אידישע וועלט פארומס

די רבי האט געזאגט, געענטפערט (אנהייב תשובות דברי יואל) אז עס גייט ארויף אויך אויף העכערע ענינים, מדת המלכות וכו' ממילא זאל מען עס וויטער זאגן

זארעך, מורא'דיג מורא'דיג שיין און קלאר ארויסגעברענגט (איך האף אז דאס וועט זיך נאך אויך מיטכאפן מיט'ן טראנספארט........)

* * *

אגב, עס איז נישט די מדינה, עס האט גארנישט מיט די ממשלה אדער מדינה, עס איז נאר די עירי', וואס איך פארשטיי אבער נישט פונקטליך איז, ווער איז די עירי' דארט ? דען נישט די פרומע אידעלעך וואס האבן אויפגעבויעט א גאנצער שטאט פון א פוסטער מדבר\וואלד ?

אבער א פרומער איד וואלט דאך דאס קיינמאל נישט געטוהן\געשיקט ?

יישר כח הרב זרח פאר די טייערע רייד.

הרב זארעך מה נאמר ומה נדבר, גערעכט גערעכט.

היות האסט בארירט דעם ענין, אז ע"פ הלכה איז נישט אויסגעהאלטן מלמד זכות צו זיין אויף רשעים, און אפשר גאר פארקערט א מצוה מלמד חוב צו זיין, העל איך מיר נישט טרויען צו זאגן קיין מיינונג אין דעם דארטיגן קאנפליקט, אבער ההכרך לא יגונה ארויס צו ברענגן אין קורצען אפאר נקודות אויף א רויען אופן אן קיין הסברים, והמבין יבין.

א' כלל ישראל אין ארץ ישראל האט אלע יארן געפירט מערכות למען קדושת ישראל אפצוראטעווען דאס אידישקייט, ווי חיטוטי שכבי, קדושת השבת, גיות בנות, וכו', דער מערכה דא איז אביסל אנדערש, עס באציט זיך איבער א לאט צו מען מעג דארט בויען אדער נישט.

ב' איך האב אמאל געהערט אויף א טעיפ פונעם אלטן תו"א רבי'ן זצ"ל, האט ער גערעדט איבער דעם וואס בחורים שטעלן זיך אויף די ראוד אונעם יום המר והנמהר ה' אייר, און מ'רייסט אראפ פענער פון קארס בשעת זיי פארן אדורך, האט ער פארפירט השמר והזהר א בחור זאל זיך דערוואגן עס צו טון.

ג' איך האב דאס שוין געברענגט אונעם פאריגן תגובה, אבער ס'שאט נישט נאכאמאל, אויף די נייעס באריכטן האט מען געמאלדן אז מ'גייט צוריק לייגן די טרעילערס, און די עריה גרייט זיך עס אראפ צו ווארפן, זיי האבן אפילו ארויס געשטעלט א ווארענונג אז מ'זאל נישט איבער לאזן דארט קיין טייערע חפצים, באופן כזה איז דאס צוריק שטעלן דארט די טרעילערס, א חלק פון מערכות למען קדושת ישראל??? איך ווייס נישט דעת בעה"ב היפך דעת תורה, אבער דאס זענען די פאקטן.

די פאקטן קומען פון וואו?

שרייב איבער וועלכע פון די פאקטן די רעדסט, העל איך דיר ענטפערן, מיין געדולד ערלויבט מיר נישט איבער צו שרייבן דעם גאנצען פאריגן תגובה.

זארעכ, נאך דיין תגובה קוק איך מיר שוין אן וואו א גאנצע ציוני פארן טראכטן אנדערש פארדעם,

אבאמא09 האט געשריבן:איך ווייס נישט דעת בעה"ב היפך דעת תורה, אבער דאס זענען די פאקטן.

אויף דעם באצי איך מיך, וואס איז די מקור צו די פאקטן.

