א בריוו צו מיין טאכטער לכבוד איר 11טע געבורטסטאג.
פארעפענטליכט: זונטאג אפריל 25, 2010 6:37 pm
צו אונזער טייערע באליבטע טאכטער, רחל פערל שתחי'
לכבוד דיין 11'טע געבורט'ס טאג, שפירן מיר נויטיג אראפצושרייבן אפאר ווערטער, ארויסצוברענגען אונזערע געפילן לכבוד די געלעגנהייט.
פאר 11 יאר צוריק אין דעם היינטיגן טאג איז געווען דער גליקליכסטער טאג פון אונזער לעבן, אונזער גאנצער לעבן האט באקומען א נייער באדייט, א ליכטיגע נשמה'לע האט באשיינט אונזער וועלטל, ווען מיר האבן צום ערשטן מאל אנגעקוקט דיין פיצינקע פנים'ל און מיר האבן דערשפירט דעם געפיהל, יא, מיר זענען געווארן עלטערן! דער רבש"ע האט אונז באשאנקען מיט א לעכטיג זיס קינד, איז נישט געווען קיין גרעניץ צו אונזער פרייד, און אונזער דאנק צו השי"ת.
זיבן קינדער זענען אונז געבוירן געווארן נאך דיר, אבער דעם דאזיגן געפיהל האבן מיר געשפירט נאר איינמאל, נאר איינמאל איז אונז געבוירן געווארן אונזער "עלטסטע" טאכטער, נאר איין קינד איז אונזער "ערשטע" קינד, און דאס ביזטו, אונזער טייערע רחל פערל.
במשך די יארן ווען נאך און נאך קינדער אינגלעך מיט מיידלעך זענען ב"ה צוגעקומען צו אונזער משפחה, ביזטו געוואקסן גרעסער און עלטער, און מיר האבן געהאט די געלעגנהייט זיך כסדר צו איבערצייגן ווי קלוג, געלונגען, און טאלאנטפול דו ביזט, פארשטייט זיך אז עלטערן האבן שטארק הנאה צו אנטדעקן טאלאנטן אין זייערע קינדער, און צומאל רעדן זיך עלטערן איין אויף זייערע קינדער אז זיי פארמאגן גאר די טאלאנטן וואס די עלטערן וואלטן ווען געוואלט די קינדער זאלן פארמאגן... דעריבער דאנקען מיר השי"ת אז ב"ה אויף דיר דארף מען זיך גארנישט איינרעדן... מ'דארף גארנישט צולייגן, דו ביזט ב"ה באשאנקען מיט אזעלכע גוטע מתנות פון הימל, דיין געלונגענע שרייבן, מאלעווען, זינגען, געדאנקען, געפילן, און נאך אסאך אנדערע מעלות.
זייענדיג דער עלסטער קינד אזוי נאנט צו אונזער הארץ האבן מיר א ספעציעלע ליבשאפט צו דיר, און יעדעס מאל ווען דיין יארגאנג ריקט זיך ארויף מיט נאך א יאר, דערמאנט עס אונז ווי שנעל די יארן לויפן, אט האבן מיר געשיקט אונזער ערשטען קינד אין סקול, נאר נעכטן האט אונזער בכור'טע אנגעהויבן ערשטע קלאס... און אט אט ווערסטו שוין א בת מצוה...
אלץ דער עלסטער קינד און שטוב טראגסטו אבער אויך א שטיקל אחריות אויף דיר, דיינע קלענערע געשוויסטער זעען אין דיר דער 'מאדעל' נאכצואוואקסן, דיינע קלענערע ברודער'לעך און שוועסטער'לעך קוקן יעדע זאך "וואס טוט רחל פערל " ווען די מאמע רופט אריין די קינדער פון גאס, אדער ווען די מאמע הייסט גיין שלאפן, דרייען זיך אלע אויגן אויטאמאטיש אויס צו דיר, און דיינע אינגערע געשוויסטער גייען אין דיינע פיס טריט.
און מיר דאנקען השי"ת דערפאר, טאקע ווייל די קלענערע זוכן זיך צו פירן אין דיינע וועגן, איז אונזער פרייד אזוי שטארק אז דיין שטרעבן איז אלעמאל צו זיין א וואויל ערליך קינד, ס'איז ממש א הנאה צו זעהן די געבענטשטע השפעה וואס דיינע גוטע מעשים האבן אויף דיינע אינגערע געשוויסטער, און מיר זענען זיכער אז ביים צוועלעפטן יאר פון דיין לעבן וועסטו ממשיך זיין אויף דעם גוטן וועג, און זיך אויפפירן פיין, איידל און ערליך, וועסט זיין דער פראכט פון אונזער משפחה, דער שטאלץ פון דיינע עלטערן, און דער קרוין פון דיינע געשוויסטער.
