ישלהוסיף האט געשריבן:בן בוזי האט געשריבן:נחום וואהלינער האט געשריבן:ישלהוסיף האט געשריבן:כ'מיין אז אנאפאלי האט מען אויך איבערגעמאכט א דאנק דעם. נאך דער קריג האט מען עס געטראפען ליידיג, שפעטער האט מען געטראפען א סימן אז ערגעץ אין דעם שטח ליגן די דריי קברים, דאן האט א געוויסע גוט-טוער געגאסען ביטאון איבער דער גאנצע שטח וואס לכאורה דארט זענען די קברים. היינט צו טאג איז דא דארט א אהל מיט געהעריגע קברים, ווי אזוי מ'האט אויס געפונען ווי יעדע ליגט פונקטליך איז מיר א פלא.
מ'ווייסט טאקע נישט
ס'איז אבי געלייגט
דער וואס געגאסן די ביטון איבער די גאנצע שטח האט דייקא געטון אזוי כדאי מ'זאל נישט טרעטן ח"ו, ער האט געהאט עדות אויף די מקום האהל ותו לא.
אין האניפאלי זענען אריגינעל געווען דריי באזונדערע קליינע אוהלים איינע נעבן די אנדערע. רבי יצחק גדלי' ליבערזאהן פון סלאוויטא (נפטר תשמ"ב) האט עס צונומען וויבאלד די גויים פלעגן דאס באנוצן ר"ל פאר פריוואטע געברויכן און ער האט געגאסן דערויף א בעטאן. ד.ה. אז דאס איז אויפן גענויעם ארט ווי ס'זענען געשטאנען די דריי אוהלים.
כך שמעתי
מיט א 'ושמעתי' פון ידידינו 'בן בוזי' קען איך זיך נישט דינגען.
אבער אחת שאלתי: בערך וועלעכע יאר האט ער צונומען די קברים און געגאסען דער צעמענט?
איך וויל דא פארשטעלן די היסטאריע פון אניפאלי לויט ידיעות מוסמכות וואס איז פאראן עדות אויף דעם:
אין די ביטערע יאהרן וואס די קאמוניסט'ן ימ"ש האבן געוועלטיגט אין אוקראינה און געזוכט אויס רייסן יעדן יידישן פונק, איז געווען עטליכע יידן וואס מיט מסירות נפש האבן זיי געקעמפ'ט צו האלטן וויפל מ'קען, אייינער פון זיי איז געווען הרה"צ ר' יצחק גדליה ליברזאן דער רב פון סלאוויטא, אן אייניקל פון רבי ליבער פון בארדיטשוב, פון מקארוב, פון קאריץ און נאך מאבות החסידות וואס האט אפילו געהאלטן א מקוה אין טהרה שטיבל אין סלאוויטא נעבן דעם בית החיים וואס געפינט זיך נאך ביז היינט!! אזוי ווי די שטאט סלאויטא איז נישט מער ווי 15 ק"מ פון אניפאלי פלעגט ער פארן האפט צו דארט און וויבאלד ער האט געמערקט אז די 3 קליינע אהלים ניצן די גויים אויף נישט בכבוד'דיגע זאכן האט ער זיי צונומען און בארינגלט די חלקה וואס דארט זיינען געלעגן די צדיקים מיט שטיינער אויף א סימן. ר' יצחק גדליה איז אוועק מרחשון תשמ"ג און איז באהאלטן אין סלאוויטא, נאך וואס ער איז אוועק האט מען שוין נישט געוואוסט ווער איז באהאלטן אוואו.
