וואס אנדערע ירושלימער איינוואוינער זאגן

באריכטן און אנאליזן

די אחראים: אחראי, געלעגער

אוועטאר
סעיגען
שר חמישים
תגובות: 84
זיך איינגעשריבען אום: מאנטאג אוגוסט 24, 2009 10:43 pm

וואס אנדערע ירושלימער איינוואוינער זאגן

תגובהדורך סעיגען » דינסטאג סעפטעמבער 01, 2009 12:01 pm

עס איז מיר א פלא אויף דעם עולם דא אז קיינער ברענגט נישט ארויס די צווייטע זייט פון דער מטבע. איך האב גערעדט צו א סך ירושלימער איינוואוינער, און א גרויסער פראצענט ברויזט קעגן די ווילדע פראטעסטן וועלכע ווערן אנגעפירט מדי שבת בשבתו ומועד במועדו. איינער האט זיך צו מיר אפגערעדט אז זייט די "עדה החרדית" איז אריין אין דעם ראיאטן געמוט האט מען נישט קיין טאג און קיין נאכט, מען קען נישט לאזן קינדער אליין אין די גאסן מחמת סכנה, טראפיק לאמפן ארבעטן נישט, און די קינדער ווערן ליידער נתחנך אויף א נייעם מהלך אשר לא שערום אבותינו אז מיט'ן כח הזרוע וועט מען צווינגען פרייע אידן צו האלטן שבת.
אן עלטערער ת"ח פון דער גאולה געגנט האט זיך צו מיר אפגערעדט אז אין די אלע יארן וואס ער וואוינט שוין אין ירושלים האט ער קיינמאל נישט געזען אזעלכע גרויליגע סצענעס ווי קינדער, בחורים און יונגעלייט לאכן ארום בעת'ן זיך רייצן מיט פאליציאנטן, און האלטן זיך אונטער מיט'ן מזיק זיין ממון הציבור אין א "מערכה" וואס דארף כלומר'שט זיין א לשם-שמימ'דיגע.
די עדה החרדית האט פארלוירן די סימפאטיע וואס זי האט אלעמאל גענאסן אפילו ביי א סך פרייע אידן איבער דער וועלט און אין ארץ ישראל. ביי יעדער מערכה זענען אייביג געווען קאלומניסטן אין דער ישראל'ישער פרעסע וואס האבן ארויסגעברענגט אז די חרדים זענען כאטש טיילווייז גערעכט. יעצט אבער, מיט דעם נייעם צעווילדעוועטן מהלך איז נישטא קיין שום בר-דעת אויסערהאלב די וועלכע זענען דירעקט אפיליאירט מיט דער "עדה" וואס שטיצן עס.
אנדערע אין ירושלים האבן מיר געזאגט מיט ווייטאג אז אנשטאט די "עדה" זאל אדרעסירן די פילע פראבלעמען וועלכע פלאגן דעם יהדות החרדית פארשווענדן זיי זייערע כוחות אין זייטיגע מערכות.
עכ"פ, אז מען גרייט זיך אפילו דא אין אמעריקע צו ווייזן סאלידאריטעט פאר דער "עדה החרדית" איז אפשר כדאי איבערצושמועסן צי דער גאנצער עסק איז בכלל בארעכטיגט.

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » דינסטאג סעפטעמבער 01, 2009 12:15 pm

האט איינער פון די רבנים - ירושלימ'דיגע אידן - וכו' וכו', אפשר אריבער געגאנגען צום גאב"ד הגרי"ט שליט"א זיך אויסטענה'ען מיט עם מיט די טענה?, האט עמיצער פון די אלע מויל מאכער'ס זיך אביסעלע ציקראצט אויף דעם וואס מען האט געבראכן דער 1948 שטאטוס קווא אין ירושלים (וואס איז אויסגעפייט געווארן טאקע דורך די מויל מאכער'ס, בימים ההם ע"י נציג האגו"י הידוע), נישט מחלל שבת צי זיין מיט אזא פרהסיא?? (דורך דעם פרייעם מאיאר ושונא הדת ברקת, וועמען די גערער האבן ערוועלט, אבי נישט פרוש.........)
האט דען הגאב"ד שליט"א הגרי"ט דען נישט באפוילן א בחורים זאלן זיך נישט באטייליגן ביי די הפגנות??
אנשטאט פארדאמען דעם עפנטליכער חילול שבת רח"ל וואס קומט פאר הארט אינטער די חומות פון אלט שטאט ירושלים עיר קדשינו, גיט מען גאר אריין ווערטער אין מויל פון די שונאי הדת, (נניח אז יענע זענען עפעס גערעכט, דארף מען נאך נישט פאר דעם צי געבן אין מויל אריין פון די פושעי ישראל)
ונניח אז ציבראכענע טרעפיק לייטס שטערט זיי, אבער 'רציחה ממש' וואס איז פארגעקומען דעם פארגאנגענעם שבת און זונטאג, וואס איז דאס?.......
אויב חלילה וחס, עס וועט (ס'זאל ח"ו נישט געשען) קאסטן א ...., אויף וועמען וועט מען פאינטן פינגערס?????
לעצט פאראכטן דורך יהיה כן אום דינסטאג סעפטעמבער 01, 2009 12:31 pm, מאל פאראכטן געווארן 1 סך הכל.

אוועטאר
סעיגען
שר חמישים
תגובות: 84
זיך איינגעשריבען אום: מאנטאג אוגוסט 24, 2009 10:43 pm

תגובהדורך סעיגען » דינסטאג סעפטעמבער 01, 2009 12:31 pm

אפילו ווען רבי משה שטערנבוך האט געשריבן א בריוו און פארדאמט חרדי'שע אלימות איז ער גענצליך איגנארירט געווארן אין דער עדה-החרדית אפיליאירטער פרעסע. כלומר, א.ג. "עסקנים" האבן מחליט געווען אז מען דארף לערנען דעם עולם נייע מהלכים, און אפילו א רב פון "עדה החרדית" וואס זאגט עטוואס אנדערש דארף מען איגנארירן.
אמת, הרב ווייס האט טאקע באפוילן בחורים זאלן נישט גיין, און דאס איז געווען א בעקיפינ'דיגע הודאה אז מען איז דורכגעפאלן מיט'ן קאנטראלירן דעם אייגענעם ציבור. אבער אפילו נאכדעם, האבן זיך דען די אלימות אפגעשטעלט? זענען דען די צעווילדעוועטע יונגעלייט רואיגער און געלאסענער פון חו"ל'דיגע בחורים-ליידיגגייער?
ברקת האט קיינמאל נישט געוויזן אז ער איז א שונא הדת. יא, אפשר יעצט איז ער א "שונא עדה החרדית" אבער בהכרח נישט קיין "שונא הדת". ס'זענען דא גענוג חרדי'שע אידן - אפשר גאר א רוב - וואס האלטן אז ער איז גערעכט.
ס'האט קיינמאל נישט עקזיסטירט אזא שטאטוס קווא. און ברקת האט אפילו געוואלט צושטעלן א פארקינג לאט וואו מען וועט נישט בעטן קיין געלט שבת, און עס וועט געפירט ווערן בלויז דורך גוים. עס איז געוואויר געווארן אז טראצדעם וואס דער "עדה" איז מתפלל יעדן טאג אז די מדינה זאל אונטערגיין, האבן זיי די גאל אריינצורעדן וויאזוי די מדינה זאל געפירט ווערן, און פאר זיי איז נישט גענוג אז רוב מנין ובנין פרומע אידן זענען צופרידן פון אן אפמאך מיט דער מוניציפאליטעט, זיי ווילן אז אלעס זאל געפירט ווערן אויף זייערע סטאנדארטן!