ליינטס אביסעלע דא: http://www.bhol.co.il/forum/forum.asp?forum_id=3845 עס איז דארט דא א פאר געהענגעלעך איבער דעם נושא פון אלע קוק ווינקלען, איין זאך איז זיכער רעדענדיג מיט איטליכע נייטראלע איינוואוינער וואס וואוינען אין בית שמש נישט אין יענע געגענט, אז עס איז אין די מערכה אריין געמישט א היבש ביסל פאליטיק.

לכאורה ווי איך פארשטיי באציסטו דיך אויפן פאקט פון ג', די פאקט איז באריכטעט געווארן אויף קול מבשר, און אין אנדערע היימישע נייעס באריכטן.

ביקסאד;

אפשר געסטו פונקטליכע לינקים צו ספעציפישע אשכולות דארט, איך בין נישט אויסן זיך אויסצורייסן די אויגן אויף די טמא'נע שפראך על לא דבר.

זארעכ, איך וויל נישט אז די זאלסט מיינען אז איך מאך זיך נישט וויסענדיג פון דיין לענגערע תגובה.

וויסן זאלסטו אז א תגובה פון ווייסעך וויפיל קארעקטערס איז געוען אפגעשריבן דא די פארגאנגענע פרייטאג. ווען בעת מיר האבן צוגענדיג די תגובה איז מיין קאמפיוטער געווארן - אין די סאמע הייסטע טעג פון יאר - געפרוירן.

מיר האבן געמיזט ריסטארטן דעם קאמפיוטער און פארשטייט זיך אליינס אז דער תגובה איז אנגעקומען ערגעץ אין די הרי החושך ווי איך וויל נישט אליין גיין זיכן נאר מיט א גרופע שותפים.

מיין פונקט - גאר אין פיצי - איז געווען ארויסצוברענגען אז עס איז דא א חילוק פון מערכות א שטייגער ווי גיוס בנות, חילול קברים, די נישט-עטישע מארשן, אא"וו קעגן די מערכות פאר נישט-לעגאלע טרעילער'ס אין די צייט וואס עס איז דא הונדערטער געהעריגע לעגאלע בתי מדרשים, אדער ענליכע מעשיות ווי דאס.

הערמיך אויס, היינט האב איך נישט די נערווען פון פרייטאג, יעדער טאג איז א טאג פאר זיך. פארפאלן, יענער תגובה איז א פארלוירענער.

זארעכפעפער האט געשריבן:
קודם, ווי אויבן געזאגט, איר האט בלויז איין צד פון די מטבע. איך בין נאך גארנישט אזוי זיכער אז עס שטעקט נישט דערין עפעס א רשעות אדער א פריוואונג צו שטערן די חרדים.

דו האסט דאס אלעס גוט ארויסגעברענגט,
איך ברענג אראפ דעם ציטוט נאר די איינע שורה, וואס דו שרייבסט "אז עס שטעקט נישט דערין עפעס א רשעות" וכו'. וואס דו ביסט זייער גערעכט מיט דעם, ווי פאלגענד:

דער גאנצער טומעל מיט די מחאה פון די רבנים איז נישט געווען אזוי ווייט אויף די הריסת הטרעילער'ס, נאר דער הויפט פונקט איז קעגן די רשעות פון די שטאט פירער'ס, וואס די ערליכע אידן האבן אויסצושטיין פון זיי די לעצטע יארן, מיט דעם וואס זיי זענען זייער פאר'עקשנ'ט נישט צו לאזן בויען אין בית שמש בתי מדרשים און בתי כנסיות, ביטער שווער מיט די גרינע גאל קומט אן צו באקומען פון זיי א רשיון אויף א ביהמ"ד, מ'האט אויסצושטיין פון זיי צרות צרורות מיט שווערע תנאים, ווי: נאר אין טרעילער'ס, נאר צייטווייליג, נאר אויף איין זייט עס זאל חלילה נישט פאר'מיאוס'ן דאס שטאט עפ"ל, א.ד.ג.

דערפאר האבן זיי אויסגעפירט זייערע רשעות'דיגע ציל, און דערפאר זענען די רבנים ארויס קעגן זיי אויף בכלל דעם ענין פון שטערן בויען בתי מדרשים.