נאך וואס די רוסישע טויער'ן האבן זיך א ביסל געעפנט איז געווען א פרוי, אייניקל פון רבי ר' זושא וואס האט מחליט געווען ארויף צו נעמען איהר זיידע קיין ארץ-ישראל און האט פאר א סאך געלט באקומען א ערלויבעניש פון די רעגירונג אויס צו גראבן דעם ארט און ארויס נעמען דעם הייליגן צדיק און ארויף נעמען, זי האט שוין אפילו געמאכט א יד-אחת מיט חברה קדישא פון צפת פאר א סאך געלט אז מ'זאל פארבריציר'ן א "ליידיגער ארט" נעבן דעם אר"י הקדוש צו איהם לייגן דארט. דער סטאלין-קארלינער רבי האט זיך דערוואוסט פון דעם און האט זיך אריינגעלייגט שטארק צו צושטערן דעם פלאן מכמה וכמה סיבות, משום מה האט מען נישט געטראפן גלייך אן אייניקל פון רבי'ן ר' זושא וואס זאל חתמ'נען אז ער איז זיך מתנגד צו דעם, וויבאלד מ'האט שוין דענטסמאל נישט געוואוסט ווער ליגט א וואו האט מען בשליחותו פארחתמ'עט אלע ריז'ינער רבי'ס אלץ אייניקלאך פון גרויסן מגיד אז לאזן נישט דאס טאהן.
אין די זעלבע צייט האט דער סטאלינער רבי שליט"א געטאהן נאך פארשידענע פעולות אפ צוהאלטן דעם שרעקליכער טריט, די ערשטע זאך האט ער צוזאמען גענומען געלט פון זיינע חסידים במשך א תפילת מנחה אין שוהל, ווען מ'איז מודיע בשם דעם רבי'ן אז אלע זאלן עפעס תורם זיין - אפי' בחורים - פאר גאר א וויכטיגן צוועק, אן דערציילן וואס. בו ביום האט דער רבי געדאגה'ט (דורך זיינע שלוחים אין אוקראיינע) און געבריינגט 7 טריילער'ס מיט בעטאן און באגאסן די חלקה אזוי אז ס'זאל נישט אנקומען לייכט צו אויף גראבן. דערנאך האט ער געארבעט אויף פארשידענע פראנטן ביז די גזירה איז בטל געווארן און מ'האט נישט געמאכט קיין "חיטוטי שכבי" בפרט ביי אזעלכע הייליגע צדיקים.
ווער ס'איז געווען אין די תש"נ יאהרן האט געזעהן א גרויס'ן בעטאן מיט א גדר ארום דעם, וואס צום קאפנ'ס איז געלייגט געווארן א מציבה מיט די נעמען פון אלע וואס ליגן דארט(דאכט זיך נאך 4 אויסער דער מגיד, דער רבי ר' זושא און דער אור הגנוז)
מיט די יאהרן ווען גבאי (ודומיו) איז אונטער געוואקסן האט ער געבויעט א נייער אוהל איבער די גאנצע חלקה (דערפאר איז דא טרעפ צו אריין גיין דארט - ווייל ס'איז איבער'ן בעטאן הנ"ל) און מחליט געווען מיט השערות וואס שטימט נישט אין מציאות אוואו יעדער ציון איז. למעשה איז דער גאנצער אוהל איין מציבה איבער אלע צדיקים (לעצטנ'ס האט ער פארברייטערט דעם אוהל און מ'גייט גלייך אריין פון דרויסן דורך א שביל וואס איז מלכתחילה הויך, אזוי אז מ'גייט שוין נישט ארויף טרעפ).
א ראיה אז ס'איז נישט ריכטיג דעם סדר וואס איז פארצייכנט היינט קען מען זעהן ביין טויער פון ביה"ח דארט האט גבאי געשטעלט א גרויס'ן שילד פון די הקדמה לספר "בוצינא קדישא" פון רבי'ן ר' זושא דארט ווערט דערציילט אז נישט אלע זיינעו געגאנגען אויפ'ן הייליג'ן ארט און ווער ס'איז געגאנגען איז נאר נאך א טבילה במקוה און אויס געטאהן די שיך. ווער ס'ליינט דורך דעם שטיקל וואס איז פארצייכנט אויפ'ן שילד וועט זעהו אז ס'שטייט אז ס'איז געווען דריי אהלים (המגיד, הרר"ז והמוכיח) איינע לעבן די צווייטע!!!!!! (דא מיינט קליינע אהלים ענדליך צום ציון פון אפטער רב אין מעז'יבוז'), אויפ'ן היינטיגן אויסשטעל איז דער גרויסער מגיד אין איין זייט און די אנדערע צוויי אויף די אנדער זייט?! ולגבאי פתרונים.......