@אידישליך: נייעסן און באריכטן

[אידישליך]

סטעיטמענט פון פרעזידענט ביידען און סעקרעטערי אוו סטעיט ענטאני בלינקען איבער די אורטייל:

IMG_20220804_170536_519.jpg (93.37 KiB) געזעהן 3319 מאל

IMG_20220804_170637_228.jpg (97.56 KiB) געזעהן 3319 מאל

[אידישליך]

וואל סטריט זשורנאל: די פענטאגאן האט אפגעשטיפט א געפלאנטע רוטינע אינטערקאנטינענטל באליסטישע מיסיל טעסט צו פארמיידן מיספארשטענדענישן אין ליכט פון אנגעצויגענע סיטואציע צווישן כינע און טייוואן.

[אידישליך]

די דזשורי אין די אלעקס דזשאונס דעפעמעישן פראצעס האט געאורטיילט אז דזשאונס דארף באצאלן איבער 4 מיליאן דאלער פאר די פאמיליעס פון סענדי הוק באטראפענע פארן אנרופן די שיסעריי א 'האוקס'.

[אידישליך]

ביי א ווייסע הויז פרעסע בריעפינג האט דזשאן קירבי געזאגט אז פארטיידיגונגס סעקראטאר אויסטין האט פארארדענט די עיר קרעפט קעריער ראנעלד רעיגען סטרייק גרופע צו פארבלייבן אינעם ראיאן, נאך וואס "כינע האט אויסגעקליבן צו איבער-רעאגירן צו פעלאסי'ס באזוך אין טייוואן".

[אידישליך]

4 מענטשן זענען האספיטאליזירט געווארן אין א קריטישע צושטאנד נאך וואס זיי זענען באטראפן געווארן פון א בליץ אין לאפאיעט סקווער נעבן די ווייסע הויז.

פאקס וועטער קעמרע סקרינשאט

IMG_20220804_211622_898.jpg (23.59 KiB) געזעהן 2870 מאל

[אידישליך]

דעמאקראטישע סענעטאר סינעמע פון אריזאנע האט געמאלדן אז זי שטיצט די דעמאקראטישע 'אינפלאציע רידאקשן אקט' נאך וואס מען האט ארויסגענומען פארשידענע זאכן וואס זי האט פארלאנגט.

IMG_20220804_212442_802.jpg (81.47 KiB) געזעהן 2858 מאל

[אידישליך]

טראמפ געשטיצטע קאנדידאט קערי לעיק, האט געוואונען די רעפובליקאנער אריזאנע גאווערנער פריימערי פארמעסט, באזיגנדיג דעם פענס געשטיצטע קערין טעילאר-ראובסאן.

[אידישליך]

מדינת ישראל מיליטער האט אנגעהויבן א פרישע מיליטערישע אפעראציע גערופן 'עלות השחר', קעגן די איסלאמישע דזשיהאד גרופע.

דאס קומט נאך וואס מדינת ישראל האט פריער אין וואך ארעסטירט איינע פון אירע פירער, און די טעראר גרופע האט געשיקט מערערע סטראשונגען איבער א פרישע קריג.

דורכאויס עטליכע לופט אטאקעס האט די מדינת ישראל'ישע מיליטער באוויזן צו אומברענגען א הויעכראנגיגער קאמאנדיר פון די איסלאמישע דזשיהאד, טייסיר על-דזשאבארי, און לויט די פאלעסטינער געזונטהייט מיניסטעריום זענען שוין 8 אומגעקומען און 44 פארוואונדעט געווארן אין די אטאקע.

מדינת ישראל האט געהעכערט די אלערט שטאפל און געווארנט אירע בירגער צו זיין גרייט אויף מעגליכע אריינקומענדיגע ראקעטן פון עזה.

[אידישליך]

כינע האט געמאלדן אז אין ליכט פון פעלאסי'ס באזוך אין טייוואן, האבן זיי סוספענדירט קאאפעראציע מיט אמעריקע אויף א רייע טעמעס, און אזוי אויך ארויפגעלייגט סאנקציעס אויף ספיקער פעלאסי און איר נאענטע פאמיליע.

[אידישליך]

די אמעריקאנער דזשאב מארקעט האט צוגעזעהן פארלאפענע מאנאט פרישע 528,000 דזשאבס, אסאך העכער ווי ערווארטעט, און די ארבעטסלאזיקײט ראטע איז געפאלן צו 3.5%.

[אידישליך]

אן עלטערע פארפאלק פון וויסקאנסין זענען אומגעקומען און נאך 2 זענען אין א קריטישע צושטאנד נאכן באטראפן ווערן נעכטן פון די בליץ אין לאפאיעט סקווער.

[אידישליך]

טערקישער פרעזידענט ערדואן האט זיך היינט געטראפן מיטן רוסישער פרעזידענט פוטין אין סאטשי, רוסלאנד.

רוסישער דעפיוטי פרעמיער מיניסטער זאגט אז ביי די זיצונג האבן די צוויי באשלאסן אז טערקיי וועט אנהייבן טיילווייז צאלן אין רובל פאר רוסישע גאזאלין סופליי קיין טערקיי.

