נאטורליך'ס נסיעה קיין מירון, ארץ ישראל

געשמאקע ארטיקלען און באשרייבונגען

די אחראים: יאנאש,אחראי,געלעגער

אוועטאר
נאטורליך
שר חמש מאות
תגובות: 968
זיך איינגעשריבן אום: דינסטאג יולי 04, 2006 3:15 pm
פארבינד זיך:

נאטורליך'ס נסיעה קיין מירון, ארץ ישראל

  • ציטיר
  • צו לייגן א דאנק דארפט איר זיין אריינגעלאגט

תגובה דורך נאטורליך »

רבותי א גריס אייך פון ישראל, דאס הייליג לאנד וואס אבותינו ורבותינו נ"ע האבן געקישט די ערד ביים אנקום, דאס לאנד וואס מיר בעטן דריי מאל א טאג ביים דאווענען, טאטע אין הימל קער אונז שוין צוריק צום הייליג לאנד מיט משיח'ן אינאיינעם, מיר ווילן דא צוריק זיין מיט א ביהמ"ק השלישי און דיר ברענגען שעפעלעך אופן מזבח.

עס איז יעצט דא אינמיטען די נאכט, נו ווי קען א אמעריקאנער צומאכען אן אויג בעת דאס ווייב אין אמעריקא איז פריש און מינטער, רעדט זיכער אויף א טרי-וועי מיט עטליכע גיטע פריינט - ווי לאונלי זי איז אנע מאן? נאכמער, ווער ווייסט וואס איך פארפאס דארט ? קען מיר איינער שנעל זאגען וואסי נייעס אויף ליע עוועניא? ווער עס מאכט א טיי אווענט האב איך שוין געזעהן אין "גיט מארגען" וואס איז מיך מזכה טעגליך צו מיין אימעיל.
אין דער אמת'ן האב איך געהאט גאנץ קנאפע צייט דורכן טאג, מיר זענען געווען נעכטען אין ירדן מיט אפאר חברים. היינט זיך געווייקט אין די בעדער ביים ים המלך, טאקע מיטן זעלבן בעידינג-סאוט וואס מיר פראווען דעם וואליבאל אין קאנטרי מוצ"ש, אויסגעגעבן היבש פון די ווייס אין בלויע ש"ח, געספענדעט אויף א מאסאדזש אין טברי' דערנאך פיינע סאשי מיט טשאקלעד מילך ביי א רעסטוראנט אין די גאס לעבן וואסער וואס מיינע פריינד האבן געצאלט. עס האט יענער טעם געהאט, נו גיי פארשעם זיי די גיטע פריינד פון ארץ ישראל אז זיי טויגן צו א גיט תבשיל ווי מיין פולישע שוויגער אין שנה ראשונה. מאך איך ליבערשט ליידיג דעם טעלער און זיי זענען גליקליך ביז גאר.

די וועטער איז דאך אומגלויבליך שיין. די בערג ארום, אויגפארציקענד. איך שטעל אפ די אויטא, גיי ארויס סתם צו קלאָצען אויף די שיינע געדרייטע וועגן און שטעגן, אזוי אויפרייצענד צו פארן ווער וויל זיך אומקערן צום הו הא פון די סיטי און צעקראכטע וויליאסבורג בריק. ווי נאך איז אזוינס פארהאן? ג-ט'ס ווינדער דרינגט אריין ביז די טיפעניש פון די נשמה. עס ווילט זיך בלייבן שטיין אין אויסשמעקען יעדעס גרעזעלע באזינדער וואס שפראצט אין צפת פון צווישען די צובראכענע שטיינער. פון דערווייטענס זעהט מען די סיין חברון, א טשיל גייט אריין אין די ביינער אט אט איז מען לעבן קברי אבות ואמהות, מען זאגט פון צדיקים אלע תפלות גייען דורך דעם מקום קדוש. דארט ביים עק פון מערת המכפלה איך לייג ארויף די האנט אויף די הייליגע שטיינער און דאס איבעריגע פארשטייט איר אליין.

אוי דו עמוקה. דאס געדרייטע וועג אנצוקומען צום תנא רבי יוב"ע איז מער ווערט ווי טויזענט מאנהעטענס. מיר זענען אנגעקומען צו א חשכות אינמיטען די נאכט אבער דאס קדושה שיינט אריין ביז אין די קושקעס און מאכט ליכטיג אויף תמיד. מיט מיין אויטא איז מיטגעקומען א איד וואס דארף נויטיג א ישועה, ער האט אזוינעס צוזאם געוויינט ער האט זיכער אויסגעפועלט א דבר ישועה.

