אידישע וועלט פארומס

איך וויל יעצט מאכן לייסענס, זוך איך ארום א אשכול וואס רעדט שוין דערפון, אבער איך האב עס נאך נישט געפונען, דעריבער עלמיר מוזן מאכן א פרישע.


איך האף בקרוב צו מאכן א פערמיט, וואס איז נעקסט?

דארף מען גיין צו קלעעסעס?
אויב יא, צו וועם?
וויפיל קאסט עס?
ווי לאנג נעמט עס?


יישר כחכם

שאינו יודע האט געשריבן:איך וויל יעצט מאכן לייסענס, זוך איך ארום א אשכול וואס רעדט שוין דערפון, אבער איך האב עס נאך נישט געפונען, דעריבער עלמיר מוזן מאכן א פרישע.


איך האף בקרוב צו מאכן א פערמיט, וואס איז נעקסט?

דארף מען גיין צו קלעעסעס?
אויב יא, צו וועם?
וויפיל קאסט עס?
ווי לאנג נעמט עס?


יישר כחכם

וועלכע געגענט ביסטו? אין די מאנסי געגענט איז דא א היימישע קאמפאני פאר דעם. זיי רופן זיך EZ drive זייער נומבער איז 845.371.4441.
זיי וועלן דיר מסדר דאס גאנצע זאך פון נאך די פערמיט ביז נאכן זיצן אויפן ראד אלץ געהעריגע דרייווער.
מיט הצלחה

כעת בוויליאמסבורג

געזעצליך דארף מען איבערליינען די גאנצע ביכל מיט אלע טראפיק געזעצן פאר מען גייט מאכן א פערמיט, גראדע איז סייווי גוט צו קענען די געזעצן ווען מען דרייווט סא עס לוינט זיך...

נאכן מאכן די פערמיט באקומט מען א צעטל, און דו מעגסט דרייוון אויב א לייסענסד דרייווער זיצט נעבן דיר, און נאר פון זון אויפגאנג ביז (איך מיין) ניינע ביינאכט

איך האב אזוי געטוהן, ארומגעפארן אביסל מיט מיין ברודער (עכט האב איך שוין לאנג געקענט דרייוון... זייט איך האב געדרייווט די גאלף-קאר אין קעמפ...), איך האב גערופן פאלמאן, ער טשארזשט נישט קיין געלט פארן ראוד טעסט אויב מען פעילד די טעסט, אבער מען מוז נעמען איין לעסאן ביי אים, ער וויל זיכער מאכן אז דו קענסט טאקע און ער גייט דיך נישט נעמען אומזיסט

ער האט מיך אויסגעלערנט פארקן, און גענומען צום ראוד טעסט, ווען נישט זיין פארקינג לעסאן וואלט איך זיכער געפעילד די טעסט, פון די פיר וואס זענען געזיצן אין קאר האבן דריי געפעסט די טעסט, דער פערטער איז געווען א ערנסטער רחמנות...

וויפיל איך האב געצאלט פארן ראוד טעסט געדענק איך נישט, פאר א האלבע שעה לעסאן האט ער געבעטן $50

נאך עפעס?

די ביכל האב איך געליינט, נאר די צווייטע חלק, די ערשטע ווי מען רעדט פון רעגיסטרעישאן וכו' פעלט אויך אויס פארן טעסט?

http://www.dmv.ny.gov/broch/MV21.pdf


דא קען מען מאכן א קוויז
http://www.dmv.ny.gov/dmanual/

מיר האט דער קוויז שטארק ארויסגעהאלפן.

איך האב גענוצט די טשידינג בוק און קיינמאל געלערנט די געהעריגע בוק, ב"ה ס'פעלט מיר גארנישט,
שנאפס און מיינע צייטן האט מען נאך יא געצאלט פארן ראוד טעסט אפילו ווען מ'האט געפעלט, און יא איך האב געפעלט נישט איין מאל נאר צוויי מאל.

משזר האט געשריבן:איך האב גענוצט די טשידינג בוק און קיינמאל געלערנט די געהעריגע בוק, ב"ה ס'פעלט מיר גארנישט,
שנאפס און מיינע צייטן האט מען נאך יא געצאלט פארן ראוד טעסט אפילו ווען מ'האט געפעלט, און יא איך האב געפעלט נישט איין מאל נאר צוויי מאל.

דו ביסט עס? ווייסט ווי שטארק האסט מיך היינט אויפגערעגט?! ליין פליז די בוק ווי א נארמאלע מענטש.

א שאד עס איז נישט דא קיין בוק פאר פעדעסטריענס

יאפס אלס דרייווער וואטש איך (אין נאך אנדערע) ווי אזוי איך גיי אויפן גאס....

פון די 5 שעה'דיגע קלאס (וויפיל שעה?) האט נאך קיינער נישט גערעדט. כדי צי קענען מאכן א אפוינטמענט פארן ראוד טעסט מוסטו האבן א סערטיפייד 5 שעה'דיגע קלאס דורכגעקוקט די מאווי מיט ווייס'כ וואס נאך.

איז אזוי;
קודם ברויכסטו באקומען א ביכל (פרעג יענער וואס האט'ס געהאט אין זיין לאקער אין קעמפ פון ווי ער האט'ס).

היצט ברויכסטו קענען ליינען ענגליש (דערמאן דיך פון די אראנדזש שאלעכץ וואס דיין שכן האט געווארפן אויף יענעם מגולח פון דיין כיתה ט' רבי'ס פלאץ פון 5:00 ביז 6:18, יענע שפראך וואס ער האט דעמאלס געניצט דאס קען דיר היצט צוניץ קומען).