בקיצור, דאס אלעס ווערט ווי פארשטענדליך נישט באשריבן אין די צייטונגען, אוודאי נישט אין די פרייע צייטונגען, דאס זענען נאר מפה לאוזן ליודעי דבר,

לכן מהיום והלאה, ווען איר הערט עפעס איבערקערניש פון די חרדים, וואס צומאל קוקט דאס אויס ווי זיי זענען נישט גערעכט אינגאנצן, טוט זיי נישט דן זיין, ווייל נישט אלעמאל קען מען פארציילן דעם אמת וואס עס שטעקט דערין.

------------------------------------

אגב, אויבן האט איינער אראפגעברענגט פון שו"ת דברי יואל וועגן דינא דמלכותא דינא, אז דער רבי ז"ל שרייבט אז זיי האבן נישט קיין דינא דמלכותא. למעשה לויט ווי איך געדענק שרייבט דארט דער רבי ז"ל אז זיי האבן יא א דינא דמלכותא לגבי כמה פרטים ואכמ"ל. אבער עס האט נישט קיין שייכות צו די אויבנדערמאנטע.

אגב, האב איך אמאל געהערט אויף א טייפ ווי דער תו"א רבי זצ"ל זאגט בזה הלשון: דער סאקמער רב האט מיך כמה פעמים געזאגט, די נטורי קרתא מיינען אז ארץ ישראל באלאנגט צו זיי, זיי האבן אבער א גרויסן טעות, ארץ ישראל באלאנגט ליידער פאר די ציונים, און מיר זענען שבויים ביי די ציונים, מיר קענען נאר פאדערן די רעכטן וואס די שבויים קענען פאדערן, מ'זאל נישט שניידן אונזערע מתים, נישט נעמען אונזערע טעכטער אין מיליטער, נישט אויפגראבן די קברים, א.ד.ג.

------------------------------------

אויב מען רעדט שוין יא פון מחאות א.ד.ג. וויל איך צולייגן הערה קטנה,
אין מחזור דברי יואל יו"כ ברענגט ער דארט פון רבי'ן זי"ע, אז מען זעהט ביי דעם שעיר המשתלח האט מען ארויסגעפירט דעם שליח פון א זייטיגע טיר, ווייל די אידן פלעגן אים רייסן די האר ער זאל שנעלער גיין כדי צו צואיילן די כפרה פארן כלל ישראל, פרעגט דער רבי זי"ע לכאורה פארוואס האבן די חכמים נישט מוחה געווען אויף די אידן, עס איז דאך א חילול יו"ט צו רייסן האר, נאר וויבאלד די חכמים האבן געזעהן ווי שטארק עס טוט וויי פאר די אידן זייערע עבירות און ווארטן שוין אויף א כפרה, האבן די חכמים נישט מוחה געווען.
פירט אויס דער רבי זי"ע, דאס זעלבע קען מען זאגן א לימוד זכות פאר די ארץ ישראל'דיגע אידן, כאטש זיי זענען שרייען און זענען מוחה אויף חילול שבת, וואס איז לכאורה נישט אויסגעהאלטן, נאר וויבאלד עס טוט באמת וויי, דארף מען זיי לאזן, (עד כאן בערך, אין לי את המחזור תחת ידי).

בקיצור, איך האב געהערט פון די אלטע תלמידים פון רבי'ן זי"ע, אז דער רבי האט דאס געזאגט אויף "ווארפן שטיינער אום שבת ביי די מחאות אין ארץ ישראל" (נישט סתם אויף שרייען שבת, וואס איז בכלל נישט קיין צוגלייך צו דעם חילול יו"ט פון רייסן האר ביי דעם שעיר המשלח), נאר ווי פארשטענדליך קען מען דאך נישט שרייבן כאילו א היתר צו ווארפן שטיינער אום שבת, האבן זיי געשריבן "שרייען שבת".

(איך מיין איר קענט דאס איבערפרעגן ר' יחזקאל לויפער המו"ל המחזור הנ"ל).

