ'סאטמאר זי''ע דורכגעפירט דורך די טאלאנטפולע מו''ל פון ומשה היה רועה.

[ארעסטאנט]

א טענצל, פאר א סך הכל זאלסטו דאס אליינס דורכליינען. דער תוכן איך זייער רייך, און דער גרעפיקס האט זיך אויך זייער פארבעסערט.

דער ספעציעלער אויסגאבע לרגל די יארצייט פון רבי'ן ז"ל האט מיך געהאלטן געשפאנט פון ווען כ'האב איר אנגעפאנגן ביז'ן ענדיגן.

קודם כל בין איך געוואויר געווארן אסאאך נייע זאכן פון די שמועסן מיט די הויז בחורים, וואס פירט אייך אריין אין א אנדערע וועלט, לפני ולפנים בקודש פנימה, און בעיקר אויף די שעות וואס דער רבי איז געזיצן ביי זיך פריוואט, און נאר די הויז בחורים האבן מיטגעהאלטן. די צוויי פאר שיך וואס דער רבי פלעגט אנטון, די קאווע אריינטראגן יעדן אינדערפרי, דעם רבי'נס זאגן די תפילה פון הרה"ק מבוטשאטש זי"ע, די עבודת אכילה פון רבי'ן, דאס קריאת שמע של שחרית וערבית און אזוי ווייטער.

אינע'ם הויפט אויסגאבע איז דא א העכסט אינטערעסאנטע געשיכטע איבער וויאזוי רביה"ק זי"ע האט בייגעשטייערט די פאנטאסטישע סומע פון 15 טויזענט דאללער פאר די גערער ישיבה אין ארץ ישראל. אראפגעלייגט מיטן גאנצן קנאק און טעם.

[צים פינטעל]

קען איינער לייגן די קאווער?

[אויפריכטיג]

באקומען פון א חבר, אויב דאס העלפט עפעס. עס איז די דריי אויסגאבעס איינער הונטער דעם אנדערן.

[אבי.גערעדט]

.

[farshlufen]

איצט געלעזט אביסל
סחורה א פולע שיסל
עטליכע הערות פון אויבנאויף:
דער ארטיקל "כשרות אין אמעריקא" איז זייער ווייט פון א דבר השלם, רובא דרובא פון די כשרות הבשר היסטאריע האט הרב הכותב איבערגעהיפט מן הסתם מחמת חסרון ידיעה.
די אינטערוויוס מיט די הויז בחורים וואלט איך געגליכן ווען עס איז על הסדר יעדער באזונדער, נישט א געמיש אווי איצטערט, בנוסף וואס אני הקטן האב געהערט פיל עובדות מפי אט די הויז בחורים וואס ווערן גענצליך נישט ערווענט.

ר' מרדכי דוד עסטרייכערס ארטיקל איז הערליך, שיין און צוציענד אראפגעשטעלט.

דער ארטיקל איבער אמעריקאנער היסטאריע האט אריינגעבלאנדזשעט בטעות, עס געהערט נישט אין אט דעם אויסגאבע.

[מי חכם]

כמדומה אז דער בליק (ז"ל) האט געהאט אפאר יאר צוריק אזא ענליכע ארטיקל מיט די גאנץ ברידער, ועוד.

[מי יודע]

איצט געלעזט אביסל
סחורה א פולע שיסל
עטליכע הערות פון אויבנאויף:
דער ארטיקל "כשרות אין אמעריקא" איז זייער ווייט פון א דבר השלם, רובא דרובא פון די כשרות הבשר היסטאריע האט הרב הכותב איבערגעהיפט מן הסתם מחמת חסרון ידיעה.
די אינטערוויוס מיט די הויז בחורים וואלט איך געגליכן ווען עס איז על הסדר יעדער באזונדער, נישט א געמיש אווי איצטערט, בנוסף וואס אני הקטן האב געהערט פיל עובדות מפי אט די הויז בחורים וואס ווערן גענצליך נישט ערווענט.

ר' מרדכי דוד עסטרייכערס ארטיקל איז הערליך, שיין און צוציענד אראפגעשטעלט.

דער ארטיקל איבער אמעריקאנער היסטאריע האט אריינגעבלאנדזשעט בטעות, עס געהערט נישט אין אט דעם אויסגאבע.

וואס שרייבט ר' מרדכי דוד?

[ארעסטאנט]

די ארטיקל איבער ר' מאניס.