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » דינסטאג סעפטעמבער 01, 2009 12:33 pm

סגן, קענסט היסטארי, ענטפער מיר ביטע
פארוואס איז דער בר אילן גאס געשפארט 'בשעות התפלה' (אויך מיר א פשרה), און דער בי קיו אי אין ניו יארק נישט.............

איך וואלט אפשר מודה געווען צי דיר, ווען נישט די מעשה מיט די 'אמא המרעיבה' וואס האציך ציפעליג אפגעשפילט אט הארט מיט די חילול שבת הפגנות, האבעך מיך איבערצייגט די גרויסע אהבת הדת פון ברקת וחבריו
לעצט פאראכטן דורך יהיה כן אום דינסטאג סעפטעמבער 01, 2009 12:36 pm, מאל פאראכטן געווארן 1 סך הכל.

אוועטאר
שעפטיל
שר חמישים ומאתים
תגובות: 467
זיך איינגעשריבען אום: מאנטאג דעצמבער 24, 2007 2:16 pm
פארבינד זיך:

תגובהדורך שעפטיל » דינסטאג סעפטעמבער 01, 2009 12:36 pm

אונז האמער געזעהן אויף די בילדער ווער עס צוברעכט די טראפיק לאמפן און ווער עס פארברענט גארביזש קענס, די אלע שוואכע סארטן וואס נעמען עדווענטשזש ווען די עדה זאגט א הויך ווארט, דאס ווייסטו אויכעט מן הסתם. דעריבער, דער גאב"ד שליט"א פארשטייט אז מען אויף קיין פאל נישט אריינשפילן אין די הענד פון די ציונים, ספעציעל ווען זיי האבן בפירוש געזאגט אז די הפגנות וועלן זיך זיכער בארואיגן נאך עטליכע וואכן. דאס איז עס טאקע? דארפן מיר גיין אין זיין וואוילע שעפעלעך? ווער ווייסט וואס קומט נעקסט..! דעריבער איז דאס די איינציגסטע שפראך, און אונז בלייבט איבער זיך צו צוהערן צו אונזערע רבי'ס...
מיר זענען שיך!
קרעדיט: מיכאל שניצלער

אוועטאר
lebediger berel
שר שלשת אלפים
תגובות: 3706
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » דינסטאג סעפטעמבער 01, 2009 12:38 pm

סעיגען.
איז דא אויך אידן וואס נעמען נישט קיין געלט פון די רעגירונג און זיי האלטן אזוי ?
איך פרעג פשוט פאר מיין וויסענשאפט
אז מ'לעבט דערלעבט מען

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » דינסטאג סעפטעמבער 01, 2009 12:41 pm

סעיגען האט געשריבן:און די קינדער ווערן ליידער נתחנך אויף א נייעם מהלך אשר לא שערום אבותינו אז מיט'ן כח הזרוע וועט מען צווינגען פרייע אידן צו האלטן שבת.


אנטשולדיגט, ווענט זענט איר געבוירן געווארן??
צי ווייסטו דען נישט אז שוין זעכציג יאר וואס מען שפאלט קעפ און מען לאזט זיך שלאגן און קנאקן אין ירושלים אויף חילל שבת....
צי געדענקסטו נישט די מערכות אויף 'ככר השבת' וואס הייסט אזוי לעילוי נשמת יענע מערכה.........

אוועטאר
lebediger berel
שר שלשת אלפים
תגובות: 3706
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » דינסטאג סעפטעמבער 01, 2009 12:50 pm

דא מיין איך איז אביסל אנדערש, ווייל די אמאליגע מערכות איז געווען אין די היימישע געגנט און יעצט איז די מערכה אינדרויסן, (זוי האב איך געהערט אין מקוה, מעגליך ס'איז א טעות זייט מיך מתקן, אין בארא פארק קומט גארנישט פאר)
אז מ'לעבט דערלעבט מען

ליפשיץ
שר חמישים ומאתים
תגובות: 289
זיך איינגעשריבען אום: זונטאג ינואר 11, 2009 2:51 pm

תגובהדורך ליפשיץ » דינסטאג סעפטעמבער 01, 2009 12:52 pm

ס'גלייבט זיך מיר זייער שווער אז 'אנדערע ירושלימ'ער' אידן' זאלן הערשט היינט צו טאגס אויפקומען מיט די טענה. די טענה פון די 'אנדערע ירושלימ'ער אידן' איז אן אלטע אויסגעדראשענע טענה. עס איז נישט די ערשטע, אבער האפנטליך יא די לעצטע, מערכה וואס די 'עדה החרדית' פירט אויף דעם פורמאט און שטייגער. די און ענליכע טענות זענען אלעמאל געהערט געווארן פון די 'אנדערע ירושלימ'ער אידן', יעדן מאל, ביי יעדע מערכה, אונטער אן אנדער ניגון.

עס איז געווען אזעלכע סארט 'שבת' מערכות סיי בימי המנחת יצחק זצ"ל און סיי בימי הרמ"א פריינד זצ"ל. אמת עס זענען דאן אויך געווען 'אנדערע ירושלימ'ער אידן' וועלכע האבן זיך ארומגעדרייט מיט די טענה אין מויל אז די עדה פארלירט איר ווערט, די עדה איז ארויס פון קאנטראל, די עדה אהער די עדה אהין, און פארשטענדליך אז די פריערדערמאנטע גאו"צ האבן זיך פאר די סארט טענות נישט אפגעשטעלט.

איר רעדט פון די פרייע פרעסע וועלכע פלעגן אמאל כלומרש'ט שעצן די רבני העדה החרדית? אחוץ וואס עס געדענקט זיך כמעט נישט אין די היסטאריע פון מדינת ישראל וואס די פרייע פרעסע זאל גערעכט געבן פאר די חרדים בכלל און די קנאים בפרט, איבערהויפט אין א שעת מלחמה, איז אבער אמת אז אין היצטיגן פאל זענען זיי אויך ארויס פון יעדן פראפארץ. מיר זענען מודה אין אייערע ווערטער אבער נישט אין אייער סיבה, ולא מטעמיך. די סיבה איז גאנץ פשוט, די שנאה פון די פרייע צו די חרדים וואקסט אין דער מדינה מיום ליום וואס א טאג מער, און אויב דאס איז אזוי לחרדים סתם איז דאס פי כמה לקנאים. וואס דארפט איר מער פון דעם? עס איז פארגעקומען א מעשה רצח ווען די 'משטרת ישראל' איז איבערגעפארן צוויי אינגעלייט, און די פרעסע אנשטאט אויפצוהייבן א ויצעקו קעגן אזא מעשה פשע קומען זיי גאר ארונטערייסן הגרי"ט שליט"א.

