אידישע וועלט פארומס

ס'וואלט געווען א גלייכע זאך ווער ס'קען ווען מיטטיילן אינפארמאציע איבער סארט גייסטישע פראבלעמען, ווי למשל - פארמאכטקייט, אנגעצויגנקייט, כעס וכו' וכו', אין וואסערע קאטעגאריע דאס גייט אריין. דאס הייסט, צו וועלכע דאקטאר מ'דארף גיין פאר יעדע פראבלעם. ס'איז דא פסעכאלאגן, פסעכיאטערס, וכו' וכו', וואס איז די באדייט/חילוק פון די דאקטורים, וואס איז זייער וועגן פון באהאנדלן דעם פראבלעם וכו'.
איך עפען דעם אשכול ווייל ס'האט זיך צו מיר אויסגערעדט א נאנטע חבר וועגן א פראבלעם ביי איהם אין שטוב, און ער האט מיר שטארק געבעטן אז כ'זאל איהם העלפן. ווער ס'האט ידיעות איבער דעם ענין זאל ביטע מיטטיילן, וזכות הרבים תלוי בו.

מען גייט קודם צי א פסיכאלאג,און אויב ער זעיט אז די חולה דרף פילען איז ער ממליץ זיך צי ווענדן צי א פסיכיאטער.(ווייל נאר א פסיכיאטער קען געיבן פילען)
-כל המחלה אשר שמתי במצרים לא אשים עליך כי אני ד' רופאך-[/i]

שכח ר' געצל, זיי מסביר - וואס טוט דער פסיכעלאג און וואס טוט דער פסיכיאטער, פארוואס קען נאר א פסיכיאטער געבן פילן?
נאכאמאל, יישר כח.

א פסיכאלאג העלפט מיט דיבורים,"ער העלפט פארשטיין דעם פראבלעם,כלו' דער מקור איז די "שווערע יוגענד",א "שווערע עפיזאד" וואס איז אריבער אויפען מענטש וכו',והשתא דבאת להכא,העלפט ער טרעפן א סאלושאן.
עכ"פ אלעס איז בדרך הגיון וסברא.
אבער ווען לדאבונינו די מצב איז הארב אין הגיון מיט הבנה קענען נישט העלפן ",דארף מען א דאקטער וואס קען געיבן פילען צי "בארוהיגען" איו אזוי ווייטער,וואס אויף דעים איז א פסיכאלאג נישט מוסמך.

דו בעטסט פון גייסטישע, הילף פאר גייסטישע??

אינעם צייטשריפט פון היי-וואך פ' אמור, ערשיינט א ברייטע אינטערוויו מיט דעם באקאנטן מחנך ר' אהרן פריעדמאן פון ארץ ישראל, וואו די דערמאנטע ענינים ווערן ברייט באהאנדלט.

איך האב געהערט אז פריעדמאן'ס רבצין דארף גראויס רחמים

זאל זי האבן א רפואה שלימה.

וואס איז דער תמצית פון די צייטשריפט?

נאכנישט געלייענט.

איך האב לעצטנס געהערט א דרשה פון אהרן פריעדמאן (בעלזא א"י) בנוגע פחדים/פאוביעס/שרעקן. איך האב זייער הנאה געהאט דערפון.

קרעמער;
אונז רעדן מיר פונעם זעלבן מענטש.

כ'האב נישט געקלערט אנדערש, עס איז אבער דא דאהי אויך איינער ר' אהרן פריעדמאן (סאטמאר ישיבה - קווינס) וועלכער האנדלט מיט גייסטישע פראבלעמען, בעיקר ביי בחורים.

געווענליך ווען איך שרייב ארץ ישראל, מיין איך נישט קווינס.

אינטערסאנט (מוזט נישט ענטפערן)

וויל איינער ענפערען?

יא, אבער נישט דא.

נעכטן דינסטאג בהעלותך איז אין ירושלים פארגעקומען די לווי' פון די רעביצין פון המחנך הרב ר אהרן פריעדמאן.

בשורות טובות.

יא נעבעך, געהערט אויף קול מבשר. ברוך דיין האמת.

צו ווייסט איינער ווי מען קען באקומען גיטע רעפערלס אויף פסיכיאטארן צו זיי זענען גיט אדער נישט, עס איז דא אזא ארגענעזעישען וואס הייסט ריליוו http://www.reliefhelp.org/index.html אבער זיי געבן נאר א מיינונג אויף איינער וואס האט לייסענס, אבער ווי באקאנט זענען דא אסאך גיטע פסיכיאטארן היימישע וואס האבן נישט קיין לייסענס, וויל איך וויסן צו איינער ווייסט ווער עס קען זיך אויס אין דעם פעלד צו קענען זאגן ווער עס איז יא גיט און ווער נישט.

פארוואס זאלט איר וועלן גיין צו איינער וואס האט זיך נישט געלערנט פינף יאר, און האט נישט גענומען קיין שום טעסטס אויף צו ווייזן אז ער טויג טאקע, און האט נישט געארבייט אונטער אן ערפארענע פסיכילאג פאר א צוויי דריי יאר איידער ער האט אנגעהויבן צו מאכן געלט?

דרך אגב, איך בין גוט באקאנט מיט די ריליעף ארגעניזאציע און זיי זענען לענ"ד ראויים לסמוך עליהם.

