שנאפס האט געשריבן:וואס א נפק"מ וויפיל עס האט געקאסט??
הער אויס הרב שנאפס, האסט געלייגט דא א סימן שאלה, ווייס איך נישט אויב דו האסט געמיינט צו פרעגן און דו ווילסט הערן אן ענטפער,
אדער קאן זיין אז דו האסט גפרעגט און דו דארפסט נישט קיין תשובה, און לאמיר קוקען אויף מיין זייט, אפשר האלט איך דיר נישט ביים
ענטפערן אין די נושא מפני איזה סיבה, שטיי איך היצטער אין א גרויסע דיאלעמע, יא איך ווייס מען קוקט מיר אן מיט ברייטע אפענע אויגן
אויף מיינע ווערטער דא, וואספארא דיאלעמע, האלטסט דאך נישט ביים ענטפערן, איז היידא ענטפער נישט און געגאנגען ווייטער, ניין מיין
טייערער עס שטייט דא פאר מיינע אויגן א ספק פון "מה דסני לך" ואהבת לרעך "כמוך" "זו היא כל התרה כולה", ודברים שבין אדם לחברו
אין יוה"כ מכפר עד שירצה את חברו, אפשר וויל ער צוריק הערן פון מיר עפעס, יא עס איז נאר א "אפשר", אבער דער אפשר קען זיין דיין
גאנצע עבודה אין רוחניות, דיין גאנצע שכר, אפשר איין מינוטקאלע קוועטשט אים דאס הארץ פון נייגער האט ער מיר גענטפערט, וועט ער
מיר ענטפערן עס איז טאקע אפשר נייגער,
אבער ס'איז א איד'ס הארץ, דאס שרייט ארויס פון זיך, פארשטייסטו מיר
אין וואספארא דיאלעמע איך שטיי דא, איין זייט א איד'ס הארץ פון צווייטע זייט מיין פריוואטקייט, פרעג איך דיר וואס איז וויכטיגער?
וע"כ ליפטר בלא כלום קען איך נישט, און במקום שא"א ענטפערט מען, פראבירט מען קודם מיט א רמז'ל אפשר וועט ער פארשטיין דאס
און ותו לא, אז נישט גיט מען א האלבע ענטפער, און אז דאס איז גענוג הרי טוב, ואם לאו גיט מען אן ענטפער דמשתמע בתרי לשונות און
זאל א יעדער דן זיין פאר זיך, איז דא האב איך געגעבן א האלבע (אפשר מער ווי א האלבער) תשובה, קען מען כאטש וויסען פון וועלעכע
קאטאגאריע איך רעד.
איך האף מיין טייערער באליבטער שנאפס אז דו האסט פארשטאנען די סוגיא על בוריו, הגם עס איז א ברייטע קאמפליצירטע נושא
וואס מען קען רעדן און רעדן, אבער לעניננו איז דאס גענוג.
קיינער זאל זיך טאקע נישט אפהאלטען פון פרעגן, מען זאל פרעגן און פרעגן, איך האף מיטען בו"ע הילף מען וועט קענען ענטפערן.