לייען דורך די אלע זאכן, סיט בעלטס, בלינקערס, געז ברעיקס (עקזעלעיטאר בלע"ז) מיט די אלע זאכן וואס דו פלעגסט טוהן אויף דיין טא-ווילער. אה, און שיעור פארגעסן פון די פייפער, זאגסט'ך אז דו וואוינסט אין וומ"ס, ס'יז זייער א וויכטיגע זאך צי וויסן ווי ס'יז (כ'זאג דיר נישט ווי ס'יז כ'בין נישט דיין דרייווינג טיטשער), אבער אין קרית יטב לב עט'ס זיין בל יראה ובל ימצא.

דא קומט שוין אריין עפעס שרעקעדיג, ס'גייט דיר דערמאנען פון דיין ווייטער קאזין נאך פון די מבול'ס צייטן, ער'ז דיין עלטער פעטער חם'ס אן אור-אור אייניקל, מ'רעדט דארט פון מאריוואנא און אנדערע סארט פארבאטענע ווארע וואס קען פארטייבן איינעם ביים דרייווען, (ביי מיין ריטען טעסט [יתבאר להלן] האב'ך געפעילד ביי די שאלות כ'אב געזאגט דעם פארהערער [אויך חם'ס אן אור אייניקל] אז כ'ווייס נישט וואס די רעדע איז פון זאגט'ר מיר אז דו מוזט'ס נאכאלץ קענען, כ'אב'ם אבער אויסגעלאכט ווייל כ'אב געהאט אנדערע 17 גוטע ענטפערס).

ווען דו גייסט אראפ צום מאטאר וויהיקעל אפיס צי מאכן דעם טעסט וועסטו'ך אריינזעצן אין א קלאס (נישט גענוג געווען די חדר יארן?) און א ליסטע מיט בילדער פון סיינס גייען דארט זיין, איעדע סיין האט א נומבער און ערגעץ אינמיטן די שאלות גייט זיין אזא שאלה: וואס מיינט סיין #18? גיבסט א קוק אויפן דעסק און דארט וועט שטיין א "סטאפ"סיין, און די אויסוואל פון די ענטפערס גייען זיין:
1] פארשטייטער דיך
2] פלי אדורך
3] גיב אכט
4] אפשטעלן
היצט גייט זיין ס'מערסטע צומישטע שאלה, גייסט'ך דערמאנען פון יענעם וואס האט געניצט זיין פארהער קארטל פאר די לייסענס (סענדז סט צייטן) און ער טוט אלע ערשטע 3 פון די אויסוואל און וועסט וועלן וויסן וועלכע מ'ברויך טאקע ענטפערן (כ'קען דיר נישט ענטפערן דא ווייל ס'יז אומלעגאל צי טשידען, דינא דמלכותא דינא).

ווען דו וועסט האלטן ביי די שטאפל העל מיר רעדן ווייטער.
הצלחה רבה.

געמאכט לייסענס שוין דאבעל דידשעטס יארן צוריק, פאלמאן איז שוין דעמאלטס געוועהן אייזן גוט, געלערנט גוט און שנעל, כהאב נישט נאר געפעסט דעם ראוד טעסט דאס ערשטע מאל, נאר כהאב געקענט גאר גוט דרייוון דערנאך אויך

פאללמאן איז אין די קאר דרייווען לערנען ביזנעס ווייניגער ווי 08 יארן (ס'יז דאבל דידזשעט, יא?).

אין די ביזנעס מער פון 10

הערליך האט געשריבן:געמאכט לייסענס שוין דאבעל דידשעטס יארן צוריק, פאלמאן איז שוין דעמאלטס געוועהן אייזן גוט, געלערנט גוט און שנעל, כהאב נישט נאר געפעסט דעם ראוד טעסט דאס ערשטע מאל, נאר כהאב געקענט גאר גוט דרייוון דערנאך אויך

פליגל האט געשריבן:פאללמאן איז אין די קאר דרייווען לערנען ביזנעס ווייניגער ווי 08 יארן (ס'יז דאבל דידזשעט, יא?).

אין די ביזנעס איז'ר בערך 10 יאר אבער אין CDL, נישט אין קאר.

ווילסט א רעסיט אדער וואס?

יא

מעגסט וועלען

איין זאך נאר! זעה ביים ראוד טעסט נישט דורכצופארן קיין רויטלייט, ווי ביי מיר נישט מער געדאכט

@פליגל, יעך האב געמאכט סוף זומער ס"ג (אדער ס"ד, כ'מיין אז ס'איז יא געווען ס"ג) דורך ראביי פאללמאן לייסענס פאר א קאר, כ'מיין ס'איז געווען פאר ער האט זיך געפארעט מיט סי די על

אז דו זאגסט א דאטום דאן קאן'ך דיר גארנישט מחולק זיין, (עכ"פ בעסער ווי "דאבל דיזשיט וואס קען גיין ערגעץ צוווישן 01 און 99) אבער לויט מיין וויסן האט'ר געמאכט א שיינע שטיק צייט קודם CDL און הערשט שפעטער די קאר (זיין נאמען איז אפילו געווען CDL עפעס..) ער האט מיא אמאל געזאגט אז די CDL איז זיין פעיוואריט און האט אפילו נישט געטראכט פון די קאר ביז ער האט געזען אז ס'יז דא א שארקע פארלאנג דערפאר.

נאט אייך א גרינע, מיין לייסענס איז געווארן פעליג אין 02 און ער האט מיך געלערענט, וואס נאך האט ער דיר פארציילט?

דא האסטו די דרייווינג ביכל מיטן טשידינג טעסט באידיש בחינם
viewtopic.php?p=59462#p59462