@אידישליך: נייעס און באריכטן

[אידישליך]

די ווייסע הויז זאגט אז נאכן טעסטן נעגאטיוו, האט ערשטע פרוי דזשיל ביידען ווידעראמאל געטעסט פאזיטיוו פאר קאוויד.

IMG_20220824_132032_989.jpg (100.88 KiB) געזען 9790 מאל

[אידישליך]

א שיסעריי איז פארגעקומען אויף די גאס אין וואשינגטאן די.סי. אין וועלכע 2 זענען אומגעקומען און נאך 2 זענען פארוואונדעט געווארן.

דעטאלן איבער די שיסעריי איז דערווייל נישט באקאנט.

[אידישליך]

די יוסטיץ דעפארטמענט האט ארויסגעגעבן די פולע 2019 מעמארענדום וועלכע האט אונטערגעשטיצט דאן אטורני דזשענעראל ביל באר'ס באשלוס נישט אנצוקלאגן פרעזידענט טראמפ אויף אבסטראקשן אוו דזשאסטיט אין די מולער אויספארשונג.

פולע מעמא

[אידישליך]

די סענאט דזשודישיערי קאמיטע האט געמאלדן אז זיי וועלן אפהאלטן א היערינג אום סעפטעמבער 13 וואו פיטער זעטקא וועט אויפטרעטן איבער זיינע וויסלבלויער באשולדיגונגען איבער טוויטער.

IMG_20220824_165229_841.jpg (64.73 KiB) געזען 9089 מאל

[אידישליך]

היינט זענען אנגעקומען קיין ניו יארק פרישע 5 באסעס פון אימיגראנטן פון טעקסאס, די מערסטע אין איין טאג, ברענגענדיג די ציפער פון אימיגראנטן וואס זענען אנגעקומען פון טעקסאס קיין ניו יארק צו איבער 1000.

נעכטן האט טעקסאס גאווערנער עבבאט פובליצירט אן אפ-עד אין די ניו יארק פאוסט אונטערן קעפל: "עריק עדעמס [קען] בלויז רעדן ווען עס קומט צו 'אפענע' גרעניצן".

[אידישליך]

פאקס באריכטעט אז דעמאקראטישע דזשארזשיע גאווערנער קאנדידאט, סטעיסי עבראהאמס האט באקומען $150,000 אין איינקונפט פון א קארפאראציע 'דריעם פראדזשעקט פארטנערס', אין וועלכע זי איז אנגעבליך א בארד מיטגליד און א שערהאלדער.

די קארפאראציע פארמאגט נישט קיין שום אנליין רעקארד אדער אינפארמאציע, חוץ אז עס איז געעפענט געווארן אין דעלאווער, וואס ארטיגע געזעצן מאכן גרינג צו באהאלטן אינפארמאציע און דעטאלן פון ווער עס שטייט דערונטער.

[אידישליך]

די אָוואַלדי סקול בארד האט היינט געשטימט צו אפזאגן די דיסטריקט פאליציי טשיף וועלכער איז געווען פאראנטווארטליך פאר די פאליציי רעאקציע צו די שוידערליכע שולע שיסעריי 3 מאנאטן צוריק.

[אידישליך]

3 אמעריקאנער סאלדאטן זענען לייכט פארוואונדעט געווארן פון א ראקעטן אטאקע דעם מיטוואך פון איראנע געשטיצטע גרופעס אויף זייער באזע אין סיריע, אין רעאקציע צו די אמעריקאנע לופט אטאקעס אויף זייערע בונקערס.

[אידישליך]

רוסישער פרעזידענט פוטין האט אונטערגעשריבן א דעקרעט צו אויסברייטערן די מיליטער מיט פרישע 137,000 סאלדאטן, ברענגענדיג צו א טאטאל פון 1.15 מיליאן קאמפס גרייטע סאלדאטן.

[אידישליך]

די זאפארזשיע נוקלעארע פלענט איז צייטווייליג אפגעהאקט געווארן פון די אוקריינישע עלעקטריק גריד, צום ערשטן מאל אין היסטאריע, פירענדיג צו מאסיווע בלעק אַוטס אין מערסטנס טיילן פון די רוסישע אקופירטע טעריטאריעס אין דרום אוקריינע.

