דרייווען געזעצן, גוט צו וויסען

[שנאפס]

מ'קען באקומען א טיקעט פארן פארן מיט די היי-ביעמס אנטקעגן אנאנדערע קאר.

ווי אויך ביים מאכן א דריי

[ביקסאד]

פאר די קאר סיעטס פאדערט זעך מעגליך א באזונדערע שנירל, אבער אז מען האט עס איצטערט דער-מאנט וועל יאך דא צו-שרייבן,

איינער האט אפשר א מסתברא'דיגן הסבר איבער די עקספעראציע דאטום'ער פון קאר סיעטס ?
בפרט נאך אויב עס איז נאך אין א גוטן צו-שטאנד, אויסער דאס אז די פאבריקן ווילן מאכן געלט.

[ווינקל]

די אנגעבליכע סיבה איז צוליב פילע ריקאלס וואס איז פארגעקומען אין גרויסן, איז דאס כמו דיסקלעימער אנשטאט דארפן האלטן חשבון ווער עס האט אלץ געקויפט דעם מאדעל, און יענעם לאזן מעלדן דעם ריקאל.

[ווינקל]

http://www.dmv.ny.gov/broch/c-1.htm

האט איר דאס ארויסצופרינטן (אן די בילדער).

[טראנספארט]

און אז מ'רעדט שוין יא פון קאר סיט'ס

ביז ווי אלט דארף מען זיצן אין קאר סיט אויסגעדרייט?
ביז ווי אלט דארף מען א קאר סיט בכלל?
ביז ווי אלט דארף מען א באסטער סיט?
ביז ווי אלט דארף מען סיט בעלטס אין די בעק סיט (אין ניו יארק)?

וואס נאך געזעצן/רולס אבלאנגט צו די אויבענדערמאנטע?

[טראנספארט]

א בוסטער דארף האבן די רוקן חלק, אדער בלויז די אונטערשטע חלק?

[טראנספארט]

שכוח ווינקל / פריילאך

ביז ווי אלט דארף מען זיצן אין קאר סיט אויסגעדרייט?

איין יאר

ביז ווי אלט דארף מען א קאר סיט בכלל?

4 יאר

ביז ווי אלט דארף מען א באסטער סיט?

8 יאר

ביז ווי אלט דארף מען סיט בעלטס אין די בעק סיט (אין ניו יארק)?

16 יאר

[מחותן]

און די ״די צייטונג״ איז דא די וואך א בריוו איבער די נושא,

מעשה שהיה כך היה, דער שרייבער פינעם בריוו איז געפארען און א ״מיני-ווען״ מיט פיר קינדער און די בעק סיט צוויי קינדער האבן געניצט אינאיינעם א סיט בעלט, און ער האט (ליידער) באקימען פאר דעם פיר עקסטער טיקעט׳ס, ווייל וויבאלד צוויי קינדער האבן געניצט איין סיט בעלט איז אויסגעקימען - לויטען פאליסמאן - אז די אנדערע קינדער זענענן אויך נישט לעגאל איינגעבינדען, דער בעל המעשה איז זיך שטארק מתמרמר דערויף - מיט רעכט - ווייל פיר טיקעטס איז זייער זייער אסאך געלט, (איך קען נישט דעם בעל המעשה און איך ווייס נישט ווי עס איז געווען, אבער אויב דארף איך צוטרעפן וואלט איך געזאגט אז עס איז א פרוי פאליס פון נעבן מאנרא מען זאגט נאך אויף איר אז זי טיילט בשפע מיט א גיט הארטץ)

צום ענין, איז נישט לעגאל צו האבן צוויי קינדער צוגעבינדען און איין סיט בעלט?
און לו יהא עס איז נישט לעגאל, פאר וואס האט ער באקימען טיקעט׳ס פאר די אנדערע צוויי קינדער וואס יעדער פון זיי האט געהאט א עקסטערע סיט בעלט?

