אין די סעריע ביי מיר פאסירט עס אויך: מען גייט כאפן פיש

געשמאקע ארטיקלען און באשרייבונגען

די אחראים: יאנאש,אחראי,געלעגער

אוועטאר
יש ברירה
שר עשרת אלפים
תגובות: 11597
זיך איינגעשריבן אום: מאנטאג אוגוסט 17, 2015 3:44 pm

אין די סעריע ביי מיר פאסירט עס אויך: מען גייט כאפן פיש

  • ציטיר
  • צו לייגן א דאנק דארפט איר זיין אריינגעלאגט

תגובה דורך יש ברירה »

אין זיין לעבן האט ער נאכנישט מצליח געווען צו כאפן סיי וועלכע לעבעדיגע זאך אויף די יבשה, ווער רעדט נאך פון עפעס פון וואסער. אבער יעדעס מאל איידער ער הייבט אן די קייט פון אומפארמיידבארע אנטוישונג, איז זיין ערשטע שריט צוצולויפן צום טייך שיכור מיט ענטוזיאזם, אנצופילן א ריזיגן אמפער מיט וואסער ביזן זוים. מיט ביידע הענט שלעפט ער דערנאך דעם קליינעם וואנע, ביזן געפינען א זיכערע ארט נעבן בארטן דאס ארונטער צושטעלן, פולשטענדיג גרייט אויפצונעמען די מאסן פישלעך וואס ער גייט דאסמאל זיכער כאפן.

פון א שווארצע לענגלעכיגע זעקל נעמט ער ארויס א קליינע 'העלאו קיטי' פישינג ראד וועלכע ליגט צוזאמגעלייגט בערך אין די גרויס פון א פענסיל סוף לערע יאר. ער שלעפט פונעם שפיץ און עס ווערט אויסגעצויגן לענגער און לענגער. דא דרייט ער זיך ארום צו די משפחה און שענקט זיי שפאסיגע בליקן אפצוענטפערן זייער סקעפטיציזם, און אזוי זעצט ער פאר ווייטער ארויסצושלעפן, אזוי האלב ארומגעדרייט.

"דער געשעפט אייגנטימער - אן אראבער גראדע - האט מיך פרובירט איינרעדן צו קויפן א גרויסע ראד" זאגט ער מיט אפענע ציניזם "הערסט? כ'זאג אים, וואס א חילוק איינס פון צווייטן? אלע זענען א שטעקן מיט א האק אויפ'ן עק!".

נאך א קורצע איבעררייס זעצט ער פאר "ניין, איך פארשטיי גראדע יענעם, יענער איז דא פארן דאלער איך בין אבער נישט שולדיג, זיי נישט ברוגז". דא האט ער שוין געענדיגט פולשטענדיג אויסציען דעם ראד, ער איז גראדע אליינס איבערראשט ווי פיצל, און בעיקור ווי דין, דאס איז, אזש עס דרייט זיך מיט'ן רוח מציאה ווי א ווינט-מיל, אבער ער באהאלט זיין אנטוישונג נישט געבן לעגיטימיטעט פאר די נעבעכדיגע בליקן וועלכע באהאגלען זיין ליכטיג פינקע פיש כאפער.

פארשטייט זיך אז די ערשטע פרואוו אריינצואווארפן דעם שטריק אין וואסער מיט איבערמטויגע רציחה איז נישט געלונגען. די האק וועלכע איז געפלויגן אויפ'ן פארקערטן ריכטונג איז יעצט טיף אריינגעכאפט אין מוישי'ס פאות.

"כ'האב דיך געבעטן צו שטיין דארט! פארוואס מוזטו אייביג קומען אזוי נאענט? קוק, דאס געשעט!" ווארפט ער דעם שולד ווי א טאבע. נאך עטליכע מינוט איז אים געלונגען צו באפרייען דעם שארפן האק פון די הארטע דזשעל פאות (ארבעט פון די מאמע, גרייט פאר די פאטאגראפיע סעסיע; אויב די צייט וועט ערלויבן) בשעת ווען דאס קינד שטייט דארט געפרוירן אויפ'ן ארט, בלאס ווי אן איי.

