תיקון ליל שבועות אונטער פראגע צייכן......

עקסקלוסיוו: ארטיקלען און אנאליזן

אחראי: אחראי

אוועטאר
שאץ מאץ
שר האלפיים
תגובות: 2880
זיך איינגעשריבען אום: דאנארשטאג מאי 15, 2008 5:01 pm
לאקאציע: איבעראל
פארבינד זיך:

תיקון ליל שבועות אונטער פראגע צייכן......

תגובהדורך שאץ מאץ » מאנטאג יוני 02, 2008 3:09 pm

תיקון ליל שבועות אונטער פראגע צייכן......

הער אויף!!!, ווייסט נישט אז קשיות אויף מנהגי ישראל גרעניצט זיך מיט אפיקורסות?,

יא יא, אמת ויציב ונכון אבער לאמיר מיר ארום שמיסן, בלשון שאלה, אזוי ארום ווען מיר אביסל קלארער ווערן אינעם גאנצן ענין.

יעדער ווייס, שבועות ביינאכט, נאך די סעודה קומט מען זיך צוזאם אין שול, מ'זעהט ווי יעדער איז פריש אפגעשוירן, פיין אנגעגעסן, מיט א יו"ט'דיגן רואיגקייט, נעמט מען דעם תיקון אין האנט, און מ'הייבט אן מעביר סדרה זיין דעם תיקון.

איייי בראשית ברא אלקים את השמים ואת הארץ, והאאאאארץ (מיט א רביע), אינטרעסאנט צו באמערקן, אז אינעם גאנצן תיקון, איז נישטא קיין איין פזר אדער שלשלת, אלעס איז נאר אזעלכע פשוט'ע גראדע תנועות, ווי פשטא אדער רביעי, מסתם איז דאס דירעקט אזוי, פאר שבועות ביינאכט נאך די סעודה, נאך חצות, וואס דאן זינגט זיך עפעס נישט אזוי, דעם פזר און שלשלת אדער אזלא גרש....

אלזא, מ'איז מעביר סדרה דעם תיקון, אפי' די משניות זאגט מען שוין מיט טראפן, אייייי מאימתי קורין את שמע בערבית, (בנוסח ויסעו מרפקה ויחנו במקהלות, ויסעו ממקהלות ויחנו.....) בשעה שהכהנים נכנסין לאכול תרומתן....,
קינד און קייט מיט מידע אויגן, ממש מיט מסי"נ איז מען אויף צו ענדיגן דעם גאנצן תיקון, ביזן עלות, מ'גייט און מקוה, און מ'פאלט אריין בעט מיט שטרוילכלדיגע טריט,

וואס אידאס?, וואס הייסט וואס? א מנהג ישראל, אין אלע ספרים שטייט דאך טעמים, בראש וראשון, ווייל אידן זענען פארשלאפן ביי קבלת התורה ועוד, מ'מאכט גרויסע תיקונים, מ'רעדט נישט אויס ביז כתר און זוי ווייטער, אבער הכל מודים אז דאס איז נאר א מנהג, אין שו"ע ווערט דאס נישט דערמאנט, גראדע אין משנה ברורה סי' תצ"ד, ברענגט ער בשם א זוהר, אז חסידים הראשונים זענען אויף געוועהן א גאנצע נאכט, און פארארבעט גרויסע ענינים,

איצט לאמיר צוריק מישן דעם שו"ע, סימן תפ"א פסח ביינאכט, ווערט געפסקנט א הלכה, חייב אדם (דער צאנזער רב האט געזאגט ווי ס'שטייט חייב דארף דאס זיין ביז מסי"נ), חייב אדם לעסוק בהלכות הפסח וביצ"מ לספר נסים וכו' עד שיחטפנה שינה, אין אידיש טייטש, א מענטש איז מחיוב צו לערנען סיפור יצ"מ, ביז ער פאלט אריין אין א שלאף פון זיך אליין, דאס מיינט אין אנדערע ווערטער, נאך'ן פראווענען דעם סדר, דארף מען ארויס נעמען א חומש, און לערנען שמות וארא בא בשלח, אדער מדרשים וכדומה, נישט גיין אין בעט, נאר ממש לערנען ביציאת מצרים, ביז ווען מ'שלאפט איין,

לאמיר אייך פרעגן שטילערהייט, וויפיל אידן טוען דאס? און זיי לייגן זיך נישט שלאפן אגאנצע נאכט פסח, לערנען בסיפור יציאת מצרים עד שיחטפנה שינה, א מספר מצומצם,
פארוואס? א הלכה אין שו"ע מיטן לשון חייב?
דא שבועות ביינאכט וואס איז בלויז א מנהג, איז יעדער אין ביהמ"ד,
און דא א הלכה אין שו"ע, און דער עולם שלאפט???
הא? א שווערע שאלה.....

