אמעריקע אונטער אטאקע (געטוישט פון: ברעיקינג! עראפלאן קראך!)

[שמערי בערי]

עס איז יעצט (8:46 אינדערפרי) אריינגעקומען די נייעס, אז א עראפלאן האט אריינגעקראכט אין איינע פון די טווין טאוערס, עס איז לכאורה א קליינע פליגער וואס איז פארפארן פונעם וועג. פרטים וועלן נאכפאלגן.

[שמערי בערי]

פרישע נייעס: ס'איז געווען א גרויסע פליגער, נישט אזויפיל פאסאדשירן. פייער לעשער יאגן זיך צו די צענע.

וויכי, צייטליך, געטס אפ א ריפארט.

עס איז באריכטעט אז עטליכע הונדערט מענטשן זענען שוין זיכער טויט. דערווייל ווייסט מען נישט פון וואו דער טעות האט זיך גענומען. די קאנטראל טאוער האט פארלוירן א קורצע צייט צוריק פארבינדונג מיטן פיילאט.

דיטעילס טו פאללאו

[קרעמער]

סי בי עס מעלדט יעצט איבער אן עראפלאן קראך אינעם פענטאגאן, אויך הערט מען אז א קאר האט אויפגעריסן פארענט פונעם סטעיט דעפארטמענט.

אין וויליאמסבורג שטייען מענטשן און קוקן אין ריכטונג פון די טווין טאוערס, מען קען קלאר זעהן די רויך, א פחד צו טראכטן וואס די מענטשן אין די בנינים טוען יעצט.

וויאזוי גייען די פייערלעשער באקעמפן א פייער וואס ברענט אויף אזעלכע הויכע שטאקן? האבן זיי עפעס א פלאן בכלל?

[שמערי בערי]

נאך דעם צווייטן עראפלאן קראך הייבן אלע נייעס סטאנציעס האבן שפעקולאציעס אז דאס איז גארנישט קיין טעות, נאר א גוט אויסגערעכנטע אקציע, ווי עס שיינט איז דאס א טעראריסטישע שטיקל פון איינע פון די אלע אראבישע לענדער. די שפעקולאציעס ציען צו סאדאם כוסעין, אדער צו א גרויסן טעראריסט אין אפגאניסטאן.

[קרעמער]

יעצט אז דער צווייטער פליגער האט אריינגעזעצט אינעם אנדערן טורעם לעיני כל הקהל רעדט זיך שוין קיינער נישט איין אז דאס איז געווען סתם אן אינצידענט, אזוי ווי עס האט יארן צוריק פאסירט ביים עמפייער סטעיט געביידע. דער פרעזידענט איז ארויסגעקומען געבן א סטעיטמענט אז אמעריקע איז אונטער אטאקע (ער האט זיך געפונען אין א שולע געביידע אין פלארידע, יעצט פירט אים די סיקרעט סערוויס אוועק פון דארט).

[שמערי בערי]

טויזענטער פייערלעשער פון איבער גאנץ נוי יארק קומען זיך צוזאם צו ראטעווען די פארוואונדעטע.

זיי ארבעטן מיט אלע מעגליכקיייטן צו פארלעשן דעם פייער, ספעיציעלע העליקאפטערס - וואס מען נוצט פאר וואלד-פייערס - זענען גערופן געווארן צו פארלעשן דעם פייער.

[שמערי בערי]

ברעיקינג: פרישע עראפלאן קראך!

נאך א עראפלאן האט געקראכט אין פענסילוועניע. סי בי עס טענה'ט אז זיי זענען געווען אויפן וועג צום ווייסן הויז.

אלע בריקן און טונעלן זענען האסטיג אפגעשפארט געווארן.

[צוביילטער]

אוי! ס'דאך אן עת צרה! הונדערטער - אויב נישט טויזענטער - אידן ארבייטן אינעם ווארלד טרעיד סענטער!

רבש"ע, האלט דאס רעכטע האנט.