עטליכע אומסוקסעספולע פרואוון האבן נאכגעפאלגט, ביז די שטריק האט ענדליך געלאנדעט אין וואסער, הגם בלויז עטליכע פיס.

"די קונץ פון כאפן פיש איז צו האבן געדולד" - זאגט ער מיט א קענטליך נערוועזע שטימע, בשעת ווען ער לייגט אנידער דעם פישינג ראד אויף דער ערד אזוי ארעי'דיג, כאילו עס איז בלויז א פראגע פון צייט איידער ער וועט עס דארפן אויפהייבן מיט א זיכערע פאנג.

מען ווארט… מען ווארט...

די ווייב פרובירט צו נידערן די ערווארטונגען אבער דער לאזט זיך נישט. די קינדער הייבן אן ווערן אומגעדולדיג און רייסן זיך ביי די קעפ, אבער ער איז יעצט לעיזער קאנצענטרירט אויף זיין מיסיע. ווילאנג זיין אמפער איז פארזיכערט זאל די גאנצע וועלט אויפגיין אין פלאמען.

צו אלע צרות האט ער מיטגענומען צוויי פון זיינע יונגע שוואגערס, בחורים, וועם ער פרובירט שוין צו באאיינדרוקן א שטיק צייט אלץ די פאָן שוואגער. אבער זיי שפילן שוין לאנג א העפטיגע 'קעטש' אביסל ארויפציר, און קימערן זיך נישט מיט זיינע פרוכטלאזע צוזאגעכצער: אז אט אט ווערט די טאג געקרוינט אלץ היסטארישע סוקסעס אין די פנקס המשפחה.

די זייגער ווייזערלעך קרייזן לאנגזאם ארום, עס איז שוין איבער שעה וואס דער קליינע רויטע טאבע שווימט אין וואסער ווי א קליינע ליכט טורעם צו זיין דורכפאל. נאכן זעהן אז עס נישט קיין תכלית הייבט ער זיך אויף, אנגעטון מיט א פראפעסיאנאל מינע - נישט צו אלארמירן די לאנגווייליגע אשת חיל וועלכע איז שוין אויך לאנג אויפ'ן טעלעפאן אין א העפטיגע דיסקוסיע איבער וואקסינען ("ציפי, איך זאג גארנישט, דזשאסט איך פרעג פארוואס דו קענסט נישט גיין צו א סעקאנד עפעניען, דעטס אלל").

ער הייבט אויף דעם ראד, שאקלט עס אביסל אהער און אהין, און דרייט עס צוריק צו כאפן א בליק אויפ'ן האק. "אסאך מאל עסן זיי אויף דעם ווארעם, די געריבענע חברה, און גייען זיך ווייטער" - ווידערהוילט ער זיין סטאטוס אלץ מובחר שבבריאות מיט ביטול קעגן אלע פיש בכלליות. אזוי ציענדיג שפירט ער אבער פלוצלינג אז עפעס איז שווער! עס שלעפט זיך נישט אזוי גרינג. די אנדרענעלין הייבט אים אן לויפן אין קאפ און ווילדע באפעלן הייבן זיך אן גיסן אין ריכטונג פון די גאנצע פאמיליע - וועלכע שטייט שוין לאנג נישט ארום.

"ריק דיך אין די זייט איך האב דא עפעס! ריק דיך!" "סארי איך מיין נישט צו שרייען אבער מען הערט נישט אנדערש! פשוט מען הערט נישט"

דער איז איבערמוטיג און זיינע ווערטער קומען ארויס ווי א כינעזער טוריסט וואס בעט פאר דירעקציעס. ער ראנגלט זיך מיט'ן כאפער ווי מיט'ן טייוול און הייבט זיך אן אונטערזינגען א פרייליך לידל. יודי לה' יא יא עפעס קומט חסדו, יודי דעפיניטלי לה' חסדו. דאן זעצט ער פאר שטילערהייט מיטן פרייליכן תנועה אבער יעצט אן די ווערטער טאטאראטאטאטאם.

בשעת דאס אלעס מאכט ער אבער אויך זיכער נישט ארויסצואווייזן זיין גאנצע שמחה. נאך אלעם דארף ער שפילן כאילו ער איז נישט עקסטער איבערראשט מיט זיין סוקסעס "אזוי גייט עס" זאגט ער פאר די פארגאפטע קינדער - וועלכע זענען שנעל געקומען צו לויפן זעהן וואס אזאנס האט פאסירט מיטן טאטן - מיט א פארעווע טאן "אז מען ווייסט וואס מען טוט איז כאפן פיש פון די גרינגסטע זאכן!".

