געזונטהייט: הרב הערשל מייזליש

[שיכור]

איך האב היינט גערעדט צו א גרויסן דאקטער וועגן די ווייטאמין די

האט ער מיר אויך געזאגט אז רוב מענטשן האבן נישט גענוג דערפון
אויך האט ער מיר געזאגט אז די טעסטס זענען נישט אזוי פונקטליך ממילא זאל מ' זיך נישט פארלאזן מיט איין טעסט נאר מ'זאל דאס איבערטשעקן 2 מאל

[סאכדעס]

שיכור איינער, עס זענען דא צוויי סארט טעסטן, איינע איז נישט פונקטליך, דאס אנדערע יא. פאר מער אינפארמאציע, קאלט קאל פון ואוסער.

[קרעמער]

יז תמוז;

FWD איז פרענדס וויט דייעביטיס (ל"ע)

וואס איז ?FWH

[זיידעניו]

ווי איך האב געהערט אויף קול מבשר איז עס א נארוואס געגרינדעט געווארענע ארגענעזאציע, 'פריינד מיט געזונט', וואס דאס וועט דערווייל זיין נאר דא אין אפסטעיט מאנסי און מאנרא, און עס וועט בעיקר אויפטוהן אז מען זאל בלייבן געזונט, באגלייט מיט סעמינארן און לעקציעס, און אנדערע פראדיעקטן, דערווייל איז עס נאר פאר נשים.

[יז בתמוז]

מען שטייט שוין איבער א טאג נאך די הערליכע מעמד פאר FWD אנגעפירט דורך הרב הערשל מייזליש שליט"א

צווישן די טויזענטער באטייליגטע בין איך אויך געווען געציילט, עס איז געווען גאר א קאלירפול עולם, איך מיין אז קרית יואל האט נאך נישט געזעהן אזאנס.

עס האבן גערעדט, דער יושב ראש פרענקל, א קוזין מיט ר' הערשל. ער האט אויפגערופן ר' שלמה אפרים סאנדל'ן, דער בעל הארגעניק מעיל והמסתעף. לאנג האט ער איהם נישט געלאזט רעדן, ווי איך פארשטיי איז הרב מייזליש פארט נישט דער פאן טרעגער פון סאנדל, אבער ער האט געהאט וואו עס צו פראומאטן.

דערנאך האט גערעדט ר' משה אהרן שטיינבערג, וואס האט סיי ארויסגעברענגט זיין נאנטקייט מיט ר' הערשל, צוליב פעלער וואס זאל זיך נישט מאכן. און אויך האט ער אויסגערופן דאקטאר ר' אברהם יושע ווערצבערגער, ער האט נישט געשפארט קיין גוטע ווערטער אויף אים.

אין מיינע אויגן איז די דרשה פון דר. ווערצבערגער געווען די באמבע פונ'עם אווענט. ער האט דראמאטיש אראפגעלייגט וויאזוי עס קוקט אויס אין זיין אפיס ווען א מאמע הערט אז איר קינד איז דיאגנאזירט מיט טייפ1 דייביטיס. און ווי רעים מתוקים שטייט צו די רעכטע האנט. נאכמער האט ער באמבעדירט, ווען ער האט אויפגעטוהן דאס מעכטיגסטע וואס נאר מעגליך. אז א בחור וואס האט טייפ1, איז מער אויסגעשטעלט צו האבן א געזונטן לעבן, ווי איידער א פלעינער בחור וואס ליידט נישט פון גארנישט. אין אנדערע ווערטער, טייפ1 איז בערך ווי עמיציר דארף אנטוהן ברילן.

דערנאך האט גערעדט אן אנדערער קוזין פון ר' הערשל, ר' משה שמואל לאנדא, מנהל פון אן ארגענעזאציע אין מאנרא, איך געדענק שוין נישט די נאמען. ער האט גערעדט גוט, אבער עס איז געווען פון א צעטל. ממילא איז אויסגעקומען, אז ער האט מאריך געווען במקום שאמרו לקצר צוליב פריערדיגע רעדנערס.

דערנאך האט הרב מייזליש צוגעטראטן צום מייק, און ער האט כדרכו בקודש געזאגט א נישט אראטארישע דרשה (איינער ווייסט וואס דאס איז?) אויף אן ארטארישן אופן.... כ'מיין אז דער חידוש פון די פעקטארס איז געווען. אז היינט האט א דרייסיג יעריגער אינגערמאן, א שוואך הארץ וואס באלאנגט צו א ניינציג יעריגן. און אויך אז נישט חובות מאכן אן אן הארץ אטאק, נאר א נישט געזונטן דייעט ברענגט צו דעם אז חובות זאל עס ברענגן.

דערנאך האט מען געבענטשט, און דאן האט ער גענפערט אויף שאלות. איינס וועל איך פארציילן. איינער האט געפרעגט וויאזוי מ'קען מאכן טשאקלאד מילך אן קארן סירופ. אויף האט ער זיך פארקלערט א וויילע און זיך אנגערופן: כ'ווייס נישט וויאזוי מ'מאכט עס מיט קארן סירופ..... ודוק.

[שוועמל]

קען איינער באשרייבן אין א "גלימפס" וואס הרב מייזעלס' שיטה איז?
מען רעדט שוין דא אזוי לאנג פון אים און איך קויף אפילו זיינע פאלם אויל פעטנס און הערשט ווייס איך נישטאמאל פארוואס.
אקיצער, וואס זענען זיינע הויפט יסודות.