אנטשולדיגט פאר די אריכות, און פאר דעם אריינמישן אין ענין אין צווייטן, איך געב גערן רשות פאר די מנהלים אראפצונעמען אדער צולייגן לויט ווי זיי פארשטייען, און אפילו אויסמעקן דאס גאנצע, איך בין נישט ברוגז.

לאמיר האפן מיר זאלן דאס יאר האבן א פרייליכע תשעה באב, אמן.

אשר, ס'שווער צו גלייבן אז עס זאל פאר איינעם באדערן אדער וועלן אראפנעמען פון אזא אינהאלטסרייכע תגובה. אדרבא, שרייב מער, איך זעה אז די ביסט שטארק באהאווענט דארט אינעם ענין, די ווייסט מער פרטים ווי אינז. מיר ווילן הערן.

דאס איז שוין חוץ די עטליכע ידיעות וואס מיר קענען אויך געניסן דערפון.

אשר טייערער, טייערע פערל ווערטער אין יעדע חלק פון דיין תגובה, עס איז נישטא קיין סיבה אפצוטיילן אדער מעקן.

ברוכים הבאים הרב ר' אשר שליט"א מארץ הקודש. וברוך שכיוונתי בדברי.

פון אייער אינהאלטפולע תגובה וואלט איך געזאגט אז איר זענט א מבין כתב מתוך כתב... בשעת'ן שרייבן מיין תגובה, איבער די מחאות לגבי חילול שבת ואבזרייהו, איז מיר געלעגן אין קאפ דאס ווארט פון רבי'ן. ליידער, ליידער, ווי א חסיד שוטה האב איך בלויז געדענקט דעם חלק הסיפור דערפון און נישט די דברי תורה, דעריבער האב איך דאס נישט מעתיק געווען.

דאס ווארט האט דער רבי געזאגט מוצאי יוה"ק תשכ"ג. געווען איז דאס בשעת דער רבי איז אריינגעקומען צום טיש, און דער רבי האט געמערקט אז ס'האט זיך געטוהן פאר דעם א שטיקל וויכוח צווישן עולם. דער רבי האט געפרעגט: "נו?" כלומר, פון וואס האט מען גערעדט. האט מען אים געזאגט אז מ'האט ארום גערעדט איבער די מחאות למען השבת, צי ס'איז אויסגעהאלטן צי נישט. אויף דעם ארויף האט דער רבי, אויפן פלאץ, געזאגט דעם אויבנדערמאנטן ווארט וואס איר האט מעתיק געווען. ותשוח"ח למעכ"ת.
*

יא, די תשובה אין דברי יואל האב איך אפיר געזוכט, און איך האב דאס שוין געהאט יענע וואך פארצייכנט ביי מיר בכדי דאס מעתיק צו זיין. דער טויש דא, האט מיר פשוט פאראורזאכט שכחה...

ס'איז אין תשובת דברי יואל, חאו"ח סי' ל', אות ז'. דער רבי ענטפערט אים אז מ'קען עס זאגן מחמת ג' טעמים.

א] ווייל דער נוסח 'ותטה לב המלכות עלינו' איז נישט מיוסד געווארן צו זאגן פאר א געוויסע מדינה, שטאט אדער יחיד. דאס איז א נוסח וואס מ'האט מתקן געווען פאר גאנץ כלל ישראל, און רוב ישראל זענען דאך תחת האומות.

ב] ווייל כאטש מדינא האבן זיי טאקע נישט קיין דין מלכות, אבער מיר געפונען אין די גמרא, אין סנהדרין, "חוצפא מלכותא בלא תגא היא". משמע, אז אפי' מדינא האט דאס נישט א דין מלכות, מחמת חוצפתם, עם כל זה וויבאלד מכח חוצפתם זענען זיי די מושלים האבן דאס חז"ל אנגערופן מלשון מלכותא.

דער רבי פירט דארט אויס נאך א לענגערן ביאור:
וא"כ גם אותה מלכות המינות שעכשיו בא"י בעו"ה, יען שעושין מעשיהם כמלכי עכו"ם המקולקלים וביד חזקה וחוצפה נוראה, אין זה שקר אם קוראין אותה מלכות ע"ש מעשיהם אף שאינו מן הדין לא מיניה ולא מקצתי'.