פארשטייט זיך ווען ער ברענגט דעם העקעלע נענטער אנטפלעקט זיך פאר יעדן אז די האק איז פשוט פארכאפט אין א קלאמקע פון ווילדע וואסער גראז, און קיין זכר פון פיש איז נישט פארהאן. אבער דער איז אין פולשטענדיגע דינייעל, און שלעפט ווייטער א פארסאפעטער מיט אן אנגעשטרענגטן גרימאס - גאמבע עטוואס אויף ארויף, צונג עטוואס ארויסגעשטעקט, אבער די מויל הערמעטיש פארמאכט.

אין די ענדע האט ער געווינען! פון איין סעקונדע צום צווייטן איז אים דראסטיש גרינגער געווארן די ארבעט. די שטריק דרייט זיך שיין איין. אין זיין קאפ איז ער שוין צוריק אין די קאנטרי מיט א געזוכט וואס שיינט אין די טונקל פאכענדיג זיין פישל פאר אלע פעשע הויזן-טראגער יונגעלייט וואס טרונקען נאר בורבען ברוינפן אן א הכשר.

בלויז ווען ער קומט אן צום סוף אנדעקט ער אז די העקעלע האט שוין געהאט גענוג פון זיין נייע מאדנע בעל הבית און האט ליבערשט באשלאסן צו בלייבן צווישן די כאפטע גראז וועלכע שווימען אצינד געשמאק אין וואסער.

ברענג א צווייג! נעע, א לאנגע צווייג! דינערט זיין זידיטשובער לבנה'דיגע געזוכט. ער שטייט דארט ביים עק טייך, שוך אין וואסער, און פרובירט מיט אלע כוחות גרייכן דעם העקעלע מיט'ן אלטן ראסטיגן בעזעם וואס ער האט געטראפן ליגן אין טייך, אבער אן ערפאלג.

ווי אויף להכעיס בלאזט א געשמאקע ווינטל און די גראז שווימט ווייטער און ווייטער און ווייטער.

"וואטש וואס דו טוסט" בעט זיך דער אשת חיל ווען דער יונגערמאן איז שוין אין וואסער ביז די בארד, אבער אירע ווערטער רעגיסטרירן זיך ניטאמאל אין זיין פארטייבטן באוואוסטזיין.

אט איז עס שוין די גרעזל צו ווייט פאר סיי וועלכע האפענונג, בלויז זיינע טונקעלע בליקן קענען עס יעצט דערגרייכן. פונקט דאן באווייזט זיך א גרויסן פישל, בייסט אריין אין די האק און שלעפט עס אראפ אונטערן וואסער מיט אימפעט. די ערשטע מאל אין זיין לעבן וואס א פיש איז בכלל געקומען נאענט צו זיין ראד, און ער האלט דאס אלעס מיט געפלעפט פון דערווייטנס, א נאסער און באזיגטער.

"יעדער צוריק אין קאר! אבער יעצט!" שרייט ער מיט א הייזעריגע שטימע.

אזוי איינגעבויגן אין דרייען דערנענטערט ער זיך צו זיין באליבטן אמפער וואסער און דרייט דאס איבער מיט א געזונטן שטויס, בשעתן זיך אונטערמורמלען העצע פראזן. די מיטגעמאכטע קינדער גייען אלע אין א גלייכע שורה צוריק צום קאר, און די טאטע גייט אונטער זיי האלב געלעמט פון דעפרעסיע, מיט קליינע טייכלעך וועלכע פארמען זיך אונטער זיינע דורכגעווייקטע שוך.

אויב זענען די צרות נאכנישט געווען גענוג גייען זיי דארט פארביי א גוי, וואס שטייט ביים זעלבן טייך, און כאפט פיש איינס נאכן צווייטן, מיט א געשמאק.

"אפשר קען מען קויפן איין פיש פון די גוי?" גיסט חיים שטיין-זאלץ אויף די וואונדן "קוק ווי באנטש ער האט!"

