וואקסינען דעבאטע

די אחראים: נאך עפעס, חיים נחום

Waukesha
שר חמישים ומאתים
תגובות: 272
זיך איינגעשריבען אום: מאנטאג דעצמבער 03, 2018 12:31 pm
לאקאציע: Waukesha City, Waukesha County WI

תגובהדורך Waukesha » מאנטאג יולי 01, 2019 4:34 pm

נשמה האט געשריבן:ב"ה

איך וויל דיך פרעגן איין זאך, אבער ענטפער מיר דעם אמת: אויב וואלט יעצט ארויסגעקומען אזא מין געדאנק ווי געבן וואקסינען, און ס'איז נישטא אזא סכנה פון פאליא, אדער מיזעלס, און די אלע קרענק רח"ל, ס'איז נאר זייער זייער א ווייטע חשש, וועם וואלסטו מער געקליבן אז מ'זאל מאכן די שטודיעס די מערסטע Safe, די פרא-וואקסינען, אדער די אנטי? וועם וואלט דיין הארץ ענדערש געוואלט זאל זיין אין טאפ פון די שטודיעס צו שטודירן צו ס'איז Safe צו נישט, די פרא אדער די אנטי?

זאג מיר נישט: וואס איז נישט גענוג גוט מיט די פרא טערמינען. איך פרעג דיר: ווער זוכט ביי דיר מער Safety?

אויב דו ענטפערסט: אז דו ווילסט ענדערש די אנטי? מוזטו אליין מודה זיין אז די פחד פון מיזעלס, פאליא, און די אלע קרענק רח"ל איז וואס טרייבט דיך אז מ'זאל יא באשטעטיגן דעם וואקסין. אויב אזוי: ווערסטו געטריבן פון פחד און נישט פון די זיכערקייט פון וואקסינען?


דער טענה איז גאר א נארישע טענה, לאמיר דיר פרעגען עפעס, די עסט? וואס עסט די? עפעס וואס האט קארבס? האסט נישט מורא פון די גאר ווייטע חשש אז דאס איז גורם diabetes? עפעס וואס האט פעט? האסט נישט מורא פון די גאר ווייטע חשש אז דאס איז גורם הארץ פראבלעמען? עסט נאר פאלשע זאכן (ספלענדא וכדומה)? האסט נישט מורא פון די גאר ווייטע חשש אז דאס הרגע'ט? וואס איז דיר געבליבן? טרינקסט בלויז וואסער, און די עסט גארנישט? אויב נישט איז טייטש אז די עסט יא.

זאג מיר נישט אז ווען מען עסט א קליין מאס איז נישט דא די אלע פרעבלעמען, ווייל א חשש רחוק בלייבט אלעמאל יא.

דען פארוואס עסט די? ווייל די האסט מורא די גייסט שטארבען פון הונגער? קומט אויס אז דיין גאנצען עסען איז געטריבן בלויז פון פחד פון שטארבן פאר הונגער.

כדי שלא יניח הנייר חלק וועל איך דיר ענטפערן אויף דיין טענה, די פאקט אז מען קוקט אויף risk vs benefit מיינט נאך נישט אז מען האט א פחד פון די ריסק, ס"ה מיינט עס אז מען קען מיט א קלארע קאפ אן קיין שום פחד זיך זעצען און מאכן א חשבון אז עס לוינט ענדערש צו געבן וואקסין און נישט צו באקומען די מחלה זעלבסט. אויב די האסט געליינעט אברהם דוד'ס תגובות ווייסט די אז עס זענען דא וואקסינען וואס די risk-benefit anylasis ווייזט אז פארן אלגעמיינעם עולם לוינט זיך נישט צו נעמען די וואקסין. און מען האט נישט קיין פחד פון די מחלה זעלבסט


דרך אגב @אברהם דוד ייש"כ פאר דעם וואס
אברהם דוד האט געשריבן:פילע גאר אינטרעסאנטע און אינפארמיטווע תגובות.

גרויסע-גדולה
שר חמש מאות
תגובות: 558
זיך איינגעשריבען אום: זונטאג אפריל 02, 2017 12:55 pm

תגובהדורך גרויסע-גדולה » מאנטאג יולי 01, 2019 7:20 pm

אברהם דוד האט געשריבן:
זכריהו האט געשריבן:
אברהם דוד האט געשריבן:די אל"ף בי"ת פון א שטודיע



לאמיר געבן איין קליינע משל פון א זאך וואס נעמט מיר ארויס די לופט פון די רעדער,
איך האב געשריבן אין א פריערדיגע תגובה איבער שטודיעס וואס די גאווערמענט פארלאנגט, איך האב נישט געשריבן אז מען פירט דאס טאקע אויס, איך האב נישט געשריבן קיין גאר הויעכע ענינים, איך האב בלויז געשריבן אז אויב זענט איר נישט גענוג משוגע צו האלטן אז אלע רעגירונגען פון די וועלט ארבעטן בייזוויליג אקעגן די אינטערעסן פון די בירגער, דאן זענען דאס זייערע סטאנדארטן און רעגולאציעס בנוגע וואקסין, דאס איז נישט קיין קאמפליצירטע פאקט, און יעדער קען מיט איין סירטש ליינען די זעלבע זאך וואס איך האב געליינט.

קומט איינער, וואס איך בין נישט זיכער אז ער האט אפילו דורכגעליינט מיין תגובה, שאקעלט זיך אויף זיין באקוועמע אפיס בענקל, און שיקט א תגובה'לע, "ר' אברהם דוד, מקורות ביטע?"

.

יוי. ר' אברהם דוד , די פנים פלאמט מיר פאר בושה. איך בין דער וואס האט געשריבן "מקורות ביטע".
אבער ביטע נעם אן מיין התנצלות, ווי פאלגענד.
איך האב שוין אסאך גענישטערט אינ'ם ענין. און איך בין אויף איין זייט מיט דיר. דאס איבערוויגענדע אינפארמאציע, און דאס פשוט'ער לוגיק זאגט ווי דיר. ווען איך האב געזען דיינע תגובות בין איך ארויס פון התפעלות פון די צייט און מיה וואס דו האסט גענומען דאס אראפצושרייבן אזוי קלאר און מסודר.
נאר וואסשע דען. איך האב נישט די מעגליכקייט נאכצוגיין יעדע פרט וואס דו האסט געשריבן. פון פריש צאמשטעלן דאס בילד וואס דו האסט אראפגעמאלן. ע''כ האב איך געטראכט, אז אויב די פרטים קומען מיט footnotes פאר מקורות, וואלט עס געווען נאך שטערקער, און וואלט בעסער אפגעשטילט די לעכערליכע טענות אויף פארקערט. איך האב בכלל נישט געמיינט אפצוווארפן דיינע רייכע תגובות מיט א דריק פונ'ם מייזל.
יעצט קוק איך צוריק, און איך זע אז מען קען טאקע גרינג אפטייטשן מיין תגובה ווי א מאך מיט די הענט. אבער זייטס מיר מוחל ווייל דאס איז נישט געווען מיין כוונה בכלל.
ואתכם הסליחה.
mi a nagy ügy

גיט
שר מאה
תגובות: 240
זיך איינגעשריבען אום: מיטוואך דעצמבער 27, 2017 9:34 pm

תגובהדורך גיט » מאנטאג יולי 01, 2019 9:36 pm

יישר כח ר' אברהם דוד איך ווייס נישט נאך וועם די הייסט, אבער איך בין זיכער אז דער נאמען שטאמט פון א קלוגע איד, די ביסט די ערשטע מענטש דא אין די אשכול וואס שרייבט צו די זאך אין צום פינטל אן אלע פאדרייענישען, איך מיז דיר זאגן אז די האסט זייער א גיטע שריפט, אין זייער א מסודר'דיגע וועג פון שרייבן.
יישר כח

מצפים לישועה
שר האלף
תגובות: 1087
זיך איינגעשריבען אום: זונטאג אוקטובער 15, 2017 2:49 pm

תגובהדורך מצפים לישועה » דינסטאג יולי 02, 2019 5:00 am

אברהם דוד האט געשריבן:אין די אנפאנג 1990'גער יארן איז אויסגעטראפן געווארן א אנטידזשיען אקעגן די העפיטייטוס עי וואקסין עס זענען געווען צוויי דראג פירמעס וואס האבן דעמאלס געארבעט אויף א העפיטייטוס עי וואקסין, 'מערק' איז געווען איינע פון די צוויי פירמעס, און זיי האבן אנגענומען דר. ווערצבערגערס ביטע אויסצופירן א טרייעל אין קרית יואל. דר. ווערצבערגער האט דאס געבעטן וויבאלד ער האט געוואלט אויסראטן העפיטייטוס עי פון ק''י, אין ק''י פלעגט ביז דעמאלס זיין יעדע שטיק צייט א אויסברוך פון העפיטייטוס עי מיט הונדערטער אפעקטירטע וואס אסאך פון זיי זענען אנגעקומען אין שפיטאל.

דר. ווערצבערגער האט פארשאפט 1,037 וואלונטירן פאר די טרייעל, ער האט געזוכט בעיקר קינדער ווייל ער האט געהאלטן אז די אויסברוכן קומען בעיקר פון זיי, א קינד וועט געווענליך נישט באקומען די סימפטאמען פון העפיטייטוס עי אבער ער טראגט דאס ווייטער, דאס מאכט זייער שווער דאס אויסצומיידן.

אין חודש סיון תשנ''א, הארט בעפאר די ערווארטעטע זומער אויסברוך, האט ער אנגעהויבן געבן די וואקסין אין א 'דאפעלטע בלינדע שטודיע' (נישט די דאקטוירים און נישט די עלטערן האבן געוואוסט ווער עס באקומט וואס). 519 קינדער האבן באקומען די וואקסין און 518 האבן באקומען א פלאסיבא. די טעסט איז געווען אויף די אפעקטיווקייט פון די וואקסין, דאס מיינט צו זעהן אויב די וואקסין העלפט טאקע באשיצן פון העפיטייטוס, אבער אגב האט מען גלייך נאכן געבן די וואקסין דאס פאררעכנט צו זיין א איבערווייז אויך אויף די זיכערקייט דערפון זינט קיין איינער פון די פאציענטן האבן נישט געוויזן קיין ערענסטע זייטיגע אפעקטס פון די וואקסין. (אויב איז אמת אז אין די פלאסיבא האט מען אריינגעלייגט אלומינום און דאס גלייכן, ווייזט עס אז נישט נאר אויף די 519 האט עס גארנישט געשעדיגט נאר אפילו נישט אויף די איבעריגע 518 פלאסיבא קעיסעס, און דאס מיינט נאך א גרעסערע סוקסעס (לויט וויאזוי זאכן גייען וועלן זיי נאך זאגן אז אלומינום ברענגט העפיטייטוס..)).

מען האט צאמגענומען א זעלבסטשטענדיגע קאמיטע פון וועלטסבארימטע עקספערטן צו איבערקוקן די רעזולטאטן פון דעם טרייעל.

נאך פיר חדשים זענען געווען 25 פעלער העפיטייטוס עי אין די גרופע. די ערשטע פאל איז געשעהן אין די 50'טע טאג נאכן באקומען די וואקסין (דאס מיינט אז די העפיטייטוס איז זיכער נישט געקומען אלס תוצאה פון די וואקסין, אבער מען דארף נישט צוקומען צו דעם, אזויווי איר וועט שוין זעהן). סוף חודש חשון תשנ''ב, ווען די אויסברוך איז שוין אפיציעל אדורך, האט מען באשלאסן צו עפענען די רעזולטאטן צו זעהן פון וועלכע גרופע די אפעקטירטע זענען געווען. מען האט פארזיכטיג איבערגעקוקט יעדע פון די 25 פעלער צו זיכער מאכן אז עס איז טאקע געווען העפיטייטוס עי. און די רעזולטאטן זענען געווען שאקירנד! אלע פינעף און צוואנציג אפעקטירטע זענען געווען פון די גרופע וואס האבן באקומען די פלאסיבא און קיין איין פון די קינדער וואס האבן געהאט באקומען די וואקסין זענען נישט געווארן אפעקטירט! עס איז געווען א 100% סוקסעס, און דעמאלס האט מען וואקסינירט אלע איבעריגע קינדער אין קרית יואל, אין די קומענדיגע וואך איז געווען נאך 34 פעלער און דאן אין די נאכפאלגענדיגע אכט חדשים נאך 10 פעלער און שוין! מען האט סוקסעספול אויסגעראטן העפיטייטוס עי פון קרית יואל!