ווען אזא מעשה זאל פארקומען אין סיי וועלכע ציווילעזירטע מדינה, למשל אמעריקע, וואלט זיך די מדינה איבערגעדרייט. יא, אפי' עס קומען פאר מאסן ראיאטן אין די גאסן, און אפילו די פאליציי באגייט עוולה'ס אין אזעלכע אומשטענדן, זענען אבער די נאכווייען דערפון פאר די אינסטאנצן ביטער ווי א גאל. זיי דארפן אפגעבן דערויף דין וחשבון, און גאנצעטע משפטים ווערן געפירט ארום דעם צי זיי זענען יא גערעכט געווען צי נישט. די גאנצע מדינה פארט רעדער, אלע צייטונגען זענען וואכן דערויף פארנומען צי די פאליציי איז יא גערעכט געווען צי נישט, צי זיי האבן געהאנדלט ווי חיות מטורפים אדער ווי דיפענדערס פון א אנפאל. ווען מיר ליינען אזעלכע מעשיות אין איראן אדער יאפאן קוקן מיר דאס אן ווי א קאמאניסטישע רעזשים, מה שאין כן ווען עס פאסירט אין מדינה ישראל ווען די פאליציי פארגיסט היימיש אידיש בלוט, עס גיסט זיך בלוט אין די גאסן, אידיש בלוט איז הפקר כצבאות וכאילות השדה, דארט פארשטייט זיך איז א מצוה ענדערש צו פארשטיין דעם פרייען שרייבער אדער 'די אנדערע ירושלימ'ער אידן', וועלכע האבן ביז היינט געהאט סימפאטיע צו די עדה.

(איך זיך גראדע די אידן וועלכע האבן זיך געטוישט מיינונג ביי 'די' פרשה. האבן זיך די אידן געטוישט מיינונג אויך ביי די 'בלוט בלבול' פרשה פון די 'אמה המרעיבה', אדער דארט פארשטייען אויך די 'אנדערע ירושלימ'ער אידן' מיט די יעצטיגע פארלוירענע סימפאטיע צו די עדה אז די פרייע זענען גערעכט?).

איייער טענה איז נישט מער ווי א קאפי און אן אויסצוג פון די נעכטיגע צייטונגען אין מדינת ישראל, וועלכע האבן ארונטערגעריסן הגרי"ט. איר חזר'ט דאס פשוט איבער. אינטערסאנט ביז גאר, רי"ט איז א איד א שומר תורה ומצוות, א רב, א מורה הוראה בישראל, זיך קיינמאל נישט ספעציעל פארעכנט אלס א היציגער קנאי אדער א נטורי קרתא טיפ, און ער פארדינט לכל הדיעות דאס ביסל לימוד זכות וואס יעדער איד א בן אברהם ויצחק ויעקב פארדינט. לעומת זה, די וועלכע רייסן אים ארונטער זענען עפ"י רוב שונאי הדת. אבער וויבאלד זיי פארטרעטן די 'אנדערע ירושלימ'ער אידן', זענען זיי לכאורה גערעכט...

אוועטאר
איך_הער
סעקרעטאר
תגובות: 18576
זיך איינגעשריבען אום: דינסטאג יולי 04, 2006 6:47 pm
לאקאציע: אין אפיס
פארבינד זיך:

תגובהדורך איך_הער » דינסטאג סעפטעמבער 01, 2009 12:55 pm

ליפשיץ יישר כחכם.

אוועטאר
lebediger berel
שר שלשת אלפים
תגובות: 3706
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » דינסטאג סעפטעמבער 01, 2009 12:57 pm

איך גיב גערעכט פאר הרב ליפשיץ ספעציעל מיט דעם פרט אז הרב ווייס איז געווען א קלאסישער בעל בתישער סארט רב, ספעציעל אין אנטווערפן ווי ער האט פארטרעטן א אלגעמיינע היפש פרא ציוניסטישע קהלה אלץ דיין.
איך פרעג פשוט אלץ א היסטארישע קשיא, (הרב ווייס דארף זיך נישט פארענטפערן ביי מיר אויף זיינע הלכה'דיגע דעסיזיציעס) איז נישט די קרתא מערכה אנדערש ווי די ביז איצטיגע שבת מערכות ?
לעצט פאראכטן דורך lebediger berel אום דינסטאג סעפטעמבער 01, 2009 1:14 pm, מאל פאראכטן געווארן 1 סך הכל.
אז מ'לעבט דערלעבט מען

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » דינסטאג סעפטעמבער 01, 2009 12:58 pm

מען דארף וויסן ד פאקטן על מה המערכה נטושה (און שטייצעך אויב דן זיין דארף מען אויף די פאקטן), בעת התייסדות המדנה האט רי"מ לוין אויסגעארבעט מיט ב"ג שר"י אזא שטאטוס קווא לענין דת, (בזה היה נכלל גם ענין הנישואין והגירושין שיהיה ניתן ביד הרבנים הדתיים) ווי אויך האט מען פארהאנדלט אז שבת וועט זיין דער אפיציעלער רוה טאג פון די מדינה, די רעגירונג אפיסעס וועלן זיין פארמאכט וכו', זינט דאן זענען פארגעקומען געפעכטן אויף יעדע זאך וואס איז נישט געווען אינגאנצן אן איינקלאנג מיט די שטאטוס קווא, ובתוכם דער בר אילן גאס, האט מען פראטעסטירט, ביז די אגודה האט פארהאנדלט עפעס א מאדנע פשרה פון שעות התפילה, וואס גייט אן עד היום הזה, בקיצור די זעלבער ענין לענין פארקינג פלעצער אויפן גרויסן פארנעם פאר טוריסטן און חילונים, איז אויך נישט געווען ביז היינט אין ירושלים אזא גרויסער פארקינג לאט זאל זיין אפן אין שבת קודש, און איבער דעם שלאגט מען זיך יעצט, די עדה זעהט אין דעם אן התחלה צי ברעכן דעם פארווע'דיגן שטאטוס קווא אויף וואס די מדינה האט זיך מתחייב געווען, און אויב וועט מען דאס דערלאזן וועט עס לבסוף אינגאנצן זיך דורכברעכן און דאס ביסל שמירת שבת וואס איז נאך דא וועט אויך אפגעמעקט ווערן.

אוועטאר
צום זאך
שר האלפיים
תגובות: 2827
זיך איינגעשריבען אום: מיטוואך פאברואר 25, 2009 3:31 pm
לאקאציע: רעסט עריע

תגובהדורך צום זאך » דינסטאג סעפטעמבער 01, 2009 1:05 pm

סעיגען האט געשריבן:טראצדעם וואס דער "עדה" איז מתפלל יעדן טאג אז די מדינה זאל אונטערגיין, האבן זיי די גאל אריינצורעדן וויאזוי די מדינה זאל געפירט ווערן, און פאר זיי איז נישט גענוג אז רוב מנין ובנין פרומע אידן זענען צופרידן פון אן אפמאך מיט דער מוניציפאליטעט, זיי ווילן אז אלעס זאל געפירט ווערן אויף זייערע סטאנדארטן!