די אטמאספערע אין גליל איז שטענדיג א גלארייכע, עס הייטערט פשוט אויף דאס מענטשהייט. יא מיר זענען אין גלות במלכות הרשעה אבער אן ארץ זבת חלב ודבש וואס מען זעהט נישט אין ערגעץ. נו שטעלט אייך שוין פאר וואס וועט זיין ווען משיח וועט קומען, איך רעד נישט דייקא פונעם גרויסען הענגל טרויבן וואס עט וואקסען אויפן בוים אזוי גרויס ווי אין דער צייט פון כלב בן יפונה. מיר ווילן דאך אלע זיך טרעפן מיט משה רבינו און דוד המלך. מי יתן והי' ב"ב.

ביזדערווייל מען עסט און מען טרינקט און מען לאזט זיך וואול גיין ב"ה. באלד וועלן מיר זיך טובל'ן אין די אייז קאלטע מקוה פון אריה"ק, דערנאך א דאווענען אין צאנזער קלויז. שפעטער וועלמיר אפנעמען דאס עסן ביי מענדי'ס, נישט אז ער מאכט אזא גיטע קאטשעניו ווי די פרוי זז"ג. אבער עס קומט א שיינער שבת בעז"ה, אין א הייזקע נישט ווייט פון מירון, א דירה'לע מיט צוויי ביה"כ, א לוקזערי אין די געגענט, דער מסגן ארבייט אמחי' ב"ה. קעץ איז דא מיט אזא שפע, עס לאזט זיך זאגן אז אין גאנץ ארץ ישראל פעלט נישט אויס קיין בילד פון ר' ישעי'לע.
אז עך וועל כח האבן וועל מיר בלי"נ שפאנצירען שבת מיטאג קיין מירון מיט אפאר לאנדסמאן בשבת אחים. און מוצאי ש"ק וועט זיין דער הדלקה בהא הידועה בתופים ובמחולות כנהוג במקום קדוש הזה ווי עיני כלל ישראל איז משתוקק זיך אויסצובעטן ישועות וכל מילי דמיטב פאר זעך אין די גאנצע משפחה. איי די הרגשים צושפילן זיך נאר טראכטענדיג פון די טרערן וואס וועלן פליסן און נאס מאכען דאס תהלימל , עוד מעט און די השתוקקות וואקסט באופן נעלה, ווי שיין וועט דאס זיין !!
מיין שכן טוב א תושב אשדוד דערציילט אונז ער האט מיטגעברענגט זיין קליין מיידעלע מיט א גרויסע פידל. "דאס אלעס! מיט די צוויי טייערע חפצים גרייט איך זיך פאר'ן יום הגדול במחיצת מירון" עסן האט ער נישט מיטגעברענגט ווייל ער האט געהאפט צו טרעפן א גיטער איד וואס זאל אים אריין נעמען פאר די סעודת. האמיר זיי איינגעלאדענט צו אונז אויף די שבת סעודות. ער זאגט כסדר "הקדוש ברוך הוא מתוק מדבש" בסדר?

איז אזוי, בקוצר אמרים, אנשי שלומינו פון אמעריטשקא זענען היי יאר געקומען מער ווי אלעמאל, כאילו מען האט געטיילט טיקעטס בחינם, גיטע פריינט וואס איך ווייק זיך מיט זיי אין מקוה אבער גריסן מיר קיינמאל גיבן מיר היצט א ברייטען שוויציגען שלום עליכם ווי צו זאגען מיר זענען דאך אלטע פריינט פון יענער זייט ים, מעכיל אונזער שמש אין שוהל וואס האלט מיך פאר א פארגעשריטענער ווייל איך גיי נישט מיט ווייסע שטרימפ אינדערוואכן און א קבצן ווייל איך ציה נישט ארויף מפטיר יונה, ער קוקט מיך אן מיט ווינדער "וועלכע ווינט האט אים דא געברענגט? "הא יאנקעל? ביזט אויך דא? . א אידל וואס איז א שכן אויפן בלאק אינדערהיים, מיט שווארצע לאנגע אויגן ברעמען וואס גיסט זיך איבער זיין שטענדיג רויטע נעזל האט מיר א סוד דערציילט אז ער קומט יעדעס יאר נאך אביסל ח"י רוטעל, ער האט שוין זיינע ידידים אין לאנד וואס העלפן אים מיט אפאר טאלער ובשכר זאת קענען זיין איינשטיין ביי אים ווען זיי קומען אויף ארה"ב. וועלמיר זיך גיין אביסל אויסגראדן די ביינער און האטס מיר א זיסען שבת שלום ומבורך.
לעצט פארראכטן דורך נאטורליך אום פרייטאג מאי 16, 2014 9:17 am, פארראכטן געווארן 1 מאל.
אוועטאר
געלעגער
שר עשרת אלפים
תגובות: 12250
זיך איינגעשריבן אום: זונטאג מאי 17, 2009 5:52 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך געלעגער »

