אברהם דוד האט געשריבן:הענדימען האט געשריבן:אברהם דוד האט געשריבן:מען קען אוודאי נישט אויסלאזן די בריטישע מעדעצינישע געריכט וואס האט אוועקגענומען די לייסענס פון דר. וועיקפיעלד
זייער שיין ארויסגעברענגט די גאנצע תגובה.
דא פעלט אויס אביסל מרחיב צו זיין ווייל אסאך מענטשן האבן א פונדאמענטאלע טעות וואס קען צומאל אריינשפילן אין די הענט פון ד אנטיס
וועיקפיעלד'ס מעדיקעל לייסענס האט מען נישט אוועקגענומען וועגן וואקסינען. נאר פארן פעלטשן א סטאדי און נאך מיסברויכן
דאס הייסט אז די טענה אז א דאקטאר וואס זאגט א מיינונג קעגן וואקסינען פארלירט זיין לייסענס - והא ראי' וועיקפיעלד - איז נישט אמת
גראדע זענען די פעלשערייען און מיסברויכן געווען געצילט אויפציווייזן אז וואקסינען זענען שעדליך וואס -אגב- ווייזט אויף ווי קראנט די שטודיעס קעגן וואקסינען זענען. אויב האבן זיי אמת'ע. פארוואס דארפן זיי מאכן פאלשע?
א דאנק פאר אייער הערה.
אז מען רעדט שוין וואלט געווען כדאי צו צולייגן אביסל מער איבער דר. וועיקפיעלד'ס טענה אז וואקסין ברענגט אויטיזם. (קרעדיט: צום געזונט).
אין יאר 1998 האט די 'לענסעט' מעדיצינישע דזשורנאל פובליצירט א ארטיקל געשריבן דורך דר. ענדרו וועיקפיעלד וואס האט גע'טענה'ט אז עס איז דא א פארבינדונג צווישן די MMR וואקסין און אויטיזם.
די שטודיע איז נישט געווען באזירט אויף סטאטיסטיקס, נישט געווען באזירט אויף א קאנטראלירטע גרופע, האט זיך פארלאזט אויף מענטשן'ס זכרון, און האט געמאכט אומבאשטעטיגטע באשלוסן וואס זענען נישט געווען וואליד לויט די סטאטיסטישע כללים.
מענטשן האבן אנגעהויבן נאכפארשן זיינע באשולדיגונגען,
אין 1999 האט א שטודיע אויף 500 קינדער נישט געטראפן קיין שום פארבינדונג צווישן MMR און אויטיזם,
אין 2001 האט א שטודיע אויף 10,000 קינדער ווייטער נישט געטראפן קיין פארבינדונג,
אין די קומענדיגע 2 יאר האט א שטודיע פון דענמארק אויף 537,000 קינדער און א שטודיע פון פינלאנד אויף 535,000 קינדער אויך נישט געטראפן קיין שום פארבינדונג.
אין 2004 האט 'לענסעט' ארויסגעגעבן א סטעיטמענט אפצופרעגן און זיך אפצושאקלען פון די ארגינעלע באריכט, זיי האבן געשריבן דאס פאלגענדע:
"זיי [די וואס האבן דורכגעפירט די שטודיע] האבן אגרעסיוו אויסגעפירט זייערע פארשונגען אויף די קינדער אן באקומען די נויטיגע עטישע באשטעטונגען... ארויסגענומען און אויסגעוועהלט דעטע וואס האט בייגעשטייערט צו זייער קלאגע; זיי האבן געפעלשט פאקטן."
אין 2005 האט א איבערזיכט אויף א סך הכל פון 31 שטודיעס וואס צוזאמען האט עס געדעקט איבער 10,000,000 קינדער אויך נישט געטראפן קיין שום פארבינדונג.
אין 2010 איז דר. ענדרו וועיקפיעלד געטראפן געווארן שולדיג דורך א געריכט אין פעלשן ריסירטש דעטע און דערפאר האט מען אוועקגענומען זיין לייסענס.
אין 2012 האט א איבערזיכט אויף א גרופע פון 27 שטודיעס. 17 קעיס קאנטראלירטע שטודיעס, 6 זעלבסט-קאנטראלירטע קעיס סעריע שטודיעס, 5 צייט סעריע טרייעלס, 2 ענווייראמענטליכע שטודיעס, און 1 קעיס צוזאמשטעל טרייעל וואס צוזאמען האבן זיי געדעקט איבער 14,700,000 קינדער. (די פונקטליכע חילוקים פון די אלע סארט שטודיעס אין א צווייטע געלעגנהייט בל''נ). קיין שום פארבינדונג צו אויטיזם איז נישט געטראפן געווארן אין קיין איין קעיס פון אלע פון די שטודיעס.
אבער פארט, לויט אן אנקעטע גלייבן נאך היינט צוטאגס איינס פון יעדע פיר עלטערן אז געוויסע וואקסינען ברענגט אויטיזם אין געזונטע קינדער..
וואס איז די סתירה, לאמיר זאגן אז mmr ברענגט נישט אוטיזם, אבער סדא מומחים וואס טענען אז dpt און אנדערע וועקסינס איז גורם אוטיזם.
אגב דא קען מען זען די שקר פון סידיסי וואס זאגן אז סטאדיס האבן אויך געוויזן אז וועקסינס ברנענגט נישט קיין אוטיזם, בשעת וואס די סטאדיס זענען נאר געווען אויף איין וועקסין, און אויף tpt זאגט די iom אז זיי ווייסן נישט צו סברענגט יא אדער נישט אוטיזם, זה דרכם כסל למו צו זאגן האלבע אמת און גאנצע ליגנט, און אויף זיי פארלאזן זיך רוב דאקטוירים.