[bailout]

זיין שיטה איז אין איין ווארט "עטקינס", האסט שוין געהערט פון דעם?
קויף דיר א ביכל פון עטקינס פאר 5 טאלער האסטו דארט רוב פון זיינע שיעורים, די סיבה פארוואס ער איז אזוי פארגלייבט דערין איז ווייל ער האט עס געפראווט אז ס'ארבעט!
אין די סיבה פארוואס ער קען מאכן אזא שטורעם מיט די אלטע שיטה, איז צוליב וואס אינערהאלב די היינטיגע פארשער איז שוין היבש צובראכן געווארן די אמאליגע פארגלייבטקייט אז דיין שונא נומער 1 איז פעט, אין צוביסלעך פאנגט אן ארויס צוקומען סטאדי'ס אז דיין שונא איז בכלל נישט "פעט" נאר "קארבס(לאו דוקא צוקער)"!

אין מיטן עוסק זיין יארן לאנג מיט "דייעביטיס", האט ער איינגעזען אז די סיבה פארוואס עס קומען צו נייע טייפ 2 פאציענטן איז צוליב די הויכע קארב דייעט וואס מענטשן עסן.

[שוועמל]

האלט ער בכלל נישט פון קארב, אדער ספעלט וכדומה מעג מען יא עסן?

[bailout]

ספעלט איז ביי אים פונקט ווי ווייץ ווייל ס'האט די זעלבע קארב מאס

[ביזנעסקאפ]

ער האט אלטס געהאלטן פון עטקינס שיטה, ער האט דאס נאר נישט געוואלט פאבלעצירן ברבים, צוליב די סיבה ווייל ווען מענטשן הערן נאר דאס ווארט 'עטקין' ווילן זיי שוין נישט הערן ווייטער, ביי רוב מענטשן איז די שיטה אפגעפרעגט!

אבער ר' הערשל איז א שטארקע חסיד פון דר' עטקין, וואס אגב האלט איך אויך אז דאס איז שטארק אויסגעהאלטן.

[שוועמל]

שטעלט ער אויס א סדר היום וואס און וויאזוי מ'זאל עסן?

אגב, די פארטאריקאנע עסן פלייש מיט רייז ביי פרישטאג.

[bailout]

זיין הויפט יסוד איז "עס א באלאנצירטע דייעט", פלייש האט נישט קיין איין קארב, אבער ס'האט אסאך פראטין אין געזונטע פעט, רייז האט כמעט נאר קארב.

ער וויל בעיקר אריינהאקן אין קאפ פארן ציבור אז סטארטש פארן קערפער איז פונקט ווי צוקער, אין ווען די געבסט פאר קינדער סיריעל מיט מילך, וועט זייער צוקער ארויפגיין ביזן הימל אין דערנאך צוריק אראפטראסקען, אין די קערפער וועט זיך שפירן שוואך אין מיד, וואס אויסער דעם וואס עס שטערט זיי צום לערנען, איז אזא מין עסן זייער שעדליך אן די לאנג ראן

[פאטאקי08]

עולם גולם גלייבט אין דר. עטקינס אבער רעד צי עני מעדיקל דאקטאר און דערצייל אים וואס הערשל מייזעלס פארקויפט ...

[farshlufen]

פאטאקי, זיי אזוי גוט ברענג דעטאלן ביטע.

[פאטאקי08]

ווייסט איינער וויאזוי דאקאטאר עטקינס איז געשטארבן?
הערשל מייזעלס טענהט אז ער האט זיך אויסגעגליטש אין די שניי..
רוב דאקטוירם זאגען אז ער איז געשטארבן פון א הארץ אטאקע און מען האט עס פארדעקט ווייל עס האט געשאדט צי די ביזנעס..
סאו איך ווייס שוין נישט וועם צי גלייבען
פון איין זייט האב איך הערשל מייזעלס און פון די צווייטע זייט האב איך דריי אנגעזעהענע דאקטוירם וואס זאגען מיר אז איך טאר אים נישט אויסהערן...

[פאטאקי08]

פארשלאפן

דר. עטקינס איז געווען א דאקטאר וואס איז אויפגעקומען מיט א שיטה אז א מענטש דארף עסן "סעטשורעיטעד פעט" (אייער, פעטע פליישן, די הויט פון די טשיקען ועוד ועוד...בקיצור מיינט דאס נאטורליכע פארגליווערטע פעטנס.. פון בעלי חיים בעיקר און אויף פון געוויקסען.)און ווייניג קארבס אקעגן די אנגענומענע אמעריקאנע שיטה אז סעטשורעיטעד פעט איז נישט געזונט צי עסן

און הערשל מייזלעס גייט אין פייער פאר די שיטה
און רוב דאקטוירם זענען פארקערט
קלאר?

[bailout]

מייזעלס האט נאך דערווייל קיינעם נישט געהייסן גיין אויף עטקינס דייעט, ער וויל סך הכל אז דער עולם זאל פארשטיין די שעדליכקייט פון די אמעריקאנע וועג פון עסן, עטקינס איז א weight loss progrem , אין הרב מייזעלס רעדט פון עסן נארמאל מיט דעם געדאנק פון ווייניג קארבס, וואס ווען מ'גייט אויף דעם עקסטרעם פארלירט מען וואג.