נאטורליך! דיין שפראך ווערט נישט פארדזשאוועט און דיין פעדער ווערט נישט פארוועלקט..

א הערצליכן דאנק פארן היימישן גריס. בעט אויס אלדאס גוטס און קום אהיים מיט השפעות טובות.

אויב מעגליך, שטעל עפעס בילדער אויך
אוועטאר
מאנ-יימער
שר עשרת אלפים
תגובות: 10560
זיך איינגעשריבן אום: מיטוואך דעצעמבער 14, 2011 10:36 am
לאקאציע: אויפן וועג ארויף

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנ-יימער »

נאטורליך, צום הייליג לאנד האסטו געדארפט אפפליען אז דיין פעדער זאל זיך פון פריש דערוועקן מיט דיין זיסן געשמאקן שפראך, איי האסטו מיר אויפגעוועקט מיינע געפילן פון פאריאר שבת אין צפת אין ל"ג בעומר ביי ר' שמעון, היי יאר בין איך פון די הונטערגעבליבענע אומעטיגע אידן פארבליבן אין אמעריקע פארן הייליגן יו"ט,

הוי מי יתן לי אבר כיונה.
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?
אוועטאר
ידיד
שר שלשת אלפים
תגובות: 3822
זיך איינגעשריבן אום: מאנטאג יולי 16, 2012 6:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ידיד »

אוי נאטורליך! אזוי נאטורליך אראפצולייגן קען נאר נאטורליך. צוקערדיגע שפראך!

זאלסטו אויספויעלן אלעס גוטס פאר דיר און פאר גאנץ כלל ישראל.

---
געלעגער, נאטורליך'ס א באשרייבונג מאלט אויס א בילד אסאך קלארער און שענער ווי אן אמת'ע בילד.. בעט ענדערש ער זאל באשרייבן זיין גאנצע נסיעה.
אוועטאר
געלעגער
שר עשרת אלפים
תגובות: 12250
זיך איינגעשריבן אום: זונטאג מאי 17, 2009 5:52 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך געלעגער »

פארשטייט זיך. ווי לאנג מ'צאלט זאל ער טון ביידע
אוועטאר
צייטליך
מ. ראש הקהל
תגובות: 12505
זיך איינגעשריבן אום: מיטוואך נאוועמבער 01, 2006 6:13 pm
לאקאציע: ערגעץ דא אין די געגענט.

  • ציטיר
  • צו לייגן א דאנק דארפט איר זיין אריינגעלאגט

תגובה דורך צייטליך »

וויפיל יאר איז שוין אזוי פארביי זינט יענעם קאנטרי טאגבוך?.. נאך אלץ דעם זעלבן זיסען נאטורליכן שפראך?? אזוי גענוי?!

אההה... ברענגסט אריין אזא באקוועמען און רואיגן אטמעספערע מיט דיינע נאטורליכע קאמענטארן, אזויפיל זאכן געדעקט אין אזא קליינעם ארטיקל.

יישר כח!

(אפשר זאל מען דאס אפטיילן פאר א עקסטערע אשכול? עס בלאנגט נישט אינאיינעם מיט זיס.)
איך בין צייטליך און איך האב עפראווד די תגובה.
אוועטאר
געלעגער
שר עשרת אלפים
תגובות: 12250
זיך איינגעשריבן אום: זונטאג מאי 17, 2009 5:52 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך געלעגער »

אפגעטיילט
אוועטאר
מאנ-יימער
שר עשרת אלפים
תגובות: 10560
זיך איינגעשריבן אום: מיטוואך דעצעמבער 14, 2011 10:36 am
לאקאציע: אויפן וועג ארויף

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנ-יימער »

