ביטע לייענט די תגובה
רבותי, האפענונג
פאר קענסער!
סברי מרנן, איך בין דיאגנאזירט געווארן מיט די ביטערע מחלה ה"י. עס האט זיך אנגעהויבן מיט א געוואוקס אין קאפ, גרויס ווי א קוואדער, אזש איך האב עס געקענט שפירן מיט די הענט! היינט איז נישט געבליבן קיין זכר דערפון! אט הערט מיין מעשה און פארשפרייט עס ווי ווייט איר קענט, וזכות הרבים תלוי בכם.
דער דאקטער האט מיר געזאגט אז דער פלאץ פון מיין געוואוקס אין קאפ איז צו הייקל, און ממילא וועט ער יעצט גארנישט טון. אויב וועט זיך עס פארשפרייטן צו מער סכנה'דיגע פלעצער, וועט מען מוזן אנהויבן עס צו באהאנדלען.
איך האב אבער נישט געוואלט ווארטן ביז עס קומט אן אהין... איבערהויפט ווען דער דאקטער האט מיר אנטפלעקט אז אויסער דעם האב איך נאך 4 שטיק, א סך הכל פון פינף
געוואוקסן וואס איך האב געזען מיט מיינע אויגן אויף די עקס-רעי בילדער. וואס זאל איך טון, כ'בין נאך יונג און איך וויל לעבן.
א חבר האט מיר דערציילט איבער א געוויסן דר. לידערמאן אין מאנהעטן וועלכער העלפט וואונדערליך קעגן קענסער. וואס האב איך דען צו פארלירן? האב איך געמאכט אן אפוינטמענט און במשך 2 שעה בין איך געזעצן ביי אים און אדורכגעשמועסט מיין גאנצע מצב.
למעשה זאגט ער מיר אז מען מוז ארבעטן אויף איין געוואוקס אויפאמאל, און איך זאל אריבערקומען פינף מאל. דאס ערשטע האט מען טאקע גענומען דעם גרויסן געוואוקס אין קאפ, איך בין געווען ביים אים פינף מאל, מאנטאג, מיטוואך, פרייטאג, מאנטאג און מיטוואך, און עס איז נישט פארהאן מער קיין שפיר פון דעם געוואוקס!
די טעראפי וואס ער נוצט רופט ער Radio Wave , עס זעט אויס ווי א גרויסע עקס-רעי מאשין און יעדע אפוינטמענט האט געדויערט אונטער צען מינוט. איך האב אים געפרעגט ווילאנג נאך די באהאנדלונג וועל איך קענען אהיימגיין, האט ער געזאגט תיכף ומיד און איר וועט אליינס קענען דרייוון. כך הוה, איך בין ארויס, נישט געשפירט גארנישט, קיין איבלען,ברעכן, פארלירן האר אא"וו, און אהיימגעפארן מיט די אייגענע כוחות ב"ה.
איך גיי יעצט ווייטער צו אים פאר די אנדערע געוואוקסן, און דאס הארץ בלוטיגט מיר, פארוואס ווייסט נישט דער עולם דערפון? פארוואס הרג'עט מען אויס יונגע טאטעס און מאמעס מיט קימא-טעראפי ווען עס איז מעגליך פטור צו ווערן פון די מחלה גרינג און שנעל אן קיין שום נאכווייען!!??!!