[bailout]

פארשלאפן

דר. עטקינס איז געווען א דאקטאר וואס איז אויפגעקומען מיט א שיטה אז א מענטש דארף עסן "סעטשורעיטעד פעט" (אייער, פעטע פליישן, די הויט פון די טשיקען ועוד ועוד...בקיצור מיינט דאס נאטורליכע פארגליווערטע פעטנס.. פון בעלי חיים בעיקר און אויף פון געוויקסען.)און ווייניג קארבס אקעגן די אנגענומענע אמעריקאנע שיטה אז סעטשורעיטעד פעט איז נישט געזונט צי עסן

און הערשל מייזלעס גייט אין פייער פאר די שיטה
און רוב דאקטוירם זענען פארקערט
קלאר?

דיין דאקטאר האט דיר אליין געזאגט? האא?

זאג נאר קענסט מיר אפשר זאגן אין וועלכע page אין זיין בוק ס'שטייט אז מ'דארף עסן פעט אדער גאר הויט פון טשיקען, ער האט גראדע א וועבזייטל לייג ארויף א לינק

[פאטאקי08]

קאל קול מבשר און הער אויס הערשל מייזעלס ער האט עטליכע און דרייסיג שיעורים דארט

[פישל גוטביין]

צוריקמישענדיג אינעם אשכול איז מיר דער תגובה געווען זייער שיין און רייך אבער כ'בין נישט זיכער אז הערשל מייזעלס האט דא א ניק פון וועם דער זיידעניו צוטירט בשמו, אבער צו דער זאך זעהט עס יא אויס, און נאכן ליינען פאטאקי'ס און שוועמעל'ס קשיה'ס איז דער תגובה געווען א טייל וואס קען ברענגן א תירוץ דעראויף, און איך אפעליר צו דעם זיידעניו אז ווען ער טרעפט דעם הערשל מייזעלס זאל ער אים פרעגן וועגן דער פטירה פון עטקין ע"ה.

טייערע חברי הקרעטשמע איך האב פאר אייך א סורפרייז, זעצט אייך אראפ און כ'וועל אייך דערציילן וואס כ'האב געטוהן אינטער ענקער רוקן,

נאכן זעהן אז מען פארט דא אויף שינעס מיט גוטע ריעונות וואס דארפן אביסל אויסגעקלארט ווערן, האביך מחליט געווען אז די גאנצע סוגיא איז דאך א מלתא דעבידא לגלויה, ווייל הרב מייזליש לעבט דאך, און ער קען ענטפערן אויף אלע אינזערע אייערע קוועטשענישן, האביך אים געשיקט אן אימעיל, דער אימעיל וואס ער אדווערטייזט אויף קול מבשר, און ער האט מיר נישט אנטוישט און ער האט מיר געענטפערט, און כ'האב די זכיה צו זיין אזא חשובה פאסט טרעגער, אבער ווי איך פארשטיי איז הרב מייזליש'ס צייט נישט אזוי פריי פויגל'דיג, ער איז באמת גאר א פארנומענע פערזאן וואס ראטעוועט אידישע נפשות טעגליך, צוליב דעם האט ער געענטפערט אויף געציילטע איינצעלהייטן אין דעם שמועס,

און איך וועל אראפברענגען זיינע רייד אחת ואחת

2)ווי אזוי שעמט זיך נישט א מוסד אויף צושטעלען אזא רעדנער רעדן וועגען די שעדליכקייט פון די לאנטשעס אין די ישיבה'ס ווען זיי פלאנען עס נישט צו טוישען?

מיר זענען געזעצט מיט זיי שוין מערערע שעות, און מיר האלטן אינמיטן פלאנירן וואס און וויאזוי צו טוישן. עס איז נישט מעגליך צו מאכן אזעלכע טוישינגן אין איין מינוט. ווי אויך איז עס א קאסבארע טויש. דערווייל זעהט אויס ווי זיי ווילן זיך שיין צושטעלן.

דערווייל קוקט מיר אויס אז די איינציגע ?? עצה וועט זיין אז מען זאל טוהן אזויווי אין אייראפע (אנטווערפן צב"ש), ווי מען עסט מיטאג אינדערהיים, אדער ברענגט מען זיך מיט פון שטוב צו עסן.

גיי צו עני דאקטאר וועט ער דיר זאגן אז דאקטאר אטקין איז גערעכט מיט דעם וואס ער זאגט אז קארבס איז נישט געזונט אבער זיי וועלען דיר מסביר זיין פארוואס א דייעט מיט אזוי ווייניג קארבס (ובתוכם די באשעפער'ס פרוכט און וועדזשטעבילס) און אזוי פול פעטענס איז נאך מער אומגעזונט. דאקטאר אטקין און זיינע נאכפאלגער זענען די מיעוט אין דער פעלד און די רוב (איך בין זיכער אז זיי זענען נישט קיין כיידער אינגעלעך) האלטען נישט דערפון.