הרב סגן, איך פארשטיי מיך נישט, לי יהא אז ס'זאל טאקע אזוי זיין, וואס איז דען די פראבלעם? מען רעדט דאך דא פון א "אידישע" מדינה! שוין יארן וואס בלוט ווערט פארגאסן צו האבן און אנהאלטן א זעלבסשטענדיגע מדינת "ישראל" נו ווער דען זאל האבן דעם מוניציפאליטעט אין ירושלים? נישט חרדישע אידן שותומ"צ?? איר האלט טאקע אז די הויפטשטאט פון א אידישע מדינה דארף געפירט ווערן דורך די סטאנדארטן פון פרייע פורקי עול? אתמהה!!..
עניוועי, איר האט שוין ארויסגעוויזן דא און אין א צווייט פלאץ פון וועלכע טייג איר זענט געקנאטן.. עס איז נישט די פראטעסטן אין ירושלים וואס ברויזט אייך אזוי קעגן די חרדים (און קעגן אלעס וואס איז געשטימט רעכט).. ע"כ איז באמת א שאד זיך צו טענה'ן מיט אייך.

נ.ב. געבט אבאכט זיך חלילה נישט משתתף זיין ביי די פראטעסטן ארום די וועלט אנטקעגן די רשעי ישרא', עס איז דאך א "חילול השם".....

אוועטאר
סאכדעס
שר עשרים אלפים
תגובות: 20443
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » דינסטאג סעפטעמבער 01, 2009 1:15 pm

סעיגען האט געשריבן:ס'האט קיינמאל נישט עקזיסטירט אזא שטאטוס קווא. און ברקת האט אפילו געוואלט צושטעלן א פארקינג לאט וואו מען וועט נישט בעטן קיין געלט שבת, און עס וועט געפירט ווערן בלויז דורך גוים. עס איז געוואויר געווארן אז טראצדעם וואס דער "עדה" איז מתפלל יעדן טאג אז די מדינה זאל אונטערגיין, האבן זיי די גאל אריינצורעדן וויאזוי די מדינה זאל געפירט ווערן, און פאר זיי איז נישט גענוג אז רוב מנין ובנין פרומע אידן זענען צופרידן פון אן אפמאך מיט דער מוניציפאליטעט, זיי ווילן אז אלעס זאל געפירט ווערן אויף זייערע סטאנדארטן!

א) וואס האט ברקת געוואלט? ווער האט אים בכלל געבעטן וועלן אזא טיפשות? ס'איז דאך נאך פיל ארגער אויב ס'איז אומזיסט.
כ'זעה אז דו כאפסט נישט דעם פראבלעם דא. עס באדערט נישט די עדה אז די עיריה אין ירושלים מאכט געלט פון א פארקינג לאט שבת, עס באדער די 'חילול שבת', און דאס וועט נישט בעסער ווערן אויב עס וועט זיין אומזיסט.

ב) כ'זע אז די פרייע/פרומע ציונים האבן אנגענומען א מהלך, די עדה החרדית וויל זיך ערקלערן בקרוב אלס די פירער פון די מדינה, און זיי זוכן מיטלען אנצוקומען דערצו. אט האבן זיי זיך צוגעשארט צו א פארקינג לאט, און נאכאביסל איז הרב ווייס דער ראש העיר, און פון דארט ביז ראש המדינה, איז פאלג מיר א גאנג...... עס איז נישט דא ווער עס זאל לאכן....
הרב ווייס ווי די פריערדיגע האבן שוין ערווענט, איז גאר א חשוב'ער ערענסטער רב, (אויב מ'מעג זאגן, ירושלים האט שוין יארן נישט געהאט אזא שטארקן רב.) א קלארער בר דעת, ווייסט גענוי וואס ער וויל, און ווייסט וואס ער וויל פון אנדערע. אלזא, ווער עס האט סימפאטיע צו דעם רב, דער וועט נישט ווערן קיין געגענער צוליב די פרשה, ווייל ער פירט זיך ווי א רב אמאל אינדערהיים.
און יא, די רוב מנין ובנין פרומע אידן וואס זענען צופרידן פון אן אפמאך מיט די עיריה, זענען בכלל נישט קיין סימפאטיקער צום ירושלימ'ער רב, און וועלן קיינמאל נישט זיין.

אוועטאר
lebediger berel
שר שלשת אלפים
תגובות: 3706
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » דינסטאג סעפטעמבער 01, 2009 1:18 pm

איך בין נאכאמאל מקדים אז הרב ווייס דארף זיך ביי מיר "נישט" פארענטפערן
איך וויל אבער פרעגן לויט יהי' כן איז דער מערכה נאר אז מען זאל האלטן א סטאטוס קווא נישט אז מ'זאל האלטן "שבת", בכלל זעט עס עפעס אויס ווי אן אנערקענונג אין די "אפיציעלע" רעגירונג
איז עס נישט קיין סתירה מיט די פאליסיס פון "איני מכיר" ?
אז מ'לעבט דערלעבט מען

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » דינסטאג סעפטעמבער 01, 2009 1:24 pm

דער אינני מכיר קומט 'נאכן' סטאטוס קווא, דהיינו אז אפילו וועסט מודה זיין צום סטאטוס קווא, איז נאך אלץ 'אינני מכיר', פארשטיי גיט......

אוועטאר
lebediger berel
שר שלשת אלפים
תגובות: 3706
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » דינסטאג סעפטעמבער 01, 2009 1:27 pm

ניין, כ'פארשטיי נישט אדרבה זיי עס בעסער מסביר וואס הייסט נאך אלץ, אז ס'איז דא א סטאטוס קווא אז ס'איז אפיציעל, איז עס דאך בפירוש א הכרה.
אז מ'לעבט דערלעבט מען

טשיקאווער
שר מאה
תגובות: 102
זיך איינגעשריבען אום: זונטאג יולי 05, 2009 6:01 pm

תגובהדורך טשיקאווער » דינסטאג סעפטעמבער 01, 2009 1:31 pm

הרב ליפשיץ
יישר כחכם פאר'ן קלארן ענטפער.
איבערהויפט דארף ארויסגעברענגט ווערן אז מען רעדט נישט פון א רב א יליד ירושלים, וועלכער איז געוואוינט צו אזוינע סארט מערכות, קלעפ, אומ-יושר קעגן חרדי'שע יודן, עס רעדט זיך פון א רב אויף וועם עס פאסט זיך דער טיטל 'א אונגערישער רב' אדער 'א חתם סופר רב', וועלכער איז בכלל נישט קיין מילטאנט, נאר קוקט פשוט להלכה אויף וואס מען דארף זיך שלאגן, און אויף וואס נישט.
(אפשר דארפן אים 'די סעיגען יודן' אריבערברענגען די 'מעריב' אדער 'ידיעות אחרונות' ער זאל זעהן וואסארא חילול השם ער איז גורם ביי די פרייע פרעסע, ווער ווייסט צו ער וועט נישט אראפלייגן דאס געווער??)

