אויער אינפעקשינס

[קהת]

מיין טאכטער'ל 10 חדשים אלט האלט און איין באקומען אויער אינפעקשינס איינס ערגער פונם צווייטען, איך בין זיכער אז אפאר דא האבען שוין מיטגעלעבט אזעלעכע זאכען, אפשר האט איינער גוטע עצות וויאזוי דאס אוועק צונעמען און ו ואס מען קען טוהן.

[סאדע_באטל]

אויפהערן געבן וואקסינאציעס....

----
ליצנות אין א זייט, וואס זאגט דער דאקטער ?

[וויכטיג מאכער]

קהת, מיין טאכטער'ל 2 יאר אלט פלעגט ליידן אויף דעם געפערליך, פלאס זי האט געהאט שרעקליכע עקזימע אויפן פנים, איך האב איר איינמאל געטראגן צו "דר. פארסטער" און ב"ה זי ליידט מער נישט דערויף.

[קהת]

קהת, מיין טאכטער'ל 2 יאר אלט פלעגט ליידן אויף דעם געפערליך, פלאס זי האט געהאט שרעקליכע עקזימע אויפן פנים, איך האב איר איינמאל געטראגן צו "דר. פארסטער" און ב"ה זי ליידט מער נישט דערויף.

ווי איז די דאקטער? איז עס א אויער דאקטער אדער א פידיעטרישען? נעמען זיי אן מעדיקעיד?

די דאקטער זאגט אז אויב ביז נעקסטע וואך גייט עס נישט אוועק גייט מען דארפן מאכן א טיוב TUBE בלע"ז, און איך וויל דעיס איסמיידען פאר אלע געלטער.

[וויכטיג מאכער]

קהת, צום באדויערן נעמט דאקטער פארסטער נאר אן קעש, און א באנטש... די ערשטע וויזיט קאסט ארום 350... אבער לדעתי איז עס ווערד סאך מער.

ער איז א קייראפרעקטער, און ער מאכט טריעטמענטס מיט די הענט. זיין נאמבער איז: 9175721030.

ער האט 2 לאוקעישן'ס, מאנהעטן, און גרעיט נעק. אין מאנהעטן איז שווער צו באקומען א אפוינטמענט, אין גרעיט נעק איז גרינגער.

[קהת]

איינער האט געהערט פון עצות למשל לייגען קנאבעל און די אויערן אדער אליוו אויל?

[גלייכער]

אויל מיט קנאבל העלפט א רטח

[קהת]

אויל מיט קנאבל העלפט א רטח

זאגסטו אז א רעטעך העלפט? און וואס איז מיט וואסער פון צוויבעל (עס איז דא צווויי זאכען וואס מען קען טוהן מיט קנאבעל איינס אריין לייגען א שטיקעל קנאבעל און אויער, און די אנדערע איז אויסקוועטשען די קנאבעל און די זאפט זאל אריין גיין און די אויער)

עני העלפ...

[דער קוטשער]

פאר א 10 חדשים'דיג קינד ווייס איך נישט, אבער פאר עלטערע האב איך שוין געגעבן קיאליק פאר 10 טאג מיט די אנווייזונג פונעם העלט פוד סטאר, און ווען מ'איז דערנאך צוריק געגאנגען צום דאקטער האט ער געזאגט אז די מעדיקעשאן האט פיין געארבעט.. און ב"ה מ'האט מער נישט געהערט דערפון.

וועגן קנאבעל אין די אויער האבעך עפעס אמאל געהערט אז מ'דארף אכט געבן.

[וויכטיג מאכער]

איך ווייס נישט וועגן אינפעקשענס, אבער פאר צו פיל וואקס אין די אויער העלפט אז מ'לייגט אריין אביסעלע שמן זית אין די אויער.

[דארפסמאן]

שוין געספענט אסאך געלט פאר דר. פאסטער שוין בערך 8-10 יאר ציריק אין געהאלפען נישט אמאל א רעטעך,

א קנאביל און די אויער דארף העלפן, נישט ח"ו א קליינע שטיקל עס זאל בלייבען סטאק .. נאר א גרויסע מיט א בענד עיטש און עס וועט רינען א גאנצע נאכט די קישן וועט ווערן נאס אבער ציפרי וועט מען אי"ה אויפשטיין ווי א נייע מענטש

[וויכטיג מאכער]

דארפסמאן, אויף וואס האסטו געספענדט געלט פאר דר. פארסטער?

ביי אונז אין די משפחה האט ער שוין ארויסגעהאלפן זייער אסאך מענטשן, אויף זייער אסאך זאכן.

[קרעמער]

איין זאך נאר - ר' קהת - ביטע נישט פארנאכלעסיגן די זאך

ביי מיינס א פלימעניצע (ניכטע, ניס) איז די אינפעקציע ל"ע אריין אין די ביין און מען האט געדארפט אפערירן

[קהת]

נעכטן נאכט האב איך אריין געלייגט אונמיטען שלאפ צוויי טראפען זאפט פון קנאבעל און אירע אויערן (באקומען פון איינעם די עצה) אפיציעל די שארפקייט פון די קנאבעל עסט אויף די אינפעקשין, און זי האט טאקע געוויינט פאר 10 מינוט פאר איסורים אבער דערנאך האט זי זיך בארואיגט, לאמיר האפען בעזהשי"ת אז ווען איך גיי צוריק צו די דאקטאר זאל עס זיין קלין.

[bailout]

עס איז דא א טראפן וואס רופט זיך MR HEALTH EAR DROPS טשעק מיט דיין לאקאלן העלטפוד געשעפט אויב ער האט עס, ביי מיר אין שטוב נוצט מען עס, און ס'העלפט ב''ה. עס איז געבעיסט אויף עפל סיידער וויניגער מיט עקעניזשיע,און נאך, פרוביר אים.