עס איז הפלא ופלא ווי מענטשן הערן נישט וואס מען רעדט צו זיי. די אמעריקאן הארץ אסאסיעישאן און די אמעריקאן דייעביטיס אסאסיעשיען האבן ביידע שוין מודה געווען ברבים (געדריקט אין הארטע דעקלעך אויך) אז די לאו קארב דייעט איז יא א געזונטע אפציע. נישט, אז זייערע ווערטער איז ביי מיר מעלה אדער מוריד, אבער דאס זענען דאך געווען די צוויי גרעסטע קעגנער, און אז דער צווייטער צד האט שוין צוריק געצויגן, וואס דערפן מיר מער?
סתם אזוי פאר אינטערסאנטקייט בין איך נייגעריג וויאזוי דער שרייבער וועט מסביר זיין דעם רמב"ם אז ס'איז "בכלל" נישט געזונט צו עסן קיין פירות האילן?

אנדי:
הער נאך אמאל איבער די דרשה, ער זאגט קלאר די ווערטער: איך וויל נישט פראמאוטן א לאו קארב דייעט,

ער רעדט פון טוישן דעם פיראמיד אויף א באקס, דאס הייסט עסן פון אלעס אייניג.

אויף קול מבשר האט ער זיגער פראמאוטעד א לאו (אדער נאו ) קארב דייעט.

"לאו קארב אדער באקס" צומישעניש
איך פראמאוט ביידע, ווענדט זיך פאר וועמען. נישט אזוי זאגט מען "ווענדט זיך ווי דער חמרא שטייט איין". פאר קינדער איז אוודאי גוט א באקס. פאר עלטערע אויב מען איז געזונט, איז אויך גוט די "באקס" דייעט. אויב נישט ח"ו, דאן איז נישטא קיין ברירה, דאן איז לאו[ער] קארב די אינצייגע אפציע.

עד כאן פון וויפיל איך האב דערווייל באקומען

[סטיוו שמידט]

מייזעלס האט נאך דערווייל קיינעם נישט געהייסן גיין אויף עטקינס דייעט, ער וויל סך הכל אז דער עולם זאל פארשטיין די שעדליכקייט פון די אמעריקאנע וועג פון עסן, עטקינס איז א weight loss progrem , אין הרב מייזעלס רעדט פון עסן נארמאל מיט דעם געדאנק פון ווייניג קארבס, וואס ווען מ'גייט אויף דעם עקסטרעם פארלירט מען וואג.

["]דיין דאקטאר האט דיר אליין געזאגט? האא?

זאג נאר קענסט מיר אפשר זאגן אין וועלכע page אין זיין בוק ס'שטייט אז מ'דארף עסן פעט אדער גאר הויט פון טשיקען, ער האט גראדע א וועבזייטל לייג ארויף א לינק

[/]

עס קוקט אויס ווי דו זוכסט א וועג ארויס, דו ענפערסט נישט גראד צו די זאך, קען איינער ענטפערן מיט א יא אדער ניין די פאלגענדע פראגע:

איז הרב מייזליש'ס שיטה געבויט אויף עטקינס??? איז ער מיט ניינציג פראצענט אייניג מיט עטקניס??
אויב נישט ניינציג וויפיל יא? איז ער בכלל אויף איין פעטש מיט עטקניס?

איך קען נישט הרב מייזליש, אזוי אויך ווייס איך נישט זיין גאנג, ממילא וויל איך נישט אריינרעדן. אבער איך וויל זייער אז ער זאל אפשרייבען זיין מהלך, ווייל איך האב אבסעלוט נישט קיין צייט צו הערן קול מבשר, אבער איך קען באשטיין צו וויסן וואס זיין גאנג איז.

דרך אגב, איך האלט אז ער איז עס מחיוב אפצישרייבען, ווייל איינער וואס נעמט דעם עולם אויף אזא שטארקע רייד, ער טוישט די מהלך החיים פון מענטשן טאר עס נישט טיען בלויז אויף דעם פרוי'שען צוגאנג פון דרשות אויף קול מבשר, אדער מיטען רייטען אויף געפילן פינעם ציבור, דורך געבן דרשות, וכדו' אויב האט ער א שיטה, מוז ער עס אפשרייבען דורוך שרייבען פאקטן שווארץ אויף ווייס, אזוי אז מען זאל עס קען ליינען און איבערצייגן מיט מקורות פון וואו ער נעמט זיינע שיטות, מהלכים. ער דארף געבן א מקום אז מען זאל עס קענען נאכגיין, דרשות אויף קול מבשר מאכט טאקע א שטארקע ווינט, ווייל אלע פרויען אין רוב בחורים אזוי אויך טייל בעלי בתים הערן עס. אבער עס ווייזט אויך אביסל אויף שוואכקייט, ווייל די אלע זאכען דארפן ווען זיין דורך ארטיקלן געשריבן, ביים שרייבען ארטיקלן, קען מען נישט אריין געבן קיין געפילן, מען דארף שרייבען הארטע באווייזן איבערצוצייגען א ציבור,אזוי אויך
איז די אחריות אויף א געשריבן ווארט איז אסאך גרעסער, לאמיר זען אויב ער קען עס טוען מיט שרייבען אויך.