עס האט גענומען נאך פינעף יאר ביז די העפיטייטוס עי וואקסין איז געווארן אפיציעל באשטעטיגט, אבער אין קרית יואל האט מען עס אנגעהויבן נוצן גלייך דעמאלס וויבאלד דר. ווערצבערגער האט געהאט צוטריט דערצו צוליב די טרייעל. (איך מיין אז עס איז געווען אפיציעל פאר ווייטערדיגע שטודיעס). אין די קומענדיגע פינעף יאר איז נישט געווען קיין איין אויסברוך אין קרית יואל! דר. צוקער, א אנדערע לאקאלע דאקטער, האט זיך געווערטלט דעמאלס צו דר. ווערצבערגער זאגנדיג אז "איך גיי דיר רופן צו דין תורה ווייל דו האסט אוועקגענומען אלע מיינע פאציענטן."
די רעזולטאטן פון די דעמאלסדיגע טעסטס האט געהאט א דראמאטישע אפעקט איבער די גאנצע דאקטוירישע וועלט. די מאנראו אפיקטיווקייט טרייעל איז געווארן אנגערופן אלס איינס פון די העסטע צען פארשריטן אין מעדעצין פאר יאר 1992 לויט די 'הארווערד העלט לעטטער'. און איז געווארן געדעקט אין די ניו יארק טיימס און אין די וואל סטריט דזשורנאל. עס ליגט דערמאנט,
היינט צוטאגס, אין די קליינע פאמפלעט וואס קומט מיט מיט יעדע וואקסין.

לאמיר ציטירן פון די 'ניו ענגלאנד דזשורנאל אוו מעדעצין', אוגאוסט 13, 1992
"צו אפשאצן די אפעקטיווקייט פון די העפיטייטוס עי וואקסין אין באשיצן קעגן דעם דיזיעז, האט מען אויסגעפירט א דאפעלטע בלינדע, פלאסיבא קאנטראלירטע טרייעל אין א חסידישע אידישע קאמיוניטי אין אפסטעיט ניו יארק וואס פלעגט האבן נאכאנאנדיגע אויסברוכן פון העפיטייטוס עי.
ביים אנפאנג פון א זומער אויסברוך, זענען 1,037 געזונטע קינדער אין די עלטער פון 2 ביז 16 יאר געווארן רענדאם אויסגעוועהלט צו באקומען איין אינדזשעקשאן פון א העפיטייטוס עי וואקסין אדער א פלאסיבא. די וואקסין איז געווארן גוט טאלערירט, אן קיין איין ערענסטע רעאקציע דערצו, (קיינער האט נישט געוויזן קיין ערענסטע סייד עפעקטס). פון די 50'טע טאג נאך די אינדזשעקשאן, האבן פאסירט אין די פלאסיבא גרופע 25 פעלער פון העפיטייטוס עי און קיין איין פאל אין די וואקסין גרופע, דאס איז געווען א באשטעטיגונג אז די וואקסין האט געהאט א הונדערט פראצענטיגע באשיצונג אפעקטיווקייט אין דעם גרופע."

אבער,
דאס הייסט א קאנטראל גרופ?

טענו לו בחיטים והודה לו בשעורים, איך רעד פון סעיפטי סטאדיס ענטפערט ער מיר פון עפעקטיוו סטאדי, איך רעד פון גרויסע סטאדיס ענטפערט ער מיר פון בלויז טןיזענט קינדער, איך רעד פון קינדער פון איין יאר אלט, ענטפערט ער מיר פון ביז 16 יאר אלט.

יעצט בנוגע סעיפטי, איך האלט אויך אז 500 קינדער איז גאנץ גוט פאר א סעיפטי סטאדי, אבער ד"ר פלאטקין האלט אז 600 קינדער איז נישט גענוג א גרויסע סטאדי, בנוגע וואס מען האט אים געפרעגט אז די גארדיסיל וועקסינ סטאדי האט געוויזן 2% אטאאימיאן דיסיס, און אין די פלעסיבא גרופ פון 600 קינדער איז געווען 0% אטאאימיאן דיסיס, האט ער ער געענטפערט אז 600 איז צו ווייניג פאר א סטאדי, סאו חברה מעיק אף יאר מיינד.

Waukesha
שר חמישים ומאתים
תגובות: 272
זיך איינגעשריבען אום: מאנטאג דעצמבער 03, 2018 12:31 pm
לאקאציע: Waukesha City, Waukesha County WI

תגובהדורך Waukesha » דינסטאג יולי 02, 2019 11:14 am

מצפים לישועה האט געשריבן:טענו לו בחיטים והודה לו בשעורים, איך רעד פון סעיפטי סטאדיס ענטפערט ער מיר פון עפעקטיוו סטאדי, איך רעד פון גרויסע סטאדיס ענטפערט ער מיר פון בלויז טןיזענט קינדער, איך רעד פון קינדער פון איין יאר אלט, ענטפערט ער מיר פון ביז 16 יאר אלט.

יעצט בנוגע סעיפטי, איך האלט אויך אז 500 קינדער איז גאנץ גוט פאר א סעיפטי סטאדי, אבער ד"ר פלאטקין האלט אז 600 קינדער איז נישט גענוג א גרויסע סטאדי, בנוגע וואס מען האט אים געפרעגט אז די גארדיסיל וועקסינ סטאדי האט געוויזן 2% אטאאימיאן דיסיס, און אין די פלעסיבא גרופ פון 600 קינדער איז געווען 0% אטאאימיאן דיסיס, האט ער ער געענטפערט אז 600 איז צו ווייניג פאר א סטאדי, סאו חברה מעיק אף יאר מיינד.


ס'איז קלאר ווי די טאג אז די האסט זיינע תגובות אדער נישט געליינעט אדער אז די איגנעריסט די חלקים וואס די קענסט נישט אפ-פרעגען. איך וואלט מייעץ געוועהן יעדער וואס פילט אז ער ווערט איבערגענומען פון @מצפים לישועה זאל צוריק גיין און ליינען דער תגובה דא במלואו, און דערנאך זען ווי זיינע קשיות פאנגען זיך נישט אן אין לאזען זיך נישט אויס.

אוועטאר
פארפלאמטער
שר חמישים
תגובות: 53
זיך איינגעשריבען אום: פרייטאג פאברואר 23, 2018 1:54 pm

תגובהדורך פארפלאמטער » דינסטאג יולי 02, 2019 11:38 am

באקומעך נעכטן א מעדעצין פונעם דאקטאר פאר א קינד, און אזוי ווי אונז זעמיר באכאשעם 'קלוג' געווארן לעצטנס האבעך אנגעפאנגען צו ליינען דעם 'אינסערט', והנה נישט מער און נישט ווייניגער, אין דעם אינסערט שטייט קלאר און דייטליך אז די מעדעצין קען ברענגען מחלות נוראים רח"ל, און אפילו אזעלכע מחלות וואס וועט ח"ו קיינמאל אוועקגיין ל"ע.
אויב איז דאס נישט גענוג שטייט נאך צום סוף: אז קען ח"ו צוברענגען צו אזוי ווייט ווי 'טוי...' רח"ל!!!
געוואלד און געשריגן! לאזט אייך נישט נארן! די דאקטורים ווילן אונז אלע אויסראטן ווי די מייז!!!
פאנגט אן צו געבן אינטערוויאס אויף די מידיא מסביר צו זיין די שעדליכקייט דערפון!!!
גיימער אין סענאט פראטעסטירן!!!
נ.ב. רצו"פ די ראיות מוכיחות.

העיקר שכחתי, די מעדעצין איז א רעגולער מעדעצין וואס מען גיבט פאר א סטרעפט!!!
נו, ווער גייט אויפקלערן אז מען לייענט נישט די אינסערטס פון די מעדעצינען?!

Capture (4).JPG
Capture (4).JPG (103.76 KiB) געזעהן 2273 מאל
לעצט פאראכטן דורך פארפלאמטער אום דינסטאג יולי 02, 2019 3:14 pm, מאל פאראכטן געווארן 1 סך הכל.

פארשער
שר חמש מאות
תגובות: 915
זיך איינגעשריבען אום: מיטוואך דעצמבער 16, 2009 7:20 pm
פארבינד זיך:

תגובהדורך פארשער » דינסטאג יולי 02, 2019 2:27 pm

וואו קען מען זען פאר אומזיסט דער פולער טעקסט פון די העפיטייטעס עי מאנראו עפיקעסי טרייעל?

מחשב
שר האלף
תגובות: 1194
זיך איינגעשריבען אום: דינסטאג יולי 17, 2018 3:57 pm

תגובהדורך מחשב » דינסטאג יולי 02, 2019 2:59 pm

Waukesha האט געשריבן:
מצפים לישועה האט געשריבן:טענו לו בחיטים והודה לו בשעורים, איך רעד פון סעיפטי סטאדיס ענטפערט ער מיר פון עפעקטיוו סטאדי, איך רעד פון גרויסע סטאדיס ענטפערט ער מיר פון בלויז טןיזענט קינדער, איך רעד פון קינדער פון איין יאר אלט, ענטפערט ער מיר פון ביז 16 יאר אלט.

יעצט בנוגע סעיפטי, איך האלט אויך אז 500 קינדער איז גאנץ גוט פאר א סעיפטי סטאדי, אבער ד"ר פלאטקין האלט אז 600 קינדער איז נישט גענוג א גרויסע סטאדי, בנוגע וואס מען האט אים געפרעגט אז די גארדיסיל וועקסינ סטאדי האט געוויזן 2% אטאאימיאן דיסיס, און אין די פלעסיבא גרופ פון 600 קינדער איז געווען 0% אטאאימיאן דיסיס, האט ער ער געענטפערט אז 600 איז צו ווייניג פאר א סטאדי, סאו חברה מעיק אף יאר מיינד.


ס'איז קלאר ווי די טאג אז די האסט זיינע תגובות אדער נישט געליינעט אדער אז די איגנעריסט די חלקים וואס די קענסט נישט אפ-פרעגען. איך וואלט מייעץ געוועהן יעדער וואס פילט אז ער ווערט איבערגענומען פון @מצפים לישועה זאל צוריק גיין און ליינען דער תגובה דא במלואו, און דערנאך זען ווי זיינע קשיות פאנגען זיך נישט אן אין לאזען זיך נישט אויס.



קלארער צו מסביר זיין פאר דער וואס האט נישט קיין געדולד צו איבערגיין.

מצפים לישועה האט געשריבן:איך רעד פון סעיפטי סטאדיס ענטפערט ער מיר פון עפעקטיוו סטאדי


די ענטפער:

אברהם דוד האט געשריבן:די טעסט איז געווען אויף די אפעקטיווקייט פון די וואקסין, דאס מיינט צו זעהן אויב די וואקסין העלפט טאקע באשיצן פון העפיטייטוס, אבער אגב האט מען גלייך נאכן געבן די וואקסין דאס פאררעכנט צו זיין א איבערווייז אויך אויף די זיכערקייט דערפון זינט קיין איינער פון די פאציענטן האבן נישט געוויזן קיין ערענסטע זייטיגע אפעקטס פון די וואקסין.


עס איז גאנץ א קליינע גרופע פאר סעיפטי טאמער מען טרעפט יא קליינטשיקע חילוקים, אבער אויב מ'טרעפט 'גארנישט' איז עס גוט.
הוי מחשב...

אוועטאר
איש האשכולות
שר האלף
תגובות: 1949
זיך איינגעשריבען אום: דינסטאג אוגוסט 16, 2016 3:45 pm
לאקאציע: יעצט בין איך דא

תגובהדורך איש האשכולות » דינסטאג יולי 02, 2019 7:00 pm

@אברהם דוד, איר וואלט אנגענומען א שיעור עיון מגיד שיעור פאסטן?!