"אונז זעמער עפעס געקומען כאפן פיש?!" - פרעגט די טאטע צוריק מיט שטוינונג, בשעתן ווילדערהייט ארויסטראסקען די בעיבי קערידזש פון טראנק צו מאכן פלאץ פאר זיין לערן אמפער.

"מיר זענען געקומען שעפן אביסל פרישע לופט. נו, א פיש וואלט געווען הכל רווח".
אוועטאר
לעגאו מענטשעלע
שר שלשת אלפים
תגובות: 3639
זיך איינגעשריבן אום: דאנערשטאג מאי 09, 2019 3:44 pm
לאקאציע: פאר מער דרוקט נומער 7

  • ציטיר
  • צו לייגן א דאנק דארפט איר זיין אריינגעלאגט

תגובה דורך לעגאו מענטשעלע »

שיגנער!
:lol: :lol: :lol: :lol:
אוועטאר
פאקטען
שר האלף
תגובות: 1693
זיך איינגעשריבן אום: דינסטאג פעברואר 03, 2015 9:34 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאקטען »

דער האט שוין גענוג געהאט פון קאנטרי....
האלוי... נאך א שיין ביסל צייט צו גיין

פיינע פריקן נייעס!
איך בין גרייט צו פארן פון מאנסי קיין ברוקלין, ווען אין די וועטער אשכול וועט געמאלדן ווערן אז מען קען...
בועז
שר חמישים ומאתים
תגובות: 474
זיך איינגעשריבן אום: פרייטאג אפריל 04, 2014 12:54 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בועז »

פוליצער סחורה.
פינחס
שר חמישים ומאתים
תגובות: 327
זיך איינגעשריבן אום: דאנערשטאג יולי 20, 2017 12:03 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך פינחס »

:lol: :lol: #פילדימאמענט
אוועטאר
בראנפן גלעזל
שר מאה
תגובות: 140
זיך איינגעשריבן אום: מיטוואך יוני 19, 2019 1:13 pm
לאקאציע: אין שענק

  • ציטיר
  • צו לייגן א דאנק דארפט איר זיין אריינגעלאגט

תגובה דורך בראנפן גלעזל »

דו ביזט שולדיג אין מיין בויך וויי! יויש דעיס איז געפערליך!
אגב: איך האב נישט געוואוסט אז מיט אזא שטרענגע צורה קען מען זיין אזוי הומאריסטיש! קום אפטער מיט אזעלכע ארטיקלען, שכח!
;l;p-
ביזן קרעטשמע דארף מען אויך א טרונק
אוועטאר
אדער יא
שר שלשת אלפים
תגובות: 3156
זיך איינגעשריבן אום: דאנערשטאג יאנואר 11, 2018 11:00 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך אדער יא »

א געשמאקע ארטיקל! ייש"כ @יש! יו מעיד מיי דעי.
אוועטאר
ענדע צדיק!
שר שמונת אלפים
תגובות: 8096
זיך איינגעשריבן אום: מיטוואך יולי 17, 2013 4:44 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך ענדע צדיק! »

האסט מיר געמאכט ליינען דאס גאנצע אין (אן) אן אטעם!

וויפל פיש האסטו שוין אזוי היינט געכאפט?
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון
אוועטאר
פלטיאל
שר האלפיים
תגובות: 2465
זיך איינגעשריבן אום: מאנטאג אפריל 13, 2015 10:19 pm
לאקאציע: בערך פופצן מינוט אוועק...

  • ציטיר
  • צו לייגן א דאנק דארפט איר זיין אריינגעלאגט

תגובה דורך פלטיאל »

שיגענער...

די מילצן טוען מיר וויי...