איך וויל אבער בעיקר ארויסברענגן איין נקודה למחשבה

מיר היימישע אידן, לעבן ב"ה א לעבן אפגעזינדערט פינעם גוי, מען קיקט נישט קיין טעלעווישן, מען ליינט נישט די אלע גוי'שע מאגעזינן, ב"ה מען ווערט נישט נשפע פון די אלע גרויסע קאפעראציעס וכדומה וואס האבן א אינטערעסע אויסציפארמירען דעם דעת פון א מענטש, ביי יעדע הינזיכט, סיי פיינענשל, סיי מעדיקל, וכדו'
דאס איז א מורא'דיגע מעלה פון איין זייט אפילו בגשמוית, אז די אלע גרויסע קאמפעניס וואס געבן אויס מיליאנען איבערציצייגען א מענטש, אז נאר אויב אויב ער טיט דאס אדער דאס, {ווי למשל, קויפט די סטאק, נעמט די וויטעמין, עפענט דא א באנק אקאונט, ניצט די ציין בערשטעל, גייט מיט די מין שיך, בלא, בלא } נאר דעמלאטס וועט מען האבן הצלחה,

פון איין זייט איז עס א טאקע שטארקייט, אז די אלע מערקעטינגס האט נישט קיין השפעה, אופן היימשען ציבור, אבער עס האט א מורא'דיגע חסרון אויך

ווייל עס גיבט פלאטץ פאר א פיפיגער אינגערמאן/חברה, אויסצוניצען די תמימות פונעם ציבור פאר זייערע פריוואטע אינטערסן, אפילו אויב עס איז נישט לטובת דעם באטרעפענדן, פארוועם ער/זיי פראבירט/פראבירען אנצוטראגן דעפ פראדוקט. ווי למשל, אדאנק אונזער פארמאכקייט און תמימות און נישט וויסן, פאלן 80 פראצענט אינגעלייט אריין מיט א האל לייף פאלאסי תיכף נאך זייער חתונה, כאטש עס איז נישט לאגיש אין פיינענשעל אויסגעהאלט. אדאנק אונזער נישט וויסן, קענען קאר דילעס רייטען אויף א ריזן חלק פונעם ציבור, די זעלבע זאך איז מיט ריעל עסטיט חברה וואס זענען אונז מזכה מיטן ווערן בעלי חוב פאר'ן איצטיגן גלגול, אדאנק אונזער נישט וויסן, האט א גרויס חלק געקויפט קאטישי בערי זאפט,
און א ריזן חלק פאלן אריין מיט אנדערע סקעם'ס, ביי די פרויען איז דא היבש זאכען, וכדומה

ווער זאגט אז הרב מייזליש איז נישט באבקעס??? האט ער דען MD לייסענס?? ווייל ער רעדט א היי לענגוויטש שפראך, מוז זיין אז ער ווייסט וואס רעדט? האט ער בעק-אפ פון עני אנערקענטע מעדיקל ארגענזאציע?? קען קומען "איין" מענטש און זאגן אז "ער" ווייסט בעסער פון יעדעם?! ער אלץ "איינצעלער" מענטש קען זאגן, אז ער האלט נישט פון די פירעמד באקס? פארוואס, ווייל רעדט א גוטע שפראך, און ער דילט מיטן היימישען אומוויסענדן ציבור, וואס ליינען נישט און וויסן נישט?? איז דען נישט "עטקינס" אפגעפרעגט ביי 90 פראצענט דאקטוירים?? ווייל ער איז א איד מוז זיין אז "ער" ווייסט בעסער פון די ניינציג פראצענט??? פאר דייבידיטס איז ער אפשר גוט, אבער אוועק צו מאכען אלע סטאדיס??

איך וויל נאכאמאל ארויסברענגן, אין קען נישט זיין שיטה, הלוואי זאל עס איינער דא באשרייבען.
אבער וויפיל איך ליין צווישן די שורות, און וופיל מיין ווייב זאגט מיר איבערזיין מהלך, זע איך איין זאך, אז זיין שיטה איז עטקינס, זיין שיטה אז ביז היינט האט יעדער גערעדט שטותים, נאר ער ווייסט דעם ריכטיגע צוגאנג. ר' הערשל במחילת כבודך, 5 יאר ארום וועט ארויסקומען איינער הרב גרינבלאט עפענען אן האט-ליין און זאגן אז יעדער, אפילו הרב מייזליש, האט גערעדט שטותים, נאר ער מיסטער גרינבלאט נאר ער האט די ריכטיגע צוגאנג, {עיין ערך כינעזער האניג}.....

הרב מייזליש, ווי לאנג איר שרייבט נישט אראפ וואס איר האלט, מיט ראיות און הוכחות אז דאס וואס דו זאגסט איז ריכטיג, זע איך נישט פאר וואס איך זאל אייך ענדערש אויסהערן ווי די סעלעסלייט פון גאטשי-בערי-כינעזער האניג

איך וויל קלאר מאכן, הרב מייזליש איז ביי מיר זייער געשעצט פרעזענליך, ער איז א איד וואס טיט מיט הארץ פאר אנדערע אידן, איך מיין אים ח"ו נישט צי קריטעקירן פרעזנליך
איך וויל נאר פארשטיין זיין מהלך, איך האב אפשר געשריבען אביסל צי שארף, אבער כ'האב עס נאר געשריבן ארויסציברענגן מיין פוינט, אז ביי מיר איז ער א בחינה פון
כבדיהו וחשדיהו, - ביז ער גיט די מעגליכקייט פארן ברייטען ציבור, נישט נאר פאר די וואס האבן די געדילד און מעגליכקייט צי הערן קול מבשר - אז זיי זאלן זיך אויך קענענן איבערצייגען אן איינזען אז דאס וואס ער זאגט איז עפעס

[סתם_אזוי]

אפשר דא וועסטו טרעפן עפעס אינטערעסאנט פאר דיר.