די אוקרייניע ענערגיע אגענטור זאגט אז די פלענט האט אבער נאך אלץ באוויזן צו אנהאלטן די וויכטיגע סיסטעמען ווייטער צו ארבעטן און פארמיידן א נוקלעארע קאטאסטראפע, בעפאר אינדזשענירן האבן באוויזן צו פאררעכטן די פאוער ליינס און עס האט צוריק אנגעהויבן ארבעטן געהעריג.

[אידישליך]

די מיליטער אין מיאנמאר האט ארעסטירט די געוועזענע ארטיגע בריטישע אמבאסאדאר און איר מאן, אנגעבליך צוליב וואס זיי האבן פארלעצט אימיגראציע געזעצן.

[אידישליך]

די היימלאנד זיכערהייט דעפארטמענט האט אפיציעל אפגעשלאסן די 'דיסאינפארמאציע איבערזיכט בארד', עטליכע מאנאטן נאך וואס עס איז אפגעשטעלט געווארן נאך וואס עס האט געשאפן קאנטערווערסיע.

[אידישליך]

2 פלארידע איינוואוינער האבן זיך דערקלערט שולדיג אין פארבינדונג מיט די טאגבוך און נאך עטליכע זאכן וואס די יוסטיץ דעפארטמענט זאגט אז זיי האבן גענומען פון א היים אין פלארידע וואו עשלי ביידען, טאכטער פון פרעזידענט דזשאו ביידען, האט זיך געהאט אויפגעהאלטן, און איבערגעגעבן צו די קאנסערוואטיווע גרופע פראדזשעקט וועריטאס.

לויט די יוסטיץ דעפארטמענט האט פראדזשעקט וועריטאס זיי אנגעטראגן $20,000 פאר יעדע זאך וואס זיי האבן געברענגט, און זיי געבעטן צו צוריקגיין זעהן אויב זיי קענען נעמען נאך זאכן.

די FBI האט מיט עטליכע מאנאטן צוריק געעפענט אן אויספארשונג איבער וויאזוי די טאגבוך איז אנגעקומען צו די מידיע, און איז איבערגעפאלן די הויפטקווארטיר פון פראדזשעקט וועריטאס אין ניו יארק. וועריטאס האט אבער גע'טענה'ט אז זיי האבן דאס באקומען לעגאל.

די 2 האבן זיך דערקלערט שולדיג אויף איין קלאגע פון 'קאנספיראציע צו באגיין אינטערסטעיט טראנספארטאציע פון גערויבטע חפצים', און שטייען אויס א מאקסימום טורמע טערמין פון 5 יאר. זיי האבן געגעבן פאר די יוסטיץ דעפארטמענט די געלט וואס זיי האבן געמאכט.

[אידישליך]

א פעדעראלע ריכטער האט פארארדענט די יוסטיץ דעפארטמענט ארויס צו לייגן די רעדאקטירטע ווערסיע פון די מאר-א-לאגא עפידעיוועט, מארגן, פרייטאג.

דאס קומט עטליכע שטונדן נאך וואס די יוסטיץ דעפארטמענט האט אריינגעגעבן די רעדאקטירטע ווערסיע צום געריכט.

IMG_20220825_155121_322.jpg (67.81 KiB) געזען 5083 מאל

[אידישליך]

רעפובליקאנער סענאטאר פון טענעסי, מארשע בלעקבורן, א מיטגליד אין די סענאט ארמד סערוויס קאמיטע, האט געלאנדעט אין טייוואן פאר א באזוך.

[אידישליך]

מאדערנע האט אנגעקלאגט פייזער און זייער שותף ביאנטעק (BioNTech), זאגענדיג אז זיי האבן גע'גנב'ט זייערע mNRA טעכנעלאגיע ביים ערצייגן זייער קאוויד וואקסין.

