כשרות נאטיצן
פארעפענטליכט: דינסטאג נובמבר 17, 2009 8:57 am
וואס האב איך מיט די פאטיצקע חסידות איינגעלייגט?, די לעצטיגע תקופה בין איך שטארק געווארן אנגעקניפט ביי די פאטיצקע קהילה, איך דריי מיך אין דער גרויסער פאטיצקער בית המדרש, איך עס מער ווינציגער נאר מאכלים מיט דער פאטיצקער הכשר, איך האב קיינמאל מיט פאטיצק גארנישט געהאט, אין דא זעה איך מיר אלץ א פאטיצקער חסיד, מיט אלע פיטשוויקעס.
איך זיץ אין בית המדרש, איך לערן אין א ספר על הלכה, נאך א וויילע בליקן אינעם ספר כאפ איך זיך אז דאס אז דאך דער שאלות ותשובות ספר פונעם הייליגען פאטיצקער, ווי קום איך צו עוסק זיין אין פאטיצקער ספרים, ווען האב איך אמאל געלערענט אין א פאטיצקער ספר, וואס האט דא פאסירט.
איך פאר אינעם מאשין, איך צינד אן א סידי וואס איך האב לעצטענס איינגעהאנדלט אין שוהל, איך האב מיין ידיד מיט מיר אין די קאר, ער פרעגט מיך, וועמענס דרשה טעיפ האסטו דא? איך קלער א מינוט, וואס הייסט, איך האב דעם פאטיצקערס הלכה שמיעס, ווי קומסטו צו פאטיצק? ידיד לעבן זאג איך איהם, איך ווייס אליינס נישט, אבער לעצטענס בין איך געווארן א פאטיצקער, אין די סיבה פארוואס איז מיר אומבאקאנט.
קול רנה..., שמחת חצר פאטיצק, א חתונה אין פאטיצקער הויף, איך האב מיטגעהאלטן די גאנצע חתונה מרישא ועד סיפא, פון קבלת פנים ביז נאכן רבינ'ס מצוה טאנץ, אויף די נאכפראגע פון מיינע חברים, וואס זיכסטו אין פאטיצק, ביזט אפשר פון די אנדערע זייט, איך בין געווארן געפלעפט, וואס זיך איך טאקע אין פאטיצק?
ימים נוראים האב איך פארברענגט אין פאטיצק, דער בחור'ל לערנט אין די פאטיצקער ישיבה, איך בין געווארן א פאטיצקער, אבער פארוואס? וואס האט מיך אריינגעשלעפט אין פאטיצק?
מיין שוואגער האט בר מצוה געמאכט, איך האב אוודאי געקויפט פארן חתן הבר מצוה די חידושי תורה ספר פון דער אלטער פאטיצקער רבי, ביי א געלעגענהייט האב איך מיך געטראפן מיט דער בר מצוה בחור, צום ערשטוינינג פרעגט ער: וואס האט דער פעטער מיט פאטיצק, אונז זענען נישט קיין פאטיצקע, איך זאג איהם אז איך בין געווארן א פאטיצקער, אויף זיין פראגע פארוואס איז קיין ענטפער פארהאנען.
איך האב זיך מתבונן געווען, וואס הייסט עס האט נישט קין ענטפער?, צוליב עפעס א סיבה בין איך אנגעקומען קיין פאטיצק, אבער וואס איז די סיבה, נישטא קיין לעזונג צו מיין פראגע.
ויהי היום, איך האב באשלאסן אז איך גיי חוקר זיין למאי כל זה, וויאזוי האט פאטיצק מיך פארכאפט, איך האב פראבירט צוריק דרייען מיין זייגערל אין מח, פון ווען איך האב אנגעהויבן זיך נייטיגן אין פאטיצק, די זכרונות לויפן פארביי, טישן, דרשות, גאנץ פאטיצק ביז צום אנפאנג, יא, איי גאט איט, זייט מיר האבן אנגעהויבן גיין עסען מלוה מלכה'ס צו די עלטער מומע פון אפ-טאון, די געשמאקע בארשט מיט קארטאפל, זינט דעמאלטס בינעך א פאטיצקער געווארן, וואס פארא שיכות קען די מומע האבן מיט פאטיצקע, אין ווי קום איך אריין דא?
דאס קמענדיגע מאל מיר זענען געקומען צו די מומע פאר מלוה מלכה, האב איך געפרעגט די מומע, מומע לעבן, וואס האט די מומע מיט פאטיצק? פאטיצק פרעגט זי? וואס זאל איך האבן מיט פאטיצק???
די מומע'ס געדאנק האט אויפגעבליצט, איין מינוט! "פאטיצק" אוודאי, איך ניץ נאר די פאטיצקער קוק בוך (קאכן בוך) צו צושטעלן די נארהאפטיגע בארשט מיט קארטאפל פאר מלוה מלכה (אוי איז דאס גוטע בארשט..), אכן נודע הדבר, וואס פאר א השפעה א מאכל קען האבן...