לויט מיין קליינע ארימע אפשאצונג, איז די פשוט'ע תירוץ אזוי,
ווייל דאס איז אינדערהיים, און דאס איז אין שול, וואלט ווען דער מנהג געוועהן אז שבועות ביינאכט נאך די סעודה, נעמט יעדער ארויס דעם תיקון אינדערהיים און געזאגט דעם תיקון ליל שבועות אינדערהיים, וואלטן די תיקון דריקער'ס שוין לאנג ארויס פון ביזנעס, יעצט אבער, אז דער מנהג איז מ'קומט דווקא אין ביהמ"ד, בצוותא חדא, איז די מעשה גאר אנדערשט,

לימא מסייע לי', א אתרוג!...
ווי וואלט געוועהן, ווען מ'נעמט א אתרוג בלויז אין דערהיים, און מ'ברענגט נישט דעם אתרוג אין שול, און אפי' מ'ברענגט ווען יא דעם אתרוג אין שול, נאר מ'וואלט זיך נישט ארום געדרייט ביי הושענא, וואלט טאקע דעמאטץ א אתרוג אויך געקאסט אזוי טייער? וואלטן מיר מקפיד געוועהן אויף א ברוין פינטל שלא נראה לעינים? אבאוואס,

אלא מאי? מ'קומט אין ביהמ"ד, מ'דרייט זיך ביי הושענא'ס, מ'ווייזט פארן עולם דעם אתרוג, יעדער קוקט יעדער זעהט, יעדער ווייסט וויפיל מ'האט געצאלט, איז מען מקפיד אויף א שיינעם אתרוג, מיט א שיינעם פרייז, די זעלבע איז הכי דא הינען, ווייל מ'קומט אין ביהמ"ד שבועות ביינאכט, לעין כול, איז טאקע דער מנהג, אז יעדער קומט, ואיש בל יעדר, ווייל ס'איז ברבים און יעדער זעהט, זאגט יעדער דעם תיקון....

אדרבה, איר האט א אנדערע תירוץ אויף די קושיא? פארוואשע פסח שלאפט מען, אין שבועות איז מען אויף?
לאמיר הערן, זייער גערן...

נישט חלילה מזלזל זיין אין תיקון ליל שבועות, מכח אונזער קשיא, נאר תורה הוא ולימוד אני צריך,

אוועטאר
יאנאש
שר שמונת אלפים
תגובות: 8286
זיך איינגעשריבען אום: מיטוואך יוני 28, 2006 8:40 pm
לאקאציע: וואו בינעך טאקע?

תגובהדורך יאנאש » מאנטאג יוני 02, 2008 3:16 pm

איך בין גערעגט סאו וועלעך מאכן שארף, לו יהא אז דאס איז די סיבה (עס איז נישט) פעלט גארנישט דערפון, מתוך שלא לשמה בא לשמה.

אוועטאר
אנדי פעטיט
שר שבעת אלפים
תגובות: 7174
זיך איינגעשריבען אום: זונטאג סעפטעמבער 02, 2007 11:20 am
לאקאציע: אין די גלייזן

תגובהדורך אנדי פעטיט » מאנטאג יוני 02, 2008 3:29 pm

איך האב הנאה פון דיין אויפריכטיקייט רבי שאץ-מאץ (עי' ערך טייערע אתרוגים ווי איך האב שוין געשרגן/געשריבן איבער יענער נושא און אויך געכאפט דערפאר), למעשה ביזטו לכאורה גערעכט (יאנאש האלט דאך אויך אזוי) אז ווען עס איז נישט ברבים וואלטכן מענטשען נישט אזוי מקפיד געווען דערויף, פונקט ווי מענטשען זענען נישט אזוי מקפיד אין דער היים אז די הענט זאלן זיין אזוי טרוקען ביי נטילץ ידים ווי זיי זענען מקפיד אין ביהמ"ד ווען עס ווארטען א 50 יודען אונטער זיי.

איך גלייב נישט אז דו זוכסט עפעס צו טוישען דא, דו ברענגסט פשוט ארויס א גוטע פוינט אויף א בא'טעמ'טע אופן.

יישר כח.
הייב אויף דיינע הענטעלעך צום טאטע אין הימל!

