די אחראים: יאנאש,אחראי,געלעגער
אויפריכטיג האט געשריבן:שקויעך תהלים איד. דער רעיון איז א געוואלדיגער און עס דארף גענומען ווערן ערנסט, נישט בלויז לגבי דעם דאווענען נאר אויך אין אלע אידישקייט אספעקטן, דאס נאכמאכן אנדערע אן קיין שום אמתדיגקייט דערין, ברענגט נאר אומגעוואונטשענע נאכפאלגן.
פלוני האט געשריבן:אבער געדענקען וואס ס'שטייט פון הרה"ק ר' נחמן מברסלב זצ"ל אז בכיה איז ר"ת בשמך יגילון כל היום. בכיה טאר נישט זיין מתוך דערביטערניש נאר מתוך בענקשאפט.
מ'זעצט זיך צום סידור'ל, מ'ציט איבער דעם טלית אויפ'ן פנים [ווי רש"י הק' זאגט אין מס' שבת ביי די דיינים וואס זענען יושבין לדון, אז אזוי קוקט מען נישט וואס טוט זיך ארום], אין מ'הייבט אן זאגן ווארט ביי ווארט, מיט'ן ניגון אוודאי, און מ'טראכט אריין, אבינו - טאטע, אב הרחמן - דערבארימדיגער פאטער, המרחם - נאכאמאל רחמנות, רחם נא - אוי, ט א ט ע ! ר ח מ נ ו ת ! !, האסט אונז געברענגט צום בארג סיני אפגעטון דעם יצר הרע, אפגעווישט דעם זוהמת הנחש, אויסגעהיילט אלעמען, און נאכהער געגעבן אזא ליכטיגע תורה, ואביא אתכם אלי, ורוממתנו מכל הלשונות, ווען וועל איז זוכה זיין צו האבן מיין חלק אין די תורה, זיין נאנט צו דיר באשעפער, און מיינע קידער מחנך זיין לתורה וליראה ולאהבה, אפגעהיטן מכל מכשול.
אוי, והאר עינינו בתורתך, זענען מיינע אויגן גרייט צו זעהן ליכטיגקייט אין די תורה.....
און אזוי ווייטער מיט התבוננות. - און אוודאי מיט קבלה אויף לימוד התורה כדבעי וכו'.
[הזמן קצר ותן לחכם ויחכם עוד].
