אבאמא נעמט אינטער נסיעה צו די מוסלומענער וועלט

[צייטליך]

איך האב געהערט א דריי-פערטעל דרשה. און איך האב זייער הנאה געהאט! חוץ ווען ער האט אנגעפאנגען צו רעדן פון די איראקער מלחמה (נו אוודאי דארט, כאדעך געוויסט...) ווי ער רייסט אראפ זיין אייגן לאנד פאר א גרופע אראבישע סטודענטן.

איך בין אום אבער דן לכף זכות אז בכדאי זיי זאלן נאכגעבן פון זייער אלטער מהלך מיז ער ווייזן פאר זיי אז ער ציעט אויך צוריק זיין לאנד'ס אלטע מהלך. אקעי.

איך האב זייער הנאה געהאט ווי ער איז מסביר פאר די אראבישע וועלט - ווי פאר א קליין - אז מיט קיין טעראר און אינטערדריקונג האט נאך קיינער נישט געווינען און עס לוינט נישט פאר קיינעם.

ער לייגט אראפ זייער קלאר די סעפטעמבער עלעווען אטאקעס און ווער ס'איז געשטאנען אינטער דעם און וואס אמעריקע האט געברויכט טוען דערפאר.

ער איז מסביר וואס די אידן האבן מיטגעמאכט ביים צווייטן וועלט קריג זייער לקאר און ברענגט ארויס זיין זייט לטובת מדינת ישראל און דערנאך די זייט פון פאלעטינע און שטעלט אראפ זייער א גראדער מהלך.

עקסטערע רייסט ער אראפ - טאקע דארט ביי די אראבער - איראן ווי משוגע ער איז, סיי מיטן לייקענען דעם צווייטן וועלט קריג, מיטן אינטערדריקן מענטשן, מיטן לאזן פאלן אנסי-סאמטישע לאוזונגען קעגן אידן און עקסטערע איבער זייער רייץ פאר נוקלארע וואפן.

ער רעדט זייער אפען און איך האלט אז די דרשה האט געמאכט אז אסאך אראבער זאלן טראכטן אז "מיר זענען גוט משוגע, פארוואס קענען מיר טאקע נישט זיין נארמאל? די חברה טעראריסטן מאכן דאך חרוב א וועלט"

עניוועי, זיי קענען אזוי טראכטן, אבער איינמאל זיי זאגן דאס ווערן זיי סייווי געלינטשט, אלזא, דארט בלייבט עס מייניך.

[חידוש נפלא]

געדולד קאלם דאון, די האסט בכלל נישט אנאלזירט די דרשה ווייל ווען יא וואלט נישט בייגעפאלן צו זאגן אז בוש וואלט געזאגט די זעלבע זאך, קודם כל קיין ווארט פון די שוידערליכע טעראריזם וואס די איסלאמער דארפן סטאפן (יא יא נישט יעדער עס איז אבער א מציאות וואס דער אבאמא האט נישט ארויפגעברענגט) האט ער בכלל נישט דערמאנט, אנשטאט האט ער זייער "שיייייייייןןןןן" גערעדט אז זיי דארפן סטאפן די....ווייעלענס וואס ער האט קלארגעשטעלט אז יעדער מאכט "ווייעלענס" אביסל די אראבישע וועלט, און אביסל די מערב וועלט, (אזוי שטעלט זיך ארויס פון זיין דרשה וואס ער האט צוזאמגעשטעלט די פראבלעמען פון די אראבישע וועלט מיט די מערב וועלט בחדא מחתא)

דאס נישט צו דארמאנען און זיך אומוויסנדיג מאכן איבער די שוידערליכע טעראריזעם פראבלעים, נאר פאר דעם ווייל ער וויל זיין "נייס"און מאכן א גיטן רושם ביי די אראבישע וועלט, איז נאך א באווייז אויף זיין נאיאיווקייט אין פאליטיק און ווי רוי ער איז דערין, מיינענדיג אז מיט זיידענע הענטשעך וועט ער אסאך אויפטוהן, (יא יא אויפטוהן דאס וואס קארטער- וואס האט שוין אויסגעטרייט מער ווייניגער זיינע טריקס- האט אויפגעטוהן...)

מען קען אויך ארומרעדן איבער די גרין לייט וואס דער האט געגעבן פאר איראן צו האבן נוקלעארע וואפן פאר פרידליכע צוועקן (אוי דער טי..ש פארשטייט נישט -בעסער געזאגט- ער מאכט זיך ווי ער ווייסט בכלל נישט וואס די צוועק פון איראן איז מיט די "פרידליכע וואפן" וואס קען בין יום ולילה ווערן איבערגעדרייט צו א מלחמה וואפן, (די שאק דערפון האט זיך שוין אנגעהויבן צוויי דריי טעג פריער ווען ער האט זיך שוין צולאזט מיט'ן זאגן אז עס איז נישט געפערליך אז איראן האט די נוקלעארע וואפן פאר..... "פרידליכע צווועקן" (כהאב אמאל געמיינט אז ער האט יא אביסל שכל)

בכלל איז נאך דא אסאך צו אנאליזירן איבער זיין דרשה איבער די חלקים וואס "ער האט נישט געזאגט" וואס ווען א עכטע פירער וואס פארשטייט אן עסק וואלט געהאלטן די רעדע וואלט ער נאך וויכטיגע זאכן דערמאנט.

לעצט פאראכטן דורך חידוש נפלא אום פרייטאג יוני 05, 2009 9:30 am, פאראכטן געווארן 2 מאל בסך הכל.

[וויכטיג מאכער]

האלאו, האב געדולד איין מינוט..

איך האב פונקט נעכטן נאכט געהאט א דיסקאשען מיט צייטליך, איבער די דרשה.. און איך וועל מוזן מודה זיין, אז די דרשה אליין, איז געווען גאנץ גוט, און מיינע פריערדיגע ווערטער, זענען געשריבן געווארן, ווען ער האט געהאלטן ביי די חלק פון די איראקע מלחמה, און אויף יענץ זאג איך נאך איין מאל "פוי"!!!... און הער עס איבער, וועסטו זעהן וואס איך מיין..

די עצם דרשה?.. נו, קיינער זאגט נישט אז אבאמא איז א שלעכטע רעדנער.. ער איז א בעסערע רעדנער ווי בוש.. אבער זיי מיר ביטע מסביר, פארוואס האט בוש געדארפט האלטן אזא דרשה?.. טאמער האלסטו, אז אזא דרשה, אינאיינעם מיט די 'בוש דאקטערין' ארבעטן צוזאמען, האסטו א גרויסן טעות.. אזא דרשה איז פונקט גוט פאר אבאמא, וואס האלט נישט ביים טוהן עפעס זאכליך, אויסער א דרשה..

צייטליך, הער אויף אריינצוהאקן..

חידוש, ריקדעך שוין..