איך ווער משוגע פון די קלארקייט און די פאסיווקייט וואס די פארמאגסט.
וויכטיג מאכער: סאו ווען ס'מאכצעך אז א ניק פרעגט באמת א פראגע, קריגט ער אן ענטפער, שטייצעך אויב סיז דא, אבער ווען א ניק נוצט זיין קיבארד צו פארהיילן א ווייטאג, טריי איך געווענליך אים נישט צו שטערן.

אוועטאר
לעגאו מענטשעלע
שר האלף
תגובות: 1006
זיך איינגעשריבען אום: דאנארשטאג מאי 09, 2019 3:44 pm
לאקאציע: אויפן לעגאו בארד

תגובהדורך לעגאו מענטשעלע » מיטוואך יולי 03, 2019 11:21 am

די מערסטע בין איך אנטציקט פון ר' אברהם דוד'ן דאס אז ער לאזט זיך נישט אריין אין קיין קינדערישע וויכוחים! ער זאגט אפ דאס זייניגע, שטעלט אראפ שטאנדהאפטיגע סחורה. און גענדיגט! ווילסט נישט גלייבן?! פיין... גלייב נישט!!
ווייל ער איז א דרשו איד!

אוועטאר
אברהם דוד
שר מאה
תגובות: 120
זיך איינגעשריבען אום: מיטוואך יוני 14, 2017 11:53 pm

תגובהדורך אברהם דוד » מיטוואך יולי 03, 2019 3:31 pm

א גרויסן דאנק פאר אלע וואס האבן מיר אזוי ווארעם אויפגענומען דא, דזשאסט דאנט געט יוזט טו מי, ווייל איך גלייב נישט אז איך וועל זיין דא אזוי אפט.

א גרעסערן דאנק פאר די חשובע ניקים (Waukesha בפרט) וואס האבן מיר געשפארט די פינגער ווייטאג פון דארפן איבערקייען נאכאמאל מיינע נעכטיגע קאשע און זייערע חדשים אדער יארן אלטע קאשע.. (וויאזוי האבן ענק כח דערצו?? איך האב בלויז געליינט אביסל ביז אהער און איך בין זאט ביז איבער די נאז..)

אפאר קורצע הערות בעפאר איך גיי צו מיין קומענדיגע תגובה.

גיט האט געשריבן: די ביסט די ערשטע מענטש דא אין די אשכול וואס שרייבט צו די זאך אין צום פינטל אן אלע פאדרייענישען

איך בין זייער דאנקבאר אייער קאמפלימענט, אבער איך קען דאס נישט אננעמען ווען עס זיצן דא שוין פאר א לענגערע צייט עטליכע חשובע אידן, און ווערן נישט מיד און ענטפערן נאכאמאל און נאכאמאל, אויף אלע מינע קלארע, באהאווענטע, און איבערווייזענדע אופנים, בלויז כדי צוריקצובאקומען די זעלבע נעכטיגע קשיות, צומאל אפילו מיט די זעלבע ווערטער אן דאס מינדערסטע מענטשליכקייט עס כאטש אויסצושטעלן אויף א אנדערע פארמאט.
וואויל איז אייך און וואויל איז אייער חלק!

גרויסע-גדולה האט געשריבן:אבער ביטע נעם אן מיין התנצלות...

Apology totally accepted...
איך האב אייך בלויז גענוצט אלס שטעקן ארויסצוברענגען א פוינט, איך וואלט פונקט אזוי געקענט נעמען עטליכע אנדערע ביישפילן, און עס טוט מיר וויי מיין פארדרוסליכע טעות.
אויב איך מעג זיך ערקלערן, ווען איך רעד פערזענליך צו א מענטש ווייס איך צו וועמען איך רעד, דאס איז א פריווליגיע וואס פעלט דא אויף אייוועלט, עכ''פ מיט א ערשטע בליק.
__________

Waukesha האט געשריבן:די פאקט אז מען קוקט אויף risk vs benefit מיינט נאך נישט אז מען האט א פחד פון די ריסק, ס"ה מיינט עס אז מען קען מיט א קלארע קאפ אן קיין שום פחד זיך זעצען און מאכן א חשבון אז עס לוינט ענדערש צו געבן וואקסין און נישט צו באקומען די מחלה זעלבסט.

מחשב האט געשריבן:דער אמת איז אז כ'וויל נישט די פרא און נישט די אנטי'ס זאלן פארשן א וואקסין. נאר א גרויסע קאמיוניטי פון סייענטיסטס, וואס ווייסן וויאזוי מ'שטודירט.


וואויל געזאגט!
די פראבלעם איז אז די רעגירונג קען נישט נעמען קיין סייענטיסטן וויבאלד פראפעסיאנאלען ווייסן נישט וואס טוט זיך מיט זייער לעבן.. אין קאלעדזש לערנט מען בלויז איבער עפל דזשוס..
__________

And just as a side note,
איש האשכולות האט געשריבן:@אברהם דוד, איר וואלט אנגענומען א שיעור עיון מגיד שיעור פאסטן?!

נישטא ווער זאל לאכן.. אייגענטליך.. אזוי מיין/האף איך..
לעצט פאראכטן דורך אברהם דוד אום מיטוואך יולי 03, 2019 4:27 pm, מאל פאראכטן געווארן 1 סך הכל.
This post is rated MA and is intended for mature audiences.

אוועטאר
אברהם דוד
שר מאה
תגובות: 120
זיך איינגעשריבען אום: מיטוואך יוני 14, 2017 11:53 pm

הקדמה לכל ההקדמות - דורכטאן די נושא

תגובהדורך אברהם דוד » מיטוואך יולי 03, 2019 3:37 pm

דער פאלגענדער ארטיקל איז נישט אין סעריע מיט אנדערע ארטיקלען, עס איז א הקדמה צו די גאנצע ענין, און עס באלאנגט בעפאר אלעם.

דורכטאן די נושא – חלק א – די קאפ דרייעניש

מיר זענען צוגעוואוינט צו הערן אז מען דארף אליינס דורכטאן די נושא בעפאר מען רעדט אריין, און דאס איז בעצם נישט קיין שלעכטע געדאנק, עס איז דא וואס שרייען יא, עס איז דא וואס שרייען ניין, און אינמיטן שטייט דער מענטש, א טאטע אדער מאמע פון קינדער, וואס וויל אויספירן בשלימות זיין אויפטראגע, ער וויל מאכן דעם בעסטן באשלוס פאר זיינע קינדער. ער שטייט און קוקט צומישט, עס איז יא דא שטודיעס אדער איז נישט דא? וואקסין איז נויטיג אדער נישט נויטיג? וואקסין איז פארזיכערט אדער נישט פארזיכערט? וואקסין איז אפעקטיוו אדער נישט אפעקטיוו?

געווענליך ווען עס קומט צו שאלות אין ענינים וואס מיר זענען נישט אויסגעקאכט וועלן מיר פרעגן פון אנדערע וואס ווייסן יא, אבער אין דעם פאל קענען מיר נישט פרעגן דעם דאקטער ווייל ער ווייסט נישט, מיר קענען נישט פרעגן די פראפעסיאנאלען ווייל זיי זענען אינטערגעקויפט, מיר וואלטן געדארפט קענען פרעגן אן אינדערויסענדיגער וואס ווייסט און ער האט נישט קיין נגיעות, אבער וועמען קענען מיר פרעגן? אלע אנדערע רעגירונגען? אפשר (זיכער..) זענען זיי אויך אונטערגעקויפט? די WHO - די וועלט געזונטהייט ארגעניזאציע? פארוואס זאלן זיי נישט זיין אינטערגעקויפט? זעלבסטשטענדיגע מעדעצינישע דזשורנאלן (38-פרא/0-אנטי)? זעהסט דאך אז זיי זענען פרא, בוודאי אונטערגעקויפט!

דער מענטש וויל דאך וויסן דעם אמת, ער וויל דאך מאכן א אינפארמיטע באשלוס, און דא באקומט ער זיין אנדערע אפציע, ער קען גיין אויסהערן די אנטי פראפאגאנדירער, מיר דארפן נישט מורא האבן אז זיי האבן נגיעות ווייל חוץ די פאקט אז א חלק פון זיי מאכן ביליאנען פון די אלטערנאטיווע מעדעצינען (וואס זענען אגב נישט געפראווד דורך קיין איין פון די אלע פונדעמענטאלע נויטיגע שטודיעס ביי וואקסינען..) און די אנדערע חלק פון זיי זענען פאפולער דורך די אנטי פראפעגאנדע, אין אנדערע ווערטער, חוץ געלט און כבוד, איז נישט דא קיין זאך אויף וואס מיר קענען אנצייגן אז דאס דארף אונז מאכן טראכטן אז זיי האבן א נגיעה (נגיעה איז שיין גערעדט.. בייזע כוונה וואלט געווען ריכטיגער), נו, פארוואס זאלן מיר אומזיסט חושד זיין איינעם? און בעיקר אויב איז ער א גוי וואס דעת תורה האלט אז ער האט א חזקת כשרות? (ניין נישט די רב וואס דו האסט געפרעגט, ער ווייסט נישט. די אנדערע באהאלטענע טויזענטער רבנים וואס האבן מורא פון די טעראר).

האמיר שוין נישט קיין פראבלעם מיט נגיעות אבער וויאזוי ווייס איך אז ער ווייסט וואס ער רעדט?
אה, דא קומט אריין די אומשולדיגע הקדמה צו די שמועס, "וויאזוי קענסטו רעדן אויב דו ווייסט נישט" אדער "האסט נאכנישט געהערט די צווייטע צד" אדער "איך זאג דיר נישט אז דו זאלסט נישט געבן קיין וואקסינען, איך זאג דיר נאר טו דורך די נושא און באשלוס אליינס" און בעיקר "מען קען נישט סתם שרייען שטודיע, מען דארף וויסן וויאזוי צו ליינען א שטודיע" און מיט נאך אפאר אזעלכע שלאג-ווערטער און מיט א נאכפאלגעדע הערליכע פיסקישע ערקלערונג וויאזוי א מענטש וואס ווייסט נישט קען מאכן גראבע טעותים, באקום איך דעם איינדרוק אז "יא, אויב ער פארשטייט אזוי גוט אז מען דארף פארשטיין בעפאר מען רעדט, מן הסתם איז ער נאה דורש ונאה מקיים, און זיכער קען ער די נושא על בוריו.."

זעמער אינגאנצן מסודר, מיר האבן א אינדערויסענדיגע מענטש, אן קיין נגיעות, ער קען די נושא, און וואס זאגט ער? ער שרייט ניין! ער שרייט אז מען פארפירט אייך! עורו ישנים משנתכם! מען הרג'עט מענטשן!

דער אויסהערער באקומט אויטאמאטיש זיין אייגענע מעדיקעל דעגרי, ווייל ער האט געהערט ווי איינער זאגט אז מען דארף קענען די נושא, און הייבט אן זיין אייגענע אינטעליגענטע אויפוואכונג קאמפיין, "רבותי! מען קען נאר רעדן אויב מען קען די נושא!"

איך געדענק די ערשטע מאל וואס איך האב זיך באגעגנט מיט אזא מענטש, איך מוז מודה זיין אז לכתחילה בין איך געווען היבש נתפעל, ענדליך טרעף איך א מענטש וואס קויפט נישט קיין לאקשן.. "לאמיר זיך אויסשמועסן" האב איך אים געזאגט מיט פרייד, מיר האבן אנגעהויבן צו רעדן, און איך האב זיך אנגעהויבן וואונדערן ווער פון אונז איז משוגע, דער איד האט נישט געוואוסט בחייכון וביומייכון, און מיט א אומפארשעמטע חוצפה'דיגע זיכערקייט זאגט ער מיר נאך, "איך ווייס נישט, איך קען דיר נישט ענטפערן, הער אויס יענעם און זאג מיר וואס דו זאגסט צו אים.."

אהובי ידידי, איך רעד סיי צו דיר און סיי צו דער וועמען דו האסט אויסגעהערט, (ער ערקלערט טאקע אויף זייער א אינטעליגענטע אופן פארוואס מען דארף קענען די נושא, אבער לעומת זה זענען זיינע עצם טענות זייער שטארק אומאינטעליגענט..), איך ווייס נישט פארוואס, אפשר איז עס נאר מיין געפיל, אבער כדי צו קענען א נושא דארף מען קענען די נושא, און אפילו אויב דו פארשטייסט זייער זייער קלאר אז מען מוז קענען די נושא, טוט עס נישט איבערוועגן דיין אפענע עם-הארצות אין די נושא..