אוועטאר
אלטעבחורל
מ. ראש הקהל
תגובות: 1086
זיך איינגעשריבען אום: מיטוואך נובעמבער 14, 2007 11:28 pm
לאקאציע: לעצטענס בינעך געווען אין א פאָפאָטש, היינט? אין אַ קראַקס
פארבינד זיך:

תגובהדורך אלטעבחורל » מאנטאג יוני 02, 2008 3:45 pm

שאחפלץ! נייס קלו, גוטע דערהער, אבער איך האב נאכנישט דעריאגט נאכצוקוקן דיינע גיסענדע מראה מקומות וואס גייט נאכאנאנד. אבער אוקי א'שאחצ-מאחץ.


אבער הער שאחצ'ל, מיר גלייכן דאס זייער איז די גאנצער רעיון אויפזיין א גאנצע נאכט, א טיי-צוויי-דריי יעדע רונדער שעה. מיט תיקון ליל אינעם האנט, זייער זיסליך.

אין די פריע פארטאגס שעה'ן די קראכעדיגע הייסע וואסער ווארט אפ מיט א זעלטענעם געשמאק, ווען פיצלעך אין עלטערע ווייקן זיך אויפן עלות ארויס. מ'פלאטשעק אין מרעדט נישט, ווייל אלעס ווארט אויף כתר... נעעע ווי קען מען דאס אפילו פארנעצן מיט א שלאטף.

יעצט וועגן פסח ביינאכט? דער שוויגער גראדע פארציילט יא די ניסים וואס זי האט געהאט ביים בלעטערן די כורך לעטעס בעפאר פסח. יעדער קען שלאפן, אבער ס'נאו פראבלעם! זי פארציילט די ניסים.

אההה וועגן דעם הושענה בינטעל מיטן אתרוג קלאפצייג? דאס יא... ווען איך שאקל ווען אינדערהיים לפי שיטתך, וואלט איך נישט געוואוסט ווי איך הייב אהן, אין ווי איך ענדיג, קוים וואס איך ווייס פון מיין הויז אויב עס איז דא א זון אדער נישט, קויפ א לעכל פאר לופט איז דא.

אזוי אין שול, שאטקל איך מיטן ווינט. מזרח מעריב... מען דרייט די בינטל ארויף אויפן אקסל, א שמאחס מיטן טלית'ל זאל זיין נאך א ריס מיט לולב אינעם נידריגן דעכל. סאו וואחט איך שאטקל לולב.

אוועטאר
scy4851
שר ששת אלפים
תגובות: 6650
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מאנטאג יוני 02, 2008 3:56 pm

אנדי פעטיט האט געשריבן:איך האב הנאה פון דיין אויפריכטיקייט רבי שאץ-מאץ (עי' ערך טייערע אתרוגים ווי איך האב שוין געשרגן/געשריבן איבער יענער נושא און אויך געכאפט דערפאר), למעשה ביזטו לכאורה גערעכט (יאנאש האלט דאך אויך אזוי) אז ווען עס איז נישט ברבים וואלטכן מענטשען נישט אזוי מקפיד געווען דערויף, פונקט ווי מענטשען זענען נישט אזוי מקפיד אין דער היים אז די הענט זאלן זיין אזוי טרוקען ביי נטילץ ידים ווי זיי זענען מקפיד אין ביהמ"ד ווען עס ווארטען א 50 יודען אונטער זיי.


איך האב געהערט פון אויווארער רב ז"ל
דוד המלך זאגט. מה רב טובך אשר צפנת לרעיך, פעלת לכל החוסים בך נגד בני אדם.

א טעם פארוואס שכר מצוה בהאי עלמא ליכא איז ווייל דא ווייסט מען נישט ווער איז באמת א צדיק. מאנכע מענטשען פירען זיך אויף ערליך
כדי דער שכן זאל זעהן.
און הימעל ווייסט מען אבער יא דער אמת.
אויב מעוואלט געגעבען שכר בהאי עלמא, וואלט געווען א געלעכטער, מעזעהט איינער וואס מען קען איהם נישט פאר א צדיק,
קריגט שכר, און דא איז איינער וואס מעקען איהם פאר גאר אן עהליכער, קריגט גארנישט.
האט מען אוועק געלייגט דעם שכר אופען עולם האמת, וואס דארט וועט יעדער אמתדיג איינזעהן וויא יעדער שטייט.
דאס זאגט דוד המלך,
מה רב טובך אשר צפנת לרעיך - זייער פיל איז דיין גיטס וואס די האסט באהאלטען פאר דיינע פריינד די צדיקים, אין די צאלסט
נישט בהאי עלמא
פעלת - די האסט דאס געטוהן [די האט באהאלטען דעם שכר]
לכל החוסים בך - וועגען די אלע וואס טוהן גיטס און קוקען און דיר
נגד בני אדם - נאר פאר אנדערע , אז אנדערע מענטשען זאלן מיינען אז זיי זענען צדיקים
the SCY is the limit

אוועטאר
אנדי פעטיט
שר שבעת אלפים
תגובות: 7174
זיך איינגעשריבען אום: זונטאג סעפטעמבער 02, 2007 11:20 am
לאקאציע: אין די גלייזן

תגובהדורך אנדי פעטיט » מאנטאג יוני 02, 2008 3:58 pm

:lol: אלטער דו ביזט אזא אלטער בחור!!! :lol:

צוויי באמערקונגען וואס איך האב דורך די יארן באמערקט לגבי תיקון שבועות.