ר' סעיגען און 'די אנדערע ירושלימער איינוואוינער'!
איר זאגט אז די עדה פארלירט די סימפאטיע ביי די חילונים. אמת איר זענט גערעכט, אבער איך וועל אייך דערציילן פארוואס, און איך מאך אייך א שליח עס איבערצוגעבן פאר 'די אנדערע ירושלימ'ער איינוואוינער'.

די סיבה איז פשוט:
ווען איז געווען אזא זאך אז דער עגאאיסטישער מאיאר פון ירושלים ניר ברקת, א חילוני, זאל דארפן אראפקומען צו דעם נארישן, אומרעספעקטירטע פירער פון די עדה החרדית פארהאנדלען?

ווען איז געווען אזא זאך אז דער בארבארישער פאליציי הויפט פון י-ם אלון פראנקו, א חילוני, זאל דארפן אראפקומען צו דעם נארישן, אומרעספעקטירטע פירער פון די עדה החרדית פארהאנדלען?

ווען איז געווען אזא זאך אז דער אינערן מיניסטער פון די גאנצע מדינה-של-גיהנום, יצחק אהרונוביץ, (א חילוני?), זאל דארפן אראפקומען צו דעם נארישן, אומרעספעקטירטע פירער פון די עדה החרדית און פארהאנדלען און בעטן דעם מאיאר ער זאל נאכגעבן 'אויף דערווייל' ביז מען ענדיגט די פארהאנדלונגען, און צומאכן דעם חניון דערווייל?

פארוואס גייט ער נישט פארהאנדלען מיט די 'אנדערע ירושלימער איינוואוינער' וועלכע זיצן אין די רעגירונג אפיסעס טאקע אויף צו פארהאנדלען מיט די חילונים?

פארוואס 'מוז' ער זיצן ביים פארהאנדלונגס טיש מיט די 'איני מכיר' יודן, און נישט מיט די 'פארהאנדלערס פון אינעווייניג', די נציגים פון אגודה, דגל??

אוודאי פארלירט אזא רב דעם רעספעקט ביי אייך, ווייל ער האט אייך געוויזן אז מען קען פון אינדרויסן מיט דעם נארישן איני מכיר נאכמער אויפטוען...

ווייל ער האט געוויזן פאר די רעגירונג אז זיי וועלן נישט קענען שרייען 'איני מכיר בהעדה החרדית' נאר זיי מוזן קומען צום רב הגרי"ט שליט"א פארהאנדלן....

סעיגען, איר ווייסט וואו מען פארהאנדלט??
אין מאיארס אפיס? ניין.
אין קאונסיל? ניין.
ביים מאיאר אינדערהיים? ניין.
אין א דערנעבנדיגע האטעל? ניין.

זאגסט מיר צו אז דו ווייסט נישט????! קעי, איך העל דיר אויסזאגן, אבער בתנאי אז דו זאגסט עס נישט איבער פאר די 'אנדערע ירושלימער איינוואוינער' וואס שלאפן נישט רואיג ביינאכט זינט די מערכות.
די זיצונגען קומען פאר אינעם זעלבן שטיבל פון וואו די רופן פאר די הפגנות קומען ארויס, און דאס איז אין בית דין שטיבל פון בית דין צדק שע"י העדה החרדית...!!
אדער אין שטוב פונ'ם גאב"ד הגרי"ט ווייס שליט"א...!!

סעיגען, ווייסט וויפיל אזייגער מען פארהאנדלט??
יעדעס מאל אנדערש, עס ווענדט זיך ווען דער גאב"ד איז עוועילעבל...

המה כרעו ונפלו, ואנחנו קמנו ונתעודד...

אוועטאר
סאכדעס
שר עשרים אלפים
תגובות: 20443
זיך איינגעשריבען אום: דינסטאג יוני 27, 2006 2:15 pm
לאקאציע: אלעמאל נאנט צו התאחדות
פארבינד זיך:

תגובהדורך סאכדעס » דינסטאג סעפטעמבער 01, 2009 1:35 pm

טשיקאווער, פיין געזאגט.

אוועטאר
שעפטיל
שר חמישים ומאתים
תגובות: 467
זיך איינגעשריבען אום: מאנטאג דעצמבער 24, 2007 2:16 pm
פארבינד זיך:

תגובהדורך שעפטיל » דינסטאג סעפטעמבער 01, 2009 1:39 pm

טשיקאווער, A-1
מיר זענען שיך!
קרעדיט: מיכאל שניצלער

יהיה כן
שר תשעת אלפים
תגובות: 9196
זיך איינגעשריבען אום: זונטאג מאי 03, 2009 2:25 pm

תגובהדורך יהיה כן » דינסטאג סעפטעמבער 01, 2009 1:39 pm

lebediger berel האט געשריבן:ניין, כ'פארשטיי נישט אדרבה זיי עס בעסער מסביר וואס הייסט נאך אלץ, אז ס'איז דא א סטאטוס קווא אז ס'איז אפיציעל, איז עס דאך בפירוש א הכרה.

כ'העל עס קלארער מאכן, דער אינני מכיר סלאגאן האט מען נישט גענוצט ביי קיין פראטעסטן, (ווי אויבן דערמאנט מען האט נישט פראטסטירט אויף חלול שבת אין די פרייע געגנטן וכדומה), כאטשע בשיטה האט מען געווייטיגט אויף די גאנצע מדינה, וואס האט זיך ארויף געזעצט אינעם פלטרין של מלך, אבער וואס קען מען טון אז מען אז ליידער אין גלות ביי יודן, אבער דאס מינימום עס זאל זיך נישט חלילה פארשפרייטן, וואס מען קען יא פארלאנגען פון די מדינה, וויבאלד זיי אליינס זענען שוין אמאל אויף דעם איינגעגאנגען, האלט מען פאר ריכטיג און וויכטיג זיך נישט צי לאזן און פאדערן נישט צי פאשוועכן דעם שב"ק, וויבאלד מען האט שוין דאס פון לאנג אויסגעפייט, פארשטייסט.
א ודאי, ווען מען איז שוין אין דזשעיל, די חברה זאלן כאפן דעם מעססעדזש, יא דארט שרייט מען פעסט 'אינני מכיר במדינה הציונית' ווי כ'האב געזאגט, אפילו וועסט מיר נאכגעבן, אינני מכיר במדינה הציונית.

אוועטאר
lebediger berel
שר שלשת אלפים
תגובות: 3706
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » דינסטאג סעפטעמבער 01, 2009 1:43 pm

אפשר קען איינער טאקע מסביר זיין פארוואס נאך די אלע פארהאנדלונגען און נאכדעם וואס זיי זענען זיך אזוי שטארק מכניע פארן גאב"ד קומט מען אין ערגעץ נישט אן ?
זייט נישט ברוגז אויף מיר, כ'האב באמת נישט ארויס די סוגיא, עפעס פעלט דא
איך האב אויך געפרעגט א פארקערטע קשיא לויט יהי' כן'ס סברא, איך בין צומישט אין דעם ענין.
אדרבה, איך זוך דעם תירוץ נישט די קשיא
אז מ'לעבט דערלעבט מען

אוועטאר
lebediger berel
שר שלשת אלפים
תגובות: 3706
זיך איינגעשריבען אום: דינסטאג יוני 17, 2008 11:17 am

תגובהדורך lebediger berel » דינסטאג סעפטעמבער 01, 2009 1:44 pm

יעצט באמערקט יהי' האט שוין עפעס אריין געווארפן צו פארענטפערן, כ'וועל עס דורכליינען און דורכטראכטן בל"נ
אז מ'לעבט דערלעבט מען

אוועטאר
מיללער
שר עשרים אלפים
תגובות: 25702
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דינסטאג סעפטעמבער 01, 2009 5:38 pm

האלאו, איינער קען קריגען א 'האלד' פון אונזער סעיגען?!!!!!