שמערי, כ'מיין אז מ'קען טוישן דעם קעפל אונטער"טעראריסטישע אטאקע"!

ווייסט איינער וואס ס'גייט פאר?

[שמערי בערי]

מיין טאטע רופט מיר - פון א געבארגטע סעלפאון, זיין טעלעפאן ארבעט נישט! - ער איז געווען אויפן ווועג אין דער ארבעט, אבער אלעס איז פארשפארט, ער האט זיך געמוזט צוריק דרייען.

[וויכטיג מאכער]

רבותי ס'איז נישט קיין וויץ, מ'קען זעהן פון דא די רויעך..

אוי וויי.. ס'קוקט אויס ווי די בילדינג גייט עקספלאודן..

[שטארק זיך]

ווייסט איינער קלארע פאקטן?
וויפיל עראפלאנען זענען פארמישט.
זענען פאראן אידן אין די טווין טאוערס?
כ'האב א חבר וואס ארבעט אויפן איין אין פערציגסטן שטאק, ער הייבט נישט אויף זיין פאון, די משפחה זוכט עהם ארום,
איינער האט אינפארמאציע וואו מען פרעגן די אינפארמאציע?
רבותי רייסט איין, ווער ווייסט וואס איז נעקסט.
און וואו איז דער פרעזידענט פאר א שווארץ יאר אז מ'הערט נישט פון אים?
שנשמע ונתבשר בשורות טובות.

[קרעמער]

איינער פון ב"פ זאגט מיר אז מען קען דארט טרעפן אויף די גאס צעטלעך מיט לעדערהעדס פון די ווארלד טרעיד סענטער, זעהט אויס אז די ווינט בלאזט יעצט אין יענע ריכטונג. ער זאגט אז מען קען אפילו שפירן די גערוך פון די פייערן וואס ברענען אומאויפהערליך.

די רעפארטערס אויפן פלאץ דערציילן איבער מענטשן וואס שפרינגען נעבעך ארויס פון די פענסטער, וויסנדיג אז זיי גייען צום טויט רח"ל.

[שטארק זיך]

רבותי ווער זענען די אטאקירער?

כ'הער בשם עפעס א שחור, 'ווען זשאונס' הייסט ער, אז פרעזידענט בוש איז פארמישט, שווער צו גלייבן.
קען דא איינער עפעס וועריפייען?

[שמערי בערי]

יעצט געהערט א נאמען, אסאמא ביל אדיל (עפעס אזוי). ווי פריער געזאגט: אפגאניסטאן.

מ'האט ערנסט מורא פאר א באמבאדירונג. סי בי עס זאגט אז קעמפ דעיוויד האט געכאפט א באמבע.

דער פרעזידענט איז לכאורה באהאלטן.

[שטארק זיך]

'תלמי' גיט איבער אז דער פרעזידענט האט זיך געלאזט הערן פון עפעס א 'סעיף זאון' מן הסתמא אין א בונקער ערגעץ וואו.
ס'הייסט אז ביינאכט קומט א רעדע.
וואס מיינט איר קען ער שוין מחדש זיין.

[שמערי בערי]

WOW, ברעיקינג! ברעיקינג! איין טווין טאוער איז צאמגעפאלן! די הימל איז ממש שווארץ! אמת'דיג! ס'איז שוין מער נישט קיין טווין טאוערס, יעצט איז נאר דא איינס!

די אנדערע טאוער זעהט שוין אויס ווי ס'האלט זיך ביים פארלעשן

[שמערי בערי]

ווער קען כאפן א פיקטשער? ס'איז ממש שוואארץ!! יוי רבש"ע, ס'איז שרעקעדיג!

[שטארק זיך]

כ'הער שמועות אז די אינטערנעט סערוויס וועט אראפקראכן במשך די נעקסטע האלבע שעה.
כ'ווייס נישט צו ס'האט מיט די אנטענע פון העכער די טווין טאוערס אדער די גאווערמענט שפארט דאס אפ אלס סעיפטי. ווער ווייסט.
אפשר טוויטער וועט ארבעטן.
(א רגע וואס איז טוויטער?)