1)ווען א ליידיגייער האט נישט קיין געדולד צו זאגן תיקון נעמט ער זיך שמועסען מיט זיינע חבירים, א פיינע יונגערמאן וואס האט נישט קיין געדולד צו זאגן תיקון נעמט א קאנטשע מיט טיי אוון גייט ארום טיילן פאר די עולם.

2)מיין חבר האט מיר אמאל ארויסגעשלעפט פון בית המדרש (א גרויסע ביהמ"ד) 230 ביינאכט און ער האט מיר געהייסען אבזערווירן וואס עס טוט זיך אפ. איך זעה ווי א יונגערמאן קומט ארויס פון ביהמ"ד מיט אן אפענע תיקון און שפאצירט זיך זייער שטייט און געמיטלעך און זאגט זיין תיקון, ער וויל פשוט כאפען פרישע לופט. אבער אזוי ווי ער איז אנגעקומען 3 הייזער אוועק פון ביהמ"ד האט ער פארפאקט זיין תיקון אין טאש אריין און אפגעצויגען. אזוי איז עס אנגעגאנגען א יעדע 2-3 מינוט מיט א צווייטע, שפאצירט זיך ארויס שעפשענדיג תיקון און דערנאך הייבט מען פוס.
הייב אויף דיינע הענטעלעך צום טאטע אין הימל!

אוועטאר
scy4851
שר ששת אלפים
תגובות: 6650
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מאנטאג יוני 02, 2008 4:19 pm

יאנאש האט געשריבן:איך בין גערעגט סאו וועלעך מאכן שארף, לו יהא אז דאס איז די סיבה (עס איז נישט) פעלט גארנישט דערפון, מתוך שלא לשמה בא לשמה.
ר' יאנאש..נאך וויפיל יארען פון שלא לשמה'ען קומט מען צי מזל אהן צי דעם לשמה...
the SCY is the limit

אוועטאר
John McCain
שר מאה
תגובות: 137
זיך איינגעשריבען אום: מיטוואך ינואר 30, 2008 9:44 am

תגובהדורך John McCain » מאנטאג יוני 02, 2008 5:41 pm

איין זאך איז זיכער די יאר האט מען נישט קיין שום תירוץ צו זיין מיד עס איז זונטאג נאכט
נאך א אויסגעשלאפענע שבת און זונטאג ארבעטן רויב מענטשען נישט
נעקסטער פרעזידענט פון אמעריקע
www.MeetBarackObama.com

אוועטאר
איש חסיד
שר מאה
תגובות: 207
זיך איינגעשריבען אום: מאנטאג מארטש 31, 2008 8:39 pm
לאקאציע: פון צייט צו צייט אין קרעטשמע

Re: תיקון ליל שבועות אונטער פראגע צייכן......

תגובהדורך איש חסיד » מאנטאג יוני 02, 2008 5:54 pm

שאץ מאץ האט געשריבן:תיקון ליל שבועות אונטער פראגע צייכן......
איצט לאמיר צוריק מישן דעם שו"ע, סימן תפ"א פסח ביינאכט, ווערט געפסקנט א הלכה, חייב אדם (דער צאנזער רב האט געזאגט ווי ס'שטייט חייב דארף דאס זיין ביז מסי"נ), חייב אדם לעסוק בהלכות הפסח וביצ"מ לספר נסים וכו' עד שיחטפנה שינה, אין אידיש טייטש, א מענטש איז מחיוב צו לערנען סיפור יצ"מ, ביז ער פאלט אריין אין א שלאף פון זיך אליין, דאס מיינט אין אנדערע ווערטער, נאך'ן פראווענען דעם סדר, דארף מען ארויס נעמען א חומש, און לערנען שמות וארא בא בשלח, אדער מדרשים וכדומה, נישט גיין אין בעט, נאר ממש לערנען ביציאת מצרים, ביז ווען מ'שלאפט איין,

לאמיר אייך פרעגן שטילערהייט, וויפיל אידן טוען דאס? און זיי לייגן זיך נישט שלאפן אגאנצע נאכט פסח, לערנען בסיפור יציאת מצרים עד שיחטפנה שינה, א מספר מצומצם,
פארוואס? א הלכה אין שו"ע מיטן לשון חייב?
דא שבועות ביינאכט וואס איז בלויז א מנהג, איז יעדער אין ביהמ"ד,
און דא א הלכה אין שו"ע, און דער עולם שלאפט???
הא? א שווערע שאלה.....