אז ס'האט שוין א עקסטערע שנירל איז צום האפן אז כסדר'דיגע אפדעיטס וועלן נאכפאלגן.
ווער זאגט?... ער האט געזאגט איז וואס?... נו! האט ער געזאגט, ווער איז ער צו זאגן?
אוועטאר
משזר
שר האלפיים
תגובות: 2375
זיך איינגעשריבן אום: מאנטאג אקטאבער 31, 2011 10:39 am
לאקאציע: בין השמשות

  • ציטיר
  • צו לייגן א דאנק דארפט איר זיין אריינגעלאגט

תגובה דורך משזר »

יאפ נאטורליך איט איז, אויב דאס איז נאר די אנהייב דאן איז גוט, א פולע באריכט איז ערווארטעט.
נישט, איז נישט קיין אפציע...
אור
שר שלשת אלפים
תגובות: 3229
זיך איינגעשריבן אום: מיטוואך סעפטעמבער 14, 2011 12:20 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך אור »

העי כ'קען נישט גלייבן נאטולעך איז דא מיט אונז?!!
און אגב, מעכיל איז נאך אלץ שמש אין ביתמדרשל? ער מוז שוין זיין גאנץ אלט...

האב אונז אלע אינזין
אוועטאר
מצב כללי
שר ארבעת האלפים
תגובות: 4759
זיך איינגעשריבן אום: זונטאג אוגוסט 18, 2013 7:09 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מצב כללי »

נאטורליך איך האב זייער הנאה געהאט צו ליינען דיין באשרייבונג, כאטש וואס איך בין נאך נישט געווען ל"ג בעומר אין מירון האסטו אויפגערייצט מיין אפעטיט,

האב מיך אינזין און פועל אלעס גוטס.

שרייב כסדר'דיגע אפדעיטס.
אוועטאר
לכתחילה אריבער
שר עשרים אלף
תגובות: 20191
זיך איינגעשריבן אום: זונטאג מאי 09, 2010 7:20 pm
לאקאציע: למטה מעשרה

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכתחילה אריבער »

זייער זייער פיין!
גאר קיין חידוש, עס איז אזוי ...... נאטורליך!
"די וועלט זאגט אז מען קען ניט ארונטער דארף מען אריבער, און איך האלט אז מ'דארף לכתחילה אריבער" - אדמו"ר מהר"ש
תרנגול
שר שלשת אלפים
תגובות: 3342
זיך איינגעשריבן אום: מיטוואך נאוועמבער 04, 2009 11:33 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך תרנגול »

נאטורליך בתפארתו.... לא כהתה עינו ולא נס ליחו!!!
הנותן לשכוי בינה...
אוועטאר
ק.נ.א. וועטער
שר עשרת אלפים
תגובות: 15904
זיך איינגעשריבן אום: דאנערשטאג יאנואר 06, 2011 9:23 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך ק.נ.א. וועטער »

אם נאטורליך כאן הכל כאן... יישר כח יו מעיד מיי דעי.
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

א דאנק נאטורליך!
שוש אשיש בה', תגל נפשי באלקי! (ישעיה סא)
פלוני
שר חמש מאות
תגובות: 705
זיך איינגעשריבן אום: מאנטאג אוגוסט 04, 2008 11:19 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פלוני »

פוע'לט אלעס גוט פאר גאנץ כלל ישראל.
נעמט אין אכט אז אבותינו ורבותינו זענען נישט געווען אין 'ישראל', נאר אין 'ארץ-ישראל', ושם יבנה הביהמ"ק ב"ב.
מלה בסלע משתוקא בתרין (מגילה יח). אם תרצה לקנות הדבור בסלע תקנה השתיקה בשתים. רש"י:
סייג לחכמה שתיקה, והחכמה בעצמה היא לדבר מה שצריך (דברי תורה - מונקאטש)
דער קאמפיין איז נאך אקטועל https://go.thechesedfund.com/netzachvhoid/standalone
שמחת החיים
שר חמש מאות
תגובות: 552
זיך איינגעשריבן אום: מוצ"ש סעפטעמבער 17, 2011 10:49 pm
לאקאציע: אין א ערליך אידיש הארץ

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמחת החיים »

ווי קען מען מיטהאלטן לעבעדיג וואס טוט זיך דארט? (ביסיידס ליינען נאטורליך׳ס באריכט..)
אז דו וועסט לעבן פרייליך וועסטו זיך פרייען אז דו לעבסט...
אוועטאר
קנאפער ידען
שר החסד
תגובות: 30688
זיך איינגעשריבן אום: זונטאג יאנואר 06, 2013 10:06 pm
לאקאציע: וואו ג-ט ב"ה וויל

  • ציטיר
  • צו לייגן א דאנק דארפט איר זיין אריינגעלאגט

תגובה דורך קנאפער ידען »

שמחת החיים האט געשריבן:ווי קען מען מיטהאלטן לעבעדיג וואס טוט זיך דארט? (ביסיידס ליינען נאטורליך׳ס באריכט..)