[פישל גוטביין]

סטיוו דו זאגסט ווערטער, דברים כסבלונות, אבער עס איז מיר זייער אינטרעסאנט אז דו ווייסט נישט אז הערשל מייזעלס האט שוין אפגעשריבן דרייסיג לאנגע ארטיקלן, וואס יעדע פון זיי איז געשריבן מיט א קלארע הסבר און עפ"י רוב מיט מקורות, איך פאר מיר פלעג מיר באלעקן דערמיט יעדע חודש.

דא האסטו א לינק צו אלע אלטע 'המספיק גאזעט'ס' ווי דו וועסט קענען ליינען זיינע ארטיקלן.http://www.hamaspik.org/content.asp?dept=10303020

זיין לעצטע ארטיקל איז געווען דארט חודש תשרי ווי ער שרייבט אז דאס איז זיין לעצטע ארטיקל http://www.hamaspik.org/ArticleFiles/52Yiddish.pdf


נו סטיוו; אשאד געווען דיין הארץ וויייטאג ביים שרייבן...

[ביזנעסקאפ]

הער אויס סטיוו; איך קען שוין ר' הערשל א שיינע שפאר יארן, וואס איז זיין אייגענארטיקייט וואס אנדערע נוטרישנעיסטן פארמאגן נישט? פארוואס פארלאזט זיך דער עולם אזוי שטארק אויף אים, (חוץ פון דעם אז ער איז א גוטע רעדנער) דאס קען איך דיר ענפערן וואס כ'האב מיך דאס איבערצייגט אסאך מאל, אין אנדערע קענען דאס אויך מעיד זיין אויף אים: ער מאכט אייגענע ריסערטש, ער לאזט זיך נישט פאפן און ווערט נישט פארפירט פון אומוויסנדע אזויגעריפענע 'זאך קענער' נאר ער שטודירט יעדע זאך אליינס, און איך וועל דיר זאגן דאס איז נישט דווקא איו דעם הינזיכט, נאר און אלע אנדערע זאכן אויך, ער גלייכט אליינס אויסצופראבירן יעדע זאך ביז ער קומט צו צו זיינע החלטות, און נישט יעדער קען דאס באווייזן, מען ברויך זיין א שטארקע בעל כשרון און שכל הישר אזוי ווי ר' הערשל, דערפאר גלייכט אים די עולם אזוי, און זיינע ווערטער ווערן ענדערש אנגענימען ווי א צווייטנס...

[סאכדעס]

הגם עטליכע האבן שוין גענפערט אויף דיינע פראגן אין דעם אשכול, אבער איך קען באשטיין דיר צו פארענפערן מן הראשון אל האחרון, אלעס וואס איז נוגע צו דיינע שאלות. (איבער דעם פראבלעם וואס דו שרייבסט וועגן די אומוויסנשאפט פונ'ם ציבור, קלער איך אז עס איז נישט וויכטיג צו קאמענטירן.)

איז הרב מייזליש'ס שיטה געבויט אויף עטקינס??? איז ער מיט ניינציג פראצענט אייניג מיט עטקניס??
אויב נישט ניינציג וויפיל יא? איז ער בכלל אויף איין פעטש מיט עטקניס?

קודם א שטיקל הקדמה, הרב מייזליש איז א דייבעטיק טייפ 1 פאציענט, ביי די פינף יאר נאך וואס ער האט אסאך געבראכן, און מ'איז געגאנגן צו א דאקטאר, האט מען איהם דיאגנאזט מיט דעם פראבלעם.

ער אלס א פארשער, א מענטש וואס פרובירט און דארף פארשטיין אלעס, האט ער אנגעהויבן גרובלען אינ'ם חלק פונ'ם געזונטהייט פון דעם פראבלעם. צי איז דער מענטש א קראנקער מענטש, צי איז ער א געזונטער מענטש, און האט צו דעם א פראבלעם. צי איז דאס א דזשענעריק פראבלעם, צי גייט דאס נישט מדור לדור. פון וואנעט קומט דער פראבלעם, קען מען עס פארמיידן? א.א.וו.

ער איז א מענטש מיט שכל הישר, ער פארשטייט וואו מ'בלאפט א מענטש, און וואו מ'פארקויפט אמת. יעדע שטודיע אין דער וועלט, קען מען מאכן אויף א וועג צו דערגיין דעם אמת, און מ'קען עס מאכן אויף א וועג, צו אויפווייזן א שיטה. און ביים צווייטן פאל קען זיין אז מ'פארקויפט בלאף. און ער האט זיך אריינגעלייגט אין דעם ראשו ורובו, און היינט איז ער אן עקספערט צו דערשמעקן א שטודיע, אין וועלכען קאטעגאריע עס פאלט אריין. און ער קען - דערווייל - אנצייגן זיין אפמאך, פארוואס ער האט אזוי אפגעמאכט.

נאך וואס ער האט קלאר געשטעלט אלע זיינע ספיקות, נאך וואס ער איז קלאר געווארן גענוי וואס זיין פראבלעם איז, פון וואס עס קומט, (אין דעם טוט ער נאך עד היום) און אז עס נישט קיין ערענסטע מחלה פאר'ן מענטש, נאר בסך הכל דארף מען וויסן וויאזוי עס צו קאנטראלן, אבער דער גוף פונ'ם מענטש איז זייער געזונט, האט ער דאס געשערט מיט חברים וואס ליידן פונ'ם זעלבן פראבלעם. און אזוי איז געבוירן געווארן זיין וואויל-בארימטע ארגענזאציע: ''רעים מתוקים''.

