אידישע וועלט פארומס

מיין טאטע פלעגט מיר אייביג זאגן אז איך זאל נישט זאגן "ער גייט אראפפאלן" נאר "ער קען אראפפאלן"... נישט צו שעלטן חלילה...

אבער דא קען איך מיך נישט איינהאלטן, גוט אויפן קעפל האב איך אזוי געשריבן, אבער דער אייבישטער וועט אוודאי שומר ומציל זיין, עס גייט גארנישט געשען...

די רעדע איז פון די נייע סדר דארט וואס מען האט איינגעשטעלט אז עס זענען פארהאן צוויי באזונדערע לייט סיגנאלן פאר ביידע זייטן - פאר די עקזיט איינס, און פאר קלעסאן עוו. א צווייטע.

איך זעה יעדן טאג דארט עקסידענטס וואס האלטן אינמיטן געשען, ווייל די לייטס זענען נישט געהעריג וויזיבעל, און ווען עס ווערט גרין פאר איין זייט מיינט די צווייטע זייט אז זיי מעגן שוין פארן. בחסדי ה' איז נאך גארנישט געשען.

אבער מיין הארץ קלאפט יעדן טאג ווען איך פאר דארט דורך!

איינער קען 311 פערזענליך?

א רעגולער בילד, וואס איך האב הערשט יעצט געזען אויף גוגל מעפס! באמערקט ווי די קאר פון די רעכטע זייט פארט שוין דורך דעם ליין, מיינענדיג אז פאר אים איז אויך גרין!

(צום באמערקן אז אויף גוגל סטריט וויו איז נאכנישט דא די נייע מהלך).

כ'זעה איהם נישט פארן אויפן בילד, מיסטאמע האט ער שפעט געסטאפט ווען ס'איז געווארן רויט

גרויזאמער האט געשריבן:איך זעה יעדן טאג דארט עקסידענטס וואס האלטן אינמיטן געשען, ווייל די לייטס זענען נישט געהעריג וויזיבעל

סאו דו האלסט אז 311 דארף צושטעלן מער וויזיבל לייטס ווייל דו ווילסט קענען זיין די צווייטע העלפט עקסידענט?

גרויז אמער האט רעכט, ווער עס קאן נישט דאס פלאץ קאן זיך זעהר שנעל טועה זיין, אבער פארוואס זאל עס אינטעריסירן פאר די סיטי אויב זיי מאכן גראב געלט פון די רעד לייד קעמרע טיקעטס אויפן פלאץ.

איך קען 311 נישט אזוי פערזענליך, אבער איך קען אים.

ער הייסט בלומבערג (דער זעלבער וואס האט געמאכט די אינזלען אויף פארט העמילטאן אין בארא פארק, און די בייק לעינ'ס אין וויליאמסבורג).

דאכט זיך אז קאמענטארן זענען איבריג.

אינטערסאנט, פונקט נעכטן האב איך דאס געהאט.

איך בין געשטאנען ביים לייט פון קלעסן. אריבער די דיוויידער איז געווען א חסידישער אינגערמאן וואס איז אראפגעקומען פון די הייוועי און אויך געשטאנען ביים לייט, פלאשינג האט דאן געהאט די גרין-ליכט. ווי נאר עס איז מיר געווארן גרין האט מיין שכן אריבער די דעוויידער אויך אנגעפאנגען פארן, מיינענדיג אז ס'איז גרין פאר אים. ב"ה אז ער האט געוואלט גיין גלייך צו קענט, וויי געוואלד ווען ער וויל ווען מאכן א רעכט'ס אויף פלאשינג... (דערווייל ווייס איך נאר דערפון, ער וועט אבער אנהאלטן א מודעה דערפון אין די פאסט ביז עטליכע טעג, בייגעלייגט מיט קלארע בילדער דערפון..)

ביסט אזוי זיכער? דוכציך אז די קאמערע כאפט אויף נאר די וואס זענען אויף קלעסאן.

איך מיין פליגל האט רעכט, די קאמערע האט נישט די קעפעביליטיס אויפצוכאפן נאר פון קלעסן.