ג] אזוי ר' ליפא האט אויבן מעתיק געווען. דער "ותטה לב המלכות" באציט זיך אויף מדת מלכות עליונה, כידוע ליודעי חן.

דער רבי פירט דארט אויס: "אבל בודאי יש בזה סוד כמוס כאשר היא בכל התפלות שנתיסדו ברוה"ק, ואנחנו לא נדע אלא אומרים על דעתם וכוונתם ואין לשנות מדבריהם".

אלנספאל א יישר כח פאר ר' אשר'ן, וועלכער האט אונז מהנה געווען מפרי עטיו. וכן נקוה להלאה.

אכן נודע הדבר!

צום המשך פון מיין פריעריגע הערה, וועגן די הפגנות אין בית שמש, אז עס האט געשטעקט אין דעם אן אנדערע באדייט.

די מיידל סקול "בנות ירושלים" (און נאך אפאר מוסדות) פירט אן שוין א לאנגע צייט א קאמפ מיט די עריה, צו באשטעטיגן פאר זיי א שטח צו בויען א בנין, און ווי פארשטענדליך די רשעים האבן בשום אופן נישט געוואלט צוזלאזן אז די קדושה זאל זיך צושפרייטן, בקיצור נאך די אלע איבערקערנישן האבן זיי בלית ברירה מסכים געווען, און די וואך איז דאס באשטעטיגט געווארן.

איך ברענג אראפ דא א קליין ציטוט פון א שרייבער וועלכער האט באשריבן דעם גאנצן ענין פון בנות ירושלים, בין הדברים שרייבט ער אז דאס איז געווען דער גאנצע מטרה מיט די הפגנות.

וז"ל: ועכשיו כבר יכולים לספר, שכל ההפגנות שהיו אחרי הריסת בתי הכנסת היו בעצם דרישה חד משמעית ש"בנות ירושלים" תקבל שטח, בסיכומים שהיו עם העירייה אחרי ההריסה המתוקשרת היו רק בנושא ההקצאה לבנות ירושלים, עכ"ל.

(איבערזעצונג אויף אידיש: אצינד קען מען שוין פארציילן, אז די אלע הפגנות וועלכע זענען געווען נאכן צוברעכן די שוהל'ן, איז דער עיקר געווען צו פאדערן אויסדריקלעך אז "בנות ירושלים" זאל באקומען א שטח, און די פארהאנדלונגען וואס זיי האבן געהאט מיט די עריה נאכן דעם צוברעכן די שוהל'ן איז געווען נאר אין דעם נושא פון באשטימען א ארט פאר בנות ירושלים).

א גוט יאר.

ר' זארעך ידידי,

זאלסט נישט מיינען אז איך האב ביז היינט נישט געלייענט דיינע לאנגע תגובות דא, נישט נאר וואס איך האב זיי געלייענט מיט הנאה האב איך אויך געהאט וואס מגיב צו זיין כדרכו של קרעטשמע זה בונה וזה סותר, אבער דא אין די נושא האב איך איינגענומען א שווייגעניש איינזעענדיג אז דאס קען אריינגיין אין די קאטעגאריע פון דברים שהשתיקה יפה להן.

יעצט אז ר' אשר מיקירי קרתא דשופריא האט ארויסגעברענגט די פרטי הדברים אויפן אויבערפלאך, זעה איך אז אלו ואלו דברי אנשים חיים, דאס הייסט אין טעאריע ביסטו זארעך כשר גערעכט אז די רשעים פארדינען נישט א נדנוד של לימוד זכות און אוודאי נישט קיין שטיצע אין זייער ארבעט לעקור את הדת, עס איז אן קיין פראגע, אז זייער הויפט ציל און פון זייער שטערקסטע מאטיווען בניהול העיריה והמדינה איז אונטערצודריקען די חרדים להיות ככל הגוים בית ישראל עפ"ל.