ניצט נאר כשר'ע מאכלים מיט כשר'ע הכשרים און רעצעפטן פון גוטע מקורות, גיבט אכט וואס מען נעמט אין מויל אריין ווייל עס קען האבן אן השפעה.
לחיים ולשלום!
איך זיץ אין בית המדרש, איך לערן אין א ספר על הלכה, נאך א וויילע בליקן אינעם ספר כאפ איך זיך אז דאס אז דאך דער שאלות ותשובות ספר פונעם הייליגען פאטיצקער, ווי קום איך צו עוסק זיין אין פאטיצקער ספרים, ווען האב איך אמאל געלערענט אין א פאטיצקער ספר, וואס האט דא פאסירט.
איך פאר אינעם מאשין, איך צינד אן א סידי וואס איך האב לעצטענס איינגעהאנדלט אין שוהל, איך האב מיין ידיד מיט מיר אין די קאר, ער פרעגט מיך, וועמענס דרשה טעיפ האסטו דא? איך קלער א מינוט, וואס הייסט, איך האב דעם פאטיצקערס הלכה שמיעס, ווי קומסטו צו פאטיצק? ידיד לעבן זאג איך איהם, איך ווייס אליינס נישט, אבער לעצטענס בין איך געווארן א פאטיצקער, אין די סיבה פארוואס איז מיר אומבאקאנט.
קול רנה..., שמחת חצר פאטיצק, א חתונה אין פאטיצקער הויף, איך האב מיטגעהאלטן די גאנצע חתונה מרישא ועד סיפא, פון קבלת פנים ביז נאכן רבינ'ס מצוה טאנץ, אויף די נאכפראגע פון מיינע חברים, וואס זיכסטו אין פאטיצק, ביזט אפשר פון די אנדערע זייט, איך בין געווארן געפלעפט, וואס זיך איך טאקע אין פאטיצק?
ימים נוראים האב איך פארברענגט אין פאטיצק, דער בחור'ל לערנט אין די פאטיצקער ישיבה, איך בין געווארן א פאטיצקער, אבער פארוואס? וואס האט מיך אריינגעשלעפט אין פאטיצק?
מיין שוואגער האט בר מצוה געמאכט, איך האב אוודאי געקויפט פארן חתן הבר מצוה די חידושי תורה ספר פון דער אלטער פאטיצקער רבי, ביי א געלעגענהייט האב איך מיך געטראפן מיט דער בר מצוה בחור, צום ערשטוינינג פרעגט ער: וואס האט דער פעטער מיט פאטיצק, אונז זענען נישט קיין פאטיצקע, איך זאג איהם אז איך בין געווארן א פאטיצקער, אויף זיין פראגע פארוואס איז קיין ענטפער פארהאנען.
איך האב זיך מתבונן געווען, וואס הייסט עס האט נישט קין ענטפער?, צוליב עפעס א סיבה בין איך אנגעקומען קיין פאטיצק, אבער וואס איז די סיבה, נישטא קיין לעזונג צו מיין פראגע.
ויהי היום, איך האב באשלאסן אז איך גיי חוקר זיין למאי כל זה, וויאזוי האט פאטיצק מיך פארכאפט, איך האב פראבירט צוריק דרייען מיין זייגערל אין מח, פון ווען איך האב אנגעהויבן זיך נייטיגן אין פאטיצק, די זכרונות לויפן פארביי, טישן, דרשות, גאנץ פאטיצק ביז צום אנפאנג, יא, איי גאט איט, זייט מיר האבן אנגעהויבן גיין עסען מלוה מלכה'ס צו די עלטער מומע פון אפ-טאון, די געשמאקע בארשט מיט קארטאפל, זינט דעמאלטס בינעך א פאטיצקער געווארן, וואס פארא שיכות קען די מומע האבן מיט פאטיצקע, אין ווי קום איך אריין דא?
דאס קמענדיגע מאל מיר זענען געקומען צו די מומע פאר מלוה מלכה, האב איך געפרעגט די מומע, מומע לעבן, וואס האט די מומע מיט פאטיצק? פאטיצק פרעגט זי? וואס זאל איך האבן מיט פאטיצק???
די מומע'ס געדאנק האט אויפגעבליצט, איין מינוט! "פאטיצק" אוודאי, איך ניץ נאר די פאטיצקער קוק בוך (קאכן בוך) צו צושטעלן די נארהאפטיגע בארשט מיט קארטאפל פאר מלוה מלכה (אוי איז דאס גוטע בארשט..), אכן נודע הדבר, וואס פאר א השפעה א מאכל קען האבן...
ניצט נאר כשר'ע מאכלים מיט כשר'ע הכשרים און רעצעפטן פון גוטע מקורות, גיבט אכט וואס מען נעמט אין מויל אריין ווייל עס קען האבן אן השפעה.
לחיים ולשלום!