והאחרון הכביד, וואס גייט זיין מיטען אדעסי? אויב איז עס טאקע נישט לעגאל מיינט אז טאקע אז מיר גייען זיך מיזען שיידען פינעם באליבטען מיני ווען? היל״ת.. ווי יענער פרעגט מיט ווייטאג, גייען מיר טאקע מיזען איינקויפן די ספרינטער ווענ׳ס..? שטעלט אייך פאר אז ספרינטער עליך וומסב״ג.. וואס עס וועט זיין מיט פארקינוג..? שוין אפגערעדט פון די קאסטן דערפון.

עני אינפאו?

[למעלה משבעים]

ניין עס איז נישט לעגאל צו האבן צוויי קינדער אין איין סיט-בעלט.

די סיבה פאר 4 טיקעט'ס איז לכאורה מיטן טענה אז היות עס דארף צו פיטן דארט נאר 3 קומט אויס אז קיין איינער פון די וואס זיצן דארט זענען נישט סעיף, ווייל מען איז נישט געהעריג צוגעבינדן היות ס'איז דא א איבריגע נפש דארט. (איך האב נישט צו לאנג צוריק געהערט פון איינעם אז ער האט געהאט די זעלבע זאך און דער פאליציאנט האט אים דאס גע'טענה'ט).

דאס זיך אפרעדן ביים באקומען א טיקעט ווען מען טוט אזאך נישט ווי געזעץ איז פלעין נישט שכל'דיג. האסט געטון א זאך וואס די קענסט באקומען א טיקעט, פארשטיי וואס די האסט געטון און פראביר די בעסטע וואס די קענסט מאכן דערמיט, אבער זיך אפרעדן כאילו יענער האט געטון א עוולה מיטן געבן דעם טיקעט?! און צומאל ווערט נאך דער פאליציאנט א רשע, ווייל ס'איז דעם איד נישט אנגעגאנגען צו מברר זיין וואס די געזעץ איז....!?

[מחותן]

זיין טענה איז אויף די ״פיר״ טיקעטס, און ער איז שכל׳דיג זייער גערעכט,
די אנדער צוויי קינדער זענענן נישט געווארען ווייניגער סעיף וויבאלד זיי זענענן געווען צוזאם געשטיפט,
אלמלא ער לייגט ווען אהין א באקס במקום דעם פערטען קינד וואלט ער אויך באקימען א טיקעט?
אדער אלמלא עס איז איין ערוואקסענער - וואס נעמט אויף פלאטץ ווי צוויי קינדער - מיט נאך צוויי קינדער וואלט ער אויך באקימען א טיקעט?

ווי שטייט אינעם בוק אז קינדער מיזען זיצען ברייט אפגעטיילט איינער פינעם צווייטען? במילא די צוויי טיקעטס וואס ער האט באקימען.. נא, אבער אויף די אנדערע צוויי דאס איז שוין א חידוש.

[למעלה משבעים]

לאמיר זיך נישט נער'ן, צוויי קינדער וואס דארף שוין נישט קיין קאר-סיט נאר קענען ניצן דעם סיט-בעלט, געווענליך נעמען אויף מער פלאץ ווי א געווענליכע ערוואקסענער, און זיי דארפן זיצן אביסל אויף דעם אנדערן'ס סיט, אויב די מציאות איז אנדערש, קען איך זיך פארשטעלן אז אויב גייט ער אין געריכט מיט די טענה, און ברענגט בילדער אז זיי פארנעמען נישט דעם אנדערן זיץ גארנישט, וועט מען אים פטר'ן פון די אנדערע צוויי טיקעט'ס. אדרבה אנשטאט שרייבן א בריוו צו א צייטונג זאל ער שרייבן א בריוו צו א לויער.

[ווינקל]

נו וואס טוט מען טאקע'ן? איך פאר בע"ה קיין קאנאדע אויף יו"ט מיט 9 נפשות בלעה"ר און איך האב א אכט פאסאנדזשירן מינדיווען.