[צעיר באלפי ישראל]

לשבחם פון אוצרות יאמר אז זיי זענען עולה מעלה מעלה, וראויים לשבח. נייגעריק ווער דער מח איז דארט.

און אויף דעם וואס האט משוה געווען די גאנץ ברודערס, צו די פון וועמען מען רעדט יעצט, סלתה ושמנה פון סאטמאר, בינהם גאו"צ חשובי העדה.

נאר פליאה בעיני, אויף דעם פארווארט צום ביילאגע, וואס האט אין זיך אנדערע שטריכן, בניגוד צום כלל פון דור ודור ודורשיו, כידוע די מימרא פון צדיקים אויף ולא ידע איש את קבורתו.

[והוא פלאי]

לשבחם פון אוצרות יאמר אז זיי זענען עולה מעלה מעלה, וראויים לשבח. נייגעריק ווער דער מח איז דארט.

און אויף דעם וואס האט משוה געווען די גאנץ ברודערס, צו די פון וועמען מען רעדט יעצט, סלתה ושמנה פון סאטמאר, בינהם גאו"צ חשובי העדה.

נאר פליאה בעיני, אויף דעם פארווארט צום ביילאגע, וואס האט אין זיך אנדערע שטריכן, בניגוד צום כלל פון דור ודור ודורשיו, כידוע די מימרא פון צדיקים אויף ולא ידע איש את קבורתו.

אין זה סתירה בכלל לדור דור ודורשיו
וכידוע מה שאמר החי' הרי"ם, שהרבי מלובלין נקרא סתם רבי בפולין עד ביאת משיח
כי יש צדיק שמייסד או שותל דבר מחדש, ועל שמו נקרא הכל עד דרא בתראה
לבד מזה, ידוע מה שאמר בשבועות תשל"ח כאשר אמרו לפניו התפארת שלמה של דור לדור ישבח מעשיך
והשיב למחרתו, עס איז נישט קיין דור

[farshlufen]

ימחול נא הרב הצעיר, אזוי בין איך נתחנך געווארן און גענוי דאס וואלט איך געשריבן. 

[באגי מען]

איך האב געוואלדיג הנאה געהאט פון די מעשה אז די רעבעצין האט אמאל אריינגעטראגן אין א הייסע זומער טאג היימישע אייז-קרים פארן רבי'ן, און געזאגט אז עס איז געזונט, ס'איז בלויז אייער; סמייטע; און צוקער. האט דער רבי געזאגט אזוי? ס'איז געזונט? דאן גיב מיר די אייער עקסטער, די סמייטע עקסטער, און די צוקער עקסטער, אבער דאס צוזאמען נישט...

[דוד פיישוט]

די מאראקא ארטיקל איז זייער שיין (זעט אויס אז ער שרייבט עס דא אנשטאט אין בלאט)

[פליגל]

די מעשה מיטן אייז קרעים איז לויט ווי כ'אב געהערט פון איינעם וואס איז אביסל באקאנט מיט דעם, ער זאגט אז די דאקטוירים האבן געהייסן עס צי געבן פארן רבין, מ'האט'ם דערציילט אז דער נאסאדער רב זצ"ל האט דאס אויך געגעסן, ער איז נישט אינגעגאנגן דערויף, ער האט געפרעגט וואס ליגט דערין האט מען אים געזאגט ווי אויבן דערמאנט, אויף דעם האט ער געזאגט אז מ'זאל'ס'ם גיבן איעדע באשטאנטייל באזינדער.

אגב, אויפן נאסאדער רב דערציילט מען אז ער האט געבעטן אויב מ'קען'ס אנווארעמען, ווי באקאנט פלעגט ער עסן גאר הייסע זאכן.

[farshlufen]

נאך איין בויענדע קריטיק, איך בעט מ'זאל מיר נישט פארשטיינערן..

די גלידה אדווערטייזמענט פאסט נישט אהער.

[מיללער]

געליינט די געוואלדיגע ווערק פון 'אוצרות' צאמגענומען פון די ערשטע הויז-בחורים בני עלי' וואס האבן זוכה געווען משמש צו זיין דעם הייליגען רבי'ן זי"ע לפני ולפנים, תחזקנה ידי בעלי האוצרות! שכרכם גדול וכפול.

[אויפריכטיג]

דער ארטיקל איבער אמעריקאנער היסטאריע האט אריינגעבלאנדזשעט בטעות, עס געהערט נישט אין אט דעם אויסגאבע.

זיי פרובירן צו צושטעלן אויסגעהאלטענע ליין מאטעריאל פאר אלע סארטן ליינער.