היינט ביי די זיצונג

IMG_20220805_132831_899.jpg (78.43 KiB) געזעהן 2154 מאל

[אידישליך]

א פעדעראלע ריכטער האט פאראורטיילט א מאן פון וועסט ווירדזשיניע צו 3 יאר טורמע נאך וואס ער האט געשיקט אימעילס מיט טויט סטראשונגען צו דר. פאוטשי און אנדערע באאמטע.

[אידישליך]

א באראזש פון ראקעטן איז געקומען צו פליען פון עזה אויף מערערע געגנטער אין ארץ ישראל.

[אידישליך]

רוסישער אויסערן מיניסטער סערגעי לאווראוו האט היינט געזאגט אז רוסלאנד איז גרייט צו אפהאלטן געשפרעכן מיט אמעריקע איבער אן ארעסטאנטן אויסטויש מיט שפילערין גרינער וועלכע איז נעכטן פאראורטיילט געווארן צו 9 יאר טורמע, אבער בלויז דורך דיפלאמאטישע קאנאלן וועלכע איז געווארן באשטימט דורך די פרעזידענטן, און נישט אין פובליק.

[אידישליך]

אילאן מאסק אין זיין קאנטער אנקאלאגע באשולדיגט ער טוויטער אין מיס-רעפרעזענטירן זייער עכטע באנוצער באזע אים צו ארייננארן און העכערן זייער ווערד, און נאכדעם 'שפילן באהאלטן' מיט אים ווען ער האט פרובירט צו באקומען מער אינפארמאציע.

ער געבט אן אז ביי אנהייב יולי זענען א פולע דריטל פון די אקטיווע אקאונטס וואס טוויטן געווען פאלשע אקאונטס, און אז טוויטער האט 65 מיליאן באנוצער ווייניגער ווי די 238 וואס זיי האבן אנגעגעבן.

אויך געבט ער אן אז בלויז 16 מיליאן באנוצער זעהן די אדווערטייזמענטס אויף טוויטער.

[אידישליך]

7 ערוואקסענע און 3 קינדער זענען אומגעקומען אין א שרעקליכע פייער היינט פארטאגס אין א הויז אין פענסעלוועניע. א קרימינאלע אויספארשונג איז געעפנט געווארן.

[אידישליך]

די דזשורי האט באפוילן אלעקס דזשאונס צו באצאלן 45.2 מיליאן דאלער שטראף געלטער פאר די פאמיליע פון א קינד וועלכע איז אומגעקומען אין די סענדי הוק שולע שיסעריי.

[אידישליך]

איבער שבת זענען העכער 400 ראקעטן אריינגעשאסן געווארן דורך טעראריסטן פון עזה.

די כיפת הברזל אנטי-ראקעט סיסטעם האט אראפגעשאסן 95% פון די ראקעטן וועלכע זענען געפלויגן צו באוואוינטע ערטער. עס זענען נישט באריכטעט געווארן קיין פאטאליטעטן.

[אידישליך]

עטליכע פון די ארויסגעשאסענע ראקעטן האבן אויפגעריסן ביים ארויסשיסן, אומברענגענדיג עטליכע פאלעסטינער, אריינגערעכנט קינדער.

לויט באריכטן פון עזה האט א מדינת ישראל'ישע לופט אטאקע אין א פלטים לאגער אומגעברענגט 7 ציווילע, אריינגערעכנט קינדער, און בילדער וואס זיי האבן ארויסגעשטעלט אויף סאציאלע מידיע האבן געצייגט 7 באדי בעגס.

די צה"ל האט אבער קלארגעשטעלט אז זיי האבן נישט אויסגעפירט קיינע אטאקעס אין יענע געגנט אין יענע שעות. ראקעט דעטעקטאר סיסטעמען האבן אויפגעכאפט א ראקעט ארויספליען און דאן אויפרייסן אינעם קעמפ.

[אידישליך]

סענאט האט דורכגעפירט די $340 ביליאן "אינפלאציע רעדוקציע" אקט.

די סענאט איז געווען צוטיילט פונקטליך 50-50, און וויצע-פרעזידענט קאמאלא העריס, האט געגעבן דעם דעצידירנדע שטימע.

[אידישליך]

פרעזידענט ביידען האט פארלאזט די ווייסע הויז צו זיין דעלאווער היים, צום ערשטן מאל זינט ער האט באקומען קאוויד, נאך וואס ער האט ווידער געטעסט צוויי מאל נעגאטיוו.

[אידישליך]

טעקסאס גאווערנער גרעג עבבאט האט פרייטאג געמאלדן אז זיי האבן געשיקט די ערשטע באס מיט ארום 50 אימיגראנטן קיין ניו יארק.

[אידישליך]

מאדערנע זאגט אז זיי קוקן אריין אין די מעגליכקייט פון מאכן א וואקסין פאר די מאנקיפאקס ווירוס מיט די mRNA טעכנעלאגיע וועלכע איז גענוצט געווארן אין זייער וואקסין פאר קאוויד.

[אידישליך]

א 29 יעריגער באנק עקזעקיוטיוו פון לאס אנדזשעלעס איז אידענטיפיצירט געווארן אלס דער 3'טער מענטש וועלכע איז אומגעקומען פון די בליץ אין לאפאיעט סקווער.

א פערטע פערזאן איז האספיטאליזירט אין א קריטישע צושטאנד.