מר. סעי-עגעין,
איר האט אפגעקאכט א קאשע און פארגאנגען אויף אורלויב? ווי זענט איר, מ'האט אייך פרובירט צו ענטפערן וואס איר זאלט צוריקזאגען פאר די 'אנדערע ירושלימער אידן', זיי ווארטן אויף אן אנטווארט, למה נחבאת?

יעצט ווען איר קומט צוריק, ברענגט עטוואס מער דעטאלן איבער 'די אנדערע ירושלימער אידן' רעדט מען פון פרומע אדער פרייע? וואס האלטן זיי איבער די גאנצע מדינה איידער די ''קרתא' מערכה?

אוועטאר
סעיגען
שר חמישים
תגובות: 84
זיך איינגעשריבען אום: מאנטאג אוגוסט 24, 2009 10:43 pm

תגובהדורך סעיגען » מיטוואך סעפטעמבער 02, 2009 1:22 am

יא, כ'בין דא. א דאנק, מיללער, פאר'ן שואל זיין בשלומי. כ'בין פשוט נישט אנגעקומען צו ענטפערן ביז יעצט.
דער עולם האט מיר דא באווארפן מיט פראגעס, ארגומענטן, טענות און... פערזענליכע השמצות אויף מיין כאראקטער.
כ'וועל פרובירט צו אדרעסירן כאטש טייל פון די זאכן וואס מען האט דא אויפגעברענגט.

צוערשט וויל איך אייך פרעגן א זייטיגע פראגע. מיר האלטן אין איין האבן פארשידענע טענות איבער "שנאת הדת". האט איר שוין אמאל געהערט אז מען זאל כאפן א סעקולערע שולע אין א"י וואס פרעדיגט אפענע (אדער באהאלטענע) שנאת הדת? דוכט זיך אז נישט, און אויב יא ווערט דאס א גאנצע קאנטראווערסיע. לעומת זה איז דער ענין פון "שנאת החילונים" נישטאמאל א זאך וואס מען רעדט אין דער פרעסע, און מיר אלע ווייסן אז אונזער חינוך איז געבויט אויף אן עקסטרעם-שטארקער "שנאת החילונים". איך גיי דא נישט אריין אין דעם צי דאס איז א פראבלעם אדער נישט; דאס איז אבער דער פאקט.
עס איז אויך א פאקט אז רוב חילונים האבן א געוויסע רעספעקט פאר חרדי'שע אידן. זיי שפירן אז אפילו זיי האבן נישט אייביג ליב אונזערע מעשים רעפרעזענטירן מיר דאך אויטענטישע אידישקייט, און עס דערמאנט זיי וויאזוי זייערע אמאליגע זיידעס האבן אויסגעקוקט.
אפילו ביי דער פרשה פון דער "אם המרעיבה" וואס לויט ווי "יהיה כן" גיט איבער האט דאס אים "איבערצייגט די גרויסע [שנאת] הדת פון ברקת וחבריו" האבן א סך פרייע פערזענליכקייטן און קאלומניסטן אויסגעדרוקט שטיצע פאר דער פרוי און סאלידאריטעט מיט די טענות פון דער "עדה החרדית". יא, זיי האבן אויסגעדרוקט אפשיי פון די מעשים תעתועים פון די חרדי'שע בריונים, אבער זיי האבן פארשטאנען דעם חרדי'שן צד.
אבער בשעת מען האט באשולדיגט די פרייע פרעסע מיט'ן זיין איינזייטיג קעגן די מאמע, איז די חרדי'שע פרעסע געווען נאך פיל מער איינזייטיג לטובת די מאמע און קעגן די רעגירונג אינסטאנצן. בשעת אין די פרייע פרעסע האט מען געקענט געפינען א קול דממה דקה וואס שטיצט די טענות פון חרדים, איז די חרדי'שע פרעסע געווען פארנומען מיט'ן ערפינדן זינלאזע פראזן ווי "עלילת דם" וכדומה, און מען האט בכלל נישט געקענט געפינען אז איינער זאל ארויפברענגען אויף די ליפן אז... אפשר איז די פרוי טאקע נישט 100 פראצענט בסדר.
איז קודם כל, אויב וויל מען וויסן וועלכע געשיכטע איז די אמת'ע (צווישן "אם המרעיבה" און "עלילת דם תשס"ט") וואלט איך געראטן צו טרעפן א מיטלפונקט צווישן די פרייע געשיכטע און די חרדי'שע. אבער... א מיטלפונקט וואס איז מער גענויגט צו די פרייע!
יא, די נגיעות און איינזייטיגקייט איז פיל שטערקער ביי אונז, "שנאת החילונים" איז א פאקט וואס יעדער וועט מודה זיין. און אפילו אויב "שנאת הדת" איז אמת, זענען נאך אלס דא גענוג פרייע וואס פארשטייען דעם חרדי'שן צד, דעריבער קומט אויס אז אויב מען וויל וויסן די אמת'ע פאקטן קען מען מער גלייבן וואס די חילונים שרייבן ווי וואס די חרדים שרייבן. און כאפט מיר נישט יעצט אויפ'ן ווארט – נישט אז מען קען פולקאם גלייבן וואס די חילונים שרייבן, נאר ווי כ'האב געזאגט, א מיטלפונקט צווישן ביידע זייטן וואס איז מער גענויגט צו די פרייע.

אלנפאלס, די מערכה וואס די "עדה" פירט קעגן דעם פארקינג לאט ווייזט אז אויב זיי ווילן עפעס אויספירן זענען זיי גרייט אין דעם צו אינוועסטירן גאר א סך כוחות. זיצן בחיבוק ידים ווען "אלע שוואכע סארטן נעמען עדווענטשזש ווען די עדה זאגט א הויך ווארט," אן טאן עפעס למעשה אפצושטעלן די אלימות ווייזט אז זיי האבן א קנאפן אינטערעס. און לעולם האט דאך קיינער נישט געענטפערט מיין פראגע, רבי משה שטערנבוך האט דאך געשריבן א בריוו וואו ער האט פארדאמט די אלימות, פארוואס איז דאס נישט געדעקט געווארן אין די "עדה החרדית"-אפיליאירטע פרעסע? פארוואס האט מען עס גענצליך איגנארירט? הוה אומר אז הרב שטערנבוך איז געווען א "דיסידענט" – ער האט גערעדט אנדערש ווי די "עסקנים" האבן געוואלט, און דעריבער איז ער ווערד אז מען זאל אים איגנארירן - אפילו ער איז דער ראב"ד פון "עדה החרדית".