פסח שטייט עד שיחטפנה שינה גייט מען שלאפן,
שבועות איז די מנהג אינגאנצן נישט צי שלאפן ווארט מען עד שיחטפנה שינה

אוועטאר
איך_הער
סעקרעטאר
תגובות: 18574
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » מאנטאג יוני 02, 2008 8:01 pm

שאץ'ל, איך האב נישט זייער ליב דיין קעפל, מ'לייגט נישט א קעפל, וואס ברענגט ספיקות צו א מנהג ישראל, כאטש דו ברענגסט ארויס אויף דיין אייגנארטיגן סטייל, א מורא'דיגע קשיא, און איך קען דיר טאקע נישט ענטפערן, אבער אויף אזויפיל ווייסטע דעך יא, אז ביי א דרבנן איז מען אסאך מער מחמיר, ווייל דברי חכמים צריכין חיזוק, סאו קען זיין אז די זעלבע זאך, איז מיט א מנהג אז מ'זאל דערויף מער מקפיד זיין, ווייל ס'איז צריכין חיזוק.

כ'האב אבער נאך אלץ הנאה געהאט פון דיין שיין שטיקל ארבעט, יישר כח.

זיידעניו
שר ארבעת האלפים
תגובות: 4376
זיך איינגעשריבען אום: פרייטאג פאברואר 01, 2008 12:51 pm

תגובהדורך זיידעניו » מאנטאג יוני 02, 2008 8:48 pm

מר. שיץ צעקל ה"י,
א הערליכע און אומגערעכטע ארטיקל, האט זיך מיט א גאלדענע טינט ארויסגעגאסן פון א אומפארשטענדליכע פעדער, לקיים מה שנאמר, נישט אלעס וואס מען ווייסט נישט, איז נישט.

נאר אז מען ווייסט נישט קוקט מען, מה שעשו אבותיך ורבותיך, און דאס ווערט אנגערופן ביי אונז מנהגי ישראל, און אויף אן אנדערע שפראך ווערט דאס אנגערופן מסורה, און ביי אונז איז דאס פון די פארבאטענע צו פרעגן אדער אפרעגן מיט שפאט, אפילו ווען מען מיינט אז מען פארשטייט, אז עס איז א נישט.


דאס וואס אידן זענען אויף ביים תיקון ליל שבועות, איז דאך דער מקור א של"ה הק', און עס הייבט זיך טאקע אן די מקור פון זוהר הק' וואס מען זאגט בשעת'ן תיקון, אז ביי תיקון איז מען מתקן די תכשיטי כלה, וואס מיר פארשטייען נישט וואס דאס מיינט אפילו, אבער עס איז א געשעהעניש וואס פון דעם אויפזיין ווערט, א געוויסע תיקון, אין די עולמות אויף וואס מיר ארבעטן בלויז מיטן אויפזיין, און זאגן דברי תורה.

דאס אויפזיין פסח ביינאכט איז אויך אייגעפירט מיט א מסורה, ווי אזוי עס מקובל מדור דור, דורכ'ן זאגן שירות ותשבות לה', מיט שיר השירים, און נון בוי וכו', וואס דאס איז א שיינע חלק פון די עניני סיפור יציאת מצרים, דאס הודאה על מה שעשה לנו, און אויף תחתפנו שינה מיינט נישט אז מען דארף איינשלאפן אויפן בענקל, (הגם, אז ביי ווייסיך וויפיל אידן איז דאס יא א געשעהעניש, פון די נארמאלקייט), נאר אז דער שלאף איז גובר, אזש ביז עס וויל זעך אליין לויפן אין בעט אריין, משא"כ ביים תיקון ליל שבועות, איז דער ענין שלא לטעום טעם שינה....

