כ'האב פונקט געלערנט (דעם שבת) די גמ' אין סנהדרין ווי עס שטייט די פרשה פון בלעם האב איך מיר געכאפט אז ס'איז ממש די וואכעדיגע סדרה ווי מ'האט געהרג'עט בלעם, עניני דיומא, האב איך אפיר געזוכט יגר'ס ארטיקל, האב איך גזעהן אז ער ציטירט שוין די גמ' אין סנהדרין, מיט אלע פרטים וואס נעמט ארום דעם מציאות פון בלעם, ע"כ לאמיר מאכן אביסל סדר וויאזוי די צייטונגען וואלטן געשריבן די פרשה.
מיטלענדישע וועלט צוטרייסטלט נאך טויט פון לאנג יעריגע נביא בלעם
מדין - אין א שווערע מלחמה געפעכט וואס האט אויסגעבראכן אינערהאלב מדין ווי אידן האבן אטאקירט די מדינים, צוליב פארשוועכן זייער הייליגן גלויבן, און אונטעשטעלן אומאראלישע שטיקלעך קעגן אידישע קינדער.
די אידן זענען געוועהן גאר סאפיסטיקירט, גראדע איז די צאל זעלנער געוועהן געציילט צו בלויז 12 טויזנט מאן, איין טויזנט פון אלע דיוויזיעס (שבטים) זיי האבן מיט געברענגט עטליכע גאר סודות'פולע מכשירים וועלכע האט מיסטעריש אנגעזייט א שרעק און א פאניק צווישן די מדינים,
בלעם וועלכע האט געוויילט אין די לעצטע טעג אין מדין האט אויך ארויס גענומען זיינע מיסטישע קונצן און געפלויגן אין די לופטן, אבער די כלי מכשרים פון די אידן האבן אים באוויזן אראפ צו ברענגען און דערמארדערט אויפן ארט.
בלעם איז געבוירן צו זיין טאטן בעור, פאר דריי און דרייסיג יאר צוריק, פון אנדערע קוועלער האבן מיר געהערט אז ער איז געבורין געווארן איבער 200 יאר צוריק (רש"י סנהדרין קו) נאר צוליב לעגאלע פראבלעמען האט ער זיך איינגעגעבן פאר בלויז 33 יאר, פון באהאלטענע קוועלר הערן מיר אז ער איז גאר דער זעלבע לבן הארמי, די שווער פון יעקב אבינו, (עיין יעקב)
נאך זייענדיג אין מצרים איז ער שוין געוועהן פון די מיניסטארן ווי ער האט שוין דאן ארויס געוויזן זיין שטארקע פיינטשאפט צו אידן מיטן געבן עיצות פאר פרעה וויאזוי צו פייניגן אידן,
היות ער איז געוועהן א בלינדער און א הונקעדיגע האט ער קיינמאל קיין געהעריגע שידוך נישט געקענט טרעפן, מאנכע האבן געזאגט ער ער האט געלעבט אין גוטן מיט איינע פון זיינע אייזלען במקום א פרוי, (גמ' שם)
נאך די אומגעלונגע אקציע פון בענטשט אנשטאט שעלטן אידן מיט די פערזענדליכע אויפזיכט פון בלק, איז דער נביא נאך אלץ געוועהן גרויסהאלטיג און שטאלצירט אז ער האט געמאכט אידן זינדיגן, און דערפאר איז ער געקומען שפעטער אפנעמען דאס געלט,
ביים אפנעמען האט אים אבער ערווארטעט א סופרייז, אז די אידישע קינדער האבן אים פארכאפט, און דערמארדערט,
קלוגע מענטשן האבן געזאגט, אז אויף אים זאגט זיך דאס ווערטל א בהמה איז געקומען בעטן הערנער האט מען אים אפגעשניטן די אויערן.... (גמ' שם סנהדרין)
.