באמת ווערט יעדער מענטש יעדן טאג עלטער, יעדע אטעם וואס א מענטש גיבט איז ער געווארן עלטער פון פריער, סך הכל ווערסטו היינט נאר א טאג עלטער פון נעכטן, דאס איז ווען מען קוקט מיט א קורצן בליק נאר אויף די לעצטע 24 שעה, אבער ווען מען עפענט גרויס די אויגן און מען קוקט אויפ'ן גאנצן יאר, ווען מען מאכט א סך הכל פון די לעצטע 365 טאג קומט ארויס אן אנדערער חשבון, איז היינט דער טאג וואס דו גייסט אריבער די ליניע פון א צען יעריג קינד, צו אן עלעף יעריג גרויס מיידל, די זעלבע זאך אין לעבן מאכן זיך צייטן וואס מיט א קורצע מצומצמדיגע בליק קען זיך דאכטן אויף דעם נישט ריכטיגן וועג אז דאס איז גאר דער אויסגהאלטענער וועג צו גיין, דעריבער דארף מען אלעמאל געדענקען צו גלייבן די וואס זעען דעם גאנצן בילד, די עלטערע וואס האבן פאר אונז אויסגעטרעטן דעם ריכטיגן ערליכן אידישן וועג, און דאס וועט אונז פירן צום אמת'ן גליקליכן לעבן.
דעריבער גיבן מיר אין דעם טאג אונזער ווארימסטע וואונטשן, דו זאלסט שטענדיג זיין גליקליך און צופרידן, אלעמאל אין יעדע צייט זאלסטו זיך שפירן שטארק און זיכער מיט די ליבשאפט פון דיינע עלטערן פונעם גוטן געבענטשטן וועג און וואס דו גייסט, און דו זאלסט טאקע אויסוואקסן ווי ס'איז דיין שטרעבן, א ערליכע צניעות'דיגע אידישע טאכטער, יעדער זאל אויף דיר קענען אנוויזן "אזוי קוקט אויס א קינד וואס פירט זיך מיט מדות טובות, און זוכט צו טון נאר מצוות און מעשים טובים".
ווי עס וואונטשן דיינע עלטערן וואס הערן נישט אויף דיר צו ליב האבן יעדן טאג און יעדע נאכט, ביי יעדן שריט און ביי יעדן טריט, אלעמאל צו יעדע צייט.
טאטי און מאמי.
לכבוד דיין 11'טע געבורט'ס טאג, שפירן מיר נויטיג אראפצושרייבן אפאר ווערטער, ארויסצוברענגען אונזערע געפילן לכבוד די געלעגנהייט.
פאר 11 יאר צוריק אין דעם היינטיגן טאג איז געווען דער גליקליכסטער טאג פון אונזער לעבן, אונזער גאנצער לעבן האט באקומען א נייער באדייט, א ליכטיגע נשמה'לע האט באשיינט אונזער וועלטל, ווען מיר האבן צום ערשטן מאל אנגעקוקט דיין פיצינקע פנים'ל און מיר האבן דערשפירט דעם געפיהל, יא, מיר זענען געווארן עלטערן! דער רבש"ע האט אונז באשאנקען מיט א לעכטיג זיס קינד, איז נישט געווען קיין גרעניץ צו אונזער פרייד, און אונזער דאנק צו השי"ת.
זיבן קינדער זענען אונז געבוירן געווארן נאך דיר, אבער דעם דאזיגן געפיהל האבן מיר געשפירט נאר איינמאל, נאר איינמאל איז אונז געבוירן געווארן אונזער "עלטסטע" טאכטער, נאר איין קינד איז אונזער "ערשטע" קינד, און דאס ביזטו, אונזער טייערע רחל פערל.
במשך די יארן ווען נאך און נאך קינדער אינגלעך מיט מיידלעך זענען ב"ה צוגעקומען צו אונזער משפחה, ביזטו געוואקסן גרעסער און עלטער, און מיר האבן געהאט די געלעגנהייט זיך כסדר צו איבערצייגן ווי קלוג, געלונגען, און טאלאנטפול דו ביזט, פארשטייט זיך אז עלטערן האבן שטארק הנאה צו אנטדעקן טאלאנטן אין זייערע קינדער, און צומאל רעדן זיך עלטערן איין אויף זייערע קינדער אז זיי פארמאגן גאר די טאלאנטן וואס די עלטערן וואלטן ווען געוואלט די קינדער זאלן פארמאגן... דעריבער דאנקען מיר השי"ת אז ב"ה אויף דיר דארף מען זיך גארנישט איינרעדן... מ'דארף גארנישט צולייגן, דו ביזט ב"ה באשאנקען מיט אזעלכע גוטע מתנות פון הימל, דיין געלונגענע שרייבן, מאלעווען, זינגען, געדאנקען, געפילן, און נאך אסאך אנדערע מעלות.