איך געדענק ווען **** (איך מיין אז ער דרייט זיך דא און האט זייער שטארקע קשיות איבער וואקסין) האט גראדואירט פון מעדיקעל סקול, איך בין געווען אין די רייע גלייך נאך אים, און ער האט געענטפערט פארן פארהערער אלע פראגעס בטיב טעם ודעת, ער האט באקומען זיין דעגרי אן קיין פראבלעמען, אבער איך האב געהאלטן אז עס איז נישט ריכטיג, אוודאי איז זייער חשוב אז ער ווייסט צו ענטפערן אלעס איבער דאקטעריי, אבער ווער זאגט אז ער פארשטייט די ערענסקייט פון די ארבעט אין וואס ער וויל יעצט אריינגיין?

ווען עס איז געקומען מיין רייע, האב איך זיך נישט באצויגן צו די פראגעס (אפשר האב איך אויך נישט גוט געענטפערט, אבער וואס א חילוק??), איך האב געגעבן א לאנגע טיפזיניגע ערקלערונג איבער די ערענסקייט מיט וואס א מענטש דארף צוגיין צו דאקטעריי, איך האב ארויסגעברענגט אויף הערליכע אופנים די שאדן וואס קען אלס קומען אויב מען באהאנדעלט א פאציענט מיט א נישט ריכטיגע מעדעצין, איך האב גערעדט פון פילע פראבלעמען און קאמפליקאציעס וואס קען זיך מאכן ביי מענטשן, אנגעהויבן פון מינדערוויכטיגע שוועריקייטן ביז גאר ערענסטע פראבלעמען, אזש ביז טויט, וואס קען קומען אין רעזולטאט פון א אומוויסענדע באהאנדלונג.
און וואס מיינט איר? איך האב נישט באקומען מיין דעגרי! די סיבה איז זיכער געווען אנטיסימעטיזם, אבער דאס איז די סטאנדארט וואס זיי האבן אנגענומען, דאס איז וויאזוי די וועלט ארבעט, כאטש איך ווייס נישט פארוואס...

די אינהאלט ביז אהער וואלט איך בעצם נישט געשריבן, אבער וויבאלד אין חלק ב וויל איך שרייבן צו די וואס ווילן יא שטודירן די נושא, האב איך זיך נישט געקענט ערלויבן אז דער צורידערטער וואס האלט ווייט דערפון, זאל זיך איינרעדן אז איך אדרעסיר אים אין מיין ארטיקל.

דורכטאן די נושא - חלק ב – דורכטאן די נושא
(נישט בטעות געשריבן צוויי מאל דורכטאן די נושא)

ווען דער מענטש שטייט צווישן צוויי זייטן און ער ווייסט נישט למי הצדק, וועט ער אננעמען דעם אויבנאויפדיגע גוטע מהלך פון גיין הערן ביידע צדדים'ס טענות און זעהן וועלכע ווערטער זענען מער לאגיש, און לייגן זיך מער אויפן הארץ, דאס איז בעצם א גוטע מהלך, און העכסט ווארשיינליך די מערסט באנוצטע מהלך, ווען א מענטש שטייט מסופק צווישן צוויי זייטן.

ביי די נושא פון וואקסין איז אבער דא א פראבלעם, נישט איך, נישט דו, און קיין איינער פון אונז, איז נישט געווען אין מעדיקעל סקול, און יעדער פון אונז פארשטייט אז ארויסצוהאבן א זאך דארף מען קענען די פשוטע יסודות פון די זאך פאר מען קען אריינגיין אין קשיות, לאמיר געבן א ביישפיל, מיין אינגעלע פרעגט מיר לעצטענס, "פארוואס איז די אות גימל פאר די אות דלת?" צוליב סיי וועלכע סיבה פארשטייט ער אז עס וואלט זיך געפאסט פארקערט.

פערצופאל האב איך געזעהן לעצטענס א שיינע שטיקל נועם אלימלך ווי ער ערקלערט אז גימל איז מרמז אויף די בחינה פון די אבות און דלת אויף די בחינה פון די אמהות, ער זאגט דארט א הערליך שטיקל חסידישע מוסר און ער טייטשט זייער שיין אריין פארוואס בחינת אבות קומט פריער ווי בחינת אמהות.

זאל איך דאס ענטפערן פאר מיין אינגעלע? ער איז גראדע א קלוג קינד און ער קען אביסל פארשטיין העכערע ענינים, אבער ווי נאר איך האב אים דאס ערקלערט, האט ער מיר געפרעגט "דעמאלס פארוואס איז נישט די גימל פאר די אלף? און וואס איז מיט ענדע צדיק?" צוויי שטארקע קשיות, ניכט וואהר? (און שטעלט זיך פאר ווען איינער האט ווען אן אגענדע, ווען איינער וואלט גענוצט די שאלה אלס א טענה אויפצואווייזן אז די אלף בית קומט פון א גלח און מיר האבן נישט היינט די ריכטיגע אלף בית מיט וואס דער באשעפער האט געגעבן די לוחות..)

וואס האב איך געטאן? איך האב אראפגעזעצט מיין אינגעלע און אים ערקלערט, עס איז פארהאן הויעכע ענינים אין די אויסשטעל און אינהאלט פון די אלף בית, און מיר וועלן אפשר איין טאג איבערגיין די אלע זאכן ווי ווייט מיר קענען, אבער די פשוטע ציל פון אלף בית איז צו קענען אידענטיפיצירן און אראפשרייבן אויף פאפיר די ווערטער וואס מיר רעדן, ווען דו ווילסט פארשטיין אלף בית דארפסטו בעיקר קוקן אויב אלע קלאנגען פון מויל ווערן דארט אייניג רעפערזענטירט, און דו וועסט טאקע זעהן אז די קלאנגען וואס מיר נוצן נישט אין לשון הקודש פארמאגן נישט א אייגענע אות.

ער האט געוואלט וויסן פארוואס מען דארף א סיי א אלף און סיי א עין, און אויפדעם האבן מיר געהאט א שיינע לאנגע שמועס איבער פארשידענע הבהרות, איבער וואקאלן, און אזוי ווייטער. (פאר די וואס ווילן וויסן: איך האב נישט עכט געטראפן אזא נועם אלימלך און די מעשה האט נישט עכט פאסירט, הלוואי זאל איך האבן אזא קלוגע אינגעלע...)

לענינינו, די זאכן וואס מען וויל וויסן זענען נישט פארהוילן, יעדער קען עס גיין אויסגעפונען, אבער אויסהערן די טענות אויף אהין און צוריק, דאס מעג נאר קומען נאך וואס דו האסט פשוט געלערנט די נושא, קוק נישט וואס די גאווערמענט זאגט, און קוק נישט וואס יעדער וואס האט שוין געקוקט זאגט, (ווייל אויב זיי האבן געקוקט זענען זיי סתם פרא אין די וועלט אריין..) שטודיר 'אליינס', קוק 'אליינס', טו 'אליין' אדורך די נושא.

קוק אויב וואקסין איז בכלל וויכטיג,
לערן דורך וואס עס זענען די מחלות אויף וואס וואקסין דארף צו באשיצן, ליין וויאזוי א וואקסין ארבעט, קוק ווי שטארק דו דארפסט חושד זיין אז דיין קינד קען באקומען א דיזיעז, אז דיין קינד קען ווערן געשעדיגט פון א דיזיעז, ווילסט וויסן וואס עס וועט געשעהן אויב מען הערט אויף צו געבן וואקסינען?, באזיר דיין מיינונג אויף פאקטישע ראיות.

קוק אויב וואקסין העלפט בכלל,
פראביר צו זעהן אויב וואקסין האט מעגליך יא אויפגעטאן אין די וועלט (וועסט שוין האבן גענוג צייט נאכדעם צו זעהן אז די מחלות ווערן פון זיך אליינס אויסגעראטן, נאר גלייך ווען די גאווערמענט באמערקט עס געבן זיי שנעל ארויס א וואקסין אז מ'זאל זיך איינרעדן אז וואקסין העלפט..), קוק ווער עס ווערט היינט צוטאגס אפעקטירט פון דיזיעז'ס.

ווילסט זעהן אויב וואקסין איז סעיף? ווילסט וויסן וויאזוי מען קען זעהן אויב ס'איז סעיף?
לערן וואס דאס מיינט א שטודיע, וואס דאס מיינט איבערווייז, ווען איך דארף אנהענגן איין זאך אין צווייטן און ווען נישט. אויב דו שפירסט אז דו ביזט גרייט, הייב אן ליינען שטודיעס, הייב אן דורכצוטאן די טרייעלס, ביזט מסופק איבער די לעגיטימקייט פון א שטודיע? קוק וואס די ציל פון די שטודיע איז געווען, קוק וואס די החלטה פון די שטודיע איז, קוק אויב דו קענסט אפשר ארויסהאבן דיין פראגע פון א אנדערע שטודיע.

ווילסט וויסן אויב די גאווערמענט האט ריכטיגע פאליסיס ביי וואקסינען?
ליין די פראצעדור, קוק אויב זיי פארמאגן א סיסטעם וויאזוי צו באשטעטיגן א וואקסין, ליין וויאזוי זיי האלטן איבערזיכט אויף וואקסין נאך וואס עס ווערט באשטעטיגט.

ווילסט וויסן אויב די גאווערמענט שטופט אן אגענדע?
קוק אויב זיי באשטעטיגן טאקע וואקסינען בלינדערהייט, קוק אויב יעדע וואקסין וואס ווערט אנגעטראגן ווערט טאקע באשטעטיגט, ביזט חושד אז זיי זענען אונטערגעקויפט? קוק וועמען די פירמעס וואלטן אלס געדארפט אונטערקויפן, קוק אויב עס איז בכלל מעגליך אונטערצוקויפן, קוק אויב עס איז מעגליך אז איין אינדוסטריע וואס איז א נישטיגע פראצענט פון די פארמעסוטיקעל אינדוסטריע זאל אונטערקויפן די רעגירונג צו ארבעטן קעגן די אינטערעסן פון אלע אנדערע פירמעס אין זייער פעלד.

דערנאך פראביר צו מאכן א 'אייגענע' 'אינפארמירטע' באשלוס, קוק וואס עס איז די ריזיקע פון סייד עפעקטס קעגן די בענעפיט פון אימיוניזאציע, וואס דארפט איר אלס 'טאטע' אויסוועהלן פאר אייער קינד, 'און' (אויב די 'טאטע' אחריות מיט וואס מען האט אייך פארטרויעט איז אייך נישט גענוג חשוב, וואס דארפט איר אויסוועהלן) אלס 'איד' פאר אנדערע אידן, 'און' אלס 'מענטש' פאר די געזעלשאפט וואס איר זענט א טייל דערין.

וליתר שאת, גייט ווייטער, נאך וואס איר האט דעם בעיסיק פארשטאנד, הערט אויס א שיעור פון סיי וועלכע קעגנער איר ווילט, רעדט מיט סיי וועלכע מענטש איר ווילט, הערט גוט אויס אבער מאכט זיכער אז איר זיצט, ווייל די האר פון קאפ וועט זיך אייך אויפשטעלן וויאזוי מענטשן קענען זיין אזוי בייזוויליג רשעות'דיג (און ליידער צווישן זיי מאחינו בני ישראל, וואס זיי וועל איך נישט חושד זיין און בלויז זאגן אומ'אחריות'דיג) און מיט א פרעכהייט זיך ארומשפילן מיט מענטשליכע לעבנס ווי עס וואלט געווען א ... כ'טרעף אפילו נישט די משל.