[שטארק זיך]

שמערי ביסטו זיכער אין דעם, ס'מאכט נישט קיין סענס, אזוי שוואך האט מען דאס געבויעט.

אויב איז דאס אמת איז ביטער.

[למדן]

מיין חבר זאגט מיר יעצט א אינטערסאנטע זאך איבער דעם היינטיגן דאטום:

די גויאישע דעיט איז היינט סעפטעמבער דער עלעווטער, וואס ווען מ'שרייבט דאס אין ציפערן איז עס 9-1-1 !!!! גענוי ווי דער נומבער פאר עמערדזשענסיס!!!

איך מיין אז ער האט עס מסתמא ערגעץ געהערט אויף די רעדיאו פון זיין קאר [ווייל זיין "עי או על" ארבייט נישט צוליב די אפגעהאקטע קאמיוניקאציע] אבער בכל אופן מיין איך אז אין די פרעסע וועט דאס שוין זיכער ווערן אנגעמערקט, און לולא דמיסתפינא וואלטעך געזאגט אז אין די קומענדיגע יארן וועט מען געדענקן דעם היינטיגן טאג אלס "ניין עלעווען"!

[צום זאך]

רבותי! רייסטס איין!! ביישויער זאגן אז זיי האבן געזען אונזער קאלעגע ריפארטער "גרויזאמער" אריינגיין אין די צפון טאוער עטליכע מינוט בעפארן קראך! דערווייל זענען אלע פארבינדונגס מיטלען מיט אים דורכגעפאלן, קנ"א בעט אלע אונזערע רעפארטערס זאלן זיך צוזאמנעמען ביי קאנאל קארנער מארסי מ'וועט דארט איבערציי------------- ברעקינג!! איין טורעם קאלעפסט!! מ'לויפט!!! איך שטיי לעבן דזשאוליאני מיט די קנ"א מייק, ער רעדט יעצט אריין!

[צוביילטער]

יעצט געהערט אז נאך אן עראפלאן איז געווארן געהיידזשעקט אין פענסילוועיניע!

אמעריקע איז קאפוט!

שמערי, דער נאמען איז אבאמא בין לאדין, דער איז דער באקאנטער גרינדער און פירער פון דעם על קיידא טעראר גרופע.

באריכטן זאגן אז וויצע פרעזידענט טשעיני איז אויך באהאלטן אין א זיכער ארט.

מעיאר דזשוליאני האט יעצט געמאלדן אז די פריימעריס איז גענצליך אפגעשטעלט! וואס וועט זיין מיט מארק גרין?

[וויכטיג מאכער]

יעצט געהערט אויף מיין וואקי טאקי אז די חברה הצלה בעטן אלע זייערע מיטגלידער אז זיי זאלן פארלאזן די בילדונג, ווייל ס'איז אין א געפאר איינצופאלן..

[קרעמער]

די רעפארטערס אויפן פלאץ קענען זיך קוים כאפן דעם אטעם צוליב די שטיקעדיגע רויך און שטויב פון די ברוכווארג, מען קען אלעס מיטהאלטן אויף סי בי עס און צען צען, עס איז א פחד און א שרעק די צומישעניש וואס הערשט איבעראל. הערשט קען מען נישט וויסן אויב די טעראריסטן זענען שוין פארטיג, אדער זיי האבן נאך א גאנצע פלאן ח"ו.

אפשר זאל מען דא מסדר זיין א תהלים בצבור.

[שטארק זיך]

למדן, וואסערע דאגות טראגסטו יעצט ווען בלוט גיסט זיך,

רבותי, איכם, זענען פאראן אידן שומרי תורה ומצות?
די נערווען שפרינגען מי,
וואו איז די פארגעשריטענע אמעריקע?
זענען מיר איבערן בריק אין וויליאמסבורג, פארזיכערט?
איז דאס זיכער א טעראר אטאקע?
נו, רופט אייך אן.