דיין סברה פון זיין און ביהמ"ד גיט אפשר אביסל די געשמאק אויסצופירן דעם פליכט פון נדידת שינה מעינים,

און דיין ראיה ווייסיך אויך נישטווי קראנק עס איז, פון די ד' מינים,
א מצוה אין די תורה, וואס עס שטייט ולקחתם וכו' הדר, און עס גייט ארויף די הדר, אויף אלע ד' מינים, וועלכע איד איז נישט גרייט מהדר צו זיין ביי א מצוה דאוריתא וואס די תורה הייסט אז זאל זיין הדר...,

לכשאפנה וועל איך אביסל מער מרחיב זיין

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דינסטאג יוני 03, 2008 12:13 am

John McCain האט געשריבן:איין זאך איז זיכער די יאר האט מען נישט קיין שום תירוץ צו זיין מיד עס איז זונטאג נאכט
נאך א אויסגעשלאפענע שבת און זונטאג ארבעטן רויב מענטשען נישט


ביי מיר איז פונקט פארקערט, מוצאי שבת לייגט מען זיך יום-טוב אזייגער (ווען?), און יעדן זונטאג נאכט בין איך דאפעלט מיעד (כ'האף אז ערב שבועות וועל איך האבן צייט זיך אראפצולייגן).

פוילישער
שר חמש מאות
תגובות: 596
זיך איינגעשריבען אום: מאנטאג דעצמבער 03, 2007 11:33 am

תגובהדורך פוילישער » דינסטאג יוני 03, 2008 9:12 am

שאצער יו נאט רייט. קוק דיך אום שבועות ביינאכט ווער עס איז אין ביהמ"ד. די ליידיג גייערס וואס ענדיגן זייער סדר פסח ביינאכט ביי חצות שוין נאך חד גדיא, זענען נישט אין ביהמ"ד, נאר פופן אריין.

די אידן וואס זענען אין ביהמ"ד א גאנצע נאכט זענען וואוילע ערליכע אידן, וואס נאכ'ן סדר זוכן זיין א מנין ספירה, און מען זאגט שיר השירים א.א.וו.

איי וועסטו פרעגן מען זעט גרופעס שמועסן? דאס זענען וואוילע שעפעלעך וואס זיי ווען זיין ווילן זיין א "ודברת בם" רוקן זיי אראפ זייער גארטל, אדער קויפט מען א פאר סלייס קאפל, בערך די השגות. די ריעל ליידיג גייערס זענען שוין 1 אזייגער נישט צום געפונען...

ליצנות אין זייט געלייגט, נישט יעדער האט כח צו זאגן א גאנצע נאכט, אבער מען וויל מקיים זיין א מנהג ישראל, בלייבט מען כאטש אין ביהמ"ד טרינקן טיי און אביסלע שמועסן ביז'ן עלות. אבער צו זאגן אז מען קומט ווייל עס איז אין ביהמ"ד און מען שעמט זיך, איז נישט וואר. ווייל קיינער וועט נישט וויסן אויב מען איז נישט אויף געווען א גאנצע נאכט. מען צייכנט נישט דארט.

אוועטאר
דזשאמבא
שר חמישים
תגובות: 57
זיך איינגעשריבען אום: דאנארשטאג ינואר 24, 2008 10:38 am

תגובהדורך דזשאמבא » דינסטאג יוני 03, 2008 11:37 am

איך_הער האט געשריבן:שאץ'ל, איך האב נישט זייער ליב דיין קעפל, מ'לייגט נישט א קעפל, וואס ברענגט ספיקות צו א מנהג ישראל


זייער א שיינער שריפט פארמאגט איר, אבער... אבער שכח פאר די עפארט'ס.

אוועטאר
נאטורליך
שר חמש מאות
תגובות: 933
זיך איינגעשריבען אום: דינסטאג יולי 04, 2006 3:15 pm
פארבינד זיך:

תגובהדורך נאטורליך » דינסטאג יוני 03, 2008 1:28 pm

שאץ מאץ, פיין אראפ געלייגט. אבער איך זעה נישט וואס איז דער פראגע צייכען? איז דיין שאלה פארוואס מען האט מסירת נפש דערפאר? בעת ווען עס וואלט געווען אין שטוב וואלט מען געגאנגען שלאפען? אויף דעם זאגט דאך יארמע רב אז ווען מען זאל די מרור טראגן אין ביתמדרש און די לולב שאקלען אינדערהיים וואלט געווען א מרור יריד אנשטאט א אתרוג אויספארקויף. ישראל קדושים הם, וואס מיר האבען בקבלה מדור דור טוט מען אן א שאלות.
די זעלבע אידען וואס גייען אין מקוה יעדעס יאר שבועות ביים נץ, פארציילען טאקע די ניסים פון יצ"מ ביז זיי שלאפען איין.
מיין טאטע און זיידע ולמעלה עד ווייסעך ווי זענען געגאנגן צו תיקון ליל שבועות און אזוי טוה איך אויך. רוף עס מסי"נ, רוף עס טראדיציע, רוף עס אנגעגעסן, רופט עס וואס איר ווילט אבער איך גיי בעקבי הצאן.
אן וועלן גריבלען צופיל ווער עס האט אנגעהויבן דעם מנהג. און אזוי ווייז איך מיינע קינדער. איי וועט איר פרעגן פארוואס איך פאשע נישט קיין שאף ווי דער זיידע יעקב. מיט אזא עקאנאמיע קען געמאלט זיין מיר וועלן זיך מיזען נאכפרעגן אויף אזא פרנסה.
א גיטע פענע האט איר ר' שאץ מאץ, זיי אונז ווייטער מהנה. און א דאנק