אבער פון די צווייטע זייט פון די מטבע זענען ערליכע אידן מצווה מקבל צו זיין דעם עול הגלות בכל מקומות מושבותיהם, אין וועלכע וועג אדער פארעם עס איז אויסגעשטעלט, צו צווישן גוים אדער צווישן מענטשן מזרע ישראל וועלכע האבן פורק געווען עול הגלות, יא דער רבי האט געזאגט אז מ'ברויך נישט מוחה זיין קעגן די וואס טוען שלא כדין אבער זענען זיי גערעכט?

און דאס איז געזאגט ביי א פירצה פון חילול שב"ק אדער אנדערע פירצות, ווער רעדט ווען זיי פארלאנגען בירגער-רעכטן אדער פריוועליגיעס וואס די שונאי הדת ווילען זיי נישט געבן, זענען זיי בארעכטיגט צו גיין בכח הזרוע און שטירצן די רעגירונג? איז דאס אין איינקלאנג מיט שלא ימרדו באומות?

דא אין אמעריקא ווי די רעגירונג אין געוויסע געגנטן (אפסטעיט ניו יארק לדוגמא) איז קלאר אקעגן די וואוקס פון חרדישע אידן, איז אויסגעהאלטן צו גיין און טאן שלא כרצונם אין בויען א ביהמ"ד אין די קעטסקילס און קיין אפראוועל? איך האב שוין נישט איימנאל געהערט ווען די לאקאלע רעגירונגען האבן אומגעווארפן גאנצעטע באנגעלוי-קאלאניס ווייל עס איז נישט געווען לויט די 'קאוד' זענען די איינוואונער בארעכטיגט מוחה צו זיין און שטערן די יום-יומיותדיגע רעגירונג אקטיוויטען דורך אויסגיסן די מיסט-קאסנטס אדער זיי אונטערצינדן און אנזייען כאאס?
______
פאר די וואס האבן געפרעגט ווער די עיריה איז און פארוואס די חרדים האב נישט די כח הבחירות, איז דא צוויי תירוצים, איינס ווער עס ווייסט איז בית-שמש געגרינדעט געווארן דורך חילונים, און די ערשטע פריאעקטן באלאנגען פאר זיי, לימים האבן די חרדים געעפנט די צווייטע פאזע פון בית-שמש וואס ווי פארשטענדליך האבן זיי געשטעלט א געפאר איבערצונעמען א מאיאריטעט פון די באפעלקערונג (איך ווייס נישט וויאזוי די דעמאגראפיקס זענען היינט צוטאג)

די צווייטע סיבה איז אז וויבאלד א גרויס חלק חרדים דארט זענען פון די קאנאישע לאגער וועלכע נעמען נישט אנטייל אין בחירות העיריה.

____

ר' אשר,
זענען די קנאים אין בית-שמש אנגענומען אלס מער אגרעסיוו ווי די בני-ירושלים? אזוי האב איך געהערט וויילענדיג אין אר"י אז זיי ווערן באצייכנט אלס די עקסטרעמסטע פארעם פון קנאים אפי' דורך זייערע קאלעגעס אין ירושלים עיה"ק.

____

השי"ת ישבור עול הגוים ועול הגליות מעל צאוורינו ויוליכנו מהרה קוממיות לארצינו.

מיללער האט געשריבן:דא אין אמעריקא ווי די רעגירונג אין געוויסע געגנטן (אפסטעיט ניו יארק לדוגמא) איז קלאר אקעגן די וואוקס פון חרדישע אידן, איז אויסגעהאלטן צו גיין און טאן שלא כרצונם אין בויען א ביהמ"ד אין די קעטסקילס און קיין אפראוועל? איך האב שוין נישט איימנאל געהערט ווען די לאקאלע רעגירונגען האבן אומגעווארפן גאנצעטע באנגעלוי-קאלאניס ווייל עס איז נישט געווען לויט די 'קאוד' זענען די איינוואונער בארעכטיגט מוחה צו זיין און שטערן די יום-יומיותדיגע רעגירונג אקטיוויטען דורך אויסגיסן די מיסט-קאסנטס אדער זיי אונטערצינדן און אנזייען כאאס?

