א"ר אושעיא מאי דכתיב (שופטים ה, יא) צדקת פרזונו בישראל, צדקה עשה הקב"ה בישראל שפזרן לבין האומות, והיינו דא"ל ההוא מינא לרבי חנינא: אנן מעלינן מינייכו, כתיב בכו (מלכים א יא, טז) כי ששת חדשים ישב שם וגו' ואלו אנן איתינכו גבן כמה שני ולא קא עבדינן לכו מידי, אמר לו: רצונך יטפל לך תלמיד אחד, נטפל ליה רבי אושעיא, א"ל משום דלא ידעיתו היכי תעבדו, תכלינן כולהו, ליתנהו גבייכו, מאי דאיכא גבייכו קרי לכו מלכותא קטיעתא, אמר ליה: גפא דרומאי (נשבע בע"ז), בהא נחתינן ובהא סלקינן (במחשבה זו אנן עסוקים תמיד)
כ'האב לכתחלה געשריבען די פאלגענדע תגובה פאר דער "דיעפער סטעיט" אשכול; אבער נאכען ענדיגען זעה איך אז עס פאדערט זיך א אשכול פאר זיך, ווייל עס צווייגט אריין אין פארשידענע היסטארישע נושאים וואס יעדער איינס פון זיי פאדערט זיך אויך א אשכול אדער גאר אשכולות. אלזא עפענען מיר דא דער אשכול איבער די היסטאריע פון דער "הבה נתחכמה לו" וואס האט זיך אנגעהויבען אין מצרים און גייט אן אין אלע לענדער (יעדער לאנד אויף זיין אופן) עד היום הזה.
Judenfrage אין דייטשע וויקיפעדיע
Jewish Question אין ענגלישע וויקיפעדיע
דער אוחה"ק שרייבט (שמות א', ט'-י'):
ויאמר אל עמו הנה עם בני ישראל רב ועצום ממנו. הבה נתחכמה לו "פן"...
...
ואין לך אומה ששלטה בישראל שלא היתה מעולה על כל האומות, בסוד היה צריה לראש (איכה א' ה').
שפאניע איז געווען א וועלטס מאכט ווען די אידען זענען דארט געווען, און נישט קיין הונדרעט יאר שפעטער נאך דער גירוש אין שנת רנ"ב, האבען די ענגלאנדער בשנת שמ"ח
באזיגט איר ארמאדע פון 130 מלחמה שיפען, און שפאניע איז אראפ פון מאפע אלץ א וועלטס מאכט.
אזוי אויך איז געשעהן מיט טערקיי וואס איז 500 יאר געווען א וועלטס מאכט (פון שנת רי"ג ווען זיי האבען באזיגט און איין גענומען די ביזענטין אימפעריע ביז דער ערשטע וועלט מלחמה), און היינט איז זי א פארייע סטעיט ביז דער ערשטע וועלט מלחמה) (א מצורע), און א סורד ווארלד נעישאן מיט א משוגענער דיקטאטארישע פרעזידענט (וואס באלאנגט נישט [אפשר יא] אין דער EU).
------
ווען מיר האבען מצליח געווען אין א לאנד און זיי האבען "צוליב דעם" אויך מצליח געווען, האבען זיי אייבייג מורא געהאט פון פן ירבה וכו' און געקומען מיט א הבה נתחכמה.
אבער אונז צו פארטרייבען האבען זיי ווידער מורא געהאט פון Brain drain
און אז דער לאנד און דער עקינאמיע וועט גיין דאון דע דרעין אזוי ווי עס איז געשעהן אין די אלע ערטער פון ווי מען האט פארטריבען אידען.
בקיצור די אידען זענען אייביג געווען אין די אויגען פון די אומות העולם ווי א ביין אין האלז, נישט אראפ צו שלינגען און נישט אויס צו שפייען. אבער א סעלושען האבען זיי אלע מאל געזיכט מיט א הבה נתחכמה, ווי דער גמרא זאגט אין פסחים (פ"ז ע"ב) אז א רוימישע סענאטאר האט מודה געווען צו רבי אושעיא און געשוואוירען אז "בהא נחתינן ובהא סלקינן" - (במחשבה זו אנן עסוקים תמיד - רש"י) אז מיט דעם (דער יודען פראגע) הייבט מען או דער טאג אין רוימישען פארלימענט, און מיט דעם ענדיגט מען דער טאג אינעם רוימישען פארלאמענט. בקיצור דער עיקר דאגה פון אלע אומות און זייערע פארלימענטען איז אייביג געווען די יודען פראגע.
-------
צווישען די סעלושען'ס מיט וואס זיי זענען אויף געקומען אין יעדער תקופה און אין יעדער לאנד אנדערש זענען די פאלגענדע:
אניהעלאציע (א האלעקאוסט רח"ל) - פון דאס גאנצע פאלק אין איין לאנד אדער אויף דער גאנצער וועלט (Final Solution)
גירוש (expulsion); ארויס טרייבען די אידען פון לאנד.
דא איז א שטיקעל ליסטע פון גירושים פון אידען
אדער:
שמד רח"ל (צו נוצרות אדער איסלאם וכו')
אסימילאציע (וואס איז אויך שמד רח"ל)
און צו שמד'ן און אסימילירען האבע זיי געהאט צוויי עצות; פאר אסימילאציע דער עצת בלעם הרשע, און פאר שמד א אינקוויזיציע.
ספאנישע אינקוויזיציע אין וויקיפעדיע
אסימילאציע אין וויקיפעדיע
אסימילאציע פון אידען רח"ל אין וויקיפעדיע
למשל פורטוגאל אן שנת רנ"ח האט נישט געוואלט נאך טוהן שפאניע און ארויס שיקען די אידען פון איר לאנד (נאכען זעהן וויפיל אידען האבען אויס געקליבען ארויס צו גיין פון שפאניע איבערלאזענדיג אלעס און גיין וואנדערען), איז האבען זיי באשלאסען מיט צוואנג צו אויס שמד'ן אלע אידען און זיי אסימילירען מיט דער פארטאגעזישער נוצרישער פאלק.
זיי האבען קודם פראבירט מיט גוטען (אן דער כח פון דער אינקוויזיציע) פאר א ערך 30 יאר; אבער צום סוף זיך גענומען צו די ביינער פון די אידען וואס זענען נאר לפנים געווארען נוצרים, מיט גרויס אכזריות.
נאך אימאנציפאציע, האט אימאנציפאציע פון אידען וואס האט זיך אנגעהויבען שטייטליך אין אייראפא אין שנת תקמ"ב, ביז אידען זענען אפיציעל געווארען גלייכע בירגער מיט די גוים; און די הבה נתחכמה האט שוין נישט געקענט זיין אזוי בריש גלי ווי ביז דענמאלט, איז עס געגאנגען אינעטערערדיש און געווארען א חלק פון די אלגעמיינע שפיאנזש (אינטער דער שלייער פון באשיצען דאס לאנד) און געווארען די ארבעט פון די א.ג. דיעפ/דיעפער סטעיטס וואס אפערירט ווי מאדערן דעי אינקוויזיציעס (דער אומלעגאלע גאונטאנעמאו-בעי יוכיח) און אפערירט אינטער דער פראטעקשאן אוו דע לאו!
בעזהשי"ת (מיט די צייט) האפען מיר ארום צו רעדען איבער פארשידענע היסטארישע קפיטליך וואס קומט דא אריין אין די געשיכטע פון כלל ישראל.