איך האב שוין אויך ערהאלטן א שיינעם בילד אין פאסט מיט א $50 איינגאבע, מסתם היינט קאסט שוין טייערער זינט די פרייז פון דעוועלאפן פיקטשורס איז ארויף.

אלס אן אפטער באנוצער פונעם ראוד, איז מיין מיינונג איבער די גאנצע דיוויידער.

אז סתם אפאר ווילדע ארבעטער האבן דארט אויסגעגאסן די איבריגע שטיקלעך דיוויידער פון פט.העלמיטאן אין בארא פארק(פרעג נישט איבער אז מ'האטעס געמאכט אסאך פריער..) נאך דעם שטארקן אויבערהאנט פון די קעגנשטעלער, און זייער ארבעט איז אפגעשטעלט געווארן.!

ווארום, די טרעפיק אויף קלעסן איז פול ערגער זינט די דיוויידער איז דארט, און די עקסידענט ריזיקע איז אויפן העכסטן פארנעם, איך האף נאר יעדעס מאל אז איך זאל נישט זיין צווישן די באטראפענע.

און איבער די קעמערע, מיין איך אז זייט די דיוויידער איז דארט, איז עס בלויז אפצושרעקן די דורכ-פארער, ווייל עס איז געמאכט צו פלעשן ווען א קאר פארט דורך בשעת ווען ס'איז רויט, און עס כאפט אויף די גאנצע ברייט פונעם ראוד, נא ווי ווייסט ער פון וועלכע זייט דיוויידער די קאר קומט ?!

היינט דארט אריבערגעפארן, ב"ה נאר 'כמעט' געווען א קאטאסטראפע

חיים'קע האט געשריבן:און איבער די קעמערע, מיין איך אז זייט די דיוויידער איז דארט, איז עס בלויז אפצושרעקן די דורכ-פארער, ווייל עס איז געמאכט צו פלעשן ווען א קאר פארט דורך בשעת ווען ס'איז רויט, און עס כאפט אויף די גאנצע ברייט פונעם ראוד, נא ווי ווייסט ער פון וועלכע זייט דיוויידער די קאר קומט ?!

פרוביר אויס, פאר אריבער און לאז וויסן צו סכאפט אויף פון ביידע זייטן

אלס איינער וואס פארט דורך דעם פלאץ עטליכע מאל אין כמעט יעדן טאג פון יאר פארשטיי איך נישט דעם וויי געשריי פון גרויזאמער, און אמת אז ס'א שלעכט-אויסגערעכנטער וועג און קען דערשרעקן די וואס באמערקן א צווייטן פארן ווען פאר יענעם איז נאך רויט, איז עס אבער בכלל נישט אזוי געפערליך אז מען דארף איבערדרייען די שטאט-טאטעס צוליב דעם. די דורכשניטליכע דרייווער באמערקן דעם גאנג דארט און האבן קיין פראבלעם דערמיט.

אדרבה, וויפיל עקסידענט קען זיך איינער דערמאנען ביי דעם פלאץ? נישט 'כמעט קאטאסטראפע'ס', נאר רעקארדירטע עקסידענסט? איך ווייס נישט פון קיין איינע.

און מיין מיינונג איז עס בעסער אויסגעשטעלט ווי פאר דעם! יא, עס זעט אויס ווי עס רוקט זיך נישט און אלס איז דא טרעפיק אויף דעם ארט, אבער שנעל דורכגייענדע טרעפיק, ווייל די לעקטערס טוישן זיך זייער שנעל דארט.

אךשמח; פרעגסט אפ א גרויזאמערס א ווארט?

כ'בין אויך דארט טעגליך, אין מיינע אויגן איז'ס א גרויסע טובה, יא אסאך מאל זיצט מען ביז ארויף אבער כ'בין רואיגער ווען כ'ווייס אז ס'סעיף.

נאר א פראבלעם ווערט ווען אפאר קלעץ זענען די ביים לייט וואס דערמאנען זיך צי ריקען ווען ס'בליטשקעט שוין די הענטעלע.