הרב מיללער,

'קאוד' דא מיינט מערסטע מאל 'זיכערהייט', אז מען ציווארפט א בנין איז ווייל עס איז סכנה'דיג.
פאר אימלעגאל ניצען א בנין וואס איז למשל געבויט מיטען 'קאוד' פאר א דירה, און מעניצט עס פאר א ביתמעדרעש, וואס דאס הייסט א פאבליק פלאטץ, און עס פארלאנגט זיך מער זיכערהייט, מער טורען פארען עולם ארויסציגיין און פאל פון א פייער, וכדומה, פאר דעם ציווארפט מען דא נאך נישט.
מען געט א קארט ארדער אז עס איז פארבאטען צי נוצען, אדער דער שעריף שטעלט ארויף א שלאס.

נאר דארט הערט מען פון איינווארפען.
און דאס איז נישט נאר בתי מדרשים, הייזער אויכעט.

פאר צוויי יאהר חנוכה האט מיר מיין זון געוויזען אונעם זכרון משה געגענט און ירושלים, א הויז וואס די עירי' האט איינגעווארפען, און מיט דעם זענען דריי פאמיליעס מיט וויפיל קינדער געבליבען היימלאז.
דער גאנצער חטא פונעם בעל הבית איז געווען אז ער האט עפעס פארראכטען און נישט געקריגען א פערמיט.
און דער בעל הבית האט אפילו נישט דארט געוואוינט און דעם הויז.
פארדעם ווארפט מען שון איין דאס גאנצע?

[מערקווירדיג איז, אז אויף ציווארפען הייזער פון פאלעסטינער וואס טוהן טעראר אקציעס, אויף דעם האט מען גאנצע דעבעיטס]

דא און אמעריקא אדער עני דעמאקראטישע לאנד, טוט מען אזוינעס נישט.
ווער זאגט נאך א רעליגיעזע מקום.

ווער געדענקסט נישט מיט א פאר יאהר צירוק ווען עטליכע פאלעסטינע, וואס מעהאט זיי געוואלט פארהאלטען [און נישט ווייל זיי האבען נישט געלייגט ר"ת תפילין] האבען זיי זיך אריינגעכאפט און דעם גרויסען באוויסטע קירכע און בית לחם, און די ישראלישע מיליטער איז געשטאנען און באלאגערט פון דעראויסען און האבען זיך נישט דערוואגט אריינגיין זיי צי כאפען.

אנדערשט אבער, ווען זיי זענען נאכגעלאפען נאך יודען און מאה שערים, האבען זיי נישט געהאט קיין פראבלעם אריין קומען און בית מדרש מיט א רציחה אוויא מעקען זעהן אויף פארשידענע ווידיאס אויפען וועב.

דער דובעל סטענדערט איז גאר שטארק בולט.

אז זיי האנדלען אוויא חיות, נאטינג ראנג וויט גיווינג בעק דע סעים מעדעסין

מיי אפיניען אנלי!

מיללער האט געשריבן:השי"ת ישבור עול הגוים ועול הגליות מעל צאוורינו ויוליכנו מהרה קוממיות לארצינו.

ר' שמחה האט געשריבן:אז זיי האנדלען אוויא חיות, נאטינג ראנג וויט גיווינג בעק דע סעים מעדעסין

ר' שמחה,
יו אר מיסינג מיי פאונט, זיי זענען רשעים און רוצחים, אבער דער איז "סאמטינג ראנג וויט גיווינג בעק דע סעים מעדעסין" אין מיי אפיניאן.

ר' מיללער,
האמער פשוט א חילוקי דעות צו tit for tat איז א ריכטיגער מהלך צו נישט..

כעל מיך נישט אריין שטעקן די נאז בין הני תרי, אבער ר' שמחה זאגט "נאטינג ראנג וויט גיווינג בעק דע סעים מעדעסין" אונז זעמיר אידן וואס היטן די תורה און זיי נישט, קוצר דעתי זאגט מיר אז אונז טארן נישט נוצען זייער מעדעצין, אויב יא ווער מיר און איין הינזיכט דומה צו זיי.