איך האב אלץ ליב צו שמועסן מיט מענטשן (בכלל... און אויך) דארט אין ווארט-זאל.דערציילט מיר איינער אז זיין שוועסטער האט געהאט לונגען-קענסער. דער דאקטער האט איר געגעבן נישט מער פון 2 חדשים צום לעבן! זי האט גראדע בשום אופן נישט געוואלט גיין צו דעם דאקטער און ער האט איר ממש געשלעפט מיט די געוואלד. היינט, פיר יאר שפעטער, לעבט זי ב"ה געזונט ווי א גוי.איין אויסלענדישע דערציילט מיר אין א געבראקטן ענגליש אז זי קומט פון אויסלאנד זיך צו באהאנדלען ביי אים פאר "עדווענסד לעבער קענסער"! ווען איך בין אריין האב איך געפרעגט דעם דאקטער אויב ער קען אויך העלפן שווערע לעבער קענסער ווען עס איז שוין אין די שפעטע פאזעס (עדווענסד),ענטפערט ער מיר אז בערך א דריטל פון זיינע פאציענטן זענען מענטשן מיט לעבער קענסער אן אנדערער, א גרויסער ביזנעסמאן, האט מיר דערציילט, אז ער האט קאלאן קענסער.ער האט אנגעהויבן נעמען קימא-טעראפי און עס האט אים געמאכט שפירן אזוי קראנק אז ער האט גאזאגט פאר'ן דאקטער אז שטארבן איז שוין גרינגער, ער וויל מער נישט קיין קימא! נישט האבנדיג מער וואס צו דערלייגן איז ער אויך געקומען צום דר. לידערמאן )גיי פארשטיי א גוי.... ער דערציילט מיר אז דער דאקטער האט אים געהייסן קומען יעדן טאג פאר 30 טעג, אבער ער האט געזאגט ער קען נישט... ער איז צו פארנומען ביי דער ארבעט...גייט ער נאר 3 מאל א וואך...אן אנדערן האב איך געפרעגט מיט ווייטאג, פארוואס ווייסט קיינער נישט דערפון? מ'קען דאך ראטעווען אזויפיל לעבנס? זאגט מיר יענער אז די מעדיצינישע וועלט איז דערקעגן. פארוואס? פרעג איך תמימות'דיג, ענטפערט ער מיר אז מעמאריעל שפיטאל האט 36 אפעראציע צימערן, און זיי קענען עס נישט פארשליסן... זאלן זיי אפערירן מייז!! פארוואס זאלן אידישע קינדער דארט אויסגיין רח"ל!?
דער דאקטער טוט עס שוין פאר 34 יאר מיט א געוואלדיגע סוקסעס. ער האט עס ערפונדן אינאיינעם מיט א קאלעגע ווען זיי זענען געווען אין מעדיקל קאלידזש צו ווערן קענסער דאקטוירים.
אלזא רבותי, עס פעלט נישט אויס צו שטארבן פון קענסער!! דער דאקטער טוט עס אן קיין שום ווייטאג, ער נעמט אלע אינשורענס – יא, אפילו מעדיקעיד, און די באהאנדלונג איז אויסטערליש פונקטליך עלימינירנדיג בלויז די שעדליכע געוואוקסן אן הרג'ענען דעם פאציענט.איך קען עס נישט גענוג שרייען. רבותי,איידער איר לייגט אייך אונטער'ן מעסער,איידער איר לאזט זיך ארויסשניידן גלידער אדער נעמען קימאו-טעראפי, פרובירט עס כאטש!! לאזט אים ארויסנעמען אייער געוואוקס און פארט באלד דערנאך אהיים אליינס מיט די אייגענע קאר!
איך האב א חבר וואס די פרוי גייט אים ליידער אויס פון יענע מעשה. כ'האב זיך געבעטן צו אים, גיי כאטש איינמאל צו אים!! זאגט ער מיר, נע, זי האט נישט קיין כח, עס איז אן אומבאקאנטע רפואה... יא, ליידער יונגע מאמעס לאזן איבער יתומים איז מער באקאנט... איר מוזט אבער נישט נאכגיין דעם טרויעריגן וועג. איך האב געהערט אז נאך נאך פינף מענטשן טוען עס, ער איז אבער דער איינציגסטער וועלכער טוט עס אויף יעדן ארט אינעם קערפער.זייט ער האט עלימינירט מיין געוואוקס הער איך נישט אויף צו דערציילן דערוועגן פאר
וועם איך קען נאר העלפן. מענטשן האבן מיר געפרעגט אויב ער האט אויך עפעס חסרונות, און דער אמת איז יא, פארקינג אין מאנהעטן קאסט אסאך געלט. אנדערע האבן מיר אבער
שפעטער אויפגעמערקט אז פארקינג אויפ'ן בית החיים קאסט אסאך מער...
פארצייכנט אייך דעם נאמען און נומער, און
יה"ר עס זאל זיין להלכה ולא למעשה:
Dr. Gilbert Lederman 212-246-
4237, 1384 Broadway (near 38th St.),
NY, 10018
איך לאז איבער מיין נומער ביי די רעדאקציע,
שפירט אייך פריי מיר צו רופן,
ל.א.ש.,