"אייער צופרידנהייט, מיין הנאה." -מיך אליינס...

נישט אייביג קום איך אן צו אלעס, אויב איינער האלט איך קען בייהילפיג זיין פאר עפעס דא קען מען מיר צושיקן א לינק דערצו אין אימעיל [email protected]
אוועטאר
עקבי הצאן
שר האלפיים
תגובות: 2760
זיך איינגעשריבן אום: דאנערשטאג מארטש 14, 2013 11:44 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך עקבי הצאן »

יישר כח ״קנאפער״ נהנתי.
אם לא תדעי לך היפה בנשים צאי לך בעקבי הצאן: התבונני בדרכי אבותיך הראשונים שקבלו תורתי ושמרו משמרתי ומצותי ולכי בדרכיהם, (רש"י שיר השירים).
שמחת החיים
שר חמש מאות
תגובות: 552
זיך איינגעשריבן אום: מוצ"ש סעפטעמבער 17, 2011 10:49 pm
לאקאציע: אין א ערליך אידיש הארץ

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמחת החיים »

יישר כח.
אז דו וועסט לעבן פרייליך וועסטו זיך פרייען אז דו לעבסט...
אוועטאר
green
שר האלף
תגובות: 1554
זיך איינגעשריבן אום: מאנטאג אפריל 22, 2013 12:49 pm
לאקאציע: בין השמים ובין הארץ

  • ציטיר
  • צו לייגן א דאנק דארפט איר זיין אריינגעלאגט

תגובה דורך green »

נאטורליך

איך פיל מיך "נאטורליך" אין מירון

#קיפ איט אפ
#ווי ניד מאר
אוועטאר
אסותא
שר חמש מאות
תגובות: 899
זיך איינגעשריבן אום: דינסטאג דעצעמבער 24, 2013 2:44 pm
לאקאציע: בה'איי עלמא'

  • ציטיר
  • צו לייגן א דאנק דארפט איר זיין אריינגעלאגט

תגובה דורך אסותא »

הא,הא. מיר האבן געפועלט ביי רבי שמעון א ישועה נאך יארן ווארטן. נעמליך, א נאטורליכע ארטיקל!!!

שכח. האסט גימאכט מיין היי יאריגע לג בעומר!!!

גראד דיך אויס די ביינער און קום זאפארט צוריק!! אבער שוין! דו גייסט נישט אין ערגעץ!!...מיר דארפן דיר האבן דא!
אוועטאר
לכאורה
שר עשרים אלף
תגובות: 28114
זיך איינגעשריבן אום: דינסטאג אקטאבער 20, 2009 2:43 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכאורה »

נאטורליך, עס גייט נישט אזוי! מען קען נישט אנרייצן דעם עולם מיט פרישע ריחות פון היימישע קיפעלעך נאר צו געבן א פארזוך דערפון און בלייבן מיט הונגעריגע אויגן ארויסגעשטעקט און א צינג ביזן קנעכל וואס לעכצט צו טרונקן נאך און נאך נאטורליכע טינט.
אוועטאר
יוסף שרייבער
שר ארבעת האלפים
תגובות: 4589
זיך איינגעשריבן אום: מוצ"ש אקטאבער 23, 2010 4:24 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יוסף שרייבער »

פלוני האט געשריבן:פוע'לט אלעס גוט פאר גאנץ כלל ישראל.
נעמט אין אכט אז אבותינו ורבותינו זענען נישט געווען אין 'ישראל', נאר אין 'ארץ-ישראל', ושם יבנה הביהמ"ק ב"ב.

באקאנט דעם ווארט פונעם סאטמאר רב אויף על מה אבדה הארץ.
אוועטאר
פארוואס נישט
שר חמש מאות
תגובות: 772
זיך איינגעשריבן אום: דינסטאג אפריל 07, 2015 4:08 am
לאקאציע: רינגס און ארום

  • ציטיר
  • צו לייגן א דאנק דארפט איר זיין אריינגעלאגט

תגובה דורך פארוואס נישט »

איינער האט די אדדרעס פון מענדי'ס אין צפת?
שרייב תגובה

צוריק צו “היימישע קרעטשמע”