איינער האט מיר געפרעגט אין אישי אויב איך טו אין די פעלד פון דאקטעריי, די ענטפער איז ניין, איך טו נישט אין די פעלד פון דאקטעריי, איך האב בלויז געטון דאס וואס איך האב דא באשריבן, איך האב פשוט דורכגעטאן די נושא, און דערנאך האב איך אויטאמאטיש נישט געקענט פארדרייט ווערן פון הוילע פאנטאזיעס און ליגנטס, און געקענט מאכן מיין 'אינפארמירטע' באשלוס, יא איך האב געהערט דעם אזויגערופענעם צווייטן צד, און יא איך האב גענומען אין באטראכט אז עס איז דא וואס זאגן אז ס'איז דא א צווייטע צד, נעמט מיינע פאלגענדע ווערטער און פארשמירט עס אין אלע גאסן "ווען איר געבט א וואקסין נעמט איר א גענוג א קליינע ריזיקע, און צוליב די קליינליכקייט פון די ריזיקע און די גרויסקייט פון די בענעפיט זענט איר מחיוב אלס טאטע/מאמע, אלס איד, און אלס מענטש, צו וואקסינירן אייערע קינדער".

מענטשן קוקן עס אן ווי עס איז דא צוויי גרופעס, עס איז דא 'אנטי' און 'פרא'. און יעדער וואס רעדט לטובת וואקסין באקומט אויטאמאטיש דעם טיטל 'פרא', איך האב פאר אייך נייעס, איך האב זיך קיינמאל נישט איינגעשריבן אין קיין שום גרופע, און הלוואי זאל זיין אזא גרופע, הלוואי זאל זיין א גרופע וואס זאל שטיין און פארענטפערן יעדע משוגענע בייפאל וואס עס פאלט איינעם ביי. וואס? עס איז שוין דא? ווער? אה, שכוח! אלע דאקטוירים, אלע פראפעסיאנאלען, די רעגירונג, קען איך מיר דען פארלאזן אויף זיי?
דער פראבלעם איז אז זיי פרעגן קשיות וואס איז זיי נישט שווער, זיי פרעגן קשיות בלויז לשם פרעגן, (קוק דא אויף אייוועלט וויאזוי געוויסע ווארטן ניטאמאל אז דער עולם זאל פארגעסן אז זיי האבן נארוואס געפרעגט, און מען האט זיי פארענטפערט, זייער קשיא), און ווען סיי וועלכע דאקטער, אדער סיי וועלכע אינסטיטוציע , אדער סיי וועלכע רב, אדער סיי וועלכע עסקן, קומט ארויף און זאגט אז מען דארף וואקסינירן די קינדער, ווערט ער אויטאמאטיש אומבאגלייבט.

איך בין א טראפ פארפארן (אנטי'ס, לאזט אויס די לעצטע דריי פאראגראפן, עס איז נישט א טייל פון מיין פוינט), לאמיר צוריקגיין, איך וויל פארציילן א קלייניקייט וואס וועט העלפן איבערווייזן די געדאנק וואס איך פראביר ארויסצוברענגען, אין די פארגאנגענע פאר וואכן האב איך געהאט א לאנגע און אינטעליגענטע בריוו אויסטויש מיט איינעם דא אויף אייוועלט, מיר האבן גערעדט איבער פלאסיבא, ווען עס פעלט אויס, ווען מען קען דאס נישט נוצן, פארוואס מען קען דאס נישט נוצן, און אזוי ווייטער, איך האב געשריבן דארט א לאנגע באשרייבונג ווי איך האב אנגעהויבן פון אלף, און פראבירט אראפצולייגן א קלארקייט אין די נושא, און פארענטפערן די קשיות.

לעצטענס האב איך געליינט א דיסקוסיע וואס דעל ביגטרי האט געהאט מיט די העלט ענד היומען סערוויסעס, עס איז א רייע קשיות וואס דעל ביגטרי האט זיי אנגפרעגט, און די תירוצים וואס זיי האבן אים געענפערט, ערגעץ אינמיטן זעה איך ווי ער פרעגט וועגן פלאסיבא'ס, מיט נייגער האב איך געליינט וואס זיי ענטפערן אים, און איך זעה ווי זיי שרייבן אין איין פאראגראף אקוראט די זעלבע ענטפער וואס איך האב געשריבן אין עטליכע בלעטער. איך האב קיינמאל נישט געהאט געליינט אדער געהערט זייער ענטפער, אבער בלויז דורך לערנען די נושא האב איך פארשטאנען די פשוטע ענטפער, די ענטפער וואס איז איין פאראגראף קורץ, אבער עס צו ערקלערן האט מיר גענומען צענדליגע בלעטער. און איך גלייב שווער אז אן די הקדמות מיט וואס איך בין געקומען וואלט איך בכלל פארשטאנען וואס זיי ענטפערן.

צום אויספיר: אויב איר ווילט דורכטאן די נושא, אדרבה, איך ראט אייך שטארק דערצו, אבער הייבט נישט אן מיט די וויידל, הייבט אן מיט די קאפ (עטליכע מאל Pun intended...)
This post is rated MA and is intended for mature audiences.

אוועטאר
קענדי'ס
שר חמש מאות
תגובות: 964
זיך איינגעשריבען אום: מאנטאג סעפטעמבער 25, 2017 4:44 pm
לאקאציע: שמחות תורה אויפ'ן פארענעשטעס

תגובהדורך קענדי'ס » מיטוואך יולי 03, 2019 4:23 pm

א פלעינע דאנק קנעפל איז נישט גענוג פאר אזא ארטיקל

טוב ליהודים
שר חמש מאות
תגובות: 854
זיך איינגעשריבען אום: זונטאג אוגוסט 07, 2016 4:05 pm

כל הכבוד להמאור הגדול המכונה "אברהם דוד"

תגובהדורך טוב ליהודים » מיטוואך יולי 03, 2019 4:38 pm

אברהם דוד, קאמענטארן זענען געוויס איבריג..
אויב מעט מן האור דוחה הרבה מן החושך... כל שכן אזוי סאך אור.. מיט אזא בהירות און געשמאקט האט א כח אוועקצושטופן די געדעכטע וימש חושך וואס מאנכע זייען אן...

ברוך שמסר עולמו לשומרים!! אזוינע רואיגע שיינע זאפטיגע דיבורים! יישר כחך, ייראו רבים ויראו! אויב המציל נפש "אחת" כאילו קיים עולם מלא, כגלייב דיינע "איידעלע אמתע דיבורים" וועט ראטעווען מער פון איין איד וכו' פון צו מפקיר זיינע קינדער ר"ל צו די אלע דיזיזס, זיי האלטן עס היבש בשתיקה אבער מיר קענען "היינט" ווען מיר שרייבן די ווערטער.. עטליכע אידן דא אין מאנסי, וואס שמאכטן מיט זייערע קינדער אין שפיטאל וכו' מיט מיזעלס-וואפינג קאוף -מענדזשידעס... זיי פרובירן עס צו האלן קלעסיפייד-קאנפידענשעל, אבער מציאות פראסקעט אין פנים קינדער שלא טעמו טעם חטא גיין דורך פיינפולע טעג, צוליב אזויגערפונע "ריסירטשערס" אנע נגיעות... און אויב וועט אייער פערל ווערטער אפראטעווען וילמדו תועים בינה! שכרך הרבה מאוד מאוד!

שמו
שר האלפיים
תגובות: 2803
זיך איינגעשריבען אום: מאנטאג אוקטובער 31, 2011 12:38 pm

תגובהדורך שמו » מיטוואך יולי 03, 2019 5:06 pm

ר' המכונה אברהם דוד'
דו האסט א גוטע פעידער און האנט, און שרייבסט זייער קלאר און רייך

איך גיי יעצט נישט דורך גיין דיינע רייד (וואס זענען קלוג אויך) און אפווענדן אחת על אחת, ווייל מיין צייט ערלויבט מיר נישט יעצט

און איך באציה זיך יעצט נאר אויף די 'הקדמה' דיינע וואס דו האסט דא געשריבן

דו האסט נישט אפגעפרעגט מיט דיין הקדמה דא, קיין איין קושיא, אדער פירכא,
דיינע ווערטער זענען סך הכל, אז אויב איז די רעגירונג/דאקטורים' וכו' גערעכט, דעמאלט'ס איז דיינע ווערטער 100%

אבער וואס זאל איך טון, אז די רעגירונג/דאקטורים וכל שם וחניכא דאית ליה, זענען אויסן אז קיין איין קושיא אויף די וואקסינ'ס זאל נישט פאבליצירט ווערן, און קיין איין דאקטאר זאל נישט רעדן אויף דעם (ווי שוין דערמאנט 100'טע מאלן, איך אליינ'ס האב געהערט פון דאקטורים אז זיי קענען נישט שרייבן, אז די מחלה אדער טויט קומט פון דעם וואקסין, ווייל זיי קענען פארלירן זייער פאסטן), דאן זענען מיר די רעגירונג/דאקטורים מער נישט נאמן אויף גארנישט, ווען איך זעה סטאדי'ס וואס הייבן זיך נישט אן, קען איך זיי נישט גלייבן אפי' אויף אנדערע וואס איך קען נישט אפפרעגן
און בפרט ווען מ'האט גוטע הוכחות פארקערט פון וואס זיי פארקויפן, און די תשובה דערויף איז שתיקה רועמת, איז אלעס נאר דאמירן בעלמא, און ס'ליגט א פליכט אויף יעדן טאטן אליין דורך צו טון די נושא

און מ'טאר נישט פארגעסן, א 'דאקטאר' היינט קען נישט דעם 'קערפער' פון דעם מענטש, נאר קען די רעגולאציעס און וואס ער לערנט

איך בין לעצטנ'ס געווען אין שפיטאל מיט א קינד, און איך האב זיך אויסגעקענט בעסער ווי די דאקטורים, וואס האבן מיר מודה געווען צו אלעס וואס איך האב זיי געזאגט, און מודה געווען, אז זיי טוהן וואס שטייט אין די בוק, אבער אין דעם ספיציפישן נושא וואס איך בין דארט געווען, זענען זיי נישט אויסגעקאכט (אפי' זיי טוהן דאס גענוג און נאך, אבער זיי טוען נישט דורך דעם קערפער, נאר די מציאות).
ודי בזה.

נ.ב. מוזט נישט מגיב זיין דערויף, ווייל איך ווייס נישט ווען כ'וועל נעקסט האבן צייט צו רעדן אין די נושא.
כשמ"ו כן הוא

אוועטאר
אונגארישע הייזער
שר חמש מאות
תגובות: 766
זיך איינגעשריבען אום: דאנארשטאג ינואר 31, 2019 1:12 pm
לאקאציע: אין מאה שערים

תגובהדורך אונגארישע הייזער » מיטוואך יולי 03, 2019 5:38 pm

;l;p- ;l;p- ;l;p-
שכוח ר' אברהם דוד, נישטא קיין ווערטער.

אפשר וואלט כדאי געווען איר זאלט ארויפלייגן דא דעם שמועס וואס איר האט געהאט מיט יענעם וועגן א פלאסיבאו?

אוועטאר
אברהם דוד
שר מאה
תגובות: 120
זיך איינגעשריבען אום: מיטוואך יוני 14, 2017 11:53 pm

תגובהדורך אברהם דוד » דאנארשטאג יולי 04, 2019 12:06 pm

שמו האט געשריבן:..דיינע ווערטער זענען סך הכל, אז אויב איז די רעגירונג/דאקטורים' וכו' גערעכט, דעמאלט'ס איז דיינע ווערטער 100%...

נ.ב. מוזט נישט מגיב זיין דערויף, ווייל איך ווייס נישט ווען כ'וועל נעקסט האבן צייט צו רעדן אין די נושא.


איך מיין אז איך האב זיך נישט גענוג ערקלערט אין מיין תגובה, לאמיר זיך בעסער ערקלערן,

איך מיין נישט צו זאגן אז ר' יונתן שטייף האט געגעסן בראקאלי, איך מיין צו זאגן אז ווען נישט די ערשטע איראקע קריג וואלט סאדאם כוסעין אפילו נישט פראבירט צו פאבריצירן בייאלאגישע וואפן.

עכ''פ, דיינע ווערטער זענען סך הכל, אז די פאנגעס גייט נישט אוועק צוליב די ווייסע שטרימפ נאר די קאמפעני לייגט אריין קעמיקעלס וואס העלפן היילן די פאנגעס,
דער אמת איז אז איך האלט שוין לאנג אז כיזבאלא און כאמאס וואלטן זיך גערן צאמגעשטעלט ווען זיי האבן ווען אייניגע אינטערעסן, וואס איך האב נאר געוואלט ארויסברענגען איז, אז ווען אבאמא לאזט ווען די טרופן פאר נאך אפאר חדשים אין אפגאניסטאן וואלט זיך אייסיס קיינמאל נישט געקענט בויען.