פארשטייט זיך אז נאכ'ן מאכן אזויפיל ריסערטש, און נאכ'ן זיך אזויפיל באקענען מיט'ן גוף, איז ער געווארן א גרויסער ידען אין חכמת הדאקטאראט. און דאס האט איהם געברענגט זיך צו באקענען מיט דייבעטיק טייפ 2, וואס הגם ער האט נישט פארשטאנען פארוואס אט די צוויי ווערן אנגערופן מיט'ן זעלבן נאמען, אבער פארט האט דאס מיטן ווארט: 'צוקער', האט דאס געצויגן זיין אינטערעס, און ער האט זיך אריינגעטוהן אינעם ענין.

פון דארט האט ער באמערקט פול מיט שטודיעס וואס צייגן אן אז די אלע וואס ליידן פון טייפ 2, ליידן (אדער זענען אויסגעשטעלט צו ליידן) פון הויכע בלוט דרוק, נידריגע HDL, הויכע טרייגליסערייטס, איבערוואג, וואס די אלע זאכן זענען עקסטערע מחלות ומחושים ביי היבש אסאך דשענעראל דאקטוירים איבער די וועלט.

האט ער זיך געוואונדערט, וואס האבן די אלע זאכן א שייכות? ביז ער איז אנגעקומען צו די עקספערט וואס האבן מחדש געווען דעם סינדראם X, אדער ווי ער רופט דאס: 'מערעבאליק סינדראם' און דאס האט איהם אנגעהויבן צו שווינדלן אז אלעס באשטייט טאקען פון דעם זעלבן פראבלעם וואס רופט זיך: 'אינסולין רעזיסטענס'
אזוי? אינסולין איז דאך זיין זאך, ווייל טייפ 1 דארף זיך צולייגן אינסולין. נו, איז דאך דא עפעס א קשר צווישן די אלע. איין מינוט, וואס הייבט צוקער ביי א טייפ 1? אהה קארבעהיידרעיטס. איז פארוואס ביי טייפ 2 פארשרייבט די ADA א פיראמיד? מ'קען דאך דאס אלעס פארשפארן, אזוי איז ער געגאנגען פון שטודיע צו שטודיע, ביז ער איז אנגעקומען צו די מהלך וואס עטקינס איז אויך אנגעקומען, און פילע אנדערע דאקטוירים.

איז דער תירוץ אויף דיין פראגע פשוט:
איז הרב מייזליש'ס שיטה געבויעט אויף עטקינס??? ניין, הרב מייזליש האט געבויעט זיין דיעטע, פונקט ווי עטקינס האט געבויעט זיין.
איז ער מיט ניינציג פראצענט אייניג מיט עטקניס?? יא, און אפשר מער ווי ניינציג, פשוט ווייל ביידע האבן אויפגעדעקט די בלאף פון די פאלשקייט פון ADA.

איך קען נישט הרב מייזליש, אזוי אויך ווייס איך נישט זיין גאנג, ממילא וויל איך נישט אריינרעדן. אבער איך וויל זייער אז ער זאל אפשרייבען זיין מהלך, ווייל איך האב אבסעלוט נישט קיין צייט צו הערן קול מבשר, אבער איך קען באשטיין צו וויסן וואס זיין גאנג איז.

דרך אגב, איך האלט אז ער איז עס מחיוב אפצישרייבען, ווייל איינער וואס נעמט דעם עולם אויף אזא שטארקע רייד, ער טוישט די מהלך החיים פון מענטשן טאר עס נישט טיען בלויז אויף דעם פרוי'שען צוגאנג פון דרשות אויף קול מבשר, אדער מיטען רייטען אויף געפילן פינעם ציבור, דורך געבן דרשות, וכדו' אויב האט ער א שיטה, מוז ער עס אפשרייבען דורוך שרייבען פאקטן שווארץ אויף ווייס, אזוי אז מען זאל עס קען ליינען און איבערצייגן מיט מקורות פון וואו ער נעמט זיינע שיטות, מהלכים. ער דארף געבן א מקום אז מען זאל עס קענען נאכגיין, דרשות אויף קול מבשר מאכט טאקע א שטארקע ווינט, ווייל אלע פרויען אין רוב בחורים אזוי אויך טייל בעלי בתים הערן עס. אבער עס ווייזט אויך אביסל אויף שוואכקייט, ווייל די אלע זאכען דארפן ווען זיין דורך ארטיקלן געשריבן, ביים שרייבען ארטיקלן, קען מען נישט אריין געבן קיין געפילן, מען דארף שרייבען הארטע באווייזן איבערצוצייגען א ציבור,אזוי אויך
איז די אחריות אויף א געשריבן ווארט איז אסאך גרעסער, לאמיר זען אויב ער קען עס טוען מיט שרייבען אויך.