איי, ווי נעמט מען דעם אויסגעגאסענע קאנפידענס מינע אויפן פארשוויצטן פנים און התחדשותדיג'ן רוקן, ווען דער שטייט מיטן רבינו-תם ארבל ארויפגעשארצט און שלייכט אריין דעם יאו-יאו שטריק שוין צום-ווייסעך-וויפילטן מאל, זייענדיג פולשטענדינג זיכער, אז דאס מאל וועט עס אים יא געלונגען...
מיין מיינונג קען זיך אפשר טוישן אבער נישט דער פאקט אז איך בין גערעכט!
אוועטאר
אונגארישער
שר האלף
תגובות: 1611
זיך איינגעשריבן אום: מאנטאג דעצעמבער 01, 2008 12:00 pm
לאקאציע: אין שאראש פאטאק

  • ציטיר
  • צו לייגן א דאנק דארפט איר זיין אריינגעלאגט

תגובה דורך אונגארישער »

וויי וויי איז דאס א מין גיט ארטיקל! שוין לאנג נישט גלעזט אזא גיטס

שכוח "יש ברירה"
Liberalism is a mental disorder
אוועטאר
בענקעל
שר שלשת אלפים
תגובות: 3714
זיך איינגעשריבן אום: דאנערשטאג יוני 25, 2015 11:30 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בענקעל »

נו נו יש, איך בין דיר נישט מקנא, יעצט עסטו כאפן פון מיר. האסט מיר אויסגעגאסן דאס גאנצע אינהאלט, צושפריצט אויף אלע ארומיגע און בין משוגענער דא? הערסטע? איך בין דער שלמה מזל דא וואס קען נישט וואטשן וויאזוי איך טרונק.

אבער פפפפפפחחחחח... האהאהא....

אין די סעריע ביי מיר פאסירט עס אויך
אוועטאר
קנאפער ידען
שר החסד
תגובות: 30493
זיך איינגעשריבן אום: זונטאג יאנואר 06, 2013 10:06 pm
לאקאציע: וואו ג-ט ב"ה וויל

  • ציטיר
  • צו לייגן א דאנק דארפט איר זיין אריינגעלאגט

תגובה דורך קנאפער ידען »

יא יא, אין דער סעריע ביי מיר פאסירט עס אויך, האצעך מיר צעפאנטשעוועט אלע מילצן פון אלע פאנטש-ליניעס וואס דער יעזיגער האט געכאפט :lol: :lol:

קיפיראפ ישי!
"אייער צופרידנהייט, מיין הנאה." -מיך אליינס...

נישט אייביג קום איך אן צו אלעס, אויב איינער האלט איך קען בייהילפיג זיין פאר עפעס דא קען מען מיר צושיקן א לינק דערצו אין אימעיל [email protected]
רייכער איד
שר חמישים ומאתים
תגובות: 329
זיך איינגעשריבן אום: מאנטאג פעברואר 11, 2019 12:15 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך רייכער איד »

געוואלדיג! גערעגטע הומאר צים פינטל
שדופות קדים
שר חמישים
תגובות: 53
זיך איינגעשריבן אום: מיטוואך נאוועמבער 30, 2011 6:58 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך שדופות קדים »

געוואלדיג געוואלדיג.. אן ארטיקל וואס מען ליינט מיט אן איינגעהאלטענעם אטעם ביז די ענדע.
יישר כח יש ברירה, האמיר עכט הנאה געהאט.
אוועטאר
נו גוט נו שוין
שר עשרת אלפים
תגובות: 12231
זיך איינגעשריבן אום: דינסטאג אוגוסט 07, 2018 12:33 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך נו גוט נו שוין »

;l;p- ;l;p- ;a-1; ;a-1;
פון די סעריע "זעה מער שמייכלען"
שירה פען
שר חמישים ומאתים
תגובות: 451
זיך איינגעשריבן אום: פרייטאג יאנואר 06, 2017 9:49 am
לאקאציע: office

  • ציטיר
  • צו לייגן א דאנק דארפט איר זיין אריינגעלאגט

תגובה דורך שירה פען »

;l;p- ;l;p-
music helps your mood
אוועטאר
יש ברירה
שר עשרת אלפים
תגובות: 11597
זיך איינגעשריבן אום: מאנטאג אוגוסט 17, 2015 3:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יש ברירה »

א דאנק אייך אלע דאנקער!

-----


פלטיאל האט געשריבן:שיגענער...

די מילצן טוען מיר וויי...

איי, ווי נעמט מען דעם אויסגעגאסענע קאנפידענס מינע אויפן פארשוויצטן פנים און התחדשותדיג'ן רוקן, ווען דער שטייט מיטן רבינו-תם ארבל ארויפגעשארצט און שלייכט אריין דעם יאו-יאו שטריק שוין צום-ווייסעך-וויפילטן מאל, זייענדיג פולשטענדינג זיכער, אז דאס מאל וועט עס אים יא געלונגען...