עס איז א גרויסע שאד אז איר וועט נישט האבן די צייט צו רעדן אין די נושא, ווייל איך וויל שטארק וויסן, און איך קען נישט דערגיין, פארוואס מען האט געדארפט בויען איין אטאם באמבע מיט אוראניום און די אנדערע מיט פלעטאניום, אין מיינע אויגן וואלט מען געדארפט בויען ביידע אייניג, די איינציגסטע נארמאלע הסבר וואס איך האב געהערט איז וויבאלד עס איז געווען אין מלחמה צייט און די מעגליכקייטן זענען געווען באגרעניצט.
This post is rated MA and is intended for mature audiences.

אוועטאר
איינס
שר האלפיים
תגובות: 2419
זיך איינגעשריבען אום: דינסטאג סעפטעמבער 26, 2017 9:16 am

תגובהדורך איינס » דאנארשטאג יולי 04, 2019 1:06 pm

אברהם דוד האט געשריבן: אויב איר ווילט דורכטאן די נושא, אדרבה, איך ראט אייך שטארק דערצו, אבער הייבט נישט אן מיט די וויידל, הייבט אן מיט די קאפ (עטליכע מאל Pun intended...)


איך וואלט נאר צוגעלייגט איין הערה
מאטי אילאוויטש האט ארויסגעלייגט א סינגל א שטיקעלע תוספות, דער געדאנק איז שוי ה אלטע געדאנק און עס ווערט שוין געברענגט אסאך:
ווען דו לערנסט תוספות און סאיז שווער ווערט נישט אפגעפרעגט די תוספות, און אויך אויב האסטו א תוספות וואס לויט דעם קומט אויס אז מארגן צופרי דארף מען נישט דאווענען שחרית (אביסל א עקסטרעמע דגומא..) קענסטו נישט מארגן נישט דאווענען. און אויך אויב ביז סוף טאג ביסטו נישט געקומען צו קיין ענטפער און לפי דיין שכל שטימט אלעס מיט שיטת התוספות און מען דארף נישט דאווענען, דארף מען נאכאלטס גיין דאווענען , איי וואס וועט זיין מיטן תוספות, מוועט שפעטער זעהן. נאר ווען די זאך איז קלאר ברור כשמלה קען מען נעמען דעם ענגילטיגן באשלוס.

לעניננו וועקסינס איז נישט קיין תוספות און די מעדיקל דעפארטמענט איז נישט קיין סיני, אבער די געדאנק איז זייער פשוט, אויך אויב ביסט געווארן איבערגעלעקרט און זעהסט קלאר אז די צד אדער יענע צד איז גערעכט איז דאס אומאחריותדיג צו נעמען החלטות און טוישן דיין מיינונג, ווייל אויב גייסטו מיט דעם וועסטו דאך מארגן ווידער טוישן און איבערמארגן צוריק טוישן. און צו זאגן אז "איך הבין שוין צוגעקומען צו א קלארקייט אין די נושא"... נו נו אויב איז עס אזוי שהחינו והגיענו לימי המשיח
והפרט ווען יעדע פון אונז ווייסט זייער גוט אז יעדן צווייטן מיטוואך ואנטפלעקט א צווייטן אמעריקע אין ויקיפידיע און לויט ווי ער פארשטייט האט ער דא די חידוש פון די בריאה, אבער צומארגנס טרעפט ער צווייטטע לינק וואס ער זעהט אז לא ויקי ולא פידיע וכו איין טאג איז דער דער שטאטס חכם און צווייטן טאג שטאטס נאר.
סא ווען איינער ליינט איבער וועקסינס און הערט קלארע ווערטער פון איינער וואס האט אליין א קינד וואס איז אוועק פון וועקינס און איז קלאר באשטעיטיגט געווארן דורך דעם און יענעם דאקטאר, אלעס פיין און וואיל, אבער איין זאך ביטע שיין נעם די זאכן כניתנים מויקיפדיע און קום מארגן צוריק טשעקן וואס איינער האט שוין געפיקסט דארט.
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

פארווייטאגט
שר מאה
תגובות: 179
זיך איינגעשריבען אום: דאנארשטאג פאברואר 14, 2019 1:29 pm

תגובהדורך פארווייטאגט » דאנארשטאג יולי 04, 2019 1:31 pm

אברהם דוד האט געשריבן:
שמו האט געשריבן:..דיינע ווערטער זענען סך הכל, אז אויב איז די רעגירונג/דאקטורים' וכו' גערעכט, דעמאלט'ס איז דיינע ווערטער 100%...

נ.ב. מוזט נישט מגיב זיין דערויף, ווייל איך ווייס נישט ווען כ'וועל נעקסט האבן צייט צו רעדן אין די נושא.


איך מיין אז איך האב זיך נישט גענוג ערקלערט אין מיין תגובה, לאמיר זיך בעסער ערקלערן,

איך מיין נישט צו זאגן אז ר' יונתן שטייף האט געגעסן בראקאלי, איך מיין צו זאגן אז ווען נישט די ערשטע איראקע קריג וואלט סאדאם כוסעין אפילו נישט פראבירט צו פאבריצירן בייאלאגישע וואפן.

עכ''פ, דיינע ווערטער זענען סך הכל, אז די פאנגעס גייט נישט אוועק צוליב די ווייסע שטרימפ נאר די קאמפעני לייגט אריין קעמיקעלס וואס העלפן היילן די פאנגעס,
דער אמת איז אז איך האלט שוין לאנג אז כיזבאלא און כאמאס וואלטן זיך גערן צאמגעשטעלט ווען זיי האבן ווען אייניגע אינטערעסן, וואס איך האב נאר געוואלט ארויסברענגען איז, אז ווען אבאמא לאזט ווען די טרופן פאר נאך אפאר חדשים אין אפגאניסטאן וואלט זיך אייסיס קיינמאל נישט געקענט בויען.

עס איז א גרויסע שאד אז איר וועט נישט האבן די צייט צו רעדן אין די נושא, ווייל איך וויל שטארק וויסן, און איך קען נישט דערגיין, פארוואס מען האט געדארפט בויען איין אטאם באמבע מיט אוראניום און די אנדערע מיט פלעטאניום, אין מיינע אויגן וואלט מען געדארפט בויען ביידע אייניג, די איינציגסטע נארמאלע הסבר וואס איך האב געהערט איז וויבאלד עס איז געווען אין מלחמה צייט און די מעגליכקייטן זענען געווען באגרעניצט.


ענדליך איז שוין דא איינער וואס ענטפערט צום זאך ;l;p-

אגב, איך זעה אז דיינע ברייטע ידיעות שטעלען זיך נישט אפ ביי וואקסין, אפשר העלפט איהר אונז ליינערס מיט אנדערע נושאים אויך.
Xxxxxxxx, ביטע פוץ ארויס פון דעם אשכול.
קרעדיט: מ'מעג שרייבן לשון הרע?

אוועטאר
גיי
שר חמישים ומאתים
תגובות: 407
זיך איינגעשריבען אום: דינסטאג יולי 10, 2018 12:38 am

תגובהדורך גיי » דאנארשטאג יולי 04, 2019 3:20 pm

אברהם דוד האט געשריבן:
שמו האט געשריבן:..דיינע ווערטער זענען סך הכל, אז אויב איז די רעגירונג/דאקטורים' וכו' גערעכט, דעמאלט'ס איז דיינע ווערטער 100%...

נ.ב. מוזט נישט מגיב זיין דערויף, ווייל איך ווייס נישט ווען כ'וועל נעקסט האבן צייט צו רעדן אין די נושא.


איך מיין אז איך האב זיך נישט גענוג ערקלערט אין מיין תגובה, לאמיר זיך בעסער ערקלערן,

איך מיין נישט צו זאגן אז ר' יונתן שטייף האט געגעסן בראקאלי, איך מיין צו זאגן אז ווען נישט די ערשטע איראקע קריג וואלט סאדאם כוסעין אפילו נישט פראבירט צו פאבריצירן בייאלאגישע וואפן.

עכ''פ, דיינע ווערטער זענען סך הכל, אז די פאנגעס גייט נישט אוועק צוליב די ווייסע שטרימפ נאר די קאמפעני לייגט אריין קעמיקעלס וואס העלפן היילן די פאנגעס,
דער אמת איז אז איך האלט שוין לאנג אז כיזבאלא און כאמאס וואלטן זיך גערן צאמגעשטעלט ווען זיי האבן ווען אייניגע אינטערעסן, וואס איך האב נאר געוואלט ארויסברענגען איז, אז ווען אבאמא לאזט ווען די טרופן פאר נאך אפאר חדשים אין אפגאניסטאן וואלט זיך אייסיס קיינמאל נישט געקענט בויען.

עס איז א גרויסע שאד אז איר וועט נישט האבן די צייט צו רעדן אין די נושא, ווייל איך וויל שטארק וויסן, און איך קען נישט דערגיין, פארוואס מען האט געדארפט בויען איין אטאם באמבע מיט אוראניום און די אנדערע מיט פלעטאניום, אין מיינע אויגן וואלט מען געדארפט בויען ביידע אייניג, די איינציגסטע נארמאלע הסבר וואס איך האב געהערט איז וויבאלד עס איז געווען אין מלחמה צייט און די מעגליכקייטן זענען געווען באגרעניצט.

;l;p- צום פינטעל

אוועטאר
אברהם דוד
שר מאה
תגובות: 120
זיך איינגעשריבען אום: מיטוואך יוני 14, 2017 11:53 pm

אנעקדאטעל איבערווייז - Anecdotal Evidence.

תגובהדורך אברהם דוד » דאנארשטאג יולי 04, 2019 9:08 pm

א אנעקדאוט איז א אינצידענט וואס א מענטש דערציילט מיט א ערקלערונג דערצו, דאס מיינט אז דער מענטש געבט אן די סיבה אדער די גורם פארוואס די אינצידענט האט פאסירט.
"איך בין ארויס אן א מאנטל און איך בין געווארן פארקילט."
מער א קאנטראווערסיאלע ביישפיל,
"די מידיע האט אזויפיל גערעדט קעגן טראמפ ביז ער איז געווארן פאפולער דערפון."
אין אנדערע ווערטער, דאס איז צוויי פאקטן וואס א מענטש פארציילט, וואס זענען אין זיינע אויגן פארבינדן איינס צום צווייטן.
(ווער עס קען זאל אריינקומען מיט א אידישע ווארט דערפאר).

'אנעקדאטעל איבערווייז' איז א איבערצייגונג וואס מען וויל נעמען באזירט אויף אזא עדות'שאפט.
"ווען מען גייט ארויס אן א מאנטל ווערט מען פארקילט, איך ווייס א מענטש וואס..."
"ווען די מידיע רעדט קעגן א מענטש ברענגט אים דאס מער פאפולעריטעט, קוק טראמפ..."

דער טערמין ווערט צומאל גענוצט אין א לעגאלע אויסדרוק צו שילדערן געוויסע סארטן עדות'שאפט וואס זענען לאגיש צווייפלהאפטיג, אדער צווייפלהאפטיג אין ליכט פון אנדערע איבערווייזן א שטייגער ווי קלארע דאקומענטן, בילדער, אדער רעקארדירונגען, און דאס גלייכן.

אין סייענס ווערט אנעקדאטעל איבערווייז ערקלערט אלס, "צופעליגע אבזערוואציעס אדער אנצייגענישן ווי איידער געהעריגע אדער סייענטיפישע אנאליזן." אדער אלס "אינפארמאציע וואס ווערט ארומגעפירט צווישן מענטשן אבער איז נישט סייענטיפיש דאקומענטירט."

אין פארגלייך צו אנדערע איבערווייזונגען איז דאס די שוואכסטע סארט איבערווייז, צוליב די פילע לעכער וואס אזא עדות'שאפט פארמאגט, אפילו ווען איך קען אננעמען אז עס איז אמת די פאקטן וואס דער מענטש שטעלט פאר.