וויכטיגע הערה: פרויען זאלן לכתחילה גיין צי פרויען. מען זאל זיך נישט פארלאזען אז ער איז א רב רבי צדיק וכו' בעל מחבר בעל דרשן משפיע מומחה עלטערע מענטש
כי רבים חללים הפילה
סיידען דער מאן טאטע גייט מיט "יעדעס" מאל
עס איז שוין געווען קול קוראס וכו אבער לוינט נישט אליין צי פראבירען
בנוגע צי ווער סאיז גוט, איז נישט שייך צי פרעגען א ארגאנזאציע ווייל וואס איז גוט פאר איינעם איז נישט גוט פאר א צווייטען
א שטיקעל סימן איז אז יענער איז פארנומען שטארק און האט נישט אלס צייט צי רעדן און ער האט אפוינטמענס אבער דאס איז נישט א סימן מובהק
די בעסטע וועג איז צי פרעגען דעם מומחה אפען צי ער האט ערפארונג אין דעם הינזיכט און ווי לאנג עס נעמט וכו
דערנאך מאט אן עפוינמענט און זעט צי עס "קליקט" גיט עס צוויי דריי מאל (450 דאללער געווענליך) אויב עס ארבייט איז דאך גוט טאמער נישט פראבירט א צווייטען
איבריג צי זאגען אז תפלה איז די וויכטיקסטע זאך מען זאל טרעפען דעם ריכטיגען שליח
אויב יענער רעכענט 4 אדער 5 הינדערט דאללער פאר 50 מיניט שטייט ווייט כמטחוי קשת
עס מיינט נישט אז ער איז גוט ווייל ער רעכענט אזוי סאך.
ודי בזה ואין כאן מקומו להאריך
והשי"ת ישלח רפואה שלימה בתושח"י

א'דרבא, אן ארגעניזאציע וועט ענדערש וויסן וואס איז גוט ווי א צווייטע ווייל די ארגעניזאציע האט דאך הונדערטער אדער טויזנטער קעיסיס א יאר, און איך ווייס אז ריליעף גייט נאך עד מקום שידם מגעת אויסצוגעפונען אויב די ספעציאליסט האט אויפגעטון. ספעציעלע רעליעף וויס איך אז אסאך רבי'ס רבנים, מחנכים, און שלום בית קאנצלערס פרעגן זיי פאר ריפערלס אויף פסיכיאלאגן.

דאס וואס איר שרייבט איבער איינער וואס נעמט 4-5 הונדערט דאללער זאל מען אוועק שטיין וכו', לאו דוקא אז יענער איז נישט א גוטע פסיכיאלאג, אבער א גזונטע גזלן איז ער זיכער. די גרעסטע ספעציאליסטן וואס האבן משקיע געווען פון הונדערט ביז צוויי הונדערט טויזנט דאללער אין זיך לערנען נעמען בערך 150 דאללער א סעשאן, אפשר צוויי הונדערט פאר א שעה. אבער דאס איז ממש די טאפ טאפ חברה, איינער וואס נעמט מער פון דעם איז א גנב.

ווער וואלט געגיינגען זיך העלפען ביי א גזלן?
איז מעגליך אז דער גזלן האט אייך ליב
איז מעגליך צי מאכן א נפשיותדיגער קשר מיט א גזלן?
איך האב שוין גערעדט צי ריליעף בנוגע איינעם וואס איך קען
איז אזוי זיי קענען טאקע זאגן ווער סאיז בדרך כלל מצליח אבער נישט אויב סוועט האבן הצלחה מיט "אייך"
אזוי ווי א שידוך דער בחור קען זיין פיין אבער סדארף מעטשען דאס קען נישט ריליעף זאגען
מסכים?

tumim האט געשריבן:איך האב שוין גערעדט צי ריליעף בנוגע איינעם וואס איך קען
איז אזוי זיי קענען טאקע זאגן ווער סאיז בדרך כלל מצליח אבער נישט אויב סוועט האבן הצלחה מיט "אייך"
אזוי ווי א שידוך דער בחור קען זיין פיין אבער סדארף מעטשען דאס קען נישט ריליעף זאגען
מסכים?

גערעכט, אבער דאס איז דאך ביי יעדעם. אויב איר וועט פרעגן איינער וואס איז געגאנגן אדורך טון זיין קינד'ס פראבלעמען אין הבנת הקריאה מיט א געוויסע מומחה לעניני קריאה און יענער ענטפערט דיך אז ער האט געזעהן א שטארקע פארבעסערונג, מיינט עס נאך נישט אז יענער איז אויך גוט פאר אייער קינד. נאר וואס דען, ווען מען פרעגט א פריוואטע מענטש קען ער דיר נאר ענטפערן אויף זיין פריוואטע עקספיריענס, אבער ווען איר פרעגט אן אנגענומענע ארגעניזאציע קענען זיי דיר ענטפערן אז צווישן די צוואנציג קליענטן וואס זיי האבן געשיקט צו יענער ספעציאליסט מיט פארשידנארטיגע פראבלעמען און פארשידנארטיגע מהות'ן האבן אכצן דערפון (הייסט ניינציג פראצענט) מצליח געווען. אדער קענען זיי זאגן אז אויף מילדע פראבלעמען איז דער מער מצליח און אויף שווערערע פראבלעמען איז די צווייטע מער מצליח.

ריליף קען אבער יא זאגן אויב יענער איז בדרך כלל גיט און צו כמעט אלע זיינע קלייענטס זענען צופרידן פון אים (זיי מאכן אסאך ריסירטש)
זה הכלל: דער גרעסטער דאקטאר קען נישט העלפן קיינעם נאר אויב ער האלט זיך אליין ביים העלפן און ער איז גרייט צו ארבעטן אויף זיך, און אסאך מאל איז דער דאקטאר יא גיט אבער דער מענטש האלט נישט ביים ארבעטן, און אסאך מאל דארף טאקע דער מענטש אן אנדערע מהלך וויאזוי צו ארבעטן, אבער ריליף האט אסאך עקספעריענס אין די פעלד אז מען זאל זיך קענען פארלאזן אויף זיי ווען זיי זאגן אז א מענטש טויג.