אוועטאר
יאהאן וואלפגאנג
שר מאה
תגובות: 230
זיך איינגעשריבען אום: מאנטאג יוני 02, 2008 1:45 am
לאקאציע: אונטערן טיש (ציטערנדיג פונעם ווייב'ס שטעקן)

תגובהדורך יאהאן וואלפגאנג » דינסטאג יוני 03, 2008 1:38 pm

קוידען, א דאנק אייך ר' שאצ'ל פארן ארטיקל. זייער שיין אראפגעלייגט וכו'

לעצם הענין: איך ווייס נישט ווען איר ענדיגט דעם סדר פסח ביינאכט, אבער ביי מיר איז קיין גרויסער דיפערענץ נישט פארהאן צווישן פסח און שבועות. ביידע מאל גייט מען אין בעט אריין ווען דער זייגער שלאגט פיר בערך.

צווייטנס, אויב וואלט איך טאקע געווען אן הלכה איד, וואלסטו מיר געזעהן כראפען שוין צוועלף אזייגער פסח ביינאכט. יא, ליידער, דאס איז בערך די צייט ווען דער תחטפנו קומט מיר באזוכן...

איזאק
שר האלפיים
תגובות: 2313
זיך איינגעשריבען אום: מאנטאג פאברואר 12, 2007 11:55 am

תגובהדורך איזאק » דינסטאג יוני 03, 2008 1:44 pm

א מנהג פון דורי דורות איז נישט אונטער קיין שום פראגע צייכן.
קאמענטארן זענען איבעריג.

אוועטאר
שאץ מאץ
שר האלפיים
תגובות: 2880
זיך איינגעשריבען אום: דאנארשטאג מאי 15, 2008 5:01 pm
לאקאציע: איבעראל
פארבינד זיך:

תגובהדורך שאץ מאץ » דינסטאג יוני 03, 2008 2:30 pm

וואטש אוט!.....ריקטס ענק אוועק.... איך בעק ארויס......
כ'האב נישט געמיינט חלילה, פראגע צייכן, כ'האב נאר געוואלט יעדער זאל אריין קומען אהער, ס'זאל ווערן א טומל,
האביך געשריבן "פראגע צייכן"און איך זעה טאקע דער גאנצער עולם איז געקומען צו לויפן מיט א בהלה,
איך פרעג נישט קיין קשיות אויף מנהגי ישראל,
אבער סתם אזוי אויסשמיס מעג מען דאך יא......
אבי ס'ווערט שוין לעבעדיג, ס'האט דאך אפי' דעם אלטן בחור אויףגעוועקט פון שלאף...
דער עיקר צו געדענקען, אז שלאפן איז נישט אויסגעהאלטן קיינמאל....
אוודאי נישט פסח ביינאכט, און כ"ש שבועות ביינאכט,
ודי בזה.....

אוועטאר
וויכטיג מאכער
שר עשרת אלפים
תגובות: 19554
זיך איינגעשריבען אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

תגובהדורך וויכטיג מאכער » דינסטאג יוני 03, 2008 5:11 pm

ניין כ'ריקמעך נישט! כ'לאדעך נישט ארויסבעקן! פונקט ווען איך קום אן בעקסטע ארויס?! ס'נישט נארמאל, כ'בינישט מסכים! ניטאמאל קריטיקירן לאזטעמעך נישט, א חוצפה פון א שאץ!

הער מעך אויס, כ'לאדעך ארויסבעקן מיט איין תנאי, אויב גייסטע שוין שרייבן א צווייטן ארטיקל, קענסטע ארויסבעקן! מסכים? געדענק, אויב נישט, לאזעך נישט ארויסבעקן!

שמאצי, טענקס! וויכי.

