אידישע וועלט פארומס

ווייסט עמיצער עפעס א היילונג פאר די באקאנטע 'קאַרפּאַל טאָננעל סינדראם' ?
דאס איז די ווייטאג אין די ווריסט ביי די האנט וואס קומט פון נוצן אסך דעם מייזל אדער טייפן אסך אויפן קיבארד.


לעצטענס שפיר איך דעם ווייטאג אויף די 'אינדעקס פינגער' דורך מאכן כסדרדיגע לעפט-קליקס אויפן מייזל.


איינער ווייסט עפעס אן אויסגעהאלטענע גוטע עצה דערפאר?

דאנקע
שוועמל

שוועמל

איך בין דאך אין די קאמפיוטער ליין כידוע, און איך האב מיטגעמאכט דעם פראבלעם אויף א אופן נורא און נישט געקענט פטור ווערן, אבער איין נחמה האב איך געהאט יעדעס מאל נאך שבת אדער יו"ט פלעגט זיך עס בארואיגן, געמיינט האב איך אז פשוט ס'איז שבת ויו"ט נוצט מען נישט דעם קאמפיוטער סא רוהט מען עס אפ און שוין ...

מה עשה הקב"ה, איך האב גענומען וויקעישאן פאר א שטיק צייט, אין דארט האב איך נישט געארבייט, די שכל זאגט אז נאך א וואך נישט ארבייטן דארף זיך עס היילן, און דערווייל לא דובים ולא יער (א בער אין א וואלד איז יא געווען...) מיין פינגער ווערט ערגער פון טאג צו טאג, ביז כ'האב געכאפט דעם טוטער... איין טאג איז מיר בייגעפאלן אז ס'איז גארנישט דער מייזל... סתם באשולדיגט א שאכע ארימע באשעפעניש... ס'איז פשוט די וועג ווי איך האלט מיין סעלפאן, דאס מאכט אלע צרות, און וויבאלד אין וויקעשאן נוצט מען דאך סאך מער דעם טעלעפאן, בפרט איך האב געלערנט מיט חברותות אויפן טעלעפאן דורכן טאג, איז דער קארפעט טאנעל געווארן סאך ערגער, איך בין נישט געווען זיכער אבער ווי מ'זאגט ביי די וואסערמאן'ס למיחש מיהו בעי' א דאקטאר קאסט מער ווי 50 דאללער, האב איך געקאלט מיין שוואגער און ער האט מיך אפגעטראגן מיט זיין מיני-ווען קיין וואלמארט, און ביז צוויי שעה, האמיר איינגעהאנדלט דעם ביליגסטן בלו-טוט אין געשעפט, גיי ווייס פארוואס קויפן א בלוטוט מוז נעמען צוויי שעה…. נאר ווייסטאך... דאס איז וואלמארט... פארפאלן... ווען מגייט צום דאקטאר מוז מען אויך אמאל ווארטן צוויי שעה… דארט ווייסעך אויך נישט פארוואס… און געס וואט, לאמיר צוריק קומען צום ענין כאשר שמענו כן עוד נחזה, איך מיין, כאשר בא כן הלך… זייט דעמאלט ווייס איך נישט פון קיין קאר-פול און נישט פון קיין טונעל (אויסער ווען איך וויל דורכפארן דעם טונעל מיט א פולע קאר...)

שוועמל! קען זיין סיז נישט דאס מייזל און אויב יא לאז אונז וויסן אפשר א צווייטער איד האט אן עצה

זייענדיג א לעפטאפ באנוצער, האב איך נישט קיין מייזל, אבער קארפעל-טאנעל סינדראם האב איך ליידער ביג-טיים, און טאקע פון דעם דיקן קיעבאורד אויף וואס מיין האנט געלענק ליגט אנגעלענט רוב שעות פון טאג.

מיט אפאר יאר צוריק האט מיר א חבר געראטן צו קויפן א באזונדערן קיעבאורד וואס איז ספעציעל אויסגעשטעלט באקוועמער צו מאכן פאר די הענט, איך האב עס תיכף געקויפט (טאקע ביי ליע עוועניו פאטא), אבער איך בין שוין געווען צו שטארק צוגעוואוינט צו די אויסלייג פונעם לעפטאפ-קיעבאורד וואס איז אביסל אנדערש ווי די באזונדערע, און עס ליגט יעצט אפ אלס יאר-עדות (אויך מיר אן אויסדרוק) אונטער ריגל און שלאס אין מיין שטאטישע ספרים/ארבעטס שטוב.

דער חבר בין איך געווען

ניין!

עס איז געווען גרויזאמער!

זאל איך דיר שיקן דעם לינק פון בחחמ"א ?

יא.

פאקט איז פאקט אז איך בין מיט גרויזאמער אראפגעגאנגען אין געשעפט ביים קויפן דעם קיעבאורד.

שריי נישט, גיב מיר א רגע.

און לייקן נישט קיין פאקטן..

דא איז דער לינק וואו בענעדיקט16 פרעגט אן דערוועגן, און דער עצה פון א נייע קיבארד ליגט אין מיין גוגל טולק, דארף איך נאכזוכן יענע פארגעסענע תקופה. אבער עס ווערט דארט דערמאנט דורך מלוה מלכה.