די ערשטע און מערסט פארשטענדליכע פראבלעם פון אזא עדות'שאפט איז וויבאלד מענטשן פאסן אויף, און געדענקן אסאך ענדערש, מערקעוודיגע און אומגעווענליכע אינצידענטן, אין צייט וואס אלע געווענליכע און נארמאלע ערשיינונגען ווערן פארגעסן, אויטאמאטיש אויסגעלאזט, און בכלל נישט רעפרעזענטירט אין מיין אפשאצונג.
"איך האב געליינט איבער א מענטש וואס פון עסן אסאך עפל האט זיין האר אנגעהויבן צוריקוואקסן."
דאס מאכט מיר אומריכטיג אפשאצן די ווארשיינליכקייט פון אזא אינצידענט.
אין פעלער וואס איינער ברענגט מיר אזעלכע אינצידענטן, איז דאך דא א שטארקע מעגליכקייט אז ער האט אויסגעוועהלט, און דירעקט אויסגעלאזט אדער פארקוקט ביי אנדערע עהנליכע פעלער וואס ווייזן אן פארקערט ווי זיין אפשאצונג.
"עפל מאכט די האר וואקסן, איך ווייס פון דריי מענטשן וואס זייער האר איז צוריקגעוואקסן נאך וואס זיי האבן געגעסן עפל."
אזוי אויך איז פארהאן פעלער, ספעציעל ווען די אנעקדאוט טוט אפשפיגלען א געוואונטשענע אפשאצונג, ענדערש ווי א לאגישע אפשאצונג, וואס דאן וועט די אנעקדאט פירן צו א פריצייטיגע, אדער אומריכטיגע אפשאצונג.
"עס איז קלאר אז עפל מאכט די האר זאל וואקסן, איך האב געליינט איבער א מענטש וואס די האר האט אים אנגעהויבן ארויספאלן און נאכן עסן אסאך עפל איז עס צוריקגעוואקסן."
און די פשוט'סטע סיבה פארוואס אנעקדאטעל איבערווייז ווערט פאררעכנט אומ-סייענטיפיש אדער פאלש-סייענטיפיש, איז צוליב די מענטשליכע נאטורליכע נייגונג אפצושאצן אז ווען איין אינצידענט פאסירט נאך א אנדערע, זענען זיי זיכער געווען פארבינדן איינס מיטן צווייטן.
"ער האט אנגעהויבן עסן עפל און גלייך האט זיין האר אנגעהויבן צוריקוואקסן."

אזעלכע אינצידענטן קענען גארנישט באשטעטיגן, און אפילו ווען מען טרעפט פעלער ווי א געוויסע פאקטאר האט מעגליך געברענגט, אדער נישט געברענגט, א געוויסע תוצאה, דארף מען עס אנקוקן ווי א אייגנארטיגע, אויסגעוועהלטע, און פערזענליכע פעלער.
ווער פון אונז האט נאכנישט געהערט אז "מיין זיידע פלעגט רייכערן צוויי פעקלעך א טאג, און איז געווען געזונט און שטארק ביז די ניינציג", אדער "מיין חבר האט קיינמאל נישט צוגערירט צו א ציגארעטל און איז אוועק ביי די דרייסיג פון יענע מעשה אויף די לונגען". אנעקדאוטס טוען זיך ענדערש באציען צום אויסנאם ווי איידער צום כלל, בעסער געזאגט, אנעקדאוטס זענען ווערטלאז טאקע צוליב זייער עצם ציל, ארויסצוברענגען א איבעראשענדע פאקט, און דאס מאכט אז מען זאל לייגן אן אומריכטיגן געוויכט אויף זעלטענע און אומשטייגערליכע אויסנאמען.

בנוסף, (און ביי וואקסין בעיקר..) אנעקדאטעל איבערווייז קען לייכט ווערן גענוצט אלס מיטל איינצורעדן מענטשן, דאס ווערט גערופן די 'מענטש וואס' איינרעדעניש, "איך קען א מענטש וואס..."; "איך ווייס א פאל ווי..." און אזוי ווייטער.
מענטשן טוען לייכטערהייט איבערשאצן די שטייגערליכקייט אדער ווארשיינליכקייט פון א אינצידענט, פונקט אזוי ווי זיי טוען גרינג פארבינדן א גורם צו א תוצאה, און מער אזוי ביי ספעציפישע, גלאטיגע, און געפילישע אנעקדאטס, וואס לייגן זיך גרינג אויפן קאפ.

צוליב די זאכן, איז דער סייענטיפישער כלל אז מען דארך האבן סטאטיסטישע איבערווייז, כדי צו קענען אננעמען א באשלוס אז אנעקדאטעל איבערווייז טוט טאקע אפשפיגלען דעם מצב. און אין יעדע אזא פאל וועט דער לאגישער הסבר, דאס איז די ערקלערונג וויאזוי די צוויי זאכן קענען זיין פארבינדען, מוזן עקסטער שטודירט ווערן צוליב דער אומפארמאלער אופן וויאזוי די אינפארמאציע איז געווארן צוזאמגענומען, דאקומענטירט, און פארגעשטעלט.

אפילו אין פעלער וואס אנעקדאטעל איבערווייז ווערט איבערגעגעבן אויף א מער פארמאלע פארנעם, צום ביישפיל ווען א טרענירטער אבזערווירער, - אין די פעלד פון מעדעצין, א דאקטער - טוט פובליצירן א קעיס באריכט, דאס מיינט א אפשאצונג וואס קומט פון אנעקדאטעל איבערווייז. אזעלכע אינפארמאציע וועט נישט פאררעכנט ווערן אלס באשלוסענדע, אדער איבערווייזענדע אינפארמאציע, נאר וועט ענדערש באטראכט ווערן אלס אן אנווייז אז עס פאדערט זיך א פארמאלע שטודירונג איבער די שפעקולאציע, און מען ברויך אויספירן סייענטיפישע שטודיעס צו באשטעטיגן די ריכטיגקייט פון די אפשאצונג.

אין איין ווארט: אנעקדאטעל איבערווייז ווערט פאררעכנט צו זיין די ווייניגסטע איבערווייזענדע סייענטיפישע אינפארמאציע, און ריסירטשער קענען דאס נוצן בלויז אלס פארשלאג צו א שפעקולאציע, אבער קיינמאל אלס א אנגענומענע באווייז, צוליב די פילע אופנים פון נגיעות וואס קענען אפעקטירן די זאמלונג, אדער פארשטעלונג פון די איבערווייז.

(און א פראספעקטיווע טרייעל, דאס מיינט ווען איך גיי קוקן אויף די רעזולטאטן פון מיין יעצטיגע טריעטמענט משך די קומענדיגע צייט, און נישט אויף אלטע רעזולטאטן וואס האבן שוין פאסירט, וועט דער ענין פון אנעקדאטעל איבערווייז ברענגן די חשד אז די ערווארטונג פון די דאקטער אדער מענטש, קען גורם זיין אז זיי זאלן לייגן מער, אדער ווייניגער, געוויכט אויף פארשידענע זייטיגע אפעקטס. און אויך אז די ערווארטונג פון דעם מענטש קען טוישן די אויסגאנג פון א היילונג טריעטמענט, וזה ענין פלאסיבא ודאבעל בליינד כמו שביארתי במקו''א.)

ווען מיר "ווייסן פון איינעם.." אדער "ווייסן פון איינעם וואס ווייסט.." און זיכער אויב מיר האבן "געהערט פון איינעם וואס ווייסט.." דארפן מיר קוקן דערויף מיט די פראפעסיאנאלע און פארשטענדליכע בליק, און מיר קענען פון דעם נישט ציען קיין אייגענע החלטות, און אויב יא, טוט די לעכערליכקייט און אומפארלעסליכקייט איבערשרייען מיט צי גרויסע קולות, דיין נעקסטע סטעיטמענט אז "סייענס איז אויף דיין זייט.."

(איינער האט דא דערמאנט א האט ליין, און אסאך פון אונז האבן געליינט אין גליונות, ווי זיי ברענגען 'בלויז' ארום צען מעשיות פון די צענדליגע טויזענטער מעשיות וואס זיי האלטן געהיטן אין רעדאקציע... בערך אזוי ווי די טויזענטער דאקטוירים וואס זיי האבן, וואס פון צווישן זיי ברענגען זיי נאר אראפ די 'פראמינענטע' און 'בארימטע' אויף זייער ליסט, צווישן זיי א דאקטער מיט דעם טיטל Attorney at law, א לויער, (זיי מיינען עכט אז אונז זענען משוגע??), און איינעם מיט די טיטל PHD, הערט זיך ענליך צו MD, ווארשיינליך א דאקטער.. איך ווייס נישט ווער יענער איז, אבער PHD איז א שטאפל אין דעגרי, אויב איז עס אין מעדעצין ווייסט ער לכאורה מער ווי א דאקטער, אבער עס קען רואיג זיין אז יענער האט א PHD אין 'באטעניקעל ווערים בייאלאגיע' אדער אין 'פראש פארדייאונג כעמיסטרי'...)

עס איז דא א באקאנטע סטעיטמענט צווישן די אנטי'ס וואס טוט אראפמאלן כאילו יעדער וואס געבט נישט קיין וואקסין האט געהאט א פערזענליכע מעשה, עס רעדט פון, "די טויזענטער עלטערן וואס געבן נישט קיין וואקסין ווייל זיי האבן איינגעזעהן דעם אמת!" און די צווייטע סטעיטמענט טוט ערקלערן דעם אמת אז "וואקסין איז שעדליך, און זייעט אן א ריזיגע חורבן!" און געוויסע שטעלן עס אפילו צוזאם אין איין סטעיטמענט "די טויזענטער עלטערן וואס געבן נישט קיין וואקסין ווייל זיי האבן איינגעזעהן אז וואקסין איז שעדליך!"
נו, אויב 'אמת' מיינט אז וואקסין איז שעדליך, און 'איינגעזעהן' קען מיינען איינגעזעהן אין פאקט, מן הסתם איז דא געשעדיגטע אין די מאסן.

און איך רעד שוין נישט פון דעם אז ווען מען הערט פון צוויי מענטשן אז זיי ווייסן פערזענליך פון איינעם, רעכנט מען עס דאפעלט כאטש וואס עס קען רואיג זיין אז זיי רעדן פון די זעלבע מענטש.

איך האב לעצטענס אויסגעטראפן, און זאגט מיר אויב איך בין גערעכט, איך האלט אז עס איז זיכער דא מער ווי איין פרעזידענט אין אמעריקע, איך פערזענליך האלט אז עס איז דא צענדליגע, מוזט נישט מודה זיין צו דעם, אבער מער ווי איין איז זיכער דא, קוק מיין פשוטע חשבון,
איך האב פאריגע וואך געקויפט די צייטונג, און זיי רעדן דארט פון די פרעזידענט, די נעקסטע וואך ווען איך האב עס נאכאמאל געקויפט האבן זיי נאכאמאל גערעדט פון די פרעזידענט, איך בין דעמאלס נאכנישט געווען זיכער אז עס מיינט טאקע אז עס איז דא צוויי, אבער שפעטער האב איך געקויפט א אנדערע צייטונג, און ווידער רעדן זיי פון די פרעזידענט. אפשר איז דאס נישט אזא שטארקע ראי' אבער איך קען דיר פארציילן נאך מער, איך האב אנגערופן א נייעס האטליין, און אודך דער פרעזידענט, עכ''פ עס קען טאקע זיין אז געוויסע פון זיי רעדן פון די זעלבע מענטש, אבער רעד מיר נישט איין אז פון אזויפיל פארשידענע פלעצער איז נישט דא קיינער וואס רעדט פון א צווייטן.


אוודאי איז דאס א שיין ווערטל, און איך מיין נישט צו זאגן אז יעדער רעדט פון די זעלבע מעשה, וואס איך מיין צו זאגן איז אז פון לופטיגע גאס מעשיות קענסטו נישט זעהן פון וויפיל מען רעדט, און דאס אז 'טויזענטער' עלטערן געבן נישט קיין שאט'ס (אפילו אויב ס'איז אמת) מיינט זיכער נישט אז עס איז דא 'טויזענטער' געשעדיגטע.

