זרח דער היפאקריט
פארעפענטליכט: זונטאג יוני 06, 2010 8:03 pm
זרח דער היפאקריט
איך האב א חבר (יא, ס'נאך דא אזעלכע וואס זענען גוט מיט מיר...) גאנץ א לייטישער אינגערמאן, א קלוגער, א גוטער, און דער עיקר פארשטייט זיך ער האט אסאך געלט, (נו פארוואזשע דען בין איך זיין חבר...).
כמה פעמים ווען איך נויטיג זיך אין א טובה ווענד איך זיך צו אים, איך דארף נאר מאכן איין טעלעפאן קאל, און מיט צוויי ווערטער איז אלעס ארלעדיגט, א הלוואה, און צומאל א נתינה, א שתדלנות, אן עסקנות, און וואזשע נישט, מ'דארף אים נאר בעטן, און פון דארט און ווייטער איז אלעס אין זיינע הענט.
ער האט נאר איין זאך, צו געניסן פון זיינע טובות דארף מען זיך האלטן גוט מיט אים, מ'דארף רעדן צו אים כסדר, זיין מיט אים אויף איין מיינונג פארשטייט זיך, און ווי אלע גבירים וואס האבן ליב מ'זאל זיי צופרידן שטעלן און זיי צושטעלן וואס זיי האבן ליב, ווען דו שטעלסט צו פאר מיין חבר זיינע מטעמים קויפסטו דיך איין עולם "הזה" ממש עין לא ראתה... קענסט אים דערנאך בעטן וואס דו ווילסט, און מיט א בלינק מיט'ן אויג וועט ער דיר אלעס צושטעלן.
לעצטנס האב איך מיטגעהאלטן גאנץ א קאמישן ספעקטאל, זרח (נישט פארטוישן מיט זארכפעפער...) דרייט זיך אויך לעבן דעם חבר מיינעם, אבער ער איגנארירט אים אינגאנצן, ניטאמאל גריסט ער אים, צומאל קען ער אפילו חוזק מאכן פון אים אונטערן רוקן, ער מאכט אלעמאל אוועק דעם גוטסקייט פונעם חבר מיינעם, און ער פרובירט כסדר אויפציווייזן ווי ער קען זיך באגיין אן אים, דער חבר מיינער איז נישט קיין נאר, און ער האלט אלעס מיט, כ'גלייב אז ס'טוט אים וויי זרח'ס באנעמונג צו אים, דאך שלינגט ער עס אראפ, און אפילו ס'איז בידו צו שעדיגן זרח'ן, לדוגמא דער פאבריק ווי זרח ארבעט האט ער א היבשע פראצענט שותפות דערין, דאך טוט ער נישט קיין שום זאך וויי צו טון זרח'ן.
איין טאג האט זיך מיר די האר פון קאפ אויפגעשטעלט, איך האב נישט געגלייבט וואס איך זעה, זרח האט געהערט אז דער חבר מיינער איז געווארן א שותף אין א גאר גרויסן קאמפעני, און דארט איז פונקט פריי א מענידשער פאזיציע, מיט א פעטע געהאלט, אסאך בענעפיטן, ווייניג ארבעט'ס שעות, וכו', הער נישט מער און נישט ווייניגער ווי זרח בעט דעם חבר מיינעם ער זאל ממליץ זיין אז ער זאל באקומען דעם פאזיציע!
כ'האב עס נישט געקענט אראפשלוגען! אלעס האט א שיעור! קיינמאל מאכסטו דיך נישט וואוסענדיג פונעם גביר וואס בעצם איז ער דיין ארבעטס געבער, שטעלסט דיך נישט צו צו אים, טוסט יעדע זאך דעם היפך פון וואס ער ערווארטעט פון דיר, במישרין צו בעקיפין ביזטו אים גורם אסאך צער, און דא גאר קומסטו אים בעטן ער זאל זיך מטריח זיין דיר צו העלפן?! א היפאקריט!
אבער איין מינוט, מ'שטיימיר איצט ערב חודש תמוז, לאמיר גיבן א טראכט, גיימיר נישט אזוי אויסקוקן ראש השנה ווען מ'גיימיר צווח'נען ככלבין הב הב...
לאמיר זיך נעמען חנפ'נען בעוד מועד... אפשר וועלן מיר באקומען א גוטע פאזיציע ווען מיר וועלן בעטן...