א מגיב האט געשריבן:
דעריבער איז דאס די איינציגסטע שפראך, און אונז בלייבט איבער זיך צו צוהערן צו אונזערע רבי'ס...

דאס איז די שפראך וואס מען האט זיך לעצטנס געלערנט פון די גרועים שבאומות, און אפילו אויב ס'וועט יעצט עפעס אויפטאן "שאָרט טוירם" וועט עס חרוב לייגן אונזער יוגנט אין "לאנג טוירם".


לעבעדיגער בערל האט געפרעגט אן אייזערנע פראגע:
איז דא אויך אידן וואס נעמען נישט קיין געלט פון די רעגירונג און זיי האלטן אזוי ?

כלומר, פארוואס זענען די וואס האלטן אז די פאליציי באגייען זיך מיט גרויס "ברוטאליטעט" די זעלבע וואס האבן פיינט מדינת ישראל עד חרמה, באטייליגן זיך נישט אין די בחירות און נעמען נישט קיין געלט פון דער מדינה? לאמיר זיך נישט נארן, די אנדערע חרדי'שע קרייזן זענען בכלל נישט נחשד אין צו שטארק ליבהאבן די מדינה, אבער פארוואס זענען דווקא די וואס זענען אויפגעוואקסן על ברכי שנאת המדינה אלס דער ערשטער פון די י"ד עקרים די וואס פארשטייען אז די פאליציי זענען "בארבארישע רשעים"? און דאס איז אין דער צייט וואס אפילו אנדערע חסידישע רבי'ס זענען גרייט אויפצונעמען ברקת ביי זיך אין שטוב?
דער ענטפער איז פשוט. די ארכי-שונאים פון דער מדינה וועלן קיינמאל נישט אנערקענען אז זייער פאליציי האט רעכט. זייערע נגיעות זענען אזוי שטארק אז זיי קענען זיך דערפון נישט ארויסזען.

יהיה כן האט געשריבן:
אנטשולדיגט, ווענט זענט איר געבוירן געווארן??
צי ווייסטו דען נישט אז שוין זעכציג יאר וואס מען שפאלט קעפ און מען לאזט זיך שלאגן און קנאקן אין ירושלים אויף חילל שבת....


ניין, איך ווייס נישט דערפון. עס איז קיינמאל נאך נישט געווען אזעלכע ארגאניזירטע ראיאטן מיט דער גוטסהייסונג פון דער "עדה" בנוגע "חילול שבת" וואס איז בכלל נישט נוגע די חרדים.

ליפשיץ האט געשריבן:
די שנאה פון די פרייע צו די חרדים וואקסט אין דער מדינה מיום ליום וואס א טאג מער, און אויב דאס איז אזוי לחרדים סתם איז דאס פי כמה לקנאים

מיר קוקט בכלל נישט אויס אזוי. דער שפיץ פון שנאת הדת איז געווען ווען טומי לפיד האט מצליח געווען אריינצוברענגען א סך בענקלעך אין זיין "שינוי" פארטיי. דעמאלט איז געווען א שטארקער אגענדע קעגן פרומע. ווי יעדער ווייסט איז סיי ער, סיי זיין פארטיי און סיי זיין אגענדע אפגעשטארבן. דעם פארגאנגענעם יאר האט ירון ידען, דער גרויסער לוחם קעגן דת, פריש געעפנט א פארטיי, "אור", וואס איר אגענדע איז אנטי דת. ער האט אנגעצויגן בלויז עטליכע הונדערט שטימען!
די אמת'ע שונא הדת עקזיסטירן שוין כמעט נישט היינט, אמאל זענען די ראשי הציונים געווען שנה-ופרוש'ניקעס און ביי זיי האט געברענט די שנאה. היינט איז עס כמעט נישטא.
די איינציגסטע וואס פלאקערן אויף די שנאת הדת זענען די פרומע וועלכע פירן זיך אויף אין קאנטראסט צו דער תורה. היפאקריסטווע איז דאס מערסטע אראפגעקוקט איבער דער וועלט, און זיך פירן מיט גוואלדטאטן און שעדיגן אייגענע געגנטער ווי צוויי-יעריגע אין א טאנטראם, ווערט באטראכט ווי א תוצאה פון א דורכגעפאלענע אומציוויליזירטע געזעלשאפט.

עס איז פארגעקומען א מעשה רצח ווען די 'משטרת ישראל' איז איבערגעפארן צוויי אינגעלייט, און די פרעסע אנשטאט אויפצוהייבן א ויצעקו קעגן אזא מעשה פשע קומען זיי גאר ארונטערייסן הגרי"ט שליט"א.

איך גלייב נאך נישט אזוי שנעל. דער מקור פון דעם באריכט איז פון עקלהאפטיגע צעטלעך אין די גאסן וואס פארגלייכן אידישע פאליציאנטן צו "געסטאפא" – א מיליציע וואס האט אויסגעשאכטן צענדליגער פון מיינע קרובים על לא עול בכפם.

ווען אזא מעשה זאל פארקומען אין סיי וועלכע ציווילעזירטע מדינה, למשל אמעריקע, וואלט זיך די מדינה איבערגעדרייט. יא, אפי' עס קומען פאר מאסן ראיאטן אין די גאסן, און אפילו די פאליציי באגייט עוולה'ס אין אזעלכע אומשטענדן, זענען אבער די נאכווייען דערפון פאר די אינסטאנצן ביטער ווי א גאל. זיי דארפן אפגעבן דערויף דין וחשבון, און גאנצעטע משפטים ווערן געפירט ארום דעם צי זיי זענען יא גערעכט געווען צי נישט. די גאנצע מדינה פארט רעדער, אלע צייטונגען זענען וואכן דערויף פארנומען צי די פאליציי איז יא גערעכט געווען צי נישט, צי זיי האבן געהאנדלט ווי חיות מטורפים אדער ווי דיפענדערס פון א אנפאל.

א פאר יאר צוריק האבן עטליכע פאליציאנטן אין בארא פארק, ניו יארק, דערשאסן צו טויט א גייסטיש-קראנקן בחור מיט'ן נאמען גדעון באש. זיין חטא? ער האט געפאכעט מיט א האמערל קעגן די פאליציאנטן. די אויספארשונג קאמיסיעס אין ניו יארק, א שטאט וואס קען לכאורה באטראכט ווערן ווי א "ציווילעזירטע מדינה", האבן גערעכט געגעבן פאר די פאליציאנטן צוליב דעם וואס עס איז געווען רגלים לדבר אז זיי האבן זיך געשפירט באדראעט.
דא רעדט מען נישט פון כאפטעס בריונים וועלכע האבן זיך אראפגעלאזט בכוונה תחילה אנצוזייען א פאניק און טעראר קעגן דער רעגירונג, עס האט זיך געהאנדלט פון איין נישט-געזונטן מענטש וועלכער האט געהאלטן בלויז א קליין האמערל, דאך זענען די פאליציאנטן בארעכטיגט געווען צו שיסן אויף אים. על אחת כמה וכמה ווען די חרדי'שע שלעגער האקן, שפייען און שלאגן די פאליציאנטן; זייען אן כאאס און אומארדענונג, איז נישט קיין וואונדער אז אלע דעה-זאגער און מדינת ישראל האלטן פונקט פארקערט פון ליפשיץ אז אין סיי וועלכע ציוויליזירטע מדינה וואלט מען אזעלכע אלימות דערשטיקן מיט הייס געווער נאך בלויז איין מאל, און מען וואלט קיינמאל נישט צוגעלאזט אז עס זאל קענען אנגיין איינמאל און נאכאמאל.