[אידישליך]

די יוסטיץ דעפארטמענט האט ארויסגעשטעלט די רעדאקטירטע ווערסיע פון די מאר-א-לאגא עפידעיוועט.

פולע עפידעיוועט

[אידישליך]

פאקיסטאן האט דערקלערט א נאציאנאלע עמערדזשענסי אין ליכט פון גאר שווערע פארפלייצונגען אין וועלכע איבער 1000 זענען שוין אומגעקומען און ארום 30 מיליאן בירגער זענען אפעקטירט געווארן.

[אידישליך]

מעטא (פעיסבוק) CEO מארק זאקערבערג אין אן אינטערוויו מיט דזשאו ראוגען זאגט אז די FBI האט זיי געווארענט איבער רוסישע פראפעגאנדע וואס קומט, בעפאר די נייעס איבער די האנטער ביידען לעפטאפ איז ארויס צו די גאס, און אז זיי האבן רעדוצירט צו וויפיל מענטשן די פאוסט זאל דערגרייכן.

[אידישליך]

אנגעהויבן סעפטעמבער 2 וועט מען מער נישט קענען באשטעלן פרייע קאוויד טעסטס אויף די ביידען אדמיניסטראציע'ס וועבזייטל צוליב א מאנגל אין סופליי.

[אידישליך]

א פעדעראלע ריכטער אין טעקסאס האט געאורטיילט אז אן ארטיגע געזעץ וועלכע פארבאט מערסטנס ערוואקסענע אונטער 21 צו טראגן ביקסן אינדרויסן פון זייערע היימען פארלעצט די צווייטע אמענדמענט רעכטן.

[אידישליך]

אילאן מאסק מעלדט אז די צווייטע ווערסיע פון די 'סטארלינק' סעטעלייטס וועלן קענען צושטעלן סערוויס גראד צו געהעריגע סעלפאונס, וועלכע וועט עלימינירן "טויטע-זאנעס" וואו ס'איז נישט פארהאן קיין סעלפאון סערוויס ארום די וועלט.

די פרישע סעטעלייטס, וועלכע פארמאגן גאר גרויסע אנטענעס, וועלן נוצן א טייל פון טי-מאביל'ס מיטעלע-פריקווענסי ספעקטרום צו שיקן די סיגנאלן, בעיקר פאר פארשטופטע ערטער.

[אידישליך]

א העקער גרופע האט געשטעלט צום פארקויפן נאטא מיליטערישע דאקומענטן, אריינגערעכנט בלופרינטס פון וואפן. די העקערס פארקויפן די 80 גיגאבייט פון סחורה וועלכע זיי האבן גערויבט פון די פראנצויזישע 'MBDA מיסל סיסטעמס' פירמע דורך א הארד-דרייוו אין איטאליע, פאר 15 ביטקוין (בערך $273,000).

די פירמע באשטעטיגט אז זייערע דאקומענטן זענען צווישן גערויבטע סחורה, אבער זאגט אז גארנישט דערפון איז קלאסיפיצירט.

[אידישליך]

אין די יעצטיגע טעג קומען פאר פובליק היערינגס קעגן די MTA פלאן פאר 'קאנדזשעסטשאן פרייסינג' טאל וועלכע רוקט זיך פאראויס, וואו קארן וועלן דארפן צאלן טאל בלויז פארן אריינקומען אין מאנהעטן, געוואנדן לויט די צייט און גרויסקייט פונעם קאר.

העכער 23,000 אובער דרייווערס האבן אונטערגעשריבן אן אימעיל צו די MTA צו פראטעסטירן די פלאן וואס וועט זיי שטארק אפעקטירן, נאך וואס די MTA האט געזאגט אז זיי וועלן מאכן גרינגער פאר אובער דרייווערס און זיי שטעלן די ערשטע אויף די ליסטע צו ווערן סיטי באס דרייווערס.

[אידישליך]

א פרישע גאללאפ אנקעטע צייגט אז פרעזידענט ביידענ'ס צופרידענהייט ראטע איז ארויף מיט 6% און שטייט ביי 44% פראצענט צופרידן און 53% נישט צופרידן, די העכסטע אין א יאר צייט.