איך האב א חבר (יא, ס'נאך דא אזעלכע וואס זענען גוט מיט מיר...) גאנץ א לייטישער אינגערמאן, א קלוגער, א גוטער, און דער עיקר פארשטייט זיך ער האט אסאך געלט, (נו פארוואזשע דען בין איך זיין חבר...).
כמה פעמים ווען איך נויטיג זיך אין א טובה ווענד איך זיך צו אים, איך דארף נאר מאכן איין טעלעפאן קאל, און מיט צוויי ווערטער איז אלעס ארלעדיגט, א הלוואה, און צומאל א נתינה, א שתדלנות, אן עסקנות, און וואזשע נישט, מ'דארף אים נאר בעטן, און פון דארט און ווייטער איז אלעס אין זיינע הענט.
ער האט נאר איין זאך, צו געניסן פון זיינע טובות דארף מען זיך האלטן גוט מיט אים, מ'דארף רעדן צו אים כסדר, זיין מיט אים אויף איין מיינונג פארשטייט זיך, און ווי אלע גבירים וואס האבן ליב מ'זאל זיי צופרידן שטעלן און זיי צושטעלן וואס זיי האבן ליב, ווען דו שטעלסט צו פאר מיין חבר זיינע מטעמים קויפסטו דיך איין עולם "הזה" ממש עין לא ראתה... קענסט אים דערנאך בעטן וואס דו ווילסט, און מיט א בלינק מיט'ן אויג וועט ער דיר אלעס צושטעלן.
לעצטנס האב איך מיטגעהאלטן גאנץ א קאמישן ספעקטאל, זרח (נישט פארטוישן מיט זארכפעפער...) דרייט זיך אויך לעבן דעם חבר מיינעם, אבער ער איגנארירט אים אינגאנצן, ניטאמאל גריסט ער אים, צומאל קען ער אפילו חוזק מאכן פון אים אונטערן רוקן, ער מאכט אלעמאל אוועק דעם גוטסקייט פונעם חבר מיינעם, און ער פרובירט כסדר אויפציווייזן ווי ער קען זיך באגיין אן אים, דער חבר מיינער איז נישט קיין נאר, און ער האלט אלעס מיט, כ'גלייב אז ס'טוט אים וויי זרח'ס באנעמונג צו אים, דאך שלינגט ער עס אראפ, און אפילו ס'איז בידו צו שעדיגן זרח'ן, לדוגמא דער פאבריק ווי זרח ארבעט האט ער א היבשע פראצענט שותפות דערין, דאך טוט ער נישט קיין שום זאך וויי צו טון זרח'ן.
איין טאג האט זיך מיר די האר פון קאפ אויפגעשטעלט, איך האב נישט געגלייבט וואס איך זעה, זרח האט געהערט אז דער חבר מיינער איז געווארן א שותף אין א גאר גרויסן קאמפעני, און דארט איז פונקט פריי א מענידשער פאזיציע, מיט א פעטע געהאלט, אסאך בענעפיטן, ווייניג ארבעט'ס שעות, וכו', הער נישט מער און נישט ווייניגער ווי זרח בעט דעם חבר מיינעם ער זאל ממליץ זיין אז ער זאל באקומען דעם פאזיציע!
כ'האב עס נישט געקענט אראפשלוגען! אלעס האט א שיעור! קיינמאל מאכסטו דיך נישט וואוסענדיג פונעם גביר וואס בעצם איז ער דיין ארבעטס געבער, שטעלסט דיך נישט צו צו אים, טוסט יעדע זאך דעם היפך פון וואס ער ערווארטעט פון דיר, במישרין צו בעקיפין ביזטו אים גורם אסאך צער, און דא גאר קומסטו אים בעטן ער זאל זיך מטריח זיין דיר צו העלפן?! א היפאקריט!
אבער איין מינוט, מ'שטיימיר איצט ערב חודש תמוז, לאמיר גיבן א טראכט, גיימיר נישט אזוי אויסקוקן ראש השנה ווען מ'גיימיר צווח'נען ככלבין הב הב...
לאמיר זיך נעמען חנפ'נען בעוד מועד... אפשר וועלן מיר באקומען א גוטע פאזיציע ווען מיר וועלן בעטן...