איייער טענה איז נישט מער ווי א קאפי און אן אויסצוג פון די נעכטיגע צייטונגען אין מדינת ישראל, וועלכע האבן ארונטערגעריסן הגרי"ט. איר חזר'ט דאס פשוט איבער.

איך האב נישט געלייענט די נעכטיגע און נישט די היינטיגע ישראל'ישע צייטונגען. כ'שרייב נאר וואס דער דעת הקהל איז ביי רוב רובם פון שומרי תורה ומצות פון ירושלים און איבער דער וועלט.


יהיה כן האט געשריבן:
די עדה זעהט אין דעם אן התחלה צי ברעכן דעם פארווע'דיגן שטאטוס קווא אויף וואס די מדינה האט זיך מתחייב געווען, און אויב וועט מען דאס דערלאזן וועט עס לבסוף אינגאנצן זיך דורכברעכן און דאס ביסל שמירת שבת וואס איז נאך דא וועט אויך אפגעמעקט ווערן.

און וואס וועט זיין אז די אפיציעלע שמירת שבת פון דער (אומאנערקענטער) רעגירונג וועט אפגעמעקט ווערן? לו יהא אז עס איז וויכטיג, איז נישט וויכטיגער אז דאס יהדות החרדית זאל בלייבן מיט עפעס א פנים אפילו ביי די אייגענע מענטשן? איז נישט וויכטיגער אז מען זאל מחנך זיין קינדער און בחורים אז שעדיגן די אייגענע גאסן איז אומפאראנטווארטליך און רשעות'דיג?

צום זאך האט געשריבן:
נו ווער דען זאל האבן דעם מוניציפאליטעט אין ירושלים? נישט חרדישע אידן שותומ"צ?? איר האלט טאקע אז די הויפטשטאט פון א אידישע מדינה דארף געפירט ווערן דורך די סטאנדארטן פון פרייע פורקי עול? אתמהה...!!

אוודאי דארף מען זיך רעכנען מיט דעם פאקט אז עס וואוינען א גרויסן ציבור פרומע אידן אין ירושלים, אבער ווילאנג ברקת שפירט אז ער האט געקענט צופרידנשטעלן רוב פרומע אידן איז דאס גענוג אז ער זאל וויסן ביי זיך אז ער האט געטאן זיין מאראלישער פליכט פון צושטעלן די שטאט פאר פרומע און נישט-פרומע (יא, אויך פאר "פרייע פורקי עול").
דער פאקט אז עס איז דא א פאר'עקשנ'טע קבוצה פון "עדה"-געטריבענע כוליגאנעס דארף אים בכלל נישט אנגיין. ער ווייסט ביי זיך אז ער האט געטאן כפי יכולתו זיך צוצושטעלן צו די פרומע אידן.

סאכדעס האט געשריבן:
עס באדערט נישט די עדה אז די עיריה אין ירושלים מאכט געלט פון א פארקינג לאט שבת, עס באדער די 'חילול שבת', און דאס וועט נישט בעסער ווערן אויב עס וועט זיין אומזיסט.

די "עדה" מעג "באדערן" וואס זיי ווילן ביז מארגן. דער פאקט אז דער פארקינג לאט וועט זיין אומזיסט און מיט דרוזישע ארבעטער איז גענוג צופרידנצושטעלן רוב פרומע אידן אין ירושלים. און דאס דארף זיין דער ציל פון ברקת: פרובירן צופרידנשטעלן אלע גרויסע גרופעס פון זיין שטאט. ער דארף זיך בכלל נישט רעכנען מיט א קליינע כאפטע מענטשן וועלכע ווילן חומרות אויפ'ן חשבון פון א רעגירונג אין וועלכער זיין אנערקענען בכלל נישט.

*

אנשטאט זיך טענה'ן אויף די פונקטן וויל זיך געוויסע באנוצן מיט אנדערע טאקטיקן. "צום זאך", למשל, האט באוויזן אויסצוגעפינען "פון וועלכן טייג" איך בין "געקנאטן"... און דעריבער האלט ער אז מיינע ארגומענטן זענען ממילא אפגעפרעגט. א פארקערטער טאקטיק איז דאס אויסלויבן הרב ווייס'ן ביז'ן הימל אריין, און דורך דעם אוועקפירן דעם דיון פון די רעלסן.
כ'קען נישט הרב ווייס, און עס איז נישט מעלה ומוריד ווער ער איז, דער דיון דא איז בנוגע די מעשים וועלכע ווערן געטאן אין נאמען פון דער "עדה החרדית" – נישט מער פון דעם.

*

לעבעדיגע בערל פרעגט א תמימות'דיגע אבער אויפריכטיגע פראגע:
אפשר קען איינער טאקע מסביר זיין פארוואס נאך די אלע פארהאנדלונגען און נאכדעם וואס זיי זענען זיך אזוי שטארק מכניע פארן גאב"ד קומט מען אין ערגעץ נישט אן?

דער פאקט אז די שטאטישע באהערדע ווילן באמת טרעפן א לעזונג צו דעם פראבלעם ווייזט אונז איינמאל און נאכמאל אז:
א) זיי זענען נישט קיין שונאי הדת.
ב) זיי ווילן סדר אין ירושלים.
ג) די "עדה"-מיטגלידער זענען די עקשנים וועלכע פארשטייען נישט אז עס איז נישט מעגליך אז א רעגירונג זאל זיך פירן דורכ'ן זיך צושטעלן צו יעדן סוב-גרופע וועלכע צעלאזט זיך מיט'ן כח הזרוע.
ד) די "עדה" פארמאגט נישט קיין פריאריטעטן ריכטיג צו קוקן וואו צו אינוועסטירן זייערע צייט און כוחות אמת'דיג צו העלפן חרדי'שע אידן.
אין דער יעצטיגער שווערער עקאנאמישע צייטן – ווי אויך ביטער-שווער צייטן פון א רוחניות'דיגן שטאנדפונקט פאר אונזער קינדער און בחורים – זענען דא פיל פיל פיל וויכטיגערע זאכן ווי שיקן יונגעלייט טעראריזירן מחללי שבת.

און צו לעצט, מיללער האט געפרעגט:
ברענגט עטוואס מער דעטאלן איבער 'די אנדערע ירושלימער אידן' רעדט מען פון פרומע אדער פרייע? וואס האלטן זיי איבער די גאנצע מדינה איידער די ''קרתא' מערכה?

מען רעדט דא פון אלע סארט פרומע: מאדערנע, ישיבה'שע, און בעיקר אמת'ע פרומע חרדי'שע אידן וועלכע זענען בשיטה קעגן א מדינה פאר דער גאולה שלימה.


צוריק צו “אידישע און וועלטליכע נייעס”