און פאר די וואס ווייסן יא קלאר פון א מעשה, אדער אפילו פון אפאר, ביזטו דען פארזיכערט אז עס קומט טאקע פון שאט'ס? און לאמיר זאגן אז יא, איז דאס נישט פון די זאכן וואס זיי זאגן קלאר אז עס קען קומען פון שאט'ס?

(גראדע קען איך פערזענליך איינעם וואס האט ל''ע געהאט א שלעכטע עקספעריענס, ער זאגט אז עס קומט פון שאט'ס, איך קען דאס נישט באשטעטיגן אבער אויך נישט אפלייקענען, און איך זוך נישט די מצוה פון אים טרעטן אויף זיין ווייטאג, דעריבער האב איך עס קיינמאל נישט דיסקוסירט מיט אים. אבער איך קען אויך איינעם, (גאר א נאנטע קרוב) וואס האט געהאט א ערענסטע רעאקציע פון בעסיטרעיסען, מן הסתם איינע פון די לעצטע אויף די סייד אפעקט ליסטע אין די אינסערטס. פאר מיר איז דאס זאכן וואס איך האב מיטגעהאלטן און נאר איינמאל אנעקדאטעל איבערווייז, אבער איר דארפט דאס אננעמען אלס צוויי מאל אנעקדאטעל איבערווייז.)

און צום לעצט, אויב איך מעג זאגן א ווארט צו די וואס האבן ליידער מיטגעמאכט א שווערע עקספעריענס ל''ע, אפילו אויב איר זענט זיכער אז וואקסין איז געווען דער גורם, לאזט אייך נישט איבעררעדן פון די געמיינע מענטשן וואס פארדרייען אייך און פראבירן אייך אנצולייגן מיט שולד געפילן, כאילו איר האט ח''ו בא'עוול'ט אייער קינד, אדער נישט געטאן גענוג אים אפצוהיטן, איר האט געטאן די ריכטיגע זאך, און פונקטליך דאס וואס איר האט געדארפט צו טאן, און איר האט וואויל אויסגעפירט די אחריות וואס ליגט אויף אייך פאר אייער קינד!

איך גלייב אז פאר ווייטערדיגע באשלוסן לגבי וואקסין וועט איר דארפן אנפרעגן א פראפעסיאנאלע מיינונג, עס איז שטארק אנגענומען אז געוויסע גענעטישע שטריכן קענען הייבן ביי געוויסע די ריזיקעס צו קאמפליקאציעס ל''ע, כאטש וואס מען קען עס כהיום נישט אנצייגן אדער פאראויסזאגן. און איך גלייב אז מען וואלט שוין געהאלטן פאראויס דערמיט ווען מען אינוועסטירט ווען דערין די חדשים און יארן, און די ביליאנען דאלארן, וואס מען האט אויסגעגעבן צו באשטעטיגן די פאלשקייט, אומבאזירטקייט, און רשעות'דיגע סעלפישקייט, פון די הוילע פאנטאזיעס און ליגנטס, פאבריצירט און פובליצירט צוליב אומפארשעמטע געלט גייציקייט, און תאוות הכבוד, פון איינצעלנע יחידים. (אפילו אויב איינער האלט אז מען האט אומריכטיג אוועקגענומען די לייסענס פון דר. וועיקפיעלד, קען ער נישט פארלייקענען די פאקט אז ער איז געווען געדינגען דורך א אדוואקאטן פירמע, און האט בייזוויליג פובליצירט זיין פארפירענדע און אפגעפרעגטע שטודיע).

די מענטשן זענען נישט אויף אייער זייט, זיי פארדרייען אייך, און נעמען אדווענטעדזש פון אייער שוועריקייט מיט א פרעכקייט און א אומדערהערטע ביליגקייט.

און צו ענק, די וואס האבן גורם געווען די יעצטיגע מצב,
(דאס פאלגענדע איז נישט געווען א הקדמה צו מיינע פארשונגען, עס איז געווען א החלטה נאך מיינע פארשונגען)
מיר ווייסן אז איר האט געטראפן א פלאץ ווי איר קענט רייטן אויף די אומשולדיגע מענטשן, קיינער האט נישט ליב צו שטעכן א קינד,
מיר האבן אויך נישט קיין פראבלעם אז מען מעג נעמען א טאבלעט פון א פרעמדע כינעזע גוי, אבער א FDA אפראווד מעדעצין טאר מען נישט נעמען ווייל א חבר האט אייך געזאגט אז עס האט קארטיזאן.
מיר האבן איין בקשה צו אייך, גייט צוריק אין אייער לאך ווי איר זענט געווען פאר די לעצטע צוואנציג יאר, און פירט אויס אלע אייערע משוגעת'ן אויף אייער אייגענע קינדער, לאזט אונז לעבן, תרתי משמע.
און זייט וויסן אז איר זענט עתיד ליתן את הדין, נישט נאר אויף די דירעקטע עגמת נפש וואס פארשידענע פאמיליעס האבן געליטן, און ליידן נאכאלס, צוליב אייער אומ'אחריות, נאר אויך אויף די צענדליגע אנדערע אומדירעקטע עגמת נפש, בכלל ובפרט, וואס איר האט אנגעווערטשאפט פאר אונז. והחי יתן וכו'.

________________

טייערע אייוועלט חבירים, איך גרייט מיר זיך צו געזעגענען פון אייך, עס איז געווען געשמאק צו פארברענגען מיט אייך, איך האב זיך געלערנט א שיינע פאר זאכן פון אייך, און אין די זייט זיך באקאנט געמאכט מיט אפאר סארטן אויפפירונגען וואס מענטשן טוען געווענליך באהאלטן אין דער עפענטליכקייט, אבער ערלויבן זיך ארויסצואווייזן אין א אנאנימע אטמאספער.

לאמיר איבערלאזן מיינע געזעגענונג רייד צו אייך מיינע נייע אבער ליבע פריינד,

איך בין ארויפגעקומען דא אריינצואווארפן מיינע פאר צענט, איך האב געשפירט אז עס פעלט אפאר כללים דא אין די דעבאטע, און איך האב עס פראבירט ארויסצוברענגען, דירעקט און אומדירעקט, אין מיינע עטליכע תגובה'לעך.
איך וויל איבערגיין אין קורצן אפאר זאכן וואס וועט אייך לדעתי אסאך פארגרינגערן, בעיקר אין אזא צומישטע פעלד ווי וואקסינען.

- ווען איר פרעגט א שאלה מאכט זיכער אז איר זענט זיך קלאר מסביר, זעהט אז יענער זאל שפירן אז ער האט בכלל פארוואס צו ענטפערן.
- ווערט נישט פארלוירן און צומישט פון אלע זייטיגע טענה'רייען און קשיות, גייט צו מיט א קלארע קאפ, ווייסט וואס איר ווילט וויסן, און ווייסט וויאזוי מען דארף קוקן אין א נושא וואס מען ווייסט נישט.
- ווערט נישט פארלוירן פון א פיסק, און אייער שאלה טאר נישט זיין, וויאזוי קען זיין אז יענער זאגט אנדערש? אויב איר ווילט אליינס לערנען, לערנט אליינס, אבער אויב איר ווילט גלייבן, גלייבט דעם וואס דער לאגיק הייסט גלייבן.
- אונזער שאלה איז נישט אויב וואקסין איז הונדערט פראצענט פארזיכערט, און אויך נישט אויב מיר קענען פארשטיין אלעס ארום אזא ריזיגע נושא, אונזער שאלה איז וואס מיר זענען מחיוב צו טאן פאר אונזערע קינדער.

און צום לעצט לאמיר זיך נאכאמאל באדאנקען פאר אלע וואס האבן מיר אזוי שיין אויפגענומען דא, און צו די וואס געבן אוועק זייער צייט און זענען שטענדיג דא, מיט שטוינענדע געדולד און קלארקייט, אינגאנצן שלא על מנת לקבל פרס.
___________

צו דער וואס האט געבעטן מיין אישי דיסקוסיע וואס איך האב געהאט איבער פלאסיבא, עס איז געווען א גאר לאנגע און אינטערעסאנטע דיסקוסיע, אבער מערסטנס געלאפן אויף א פערזענליכן פארנעם, מיר האבן אסאך גערעדט פון זייטיגע ענינים, און עס איז געלאפן אין ליניע פון א שמועס אהין און צוריק, און אויסער דעם זענען די ענטפערס זענען געווען זייער ספעציפיש, לויט זיינע פראגעס, און לויט זיינע ספעציפישע ספיקות, דעריבער וואלט איך עס געדארפט שטארק מגיה זיין אז עס זאל זיין אינטערעסאנט און רעלעוואנט פאר די רבים, איך האב ענדערש אויסגעוועהלט ארויסצוקומען און איבערשרייבן אין א אנדערע פארמאט די זאכן וואס איך האב געהאלטן פאר וויכטיג אויסצושמועסן, און געוויסע חלקים פון מיינע ארטיקלען האב איך טאקע ארויסגענומען פון דארט.

נכתב בצד. איך האב דיסקוסירט וואקסינען מיט צענדליגע מענטשן, און איך גלייב אז איך האב איבערגענוצט דא עטליכע געדאנקען, וואס איך האב געזאגט פאר מענטשן פערזענליך, דעריבער וויל איך בעטן, פאר די וואס ווייסן ווער איך בין, אויב איר ווייסט טאקע, פארשטייט איר די צוויי פשוטע סיבות פארוואס איך קען זיך נישט ערלויבן אז מיין אידענטיטעט זאל פארעפענטליך ווערן דא, און איר קענט פארשטיין אז עס איז דא נאך עטליכע סיבות פון וואס איר ווייסט נישט, דעריבער זייט נישט עובר אויף מכה רעהו בסתר, און די זכות זאל אייך ביישטיין.

זייטס געזונט און האטס גרויס הצלחה, פון היינט וועל איך נאר דא זיין צו שטיין אויף מיינע ווערטער, פארשטייט זיך נאר אויב מיינע ווערטער זענען טאקע אין פראגע, און נישט ווען איינער לייגט אריין ווערטער אין מיין מויל וואס איך האב נישט געזאגט, אדער האט ווארשיינליך בכלל נישט געליינט מיינע תגובות.

המכונה, אברהם דוד
This post is rated MA and is intended for mature audiences.

דממה דקה
שר האלפיים
תגובות: 2156
זיך איינגעשריבען אום: זונטאג מאי 28, 2017 7:00 pm

תגובהדורך דממה דקה » דאנארשטאג יולי 04, 2019 10:45 pm

;l;p- אחד הוא אברהם

אוועטאר
קענדי'ס
שר חמש מאות
תגובות: 964
זיך איינגעשריבען אום: מאנטאג סעפטעמבער 25, 2017 4:44 pm
לאקאציע: שמחות תורה אויפ'ן פארענעשטעס

תגובהדורך קענדי'ס » פרייטאג יולי 05, 2019 10:04 am

ישר כח טענק ספאסיבאו מערסי תודה
שיין געזאגט גוט געזאגט

אוועטאר
איינס
שר האלפיים
תגובות: 2419
זיך איינגעשריבען אום: דינסטאג סעפטעמבער 26, 2017 9:16 am

תגובהדורך איינס » פרייטאג יולי 05, 2019 10:36 am

קלאר און וואהר
יישר כחך ר' אברהם!
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם.

גרויסע-גדולה
שר חמש מאות
תגובות: 558
זיך איינגעשריבען אום: זונטאג אפריל 02, 2017 12:55 pm

תגובהדורך גרויסע-גדולה » פרייטאג יולי 05, 2019 1:00 pm

ארי בא אל החבורה.
מיר האבן אריינבאקומען דא א ריז. א מענטש מיט שכל, מיט יישוב הדעת. וואס קען דורכטון א נושא, און זיך נאך ארויסברענגען בכתב אויך. הוא הגבר וואס איז ראוי בכלל צו שטיין אין ווארט צו פירן א דעבאטע אדער דיסקוסיע.
מיר בעטן אלע מתווכחים זאלן זיך לערנען פון זיין ניווא און סטאנדארטס!
mi a nagy ügy


צוריק צו “אקטועלע נייעס”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 23 געסט