eller האט געשריבן:לחם לשובע האט געשריבן:אין ירושלים אין עטליכע שולן איז דא מניינים תהלים וועכענטליך צי מבטל זיין די גזירת גיוס, מיסודו פון הגאון הגדול ר' מאיר סולבייציק זצ"ל. כ'מיין ס'די בעסטע עצה, אפשר זאל מען עס איינפירען אויך אין אמעריקא.
און אז מען דאווענט שוין, זאל מען שוין אויך דאווענען אויף אידן אין אייראפע און אין אנדערע מדינות וואס די שלטונות רודפ'ט זייערע רעליגיעזע רעכטן, אין חינוך, און אין מילה, אדער שחיטה, און סתם אנטיסעמיטישע רדיפות, און אזוי אויך נישט פארגעסן צי מתפלל זיין צי מבטל זיין די יצה"ר און שמד האינטערנעט, די גרעסטע מסית בדורינו.
אין קרית יואל אין כולל ויואל משה איז שוין לאנג דא א מנין תהילים ביי מיטאג..
אין ויואל משה סאטמאר מאנסי איז שוין אויך לאנגע חדשים דא א מנין תהלים קבוע יעדע וואך.
די סטעיטמענט פון נטרונא איז אביסל צומישענד, יעצט אויף די מינוט איז נישט די רעדע פון א כלליות'דיגע באיקאט אויף די מדינה, די רעדע איז פון א צייטווייליגע למען ביטול הגזירה. ממילא די לעצטע פוינט איז שוין נישט גילטיג. אבער בנוגע די ערשטע פוינט בין איך זיך מצרף צו מטעמים:
מטעמים האט געשריבן:צוויי פראבלעמען מיט א בויקאט.
1) די צאל היימישע יודען וואס עס גייט זיי אן זענען נישט צו גרויס און זיי זענען נישט קיין גרויסע ארץ ישראלדיגע פראדוקטען קויפערס.
2) עס שעדיגט אביסעל די מדינה און נאך מער היימישע פרנסות אין ארץ ישראל.
דער פלאן זעהט נישט אויס צו גוט, איינער האט נאך א פלאן?!
אני הקטן טו דאס נישט אלץ "באיקאט" ליבערשט אלץ מיין פריוואטע נישט ווילן הנאה האבן פון די מדינה והנעשה בה וכו', און נישט ווילן אז די מדינה זאל הנאה האבן פון מיר. אידן אין ארץ ישראל שטיץ איך דורך לייגן געלט אין ר' מאיר בעל הנס פושקע.