איז דען דא א 9 פאסאנדזשירן צו באקומען (מיין עלצטער איז נאכנישט גענוג גרויס אליינס צו שיקן מיטן באס)? מה יעשה הבן שלא יחטא?

[למעלה משבעים]

כ'ווייס נישט וואס איז איצטער אויפן מינוט, אבער א האלבע יאר צוריק בערך האט זיי ביים אמעריקאנער בארדער זיך אנגעהויבן צו פארלייגן אויף די זאך, וויפיל נפשות זענען אין קאר, צו ס'שטימט מיט די סיעט'ס אין קאר, און צו יעדע קינד האט די קאר-סיעט וואס פארלאנגט זיך פאר אים. עס איז נישט כדאי צו שפילן דערמיט, זיי האבן בשום אופן נישט געלאזט ווייטער פארן אויב איז געווען מער קינדער אדער א קינד אן א קאר-סיעט, און דאס איז חוץ די טיקעט וואס מען באקומט, עס לוינט נישט די עגמת נפש.

אבער איך כאפ נישט, אויב איז דער עלטסטער בערך 8 דארף מען נאך אלץ א קאר סיעט פאר דעם קינד, ווי קענט איר זעצן צוויי אין איינס? איר ווילט איינשטעלן אייער קינד צו פארן בכלל אן א קאר-סיעט, נאר מיט סיט-בעלט'ס?

[ווינקל]

דער עלטסטער איז 12, דער נעקסטער 10, דערנאך כמעט 9 בלעה"ר. זיי ברויכן שוין לכאורה נישט קיין קאר זיצן.

[גוגל]

12 דארף שוין קענען פארן אליין אויף א באס, העכסענס שיק מיט די 10 זיי זאלן פארן צוזאמען

[ווינקל]

ביז קאנאדע? איך בין נישט רואיג לאזן אזא עידזש א גאנצע נאכט אליינס אויף א באס...

[שטרוי]

דאן וואס נאך א אפציע האט איר?

מיט א סעלפאון צו זייער האנט העט אייך האלטן רואיג, בנוסף מיט א ערוואקסענעם, איימיצער וואס פארט ממילא!?, ווי אויך פרעגטס אן ביי די באהערדע פונעם באס קא. וואס זייער עקספיריענס איז באופן כזה.

[ווינקל]

ב"ה מיר האבן למעשה אפגעשמועס מיט א חשובער ניק וואס האט זיך געמאלדן אין אישי, אז ער וועט מיט נעמען איינס אדער צוויי פון מיינע קינדער בס"ד.

[ווער בין איך?]

איך פאר אי"ה קיין קאנאדע פאר די צווייטע טעג.
אויב זוכסטו נאך וויאזוי צו שיקן איינעם, מעלד זיך ביטע צו מיין סוטקעיס. (איך פאר מיט א פליגער)

[פליגל]

עפעס א פארםמוז מען אויסשטעלן אויב שיקט מען ארויס א קינד פון לאנד מיט א פרעמדן. ניין?

[ווינקל]

סתם א אויטארעזירונג צעטל איז גוט.

[יוראפ]

א דרך צלחה ענק

[טייבעלע]

ב"ה מיר האבן למעשה אפגעשמועס מיט א חשובער ניק וואס האט זיך געמאלדן אין אישי, אז ער וועט מיט נעמען איינס אדער צוויי פון מיינע קינדער בס"ד.

ב"ה, זאל זיין א גרונגע רייזע פאר דיר און און די משפחה מיט די קינדער, כי מלאכיו יצוה לך לשמרך בכל דרכיך, ד' ישמר צאתך ובואך מעתה ועד עולם.

[ווינקל]

אמן! לנו ולכל ישראל!

[דער קוטשער]

ב"ה מיר האבן למעשה אפגעשמועס מיט א חשובער ניק וואס האט זיך געמאלדן אין אישי, אז ער וועט מיט נעמען איינס אדער צוויי פון מיינע קינדער בס"ד.

מי כעמך ישראל..