פארצייטישער
אנשי שלומינו
תגובות: 3
זיך איינגעשריבען אום: דינסטאג ינואר 29, 2008 1:36 pm

תגובהדורך פארצייטישער » מיטוואך יוני 04, 2008 1:04 pm

דיין קשיא פון פסח זאגט מען נאך פון בריסקער רב זצ"ל

אוועטאר
אנדי פעטיט
שר שבעת אלפים
תגובות: 7174
זיך איינגעשריבען אום: זונטאג סעפטעמבער 02, 2007 11:20 am
לאקאציע: אין די גלייזן

תגובהדורך אנדי פעטיט » מיטוואך יוני 04, 2008 1:10 pm

פארצייטישער האט געשריבן:דיין קשיא פון פסח זאגט מען נאך פון בריסקער רב זצ"ל


ווען ער זאגט עס ווען באלד פון אנהייב נאך פון די בריסקער וואלט די עולם אים נישט אזוי באפאלען און באזידלט ווי א כופר.

און מען וואלט נישט געהאט אזא לאנגע דיסקוסיע.
הייב אויף דיינע הענטעלעך צום טאטע אין הימל!

אוועטאר
יאהאן וואלפגאנג
שר מאה
תגובות: 230
זיך איינגעשריבען אום: מאנטאג יוני 02, 2008 1:45 am
לאקאציע: אונטערן טיש (ציטערנדיג פונעם ווייב'ס שטעקן)

תגובהדורך יאהאן וואלפגאנג » מיטוואך יוני 04, 2008 1:10 pm

פארצייטישער האט געשריבן:דיין קשיא פון פסח זאגט מען נאך פון בריסקער רב זצ"ל


צו וועמען איז געוואנדן דיין ענטפער?
והיית משוגע איז נישט קיין מצוות עשה - עס איז נאר א ברכה אז מען איז זוכה.

אוועטאר
scy4851
שר ששת אלפים
תגובות: 6650
זיך איינגעשריבען אום: דינסטאג ינואר 29, 2008 11:57 am
לאקאציע: אפשר קען איינער מיר זאגען וויא!

תגובהדורך scy4851 » מיטוואך יוני 04, 2008 1:27 pm

פוילישער האט געשריבן:... די ליידיג גייערס וואס ענדיגן זייער סדר פסח ביינאכט ביי חצות ..

רב פוילישער,
ענדיגען א סדר ביי חצות איז א רמ"א און הלכות פסח, בשם דער ר"ן אז מען זאל ענדיגען הלל אויך ביי חצות, נישט נאר דער אפיקומן.
the SCY is the limit

אוועטאר
יאהאן וואלפגאנג
שר מאה
תגובות: 230
זיך איינגעשריבען אום: מאנטאג יוני 02, 2008 1:45 am
לאקאציע: אונטערן טיש (ציטערנדיג פונעם ווייב'ס שטעקן)

תגובהדורך יאהאן וואלפגאנג » מיטוואך יוני 04, 2008 1:33 pm

scy4851 האט געשריבן:
פוילישער האט געשריבן:... די ליידיג גייערס וואס ענדיגן זייער סדר פסח ביינאכט ביי חצות ..

רב פוילישער,
ענדיגען א סדר ביי חצות איז א רמ"א און הלכות פסח, בשם דער ר"ן אז מען זאל ענדיגען הלל אויך ביי חצות, נישט נאר דער אפיקומן.


איך ווייס פון אן אמאליגע רב, א חסידיש'ער איד מיט אלע הידורים און א גרויסער לוחם מלחמות ה' אן קיינע וויצן, וואס פלעגט אויך ענדיגן דעם סדר שוין ביי חצות. יעדער איינער מיט זיינע מנהגים און וויאזוי ער האט געזעהן ביי זיינע עלטערן.
והיית משוגע איז נישט קיין מצוות עשה - עס איז נאר א ברכה אז מען איז זוכה.

אוועטאר
דארפסמאן
שר ששת אלפים
תגובות: 6413
זיך איינגעשריבען אום: דינסטאג נובעמבער 14, 2006 2:52 pm
לאקאציע: אין דארף

תגובהדורך דארפסמאן » מיטוואך יוני 04, 2008 3:41 pm

ווייסט וואס איך גיי דיר זאגען, איך האב אסאך געטראכט נאכען ליינען דעם ארטיקל איך באשלאסען אז די אינגעלייט וואס זיצען און שמיסען א גאנצע נאכט (איך מיין נישט ח"ו א מיניט צוויי דריי פיר פינעף זעקס ועוד) אז זיי שמיסען שטותים ביים סדר אויך (קען זיין, נישט קאנפימירט)
הכו"ח ר' אברהם דארפסמאן שליט"א
פה ב'דארף יצ"ו -


צוריק צו “היימישע דזשורנאל”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 3 געסט