ווי פישל האט שוין געשריבן, האט ער טאקע יא אפגעשריבן זיינע שיטות און דעות. אויסערדעם, זיינע דרשות זענען פיל פיל מיט מקורות און מראה מקומות, און ער בעט אז מ'זאל כאטש אזויפיל טוהן ווען מ'גייט צו א דאקטאר, און ער זאגט אנדערש פון זיין שיטה. פרעג איהם מהיכן דנתני? ווייל ער האט נאך אזויפיל געלערנט און שטודירט, און נאך מער, און ער שרייעט חי וקים: די היינטיגע גרויסע מומחים האבן שוין געטוישט, פארוואס ווייסן דאס נאכנישט די דזשענעראל דאקטוירים?

ווער זאגט אז הרב מייזליש איז נישט באבקעס???
האט ער דען MD לייסענס??
ווייל ער רעדט א היי לענגוויטש שפראך, מוז זיין אז ער ווייסט וואס רעדט?
האט ער בעק-אפ פון עני אנערקענטע מעדיקל ארגענזאציע??
קען קומען "איין" מענטש און זאגן אז "ער" ווייסט בעסער פון יעדעם?!
ער אלץ "איינצעלער" מענטש קען זאגן, אז ער האלט נישט פון די פירעמד באקס? פארוואס, ווייל רעדט א גוטע שפראך, און ער דילט מיטן היימישען אומוויסענדן ציבור, וואס ליינען נישט און וויסן נישט??
איז דען נישט "עטקינס" אפגעפרעגט ביי 90 פראצענט דאקטוירים?? ווייל ער איז א איד מוז זיין אז "ער" ווייסט בעסער פון די ניינציג פראצענט???
פאר דייבידיטס איז ער אפשר גוט, אבער אוועק צו מאכען אלע סטאדיס??

איך וועל ענפערן אויף דעם קוואוט קורץ, יעדע קוועשן מארק איז ביי מיר אן ענד פון א קוועשאן
1) פרוביר עס אויף דיין הויט. אויב ביסטו געזונט, קען זיין אז דו וועסט קיינמאל נישט וויסן, אבער אויב גייסטו אויף א פארקערטן דיעטא, נעם בלוט, און קוק די רעזולטאטן, איך ווייס פון עטליכע משפחה און באקאנטע מיטגלידער, אז עס האט זיי אראפגעקלאפט קאלעסטערל, הויכע בלוט דרוק, און געהויבן די געזונטע HDL
2) ניין, אבער געוואלד און געשריען, צו וואס דארף ער דען? קענסט דאך איהם נאכגיין.
3) ניין.
4) איך בין געווען ביי מיין דאקטאר, איך האב איהם פארציילט אז איך וויל גיין אויף אזא דיעטא, האט ער מיר געזאגט: נאר אזוי וועסטו געזונט זיין, און זאט אויך. דר. ווערצבערגער פון קרית יואל שטיצט איהם דען נישט? און וואו דו וועסט היינט גיין, וועסטו זעהן אז דאקטורים זענען פאר זיין שיטה.
5) ניין, און ער איז טאקע נישט איינער.
6) ניין, וכנ"ל
7) WOW ניינציג פראצענט? מאן יימר? טרעף מיר צוואנציג. אבער רייט נישט אויפן עולם ווייל דער עולם ווייסט נישט, ברענג הארטע באווייזן...
8) פאר דייעביטיס איז ער גוט, און וואס זאל מען טוהן אז די אלע אנדערע זאכן האבן מיט דעם א שייכות.

איך וויל נאכאמאל ארויסברענגן, אין קען נישט זיין שיטה, הלוואי זאל עס איינער דא באשרייבען.
אבער וויפיל איך ליין צווישן די שורות, און וופיל מיין ווייב זאגט מיר איבערזיין מהלך, זע איך איין זאך, אז זיין שיטה איז עטקינס, זיין שיטה אז ביז היינט האט יעדער גערעדט שטותים, נאר ער ווייסט דעם ריכטיגע צוגאנג. ר' הערשל במחילת כבודך, 5 יאר ארום וועט ארויסקומען איינער הרב גרינבלאט עפענען אן האט-ליין און זאגן אז יעדער, אפילו הרב מייזליש, האט גערעדט שטותים, נאר ער מיסטער גרינבלאט נאר ער האט די ריכטיגע צוגאנג, {עיין ערך כינעזער האניג}.....

הרב מייזליש, ווי לאנג איר שרייבט נישט אראפ וואס איר האלט, מיט ראיות און הוכחות אז דאס וואס דו זאגסט איז ריכטיג, זע איך נישט פאר וואס איך זאל אייך ענדערש אויסהערן ווי די סעלעסלייט פון גאטשי-בערי-כינעזער האניג

כ'מיין אז דאס איז שוין פארענפערט געווארן פריער, אדרבה, אויב זעהסטו דא א פרישע קשיא, לאז מיר וויסן, כ'וועל פרובירן עס צו ענפערן, אויב עס איז דא וואס.

ביי מיר איז ער א בחינה פון כבדיהו וחשדיהו, - ביז ער גיט די מעגליכקייט פארן ברייטען ציבור, נישט נאר פאר די וואס האבן די געדילד און מעגליכקייט צי הערן קול מבשר - אז זיי זאלן זיך אויך קענענן איבערצייגען אן איינזען אז דאס וואס ער זאגט איז עפעס

האסט זייער א ריכטיגע צוגאנג, און נאר טאקע צוליב דעם האב איך גענומען די מיה און גענפערט שטיקל ביי שטיקל.