כמיין, פארוואס דען נישט :twisted:
אוועטאר
לכאורה
שר עשרים אלף
תגובות: 28042
זיך איינגעשריבן אום: דינסטאג אקטאבער 20, 2009 2:43 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכאורה »

סמעטענע איט איז
אוועטאר
בערל קראקאווער
שר האלף
תגובות: 1558
זיך איינגעשריבן אום: דינסטאג מאי 17, 2016 1:18 pm
לאקאציע: בעקבתא דמשיחא

  • ציטיר
  • צו לייגן א דאנק דארפט איר זיין אריינגעלאגט

תגובה דורך בערל קראקאווער »

געוויינט און געלאכט נאנ-סטאפ!
ראש הקהל
הויפט געווינער - שרייבעריי פארמעסט תשע''ז
בקראקא אין אומרים ׳תתננו׳ ובאונגארן אין אומרים ׳הבינינו׳
אוועטאר
פאר'מוח'ט
שר האלפיים
תגובות: 2025
זיך איינגעשריבן אום: דאנערשטאג אוגוסט 03, 2017 6:57 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאר'מוח'ט »

הערליך הערליך שיין באשריבן...

קומענדיגע מאל גיי ארויס כאפן א הערש, די באשרייבונג וועט ווערן פיל אינטרעסאנטער...
די חכמה איז נישט וואס מען זאגט יא, נאר וואס מען זאגט נישט.
אוועטאר
בשעה שיש
שר האלף
תגובות: 1201
זיך איינגעשריבן אום: דינסטאג יוני 26, 2018 5:35 pm
לאקאציע: עולם החלומות

  • ציטיר
  • צו לייגן א דאנק דארפט איר זיין אריינגעלאגט

תגובה דורך בשעה שיש »

בראנפן גלעזל האט געשריבן:דו ביזט שולדיג אין מיין בויך וויי! יויש דעיס איז געפערליך!
אגב: איך האב נישט געוואוסט אז מיט אזא שטרענגע צורה קען מען זיין אזוי הומאריסטיש! קום אפטער מיט אזעלכע ארטיקלען, שכח!
;l;p-

יש ברירה:-איז דען נישט דא קיין ברירה?(אזוינע ארטיקלען!)
יאפ אין פולען זון פון ווארט!!
ניהנתי ולאכטי! שכ"ח
לעולם חשבתי יותר משדברתי
ודברתי יותר ממה שכתבתי!
אוועטאר
יש ברירה
שר עשרת אלפים
תגובות: 11597
זיך איינגעשריבן אום: מאנטאג אוגוסט 17, 2015 3:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יש ברירה »

געווען אין וואל-מארט, מיך דערמאנט...
אטעטשמענטס
Webp.net-resizeimage (1).jpg
Webp.net-resizeimage (1).jpg (397.07 KiB) געזען 4794 מאל
אוועטאר
הלשון
שר שלשת אלפים
תגובות: 3620
זיך איינגעשריבן אום: מיטוואך יולי 27, 2011 5:48 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך הלשון »

ערשט יעצט באמערקט דעם ארטיקל

סופער!!! סופער!!!

יש: דיין רייכע שפארך און סטייל איז וואן אףף עי קיינד!!

שטארק הנאה געהאט!
הלשון הוא קולמוס הלב, והניגון הוא קולמוס הנפש (בעל התניא מליאדי)
אוועטאר
יש ברירה
שר עשרת אלפים
תגובות: 11597
זיך איינגעשריבן אום: מאנטאג אוגוסט 17, 2015 3:44 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יש ברירה »

נעווער טו לעיט...

--s טענקס!
אוועטאר
איצל פיצל
שר האלף
תגובות: 1704
זיך איינגעשריבן אום: פרייטאג יולי 11, 2008 1:57 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איצל פיצל »

איי איי איי האב מיר געלאכט. אן ארטיקל צו געדענקען. האב מיר זיך געשפירט ביים טייך מיטהאלטענדיג די זאך לייוו.
שרייב תגובה

צוריק צו “היימישע קרעטשמע”