בכלל איז גוט צו וויסן אז ווען די קינדער ציינדלען איז א אויער אינפעקשן א נארמאלע זאך.

[קהת]

בכלל איז גוט צו וויסן אז ווען די קינדער ציינדלען איז א אויער אינפעקשן א נארמאלע זאך.

סאיז א נארמאלע זאך אבער צו סאך מאל איז שוין נישט גוט די דאקטאר ווארענט מיר שוין אז אויב ביז נעקסטע וואך איז עס נישט אוועק געגאנגען גייט מען מוזן גיין צו א ENT אריין צולייגען TUBES און דאס איז נישט קיין גוטע זאך.

[והוא פלאי]

ב"ה גם אני בחלומי ביי עטליכע קינדער וואס מען האט מיר געסטראשעט מיט טובס, האט מיר א דר. רעקאמאנדירט אן עצה וואס איז שנוי במחלוקת הדאקטורים, ביי מיר אין שטוב האט עס געארבעט,
צו געבען א קליינע דאזע אנטיביאטיק פאר א פאר חדשים prophylaxis, עס איז אבער שנוי במחלוקת ווי ווייט עס העלפט, וכו',

[יוםטובערליך]

אויב סוכ"ס דארף מען יא מאכן טובס, נעם עס נישט אזוי שטארק צום הארצן. אומצאליגע קינדער האבן עס און זיי לעבן ב"ה געזונט און שטארק, אן קיינע אינפעקציעס (כמעט), שנארכצן נישט ביינאכט נאר שלאפן געהעריג און רואיג, וכו' וכו'.

עס זענען דא גוטע גרויסע דאקטוירים וואס טוען דאס כסדר, קינד גייט אין שפיטאל צופרי און קומט אהיים נאכמיטאג, ביז א טאג-צוויי קען ער שוין גיין אין חדר. אויף א שטיק צייט דארף מען אכטונג געבן קעגן אריינלאזן וואסער אין די אויערן אבער במשך השנים איז דאס אויך פארטיג, בקיצור, עס איז נישט געפערליך.

[קהת]

פאר א 10 חדשים'דיגע קינד איז דאס אויך גוט? סאיז נישט צו אינג?

[וויכטיג מאכער]

יום טוב, איך בין נישט זיכער, אבער איך מיין אז די טוב'ס פאלן ארויס מיט די צייט. בינעך גערעכט?

[למעלה משבעים]

יא וויכי, איך האב געהאט טוב'ס אלץ 5-6 יאר אלט, איך געדענק נאך היינט די שרעק גייענדיג איינמאל אין גאס און עפעס איז מיר ארויסגעפאלן פון די אויערן....

[ווינקל]

אויל מיט קנאבל העלפט א רטח

איך וועל נישט אריינגיין צו ס'העלפט יא אבער נישט, ביי מיר ניצט מען דאס כסדר, און אויף צו בארואיגן דעם ווייטאג איז עס זיכער גוט.

[יוםטובערליך]

בס"ד,

יא, די טובס קענען ארויספאלן, אבער עס פאסירט זעלטן. ווען עס פאלט ארויס, קען מען פריש אפשאצן צי מען דארף עס בכלל, און אויב יא מאכט מען נאכאמאל די מינימאלע אפעראציע.

[וויכטיג מאכער]

יום טוב, האסט נישט פארשטאנען וואס איך האב געמיינט. איך מיין צו פרעגן צו ס'קומט אזוי, אז נאך א שטיק צייט דארף עס ארויספאלן פון זיך אליין, און מ'דארף עס נישט ארויסנעמען?

[לאקשען ברעט]

נעכטן נאכט האב איך אריין געלייגט אונמיטען שלאפ צוויי טראפען זאפט פון קנאבעל און אירע אויערן (באקומען פון איינעם די עצה) אפיציעל די שארפקייט פון די קנאבעל עסט אויף די אינפעקשין, און זי האט טאקע געוויינט פאר 10 מינוט פאר איסורים אבער דערנאך האט זי זיך בארואיגט, לאמיר האפען בעזהשי"ת אז ווען איך גיי צוריק צו די דאקטאר זאל עס זיין קלין.

כ'האף אז די טראכסט נישט אז פין צוויי טראפען קנאבעל זאפט גייט די גאנצע זאך פארשווינדען ווערען,
טאמער באשליסטו צי ניצען קנאבעל זאפט דארפסטו עס ניצען פאר א שטיק צייט א צוויי דריי מאל א טאג אין נאכדעם וועסטו וויסען צי עס ארבעט צי נישט,

אים א חוץ פין דעם וואלט איך רעקאמאנדירט אז די זאלסט אויך געבען עפעס וואס מען נעמט איין, אזוי אטאקירסטו די אינפעקציע פין אינווייניג אין פין אינדרויסען,

ס'איז זיכער מעגליך צי היילען די אינפעקציע אויף נאטורליכע וועגען, אבער ווען די האלסט שוין אזוי ווייט קענסטו דיר נישט ערלויבען צי פרובירען אלע באבסקע רפואות פין יעדע מר בר רב אשי, נאר די דארפסט א גוטע נאטורליכע דאקטער וואס ווייסט אביסעל מער ווי מייערען זאפט אין שמן זית,

אין אזוי ווי קרעמער זאגט "טוה עס נישט פארנאכלעסיגען"

(אין יא, די וואס געבען נישט קיין וואקסינאציעס האבען ווייניגער פראבלעמען מיט אויער אינפעקציעס ווייל די אומיון סיסטעם איז שטארקער ווייל ס'איז נישט אטאקירט געווארען מיט די אומנויטיגע שטותים, ושומר נפשו ירחק מהם)