זייענדיג דער עלסטער קינד אזוי נאנט צו אונזער הארץ האבן מיר א ספעציעלע ליבשאפט צו דיר, און יעדעס מאל ווען דיין יארגאנג ריקט זיך ארויף מיט נאך א יאר, דערמאנט עס אונז ווי שנעל די יארן לויפן, אט האבן מיר געשיקט אונזער ערשטען קינד אין סקול, נאר נעכטן האט אונזער בכור'טע אנגעהויבן ערשטע קלאס... און אט אט ווערסטו שוין א בת מצוה...
אלץ דער עלסטער קינד און שטוב טראגסטו אבער אויך א שטיקל אחריות אויף דיר, דיינע קלענערע געשוויסטער זעען אין דיר דער 'מאדעל' נאכצואוואקסן, דיינע קלענערע ברודער'לעך און שוועסטער'לעך קוקן יעדע זאך "וואס טוט רחל פערל " ווען די מאמע רופט אריין די קינדער פון גאס, אדער ווען די מאמע הייסט גיין שלאפן, דרייען זיך אלע אויגן אויטאמאטיש אויס צו דיר, און דיינע אינגערע געשוויסטער גייען אין דיינע פיס טריט.
און מיר דאנקען השי"ת דערפאר, טאקע ווייל די קלענערע זוכן זיך צו פירן אין דיינע וועגן, איז אונזער פרייד אזוי שטארק אז דיין שטרעבן איז אלעמאל צו זיין א וואויל ערליך קינד, ס'איז ממש א הנאה צו זעהן די געבענטשטע השפעה וואס דיינע גוטע מעשים האבן אויף דיינע אינגערע געשוויסטער, און מיר זענען זיכער אז ביים צוועלעפטן יאר פון דיין לעבן וועסטו ממשיך זיין אויף דעם גוטן וועג, און זיך אויפפירן פיין, איידל און ערליך, וועסט זיין דער פראכט פון אונזער משפחה, דער שטאלץ פון דיינע עלטערן, און דער קרוין פון דיינע געשוויסטער.
באמת ווערט יעדער מענטש יעדן טאג עלטער, יעדע אטעם וואס א מענטש גיבט איז ער געווארן עלטער פון פריער, סך הכל ווערסטו היינט נאר א טאג עלטער פון נעכטן, דאס איז ווען מען קוקט מיט א קורצן בליק נאר אויף די לעצטע 24 שעה, אבער ווען מען עפענט גרויס די אויגן און מען קוקט אויפ'ן גאנצן יאר, ווען מען מאכט א סך הכל פון די לעצטע 365 טאג קומט ארויס אן אנדערער חשבון, איז היינט דער טאג וואס דו גייסט אריבער די ליניע פון א צען יעריג קינד, צו אן עלעף יעריג גרויס מיידל, די זעלבע זאך אין לעבן מאכן זיך צייטן וואס מיט א קורצע מצומצמדיגע בליק קען זיך דאכטן אויף דעם נישט ריכטיגן וועג אז דאס איז גאר דער אויסגהאלטענער וועג צו גיין, דעריבער דארף מען אלעמאל געדענקען צו גלייבן די וואס זעען דעם גאנצן בילד, די עלטערע וואס האבן פאר אונז אויסגעטרעטן דעם ריכטיגן ערליכן אידישן וועג, און דאס וועט אונז פירן צום אמת'ן גליקליכן לעבן.
דעריבער גיבן מיר אין דעם טאג אונזער ווארימסטע וואונטשן, דו זאלסט שטענדיג זיין גליקליך און צופרידן, אלעמאל אין יעדע צייט זאלסטו זיך שפירן שטארק און זיכער מיט די ליבשאפט פון דיינע עלטערן פונעם גוטן געבענטשטן וועג און וואס דו גייסט, און דו זאלסט טאקע אויסוואקסן ווי ס'איז דיין שטרעבן, א ערליכע צניעות'דיגע אידישע טאכטער, יעדער זאל אויף דיר קענען אנוויזן "אזוי קוקט אויס א קינד וואס פירט זיך מיט מדות טובות, און זוכט צו טון נאר מצוות און מעשים טובים".
ווי עס וואונטשן דיינע עלטערן וואס הערן נישט אויף דיר צו ליב האבן יעדן טאג און יעדע נאכט, ביי יעדן שריט און ביי יעדן טריט, אלעמאל צו יעדע צייט.
טאטי און מאמי.
